僚人家园

标题: [转帖]壮文版政府工作报告 [打印本页]

作者: bouxrungh 时间: 2008-3-7 09:10
标题: [转帖]壮文版政府工作报告

政府工作报告（摘要）

《CWNGFUJ GUNGHCOZ BAUGAU》(Mbaetaeu)

2007年3月5日在第十届全国人民代表大会第五次会议上

2007 Nienz 3 Nyied 5 Hauh Youq Gwnz Aen Hoih

Daihcib Gaiq Daengx Guek Yinzminz Daibyauj Daihhoih Daihhaj Baez Veiyi

国务院总理温家宝

Gozvuyen cungjlij Vwnh Gyahbauj

一、2006年工作回顾
1、Dauqyawj Gij Hong 2006 Nienz

2006年，是我国实施“十一五”规划并实现良好开局的一年，国民经济和社会发展取得重大成就。
2006 nienz，dwg bi guek raeuz hainduj saedhengz “11.5” gveihva caemhcaiq haibuenz ndaej ndei ndeu，gozminz ginghci caeuq sevei fazcanj cingzcik hungnaek．
——经济平稳快速增长。国内生产总值20.94万亿元，比上年增长10.7%；居民消费价格总水平上涨1.5%。经济增长连续四年达到或略高于10%，没有出现明显通货膨胀。
Ginghci bingzonj riengjvaiq demmaj．Ndaw guek swnghcanj cungjciz 20.94 fanh ik maenz，beij bigonq demmaj 10.7％；gihminz siuhfei gyagwz cungj suijbingz lai hwnj 1.5％．Ginghci demmaj lienzdaemh seiq bi ngamq daemx roxnaeuz haemq sang gvaq 10％，mbouj miz ok dunghho bungzcang mingzyienj.
——经济效益稳步提高。全国财政收入3.93万亿元，比上年增加7694亿元；规模以上工业企业实现利润增长31%，增加4442亿元。
Ginghci yauyiz onjbouh daezsang．Daengx guek caizcwng souhaeuj 3.93 fanh ik maenz，beij bigonq gyalai 7694 ik maenz；gij gunghyez giyez gveihmoz doxhwnj haenx guh ndaej leihyinh demmaj 31％，gyalai 4442 ik maenz．
——改革开放进一步深化。重点领域和关键环节改革取得新进展。进出口贸易总额1.76万亿美元，比上年增长23.8%；实际利用外商直接投资695亿美元。
Gaijgwz hailangh caenh'itbouh gyalaeg．Cungdenj lingjyiz caeuq gvanhgen vanzcez gaijgwz ndaej miz cincanj moq．Cingouj cuzgouj mouyiz cungjngeg 1.76 fanh ik Meijyenz，beij bigonq demmaj 23.8％；saedsaeh leihyungh vaisangh cigciep douzswh 695 ik Meijyenz．
——社会事业加快发展。科技创新取得重大成果，教育事业继续发展，公共卫生体系建设得到加强，文化、体育事业进一步繁荣。
Sevei saehnieb gyavaiq fazcanj．Gohgi cauhmoq ndaej miz cingzgoj hungnaek，gyauyuz saehnieb laebdaeb fazcanj，gunghgung veiswngh dijhi gensez ndaej daengz gyagiengz，vwnzva、dijyuz saehnieb caenh'itbouh mwnhoengh．
——人民生活有较大改善。城镇新增就业1184万人。城镇居民人均可支配收入11759元，农村居民人均纯收入3587元，扣除价格因素，分别比上年实际增长10.4%和7.4%。
Yinzminz swnghhoz ndaej gaijndei haemq lai．Hawsingz ngamq lingh demgya couhnieb lai．Hawsingz ngamq lingh demgya couhnieb 1184 fanh vunz．Hawsingz gihminz moix vunz bingzyaenz ndaej ceiboiq souhaeuj 11759 maenz，lajmbanj gihminz moix vunz bingzyaenz cingh souhaeuj 3587 maenz，gaeucawz gyagwz yinhsu bae，faenbied beij bigonq saedsaeh demmaj 10.4％ caeuq 7.4％．
这些成就，标志着我国综合国力进一步增强，我们朝着全面建设小康社会目标又迈出坚实的一步。
Doengh gij cingzcik neix，hauh ok gij cunghab gueklig aen guek raeuz caenh'itbouh lai giengz，raeuz coh aen muzbyauh cienzmienh gensez aen sevei siujgangh youh byaij ok yamqdin naemqdwddwd ndeu．
一年来的主要工作是：
Bi ndeu daeuj gij hong cujyau haenx dwg：
（一）加强和改善宏观调控。

