Naemh Gyaez Boh Gou ( 2 )
Boh gou dwg boux Cungguek gungcanj Dangj lingjdauj laj aen seizdaih gyoengq vunz , de gig saenqfug gungcanj dangj ,hoeng gungcanjdang saed dwg mbouj saenq de ,daengz dai lij mbouj ndaej cam gya Gungcanj dangj cujciz , hoeng gij fwen sae de baenz seiq daih bouh faenh cungj dwg caeuq sienconz Gung canj dangj cwngswz miz gvan haeh :
de caux coenz fwen haenh Gungcanj Dangj ndeu naeuz :
( 1 )
Raeuz veijda aen dangj ,
Gauj hai fangq gaijgwz ;
Lingjdauj daengx cungh goz ,
Swnghhoz daengz siujgangh .
( 2 )
Bya mbouj beij mbwn sang ,
Haij gvangq langh miz haenz;
Dangj beij meh raeuz caen .
Baenzseiq gaen dangj byaij.
( 3 )
Dinz vih dangz ra va ,
Mbin cien bya fanh lueg ;
Dangj vih minz cauxfuk ,
Raeuz fouq cuk fat caiz .
( 4 )
Gwn haeux aeu niemh dieg ,
Gwn biek niemh go mungz ;
Dangj aen beij mbwn hung ,
Daihdaih lumz mbouj liux .
Sigij gonq loeg cib nienz daih , de youq Namzningz dweg gei gohvujdonz ,ciep daih aen guek Yeznamz beixnuengx boux hek seiz, youq dang naj hek Yeznamz doq caux coenz fwen doq eu naeuz :
( 1 )
Ye Namz caeuq Cunghgoz ,
Dangq daeg go caeuq nuengx ;
Ciengz seiz cungj dox muengh ,
Beij beixnuengx lij caen ;
( 2 )
Cunghgo caeuq Yeznamz ,
Ranz caeuq ranz dox nuengh
Dungzci gya beixnuengx ,
Ciengz dox muengh dox gyaez
( 3 )
Bya caeuq raemx dox lienz ,
Dweg caeuq mbwn dox do ;
Geiq haen dox caez ox ,
Song mbiengj caez hwnj mbonq .
( 4 )
Dah cuengh lienz daengz haij ,
lae byai mbouj miz dingz
Cungh Yez song guek cingz
Giet cien bi fanh daih !
Youq Cungguek vwnzva da gwz ming seiz gan ,Boh gou caemh ngaiz cunggik dawz nanh ,Youq bi 1972, ngaiz diu dauq ma daengz Yienh Vujmingz Linzfeiz cangj guh hong cangj , miz vunz bik de mbouj hawj de caiq bae guh fwen eu fwen ,cienz boq Vunzcuengh conzdungj vwnva ! Hoeng , de it mienh guh hong cangj it mienh li caegcaeg youq ndaej hoengq seiz gan caux fwen bien heiq , daengz laeng youh caiq you aen cangj lingjdauj cihciz laj , cujgen aen cangj vwnzyi dei , daengz ciet ( Sam Yied Sam ) ,Ciet gozging ,ciet cieng youq yienhsingz Vujmingz guh yienj , daiq dei bae cam gya daengx dwegcuengh vunz hongcangj vwnyi dei guh lienz hab dox comz beij yienj ; Ciengz seiz bingz ndaej it daengj cangj . Doq guh hong doq ngvanh fwen ngvanh bien heiq geij bi le ,daengz bi 1979 , de dauq ndaej diu bae daengz yienh Vujmingz vwngungh donz guh hong conhyez cangh heiq boiz !
Daengz bi 1981,aen vih Dwegcuengh densi saehnieb mbe fat gig haeh .de youh caiq diuq bae daengz yienh Vujmingz densidaiz guh hong Vwnyi bienciz ,cien monz bien guh fwen cuengh heiq cuengh ,youq densi Gvangj bo gwnz boq ok ,doengz seiz de youh caiq cuj gen Vahcuengh Gvangjbo saehnieb ,bae laj mbanj ciu aeu vahcuengh Gvangj bo yienz youq Vujmingz dendaiz guh vahcuengh Gvangj boq !
De guh hong vwnyi boux bienciz it cig guh daengz 60bi doiqyiuh , de doiq yiuh le ,mbouj rox gij maz yienzyinh ,yienh Vujmingz vahcuengh Gvangjbo saenieb caemh ngaiz dingzguh dingz boq lo ! Gij neix dwg aen minzcuz Vuncuengh vwnva yiengh gig daih saet bae !
楼主应该把以上的壮文也翻译成相对的汉语，因为不一定每个人都能看得懂的哦，我就是其中的一个，，，我很想了解，但又看不懂。。
Naemh Gyaez Boh Gou
怀念我的父亲
怀念我的父亲--ndiepngeix(ngeixniemh或naemj daengz/dwg ) boh gou
牵挂--niengqngeix,venj(hoij) ngeix| 欢迎光临 僚人家园 (http://bbs.rauz.net.cn/) | Powered by Discuz! X2.5 |