aj gyae raen nuengx gou 远远见妹走过坝，“人生七十古来稀”，当今社会上把这句话当做笑谈了，可以说七八十岁的比比皆是了。本人有幸跨进“古来稀”了，想想日后的日子不多了，应该把自己的文字拿出来“晒晒”，让贝侬们当做“文字”撩撩翻翻，也不失它的“价值”了。贝侬们翻过撩过，有什么话要说，尽量提出来，让我在“盖棺”之前有所了解。谢谢！
这是壮文的山歌部分——路漫文集：壮文的山歌
Gou dwg duzrwi haeuj suenva
Gou dwg byalwg haeuj dahlangh
Ndaej raen diuz fwen sim angqyangz
Coenz vah mbouj gangj sim gag swenz!
Caemh muengh Bauq Sawcuengh guh ndaej ngoenz ndei gvaq ngoenz!
出嫁不相忘（姐妹对唱）
Cej:Haemh neix raeuz nda daengq 今夜我俩摆板凳
Caemh naengh caez gangj riu 并肩排坐笑盈盈
Ngoenzcog cej bae liux 明天姐姐出门了
Vamiuz yaek senj naz 禾苗迁田是常情
Haemh neix raeuz baengh mbaq 今夜我俩排排坐
Gou bae haq bae gyae 姐姐嫁去出远门
Biek meh raemxda lae 离别母亲眼泪流
Biek nuengx baez doeknaiq 告别妹妹好伤心
Nuengx:Swizva baiz baenz doiq 花花枕头排成双
Roegraeu boiq baenz sueng 斑鸠配对如鸳鸯
Caeuq gwizmoq caemh congz 姐和新郎共枕睡
Lumj funghvuengz doxndiep 好比一对亲凤凰
Gou caemh cej doengz angq 我和姐姐喜洋洋
Haemh neix gangj gvaq hwnz 今夜谈心到天光
Naeuz cien coenz fanh coenz 说出一千一万句
Baenzbaenz cungj hoh fuk 句句都是祝吉祥
Cej:Guh sau saedcaih ndei 在家做女实在好
Bohmeh gyaez youh unj 父母宠爱贵过宝
Guh bawx hong ranz gaenj 做了媳妇家务忙
Cawj aemj youh baet ranz 煮饭煮菜又打扫
Nuengx:Guh sau saedcaih lek 在家做女真舒心
Bohmeh ndiep gvaq gim 父母疼爱贵过金
Yienghyiengh mbouj causim 食衣睡玩样样顺
Dan rox gwn lienh mbonq 吃饱睡够不操心
Cej:Guh sau saedcaih soeng 在家做女好从容
Daengngoenz hoengz caengz hwnq 一觉睡到太阳红
Daxmeh haeuj rug lwnh 母亲进房轻轻唤
Lij guh'unj cang ninz 还要撒娇装着聋
Nuengx:Gvaq cou mak cix hoengz 过了秋天要打场
Sau hung cix bae haq 养女大了要嫁郎
Mbouj guh bawx cix gyaj 不做媳妇是假话
Yawz gvaq baenz ciuh sau 怎做一世老姑娘
Cej:Guh sau ndei fouzbeij 在家做女无比好
Guh maex vunz hoj lai 做了人妻好苦恼
Daengx ranz vunz ninz gvaiz 全家老少睡晏觉
Bawx ngaiz hwnq cawj souh 媳妇煲粥要赶早
Nuengx:Guh sau raeuz lujlaj 在家做女可放任
Guh yah cix siujsim 做了人妻要小心
Rap raemx aeu rap rim 挑水担担要挑满
Dawz cim aeu sijsaeq 针线活儿要细心
Cej:Guh sau sim soengsup 在家做女好开怀
Guh bawx bwt ndaet in 做了人妻心不快
Byaij loh yaeng diem din 走路轻轻怕声响
Lij deng mboen deng ndaq 还挨骂去又骂来
Nuengx:Guh sau ngoenzngoenz van 在家做女天天欢
Guh bawx cancan heiq 做了人妻餐餐酸
Gwn haeux gwn gaemz saeq 吃饭细嚼又慢咽
Guh hong gaex rap hung 重担重活叫你端
Cej:Raeuz daj iq doxndei 我俩自小好连连
Caez ninz caez guh saj 同睡同耍共秋千
Ngoenzcog cej bae haq 明天姐姐出嫁了
Biek gvaq lingh mbiengj mbwn 各在东西半边天
Nuengx:Gaiq gingq lwenq youh hau 一面镜子亮又光
Hawj cej sau roi gyaeuj 给我姐姐来梳妆
Ngoenzcog gwizmoq daeuj 明日新郎来到了
Cingj laeuj coux cej bae 喜酒接姐做新娘
Cej:Gaem roi raemxda roengz 拿着梳子眼泪流
Biek nuengxdoengz sim get 与妹离别好心揪
Ngoenzcog raeuz doxbiek 明天我俩分离了
Seizlawz het dauq raen 何时才能再碰头
Nuengx:Biek maj cix gvej mungz 芋头长大叶要分
Sau hung hab bae haq 姑娘大了该嫁人
Gienq cej gaej nanzgvaq 劝姐一声别难过
Yamq bae naj cix vuen 前头日子也欢心
Cej:Raeuz lumj gaeq caemh rungz 我俩好比共笼鸡
Doengz gwn doengz goegndek(hemq) 一起叮米乐丝丝
Fwt deng fwn rumz bek 突然遭遇雨打散
Doxbiek gag doengsae 你我 分离各东西
Nuengx:Cej mwngz bae cuengqsim 姐姐去了尽放心
Dwg gim mbouj lau myaex 不怕生锈才是金
Bae hawj vunz guh maex 去给人家当媳妇
Nanz goj ndaej baenz buz 熬到当婆才是真
Cej:Haemh neix buenx gou ninz 今夜妹妹伴我眠
Soengq coenz youh soengq moq 语语言言句句鲜
Docih nuengx daeuj gyoh 多谢妹妹来送我
Vahbiek goj mbouj lumz 姐妹话别记百年
Nuengx:Caez ndaem naz eu fwen 一起种田同唱歌
Caez vuen caez gangjgoj 一起说笑同欢乐
Ngoenzcog cej hwnjloh 明天姐姐起程了
Nuengx sim goj mbouj an 妹妹心情起浪波
Cej:Biek cix biek saek mboengq 一时分离心惶惶
Ndaej hoengq ciengz bae cunz 得空请妹过去玩
Yienznaeuz guh bawx vunz 虽然做了别人妇
Cungj mbouj lumz cingzngeih 姐妹情义总不忘
Nuengx:Ronghndwen roengz baihsae 月亮歪歪下西山
Cingz raez haemh daiq dinj 情义长长夜太短
Nyienh daengngoenz mbouj hwnj 但愿旭日终不起
Cingz doxswnj doxdam 情义持续永不断
Hab:Roeg mbwk mbouj lumz ndoeng 鸟儿能飞不出山
Bya hung mbouj liz raemx 鱼儿能游不离江
Cejnuengx caez doengzsaemh 姐妹同龄又同伴
Haethaemh sim doxdwen 日夜思念百年长
Haethaemh sim doxdwen 日夜思念百年长
Ronghndwen buenx ndaundeiq 月亮永远伴星光
Vunz biek sim goj geiq 姐妹分离心不散
Daengx seiq mbouj doxlumz 情义永世记心间
好诗欢！
Gwn haeux gwn gaemz saeq
吃饭细嚼又慢咽
这个应该是“扒饭挟菜防人眼”的意思，意即在饭桌上小心翼翼，不敢放开吃。
baenzbaenz是“反正、总之”的意思！呵呵！
Faexreiz caemh diuz goek 郁郁榕林一条根啊
Faexndoek caemh diuz byai 葱葱竹林共一源
Bouxcuengh lwglan lai 壮族繁衍千万万啊
Coj baiz Baeuqroxdoh 追本溯源布洛陀
Baeuqroxdoh goek hung 布洛陀源头悠远啊
Lumj Dahhoengz mbouj mboek 红水河般永不枯竭
Faexreiz caemh diuz goek 郁郁榕林一条根啊
Faexndoek caemh diuz byai 葱葱竹林共一源
Baeuqroxdoh byai raez 布洛陀根基不朽啊
Lumj mbwn feiz mbouj byaiz 雷火一般永闪光芒
Bouxcuengh lwglan lai 壮族繁衍千万万啊
Coj baiz Baeuqroxdoh 追本溯源布洛陀
唱广西
Laux
Leix
Gaxgonq vunz gvaq dah
以前出门要过河，
Biet gavaq daengz gwnz
脱下鞋子卷裤脚；
Raemxrongz cix dumh haenz
洪水一漫不见岸，
Mbwnrengx hoenz youh doengq
才旱一天水浑浊。
Miz dangj daeuj yinx loh
有党指引改革路，
Raeuz duet hoj baenzmiz
人民脱贫又致富；
Dencan nem suijli
兴建级级水电站，
Gizgiz hwng goenjdat
热火朝天好壮阔。
Seizneix vunz gvaq dah
如今建成大交通，
Gizgiz gaq miz giuz
座座桥梁似长虹；
Bya riengz raemx caez riuz
河中鱼跃赞水美，
Vunz riu'ij riunyumj
水面倒影尽笑容。
Guengjsae raeuz miz ndoeng
广西山岭四季春，
Gofaex hung youh soh
大树一枝也成林；
Go baenz yw miz doh
中草药材遍地是。
Nyaen roeg goj miz lai
盛产奇兽和珍禽。
Gaxgonq faex deng raemj
以前环保意识差，
Nyaen roeg linj deuz dai
鸟惊兽散树断桠；
Swnghdai deng bovai
自然生态受破坏，
Yozcaiz hix haemq ndoq
草药断根不发芽。
Miz dangj daeuj yinx loh
有党指引改革路，
Raeuz duet hoj baenzmiz
人民脱贫又致富；
Ndaem mak gietriri
造林满山果满坡，
Ginghci daih fazcanj
经济发展跨大步！
Seizneix daih caux ndoeng
如今处处披绿装，
Mak fung va youh hoengh
甜果成山花似洋；
Caih dieg bingz dieg rungh
不论城市或山弄，
Gungxgungx lumj suenva
旮旯也是喷喷香！
Guengjsae raeuz miz mbanj
广西地处好南疆，
Dieg namh hix haemq ndei
平地山地宜种粮；
Fwnraemx cuk seiqseiz
雨水丰足无四季，
Cin hah raez mbouj nit
长夏无冬暖壮乡。
Gaxgonq mbanj saekbix
以前壮乡闭塞乡，
Miz haeux hix nanz gai
有粮也难赶圩场；
Ciengx doihduz raq dai
养鸡养猪多瘟疫，
Guh lai hix fouzyungh
竹篮打水结愁肠。
Miz dangj daeuj yinx loh
有党指引改革路，
Raeuz duet hoj baenzmiz
人民脱贫又致富；
Hag vwnzva gohgi
文化科技提高了，
Fatcaiz miz monzloh
发家竟如有神助。
Seizneix hag ndaej gvai
如今脑子更精灵，
Daenj haiz bae ndaem haeux
巧种巧养一身轻；
Gohgi caen ndei raeuh
科学扫尽蒙与昧，
Baenz fouq mbouj caiq nanz
致富步伐更轻盈。
Guengjsae miz haw singz
广西有圩也有城，
Miz diegbingz miz haij
出海通道享盛名；
Vuzcanj haengj vunz maij
物产丰富世人晓，
Daengx seiqgyaiq hozhaenz
招商引资受欢迎。
Gaxgonq loh mbouj ndei
以前交通是瓶颈，
Vunz baedauq cix hoj
八桂上下甚难行；
Miz huq vunz mbouj rox
信息闭塞怎交易，
Seng'eiq goj nanz baenz
千行百业艰经营。
Miz dangj daeuj yinx loh
有党指引改革路，
Raeuz duet hoj baenzmiz
人民脱贫又致富；
Loh doeng coh gizgiz
公路铁路织如网，
Mouyi gig fuengbienh
市场繁荣商品足。
Neix haifat Saebouh
如今西部大开发，
Seiqcawq daeuj daeuzsei*
八桂引资千百家；
Ok haij miz ruz bae
出海通道长通畅，
Loh lai raez youh gvangq
前程似锦美如霞。
Langh Samcej lij youq
如果三姐还健在，
Dingh angq gaeuq angq lai
要唱山歌多题材；
Va moq mbouj rox byaiz
山花越开越鲜美，
Godaiz engq nauhyied
歌台越摆越开怀！
Saedceij gvaq ndaej angq
盛世日子歌声欢，
Simsangj fwen cix diemz
开心山歌声声甜；
Liuz Samcej ma biengz
感动三姐下凡走，
Caemh riengz eu mbouj yiet
唱起兴来忘返天！
*baenzmeiz:baenzmiz
daeuzsei:douzswh
------2002.5.1 Gvangjsih minzcuz bau
Lij Faz 李 法
Loh Baksaek Namzningz ①
路百色南宁
Lumj nyingz ci saenznaq
淋迎支神钠
Soh bongh bae baihnaj
索榜比排那
Nda aen laj sigij
他恩拉世纪
Diuz loh sohrwdrwd
条路索律律
Bingzbwdbwd naj roen
平不不那坤
Mumjgyumq yawj ndaej raen
蒙襟预礼伦
Rizdin bouxhungloet
移丁甫宏恪
Diuz dietloh Namz Gunh②
条铁路南昆
Caen lumj duzlungz hung
真淋读龙宏
Hamj gvaq bya gvaq ndoeng
坎挂岜挂岽
Soh cung bae fwdfwd
索冲比佛佛
Dezgveij genq youh gaenj
铁轨坚又根
Bu maenh baenz diuz roen
铺闷盘条坤
Mumjgyumq yawj ndaej raen
蒙襟预礼伦
Rizdin bouxhungloet
移丁甫宏恪
Gou naengh hwnj ci lengj
苟能垦车靓
Coh lengqengq cunz bae
咋踉踉巡比
Gou gwih hwnj max ndei
苟圭垦马馁
Yawj dieg gyaez mbanjcuengh
预特其板壮
* * * * *
Lij geiq ndaej gaxgonq
里记礼卡贯
Neix dieg homq dieg gumz
内特汉特岑
Ginhfaz dax gaj vunz
军阀打咔云
Max daemh hoenz daemh mingh
马蹬魂蹬命
Lwgminz haemz yaek dai
勒民恨岳歹
Souh geijlai hojnanh
受几来苦难
Yah lwg deng biek sanq
娅勒钉别散
Neix mbouj gamj dauq dwen
内布敢倒端
Lij geiq ndaej gaxgonq
里记礼卡贯
Roen donhdonh gumz gaz
坤段段岑旮
Okbae cix bin bya
喔比驰宾岜
Haeujma cix benz dat
口麻驰便塌
Cien bak bi gungz ndoq
千百币穷懦
Souhhoj geijlai vunz
受苦几来云
Siengsim lai ho mbwn
伤心来嗬钔
Genx mbouj gwn mbouj daenj
硷布啃布屯
* * * * * *
Caet cib bi gonq haenx③
七十币贯很
Yamqdin gaenjrienrien
厌丁紧连连
Nanz lumz ngeih gouj nienz
难淋二九年
Dieg Cuengh biengz cij singj
特壮傍只醒
Bouxhungloet daeuj daengz
甫宏恪斗腾
Gangj vah yaem haemq sug④
讲话音堪熟
Coenzcoenz sawj vunz fug
旬旬使云服
Bya loeg ndoeng dauq mwn
岜绿岽倒扪
Caet cib bi gonq haenx
七十币贯很
Sing bauq Daenhlienzlienz⑤
声炮吞连连
Nanz lumz ngeih gouj nienz
难淋二九年
Dieg Cuengh biengz cij singj
特壮傍只醒
Geizhoengz mbinvagvag
旗红皿哗哗
Ronghsag gak
rungh bya
隆萨各砻岜
Gaem yaenq hemq goksa
擒印欠确沙
Raeuz danggya guhcaw
偻当家顾主
* * * * *
Rizdin bouxhungloet
移丁甫宏恪
Daj neix doek cehfeiz
打内督借肥
Cuengh Yauz Miuz daengz caez
壮瑶苗腾齐
Laj bae gyae byaij doh
垃比阶派度
Rizdin bouxhungloet
移丁甫宏恪
Daj goek riengz dangj bae
打谷良党比
Gvaq Huznamz Gyangsae⑥
挂湖南江西
Cig bae daengz Yenzanh
直比腾延安
Rizdin bouxhungloet
移丁甫宏恪
Byaij namz baek doeng sae
派南北东西
Swngli laebdaeb bae
胜利立迭比
Coux guekgeiz swng hwnj
授国旗升垦
* * * * *
Vih aeu byaij loh cingq
为欧派路正
Loek deng cingj roengzdaiz
六钉整咙台
Roen saeq nyaj nyungq lai⑦
坤细芽荣来
Rizdin ngaiz nywj mued
移丁挨宜没
Vih nyengh aeu bued luenh
为硬欧拨乱
Dauq deng homh baenz loeng
