Fwen cuengh Heiq dinj
( 山歌小品）
Seiz neix ,youq diegcuengh ,gak dieg dapdaiz eu fwen guh dwk nauh yied , hoeng ,Fwen ciengq lai dingq lai le, caemh miz mbwq , baenz daiz heiq cungj dwg fwen ,vunz raeuz gyoengq de yawj yienq le,fwen haw couh guh mbouj roengz bae lo ,vunz raeuz it dingh aeu youq gwnz daiz heiq dem gya vah cuengh cungj hingz sik moq guh yienj ,yiengh neix cij ndaej muenx cuk gyoengq vunz cuengh raeuz aeu miz gij vwnz vaq riu angq ,cawz liux fwen ,hauj lai vunzcuengh boux miz uk gyaeuj cungj yaek ngvanh naeuz aeu guh caux guh yienj haeq cuengh ,aen vih vunz cuengh gyoengq cangh fwen dwg aeu sawndip ma ngvanh geiq lai , saw ndip cij ndaej aeu ma geiq fwen ,mbouj ndaej aeu ma ngvanh sij faenz cieng caeuq daj sij daj bien bonj haeq koek ,saw ndip youh hoj nyinh hoj hag ,yaek aeu ma sij heiq yienj heiq dwg gig nanz sij ndaej ok ,sij ndaej ok daeuj ,aen vih cih saw ndip gig hoj nyinh doeg ,boux wnq yawj mbouj rox ,couh gig nanz baiz heiq lienh yienj heiq ,seiz neix raeuz miz sawcuengh moq ,aeu sawcuengh moq ma ngvanh sij fwen ngvanh sij heiq bonj goek dwg hang gig vaiqvuet hong saeh , seiz neix gou couh bien diuz fwen heiq dinj ndeu ,hawj gak dieg gyoengq cangh fwen angq haengj le aeu ma baiz yienj hawj vunz raeuz yawj ,ndaej hawj vunz raeuz riu angq saek di caemh ndei bw !
( Fwen hei q dinj )
Gaijdiuq Caeg Gingjcaz
Boux yienj : Haj boux vunz dox caeuq guh yienj ,boux ndeu yienj boux gingjcaz ,boux ndei yienj daeg caeg ,lingh sam boux ndin youq henz daiz heiq buenx yienj ,fwngz gaem gyoenglaz rox naeuz aen yiengj ndekndek guh yaem sezcouq buenx yienj .
Ok ciengz : Haj boux baiz duiq ok ciengz ,boux ndeu bauq daez moeg : Vahcuengh fwen haeq dinj : Gaijdiuq caeg gingjcaz .
Caez eu : Dien hah caen geiz haeh ,gaijdiuq caeg gingj caz , goj neix riengz gangj lai ,raeuz dawz ma bien yienj .
Beix nuengx naih sim yawj , geij hawj haeq ciengz luenh , raeuz yienj haeq maq muengh , hawj cuengh raeuz angq riu .
---ciep roengz bae ,sam boux byaij bae ndin youq henz heiq ciengz guh buenx yaem , boux yienj gingjcaz caeuq goeng caeg roengz ciengz .
sam boux buenx yaem beg gyoeng ,ndaek ndek ,soengq boux yienj gingj caz byai hwnj ciengz .(de daenj dauq buh ndaem ,caeg hangx venj gyaengh faex dinj , fwngz soed haxbau , byaij ngauz ndang ngukngukngakngak , cang yienj goeng gingjcaz mwnh ndeu ,sim soeng satsat hwnj ciengz )
Gingjcaz eu : mbwn caem ngoenz gvaq raemh ,
byaij gai ngamj li li ,
caeg mbouj naeuz raeuz nyi ,
de yaek aeu gij maz .
( doq byaij doq eu ) eu sat , youh coh gyoengq yawj bae hemq : Mbouj ndaej guh caeg , mbouj ndaej guh caeg ! Hemq geij coenz le ,cang baeg ,naj mienh coh vunz lai , dawz bau yien ok daeuj yot diuz yien cit, gvaek feiz cit yien ,dawz bau yien cuengq baih naj laj din ,song fwngz yiet gvaq gyoujhoq ,doq cinj yien doq baiq gyaeuj yaek da laep . doengz yien doek namh lij mbouj rox .hoeng lij ndaej doq baiq gyaeuj doq hemq saek coenz : mbouj ndaej guh caeg ,baen le couh daengz boux yienj caeg hwnj ciengz !
