[原创] Ngoenz Neix Gou Bae Gauj Sawcuengh (3) - 僚人家园

Gou haeuj gyauq siz naengh nyaep ndeu ,lauxsae doq aeu vah bujdungh hemq naeuz gauj siq lo ,fat gienq !

Gou dawz mbaw gienq daj gyaeuj daengz rieng myaengh yawj dangq ndeu , yawj daez coz vwnz dwg : [ Haeuj ceij ] , henz de youh aeu sawgun yaem dwk ,lau raeuz mbouj rox . Gou dang seiz doq rox nyinh ! Cungj daez neix caen dwg hoenx dwk vunz Vujmingz lo ,aen vih [ Haeuj ceij ] mbouj dwg vah Vujmingz ,yaek dawz aen swz neix ma bien guh faenz ciengz , doiq vunz Vujmingz ma gangj dwg gya nanzdu lo !

Mbaw gienj neix faen song bouh faenh , it daih bouh faenh dwg Sawcuengh gihcuj cihsiz dap daez , faen soq it gungh dwg 70 faen , ngeih daih bouh faenh dwg coz vwnz ,ciemq 30 faen . Saw gun gauhgauj caemh dwg yiengh neix ,dawz gihcuj cihsiz dap daez caeuq coz vwnz dox gyonj gauj , cungj gauj fap neix ,aen vih guh dap daez ciemq yungh seiz gan lai , louz hawj boux guh coz vwnz gij seiz gan gig noix . Boux boux vunz sij faenz cieng cungj rox , yaek aeu sij ndei bien faenz cieng ndeu ,gig mbouj yungz heih ,sij faenz cieng gonq couh aeu miz cuk gouq seiz gan bae ngvanh,gvanh daez cawj ,ngvanh baenz le couh caiq bae ngvanh bien faenz cieng cwngjdij aen gaq [gyagou],baenz le cij ndei an baiz gij neiqyungz , gij rieng gyaeuj ,gvanh aeu yiengh ceiq hab ngamj gij sij fap caeuq aen gi'gyauj ,baenz le cij ndaej roengz bit ! Gaujsiq guh coz vwnz caemh dwg yiengh neix , aeu an baiz seiz gan bae yawj ndei diuz daez moeg caeuq yaek ngvanh sij bien coz vwnz cwngjdij gij gyaq ,gij neiq yungz de ,gij rieng gyaeuj de , baenz le cij ndaej roengz bit . Aen vih seiz gan dinj ,yiengh neix couh bik boux gauj bienq baenz mbouj ngvanh ndaej ndei cij roengz bit sij ,daengz laeng couh bienq baenz doeng sij sae sij lo ! Dangh naeuz mbouj roengz bit , gauj siq seiz gan couh daengz lo ,sam cib faen couh mbouj miz lo ! Sawgun gauh gauj dawz gihcuj cihsiz dap daez caeuq guh coz vwnz dox gyonj gauj , dwg gauj mbouj ok yinzcaiz di ! Yiengh neix gauj fap , saed dwg mbouj gohyoz ! mbouj ndaej caen cingq yungh gauj ma faen ok boux lawz hag cih saw ndaej ndei , raiz faenz cieng ndaej ak ! Vunzcuengh Sawcuengh vwnzvaq gaujsiq it dingh mbouj ndaej bae hag Sawgun gauhgauj cungj mbouj goh yoz gauj fap neix !

Vih gij maz ? gou caiq lwnh baenz laj neix ,mbouj deng cingj gyoengq beixnuengx raeuz caiq lwnh !

Doiq guh vunz ma gangj ,[rox lai ]caeuq [ guh ak ] it yiengh dwg gig youq gaenj ,dwg gyaeb baenz bouxvunz ak song yiengh ceiq gihcuj bonj saeh , Cih saw vwnzvaq dwg soj miz gak cihsiz yozgoh ndaw de ceiq gihcuj vwnzva ,mbouj miz cih saw vwnzva ,gak yozgoh cihsiz couh ngvanh mbouj ok ,sij mbouj baenz ,guh mbouj bae !

Ciuqyiengh ,cihsaw gihcuj cizsiz caeuq guh cozvwnz mbouj ndaej dwg 70/30 faen , wng dang dwg 100/100 faen ! yienghneix ,Sawcuengh gauj siq couh aeu faen song goh gauj cij baenz ,goh ndeu caeuh dwg [Sawcuengh gihcuj cihsiz rox lai noix gauj siq] ,goh ndeu couh dwg [Raiz Sawcuengh guh faenzciengz bonj saeh ] gausiq !