倒钉函盘窿
Sam hwnj youh sam roengz
三垦又三咙
Rizdin hung mbouj beinq
移丁宏布变
Vih gaijgwz gaihfang
为改革开放
Caenndang byaij roengz laj
亲躺派咙拉
Rizdin faj riengz faj
移丁法良法
Byaij gvaq bien haij bae
派挂边海比
Byaij gvaq bien haij dauq
派挂边海倒
Va moq bauq seizcin
花么报时春
Bouxhungloet rizdin
甫宏恪移丁
Coux va cin hai moq
授花春开么
* * * *
Gou naengh hwnj ci lengj
苟能垦车靓
Coh lengqlengq cunz bae
咋踉踉巡比
Gou naengh hwnj max ndei
苟圭垦马馁
Yawj dieg gyaez mbanjcuengh
预特其板壮
Diuz dietloh Namz Gunh
条铁路南昆
Caen lumj duzlungz hung
真淋读龙宏
Hamj gvaq bya gvaq ndoeng
坎挂岜挂岽
Soh cung bae fwdfwd
索冲比佛佛
Loh baksaek Namzningz
路百色南宁
Lumj nyingz ci saenznaq
淋迎支神钠
Soh bongh bae baihna
索榜比排那
Nda aen laj sigij
他恩拉世纪
Diuz loh sohrwdrwd
条路索律律
Bingzbwdbwd naj roen
平不不那坤
Mumjgyumq yawj ndaej raen
蒙襟预礼伦
Rizdin bouxhungloet
移丁甫宏恪
——————————————————————
①Loh Baksaek Namzningz :Nanz Bwz goengloh.南百公路，南宁至百色二级公路。
②Diuz dietloh Namz Gunh : Nanz Gunh dezlu.南昆铁路，即南宁至昆明的铁路线。
③Caet cib bi gonq haenx, dwg gangj 1929 nienz seizhah,dangjcunghyangh baij Dwng Siujbingz dungzci guh cunghyangh daibyauj daeuj Gvangjsih gaihcanj gwzming gunghcoz.1929年夏，党中央派邓小平同志为中央代表到广西展开革命工作。
④Gangj vah yaem haemq sug, Dwng Siujbingz dungzci gangj gij vah bonjdeih Swconh, haemq lumj vah yaem Gveisih vah Gun. 邓小平同志的四川方言与广西的桂西北方言十分相近。
⑤Sing bauq daenhlienzlienz, 1929.12.11 caeuq 1930.2.1, youq Dwng Siujbingz lingjdauj baihlaj saenqdoengh guekcoj baihnamz dih Bwzswz gijyi caeuq Lungzcouh gijyi
gijhingz lo, laebbaenz le Hungzcizginh Hungzbazginh caeuq Coj You Gyangh hungzswz cwnggenz. Dwng Siujbingz nyaemh Hungzcizginh Hungzbazginh cungjcwngveij.1929年12月11日和1930年2 月1 日，在邓小平同志的领导下举行了震撼祖国南疆的百色起义和龙州起义，创建了红七军、红八军和左右江红色政权。邓小平任红七军、红八军总政委。
⑥Gvaq Huznamz gyangsae, 1939 nienz 10 nyied, Hungzcizginh cujliz ciuq mingling
hai hwnj baihbaek, youq Dwng Siujbingz daiqlingx baihlaj, budui ij Gvangjsih, Gveicouh, Huznanz, Gvangjdungh Gyanghsih biengyaiq cienq hoenx geij cien leix, doh gvaq cungjcungj ganyiemj, dauqdaej youq 1931nien 7 nyied youq Gyanghsih Hinghgoz caeuq Cunghyangh Hungzginh veiswh, gvaqlaeng, camgya le Wvanvujcenhlij Cangzcwngh. 1930年10月，红七军主力奉命北上。在邓小平同志的率领下，北上部队沿桂、黔、湘、粤、赣边境转战数千里，历尽艰险，终于1931年7 月在江西兴国与中央红军会师。之后，参加了二万五千里长征。
⑦Roen saeq nyaj nyungq lai, neix dwg gangj, youq "vwnzgwz" mboengqhaenx, Dwng
Siujbingz dungzci "yafang" daengz Gyanghsih baihlaj "lauzdung". 指“文革”期间邓小平同志被“下放
”江西地方“劳动”。
(注：所谓“汉字壮读”，是仿照“古壮字”记录壮语的方式尝试的一种“文字形式”。因为“古壮字”（土俗字）在民间颇有影响，而土俗字笔画太繁难认而且不容易在电脑上输入，故特以常用汉字替代之。选用汉字的原则是：①参考《广西壮语地名选集》一书已用上的；②参考《古壮字字典》一书已收集的
；③参考汉字读音，选取接近壮音的字，并尽量取近义（意）而且不容易产生歧义的字。对于“老借”和“新借”的汉字，则沿用本义汉字不另找其他汉字；为了区别，凡属于“汉字壮读”的在其字下划横线，“本义汉字”则不划，如“比比赛”，“比赛”是本义汉字，音同意同，而“比”是“壮读”，取意为“bae”，等等。这种形式可暂名为“假汉壮读字”。）
6HOTHOT DANQ
GANGJ RAEUZ 首首都颂党
Roeggeuq heuh cica， 喜鹊吱喳叫，
Roegvameiz caez angq； 画眉也欢闹；
Bak va doxdax langh， 百花齐竞放，
Doengz danq dangj ngoenzseng！ 同颂党生肖！
Dieg Cuengh raeuz caen lengj。 壮乡真美丽，
Seiqlengq dap godaiz； 歌台到处立；
Bouxcuengh raeuz fwen lai， 壮人山歌多，
Caez hai sing haenh dangj！ 赞歌齐声起！
Doenghnaz haeux henjgim， 稻田翻金浪，
Doihduz rim ranz riengh； 六畜更兴旺；
Simhai cix angq ciengq， 歌声表心意，
Raeuz dieg Cuengh vuenyungz！ 欢乐满壮乡！
Doiq fwen mbouj rox sat， 山歌唱不完，
Daj haet dap daengz hwnz； 从早对到晚；
Dauq ranz ma loq ninz， 回家睡入梦，
Lij ciengq sing ok bak！ 还要唱得欢！
Eu bak bi lij yinx， 百年歌声扬，
Ciengq cien cin lij gok； 千年歌声朗；
Eu miz cienfanh hot， 山歌千万首，
Hothot danq dangj raeuz！ 首首都颂党！
Dangj yinx raeuz gwzming， 党领导革命，
Yinzminz ndaej danggya； 人民来当家；
Guekcoj bienq suenva， 祖国变花园，
Cunghvaz cix hoenghhwd！ 中华更强大！
Ranzlaeuz baiz dem baiz， 楼房一座座，
Roen gvangq lai youh soh； 好多高速路；
Miz dangj daeuj yinx loh， 有党来掌舵，
Caez byaij coh fanzyungz！ 共同走致富！
Dangj vuengh guek fouqgiengz， 党旺国富强，
Guek rengz minz cix fouq： 国强民富足；
Daengxcungq angq mbouj gaeuq， 欢天又喜地，
Bouxboux gvaq ngoenzndei！ 大家好幸福！
Dangj dingh ndei fuengcim， 党的方针好，
Caezsim hwng cunghvaz； 中华换新貌；
Laebdaeb bongh baenaj， 齐心往前奔，
Seiqvaq caeux daeuj daengz！ 四化早来到！
Byaij haeuj sigij moq， 走进新纪元，
Hoh guekcoj engq giengz； 国强民欢颜；
Saedceij van youh diemz， 生活赛蜜甜，
Sim riengz dangj mbouj bienq！ 跟党心不变！
当然是原创啦。
7BOUXBOUX CENG BAE HAG
Danq Sawcuengh Gogi Beizyinbanh
Muengh gvaq doengh gvaq naz
Gijmaz yaepmigmig
Dwg ndaundeiq ronghgywg
Naeuz ronghrib guh haw
Mbouj ndaundeiq ronghgywg
Mbouj ronghrib guh haw
Dwg vunz bae doeg saw
Feiz daeng dawz ronghsag
Banh gijmaz hagdangz
Vunz angqyangz bae hag
Ndaej bae hwnj daihhag(dayoz)
Naeuz ndaej fat yiengzcaiz
Uk mwngz gaej hukhak
Bak mwngz gaej luenh naeuz
Hai ban Sawcuengh raeuz
Bouxboux ceng bae doeg
Hai banh beizyinbanh
Mbanjmbanj angqlinlin
Dozciengj bae bauqmingz
Caemhsim bae hagsib
Sawcuengh sien hag rox
Caiq gohyoz hag ndei
Ndwen lai hag gvaqbae
Doengzcaez ndaej miz yungh
Gaxgonq doeg Sawgun
Sam ngoenz hag song gawq
Gvaqlaeng dauqma yawj
Cix lumzlawq bae rumz
Ngoenzneix miz Sawcuengh
Raeuz Vahcuengh lumj mbin
Doeg saw goklinlin
Eu fwen sing hap rungh
Bouxcuengh miz sawfaenz
Lumjbaenz max dem fwed
Sim hoengh haenqrengz buet
Bouxboux duet vwnzmangz
Sawcuengh ndei dajraix
Hag rox vaiq dangqmaz
Daezsang raeuz vwnzva
Guh swva engq ruq
Sawcuengh dwg baengzyoux
Bouxboux cungj vuenheij
Mboujguenj gijmaz saeh
Cungj hag ndaej baenz gvai
Raeuz hag rox Sawcuengh
Mizmuengh gvaq ngoenzndei
Miz de guh lauxsae
Raeuz caezgya miz fuk
Raeuz hag ndaej vwnzva
Song da rongh raixcaix
Gohgi daezsang vaiq
Yienghyiengh daih demsou
Rox guh ndaej fatcaiz
Rox gvai baengh gohyoz
Siengj lai gvai lai rox
Haenqsim yoz(hag) vwnzva
Sawcuengh hag ndaej rox
Hag gohgi engq maez
Docih gyoengq lauxsae
Vih raeuz lae raemxhanh
Baengh gohgi dajndaem
Miuz engq baenz engq maj
Haeux maenz oij sihgvah
Caemh doxdax fungsou
Baengh gohgi dajciengx
Mou lumj ciengh lumj vaiz
Bit gaeq douq lailai
Vaiq fatcaiz vaiq fouq
Daemz mwt nanz ciengx bya
Mbouj vwnzva vunz ngawz
Da mengz nanz ganj haw
Rox saw vaiq baenz fouq
Haeuj cin va cix rwenz
Eu fwen sim cix angq
Rox saw monzloh gvangq
Haeuj siujgangh cix bieng
Angq eu fwen baenz haij
Dieg Cuengh daih benva
Saedceij lumj goraz
Yied hai va yied hoengh
8 GIENQ MWNGZ GAEJ GUH DOJ
Gienq mwngz gaej guh doj 劝人莫要去参赌
Guh doj boihseiz lai 赌博场上背运多
Sim dai vunz caengz dai 人未曾死心先死
Lumj mou cai raemxmbok 像那病猪睡病窝
Gienq mwngz gaej guh doj 劝人莫要去参赌
Guh doj yinx hwnj ndang 赌博上瘾身难脱
Saw cienz sim mbouj gam 一时输钱不甘心
Saw sam caiq saw seiq 接二连三更输多
Gienq mwngz gaej guh doj 劝人莫要去参赌
Guh doj hoj ciuh vunz 赌汉常常白受苦
Doeknaiq youh siengsim 伤神劳心还是输
Haemhhaemh ninz mbouj onj 吃不香来睡不着
Gienq mwngz gaej guh doj 劝人莫要去参赌
Vunz rox bouxboux haemz 人们见赌都厌恶
Raen naj biq myaiz caengz 当面见了吐口水
Raeblaeng coenzcoenz ndaq 背后骂你是殃祸
Gienq mwngz gaej guh doj 劝人莫要去参赌
Haih bohmeh daengx ranz 害家害儿害老婆
Haeuxdonq mbouj baenz can 饭餐无钱去买米
Simfanz youh aeuqheiq 伤心烦恼难生活
Langh hwnj yinx guh doj 一旦赌博上了瘾
Lumj mbok roh coux youz 漏瓢盛油都漏脱
Gyadangq baih baenz fouz(ndoq) 几多家当如流水
Lij you vunz bik caiq 被人逼债无处躲
Cib doj gouj ranz loemq 十个赌博九家破
Lumj raemx goenj caemx ndang 引火烧身是非多
Yah biek aeu diuq gvan 妻闹离婚寻常事
Aen ranz doq cek sanq 一家骨肉闹不和
Guh doj dwg vunz bax 蠢人才去搞赌博
Lumj ma gaeuj haeuxgok 好比贱狗看谷壳
Muengh daengz song da mbot 望得双眼要冒火
Dungx ngot mbouj ndaej gwn 到头肚子还是饿
Guh doj dwg vunz ngawz 笨人才去搞赌博
Deng dawz ienq mbouj dauq 一旦挨抓悔不过
Mbaeu cix fad ngaenz lauq 轻者罚款没钱交
Naek cix gauq haeuj gam 重者坐牢食恶果
Guh doj dwg vunz huk 愚人才去 搞赌博
Faex nduk mbouj baenz fwnz 朽木燃烧不成火
Gienq mwngz vaiq swiq fwngz 劝你洗手快上岸
Dauqcungz vunz cingqhangq 正经做人快乐多
——Gvangjsih Minzcuz Bau
Daj nyaeq cix guh gyax Baenz coz gvaq ndang dog
Ngoenzneix gou ok rog Daeuj baksok muengh va
Song raeuz caez baenz youx Muz bak fouj guh cim
Gyau cix gyau haeuj sim Raemx dongj rin mbouj sanq
Manxdan youq henz ndang Dauq bae angq vabug
Uengjfeiq mwngz baenz daeg Yawz moegloek nyaenx lai
Laeuj diemz dauq goj van Lau ndek ranz bienq meiq
Ndaw sim aeu ciengz geiq Hai reih gaej ndek fwz
Nuengx dwg bya ndaw daemz Beix yaemx ndaej couh aeu
Langh lauq gvaq seizcou Rumz daeuj bya dai nit
Caeuq nuengx gap doengzsim Doiq mbwn caez gangj gvaq
Naengh beix gangj vahgyaj Deng bakcax dai sieng
Caeuq nuengx gap doengzsim Doiq mbwn caez doxmieng
Naengh nuengx liengzsim bienq Bag baenz mbiengj baenz song
Vamai henj goj henj Hojsik venj giz sang
Haeuxnaengj cit mbouj rang Va gag langh gvaq byouq
Gwnz bya hai vanat Hojsik dat nyaenx lingq
Din benz dieb mbouj dingh Beg vutmingh souh coih
Siengj lai bienq baenz mbaj Bae baihnaj nuengx mbin
Bae baihnaj nuengx dinz Bae lajdin nuengx cuenh
Henz dah raen vadumh Siengj lumh lau camz fwngz
Byaij loh bungz raen lwnz Mbouj rox mwngz beizheiq
Nuengx gangj gyu dwg dangz Gou couh hamz haeuj bak
Yienznaeuz feih ndaengqndat Beix sim gag naeuz van
Gwed diuz hanz ok dou Song gyaeuj ngaeu diuz cag
Dawzrap yiengj ngi’ngat Laih nuengx fat sing riu
Doek gyaj mbouj ndaej ndaem Gag daej haemz daej hoj
