hanq doxbyag
mij hawj gaeq haen gaeq goj haen,
mij hawj daengngoenz hwnj goj hwnj
gaeq haen sam gau beix saem in,
mbwn rongh ma daengz beix sim linj.
ruriep douh gwnz faex mij mbin,
ndaundeiq haeuj fwj fwj mij sanq,
ngoenzcog haet caeux raeuz doxbyag,
naemj daengz doxbyag sim saej gat(goenq)
raemx doek roengz dat nanz dauqma,
iet fwngz gaem rumz gaem mij maenh,
song raeuz mamuengh ma doxraen,
ngam mbat doxraen youh doxbyag,
song raeuz hanq hanq sik doxbyag.
haemz hwnz dinjdinj gvaq vaiq lai,
in nuengx daengxhwnz sim nyapnyungq.
yaek gatcaw dai dangqnaj nuengx ,
doxbyag yamq daengz diuz hon(roen) neix,
hawj beix sim in dwg mid heh(gvej),
biek nuengx hawj beix din fwngz unq.
song mwz(fwngz) caeb mbaw sa mbouj hwnj,
byag nuengx gwn raemx ndwnj mbouj roengz,
haethaemh gwn haeux gyaux raemxda .
song raeuz ngoenzneix doxbyag hoj,
mwhlawz baelaeng hoih doxraen?
发表于 2009-7-4 11:57:00
QQ空间
腾讯微博
腾讯朋友
微信
转播
淘帖
分享
收藏
支持
反对
