Youz Dwegcuengh Si Baekhaij
Ok haij !
Naengh Huzdengx okhaij !
Hamq haij Ngaenzdanh miz haujlai vunz guh co huz dengx soengq vunz youz ok haij bae langh ! Aen huz dengx song meij gvuangq , seiq - haj meij raez , dwg aeu faex benj doq baenz , naengh ndaej haj roek boux vunz . Gou co aen huzdengx haenx ,boux vaij huz dwg goeng laux aiq ndaej haj cib lai bi ,singq Gau , aen ndang cangq cwd rengz dwd , dwg vunz henz Ngaenzdan aen mbanj Sa gyaeujguk ,de cien monz youq giz neix vaij hek ok haij bae youz gaenq miz cib lai bi nanz ! Raeu couh naengh aen huz de ok haij lo !
Aen huz dengx ngaiz raemx langh cung hwnj cung roengz , vunz naengh youq gwnz dengx caemh ngaiz bau hwnj bau roengz ,ceiq hoj souh dwg aen dungx gou cang faenj daiq rim , fan foedfoed ,sup rumz sup heiq yungh rengz ndwnj roengz bae cij naenx ndaej dungx fan ! Yaep ndeu ,raeuz couh liz hamq haij roek cib meij gyae lo !
Gou yit mienh cuengq da lab yawj gvaengx haij gingj saek ,it mienh caeuq goeng gau vaij dengx dox gangj goj guh caemz :
Gou : Goeng gau, Mwngz cojgoeng dwg vunz giz lawz ?
Gau : Coj gou dwg vunz Gvangj doeng gauyau , seiz neix dwg youq aen mbanj Sa gyaeujguk neix youq !
Gou : Aen mbanj Sa gyaeujguk miz geij lai vunz ? Dwg singq Gau caez ha ?
Gau ; Aen mbanj Sa gyaeujguk miz Seiq haj cien vunz baenz neix ! aen mbanj raeuz miz cib geij aen singq , Singq Laemz ,singq Cenz ,singq Gau vunz haemq lai ,dwg daih singq !
Gou : Raeh naz gai caez la ? Aen vih gou daj giz haenx raen aen mbanj Sa gyaeujguk seiq henz cungj dwg louz sang ,yiengh neix gou couh cam de .
Gau : Ca mbouj geij gai caez lu ! ai ! geij diem gij neix lo !
Gou : Gai raeh naz cwngfuj hawj cienz faen ndaej cien lo ,fat cai cij deng ba ! mwngz damq guh maz heiq ?
Gau : Raeuz gai it moux dweg ngamj ndaej song sam fanh maenz ! Vunz dawz bae buenq gai ,it faen couh gai ndaej caet bet fanh ! Vunz ndaej fat caiz ,raeuz ndaej gij maz cienz ? Faen ndaej di cienz gwn liux le ,mbouj rox lwg lan gwn gij maz ?
Gou caen doek saet , giz neix buenq dweg canh ndaej baenz lai cienz ?
Gou : Goeng Gau , ngeih cib geij bi gonq gou daeuj giz neix youz seiz ,raemx haij lij gig cing dikdik , hamq haij lij dwg bieg supsup ,seiz neix raemx haemz sa ndaem ,dwg vih gij ma bienq baenz yiengh neix ne ?
Gau : Ai ! Vunz lai le couh bienq baenz yiengh neix lo ! mwh haenx hamq haij Ngaenzdan neix ngamj gag aen mbanj gou geij cien vunz youq ,seiz neix miz geij cib fanh vunz daeuj neix youq , geij cib aen cangj youq neix hai goeng , raemx doh raemx uek roengz daeuj lai ,couh bienq baenz yiengh neix lo !
Gou ; Yiengh neix gyoengq sou vih maz gai dweg hawj gyoengq vunz haenx daeuj neix ciemq youq ne ?
Gau : Caiq gangj gou couh raemx da lae lo ! Dweg yienz gangj dwg mbanj raeuz dweg , Guekgya daeuj aeu mwng ndaej naeuz mbouj hawj ? Dang naeuz giz dweg neix lij dwg Gvangjdoeng guh Gvuenj ,raeuz gangj vah lij ak ,hoeng seiz neix dwg youz Gvangjsae guh guenj ,raeuz miz gij maz genz ?
Gou : Gvangj doeng guh guenj it yiengh ciep hengz Cunghyangh lingjdauj caeuq cwngswz ,seiz neix youq Gvangjdoeng Cwngfuj buen gai dweg engq gya lai !
Gau ; Caemh dwg !
Gou : Baekhaij dwg baenz lawz bued hawj Gvangjsae guh guenj ne ? Mwngz rox lwi ?
Gau : Ciuq gou rox , dwg Dwegcuengh Gvangjsae yiengq Cunghyangh daj baugauq naeuz : Gvangjsae mbouj miz Yiyez , mbouj miz hamq haij , yiengh neix Cunghyangh couh bued Baekhaij Cinhcouh hawj Gvangjsae guh guenj !
Gou : Gyoengq sou yienh eiq Gvangjdoeng guh guenj ndei rox naeuz Gvangjdoeng guh guenj ndei ne ?
Gau : Ciuq leix gangj raeuz dwg gangj vah beg , dangyienz dwg Gvangjdoeng guenj ndei ! Hoeng Gvangjdoeng guh guenj le ,raeuz youq giz neix dwk ndaej ndaw haij gij canj binj mbouj fueng bienh bae Namzningz Liujcouh gai ,yiengh neix lij dwg Gvangjsae guenj ndei !
Gou : O !
Gangj di goj ndeu le , aen huz couh liz hamq saek song bak meij gyae lo ,giz haenx raemx loq cing ,gou duet buh duet vaq diuq roengz haij bae youz ! Gou caen ndang rox nyinh aen haij dwg geij lai hunggvangq geij lai rengz rwd ,moix aen langhhung lub gvaq daeuj ,cungj hawj gou rox nyinh sim diu dwddwd ! Singjsangj raixcaix !
Baekhaij ,Dwegcuengh Baekhaij ,gou gyaez mwngz !Dang naeuz gou guh Baekhaij Si cangj ,gou it dingh dawz Ngaenzdan seiq henz mbouj wng dang youq giz haenx gyoengq vunz caeuq aen cangj boenq byeuj deuz caez , dauq boiz guh ndei aen Ngaenzdan raemx sa gyaeundei hawj vunz gyoengq ! Coih fuk caeu hen hoh ndei Baekhaij lijyouz sou haeuj diuz daih caiz loh !
ndei,gou dingj hwnj!
Youz diegcuengh sij Bakhaij?
dwg mbouj dwg sij baenz yienghneix ndi gvaq?
| 欢迎光临 僚人家园 (http://bbs.rauz.net.cn/) | Powered by Discuz! X2.5 |