Ndang dog mbouj vunz gyoh Naengh lajroq siliengz
Miz sim bae mbaet va Couh hwnj nga bae duengh
Miz sim daeuj giet muengx Gaej baez muengh couh deuz
Dwg lwgnim lwgnat Aeu cax bag yawj sim
Aen lawz dwg aen ndaem Nuengx ndaej cim cingcuj
Byauh humx suen rox lak Faex gwnz dat rox dai
Raeuz ndaem va mbouj byaiz Raeuz bingzbaiz mbouj sanq
Soengq nuengx daengz henz daemz Fwngz gaem fwngz yaek biek
Caengz bae raemxda lek Sim gag dek gag saenz
Vamoiz hai haurik Mbouj lau nit lau nae
Caeuq nuengx giet foucae Cungj caez van caez hoj
Nuengx deng bohmeh ap Gag simnyap saesae
Daeg lawz caengz miz maex Cingj daeuj neix guhcaemz
Nuengx deng bohmeh ap Gag simnyap ngaezngaez
Vadauz hai gwnz ngeiq Daeg lawz gyaez cix duengh
Vunz gwn sam liengx dangz Gou hamz haj liengx meiq
Simsuen daengz saejgeiq Vih nuengx nyaeq lumz gou
Sim gyaez duj va’ngaeuz Mbouj lau naeuz gyuek boengz
Siengj caeuq nuengx gap doengz Nuengx ndi coengz hix ngah
Ndaej caeuq nuengx guhdoih Lumj vaoiq ndaej fwn
Ndaej caeuq nuengx doxraen Lumj lwglwnz raen meh
Gou ndaej bienq duzmbaj Bae dangqnaj mwngz mbin
Gou ndaej bienq vaminz Naep gwnz byoem mwngz douh
Gyaez mwngz youq hozsae Lumjbaenz ceiz nem lad
Gyaez mwngz niunatnat Aeu fouj bag mbouj hai
Siengj beix gou lailai Ndwnj ngaiz mbouj roengz hoz
Ngoenz beij ngoenz ndang roz Niemh go dungx gag imq
Biek nuengx baez daih’it Raemxda ndik baenz fwn
Siengj nuengx haeux lumz gwn Siengj nuengx din lumz swiq
Nuengx dwen daengz eu fwen Simvuen angq baenz nyieg
Nuengx dwen dangz doxbiek Unqniekniek baenz coeng
Caux feiz caengz baenz gyoq Yaek byoq youh lau hoenz
Eu fwen mbouj baenz coenz Lau nuengxlwnz ndatheiq
Go’gyaeuq youq gwnz bya Caengz hai va cix reuq
Vih nuengx biek bae liux Caux ciuh baengh boux lawz
Doxcaez ndaem va’gveiq Ok ngeiq va cix hai
Beix yaek gyaez nuengxgvai Daengz dai sim mbouj bienq
Ndaej caeuq nuengx doxrengh Doengz hix bengz gvaq gim
Ndaej caeuq nuengx doengzsim Mae caeuq cim mbouj biek
Gag boux gag mbiengj dah Miz vah hix nanz gangj
Siengj caeuq nuengx gapbangh Lau raemxlangh hung lai
Ciuh vunz caengz gvaq dah Muengh dah ga gag saenz
Ciuh vunz caengz damz lwnz Raen lwnz sim gag diuq
Aeu saeng vaih yaemz dah Byalah hix nanz aeu
Cawj byaek mbouj dwk youz Gaej naeuz feiz mbouj haenq
Haeux noix souh nanz daek Youz noix byaek nanz gwn
Dieg gumxgamx nanz ndwn Lwnz simdamh nanz lienh
Song raeuz naengh miz eiq Gwn meiq gaej lau soemj
Song raeuz naengh miz sim Haemz gaen haemz gvaq ciuh
Nuengx lumj duj vacaz Hai gwnz bya henz dat
Beix siengj mbaet ma cap Lau gaeugat lanz loh
Gova hai valup Oiqup dwg gyaez lai
Gofaex yaek baenz caiz Maez geijlai roeg douh
Donq gwn noh gwn bya Nuengx vih maz mbouj maij
Ndaej gwn ndei saedcaix Mbouj yungh byaij loh gyae
Nuengx aeu beix baehaq Caez baengh mbaq gvaq gai
Nuengx gvai beix hix gvai Caep fai mbouj laengz dah
Song raeuz giet cingz moq Giet youq hoh faexfaiz
Giet cingz caez fatcaiz Hawj vunzlai guh yiengh
Vunz ndaej gim maij gim Ndaej gim youh siengj ngaenz
Beix ndaej lwnz maij lwnz Dai bae yaem cungj nyienh
Ndaw ranz miz haeuxnaengj Gaej siengj faengx gwnz gai
Ndaw suen miz vamai Gaej maij va henz loh
Bak gyaez sim hix gyaez Youq hozsae ringhringh
Gyaez nuengx lumj gyaez mingh Gyaez youq cingq simdaeuz
Danghnaeuz ndaej doxaeu Raeuz doxhen doxhah
Itseiz deng vunz ndaq Raeuz baengh mbaq bae han
Danghnaeuz raeuz doxndaej Caez doxndei doxnyiengh
Naengh raen vunz doxceng Raeuz gaem gen bae ienq
Gaiq dangz cup boux mbat Ndat sim youh van sim
Gaiq dangz cup boux gaemz Song sim diemz baenz ciuh
Nyienh guh mboq raemx liengz Gaej guh mieng raemx goenq
Bingz boux sang boux daemq Fwen coenz gaej hawj dingz
Va bungz cin cix langh Rwi raen dangz cix rwenz
Raen nuengx rox guh fwen Beix sim vuen caemh ciengq
Batdangh mbouj ciengx bing Gyang ding mbouj ciengx guk
Beix gik lawz miz fuk Beix huk lawz miz caiz
Daemz mwt nanz ciengx bya Faexda nanz roengz gawq
Nuengx gangj vah nyaenx awq Gangj gawq mbouj baenz coenz
Hanz mbouj genq mbouj ndongj Dongh mbouj soek mbouj soh
Saeh mbouj cam mbouj rox Vah mbouj goz mbouj gvai
Nuengx dwg duj vagim Yied yawj sim yied gyaez
Siengj iu nuengx doxndei Nuengx sim maez rox mbouj
Vah bouxlaux ciengz gangj Dietbangq muz baenz cim
Cijaeu nuengx miz sim Feiz coemh hix mbouj sanq
Rumzcin ci doh doengh Va hai hoengh dieg bya
Lij coz mbouj caux gya Lawq gvaq ienq mbouj dauq
Laeuj ndei rang doh mbanj Dangz ndei van rim dungx
Fwen ndei ok doh rungh Nuengx ndei fungh nanz beij
Ndit ndongq va cix rang Faex sang mak henj gim
Danghnaeuz beix caensim Raeuz caez bin dieg fouq
Fwnz sauj feiz cix hoengh Namh mboeng faex cix sang
Beix simsaed nuengx angq Beix gangj byangz nuengx haemz
Rox nuengx hag Sawcuengh Beix sim vuen ndaw hoz
Naengh nuengx mbouj ndek go Caez caemh loh bae hag
Sawcuengh dwg bokfeiz Beij ndaundeiq lij ndongq
Beix miz sim caez duengh Raeuz guh song caez byaij
Miz cienz cawx ndaej saw Cihsiz cawx mbouj ndaej
Siengj uk gvai da raeh Iu nuengx caez hagsib
Miz cienz cawx ndaej gwn Gamjcingz cawx mbouj ndaej
Siengj hawj vunz dwggyaez Iu nuengx caez baenz fouq
Miz cienz cawx ndaej daenj Fukfaenh mbouj miz gai
Siengj hwng gya fatcaiz Iu gvai giet cingzngeih
Va doxiu caez langh Mbaj doxangq caez mbin
Yiengh lawz mbouj gyaez cin Sim lawz mbouj gyaez nuengx
Fwen lai eu cix sug Saw lai doeg cix raeuz
Sim lai mbouj baenz youx Dan siengj aeu sim nuengx
Ndwensam haeuj cingmingz Va rwenz nding gwnz ngeiq
Raen nuengx byaij neix bae Fwen cix daez geij gawq
Sawq sim nuengx song coenz Rox nuengx gaenx youh gvai
Miz sim iu doxsaiq Caez ganjvaiq cauxciuh
Seizcin gaenx caux goek Ndwenloeg haeux henj gim
Beix caeuq nuengx doengzsim Riunyumjnyumj doxcaemh
Raen nuengxlwnz lingzleih Gvai youh ndei Caen dwggyaez dajraix Cingj nuengx gaejbah byaij Mbwn ndei lai Hab bae gai guhlah
Seizgan bae lumj naq Gauj seiqvaq Ceng guh naz goenjdat Gwed cae youh daeh rap Mwngz fatbag Miz sim gag bae youz
Byajraez ndaw cing co Naz gwnz bo ndaej raeq
Roegenq ciengq gwnz ngeiq Nuengx iu beix ganj hong
Cin raeuj va ceng ndongq Raeuz guh hong doxsaiq
Iu nuengx beij fouj vaiq Fatcaiz dang lauzmoz
Rumzcin ci doh doengh Va hai hoengh gwnz ndoi
Haz faex biu nyod oiq Raeuz gap doiq baenz sueng
Roegciu mbin gvaq bya Doenghnaz hoenghhumhum
Daj gyae raen nuengxlwnz Ndaem naz lumj siuq fungh
Eu coenz fwen gvaqbae Caeuq nuengx beij ndaem naz
Lungz iu fungh doxdax Yawj boux maz lai vaiq
Beij gamj beij couh beij Va’gveiq saiq mauxdan
Saiq mbouj gvaq beixngaenz Nuengx lienz ranz mbouj haeuj
Neix saiq ndaem naz vaiq Cog beij byawz fungsou
Danghnaeuz beix saw gou Gaj mou hung cingj hek
Aen mboq ok laj bya Bienq baenz caz baenz laeuj
Ndi cingj beix gag daeuj Ra caeuq nuengx caemh daiz
Seizgan bae lumj naq Ndwenngoenz gvaq lumj rumz
Lij coz ndi ra lwnz Gvaq lauq sim cix naiq
Ranz beix mbouj miz haeux Da doxgaeuj cix diemz
Ranz beix mbouj miz denz Gen demh gen goj raeuj
Gyong mbouj roq mbouj yiengj Daeng mbouj diemj mbouj rongh
Va mbouj nding mbouj duengh Raen nuengx sim gag maez
Rumznanz ci feihfeih Vuenheij youq ndawsim
Ngoenzneix nyangz raen gim Gag angq sim gag ndat
Rumz ci gvaq naz reih Seiqseiz miz va rang
Lwgsau maenz baenz bang Dan raen nangz haeuj eiq
Nuengx naengh gyaez gou raeuh Aeu gyaeuj bae daemx fai
Mwngz naengh gyaez gou lai Raemx duenh fai mbouj biek
Gou goj gyaez mwngz raeuh Aeu gyaeuj bae daemx fai
Mbat gyaez youh mbat dai Miz geijlai diuz mingh
Vaiqdi daeuj ha doih Va oiq muenx mbwn heu
Ndwen luenz muengh mbwn seuq Muengh eu fwen giet youx
Beix gyaez nuengx naek lai Beix maij nuengx naek raeuh
Hwnz ninz ndiu gvaqdaeuj Ndang ndi raeuj youh naiq
------Lij Faz
Daengngoenz hwnj baihdoeng Fwj cix hoengz baenz lwed
Mbwnrengx raemx mbouj sied Caeuq mbwn dued haeux gwn
Raeuz sim genq baenz gang Bik ndoi sang gumj gyaeuj
Dahhung dingq raeuz naeuz Naz haeux moux cien gaen
------Yienh Sienghlimz 1958.7.5 Bauq Sawcuengh
------lij faz
Aeu haenz naz guh daengq Baengh gyaeujhoq guh daiz
Hag cih saw ndaej lai Vunz cix gvai cix rox
------Yienh Sienghlimz 1958.7.5 Bauq Sawcuengh
Seizneix haeuj seizhah Ndaw naz gokhumhum
Raeuz hah sou hah ndaem Hong cibfaen nauhyied
Mbouj lau roengz fwn laux Mbouj lau ndit ndat dak
Dawz liemz youh gwed fad* Caez sing hat fungsou
Hah ndaem ciep hah sou Cuengq liemz youh dawz rauq
Banhaet muenx doengh hau Banhaemh dauq bienq heu
Raeuz mbouj lau hojnanz Ganj sou youh ganj ndaem
Miuzdaeuz moux cien gaen Ceng miuzlaeng cien haj
*Gej:fad------couh dwg doengjfadhaeux
------Lij Faz Gvangjsih Minzcuz Cuzbanjse 1959.9
Lij Faz
Rumzcin ci doh doengh, Va hai hoengh gwnz bya;
Doenghgo ceng did ngaz, Swva gauj hoenghhwd.
