（小小说） Goj Mbanj Yiuh Hen Dweg (3)
Gaxgonq Gangjdaengz daeg Maxiq ,daeg Maxraiz ,daeg Maxdoeg sam vunz yaek guh saeh hung ,gag nod bae laj go nganx cit yien . Daeg Maxiq naeuz : Yawj baenz caen dwg aeu bae guh cij ndaej bw ,mbouj ne ,mbanj raeuz caen dwg caem lailai lo ,vih dweg coj raeuz vut mingh ,vih daengx mbanj leih ik , dai dangq diuz viz ! Daegmax raiz naeuz : Yaek baenz lawz guh ? DaegMax doeg mbouj haem mbouj he . Daeg Maxiq naeuz : Haemh neix mbouj ndaej guh ,gyoengq de miz re , bae ma ninz !
Daengz ngoenz daih ngeih ban ringz , Ndaw Yangh cwngqfuj daeuj geij boux vunz ,gyoengq de daeuj yawj yawj ndaw mbanj gyoengq vunz ngaiz hoenx le ,miz gij maz doenghdanh ,gyoengq doiq ndaw mbanj vunzlaux naeuz : Sou geij bae yex saeh lo ,caiq bae raeuz mbouj leix gyoengq sou lo ,miz gij maz saeh raeuz bae caeuq gyoengq de gangj ! Ndaw mbanj vunz laux han gyoengq de : Gyoengq sou miz sim bang raeuz ,caeux couh mbouj miz yiengh neix saeh lo ,seiz neix gyoengq de dawz giz dweg haenx guh vaih liux , sou ndaej hawj gyoengq de boiz ha ? Raeuz ngaiz hoenx sieng baenz lai vunz ,gyoengq de boiz raeuz saek faen ha ? Gyoengq ganbu dingq daengz yiengh vah ,lij gvaiq naeuz : Byawz hawj mbanj sou bae nauh sae ? Caen dwg gik heiq vunz !
Daeg Maxiq ,Daeg Maxraiz ,Daeg Maxdoeg giet dingh bae Gvangj doeng ra hong guh , Ndaw mbanj gyoengq vunz bouxboux cungj naeuz : Deuz hix deuz lo ,mienx ndaej ok saeh !
Daeg Maxiq ,daeg Maxraiz ,Daeg Maxdoeg sam boux soujsib ndei gwn youq honggaiq ,ngoenz daih sam ban haenj ranz mbouj caengz rongh couh ok mbanj ,naeuz dwg bae daj goeng ,saed dwg bae daengz ndoeng ceg congh gamj guk youq , Congh gamjguk liz mbanj gek sam ngongh ndoeng ,liz Ndoeng Yiuh gek mbiengj ndoeng ,Congh gamjguk ndaw de gig gvangq gig raez , gyoengq de bae rib di yangj ,gvej di haz ma bu youq gwnz rin demh niz , youq ndaw gamj do raemx ndik gwn , dingh ndei meh yah daeg Maxraiz youq ranz guh faengx ,ngoenz soengq bae hawj gyoengq it mbat . Yiengh neix ,Daeg Maxiq Daeg Maxraiz ,Daeg Maxdoeg giet sim yungh vunz mingh caeuq gyoengq vunz vaih rog guh douq , gyoengq de ban ngoenz bae caz damq ,banh laep guh gung dwk ,yaek bae caemh ci youh caemh diengz ! loengh fangz boenq gyoengq vunz caeg deuz bae !
( Nngoenz cog riengz gangj )
ciep gangj roengzbae vei beixnuengx..diuz goj neix mauqndei dingq bw~
gangj ndaej miz gyaeuj mbouj miz rieng.,mij gvaq yinx bw~~
| 欢迎光临 僚人家园 (http://bbs.rauz.net.cn/) | Powered by Discuz! X2.5 |