僚人家园

标题: 小学生壮作文《Seiqgyaiq Duznon》 [打印本页]
作者: 河谷幽兰    时间: 2014-3-12 17:59
标题: 小学生壮作文《Seiqgyaiq Duznon》
本帖最后由 土人香草 于 2014-3-12 21:42 编辑

Seiqgyaiq Duznon
虫子的世界
武鸣县仙湖镇中桥小学六（1）班 潘洪宇
Ngoenzneix, gou youq ndaw doenghnaz ginglig baez geizheih ndeu, gou gingqyienz lumz swhgeij lo.
Gou ninz youq gwnz fiengz ndaw doenghnaz, sawqmwh miz duz doenghduz iq ndeu diuq hwnj gwnz naj gou daeuj, gou bala naengh hwnjdaeuj, yawjraen duz daekgaeuj ndeu saet deuz. Gou ganjvaiq gyaep bae riengz.
Gaen le geij faen cung, raeuz daeuj daengz aen “ndoengfaex”ndeu, gizneix dwg benq ganjfiengz ndeu, duz daekgaeuj neix youq ndaw de diuq bae diuq dauq. Gou guj, mbaw nywj dwg ganj diuqgyae de, nywjrum dwg fan demh ancienz de. Aen yindungcang youh an’oij youh swhyienz yienghneix, gou guj cij miz duznon ra ndaej raen.
Gvaq yaephe, duz daekgaeuj youh saet bae naj. Gou caeuq de byaij gvaq haujlai diuz gai, dauqdaej daeuj daengz aen “ndoengfaex” engq hung lo. Va, neix itdingh dwg aen seiqgyaiq doenghduz lo. Gizneix miz haujlai non: Miz duzmoed lumj naed haeuxsan nei; miz duzmbaj lumj duj va nei; miz duzbiengzbeih lumj feihgih nei……Gou yawj ha yawj ha, sawqmwh duz coengmax ndeu byaij gvaqdaeuj, gou siengj: Duz coengmax wnggai dwg gungh- gyauhceh gyoengqde ba. Cijraen duz coengmax aj bak geij baez, lumj naeuz:“Sou ndei, sou siengj bae gizlawz, gou daiq sou bae!”
“Vwng vwng vwng, vwng vwng vwng……”Neix dwg bouxlawz? Gou baez yawj baihlaeng, o, yenzlaiz dwg bang rwi ndeu, gyoengqde bek doiq fwed mbang, lumj gingjcaz ityiengh hai cizswnghgih cunz gyangmbwn, gij singyaem“vwng vwng vwng”haenx lumj yinhyoz nei, hawj gou dingq le hix siengj diuqfoux hwnjdaeuj, gou bienqbaenz duz non ndeu.
Seizneix, gou da yawj baihgvaz“ndoengfaex”, gou yawjraen bang vunzguhhong ndeu cingq buen doxgaiq gwn, gij doxgaiq gwn haenx beij aen ndang swhgeij hung geij cib boix. Gyoengqde baengh coengmingz cihgeij buen ndaek doxgaiq neix, caen hungmbwk lo! Gou mbouj ndaej youq henz yawj ndwi, aeu bang gyoengqde mbat ndeu. Yienghneix, gou iet fwngz okbae. Siengj mbouj daengz, fwngz ngamq iet, gou sikhaek singj lo, yenzlaiz gou mbouj dwg doenghduz.
Ma daengz ranz, gou lij ngeixdauq gij saeh mizyinx neix, ndaw sim cungmuenx geizheih. Gou itdingh roengzrengz doeg saw, damqcaz aumiz doenghduz.
（指导老师：潘文清）来源《广西民族报》壮文版http://www.gxmzb.net/szbzw/html/2014-03/12/content_7475.htm

作者: 土人香草    时间: 2014-3-12 18:42
laiz ndaej ndae bwr
作者: Maenhak    时间: 2014-3-12 19:38

    Diegcuengh daengx biengz aeu caez sim dox haeuj  hen hoh gyoengq Sawcuengh vunz caiz raeuz ,maj hung caeu  coeng mingz , mbouj hawj gyoengq de bae caeuq vunz gun it heij camh gya gauh gauj cij ndaej cam gya diegcuengh se veiq gak hangh hong loh  !Hag sawcuengh aeu gouz couh dwg gag guh gag ak gag laeb !

     Aeu guh daengz yiengh neix ,raeuz youq son hag sawcungh ndaw de ,couh aeu son hawj gyoengq hag seng  sawj sawcuengh  guh veh bonj faen  Caet  ngoenz  hong  saeh ,veh ngvanh ,daengx ndwen  hong  saeh ,guh veh guh ngvanh   daengx bi hong saeh  , hawj hag seng dawz bonj faenh vehngvanh  caeuq saed hengz  guh gyau hawj laux sae bae coih gaij !   mbouj ndaej guh veh naek guh mbouj daengz ,yiengh neix couh bienq gik ngvanh gik guh ,aeu hawj gyoengq de veh caeuq guh guh ceiq ngamj faenh ve !  hix mbouj ndaej veh  lex  mbwq  guh !  Laux sae aeu caz rox boux youq guh veh ndaw de raeb daengz nanz saeh ,ndaej doeng gvaq g aeu uk gag ngvanh  ndaej gaij gez haenx ,aen vih ,cungj vunz neix cij dwg caen cwngq dwg vunzcuengh vunzcai ! Yiengh neix , Hawj lwg cuengh raeuz daengz hung le ,rox aeu sawcuengh bae guh veh  hong saeh bonj faenh !  guh veh hong saeh dieg cuengh ,Sawcuengh daiq hawj vunz raeuz coeng mingz couh dwg baengh diuz neix !    Cih sawcuengh ndei hag mbou sawj ,couh ndaej hawj lwg cuengh raeuz beij vunz sawj saw gun  guh nvanh ndaej vaiq caeuq ak ngvanh coeng mingz ! Hang son hag neix wng dang youq Cunghyoz rauh hag sei son ,aen vih aen uk gyoengq de sawj sawcuengh gaenq  dwg suglienh !aen uk cemh ndei ngvanh !

   Vunz gun cih saw gun son hag ndaw de dwg guh mbouj daengz bouh neix ,aen vih cih sawgun daiq  hawj vunz guh ngvanh cij dwg nanz veh ,nanz geiq youh nanz doeg !  





欢迎光临 僚人家园 (http://bbs.rauz.net.cn/) Powered by Discuz! X2.5