Rwi baengh va caux cin, Vunzsim ngeix bienq fouq;
Dangj cwngcwz ndei raeuh, Raeuz bouxboux gaenxhong.
Dangj raeuz gyaez lwgminz, Roengzsim yinx raeuz byaij;
Mwngz maij gou hix maij, Riengz dangj byai daengz byai.
------ Gvangjsih Minzcuz Cuzbanjse 1987.4
Lij Faz
Miz cienz cawx ndaej daenj, Fukfaenh mbouj miz gai;
Siengj gya hwng fatcaiz, Riengz dangj byaij cij ndaej.
------ Gvangjsih Minzcuz Cuzbanjse 1987.4
Lij Faz
Bakva ndongqliklik, Cib ik vunz simhai;
Daj “Samcung” ciuhai, Guek raeuz daih bienq yiengh.
Doihduz bizbwdbwd, Haeux henjrwg gwnz bo;
Cidoih doq dem doq, Ranz moq baiz lienz baiz.
Dangj ak guek couh giengz, Guek rengz minz ndaej fouq;
Daengx guek angq goenjouj, Raeuz bouxboux vuenyungz.
Ngoenzneix raeuz simvuen, Cienz baengh Dangj daiq loh;
Gwn raemx gaej lumz mboq, Vut hoj niemh Dangj cingz.
------ Gvangjsih Minzcuz Cuzbanjse 1987.4
Lij Faz
Seiqseiz cungj dwg cin, Seiqcawq mwn heucup;
Dangj hawj raeuz cauxfuk, Lumj rangzndoek maj sang.
Guekcoj lumj suenva, Cazcaz hai mwncup;
Dangj hawj raeuz lumx goek, Dujduj coek youh sien.
Dangj hawj raeuz cauhfuk, Diemzwk saiq gvaq dangz;
Dangj hawj raeuz fanndang, Raeuz gaen Dangj fanh daih.
------ Gvangjsih Minzcuz Cuzbanjse 1987.4
Lij Faz
Naedhanh sawsiksik, Ndikndik lumj nyawh baenz;
Naedhanh ndongq baenz ngaenz, Gimngaenz hix nanz vuenh.
Seizcin raeuz caux goek, Muengh ndwenloeg haeux fung;
Dangj yinx raeuz baet gungz, Caux vuenyungz seiqgyaiq.
Naed nyawh vuenh naed haeux, Ndaej daeuj bengz gvaq gim;
Ngoenzneix cang haeux rim, Raeuz simvuen danq Dangj.
Genj naed hung naed fag, Dak hawq dangq gimsa;
Gai haeux hawj guekgya, Vih swva ok hanh.
------ Gvangjsih Minzcuz Cuzbanjse 1987.4
Ngeih cib bi gvaqdaeuj 日子过来二十年，
Raeuz sim raeujruprup 心里暖来心里甜；
Bauq Sawcuengh dauq fuk 喜庆复刊壮文报，
Raeuz cibcuk simhai 万分高兴喜连连！
Diuz loh gvangq youh gyae 一条大路宽又宽，
Caeuq vunz caez ganj loh 赶路心情不一般；
Vunz cix siengj vamoq 人家欣赏鲜花景，
Gou dan rox siengj mwngz 惟独我想壮文版！
Siengj mwngz siengj daengz bingh 想你想到一身病，
Ienq mingh gou lailai 怨天怨地怨我命；
Siengj mwngz siengj daraiz 想你想到双眼花，
Hoz hawq myaiz daeuj ciengx 口水解渴难安宁！
Dawz ien siengj habfeiz 手拿香烟想到火，
Dawz ceiz siengj haeuxnah 手拿糍粑想糯禾；
Siengj mwngz gvaq siengj yah 想你赛过想老婆，
Ndaej doeg gvaq simhai 得读壮文乐呵呵！
Duzmbaj cix siengj va 蝴蝶想花想入迷，
Duzbya cix siengj raemx 鱼儿想水想到底；
Gou siengj dai siengj laemx 想死想活为哪般？
Ngoenz lienz haemh siengj mwngz 日日夜夜总想你！
Vunz siengj baz siengj nuengx 人家想妻想情人，
Gou siengj Cuengh siengj faenz 我想壮家想壮文；
Vunz gyaez nuengx ngaemngaem 人家爱妹要发呆，
Gou gyaez faenz ndiepndiep 我爱壮文要丢魂！
Muengh lai da rox in 天天盼望眼睛痛，
Byaij lai din rox get 天天走路脚发肿；
Mbouj siengj sim mbouj net 不想心里不踏实，
Siengj gouj bet cib cingz 九分心情十分用！
Vunz lienh baz cib ngoenz 人家想妻只十天，
Gou ndiep faenz baenz ciuh 我想壮文不变迁；
Baz geq yiemz naj reuq 因为妻子会变老，
Faenz yied yiuq yied van 壮文越看越新鲜！
Gaeu gaeu cungj benz faex 哪根藤儿不攀树，
Maex maex cungj siengj gvan 哪个妻子不想夫？
Buz lawz mbouj siengj lan 哪个奶奶不爱崽，
Dandan gou siengj Cuengh 我爱壮文心不孤！
Duzmeuz cix siengj bya 哪个猫儿不想鱼，
Duzma cix siengj noh 哪个狗儿把肉忌？
Mbauqndei siengj yahmoq 哪个俊男不想妻，
Gou hoj siengj bauq raeuz 我想我报要发痴！
Ndaejnyi soengq bauq daengz 听见送来了报纸，
Sim faengz lumj va langh 心花怒放好欢喜；
Gou cix buet cix gvangh 连奔带跑去迎接，
Lumzlangh gou singq maz 忘了姓名忘自己！
Caengz cawj sien nda daiz 未曾煮饭先摆筷，
Sim gip lai gip raeuh 心急好比火烧街；
Ngoenzngoenz muengh bauq daeuj 天天渴望日日盼，
Noh laeuj mbouj ngah gwn 美味佳肴味不开！
Sam bak haj cib ngoenz 一年三百六十天，
Baenzbaenz siengj raen bauq 想看报纸心如煎；
Muengh bae youh muengh dauq 盼来盼去不自在，
Muengh mbauq mbouj nyaenx in 比妹盼哥更可怜！
Doek hanh dwg vih maz 辛苦流汗为哪门，
Ndaem naz muengh sou haeux 种田盼有粮万斤；
Gou siengj lai siengj raeuh 我左盼来再右盼，
Vih ndaej gaeuj bauq raeuz 看报就要看壮文！
Daj caeuq mwngz doxraen 自从和你得相见，
Baenzbaenz mbouj sij cuengq 不舍放手深情牵；
Banjbanj dwg Sawcuengh 壮文排满个个版，
Da cix rongh cix hai 双眼发亮乐颠颠！
Daj caeuq mwngz doxndei 自从爱上壮文报，
Seizseiz siengj mbouj gaeuq 时时不舍真需要；
Haemh ninz caez doxraeuj 晚上睡觉共被窝，
Hwnjdaeuj yawj mbouj dingz 白天相处是相好！
Daj caeuq mwngz doxndei 自从和你成相好，
Seizseiz mbouj sij ndek 日日夜夜总拿到（着）；
Saenqsik daeng cien bek(bak) 信息丰赡容量大，
Diuzdiuz lek dangqmaz 篇篇都是漂亮稿！
Daj caeuq mwmgz doxnaek 自从和你交深情，
Da laep bienq da hai 瞎子换来亮眼睛；
Cihsiz rox lailai 如饥似渴求知识，
Fatcaiz miz monzloh 致富路上见光明！
Daj caeuq mwngz doxndiep 自从和你结相亲，
Hagseng het baenz gvai 学生天资添几分；
Daengzcog ndaej baenzcaiz 将来成才传捷报，
Baengh mwngz lai bujdauj 你的辅导有一因！
Dungx iek cix siengj haeux 肚饿想饭是常理，
Hoz hawq couh siengj caz 口干想茶不足奇；
Simfanz siengj gijmaz 心情烦恼想什么？
Muengh ra Bauq Sawcuengh 盼壮文报下一期！
------2002.8.1 Gvangjsih minzcuz bau
重新COPY后可见全文
但不知为什么会出现此情况，我曾经多次调整过，终究不能调出来，请谅解！
Lij Faz
Roeggeuq heuhsasa, Roeggacaek caez angq;
Doxiu daeuj danq Dangj, Sing fwen sang daemx mbwn.
Iu ciengq raeuz couh ciengq, Bouxcuengh miz fwen lai;
Ngoenzneix hwnj godaiz, Raeuz ceiq maij danq Dangj.
Hot it dwen haemzhoj, Neix goj nanz lumz bae;
Dangj yaengx hwnj hoengzgeiz, Daj neix cij raen rongh.
Hot ngeih danq fanndang, Baengh Dangj raen daengngoenz;
Miz naz raeuz ndaej ndaem, Miz daemz raeuz ndaej langh.
Hot sam ciengq fungsou, Cienz haeux bibi dem;
Swnghcanj daih fatcienj, Swva gensez bieng.
Iu ciengq raeuz couh ciengq, Daj haet ciengq daengz hwnz;
Doengxhaemh raeuz loq ninz, Lij ciengq sing ok bak.
Ciengq bak bi lij yinx, Danq cien cin mbouj sat;
Ciengq miz cienfanh hot, Hothot danq Dangj raeuz.
------ Gvangjsih Minzcuz Cuzbanjse 1987.4
Lij Faz
Haeux gaeuq lij rim cang, Youh angq sou haeux moq;
Seiqcawq fwen goenjoj, Mbanjmbanj hoh fungsou.
Gyang doengh haeux henjgim, Maengx ndaw sim nanz gangj;
Gyaez mwngz lai lu Dangj, Fwen ndei danq mbouj yienz.
------ Gvangjsih Minzcuz Cuzbanjse 1987.4
Lij Faz
Seizgonq raeuz hojlienz, Ndaw ranz nienznienz byouq;
Giusevei cingqfouj, Lij gya sou haeuxliengz.
Dieg gungz ranz youh ndouj, Beksingq mbouj miz gwn;
Bouxhoj dai gyangroen, Dicuj gwn laeuj noh.
Giusevei bik raeuz, Daj haet you daengz haemh;
Lumj bya mbouj miz raemx, Nyienh haeb linx dai sieng.
Miz le Guengcanjdangj, Gizgiz langh va moq;
Gaijfang raeuz bouxhoj, Lohloh vih yinzminz.
Daj gaijfang roengzdaeuj, Dangj yinx raeuz doxbae;
Gizgiz bienq yiengh ndei, Bya vuenheij raemx angq.
Byaij seveicujyi, Gizgiz hab vunzsim;
Raeuz caeuq Dangj caemh din, Yied byaij sim yied maengx.
------ Gvangjsih Minzcuz Cuzbanjse 1987.4
Lij Faz
Ronghndwen hwnjdaeuj sang youh sang,
Ciuq dwk lajmbanj ronghcangcang;
Samyied cosam hawfwen hoengh,
Itgiz engq beij itgiz angq.
Lwgmbauq doxgangj riuhoho,
Lwgsau doxiu caez ciengq go;
Geijlai sim’angq ciengq mbouj liux,
Geijlai saeh ndei ciengq ok hoz.
Ciengq ndaej ronghndwen mbouj sij deuz,
Ciengq ndaej raemxdah hai sing riu;
Ciengq ndaej ndaundeiq daengxda dingq,
Ciengq ndaej sing go fanh leix riuz.
It ciengq fungsou cienz baengh Dangj,
Ngeih ciengq ngoenzndei diemz gvaq dangz;
Sam ciengq cwngcwz ndei fouzbeij,
Seiq ciengq swva daihloh gvangq.
Sing go yied ciengq sing yied sang,
Sing go yied ciengq sim yied angq;
Bineix ngamq ciengq go hwnj cien,
Bimoq caiq ciengq fwen baenz fanh.
------ Gvangjsih Minzcuz Cuzbanjse 1987.4
Lij Faz
Sanjcungh cenzvei ndei, Angq langh bae guh hong;
Bouxcuengh coh naj bongh, Aen sim rongh youh diemz.
Sim’angq cix guh fwen, Simvuen cix diuqfoux;
Lwnh dungzci baengzyoux, Ngoenzneix raeuz ndei lai.
------ Gvangjsih Minzcuz Cuzbanjse 1987.4
Lij Faz
Seiq hangh yenzcwz maenh, Yinzminz angqlinlin;
Lumj daengngoenz seizcin, Hawj sim raeuz raeujrub.
Daengngoenz raeuj gwnz ndang, Vah Dangj raeuj ndaw sim;
Ndit raeuj va cix nding, Sim raeuj vunz cix angq.
Dangj raeuz dwg daengdap, Ronghsag ciuq ndaej gyae;
Seiq hangh yenzcwz ndei, Yinx raeuz caez baenaj.
Dangj caeuq minz doengzsim, Minz gaen Dangj caez yamq;
Netsim haenqrengz ganq(guh), Coh gungcanjcujyi.
