僚人家园

标题: [原创]Mbanjcuengh Gyaeu(壮乡美) [打印本页]

作者: 特田栏钟 时间: 2004-12-19 17:50
标题: [原创]Mbanjcuengh Gyaeu(壮乡美)

1) Mbanjcuengh raeuz ,

Gangj gij gyaeu fouz beij ,

Gveiqlinz sanhsuij gyap dien'yah,

Bwzhaij Yinzdanh gyap Cunghvaz,

Manva lij daihngeih.

2) Mbanjcuengh gyaeu,

Mbouj dwg raeuz gag haenh,

Seiqgeiq bya heu va mbouj caenh,

Sikseiq faex raemh mak cungj baenz,

Byawz mbouj haenh mbanjcuengh.

3) Haenh mbanjcuengh,

Hanz geq cungj mbouj caez,

Bya heu raemx saw dieg caen ndei,

Bouxlawz daeuj cet sim mbouj maez,

Ceiq gyaez raeuz mbanjcuengh.

4) Gyaez mbanjcuengh,

Raeuz beixnuengx diuz sim,

Roengzrengz ganq de namh bienq gim,

Gvangjsih mwnqlawz mbouj Gveiqlinz,

Cibcingz raeuz mbanjcuengh.

------ Daegdenz Ranzcung

[此贴子已经被作者于2005-1-19 13:43:11编辑过]

作者: lannie1013 时间: 2004-12-19 18:02
sej ndaej ndei ha, sej ok vah ndaw sim beixnuengx bouxcuengh raeuz, sej ok ngamjnyauz(美丽娇媚) mbanjcuengh raeuz.

作者: 特田栏钟 时间: 2004-12-19 18:03
Ngoenzneix baez daih'it dawz gij cozbinj sawcuengh swhgeij nem okdaeuj, roxnginh naj caen hwngq, caemh mbouj rox ngamj mbouj ngamj, caenh muengh gyoengq beixnuengx doih sou lailai son'yinx cijndaej bw!!!

作者: 特田栏钟 时间: 2004-12-19 18:09
Docih Lannie1013 beixnuengx, mwngz haenh gvaq mauh lo.

作者: AAAAyingj 时间: 2004-12-19 23:56

Ciep Daegdienz ranzcung :

Vunzcuengh Ngawz

1) Vunzcuengh ngawz ,

Bouxboux ngawz fouz beij ,

Sawcuengh geij lai dwg siencin ,

Doi hengz geij cib bi mbouj hwnj ,

Mbwn guh naeuz vunz guh ?

2 ) Vunzcuengh guh ,

Vunzcuengh guh saeh ngawz ,

Hong saeh Sawcuengh ngaiz hamh caeh !

Vunzcuengh guh maz mbouj baenz saeh !

Sim geij lai naixniek !

3 ) Damq Vunzcuengh ,

Mbouj dwg seng ok ngawz ,

Aen vih Vunzgun apnaenx raeuz ,

Gvaeg raeuz dwk raeuz youh haep raeuz,

Raeuz mbouj ndaej guh cawj !

4 ) Muengh Vunzcuengh ,

Bouxboux yungh Sawcuengh ,

Caux ok Vunzcuengh dien hah raeuz ,

Cauxok Vunzcuengh Guekgya raeuz !

Hawj vunzraeuz angqyangx !

Gou ceiq ngawz !

Hag sawq guh fwen doiq,

Cih saw boiq mbouj rouz mbouj led ,

Au mwngz yawj houh daez yigen !

Gou sien neix docih !

A.Cauyingj .Vangz

2004.12. 20.

作者: 特田栏钟 时间: 2004-12-20 14:36

Gangj guh fwen hwnjdaeuj ,

Gou mbouj rox geij lai ;

Muengh faenhsou bouxgvai ,

Lai son'yinx cij ndaej .

作者: Duhhenj 时间: 2004-12-20 20:10
Aying,mwngz baenzneix gangj vah mbouj ndei geijlai ba?

