僚人家园

标题: 嘻游记 [打印本页]

作者: mc--阿亮 时间: 2014-6-15 23:01
标题: 嘻游记
                                                                                       一。石猴出世

                                                                           Idt: buez lingz oh beangz.
(Haaus nauz, qyus beangz "dungy yinf"lix ndag rinl ngeal ndeeul, lixwenz nauz deel deg "tiany xianf" wenz ndaaulndih ndoil. yah lixwenz nauz deel deg rinl jianqdief.  lix ngonzndeeul a ndag rinl nix bum dee xonz ndeeul, xic lix duezlingz oh gvas ndaelrinl dauc. Gaais nix oh dauc xic nyadt jazxiz a. ningl dangz bausweangz genzmbenl roxnyiel bai la bar. )
bausweangz genzmbenl:  kao,  hoongz hingl laaux dangcnix mizlaaul buxenh rieznugt a, hoahsul bail gauc haec gul, beangz duezwenz oh gismaz sians bai.
   bux rieznyadt:baaus, wois roxnyiel hoongz "bum" dee xonz ndeeul.
Bauweangz genzmbenl: aaisnix leeuxboaz dah roxnyiel ha, mengz nauz gaaisndoil banz mizbanz.
Brieznyadt: miz lix bai.
Bauxweangz genzmbenl: macxih xaaml mengz nduml heenz nee,  en, en, nduml jiezdeeh la, bi(bidt naaiz xus). bux dalnyadt, mengz bail ximl maab ndeeul, gauc deg gismaz sians.
bux dalnyadt: baaus, wois gauc ranl lacmbenl lix ndagrinl ndeeul oh duez lingz ndeeul bauc la boe.
bausweangz genzmbenl: kao, xaaml mengz nauz xonzhaaus ndilriz ndeeul banz miz banz? xeznix lix jongs nyeez gauc jefmuf rauz laail jazxiz ha, mengz nauz yianghhaaus nix mizrox haec jiclaail jongsnyeez banz qvax riangzlangl ha.
  baus xaauxroongz gig "taoq"(太上老君）：Weangz ha, gis siansnix aul koyxiof dauc nauz deg lixneeh qyahrins, mizgvonc  gvas haaus duezrianl daucnauz xic rangz jazxiz.
bausweangz genzmbenl: kao, haaus duezrianl xic qyah ha? gul nauz sangf oaf deg meeh mengz banz miz banz ha? nyahlaez jalwaangh ndaangl gaus bilnianz jees xic luanh gaangc ndaix, mengz banz dangcnix gul dah mizlixnac nauz gul deg baussail menz ha.
baus xaauxroongz gig "taoq":  mengz nyah ndah wenz ha.
bausweangz genzmbenl: gul miz ndah wenz, gul deg ndah mal jees.
baus xaauxroongz gig "taoq": o, gul las mengz.( ngaixndah bas oah liab.)
bux dalnyadt: weanz, gisnix deg jaaix boe.
  bausweangz genzmbenl: deg jaaix? mah gul xic hac nauz weagz duezfaangz bai, lacmbenl wez riml moz leeux, "jiq huaq lixwenz"(计划生育）dac dol miz ndaix, mengz laangs haec lingz oh gvas ndaelrinl bauc, mengz laangs ndiad miz ndiad hunq bai?
weangz duezfaangz: mah gul haec deel daaus bail ndaelrinl.
Bausweangz genzmbenl: kao, oh dauc ies laangs daaus bail ndaeldungx ndaix? ies bai, gul neh deel yah mizlix gismaz reengz ndangh.  Dauc, jongs bixnuangx, gissuz xuangs xeenz, dangx, dangx, gul siqmoy bai. ngaez bauc.
                                                               NGIH: DUEZLINGZ BAIL XAANGL FAAB
Duezlingz A: wa, mengz gauc, gaais ramx juanghxagt nix ndil ximl jazxiz.
Duezlingz B: deg lo, lngz lix guehxez jiuq deg mizlix gaaisleeh, xih lumc maixsaaul gul.......
Duezlingz A: maixsaaul gaais meeh mengz dee, gul deg nauz rauz banl juanghndoonx bail ndael dee.
Duezlingz B: ndoonx bail ndael gaamc baaihlangl ramx juanghxagt ? mengz banz bah bai ba? mengz mizlaaul daail ha?
  Lingzrinl: kao, soongl buxsul qyus gisnix nauz gaaismaz ma?
Duez lingzA:kao,hoahdul dungxndiad nauz, buxlaez ndoonx bail ndal gaamc baaihlangl ramx juanghxagt dee ndaix, xih haec deel gueh baussail, mengz gaamc miz ma?
Lingzrinl:kao, gul deg buxlaez ma?mizgvonc mengz haec gul bail gul xic bail, dangcnix haec gul mizlixdalnac jazxiz ha. yac banz, gul xih bail haec mengz ximl.
(Gahranl "fiu"dee xonzndeeul, duez lingzrinl xic mbinl baildangz ndael gaamc bai)
  Duez lingz A Duez lingz B:wa, deel nyadt jaaix, bail, rauz bail qyoax deel.
Lingzrinl: kao, baihgismaz ma?gaamc dauc riangzlangl miz ha?
("fiu"dee xonzndeeul, soongl duezlingz A B nix yac mbinl dangz ndaelgaamc bai)
Duez lingz A Lingz B: wa, ndaelnix nams jazxiz, gvas jinx bail genz, ndaelgaamc nix xic deg raanz rauz bai.
Lingzrinl: dngclaez yangz? gaais haaus has banh sul nauz dee laangs suans sos miz?
Duez lingz A: suans, haec mengz gueh baussail la.
  Lingzrinl: ok, ha ha, gueh baussail xic miz lumc xez ens jaaix ha.
            (Qyus xeznx, lix duez lingzjees ndeeul daail bai, laanl deel daic)
  Lingznis: 555555555555555555555555555.
Lingzrinl: heng? xoixnyeez, mengz daic gismaz ha?
  Lingznis: 55555, baus gul daail bai,5555.
Lingzrinl: heng? woiq gaaismaz xic daail ha?
  Lingznis: lingz jees bai xic daail, byaez yac ndiex miz ndaix ha.
Lingzrinl: kao, gul yac ndiex miz gvas ma?
  Duez lingz A: kao, mengz jaanglwangh mengz deg byaez ha, baussail duezlingz ndoil, gahlix jongs duezsianl dee xaux miz daail ha.
Lingzrinl: oa, mah aul dangclaez gueh xaux banz duezsianl mu?
  Duez lingz A: haaus nauz qyus bengz "dungy senq"lix baus sianl ndeeul xaangh faab jazxiz, gul gauc mengz mizxic bail ringz deel hag jic fengz faab ndeeul. ngonzlangl xaux ndil dez hoahdul haaix lacmbenl ha.
  Lingzrinl: jongs legsail, xvaangl ramx xvangl haux haec gul, gul hac bail hag faab.
生词：Bausweangz genzmbenl: 玉皇大帝。 baus xaauxroongz gig "taoq"：太上老君。 Bux rieznyadt: 顺风耳。 Bux dalnyadt:千里眼。 Lingzrinl:石猴（就是后来的孙悟空）Jaanglwaangh:以为。小弟就先写到此了。目的是想让学僚语文的人能在轻松、快乐的环境中学习。

作者: 勒丁布壮 时间: 2014-6-16 14:25