------ Gvangjsih Minzcuz Cuzbanjse 1987.4
Sai:Gaem bit sij sawfaenz 男：提起笔了情漫漫
Lumj rin daenz ndaw dungx 似有石头压胸膛
Biek nanz mbouj raen nuengx 恁久没见妹的面
Ndaw dungx nyungqnyaunyau 叫我意乱心又烦
Mbwk:Sou ndaej beix fung saenq 女：拆开信来情悠悠
Mbouj nyinh gwn gaemz ngaiz 忘了吃饭忘了愁
Beix coenz vah naek lai 哥你说话多情了
Ce ngaiz ndek saeu liux 害我痴痴搁饭馊
Sai:Sij roengz coenz daih’it 男：铺开纸来第一言
Lumj bit gyax ndaw dah 河里孤鸭和独莲
Geij ndwen mbouj raen naj 好几个月有多久
Faex bangx baq giet aen 岩上山果已熟甜
Mbwk:Hoiz saenq coenz daih’it 女：写回书来第一遍
Lumj lwg bit biek hamq 鸭子别去不回还
Ngoenz lawz baenz lwgmanh 那天去种辣椒地
Gwn hanh dangq raemxcaz 以汗当茶苦连连
Sai:Sij roengz coenz daihngeih 男：铺开纸来第二言
Ndaundeiq baenz da mwngz 认准星儿当你眼
Buh vad fwj vad rumz 挥起衣袖拂云朵
Beng hoenz mwngz daeuj gyawj 把你身影拉近前
Mbwk:Hoiz saenq coenz daihngeih 女：写回书来第二遍
Raen biengzbeih menh mbin 天上蜻蜓慢飞迁
Bienq baenz fwj gwnz lingq 请你化风或化雨
Soengq cingz bae hawj beix 替我送哥一思念
Sai:Naekcingz coenz daihsam 男：情切切来第三言
Vamauxdan hai moq 牡丹花开好新鲜
Gonq miz cingz doxhoh 以前那份真情意
Neix lij gyoh rox ndwi 现在是否还绵绵
Mbwk:Hoiz saenq coenz daihsam 女：写回书来第三遍
Menh cang ndang roi gyaeuj 细细梳头细打扮
Feiz ndaep lij gyoq daeuh 火焰熄了炭还旺
Dai naeuh nuengx mbouj lumz 死去成灰心不变
Sai:Sij daengz coenz daihseiq 男：铺开纸来第四言
Raemx rim reih rim naz 洪水淹地又淹田
Gaeq romx raemx baenz ya 落水的鸡被人捉
Beix raemxda doekbyoeg 哥我泪水涌如泉
Mbwk:Hoiz saenq coenz daihseiq 女：写回书来第四遍
Nuengx fanh seiq youq ranz 在家等哥一万年
Fwn doek dumh bya sang 大雨漫到高山顶
Roeghanq nyangz caemh ruemh 雄鹰大雁终会面
Sai:Naekcingz coenz daihhaj 男：情深深来第五言
Bae bangx dah gaeuj ngaeuz 河边思妹痴癫癫
Langh mbouj ndaej doxaeu 倘若不能再相聚
Dai simdaeuz mbouj naeuh 腐土埋心心不蔫
Mbwk:Hoiz saenq coenz daihhaj女：写回书来第五遍
Vat diuz dah gaij roen 挖深大路当河川
Mbouj ndaej caemh ndwenngoenz 不能和哥共锅盏
Vaq mingh hoenz guh raemx 身魂化水成河渊
赛过毒品六合彩
Lij Faz
Luzhozcaij lumj doj 变相赌博六合彩，
Haih hoj geijlai vunz 千人万人受它害；
Luzhozcaij lumj dinz 实在像个黄蜂窝，
Byawz caemz byawz deng ndat 哪个碰着哪个败。
Luzhozcaij lumj raq 赛过毒品六合彩，
Bingh yied lah yied hung 一旦瘾上难甩开；
Lah ranz ranz cix gungz 好比踏进烂泥洞，
Lah vunz vunz cix cied 越踩越深难上来。
Luzhozcaij swhcaij 瘟病瘟疫六合彩，
Vunz vaih daeuj guh cang 传染开来实在快；
Loengh gvaiq youh loengh fangz 哪个染上哪个霉，
Aeu vahbyangz daeuj yaeuh 哪个染上哪个衰。
Bouxcang sim doeg lai 庄家用心实在毒，
Aeu fatcaiz daeuj yinx 发财引线把你糊；
Mbouj goq cwngfuj gimq 不顾政府来查禁，
Gwn vunz dimj daengz ndok 吃人吃到你骨肉。
Langh yinx hwnj doj caij 一旦瘾上六合彩，
Lumj nonnyaiq haeuj ndang 好比毒虫上身来；
Ngoenz sim fouzfangfang 整天心神都不定，
Ndek ranz mbouj vunz goq 弃家不顾把码猜。
Reihnaz gyonj ndek fwz 田地不管全丢荒，
Vaiz cwz mbouj vunz ciengx 种养活路放一旁；
Lwg lumj gyaeng ndaw riengh 娃仔在家无人理，
Buh rengq donq mbouj gwn 没吃没穿苦儿郎。
Ngaenz doj bae seuqsat 手中现金赌个光，
Venj bak hwnj gwnz ding 没吃嘴巴挂厅堂；
Doj dai doj mbouj hingz 不捞回来赌到底，
Fouz simcingz goq lwg 哪有心思顾儿郎。
Hongdawz aeu bae gai 家具农具都卖光，
Geijlai mbouj gaeuq doj 几多钱财全泡汤；
Ndaw ranz gip bae ndoq 家里无物空荡荡，
Bawxmoq caemh siengj gai 走投无路卖新娘。
Saek baez cai deng caij 有时凑巧中了彩，
Gujlaih ndaej fatcaiz 以为这回发大财；
Byawz rox bouxcang gvai 谁知庄家太奸险，
Lwgndai de deuz gvaq 卷走彩资把帐赖。
Cai mbouj deng cix camj 猜不中彩实在惨，
Cai mbouj ngamj hix dai 猜中了彩也挨砍；
Baihnaj nyangz yahvaiz 前面有狼张血嘴，
Baihlaeng ngaiz guk coemj 后面有虎视眈眈。
Siengj dai cix mbouj ndaej 想死不死实在难，
Siengj leix hix mbouj baenz 想活不活实在烦；
Ienq mingh lai ho mbwn 怨天怨命悔已迟，
Mbouj guh vunz cixbah 不想做人也汪然。
Ienq mingh cienh mingh byaiz 几多伤心怨命差，
Byaij loh loeng doek dat 走错了路跌山崖；
Miz vunz cix fagbag 有人受害发疯了，
Miz vunz gag cug hoz 有人被迫去自杀。
Mbangj raen loh daengz gungx 有人眼见路走尽，
Moengzloengz bienq simndaem 糊糊涂涂起贼心；
Bae guh caeg bok roen 盗窃抢劫去犯罪，
Haih vunz haih cihgeij 害了自己害别人。
Luzhozcaij fangzraq 瘟病瘟疫六合彩，
Gaejaeu ngah bae nem 千万不要去理睬；
Fatcaiz byaij loh bien 发财想走邪门道，
Baih bonjcienz mbouj dauq 本钱蚀去枉挨宰。
Siengj fatcaiz baenzmiz 要想致富奔小康，
Gizgiz miz loh byaij 条条门路大开放；
Ciengeiz gaej doj caij 千万别赌六合彩，
Luzhozcaij haih vunz 害人恶过毒砒霜！
……Gvangjsih Minzcuz Bau
白米煮成饭
Lauxleix
Mbauq:Goengqbya sang youh sang 那山那岭高上天，
Mauxdan hai gwnz dat 顶上有花是牡丹；
Da yawj sim cix ndat 看在眼中心里热，
Dawz ndaem bat cix nanz 看花容易种花难！
Sau:Roen bya miz raemxraiz 前面山路露水多，
Guh gouh haiz soengq beix 做双布鞋送哥哥；
Yaek daemh oen hix ndaej 倘若有心踏刺蓬
Haidaej geng youh na 妹的鞋底三寸多！
Maj gyae raen nuengx gou 远远见妹走过坝，
Lumj rwi gouz va moq 好比蜜蜂见鲜花；
Mbouj va rwi cix hoj 蜜蜂无花怎采蜜，
Mbouj yah goj boux ndwi 哥我无妹怎成家？
S:Byaj raez gonq mbouj fwn 先打雷来雨不多，
Gogoen va mbouj mak 绿竹开花不结果；
Va gyoij hai moqsak 芭蕉开花是好看，
Yaeuh beghag daeuj ndwi 哄鸟飞来无处落！
M
uenh swenj mbouj baenz fwen 乱编乱唱不是歌，
Roeg rwenz mbouj dwg gaeq 白鹤爬山不是鹅；
Cwz dwk an nanz naeq 黄牛配鞍不中看，
Nuengx yaeuh beix vahbyangz 妹讲假话来哄哥！
S:Ndaw raemx ronghndwen singj 水中有个月光光，
Nuengx henz cingj caj nangz 妹在井边等情郎；
Haz doengh laih beix daengz 风吹草动疑哥到，
Nuengx sim maengx youh yup 又惊又喜又心慌！
Mau ndaem naz haenz dah 种田最怕河边田，
Baez raq couh deng cimq 一回大水一回淹；
Lau gyau nuengx fouz sim 恋妹最怕无情妹，
Baez cim cungj aeu laex 回回约会都要钱！
S:Biuz senj daemz ciengz raen 浮萍换塘时常见，
Vunz maij ngaenz mbouj moix 嫌贫爱富人也多；
Vamiuz coij dam coij 天下作物千百种，
Yawz dawz oij beij haz 莫拿甘蔗比稗禾！
M:Beix miz sim ciengx roeg 哥哥养鸟望它大，
Rox gaeb geijlai daek 枉费辛苦捉蚂蚱；
Duz gung mbin ndoeng laep 鸟养大时飞走了，
Ndek raep hoengq ce ranz 丢下空笼在哥家！
S:Raemxnaz cix gek haenz 大田隔水水隔基，
Aensim cix gek dungx 人心隔肚肚隔皮；
Ronggya suek rangz numh 竹壳层层包嫩笋，
Sim co dungx cix caen 妹有真心哥不知。
M:Siengj nuengx gwn mbouj feih 想妹见肉味不开，
Feiq sim youh feiq ngaenz 一误时间二误财；
Saek ngoenz dai bae yaem 哪天相思为妹死，
Mbouj raen nuengx daeuj baiq 何曾见妹烧香来！
S:Siengj beix aen naj byom 想哥想得脸都老，
Va hom mbouj rox mup 花香崩鼻不知道；
Siengj beix song da mboep 想哥想得失魂魄，
Haemh laep mbouj baenz ninz 睡不着觉二眼凹！
M:Nuengx miz naz mbouj cae 哥缺花盆妹缺花，
Beix miz reih mbouj rauq 妹少犁来妹少耙；
Hixnaengz caez caemh cauq 索性饭菜一锅煮，
Sau mbauq guh ranz ndeu 索性合起共一家！
S：Caemh cauq cix caemh cauq 一锅煮来以锅沤，
Sau mbauq rangh diuz sai 我俩裤带扎一头；
Haeuxsan cawj baenz ngaiz 白米一煮就成饭，
Rangz faiz geq baenz duk 竹笋破壳长成蔸！
Hab:Gyaj ndei raeuz gag ndaem 好秧不放别人篓，
Gaej faen vunz daeuj caeg 好瓜不让别人偷；
Langh miz byawz daeuj yoeg 哪个来做窃瓜贼，
Vutvoek daengz dinmbwn 我俩抛他到九州！
------Gvangjsih Minzcuz Bau
很强。。。。认真学习。。。。
就怕竹笋难成才
……Lij Faz
mbauqawz boi cix nyangz laeuj
Dawz haeux cix nyangz bya
Raen nuengx gvaq neix ma
Raen va cix nyangz fungh
Bak loh miz mauzdan
Duj dam duj hai lengj
Mauxdan yienznaeuz siengq
Mbouj beij nuengx nyaenx ndei
Sau:Aeu saeng bae dangj rumz
Mwngz gangj coenz guh yaeuh
Aeu mbok gyang coux haeux
Song gyaeuj roh baenz hoengq
Mbauqujduj va miz sim
Coenzcoenz vah ndaw dungx
Roegvuengz siengj aeu fungh
Yawz gamj loengh vahriu
S:Bak bit bak lingzleih
Bak beix coenzcoenz van
Dingqnyi beix coenz han
Gwn raemx hamz caemh feih
M:Va ndei rox gag hai
Mbouj geuz caiz hix lengj
Nuengx gvai fwen rox ciengq
Mbouj yungh hemq gag eu
S:Cin daengz va ciz mwn
Fwn gvaq mbwn cix rongh
Gizgiz miz va ndongq
Rawz daengh nuengx boux ndeu
M:Raen nuengx haumbupmbup
Lumj dungx oep ndaw naz
Raen nuengx lengj baenz va
Siengj aeu ma guh maex
S:Raen beix coekngoetngoet
Lumj go’ndoek hwnj rangz
Siengj aeu ma guh hanz
Lau lij nanz baenz faex
M:Beix mbouj rox caux gim
Dan rox ndaem naz haeux
Haethaemh cungj gaenx raeuh
Gwndaenj mbouj yungh you
S:Vamauxdan mbouj mak
Uengjfeiq cap lajmbwn
Bouxsai mbouj ra ngaenz
Uengj guh vunz gvaq ciuh
M:Siengj nuengx siengj uk in
Baenz hwnz ninz mbouj net
Ciuq gingq raen naj beg
Sim gag get gag in
S:Seizneix cwngzcwz ndei
Bouxmeiz naj cix rongh
Cingj beix dingq vah nuengx
Hag bongh bae fatcaiz
M:Nuengx dwg vasiglouz
Beix dwg ngaeuz ndaw daemz
Dangh ndaej doxcaemh ndaem
Caez ra ngaenz baenz fouq
S:Cim ndeu nanz baenz va
Miz sim caj beix mwngz
Sa ndeu nanz baenz baengz
Baenz fouq daengz caiq gangj
------Gvangjsih Minzcuz Bau
走到野外百花放
Sai:Ok rog daeuj raen va 走到野外百花放
Daengq bya bungz raemx moq 好比鱼儿游春江
Eu fwen youz gyang loh 一路走来一路歌
Vut gij hoj simfanz 丢开烦恼心欢畅
Vamauxdan hai caenx 牡丹花开开得旺
Dujduj nyaenx hailangh 一朵更比一朵靓
Mbwn gvengq ngoenz ndwensam 阳春三月艳阳天
Dieg sien nanz beij gyaeu 仙境也没恁风光
Mbungqmbaj caez ciuz va 对对蝴蝶花间翔
Yawj lwgda mbouj yaep 触景生情信惆怅
Duz iq cingz cix naek 小小精灵恋情深
Angq baenz roeg faengz cin 百鸟闹春喜洋洋
Nuengx ha mwngz daeuj naeq 妹妹你呀快来看
Duz neix mbungqmbaj maen 这蝶还是单身汉
Raen va ndang dauq saenz 飞来花旁心慌慌
Dwg caen mbouj miz damj 真正一点没胆量
Mbwk:Nyi de eu fouz leix 听他唱得那么浪