(1)Gyagiengz caeuq gaijndei hungzgvanh diuzgung．
（二）加大“三农”工作力度。

(2)Gyarengz bae guh gij hong“sam nungz”．
（三）加快经济结构调整。

(3)Gyavaiq diuzcingj ginghci gezgou．
（四）积极推进改革开放。

(4)Cizgiz doicaenh gaijgwz hailangh．
（五）大力发展社会事业。

(5)Daihlig fazcanj gij saehnieb ndawbiengz．
（六）努力做好就业和社会保障工作。

(6)Roengzrengz guh ndei gij hong couhnieb caeuq sevei baujcang．
（七）继续加强民主法制建设。基层民主政治建设不断推进。

(7)Laebdaeb gyagiengz minzcuj fazci gensez．Gihcwngz minzcuj cwngci gensez mboujduenh doicaenh．
总结我们的实践经验，归结起来就是，只有解放思想、实事求是，与时俱进、开拓创新，坚定不移地走中国特色社会主义道路，坚持改革开放，坚持科学发展、和谐发展、和平发展，才能最终实现现代化的宏伟目标。
Cungjgez gij sizcen gingniemh dou，gvigiet hwnjdaeuj couh dwg，cijmiz gaijfang swhsiengj、gaengawq saedsaeh bae cawqleix、vwndiz，caeuq seizdaih caez baenaj、dwkbyoengq cangzgveih bae cauhmoq，giendingh mbouj bienq bae byaij diuz roen seveicujyi miz daegsaek Cungguek，genhciz gohyoz fazcanj、huzciz fazcanj、hozbingz fazcanj，cij ndaej ceiq sat saedyienh aen yendaiva muzbyauh hungmbwk haenx．
我们取得的成就，是以胡锦涛同志为总书记的党中央统揽全局、正确领导的结果，是全国广大干部群众齐心协力、顽强拼搏的结果。
Gij cingzcik dou soj ndaej，dwg baengh aen dangj cunghyangh aeu Huz Ginjdauh dungzci guh cungjsuhgi haenx doengjlamx daengxbuenz、lingjdauj gig deng cij ndaej，dwg baengh daengx guek guengjdaih ganbu ginzcung caezsim haenqrengz、giengzmengx buek guh cij ndaej．
我们也清醒地看到，我国经济社会发展中仍然存在不少矛盾和问题，政府工作还有一些缺点和不足。
Dou hix singjsak yawj raen，guek raeuz ginghci sevei fazcanj ndawde ciuqyiengh lij miz mbouj noix mauzdun caeuq vwndiz，gij hong aen cwngfuj lij miz mbangj di guh ndaej mbouj gaeuq dohdaengz．
一是经济结构矛盾突出。
It dwg ginghci gezgou mauzdun duzcuz．
二是经济增长方式粗放。
Ngeih dwg ginghci demmaj fuengsik nyauq lai．
三是一些涉及群众利益的突出问题解决得不够好。
Sam dwg mbangj di duzcuz vwndiz nangq daengz gij leih'ik beksingq haenx，lij gaijgez ndaej mbouj gaeuq ndei．
四是政府自身建设存在一些问题。
Seiq dwg cwngfuj bonjndang gensez lij miz di vwndiz ndeu．
我们必须以对国家和人民高度负责的精神，采取更加有力的措施，切实解决这些问题，决不辜负人民的期望。
Dou itdingh yaek dawz ok gij cingsaenz doiq guekgya caeuq yinzminz gig fucwz haenx，yungh gij cosih engqgya daeklig，baenzlawz cungj mbouj hawj yinzminz saetmuengh．

