僚人家园

标题: 壮族歌曲赏析 [打印本页]

---

作者: 莫名    时间: 2010-11-24 23:33
标题: 壮族歌曲赏析

歌曲赏析

　　下面这个就是客 歌 山 歌

　　客家山歌特出名，

　　条条山歌有妹名。

　　条条山歌有妹份，

　　一条无妹唱唔成。

　　河唇洗衫刘三妹，

　　借问先生哪里来？

　　自古山歌从口出，

　　哪有山歌船载来？

　　山歌又好声又靓，

　　画眉难比妹歌声。

　　上岗过坳唱一首，

　　百斤担子也变轻。

　　一朵红花路边生，

　　花又红来叶又青。

　　甘好红花哥唔识，

　　手攀花树问花名。

　　你爱交情尽管交，

　　切莫交到半中腰。

　　大风吹断麻竹笋，

　　有头无尾得人恼。

　　郎有心来妹有心，

　　铁尺磨成绣花针。

　　郎系针来妹系线，

　　针行三步线来寻。

　　食尽生果唔当梨，

　　看尽妹子唔当你。

　　赤孽打花千百朵，

　　唔当蔷薇开一枝。

　　新打茶壶七寸高，

　　人人都话系难挑。

　　人人都话系好锡，

　　到底唔知有铅么？

　　岭岗顶上种布惊，

　　唔使淋水也会生。

　　总爱两人心甘愿，

　　唔使媒人也会成。

　　竹篙晒衫拉拉横，

　　两人相好尽心行。

　　谁人系敢来干涉，

　　官司打到北京城。

　　新打剪刀唔使磨，

　　有情阿妹唔使多。

　　有情阿妹连一只，

　　当得月光照大河。

　　变个后生眼甘歪，

　　翻去翻转来看崖。

　　放个大方畀你看，

　　日后相思莫怨崖。

　　正月过了二月来，

　　处处花园有花开。

　　别树有花崖唔采，

　　此树无花等到开。

　　茶树叶子尖棱棱，

　　茶树头下好谈情。

　　遇到路边有人过，

　　两人假作拈茶仁。

　　郎系有心妹有心，

　　唔怕山高水又深．

　　山高自有人开路，

　　水深自有探桥人。

　　深山肚里一株梅，

　　经霜捱雪红花开。

---

欢迎光临 僚人家园 (http://bbs.rauz.net.cn/)

Powered by Discuz! X2.5