Yaeuh gou ngeix ndaw sim 句句勾我心荡漾
Rox de gyaj naeuz caen 不知假意或真心
Sien ra coenz daeuj dap 且把探歌唱一唱
Beghag mbouj gwn haeux 白鹤素来不吃秧
Yawz beg daeuj haenz naz 飞到田边做哪样
Mbungqmbaj mbouj gyawj va 蝴蝶见花不敢近
Vih oen caz nyaengqnyat 只因刺蓬遮四旁
Gofaex youq gyang doengh 一棵大树在田间
Roeg daj gyoengq coh gwnz 哪只鸟儿不向往
Vih doenghhaeux heumwn 只因稻浪翻得急
Nanz gwn nengz ndoj laj 难知禾虫哪儿藏
Suzroeg douh gwnz faex
鸟儿停在大树上
Da soh naeq soh cim 睁开双眼四处望
Miz sim ra nengz gwn 有心下去把虫找
Youh lau vunz cang vangx 又怕有人放鸟簧
M:Saenaz nduennaednaed 田螺只只圆圆样
Yienghceij saed lingzloengz 玲珑剔透外面光
Danh caekhaex mbouj gyoeng 螺盖封得那么密
Rox simcoengz yawzyiengh 难知肚里真心肠
S:Saenaz gyaep ndaetndwt 个个螺盖似门仓
Miz duz huk duz gvai 藏有糙米和细粮
Duz lawz bak noix hai 哪个仓门开得少
Dauq sim gvai gvaq doih 那个仓里米最香
Siengj langh gaeq haeuj naz 有心想把鸡仔放
Lau bangx bya miz yiuh 又怕山边黄鼠狼
Siengj nem nuengx gangj riu 有心想和妹谈笑
Lau gobiuj daeuj ndaq 又怕惹怒妹的郎
M:Siengj gwn dang saenaz 世上最鲜田螺汤
Lau gijmaz bing samj 想尝怎怕谁蚂蟥
Beix ha mwngz cuengqdamj 哥你放下十条心
Vah cingqdangq guenj naeuz 正经话儿尽管讲
S:Siengj yamq din gvaq dah 好想下河过对岸
Caen lau laj miz bing 真怕水中有蚂蟥
Caengz rox nuengx singqmingz 好想招呼妹一声
Yawz hai sing daeuj dongx 不知姓名怎开腔
M:Miz sim yamq roengz dah 要是真心把河趟
Gaej lau laj miz bing 怕它蚂蟥不蚂蟥
Miz sim nem nuengx ging 倘若有话莫犹豫
Danh ndaej sing beix unq 尽管诚心跟妹谈
Raen beix mbauq baenz yiengh 见你是个男子汉
Gou cix siengj guh moiz 我想为你把媒当
Miz dah ndeu nienz oiq 有个姑娘年轻妹
Daeuj boiq mwngz rox yawz 问你心意怎么样
Gangj dah neix hwnjdaeuj 年轻妹子好姑娘
De naengzsouj caixhangz 心灵手巧本领强
Vunz mbouj daemq mbouj sang 个子不高也不矮
Doengz gou ban nienzgeij 年纪同我正相当
Naj hau youh hoengzmaeq 白里透红秋海棠
Dangq ndwenseiq vamai 人见人说好模样
Bingz lajmban gwnzgai 百里挑一不敢说
Geijlai mbouj saw doih 花中玫瑰不夸张
S:Hoengq gangj nanz ndaej saenq 信口开河讲得响
Cix aeu dingq coenz caen 言过其实是说谎
Gou mbouj gim mbouj ngaenz 我家无金又无银
De yawz maenz daeuj haq 真正凤儿要配凰
Moengzeiq mbouj doengzeiq
什么凤凰不凤凰
Mwngz youq neix cix naeuz 真心话儿要真讲
Cingq dangq mwngz nem gou 你我难得在一处
Miz vah raeuz soh gangj 何必击侧又敲旁
Saj gyae muengh raen haij
站在高山望海洋
Vah saedcaih nanz han 难辨白云和白帆
Caengz raen naj doengzban 隔山买羊难讲价
Yawz ndaej han nyaenx seuq 未曾见花未知香
Laihnaeuz cawx yiengh maz 不是买米和买糠
Het dawz ma couh ndaej 付钱就可往回扛
Langh cam loek sim’eiq 要是随便表心意
Cix saetlaex najmong 白惹妹子骂我狂
M:Beix ha yawz nyaenx huk 讲你聪明你又憨
Duzguk lau gwn mou 哪有猛虎怕肥羊
Langh mwngz mbouj saenq gou 倘若对我真信任
Cix soh naeuz coenz seuq 直来直去别装腔
S:Raen mwngz yienghneix naeuz 见你这个认真样
Ndaw sim gou gag hingq 心里高兴就亮堂
Dah haenx de maz singq 请问妹子她贵姓
Mbanjlingq rox mbanjbingz 家住附近或远乡
M:Mwngz sim rox cix gyawj 知心就近在身旁
Mwngz cang ngawh cix gyae 隔心就远在他乡
Dahsau sim maezmaez 那个妹子真有意
Mwngz hoz gyaez cix rox 看你愿不愿成双
S:Cuengq set fouzfangfang 你是放钓在鱼塘
Yaeuh byavanx ndaw daemz 骗得草鱼来上当
Mwngz yaeuh gou guhcaemz 你是逗我寻开心
Mwngz yaemz gou guh’angq 等着看我出洋相
M:Gangj caen mwngz laih gyaj 真心你当骡肝脏
Sim gyoij laj daengz byai 芭蕉一心直一杆
Nuengx mbouj gangj vahbyaiz 妹我讲话就算数
Coengzlaiz mbouj guh yaeuh 从来不把人来诓
S:Seizneix caez doiqnaj 现时对面你不诓
Gangj vah dauq baenz coenz 句句中听暖心房
Lau bangx dat va’ngaenz 就怕岩上金银花
Cou gvaq raen cix reuq 一逢秋旱蔫黄黄
Mangq duj vagimngaenz
金银花儿不见霜
Sou ma caen hom heiq 赶快收来留花香
Gamcauj boiq bak feih 甘草好药配百味
Saenq ndaej cix baenz yw 看你会不会药方
S:Miz sim gwn raemx daemz 有心要把浑水尝
Gaemzgaemz gwn daengz laj 一口喝到心肝肠
Miz sim bae daemh cah 有心去走荆棘路
Mbouj lau vaq gaz oen 刺破裤子也心甘
M:Songraeuz gwn raemx daemz 你我同把浑水尝
Gaemzgaemz gwn daengz laj 一口喝到心肝肠
Songraeuz caez daemh cah 你我同走荆棘路
Cug gavaq caemh bae 捆起裤脚向前闯
——Gvangjsih Minzcuz Bau
春天百花美如画
Laux Leix
Seizcin bak va ndongq 春天百花美如画，
Ingj rongh daengx lajmbwn 装点锦绣满天下；
Bouxboux cungj haisim 你开心来我欢喜，
Vunzvunz rim naj angq 笑容朵朵赛鲜花。
Sau mbauq riuhoho 姑娘乐来后生笑，
Laux coz eu fwen danq 老人唱歌娃崽跳；
Miz geijlai sim’angq 几多欢快几多乐，
Saeh ndei danq nanz caez 喜事多得唱不了。
Ngeih lingz lingz it nienz 二00一这一年，
Heij saeh lienz heij saeh 大事大喜报连连；
Ik fanh vunz vuenheij 十二亿人喜不断，
Foux saeceij foux lungz 舞狮舞龙乐翩跹。
Coux dangj raeuz ngoenzseng 喜悦迎来党生日，
Daengx biengz caez daeuj hoh 各族人民齐贺喜；
Laebbaenz Cungguek moq 东方屹立新中国，
Guekcoj vuengh youh hwng 从此神州才奋起。
Rim bet cib bihop 八十周年长岁月，
Fwen gok caez daeuj danq 歌满四海功卓越；
Baengh miz gungcanjdangj 全靠中国共产党，
Cawz cainanh lwgminz 国民灾难从此绝。
Gaijgwz gaihfang daeuj 改革开放好主张，
Cin raeuj daengx Cunghvaz 春满中华百花香；
Yienghyiengh daih bienqvaq 千行百业大变化，
Dienyah cungj caez raen 辉煌成就誉八方。
Minz fouq guek youh giengz 国强民富天下知，
Daengx biengz cungj boiqfug 四海钦佩华夏奇；
Vunzhung ndwn maenhrwd 东方巨人立天地，
Lajmbwn laeb yiengh ndei 榜样形象显英姿。
Senhban auyinvei 北京申办奥运会，
Hab seiz youh habdangq 顺应潮流正当时；
Guek hwng minz caez angq 国运昌盛民心旺，
Vah gangj guh ndaej daengz 言行守信实不虚。
Aeu vunz raeuz miz vunz 亿万人民一条心，
Aeu ngaenz raeuz mbouj noix 国力坚实保资金；
Yindungyenz baenz doih 体育健儿频辈出，
Gijluz coih lai baez 世界记录常刷新。
Daeuz biuq ngamq song lwnz 投票才到第二轮，
Baekging couh hingz ndaej 脱颖而出是北京；
Hab minz sim minz eiq 众望所归众人服，
Daengx seiqgyaiq fug caez 全球欢庆北京赢。
Ginghci raeuz fazdaz 经济发展乘风帆，
Lumj bak va hoenghdum 日新月异百花繁；
Yinx rwi daeuj ciuz hom 花香飘逸千万里，
Caez comz geijlai mbaj 召来几多蜂蝶欢。
Rwi ciuz va aeu dangz 蜜蜂采花要酿糖，
Raeuz gaihfang aeu fouq 开放目的盼国强；
Ndaw guek faengz goenjouj 国内建设高潮涌，
Yinx vaimou engq hwng 冲出世界占市场。
Raeuz maengx daengx seiqgyaiq 中国需要全世界，
Vunz engq maij guek raeuz 各国盼到中国来；
Cingj gyahaeuj simou 我国申请入世贸，
Het daeuz biuq couh hawj 顺利实现本应该。
Faex hung cix baenz bauj 树高树大是好材，
Bya laux guk cix cangz 山高林茂虎藏哉；
Guek giengz diegvih sang 国家强盛地位高，
Byawz gamj hangz yawjsiuj 受辱历史不再来。
Guek giengz dijyuz ak 国运昌盛体育强，
Cuzgiuz yat yamq hung 男子足球也沾光；
Yiengq sigaibeih cung 世界杯梦几辈闯，
Baenzgoeng ndaej mbat neix 这回夺券上赛场。
Ginghci bongh lumj mbin 一日千里百业兴，
Laeuz sang ndwn daengjcap 高楼大厦多如林；
Loh soh youh gvangqgvat 高速公路织似网，
Ci baenz lad baenz baiz 靓车奔流赛牛群。
Lajmbanj caemh hwngvuengh 农村面貌换新装，
Luengqluengq baenz haw singz 新城频现山弄间；
Daenj moq youh gwn nyoem 生活质量上档次，
Riunyumj haeuj siujgangh 直奔小康尽开颜。
Lwnh diegbingz diegbya 山区平原乐悠悠，
Daengx Cunghvaz caez vuengh 天堂难比美神州；
Lwnh dieg Gun dieg Cuengh 壮汉人民齐携手 ，
Caemh yamq bongh doxbae 建设更上一层楼。
Cien dah lae coh haij 条条江河奔大海，
Fanh va maij daengngoenz 朵朵鲜花向太阳；
Ngoenzneix fuk caux baenz 饮水不忘挖井人，
Boux daiq roen dwg dangj 幸福不忘共产党。
Soengq bigaeuq bae gvaq 送旧迎新又一年，
Coux binaj daeuj daengz 来年又是艳阳天；
Raeuz yied ngoenz yied hwng 芝麻开花日日盛，
Diegvih swng yied vaiq 中国发展更领先。
------Gvangjsih Minzcuz Bau 2002.02.06
春天用cawhcin爽点吧？....
Lij Faz
Raemxdah laenengqnengq 河水流去亮晶晶，
Raemx cienj rox raemx caem 不知是浅还是深；
Fwngz baeuh roengz ndaek rin 丢块石头试深浅，
Sawq sim nuengx song gawq 唱句山歌试妹心。
Youq mbwq cix eu fwen 走在路上心烦多，
Sim vuen lumj ndaej yah 唱句山歌当老婆；
Bouxcoz angq guh saj 青年谁个不爱耍，
Nuengx gaej ndaq beix fouz 妹莫骂我轻浮哥。
Naz biz mbouj doek gyaj 好好的田不种禾，
Cawz gvaq miuz nanz heu 过了夏至禾苗枯！
Baenz sau fwen mbouj eu 好好的妹不唱歌；
Naj reuq eu cix ceiz 脸皱后悔变老婆！
Seizcoz fwen mbouj eu 年轻时候不唱歌，
Hwnj deu song ga naet 爬坳两腿也哆嗦；
Seizcoz mbouj doxnaek 年轻时候不交情，
Uengjfeiq daek gvaq cou 过秋蚂蚱叹零落！
Raen va sim cix angq 见到鲜花心飞飞，
Raen doengzbangh simhai 见到同龄喜开怀；
Hing oiq cauj nohvaiz 牛肉要有嫩姜炒，
Ndei soengq ngaiz fouzbeij 吃起饭来胃口开！
Eu fwen ndaej gaij mbwq 唱句山歌把愁解，
Gwn ndwq lawz baenz fiz 酒糟难醉哥心怀；
Eu fwen daeuq nuengx nyi 声声山歌来逗妹，
Dangh miz sim cix dap 有心就请唱过来！
Eu fwen mbouj dwg bag 唱歌不是人发癫，
Miz bak byawz mbouj fwen 人人崇拜老歌仙；
Raen va hai henz suen 花开园边谁不爱，
Byawz mbouj vuen bae mbaet 随手采来藏心间！
Eu fwen lai hozhawq 嘴巴唱多喉咙焦，
Da yawj lai simfanz 眼睛看多心情糟；
Raen nuengx bak mbouj han 只因阿妹不搭理，
Sim mbouj gam dahraix 心中不甘唱通宵！
Sing fwen yienznaeuz unq 乍听歌声软绵绵，
Caemh rox naemq simdaeuz 若碰石头也冒烟；
Coenzcoenz fwen nyaenx naeuz 句句真诚声声唤，
Siengj gouz nuengx hai bak 只求听到妹开言！
Eu fwen mbouj ndei yiet 唱歌不让歌声断，
Laeuj dep mbouj ndei dingz 喝酒不给酒壶干；
Laeuj hawq lij miz bingz 酒壶干了瓶还在，
Fwen dingz cix nanz swnj 歌声断了就难还！
Gouz nuengx saedsaeh nanz 求妹唱歌实在难，
Gouz sam youh gouz seiq 求一求二又求三；
Vunz ciq cienz cix ndaej 向人借钱还容易，
Baeq ciq bak nyaenx nanz 怎借歌声这样难？
Miz fwen mwngz mbouj ciengq 有歌不唱妹收藏，
Miz buh cuengq haeuj loengx 有衣不穿放笼箱；
Gvaqlaeng comda rungq 待到眼角松弛了，
Buhvaq byoengq baenz saeng 新衣烂成网一张！
——Gvangjsih Minzcuz Bau 20020403
Lij Faz
Daengngoenz hwnjdaeuj hoengz youh hoengz,
Ciuq raeuj bak va hai baenz gyoengq;
Cujsiz swhsiengj dwg daengngoenz,
Vangz Gez dwg dujva gim ndongq.