二、2007年工作总体部署
2、Cungjdaej Baijbouh Gij Hong 2007 Nienz

今年是本届政府任期的最后一年，我们要以更加昂扬的精神状态，恪尽职守，积极进取，毫不懈怠，努力把各项工作做得更好，向人民交出满意的答卷。
Bineix dwg bonj gaiq cwngfuj nyaemhgeiz bi gatsat de，dou aeu engqgya simhoengz singjsak，caenhsim hengz ndei cizcwz，itsim aeu hingz baenaj，mbouj yungz soengse saek di，roengzrengz dawz gak hangh gunghcoz guh ndaej engq ndei，gyau faenh dapgienj hab'eiq ndeu hawj yinzminz．
政府工作的基本思路和任务是：以邓小平理论和“三个代表”重要思想为指导，全面落实科学发展观，加快构建社会主义和谐社会，认真贯彻党的十六大以来各项方针政策，加强和改善宏观调控，着力调整经济结构和转变增长方式，着力加强资源节约和环境保护，着力推进改革开放和自主创新，着力促进社会发展和解决民生问题，全面推进社会主义经济建设、政治建设、文化建设、社会建设，为党的十七大召开创造良好的环境和条件。
Gij swhlu caeuq yinvu cwngfuj gunghcoz dwg： Aeu Dwng Siujbingz Lijlun caeuq“Sam Aen Daibyauj” Cung'yau Swhsiengj guh cijdauj，cienzmienh lozsiz gohyoz fazcanjgvanh，gyavaiq cauhlaeb aen sevei huzciz seveicujyi，nyinhcaen lozsiz dangj raeuz cibroek daih doxdaeuj gak hangh fuengcim cwngcwz，gyagiengz caeuq gaijndei hungzgvanh diuzgung，roengzrengz diuzcingj ginghci gezgou caeuq cienjbienq demmaj fuengsik，roengzrengz gyagiengz mbaetyungh swhyenz caeuq baujhoh vanzging，roengzrengz doicaenh gaijgwz hailangh caeuq gag cauhmoq，roengzrengz coicaenh sevei fazcanj caeuq gaijgez beksingq swnghhoz vwndiz，cienzmienh doicaenh seveicujyi ginghci gensez、cwngci gensez、vwnzva gensez、sevei gensez，vih dangj raeuz cibcaet daih ciuhai cauh ok vanzging caeuq diuzgienh ndei．
综合考虑各种因素，今年国民经济和社会发展的主要目标是：在优化结构、提高效益和降低消耗、保护环境的基础上，国内生产总值增长8%左右；城镇新增就业人数不低于900万人，城镇登记失业率控制在4.6%以内；物价总水平基本稳定，居民消费价格总水平涨幅在3%以内；国际收支不平衡状况得到改善。
Gyoenjgyoeb ngeixnaemj gak cungj yinhsu，aen gozminz ginghci caeuq sevei fazcanj cujyau muzbyauh bineix dwg：Aeu youhva gezgou、daezsang yauyiz caeuq gyangqdaemq siuhauq、baujhoh vanzging guh giek, caiq sawj ndaw guek swnghcanj cungjciz demmaj 8％ baedauq；hawsingz ngamq lingh gyalai couhnieb vunzsoq mbouj noix gvaq 900 fanh，hawsingz dwnghgi saetnieb bijliz gaemhhanh youq 4.6％ doxdauq；vuzgya cungj suijbingz daihdaej onjdingh，gihminz siuhfei gyagwz cungj suijbingz hwnjgyaq fukdoh youq 3％ doxdauq；gozci soucei mbouj bingzyaenx aen canggvang neix ndaej gaijndei．

三、促进经济又好又快发展
3、Coicaenh Ginghci Fazcanj Ndaej Youh Ndei Youh Vaiq Bae

通观全局，今年经济发展要着重抓好以下几个方面：
Yawj doh daengxbuenz，gij ginghci fazcanj bineix aeu cungdenj ca ndei geij fuengmienh lajneix：
（一）坚持加强和改善宏观调控

(1)Genhciz gyagiengz caeuq gaijndei hungzgvanh diuzgung
（二）发展现代农业和推进社会主义新农村建设

(2)Fazcanj yienhdaih nungzyez caeuq doicaenh gensez gij lajmbanj moq seveicujyi
（三）大力抓好节能降耗、保护环境和节约集约用地

(3)Daihlig ca ndei mbaetyungh nwngzyenz gyangqdaemq siuhauq、baujhoh vanzging caeuq mbaetyungh cizyoz yungh dieg
（四）加快推进产业结构升级和自主创新

