僚人家园

标题: 1958年的壮文文章哦！ [打印本页]

作者: 勒丁布壮 时间: 2010-9-9 22:17
标题: 1958年的壮文文章哦！

Ban Sawq Son Sawcuengh Gojbungz Yienh Yimsingz Yaek Geznez

Ban sawq son Sawcuengh Gojbungz （古蓬）yienh gou, youq bigvaq ndwen 12 ngoenz 24 hauh hwnj dangz, dajco veh youq ndaw haj ndwen aeu guh baenz gij yinvu son saw. Daengz ndwen 5 ngoenz 27 hauh, saedsaeh hwnj dangz 128 ngoenz (cuengqgyaj mbouj suenq), haemh hag song diemjcung, gyonj hag 256 diemjcung, couh hag sat sam bonj sawhagsib, vunzguhnaz, beij dajco gij giva son saw lai vaiq cib geij ngoenz (couh dwg lai vaiq sam cib geij diemjcung) son liux. Seizneix cingq dauq gyonj un gvaq, youq ndwen 6 ngoenz 4 ndaej geznez lo.

Daengx ban seiq cib boux bouxhag youq ndaw haglienh cungj mbouj mbwq mbouj naiq, naebsim beij hag. Seizneix, daengx ban bouxhag cib boux miz gouj boux rox doeg rox yungh gij mehsing, mehyinh caeuq singdiuh, lij dawz gij govaenz gag doeg ndaej roengzbae; cib boux miz caet boux rox yungh Sawcuengh ma sij mingzcoh vunz, mingz dieg, fei, ngoenzgeiq caeuq saenq lo. Bouxhag mehmbwk Fanz Yiqsingh, Fanz Yiqsiuq caeuq Veiz Beiqcih…cib geij vunz, dajco cungj mbouj rox saek cih saw, seizneix gaenq rox yungh Sawcuengh ma giluz, sij goj caeuq cauh fwen; gyoengqde cungj sij ndaej saenq caeuq faenzcieng miz saek bak haj daengz sam bak cih saw lo, ndaw de baen cingcuj, leixsaw caemh doeng, fapvah dingzlai caemh hab. Gyoengqde mboujgag rox doeg rox sij, caemhcaiq rox dawz gij Sawcuengh hag ndaej haenx yungh daengz ndaw ngoenznaengz gwndaenj caeuq swnghcanj bae, lumjbaenz dawz ma geiq goengfaen, sij saenq hawj doenghboux caencik baengzyoux rox Sawcuengh haenx lo.

Daj seizneix hwnj, gyoengqde caiq mbouj dwg vunz mengzsaw lo, ndaw sim angq dwk gangj mbouj liux!

                                                             Yiq Bingjfanz sij
                                                             Vangz Gvangh hoiz
                                                             Hong Sawcuengh bonj bi 1958

[此贴子已经被作者于2010-9-9 22:34:32编辑过]

作者: 勒丁布壮 时间: 2010-9-9 22:23

Gou youq ndaw bonj saw Hong Sawcuengh bi 1958 ra ndaej bien faenzcieng neix ho, banneix ciu gvaqdaeuj hawj gyoengq beixnuengx yawj, ha, gyoengq beixnuengx bouxlawz maij hagngeix Sawcuengh nei, cix dawz bae riengz gij saehmoq Sawcuengh banneix de doxbeij vei! Doxbeij cix rox gijmaz heuh guh mbwn caeuq ndaen, dien caeuq deih lo!

Haha!!!

哈哈！

材料来自1958年的《壮文工作》刊物，没修改过文章内容里的任何信息以及行文的壮语语法，只是对旧方案规定的不用标调的汉语借词全按照新方案标了调号。大家看得懂壮文的话，就好好拿来和现在咱们的媒体写的壮文对比一下哦！很有意思的啊！呵呵！

作者: 勒丁布壮 时间: 2010-9-9 22:28

Bi 1958 ndaw bonj saw Hong Sawcuengh raiz:

Ban Sawq Son Sawcuengh Gojbungz Yienh Yimsingz,

banneix gaengjdingh deng gaij baenz:

Yinhcwngz(忻城) Yen Gujbungz Sawcuengh Ban Sawqson (Sawqgyauq)

roxnaeuz:

Yinhcwngz Yen Gujbungz Sawcuengh Sawqsonban

roxnaeuz

Yinhcwngz Yen Gujbungz Sawcuengh Sigyaubanh

……

如今：……从俗原则，从俗原则，哈~~~~~~诶~~~~~~~~~~~~~~~~~

作者: 伤疤好咯 时间: 2010-9-9 22:32
壮味十足呀.........不过也有一些新式借词

[此贴子已经被作者于2010-9-9 22:33:47编辑过]

作者: 度莫 时间: 2010-9-10 11:01
应该更符合壮语语法！

作者: maniachhz 时间: 2010-9-10 22:48

这么珍贵的东西都让楼主找到

欢迎光临僚人家园 (http://bbs.rauz.net.cn/)