僚人家园

标题: [原创]Mwh Haenx Hag Sawcuengh [打印本页]

作者: Ayingj 时间: 2004-9-6 11:58
标题: [原创]Mwh Haenx Hag Sawcuengh

沙南曼森 bien [Dauq yawjhag Sawcuengh] hawj gou siengj daengz doengh baez mwh hag Sawcuengh haenx , mbouj ndaeuj mbouj sij ok daeuj :

Bi 1982 ,gou youq ndaw mbanj it mienh guh Youzca dok youz itmienh guh siujyoz Lauxsae, song faenh hong hawj gou guh dwk yungjfoed , caiq gya ndaw ranz guh Ngauzlouj , gyadingz ginghsiq guh ndaej bae foedfoed ! Dang seiz gou dingq nyi naeuz ndaw yienh hai Sawcuengh doihengz son hag, gij hong haenx gou doi caez sat, gyau 50 maenz le couh hag liux song ndwen Sawcuengh . Youq ndaw ban, gou raen gyoengq yozyen fat cienz faen cienz,gou caen geiz heih , cam gyoengq de dwg gij maz cienz ? Gyoengq de naeuz gou nyi :Gyoengq de dwg ndaw yangh baiq daeuj hag Sawcuengh,hag sat guh Bujdauj yenz, gij cienz haenx dwg cienz hong boujdiep . Gou dang seiz rox gyoengq de hag Sawcuengh lij ndaej cienz, gou hag Sawcuengh aeu gyau cienz ,Caek laiq gou dang seiz mbouj dwg gungz,mbouj ne caen dwg yaek daej yaek riu lo ! Hoeng , gou dingq goeng Yaucangj youq naj daengxgyoengq yozyenz rongx naeuz : Gyoengq yozyenz raeuz aeu roengzrengz hag ha, Sawcuengh it dingh miz muengh! Doengh gyoengq lauxbanj lij ok cienz daeuj hag Sawcuengh, sou miz gijmaz lijyouz mbouj roengz rengz hag ne ? haha ,Gou dangseiz Sim lij diemz subsub !

作者: 特田栏钟 时间: 2004-12-20 22:16

Ok ngaenz hag Sawcuengh ,

Beixnuengx singjsaenz ndei ;

Muengh ngoenzlaeng doxbae ,

Raeuz caez dox bangcoh .

Ayingj beixnuengx, gou boiqfug mwngz !!!

作者: Stoneman 时间: 2004-12-21 04:35
Danghnaeuz Bouxcuengh raeuz bouxboux cungj lumj Aying Beixnuengx nei roengrengz bae hag bae yungh Sawcuengh couh ndei lo!!!

作者: 特田栏钟 时间: 2004-12-25 19:43
Dwg ha, danghnaeuz Bouxcuengh raeuz bouxboux cungj lumj Ayingj beixnuengx nei, yienghneix Bouxcuengh raeuz couh miz muengh lo.

欢迎光临僚人家园 (http://bbs.rauz.net.cn/)