作者: AAAAyingj 时间: 2004-12-20 22:33

Gangj guh fwen hwnj daeuj ,

Boux gyaeuj dwg cej sam,

Raeuz seiz neix dox damz,

Ngamq rox doiq song coenz .

作者: Duhhenj 时间: 2004-12-20 22:50
hehe,mbouj dwg naeuz mwngz guh fwen guh mbouj ndei,dwg naeuz mwngz gaej gangj Vunzgun yienghlawz yienghlawz baenzlai,ndaej lwi?

作者: 特田栏钟 时间: 2004-12-20 23:10

Gangj guh fwen hwnjdaeuj ,

Baengzyoux dwg Cejsam ;

Raeuz seizneix doxdamz ,

Mwngz han gou cix haemq .

作者: AAAAyingj 时间: 2004-12-21 12:17

Gangj guh fwen hwnj daeuj,

Beij mbouj gvaq Cejsam ,

Mbouj lau Vunzgun hamh ;

Fwen gamj ndaq Caizcawj !

作者: 特田栏钟 时间: 2004-12-21 18:14

Gangj guh fwen hwnjdaeuj ,

Baengzyoux dangq Cejsam ;

Gou yawj daengx ndaw ranz ,

Suenq doengzban leixhaih .

作者: 特田栏钟 时间: 2005-1-2 13:11

Ayingj beixnuengx mwngz ,

Daeuj doiqfwen luvei ;

Faenhgou gag youq neix ,

Caen aeuqheiq ndaej lai .

作者: 白糖 时间: 2005-1-2 22:15
不要老用壮语喂，看不懂啊

作者: Duhhenj 时间: 2005-1-2 22:24
晕倒，难道没看到这里是“僚文平台”吗？

作者: 特田栏钟 时间: 2005-1-2 22:52
白糖贝侬，不懂你就学，放假后我等你们．

作者: Stoneman 时间: 2005-1-6 09:52

Gou mbouj rox sij go, hoeng, gou gyaez yawj go doeg go, ciq yawj go doeg go daeuj hag Sawcuengh.

Daegdenz caeuq Ayingj beixnuengx caiq daeuj ok geij got go vei.

[此贴子已经被作者于2005-1-6 10:51:11编辑过]

作者: Stoneman 时间: 2005-1-6 10:58

"Daegdenz caeuq Ayingj beixnuengx caiq daeuj ok geij got go vei" wngdwg:

"Daegdenz caeuq Ayingj beixnuengx caiq nem geij hot go okdaeuj hawj raeuz yawj vei"

Mbouj rox vihmaz gou mbouj bien cih ndaej.

作者: 特田栏钟 时间: 2005-1-6 19:33
Stoneman beixnuengx, Ayingj beixnuengx mbouj raen oknaj, gag gou guh mbouj yinxdaeuz bw !

作者: AAAAAyingj 时间: 2005-1-12 09:06

Gangj guh fwen hwnj daeuj ,

Gou mbouj rox geij lai ;

Guh fwen doiq vunz gvai !

Guh saw vaiq deuz dag !

作者: 特田栏钟 时间: 2005-1-12 12:02

Mbouj rox caez mbouj rox ,

Caez doxbang doxson ;

Faex siuq de cij gon ,

Vunz mbouj son mbouj rox .

作者: 特田栏钟 时间: 2005-1-13 12:19

Caemh dangq vaiz doxseu , ----- 就象斗牛一样，

Duz deuz duz cix boenq ; ----- 一头跑另一头就追；

Caenh raen vaiz goed goenq , ----- （世上）只见牛顶树蔸，

Byawz raen goenq goed vaiz . ----- 哪见过树蔸顶牛。

作者: AAAAAyingj 时间: 2005-1-13 20:17

Gangj guh fwen hwnj daeuj,

Vunzraeuz gvai fouz beij ;

Haenh bya raemx cihgeij ,

Beiz byoenx bak ok coenz .

Dieg cuengh mbouj dwg cuengh

Dah bya coh mbouj miz ,

Coj goeng yienz an miz

mbouj miz saw geiq hauh ,

Dieg bya hoengq vatvat

Raemx dah gat mbouj lae,

Sawcuengh guh mbouj bae ,

Bouxboux da lae lwed ,

Gwnz bya sawgun hauh ,

Diuz loh hauh sawgun,

Bak dou diep sawgun,

Hawj vunzcuengh baenzguh ?