Seizcin va hai doxsaiq hoengz,
Gyoengqraeuz doxsaiq hag yinghyungz;
Yozsiz Vangz Gez ceiqheiq genq,
Vihliux gwzming gamj vutmingh.
Gaej guh va hai ndaw gyangranz,
Aeu guh va hai gwnz dat sang;
Souh ndaej fwn rumz caeuq mwi daj,
Gwzming mbouj lau haemz soemj manh.
Gamj guh bing nyit bongh gvaq dah,
Gamj gwn vunzdig gaw bauq max;
Aeu guh gwzming faenceh ndei,
Doek youq gizlawz cungj mwn maj.
Itsimiteiq vih gwzming,
Byaj bag cax raemj sim mbouj saenz;
Cujsiz lawz gangj gou lawz guh,
Dangj heuh cungfung gou gamj cung.
Vih cihgeij dai cienh dangq ma,
Vih yinzminz dai naek gvaq bya;
Gamj buek gamj daeuq nauh gwzming,
Mbouj cuengq cih dai youq naj da.
Bak doeg Mauzsenj diemz lumj dangz,
Haglienh couh yungh rengz rim ndang;
Yozsiz Vangz Gez ndang aeu guh,
Lienh geng bonjsaeh dang ciepban.
Lij Faz
Ronghndwen hwnjdaeuj sang youh sang
Ciuq ndaej diegdangz ronghcangcang
Haex bo lumjbaenz gongq byagim
Itbo engq beij itbo sang
Goenglaux ngonz haeux riuhoho
Seyenz iu youx caez ciengq go
Geijlai sim’angq ciengq mbouj liux
Geijlai saeh ndei ciengq baenz loz
Ciengq ndaej ronghndwen mbouj sij deuz
Ciengq ndaej raemxdah hai sing riu
Ciengq ndaej ndaundeiq yaep da dingq
Ciengq ndaej sing go fanh leix riuz
It ciengq fungsou cienz baengh Dangj
Caiq ciengq gunghse ligliengh giengz
Sam ciengq binzya byaij doekgonq
Seiq ciengq seyenz sim doxlienz
Sing go yied ciengq sing yied sang
Fwen go yied ciengq sim yied van
Miuz neix fungsou dem ganging
Dued aeu haenxlaeng fan it fan
Gaij Dieg Gungz Bienq Fouq
Lij Faz
Seizgonq bungz mbwnrengx,
Haeux rozrengj saetsou;
Gozminzdangj cingqfouj,
Lij gya sou “goengliengz”.
Mbwnrengx saek ndwen lingz,
Beksingq mbouj miz gwn;
Bouxhoj dai gyang roen,
Dicuj gwn laeuj noh.
Gozminzdangj haih raeuz,
Louz hawj raeuz dieg gungz;
Dah hawq bya mbouj fwnz
Lienz rum cungj ndi hwnj.
Dangj caeuq Mauz cujsiz,
Seih vunzgungz mehboh;
Gaijfang raeuz bouxhoj,
Lohloh vih yinzminz.
Gaijfang cib roek cin,
Gunghseva daengz neix;
Gizgiz bienq yiengh ndei,
Bya vuenheij raemx angq.
Yinzminz gunghse ndei,
Fanh saeh cungj naengz banh;
Guh suijli ganghan,
Ciengfanh vunz cunghwnj.
Hag Daicai cingsaenz,
Gaij dieg rin guh naz;
Guenj mwngz haij rox bya,
Dienz bingz ma ndaem haeux.
Hag Yizgungh senj bya,
Maz nanz cungj mbouj lau;
Gaij dieg gungz menmau,
Caih raeuz gyauj anbaiz.
Hwnj bya ra raemxgoek,
Haeuj gamj yok raemxmboq;
Bag bya yinx raemxloh,
Laengz dah guh suijgu.
Dah lumj muengx baenz saeng,
Raengz laeg aen dem aen;
Couhsuijgih suijbung,
Baenq lulu byoq raemx.
Caiq rengx buenqbi ba,
Raemx naz rimfeifei;
Gohaeux ngeiq daeb ngeiq,
Reih sang goj sou haeux,
Roengzrengz song sam bi,
Suijliva saedyienh;
Vunz gaem guenj liux dien,
Mbwnrengx caiq mbouj lau.
Miz raemx bak yiengh ndei,
Bya biz hajnieb mwn;
Giet mak duengq mak hung,
Bit hanq nyaengq daemz dah.
Miz raemx ndaej fazden,
Mbanj lienz mbanj ronghsag;
Daem haeux mbouj yungh sak,
Bak yiengh miz gihgi
Byaij seveicujyi,
Gauq swlizgwnghswngh;
Laeb daih ceiq yungzsinh,
Gaij dieg gungz bienq fouq.
Lij Faz
Roek ik yinzminz
Doxgiet gaenjmaenh baenz gang
Meijdi gamj hangz
Gyaeqroeg gyawz dangj ndaej ci
Aeu vunz miz vunz
Aeu haeux aeu ngaenz daihbaj
Gang diet baenz bya
Daengx guenk bingmax gig ak
Gaijfang Daizvanh
Bouxboux cungj lanz mbouj ndaej
Meijdi gukceij
Gaej gag diemj feiz coemh ndang
Lij Faz
Va bungz cin cix ndongq
Vunz maengx rongh
Ngoenz guh hong sasa
Raeuz hag Cib Ngeih Da
Riuhaha
Raen baihnaj ronghsag
Gonq gig “coj” haih vunz
Guh saehcingz
Cungj hat sing cang ak
Haex max wenj gvaq rog
Baez duet byak
Baih ndaw gog nywjnyungz
Neix raeuz dangjcunghyangh
Ndwn ndaej sang
Banhsaeh gangj saedsaeh
Vih lwgminz baenz ndei
Lai siemgjngeix
Gensez ndei guekgya
Daj “sanhcungh”daengz neix
Ndei fouzbeij
Daengx guek ndaej vuenyungz
Haeux lai gaeq rim rungz
Gwndaenj soeng
Cienz baengh gungcanjdangj
Youz cuk daeng engq rongh
Raeuz mizmuengh
Lij aeu bongh baenaj
Hag ndei Cib Ngeih Da
Vih swva
Fad max riengz dangj byaij
------Hoh Cib Ngeih Da
Lij Cungzsi
Sanhcungh Cenzvei ndei,
Angqlangh bae guh hong;
Bouxboux yiengq naj bongh,
Aen sim ndongq youh diemz.
Mou biz biu hub lai,
Bit gaeq gai mbouj dingz;
Vunz gaenx namh bienq gim,
Caez danq cwngcwz ndei.
Gaenx hong mbouj famhfap,
Fatcaiz lij mboengyungz;
Minz fouq guekgya hoengh,
Caeux daengz ngoenz swva.
Sim’angq cix guh fwen,
Simvuen cix diuq foux;
Lwnh dungzci baengzyoux,
Ngoenzneix raeuz ndei lai.
Angq lai fwen baenz haij,
Hoh hai cib Ngeih Da;
Raeuz lumj go lwgraz,
Yied hai va yied sang.
Lij Laz
Dingqnyi gyong rwenz sim angqyangz
Dingq ndaej vah diemz lumj hamz dangz
Bungz vunz daix hek laexmauh ndei
Vuenheij ciep vunz sim hailangh
Va bungz cin raeuj dujduj nding
Bya ndaej raemx moq diuqlinlin
Heuh vunz bangcoh gangj sing “cingj’
Doiq vunz yezcingz bouxboux gingq
Mboujlwnh laux iq rox hauxseng
Bouxwnq bungz nanh haengj bang rengz
Ndaej vunz bangcoh aeu “docih’
Naengh miz maz ceng sien doxnyiengh
Hekheiq gangj sing “mazfanz mwngz”
Guh hek okma daengq “ndei naengh’
Nyangz vunz haibak heuh “dungzci”
Hojgeiq doxbiek angq gaem fwngz
Sai mbwk laux coz caeuq lwgnyez
Cungj lumj beixnuengx caeuq bohmeh
Caez gangj laexmauh gyaez vwnzmingz
Cunghvaz lwgminz hoengh fanh bi
1983.4.9
Lij Faz
Rumzcin ci doh doengh
Va hai hoengh gwnz bya
Doenghgo ceng did ngaz
Raeuz gvaq nienz diep doiq
Bauq yiengj soengq bi gaeuq
Vunz gyaeu haeux demsou
Goengheij gak baengzyoux
Caez angq coux cieng moq
Rwi caemz va coux cin
Vunz sim ngeix bienq fouq
Dangj cwngcwz ndei raeuh
Yawj bouxlawz gaenx hong
Baenzlawz ganq nazreih
Bit gaeq ciengx geijlai
Haeux duh oij byaek faiq
Caeux anbaiz gaej nguh
Vah bouxlaux ciengz gangj
Dietbangq muz baenz cim
Cijaeu vunz miz sim
Ranzgim hix cauh ndaej
---Bauq Sawcuengh 1984.1.28
Lij Faz
Yawj mbaw saenq Veiz Gancinh dungzci hawj Bauq Sawcuengh le,
ndaw sim cungj mbouj caem.”Vah ndei gangj haeuj rwz,vahrwix vut diegfwz.”doiq gij vahbemx,cingj Veiz dungzci gaej supngeix. Gizneix,gou sij song hot fwen,caeuq caezgya doxhag doxbang, doengzcaez roengzrengz vih bauqceij lailai sij gauj.
Vah mbouj gangj dungx ndon
Vunz mbouj son bak huk
Bouxngoemx caeuq bouxnuk
Lij nyapnyuk vahbemx
Rox saw gyaez bauqceij
Rox leix gyaeq swva
Vih lwgminz oknaj
Beij vacaz lij ndongq
Sij fwen haenh vunzndei
Sij sei danq dangj aen
Sij gohyoz sawfaenz
Cungj aeu vunz sij gauj
Dangj raeuz gyaez lwgminz
Roengzsim ok bauqceij
Muengh bauqceij ndei gyaez
Baengh caezgya daeuj banh
Mwngz gyaez gou hix gyaez
Doengzcaez daeuj sij gauj
Angqhoh Sawcuengh Bauq
Lumj mauxdan hoengzdum
---Bauq Sawcuengh 1983.5.28
Lij Faz
Gaxgonq caemh “rek hung”
Vunz gungz roen hix gaeb
Byaij loh cix ngaem gyaep
Nyangz vunz laep da deuz
Ngoenz gwn souh guh donq
Donqdonq gyu mbouj youz
Miz hek haeuj ranz daeuj
Simyou lawz daix vunz
Gonq cih “swix” haih cungq
Cih gungz laengz baihnaj
Sanhcungh baez hai gvaq
Naj vunz hai lumj va
Cih “bau” haeuj ranz daeuj
Cih “fouq” riengz daengz mbanj
Ndaw fwngz cienz baenz fanh
Ndaw mbanj yienghyiengh moq
Ngoenzneix raeuz ndaej fouq
Baengzyoux cix dem lai
Lajmbanh vunz doxmaij
Gwnzgai vunz doxgyaez
---Bauq Sawcuengh 1983.5.14
（1）为什么不用“coenzcoenz cungj hoh fuk"啊？
（2）”吃饭细嚼又慢咽“的汉译是失掉了原意。
（3）很不错啊，请问一下，是创作还是整理的民间文学？
(1)Haemhneix dou gwn caeuz,
Ndaej ngi raegraeu heuh,
Heuh ngizngaeg ngizngaeuz,
Lwgnyez naeuz naxmoq.
(2)Feiz luemj myaeg luemj myenz,
Feiz ruemx gen bai laj,
Feiz iengj naj lizlinz,
swiqdin caengz naxmoq?