(4)Gyavaiq doicaenh canjnieb gezgou swnggaep caeuq gag cauhmoq
（五）进一步推动区域协调发展

(5)Caenh'itbouh doidoengh gihyiz doxdaengh fazcanj

作者: bouxrungh 时间: 2008-3-7 09:13
四、推进社会主义和谐社会建设
4、Doicaenh Gensez Aen Sevei Huzciz Seveicujyi

社会和谐稳定，百姓安居乐业，是广大人民的共同愿望，也是政府工作的重要任务。今年要认真贯彻党的十六届六中全会精神，采取更加有力的举措，在构建社会主义和谐社会方面迈出重要步伐。
Sevei huzciz onjdingh，beksingq youq onj maengx hong，dwg gij maqmuengh doengzcaez guengjdaih yinzminz，hix dwg gij yinvu youqgaenj aen cwngfuj．Bineix aeu nyinhcaen gvancez gij cingsaenz cibroek gaiq roek cungh cenzvei dangj raeuz，yungh gij cosih engqgya daeklig，youq cauhlaeb aen sevei huzciz seveicujyi fuengmienh byaij ok yamqdin youqgaenj．
（一）加快教育、卫生、文化、体育等社会事业发展

(1)Gyavaiq fazcanj gyauyuz、veiswngh、vwnzva、dijyuz daengj sevei saehnieb
（二）加强就业和社会保障工作

(2)Gyagiengz gij hong couhnieb caeuq sevei baujcang
（三）强化安全生产工作和整顿规范市场秩序

(3)Giengzvaq gij hong ancienz swnghcanj caeuq cwngjdun gveihfan hawciengz cizsiz
（四）推进社会主义民主法制建设

(4)Doicaenh seveicujyi minzcuj fazci gensez
（五）维护社会安定和谐

(5)Henhoh ndawbiengz onjdingh huzciz

五、深化改革和扩大开放
5、Gyalaeg Gaijgwz Caeuq Gyadaih Hailangh

要坚定不移地推进改革开放，在重点领域和关键环节取得新的突破。
Aeu giendingh mbouj bienq bae doicaenh gaijgwz hailangh，youq cungdenj lingjyiz caeuq gvanhgen vanzcez caiq ndaej duzbo，byaij ok yamq moq.
深化国有企业改革。
Gyalaeg guekmiz giyez gaijgwz．
加快推进垄断行业改革。
Gyavaiq doicaenh gaijgwz gij hangznieb gagciemq．
鼓励、支持和引导个体私营等非公有制经济发展。
Gujli、cihciz caeuq dazyinx godij swhyingz daengj feih gunghyoujci ginghci fazcanj．
推进财税体制改革。
Doicaenh caizsui dijci gaijgwz．
加快金融体制改革。
Gyavaiq ginhyungz dijci gaijgwz．
发展对外贸易。
Fazcanj doiq rog mouyiz．
做好利用外资工作。
Guh ndei gij hong leihyungh vaiswh．
引导和规范企业对外投资合作。
Dazyinx caeuq gveihfan giyez doiq rog douzswh doxgap．