作者: 特田栏钟 时间: 2005-1-14 12:19

1)Guh lwglan Bouxcuengh ,

Baenzbaenz cungj dwgrengz ;

Miz gienz mbouj rox ceng ,

Hauq ngaiz deng vunz guenj .

2) Dangq sam goeng huzsiengh ,

Boux siengj doeng siengj sae ;

Beixnuengx sim mbouj caez ,

Dangq naeyou ndaw dah .

作者: AAAAAyingj 时间: 2005-1-14 16:00

Dwg rengz couh dwgrengz,

Dwg rengz guh mbouj hwnj ;

Vunzcuengh gen buh dinj ,

Loh genz hoenx bouxlawz ?

Vunzgyoengq sim mbouj caez ,

Guh saeh mbouj baenz saeh ,

Hong Sawcuengh daih saeh ,

Baenz lawz caez sim hwng ?

作者: AAAAAyingj 时间: 2005-1-14 16:03
genz ----gienz

作者: 特田栏钟 时间: 2005-1-14 19:14

1) Byaij diuz gwnz cix cah ,

Gvaq diuz laj cix oen ;

Ra roen mbouj raen roen ,

Vanh saethoenz rixrix .

2) Gou dwg boux vunz saeq ,

Dungxsaej feuh fouz caiz ;

Caenh muengh gyoengq vunzlai ,

Doengzcaez baiz cawjeiq .

作者: AAAAAyingj 时间: 2005-1-14 20:32

1 Vunz lai fwngz hix lai ,

Dumq saejvaiz mbouj cug;

Boux fug boux mbouj fug ,

Caenh buek ceng gvaq ngoenz .

2 Caen saed guh hwnj daeuj ,

Aeu boux gyaeuj guh yinx ;

Daengxgyoengq vunzcuengh ringx,

Caez dox ying hoenxdwk !

3 Boux gonq laemx roengz bae ,

Boux laeng bae gaen dwk ,

Laebdaeb dox dam dwk ,

Giet ndaetdwt bae gung .

4 Yaek guh couh guh hung ,

Lienz dam gung mbouj dingz ;

Guh couh guh daengz hingz ,

Byawz dingz byawz sat mingh .

作者: 特田栏钟 时间: 2005-1-15 11:50

Lumj faenhmwngz beixnuengx ,

Geijlai cungj yiem noix ;

Hojsik raeuz mij doih ,

Caen doeknaiq lo sou .

作者: AAAAAyingj 时间: 2005-1-15 12:55

1 Gangj gungdwk hwnj daeuj ,

Bouxgyaeuj dwg Guekcing ;

Vunzcuengh bouboux ringx ,

Dox yingfwngz gung dwk .

2 Veiz Guekcing ingyungz ,

Yinx raeuz yungh Sawcuengh ;

Miz cihsiz miz muengh ,

Bouxcuengh cij fatdad .

3 Seiz neix Bouxcuengh raeuz ,

Bougyaeuj ngaiz vunz gvaeg ,

Vunzgun de guh caeg ,

Gaep caeg gienz cuengh raeuz !

4 Bouxcuengh gienz gag guenj ,

Ngaiz Vunzgun naenx dawz ;

Vunzcuengh yaek guh cawj ,

Cawqcawq ngaiz hamhceih !

5 Vunzcuengh a Vunzcuengh ,

Maqmuengh youq giz lawz ?

Gienz gag guenj gag dawz ,

Cij yawzbienh fatdad !

作者: 特田栏钟 时间: 2005-1-15 21:28

Laj mbwn cien'fanh loh ,

Miz diuz soh diuz ngaeu ;

Cawjeiq raeuz gag aeu ,

Gag caeuzmaeuz gag byaij .

作者: AAAAAyingj 时间: 2005-1-16 10:55

Cien fanh Vunzcuengh raeuz ,

Caeuzmaeuz diuz loh lawz ?

