僚人家园

标题: Faen bya [打印本页]

作者: tengweichan 时间: 2013-1-22 18:17
标题: Faen bya
本帖最后由 tengweichan 于 2013-1-23 21:41 编辑

Hagdangz dwk daemz,youh ndaej faen bya lo,ndaw sim gou miz di angq,youh miz di lau.Angq dwg aenvih youh miz bya saensien gwn lo,youh lau mbouj nyaep ndaej duz byahung,mbat mbat cungj nyaep ndaej geij lwg bya'iq ,ma daengz ranz deng gvan gou gangj aeu ndaej geij lwg bya'iq ma singsiusiu.mbat mbat cungj da yawj boux wnq angqvauvau dwk riuj duz byahung he riugokgok ma ranz.
Ngoenz neix,daengngoenz daj baihsae okdaeuj lo.Cij raen gij bya baizlehleh youq gwnz dieg,cingq caj bouxcawj aeu gyoengqde ma ranz cawj ne.Seizneix gaenq miz geij boux lauxsae nyaep ciem lo,gou seizbienh nyaep song naed ciem,cek hai baez yawj,caen dwg lumj gip ndaej cienz yienghneix angq,mienh diuq mienh dawz mbaw ciem nem hwnj ndangbya byavanz hung bae,gou caiq cek yawj lingh mbaw ciem,hix dwg duz byalienz hung ndeu,gou riu ndaej bak cungj hup mbouj hwnjdaeuj lo.Hoeng,gou lij caengz angq ndaej sam faen cung,Veiz lauxsae fatyienh,bya lij caengz faen gaeuq,itgungh 16 boux vunz,ngamq faen miz 14 faenh lo,yienghneix youh deng faen gvaq lo,youh deng nyaep gvaq ciem lo,gou begbeg angq lo.Bouxlawz rox caj yaep he vanzlij nyaep ndaej mbouj ndaej byahung lo.Ndaej nyaep ciem lo,gou hawj gyoengq lauxsae sien nyaep,sim naemj

oxgaiq ndei caem roengz daej,gangj mbouj dingh youh.......Gou youh genj song aen ciem,cek hai aen daih'it ,ndaw sim mbouj siengj daengz nyaep ndaej byahung,couh menhmenh bae ra faenh bya gou.Caen dwg siengj mbouj daengz,mbat neix da gou cengq ndaej lumj doengzlingz,gou coengzlai mbouj gamj roq aen fangzhwnz gvaq,duz byaloz ceiq hung neix gingqyenz doek roengz gou daeuj,gou caiq cek hai aen ciem daihngeih ,engq hawj gou doeksaet lo,youh dwg duz byalienz hung he,gou hemq hwnj daeuj:"A,ngoenzneix caen caijsoq lo,haemh neix gou aeu cawx roekhabcaij cij ndaej.......

作者: 伤疤好咯 时间: 2013-1-22 20:03
hw hw!faen bya mbouj dawz caengh daeuj caengh ha?nyaep he mbouj gungbingz bw!

作者: tengweichan 时间: 2013-1-22 21:10

伤疤好咯发表于 2013-1-22 20:03
hw hw!faen bya mbouj dawz caengh daeuj caengh ha?nyaep he mbouj gungbingz bw!

Mbouj caengh,daihgaiq couh ndaej lo,duz hung dap duz iq,camh mbouj lwq de ndei mbouj ndei gwn,nyaep ndaej duz hung he couh dwg vunz vuenheij.

作者: 梦里依稀 时间: 2013-1-22 23:10
daih'it aen----aendaih'it,daihngeih aen ciem--------aen ciem daihngeih.................................

作者: tengweichan 时间: 2013-1-23 21:43
谢谢梦里依稀的纠正，但愿以后还有机会请教

欢迎光临僚人家园 (http://bbs.rauz.net.cn/)