Boux yienj caeg hwnj ciengz eu :
Guh hong caen dwg rengz ,
Caiq deng ngaiz youh caq ,
cienz hong aeu mbouj ma ,
laux banj ndaq raeuz deu! .
Sim ndat hwnj gai langh ,
yien nyinx vangh dangq maz ,
yangz goeng cit bab bab ,
myaiz myih yaengh roengz din .
( de raen goeng gingj baih naj miz bau yien ,sim caeg doq hwnj ,couh menh menh yamq din daengz goeng gingj baih laeng , daj goeng gingj laj hangx dawz bau yien caeg deuz !mwh caeg caeuq mwh deuz aeu anbaiz yong yiemj ciengz mienh ,goeng gingj caz singj gvaq daeuj youh cai ninz .Boux yienj goeng caeg buet ndoj ,goeng gingj baiq gyaeuj yaek laemx , doek saet singj hwnj daeuj ,vax bau yien soed hax bau ,mbouj raen bau yien ,aen sim cang ngeiz ,youh daj lingh aen daehbuh mbon bau yien ok daeuj ,cuengq youq lingh aen daeh buh ,daj naenx ndei cij cuengq sim ,baen le youh zaiq hemq song coenz ,mbouj ndaej guh caeg ,youh caiq gvaek gyaeuj suegsueg dauq ninz !
Boux yienj caeg caiq hwnj ciengz , raen goeng gingj bau yien cuengq daeh buh ,couh daj caeg hangx mo fag neb ok daeuj ,mnh mnh dawz bau yie nep caeg deuz ,ndaej bau yien ,coh gyoengq yawj vengh song vengh ,couh ganj gip roengz daiz bae !
Goeng gingj singj gvaq daeuj ,mo daeh buh aeu yien cit ,doek saet yat ,mo mo aen gyaeuj ,caiq hemq :mbouj ndaej guh caeg ,mbouj ndaej guh caeg ,yienz houh caiq mo daeh buh daeh vaq ,dawz lingh bau yien ok daeuj , coh gyoengq yawj ngauz ngau song mbat ,dawz bau yien yo youq laj hangx ,cug gaenj din vaq ,youh caiq baiq gyaeuj cang ninz roengzbae !
Boux yienj caeg caiq hwnj ciengz :daj laj haiz yot fag cax benq ok daeuj ,heh caeg hangx goeng ginngj ,bau yien couh gag doek bab ok daeuj ,mwh haenx goeng gingj singj hwnj daeuj ,doq gaem dawz goeng caeg fan niuj ,daj caeg hangx dawz diuz faex dinj ok daeuj ,coh aen gyaeuj boux yienj caeg couh mboengj ,aen gyaeuj boux yienj caeg aen vih hwnj daiz seiz aeu vanj diet gaeb gyaeuj ,yiengj doengh doengh ,mbouj in ,fan fwngz ciengj dawz diuz faex dinj ,coh aen gyaej goeng gingj moemh gvaq bae ,goeng gingj ngvun soemsoem couh yaek laemx roengz bae ,goeng caeg caiq dawz diuz faex beg aen gyaeuj bonj faenh ,dawz aen vat diet ok daeuj hawj caez gya yawj ,song boux yienj sat coh gyoengq yawj baibyai roeng ciengz !(sat )
Diuz haeq neix son hawj vunz cuengh raeuz rox :
1 : Goeng caeg caeg dox gaiq ciengz seiz sawj gij shouj duenq , 2 fuengz caeg ceiq ndei fuengfap dwg aeu seiz seiz lingz singj ,youq dieg rog gwnz gai mbouj ndaej
cuengq soeng ngvunh gyaeuj !
Gou haengj bien fwencuengh haeq dinj , boux lawz haengj yienj haeq ,ra gou aeu .
( Miz iz loek muengh mwngz yin ok daeuj )
Loekloeng cix lai lo bw~~ Haha,, hoeng(danhseih) gou caemh(cix) yawj(emq) rox liux.
| 欢迎光临 僚人家园 (http://bbs.rauz.net.cn/) | Powered by Discuz! X2.5 |