Hawj Vunz raeuz mbouj ngawz ,

Hwng Sawcuengh fouq ak !

作者: 特田栏钟 时间: 2005-1-16 12:37

Youqgaenj dwg Vahcuengh ,

Caeuq Sawcuengh song diuz ;

Caemh dangq ndaek diuzgiuz ,

Giuz doemq Raeuz caemh sat !!!

作者: AAAAAyingj 时间: 2005-1-17 10:11

Vah cuengh caeuq Sawcuengh ,

Cungj dwg caizbauj raeuz ,

Vunzcuengh guh caeuzmaeuz ,

Baengh Saw raeuz geiq veh .

Aeu saw raeuz caeuzmaeuz ,

Aeu sawraeuz geiq veh ;

Aeu sawraeuz guh ceh ,

Cienz cungj ceh cuengh raeuz .

作者: 特田栏钟 时间: 2005-1-17 12:14

Beixnuengx gangj ndaej deng ,

Mbouj ceng saek hauzleiz ;

Baenzlawz guh ndaej bae ,

Raeuz caezgya daeuj vanh .

作者: AAAAAyingj 时间: 2005-1-18 11:13

Aeu hawj Vunzcuengh rox ,

Vah coj mbouj ndaej lumz ,

Raeuz guh gijmaz vunz ,

Cuengh vwnzva aeu hag !

Fanj cungjcuz gizci ,

Bouxboux miz swzyin ;

Bouxgyaeuj aeu guh yinx ,

Caez dingx vunzgun hangz !

Sawcuengh mbouj hab gek ,

作者: AAAAAyingj 时间: 2005-1-18 11:19

[Sawcuengh mbouj hab gek ] dwg daj loeng hwnj bae lo !

作者: 特田栏钟 时间: 2005-1-18 13:20

Beixnuengx gangj ndaej deng ,

Mbouj ceng saek hauzleiz ;

Raeuz beixnuengx doengzcaez ,

Itheij bae cengdued.

作者: AAAAAyingj 时间: 2005-1-19 12:39

Dued aeu gienz gag guenj !

Dued aeu Cuengh sawj gienz !

Duedh aeu gienz veh cienz !

Dued aeu gienz guenj cienz !

作者: 特田栏钟 时间: 2005-1-19 14:18

Fawz raez gen'buh dinj ,

Yienh haeb linx rai maez ;

Eiqhoz yienzcaemh ndei ,

Lau guh mbaej daengz bwh !

作者: AAAAAyingj 时间: 2005-1-20 10:33

1 Guh mbouj daengz geij you

Vunzcuengh mbouj gag raeuz ,

Doxgiet bae gung saeux ,

Bya cax aeu dwk roengz !

2 You dwg vunzraeuz yeiz ,

Dued ndaej gienz lumz Cuengh ,

Mizgienz luenh sawj yungh ,

Mbouj vih Cuengh raeuz maeuz !

作者: 特田栏钟 时间: 2005-1-20 21:43
Beixnuengx, caen doeknaiq hw !!!

作者: AAAAAyingj 时间: 2005-1-21 11:18

Beixnuengx ha beixnuengx

Naixnwek vuengj guh vunz ,

Uk mbouj cing vunz ngvunh ,

Sim daeknaiq vunz bomz !

Gou fat bien saw ndeu hawj mwngz yawjyawj ,bien haenx gou youq bi gvaq

fat gvaq lu !

Coih fuk Gvangjsih Sawcuengh Yozyao Conhyez Sonhag Sawcuengh vahcuengh gij nengzlig !

Dauqfukboiz Gvangjsih Sawcuengh Yozyauq Conhyez Sonhag Sawcuengh Vahcuengh Gij Nengzlig !

