僚人家园

标题: Gienh Saeh Nanzlumz Ndeu [打印本页]

作者: 河谷幽兰 时间: 2013-2-5 11:28
标题: Gienh Saeh Nanzlumz Ndeu

Gienh Saeh Nanzlumz Ndeu

难忘的一件事

Dwzbauj Yen Lungzsangh Cunghsinhyau seiq nienzgaep Vangz Binhbinh

Seiz lwgnyez gou miz gienh saeh iq ndeu hawj gou gig nanz- lumz.

Sam bi gaxgonq haet ndeu, gou aemq daehsaw daeuj daengz hagdangz. Ngamq byaij haeuj gyausiz, boux doengzhag genjcaz cozyez haenx byaij gvaqdaeuj coh gou. “ Aiya, mbouj ndei! yijvwnz cozyez gou lij caengz guh liux.” Swhgeij dwg boux banh ganbu, mbouj guhsat cozyez, neix baenzlawz banh …… Yaephe, gou daengx ndang conh hanhnit. Seizneix, boux doengzhag genjcaz cozyez couh heuh gou dawz yijvwnz cozyez okdaeuj hawj de genjcaz yawj. Gou gazngwdngwd dwk naeuz:“Lumz……lumz cuengq youq ndaw ranz lo.” Boux doengzhag haenx mbouj caiq cam roengzbae.

Hwnjdangz lo, ndaw sim gou couh lumj cibhaj aen diuq doengj caet hwnj bet roengz, lienz lauxsae gangj gijmaz hix mbouj rox.

Roengzdangz lo, mbouj rox vih gijmaz, Luz lauxsae heuh gou bae bangunghsiz. Gou bienq ndaej engqgya vueng lo. Luz lauxsae cam gou: “Gou yawjraen mwngz naengh mbouj onj, miz gijmaz saeh lwi?” Lauxsae lumj yawj ok gou vih gijmaz vueng lo. Gou mboujmiz banhfap couh dawz saedsaeh gangj okdaeuj, doeklaeng, Luz lauxsae hozunq dwk naeuz, vunz bengz youq lauxsaed, lij gangj Lezningz dwk vaih aen vabingz cujdung nyinh loek aen goj neix hawj gou. Dingq gij vah lauxsae, ndaw sim gou couh lumj miz aen bingz he dwkboeg doxgaiq, soemj、 diemz、haemz、 van、manh gij feih neix caenx haeuj ndaw sim daeuj. Raemxda youq gvaengzda ringx geij baez le, swnh gemj lae roengzdaeuj.

Gienh saeh neix yienznaeuz gvaqbae sam bi lo, hoeng gij vah lauxsae seizseiz gaek youq ndawsim gou, daezsingj gou guh ndei moix gienh saeh.

（cijdauj lauxsae：Lingz Binjcoz）原载《广西民族报》壮文版2013.01.30

作者: 执行长 时间: 2013-2-5 11:38
haenj ndei 很好

作者: 土人香草 时间: 2013-2-6 08:53
这些孩子长大以后就知道学过壮文受益匪浅。

欢迎光临僚人家园 (http://bbs.rauz.net.cn/)