Vunzcuengh raeuz daj seng ok daeuj ,daj rox gangj vah couh aeu hai nduj son hag [ Sawcuengh vahcuengh gihcuj cih siz ] ,daengz sam bi seiq bi couh aeu son hag rox raiz veh cih sawmeh yaem meh caeuq diu hauh ,yungh sing yaem diuh gyaeb raiz ok cih saw ,dawz gak cih saw gyaeb baenz mbou doengz hamz eiq coenz swz ; Haj bi ,roek bi ,couh aeu hag rox dawz gak cih swz gyaeb baenz miz ei gak aen gainiemh , rox dawz gak aen gainiemh gyaeb baenz coenz vah gyaeu ; Daengz caet bi bet bi ,couh aeu hai nduj raiz faenz cieng lo ! Vunz raeuz hag rox cihsaw vwnz vaq gij gihcuj cih siz ndaej vaiq ,rox raiz sawcuengh faenz cieng ndaej vaiq , couh ndaej gya vaiq vunzraeuz daj cih saw vwnzva ndaw de hag rox gak yozgoh ciz siz ndaej vaiq ! Yienghneix guh aen uk vunz raeuz couh ndaeq bienq ndaej gag rox ngvanh ndaej vaiq , vunz uk raeuz ngvanh gij maz ndaej vaiq ,cij ndaej hawj vunz raeuz guh gij maz cungj haeh ,doq gij maz cungj vaiq ! Bouxboux vunz raeuz cungj dwg bienq baenz suqciz sang ,bonjsaeh ak . Cij miz Yiengh neix guh ,aen minz cuz raeuz gak fueng mienh cij ndaej rumj ndaej hwnj gyoengq doih minzcuz wnq !

Ciuq yiengh neix ma gangj : Sawcuengh gihcujcizsiz gauj siq ,couh aeu gauj giz moix boux vunz cungj aeu hag rox haenx , lij aeu mbouj guenj baenz lawz gauj ,cungj ndaej 90-100faen cij ndaej hab gek ! Dang yienz ,mbouj ndaej gauj gij cihsiz rox hix ndaej ,mbouj rox hix ndaej haenx , hix mbouj ndaej gauj gij caeuq cih sawcuengh gihcuj cihsiz mbouj nen bien cungj neiq yungz haenx ! Hix mbouj ndaej gauj gij caeuq Cih Saw gihcuj cihsiz mbouj miz gvan haeh gij neiq yungz haenx ! Luenh ok daez gauj vunz ,couh caux baenz youq mw hag lienh lauxsae caeuq doengz hag luenh son luenh hag , caux baenz vunz raeuz Sonhag muz biuh caeuq son hag fueng yiengq moengx loek moengx luenh ,guh vaih vunz raeuz !

孤 dawz mbaw 卷 daj gyaeuj daengz rieng myaengh yawj dangq ndeu , yawj 题作文 dwg : [ Haeuj ceij ] , henz de 又 aeu 书 gun yaem dwk, lau raeuz 否 rox . 孤当时 doq rox nyinh ! 种题 neix 真 dwg hoenx dwk 人武鸣 lo ,因为 [ Haeuj ceij ] 否 dwg 话武鸣, yaek dawz aen swz neix ma 编 guh 文章, 对人武鸣 ma 讲 dwg 加难度 lo !

Mbaw 卷 neix 分双部分, 一大部分 dwg 书壮基础知识答题, 分数一共 dwg 70 分 , 二大部分 dwg 作文 ,占 30 分. 书 gun 高考 caemh dwg 样 neix, dawz 基础知识答题凑作文 dox gyonj 考, 种考法 neix, 因为 guh 答题占用时间 lai, 留许 boux guh 作文 gij 时间 gig noix . Boux boux 人写文章总 rox , yaek aeu 写 ndei 篇文章ndeu, gig 否用 heih, 写文章 gonq couh aeu miz 足够时间 bae ngvanh, gvanh 题 cawj, ngvanh baenz le couh 再 bae ngvanh 篇文章总体 aen gaq [gyagou], baenz le cij ndei an baiz gij 内容 , gij rieng gyaeuj ,gvanh aeu 样式合 ngamj gij 写法凑 aen gi'gyauj, baenz le cij ndaej roengz 笔 ! 考试 guh 作文 caemh dwg 样 neix, aeu 安排时间 bae yawj ndei 条题目凑 yaek ngvanh 写篇作文整体 gij gyaq, gij 内容 de, gij rieng gyaeuj de , baenz le cij ndaej roengz 笔. 因为时间短, 样 neix couh bik boux 考变 baenz 否 ngvanh ndaej ndei cij roengz 笔写, daengz laeng couh 变 baenz 东写西写 lo! Dangh naeuz 否 roengz 笔, 考试时间 couh daengz lo, 三十分 couh 否 miz lo! 书 gun 高考 dawz 基础知识答题凑 guh 作文 dox gyonj 考, dwg 考否 ok 人才的! 样 neix 考法, saed dwg 否科学 ! 否 ndaej 真正用考 ma 分 ok boux lawz 学字书 ndaej ndei, raiz 文章 ndaej ak! 人壮书壮文化考试一定否 ndaej bae 学 Sawgun 高考种否科学考法neix!