Guh caux sawcuengh vwnzvaq vahcuengh denci gvangj boq ciet moeg
Baih naj ,diegcuengh gak dieg vunzcuengh lingjdauj hat hemq guh laeb vahcuengh denci ciet mog , gvangj boq ciet moeg ,gak dieg dendaiz caeuq gvangjboq can dauq cawq bae ra vahcuengh boq yaem caeuq bien sawcuengj vunzcaiz , gig hoj sik dwg , rox yawj sawcuengh ,rox boq sawcuengh vunzcaiz gig noix , aen vih diegcuengh vunzcuengh mbouj miz sawcuengh cunghyoz caeuq sawcuengh daih hag ,hix mbouj miz Sawcuengh vah cuengh gvangjboq hag dangz , bae giz lawz ra ndaej hab gek sij sawcuengh vunzcaiz caeuq boq vahcuengh vunzcaiz ne ? Mbouj miz cauxguh sawcuengh faenzcieng caeuq boq gangj vah cuengh vunzcaiz , ,sawcuengh vahcuengh denciq ciet moeg ,vahcuengh gvangjboq ciet moeg baenz lawz banh ndaej ndei ne ?
Diegcuengh gak dieg denciq gvangj boq aen danhveih lingj dauj vih liux guhvaiq guh sat gij yinvu ,wngfuq baih gwnz lingj dauj cazgaeb ,ngyengh hwnj vah cuengh ciet moeg ,couh dauq cawq bae laj mbanj luenh ra boux boq yaem ,ra vunz laj mbanj haux seng daeuj hawj de doq yawj sawgun faenzcieng doq aeu vah mbanj doeg ok daeuj , mbouj guenj vahcuengh boq gangj cizliengq caeuq hauh ik ,dawz cih sawgun aeu vah mbanj doeg ok daeuj couh ndaej lo ! yiengh neix gu ,miz geij diuz haih cawq :
1 : Aeu guh ndei Vahcuengh denci cietmoeg caeuq vahcuengh gvangj boq ciet moeg ,caeuh aeu gyoengq vunz rox bien caux sawcuengh faenzcieng ,rox doeg sawcuengh rox gangj vah cuengh gyoengq vunz haenx cij ndaej , dangnaeuz aeu boux mbouj rox sawcuengh bae guh vah cuengh gvangj boq ,couh caux baenz vahcuengh ciq han yaem gig lai ,vunz gun iqgen daih ,vunzgun couh ciengz seiz gungdwk vah cuengh gvangj boq ciet moeg caeuq den ciq ciet moeg ,naeuz vunzcuengh raeuz caeg sawgun vwnz vaq , vunzgun couh miz genz lig raemj aen ciet moeg raeuz !
2 : Guh vahcuengh dendaiz ciet moeg caeuq gvangj boq ciet moeg ,it dingh aeu gag raiz sij gag caux bien caux guh vahcuengh boq gangj ,yiengh neix guh ,aen minz cuz raeuz gij vwnz vaq couh cij miz cin buq , vwnz vaq raeuz cij ndaej yamq bae red red !
3 : Guh vahcuengh denciq ciet moeg caeuq vah cuengh gvangj boq ciet moeg ,mbouj ndaej aeu vah mbanj doeg sawgun ma hwnj daiz , yiengh neix guh ,couh sawj sawcuengh vwnz vaq mbouj miz cinbu ,vunzcuengh raeux hix mbouj haengj dingq ,dwk vaih vunzcuengh hag sawcxuengh ,sawj sawcuengh gij haengj heiq ,yiengh neix guh couh caux baenz baenz hag sawcuengh mbouj miz yungh lo !
4: Aeu miz gig ndei vahcuengh denciq ciet moeg caeuq vahcuengh gvangj boq ciet moeg vunz caiz ,couh aeu diegcuengh lingj dauj daih guh sawcuengh hag dangz ,guh ndei sawcuengh vahcuengh gvangj boq hag dangz ,lienh bangz vunz caiz ndeu ok daeuj ,hawj gyoengq de bae caux raiz caux sij ,hawj gyoengq de bae caux guh boq gangj ,hawj gyoengq de bae caux ok vah cuengh ndei ciet moeg ,yiengh neix cij ndaej hwng vuengh vahcuengh sawcuengh vwnz vaq !
5 : Fanj duiq gak dieg den daiz caeuq gvangj boq danhveiq guh laeb gak cungj vahcuengh doeg sawgun ciet moeg ,yiengh neix guh ,couh sawj vunzcuengh raeuz rap caeg vunzgun vwnz vaq diuz coih ,hix dwk haih vunzcuengh daj caux sawcuengh ,daj hag sawcuengh gij haengj heiq ,hawj aeu hawj vunzcuengh boux hag sawcuengh miz muengh !
6 : Gag caux sij sawcuengh ,gag caux vahcuengh ciet moeg ,gag luz boq byauh cinj vahcuengh ciet moeg dwg hwng vuengh vunzcuengh vwnz vaq diuz gig nanz hoj guh youh naj rongh diuz roen gvangqgvang langhlangh !
| 欢迎光临 僚人家园 (http://bbs.rauz.net.cn/) | Powered by Discuz! X2.5 |