Diegcuengh gag guenj genz lig ( 1 )
Aen minz cuz Bouyxcuengh raeuz daih bouh faenh vunz dox comz youq dieg Cungguek baih namz ,youq dieg gvangjsih ceiq lai ,youq sengj Gveiqcou ,sengj yinznamz canh miz mbangj ,sengj Gvangj doeng sengj Huznamz caemh miz geij aen yienh fenh fen youq ! daj dangq laux roengz daeuj , aen minz cuz raeuz cungj dwg dox giet dox bang cap youq diegnamh hung yahcouh baih namz , baih baek ngaiz vunzgun cungciemq roengz daeuj , ciemq youq dieg Gveiqlimz caeuq Liujcouh gig lai ,vunz raeuz ngaiz at naenx ndaej gag youq gaenj . Baih sae dwg vunz cuz raeuz boux iq nuengx ,baih doeng dwg vunz boux yied gyoengq gangj vahbeg ,gyoengq de gaenq ngaiz vunz gun baih baek ciemq hangz , bik gangj vah gun ,bienq vunz gun ! baih namz dwg Guek Vednamz ,Guek Vednamz dieg baih baek gyoengq vunz daih bouh faenh dwg vunz raeuz !
Vunzcuengh raeuz gij liz sij caemh gyae nanz raixcaix , daj aen Digyiuz dax meh seng vunz caeuq seng doih duz ok daeuj ,vunz raeuz couh youq diegcuengh gwn youq : yaeb ak yaeb byaek , vat sawz vat goenq gwn , dwk nyaen gaemh goep, mo bya mo guengq , youq mwh haenx ,gyoengq coj raeuz couh rox youq diegcuengh ndoeng bya guh gwn guh angq , aeu vah dox cienz sim ei ,hai bak hemq hat ,huhuxhaha , gij neix couh dwg vah cuengh goekgoenq ! youq mwh haenx , dah meh dwg ceiq ak , aen vih dah meh rox seng lwg daiq lwg son lwg ,dah boh rox ra gwn faen gwn ,mwh aen aen minz cuz vunzcuengh raeuz dwg ciemhciemh gag swhyienz fat dad ! Daengz laeng ,aen vih vunzraeuz fat dad vunz gyoengq lai , ciengz seiz fat seng vunzgyoengq dox hangz dox ciengj ,yiengh neix neix ,vunz sai boux ak couh bienq baenz boux miz genz ndeu ,de youq ndae gyoengq ndaw de gangj vah miz vunz dingq de ! Vunzsai dwg vunzcuengh aen minz cuz fat dad gyoengq ceiq maenh ak ndeu ! Boux saiak dwg aen minzcuz boux caeq miz genz ndeu !
| 欢迎光临 僚人家园 (http://bbs.rauz.net.cn/) | Powered by Discuz! X2.5 |