[Gvangjsih Sawcuengh yozyau ] daj ngoenz guhbaenz Bouxcuengh raeuz doihengz Sawcuengh Vahcuengh aen gih diq haenx henj ,itcig dwg vunz Hanqcuz yaek muedgaj aen muzbyiuh . Gyoengq de leih yungh mouzdued ndaej gij genz Gih Dangjveij ,gungjciq ndaej gij genz Gih Yinzminz cwngqfuj le, couh baij Vunzgun bae doiq Bouxcuengh gak hangz gak yieb saedhengz gungjciq, Leih yungh gij vwnzvaq gyoengq de gungdwk Bouxcuengh ganqbuq, baizcawz Bouxcuengh ganqbuq, Sawj Boux hag Sawcuengh gij cihsiz youq dieg cuengh mbouj miz lengq sawj yungh .Doengzseiz Bouxgun leih yungh doihengz Hanq vwnzvaq cihsiz , youq ndaw Gvangjsih Sawcuengh yozyauq sonhag sawgun , caiq sonhag vah Bujdungh ,yiengh neix Sawgun cihsiz caeuq vah Bujdungh couh caenx ndaej aen veiqceq sonhhag Sawcuengh Vahcuengh ,lingh vaih Bouxgun doiq Bouxcuengh hag Sawgun bizyez haenx guh di ciuqgoq,caux baenz gij yiengh hag Sawgun beij hag Sawcuengh ndei ,hoenx dwk Bouxcuengh hag Sawcuengh gij angqheiq , Sawj Sawcuengh son hag souhdaengz mbok gyaeuj ,[ Gvangjsih Sawcuengh yozyauq ] conhyez sonhag Sawcuengh Vahcuengh gij gunghnengz couh ngaiz yienghhaenx dwk vaih !

Vunz Bouxcuengh vih maz ngaiz roxnginh hag Sawcuengh mbouj miz yungh couh dwg yiengh neix ok daeuj lo !

Aen vih Bouxcuengh raeuz gij ginghsiq caeuq cih Sawcuengh mbouj miz daepnem,gij sanjbinj Bouxcuengh mbouj ndaej nem cih sawcuengh it heij bae doisiu, yiengh neix couh cauxbaenz cih sawcuengh,gij sanjbinj Bouxcuengh doengzcaez mbouj dij cienz, cih Sawcuengh vunz raeuz couh mbouj haengj hag, gij doxgaiq Bouxcuengh aen vih mbouj hamz miz gohgiq vwnzvaq gyaciz, yiengh haenx baij henj gai, vunz couh yawj mbouj henj gij de, swhyienz couh mbouj dij cienz lo, gij sanjbinj Bouxcuengh ngoenz ciemh ngoenz lak, vunz cuengh couh ngoenz ciemh ngoenz gungz .Hong cuengh couh ngoenz ciemh ngoenz mbouj dij cienz !

Bouxcuengh bouxdaeuz raeuz aeu dawz guh ok gij Sawcuengh caeuq sanjbinj giet hab itheij bae siu cik hongsaeh ,guh baenz yiengh fatcienq Bouxcuengh Gvangjsih ginghsiq hangh hong naek ndeu ma guh,dawz gij sanjbinj Bouxcuengh daez henj it aen dangjveiq, sien dawz ok vaihguek gai,caiq dawz bae dieg gun gai ,vunz couh yawj ndaej henj gij sanj binh raeuz ,aen vih seiqgyaiq doiq saw lahdingh sanjbinj dwg doxbang siu cawx,cij aeu gij sanjbinj miz yungh !ndei yawj ! ndei sawj !couh miz vunz cawx yungh gij de ! yiengh haenx guh, Bouxcuengh couh ndaej guh ngoenz beij ngoenz fouq !

Sanjbinj caeuq vwnz vaq giethab, sanjbinj dij cienz ,cih Sawcuengh vwnzvaq hix dij cienz, minzcuz Bouxcuengh hix ndaej hwng vuengh ! Danh saeh Bouxcuengh aeu cuyiq guh laeb Bouxcuengh [ Baujhoh cujsiz gihgouq] ,baujhoh gij cwngzgoj Bouxcuengh mbouj ngaiz vunz duedciengj !

A.Cauyingj.Vangz

作者: 特田栏钟 时间: 2005-1-21 13:19

欢迎光临僚人家园 (http://bbs.rauz.net.cn/)