我的作品都是创作的，请多多指教！
Lij Faz
Byajraez ndaw cieng co
Naz gwnz bo ndaej raeq
Roeggeuq ciengq gwnz ngeiq
Bineix yaek fungsou
Hwnj ranz dajgiek maenh
Cien ngoenz gaenj maenhndaet
It ngoenz yawj gyanghaet
It bi yawj haicin
Cawzcin seizgan bengz
Aeu roengz rengz ganj hong
Ca it dingj ndaej song
Hongloh ciengj baenaj
Cawzcin ndwenngoenz gvaq
Lumj naq yaep da deuz
Nguh hong bae ngoenz ndeu
Ndek miuz ndeu sied sou
Cin raeuj va ceng ndongq
Raeuz guh hong doxsaiq
Beij boux lawz fouq vaiq
Fatcaiz dang lauzmoz
---Bauq Sawcuengh 1983.3.5
Lij Faz
Gonq siengjmuengh ngoenzndei
Bae ranz miuh sax gvih
Neix cwngcwz lozsiz
Gizgiz ndaej diemzvan
Gonq yaek daengz ndwencieng
Doxciengj cawx ligsaw
Neix vunzraeuz bae haw
Ceng cawx saw gisuz
Gonq goengheij fatcaiz
Bi daengz byai souh hoj
Neix bit gaeq laeuj noh
Baengh gohyoz ndaej fouq
Gonq vih mbouj rox cih
Saenq mingh cix hukhak
Neix yozsiz simndat
Cagaenj hag Sawcuengh
Ndawcieng gangj vwnzmingz
Mizsin gaej yungh saenq
Cauh fuk bangh vunz gaenx
Cij ndaej ngoenz ndei ngoenz
Bauq Sawcuengh 1983.2.12
Lij Faz
Bya faengz gungq hix diuq
Rwi iu mbaj angq coux
Haenh ndei youh danq fouq
Coux gozging daeuj daengz
Langh Vangzhoz angqyangz
Dah Cangzgyangh ciengq go
Cib ik vunz angqhoh
Gvaq gozging ngoenz neix
Haenh goekcoj fanh gyaeu
Danq raeuz dangj lingjdauj
Daengx sai mbwk coz laux
Angqvau byaij loh moq
----Bauq Sawcuengh 1983.10.1
Lij Faz
Ngoenzseng dangj daeuj daengz
Youh ngamq hai Yinzda
Lwnh diegbingz diegbya
Daengx Cunghvaz caez angq
Roek Gaiq Yinzda ndei
Caez vuenheij daeuj hoh
Miz dangj daeuj daz loh
Diemzangq doh lajmbwn
Beijbaenz rwi caux dangz
Va hai dangz diemzwk
Gungcanjdangj hungmbwk
Cib ik vunz ndaej van
Beijbaenz go rangzndoek
Ngoenz cix coek cix sang
Guenkcoj ndaej fu’gyangz
Cienz baengh dangj raeuz ak
Cien dah lae coh haij
Fanh va maij daengngoenz
Raeuz gak cuz lwgminz
Sim gyaez dangj fanh daih
----Bauq Sawcuengh 1983.7.2
Fwen langhsa:
Haemh neix dou gwn caeuz,
ndaej nyi roegraeu heuh,
Heuh ngizngaeg ngizngaeuz,
lwgnyez naeuz nax moq.
------Yawj Vujmingz Dwzbauj Siujyoz Ban Sawcuengh Hagseng Youq Namzningz Veibau
Lij Faz
Gonq raeuz doeg Sawgun
Sam ngoenz hag cih saw
Gvaqlaeng fan daeuj yawj
Baenzlawz doeg youh lumz
Bouxcuengh miz sawfaenz
Lumjbaenz max rox mbin
Baezneix youq Namzningz
Caen’da raen veibau
Lwgnyez caet bet bi
Hwnj daiz lij lau couj
Sij cih lumj lungz foux
Bouxboux bek fwngz haenh
Mbaq ngamq bingz daiz sang
Gangj vah lij nyaenqnyat
Doeg saw raeuzradrad
Vunzvunz (lag)angq ndawsim
Sawcuengh lumj rumzcin
Raeuz sim raeujruprup
Lwgnye lumj valup
Mwncupcup hai langh
----Bauq Sawcuengh 1983.9.10
Mwngz naeuz dou mbouj ndaek,
Cam govaet daihluh,
Vaet daihluh nemz ndang,
Naek nangz hizde yiengh.
Lij Faz
Roeg ciengq gwnz goraeu
Mbanj raeuz miz hek daeuj
De mbouj riuj noh laeuj
Gwed sawbouh haeuj ranz
Caengz sij ndaej gwn caz
Couh ra vunz gangjgoj
Lwnh sai mbwk nuengx go
Bouxboux cungj rox caez
Ngoenz caez bae guh hong
Haenh de muengzliklik
Vunz caem gaeq haen it
De hanh ndik henz daiz
Fwen danq de mbouj liux
Simseuq bouxboux gyaez
Daeuj neix dang lauxsae
Simmaez son Sawcuengh
Gyaez Bouxcuengh lwgminz
De haemh ninz mbouj onj
Gwn ngaiz mbouj rox donq
Vih son raeuz rox saw
Raeuz ndaej rox sawcih
Docih lauxsae ndei
Laemxsim hag roengzbae
Vih gaij ndei dieg Cuengh
Bae naj ingj swva
Caezgya ceng bae duengh
Raeuz hag ndei Sawcuengh
Swva rongh daengx biengz
----Bauq Sawcuengh 1983.7.16
Lij Faz
Naedhanh sawsiksik
Ndikndik lumj nyawh baenz
Naedhanh ndongq lumj ngaenz
Miz gimngaenz nanz vuenh
Seizcin raeuz caux goek
Naedhanh doekbyoegbyoeg
Muengh daengz neix ndwen loeg
Henj ndaw doengh gyang ndoi
Naedhanh vuenh naedhaeux
Naedhaeux bengz gvaq gim
Ngoenzneix cang haeux rim
Raeuz simvuen ndaej fouq
Genj naed hung naed fag
Simndat dak gimsa
Gai haeux hawj guekgya
Vih swva ok hanh
----Bauq Sawcuengh 1984.8.11
Lij Faz
Ronghndwen ronghcangcang
Ciuq gonganx henz laeuz
Haemhnaengz gwn gvaq caeuz
Doxiu daeuj gangj goj
Mbouj cienz go duziu
Mbouj riuz goj duzfangz
Vahrwix raeuz mbouj gangj
Vahbyangz raeuz mbouj dingq
Dwen daengz dangj simvan
Danq guekcoj hozmboeng
Damz swva simhoengz
Ciengq vuenyungz sim’angq
Gangj ciuhgonq ciuhlaeng
Yaeng gwnzmbwn ndawbiengz
Haenh guekcoj fouqgiengz
Siengj fatcaiz monzloh
Mwngz gangj lawz yozsiz
De lwnh di gingniemh
Gou gangj lawz caux cienz
Caez cienq haeuj lohfouq
Haemh gangj mbouj rox mbwq
Dauqcawq vunz ninz cingx
Danghnaeuz lij siengj dingq
Cingj haemhlaeng caiq daeuj
----Bauq Sawcuengh 1984.12.8
Lij Faz
Gou dwg boux lauxsae
Sim gyaez hong Sawcuengh
Sim lumj daengngoenz ndongq
Soengq rongh ndat hawj vunz
Nungzminz lae naed hanh
Sim maez ganq miu sang
Gou doek hanh byagbyag
Vih lwghag rox saw
Canghdajdeu sim genq
Gaek rin bienq baenz va
Gou sim ndongj(geng) gvaq faz(diet)
Vih swva son hag
Canghva hanh rwed va
Suenva mwn youh ndongq
Gou hanh doek dieg Cuengh
Maqmuengh ok yinzcaiz
Sawcuengh ndaej doigvangq
Bouxcuengh angq daengz maez
Gou dwg boux lauxsae
Ndiep gyaez hong Sawcuengh
----Bauq Sawcuengh 1984.9.1
----Hoh Gozging
Raeuz simvuen cix angq
Reuz simlangh cix fwen
Gozging sing go rwenz
Raeuz simvuen cix ciengq
Sam cib haj hopbi
Daengx guek gizgiz hoengh(mwncup)
Swva dwg miuz coek
Lumj rangzndoek maj sang
Dangj vix raeuz cauh fuk
Gwndaenj cug ngoenz sang
Gaen maenh dangjcunghyangh
Raeuz sim’angq baenaj
----Bauq Sawcungh 1984.10.1
Lij Faz
Raen it hauh vwnzgen*
Seyenz angqlinlin
Lumj daengngoenz seizcin
Hawj sim vunz raeujrub
Daengngoenz raeuj gwnz ndang
Vah dangj raeuj ndawsim
Ndit raeuj va cix nding
Sim raeuj vunz cix angq
Vwnzgen dwg dangdap
Ronghsag ciuq ndaej gyae
Lajmbanj daj neix bae
Lumj max ndaej dem fwed
Vwnzgen dwg vagim
Hai rim dieg lajmbanj
Gizgiz bauq cih “fanh”
Ranzranz saiq fatcaiz
Dangj caeuq minz doengzsim
Miz gaen dangj caemh yamq
Netsim haenqrengz ganq(guh)
Fan it fan caeux daengz
*It hauh vwnzgen couh dwg Cunghgung Cunghyangh bineix it hauh vwnzgen
Seizneix daengz “caetit”
Cib ik vunz simhai
Daj “Samcung” ciuhai
Guek raeuz daih bienqyiengh
Doihduz bizbwdbwd
Raeux henjrwg gwnz bo
Cidoih doh dem doh
Ranz moq baiz lienz baiz
Dangj ak guek couh giengz
Guek rengz minz ndaej fouq
Daengx guek angq goenjouj
Bouxbiengz raeuz vuenyungz
Ngoenzneix raeuz sim’angq
Cienz baengh dangj daiq loh
Gwn raemx gaej lumz mboq
Vut hoj gaej lumz dangj
Riengz dangj baefoedfoed
Doxdax buet baenaj
Netsim guh seiqvaq
Hwnq Cunghvaz ndongqgywg
----Bauq Sawcuengh 1984 6 30
Miz cienz cawx ndaej saw
Cihsiz cawx mbouj ndaej
Siengj uk gvai da raeh
Roengzsim bae hagsib
Miz cienz cawx ndaej gwn
Ganjcingz cawx mbouj ndaej
Siengj hawj vunz ndiepgyaez
Lai bae guh saeh ndei
Miz cienz cawx ndaej daenj
Fukfaenh mbouj miz gai
Siengj gya hwng fatcaiz
Riengz dangj byaij cij ndaej
Saia muengh coh baihnaj
Gijmaz yaepmigmig
Dwg ndaundeiq ronghgywg
Dwg ronghrib guh haw
Mbwk:Mbouj ndaundeiq ronghgywg
Mbouj ronghrib guh haw
Dwg vunz bae doeg saw
Dawz dienhdoengz ronghsag
Sai:Banh gijmaz hagdangz
Vunz baenzneix angq hag
Doeg le ndaej guh hak
Roxnaeuz fat faenzsan
Mbwk:Uk mwngz gaej hukhak
Bak mwngz gaej luenh raeuq
Banh ban Sawcuengh raeuz
Bouxboux ceng bae hag
Sai:Angq rox son Sawcuengh
Gou simvuen ndawhoz
Naengh nuengx mbouj ndek go
Caez caemh loh bae hag
Mbwk:Sawcuengh dwg bokfeiz
Beij ndaundeiq lij ndongq
Beix miz sim bae duengh
Raeuz guh song caez byaij
----Bauq Sawcuengh 1986 1 25
Buz gou mwh lwgdah(lwgsau)
Ciengx vaiz laj dinbya
Mbaw ngaeux gang guh liengj
Cagfiengz guh saivaq
Haethaemh siengj youh genx
Hwnzngoenz ndwnj raemxda
Hawj vunz dang vaizhoiq
Hoj lai yaek diuq dah
Meh gou mwh lwgdah
Ciengx vaiz youq doenghnaz
Liengjbaengz gang liengzsub
Ndang daenj buh raizva
Doengzdoih caez guh’angq
Eu fwen goksasa
Neix gou mwh lwgdah
Ciengx vaiz henz suenva
Liengjnizlungz rox gag haihaep
Souhluzgih dwg song lazbah
Daenj vunj dwk beizhaiz
Gaem saw doeg denda
Biengz ndei raeuz cix faengz
Simmaengx hwnq seiqvaq
----Bauq Sawcuengh 1985 12 7
boh meh cam:
Sing riu yaek biengj ranz
Guh maz angq baenz haw
Yaemj din caeg bae yawj
Raen lwg bawx dwk baiz
Vunz bae hong goenjoj
Doxsaiq guh rwenzcingz
Songmwngz mbouj cukcingz
Miz simcingz guh’angq
Lwg bawx han:
Boh meh ndeiriu lai
Daraiz yawj loek liux
Songdou geq ceijbiuq
Sou luenh riuz dwk baiz
Gonq gungz ranz seuqsat
Simnyap cix dwk baiz
Neix guh hong fatcaiz
Raen cienz lai cix angq
----Bauq Sawcuengh 1985 10 26
Liuz Samcej rox fwen
Ciengq sam ndwen hix byaiz
Lauxsae goenglauz daih
Fwen lai danq mbouj liux
Laeuj ndei rang doh mbanj
Dangz ndei van rim hoz
Baengh lauxsae sinhoj
Guekcoj ok yinzcaiz
Ndit ndongq va cix rang
Faex sang mak cix fag
Baengh lauxsae sonhag
Lwghag dungxcaiz gvai
Guekcoj lumj suenva
Baihnaj ndongq lumj man
Baengh lauxsae doek hanh
Ganq va cang seiqvaq
Fwnz sauj feiz cix hoengh
Namh mboeng faex cix mwn
Baengh lauxsae roengzsim
Yinzcaiz rim dienyah
Fagbit lumj fagcae
Mbaw ceij lumj nazdoengh
Miux ndei haeux ndaej fung
Baengh lauxsae roengz bonj
----Bauq Sawcuengh 1985 9 7
Byawz miz lwg mbouj gyaez
Byawz baenz baez mbouj in
Daengq bohmeh lajmbwn
Ndiep lwg sim gaej hah
Haethaemh ung nohbya
Buhvaq caenh genj ndei
Mbouj hag gvai son leix
Gyangq baenz gaeq guenj gyok
Doegsaw hag mbouj ndaej
Lauxsae daeuj cunz ranz
Mbouj son lwg gaij manz
Fanj gvaiq lauxsae rwix
Daj saeq langhbuengq saj
Guenj gijmaz iucing
Haidaeuz loek bak cim
Daengz hung sim cix yej
Cib sam hag caeg gaeq
Cib seiq hag guh doj
Cib caet bae bokloh
Cib bet rox vetranz
Ciengx lwg muengh baenz lungz
Cungh lai fanj haih lwg
Daengz gungh’anh daeuj gaeb
Coegdungx ienq mbouj dauq
……Bauq Sawcuengh 1986 3 29
Ngoenzneix ciet lauxsae
Biengz ndei sim cix angq
Faex mwn va engq rang
Mbwn sang fwj cix moq
Lauxsae raeuz ndeiraeuh
Bouxboux cungj gingqgyaez
Vih hawj lwghag ndei
Simgei de yungh caenh
Vih son hagseng gvai
Deng geijlai causim
Ngoenzlwenz gyaeuj lij ndaem
Ngoenzneix byoem hausak
Lwghag ndaej baenz caiz
Sai geijlai hanhraemx
Raeuz ciengzseiz geiq maenh
Gvaq dwngj gaej lumz so
……----Gvangjsih Minzcuz Bau 1986 9 10
路漫 发表于 2013-4-20 21:45
Lwgnyez dwg dujva
Cazcaz cungj hai hoengh
Lwgnyez gyaez miz moengh
| 欢迎光临 僚人家园 (http://bbs.rauz.net.cn/) | Powered by Discuz! X2.5 |