六、加强政府自身改革和建设
6、Gyagiengz Cwngfuj Bonjndang Gaijgwz Caeuq Gensez

做好新形势下的政府工作，必须不断加强政府自身改革和建设。几年来，我们把实行科学民主决策、推进依法行政、加强行政监督作为政府工作的三项基本准则，注重全面履行政府职能，着力加强社会管理和公共服务，建立健全应对突发公共事件管理体制机制，推进行政审批制度改革，制定和贯彻全面推进依法行政实施纲要，加强监察和审计工作，加大反腐倡廉力度。政府自身改革和建设迈出了重要步伐。
Guh ndei gij cwngfuj gunghcoz laj hingzsi moq，bietdingh aeu mboujduenh gyagiengz cwngfuj bonjndang gaijgwz caeuq gensez．Geij bi daeuj，dou dawz saedhengz gohyoz minzcuj gezcwz、doicaenh ciuq fap hingzcwng、gyagiengz hingzcwng gamduk dangguh cwngfuj gunghcoz sam hangh gihbwnj cunjcwz，yawjnaek cienzmienh hengzguh cwngfuj ciznwngz，roengzrengz gyagiengz sevei guenjleix caeuq gunghgung fuzvu，laeb hwnj laeb caezcienz gij guenjleix dijci gihci bae wngqdoiq gij gunghgung saehgienh fwt fat haenx，doicaenh hingzcwng saemjbae cidu gaijgwz，ceiqdingh caeuq gvancez cienzmienh doicaenh ciuq fap hingzcwng saedhengz ganghyau，gyagiengz gij hong gamcaz caeuq saemjgeiq，lai haenqrengz baefanjdoiq nduknaeuh dizcang lenzgez．Cwngfuj bonjndang gaijgwz caeuq gensez byaij ok yamqdin youqgaenj．
加强政府自身改革和建设，必须坚持以人为本、执政为民，把实现好、维护好、发展好最广大人民的根本利益作为出发点和落脚点；必须坚持从国情出发，实现党的领导、人民当家作主和依法治国的有机统一；必须坚持不断完善社会主义市场经济体制，促进经济社会全面协调可持续发展；必须坚持创新政府管理制度和方式，提高政府工作的透明度和人民群众的参与度。我们的目标是，建设一个行为规范、公正透明、勤政高效、清正廉洁的政府，建设一个人民群众满意的政府。
Gyagiengz cwngfuj bonjndang gaijgwz caeuq gensez，bietdingh aeu genhciz aeu vunz guh goek、vih beksingq gaem gienz，dawz saedyienh ndei、henhoh ndei、fazcanj ndei gij leih'ik gaenbonj gyoengq yinzminz ceiq lai haenx dangguh gunghcoz muzdiz caeuq gezgoj；bietdingh aeu genhciz coengz guekcingz bae ngeix saeh，guh daengz dawz aen dangj lingjdauj、yinzminz danggya guhcawj caeuq ciuq fap ceihleix guekgya ndeindei dungjyiz youq itheij；bietdingh aeu genhciz mboujduenh laeb caezcienz seveicujyi hawciengz ginghci dijci，coicaenh ginghci sevei cienzmienh doxdaengh ndaej lienzdaemh fazcanj；bietdingh aeu genhciz doiq cwngfuj guenjleix cidu caeuq fuengsik, guh cauhmoq，sawj gij hong aen cwngfuj bienq ndaej engqgya ronghcingx，hawj gyoengq beksingq engqgya maengx daeuj caeuqfaenh guh．Aen muzbyauh dou dwg，gensez aen cwngfuj hingzveiz gveihfan、goengcingq ronghcingx、gaenx guh hingzcwng、yauliz sang raeuh、cingcingq lenzgez ndeu，gensez aen cwngfuj beksingq hab'eiq ndeu.

各位代表！
Gak boux daibyauj!

建立巩固的国防，建设强大的人民军队，是社会主义现代化建设的战略任务。要坚持以毛泽东军事思想、邓小平新时期军队建设思想、江泽民国防和军队建设思想为指导，认真贯彻胡锦涛同志关于军队建设的一系列重要论述，全面落实科学发展观，着眼于有效履行新世纪新阶段军队的历史使命，坚持把思想政治建设放在首位，积极推进中国特色军事变革，确保部队高度稳定和集中统一，为维护国家安全统一和现代化建设提供坚强有力的保障。积极推进机械化条件下军事训练向信息化条件下军事训练转变，不断提高部队信息化条件下的防卫作战能力。加强国防科研和武器装备建设。推进后勤建设和改革。坚持依法治军、从严治军，提高军队正规化水平。加强人民武装警察部队全面建设，完成好执勤、处置突发事件、反恐斗争和维护稳定任务。深入开展国防教育，完善国防动员体制。搞好双拥共建活动，巩固和发展军政军民团结。
Laeb gij gozfangz gaenjmaenh，hwnqguh aen bingdoih giengzdaih yinzminz，dwg aen canloz yinvu seveicujyi yendaiva gensez．Aeu genhciz yungh gij ginhsw swhsiengj Mauz Cwzdungh、gij bingdoih gensez swhsiengj seizgeiz moq Dwng Siujbingz、gij gozfangz caeuq bingdoih gensez swhsiengj Gyangh Cwzminz daeuj guh cijdauj，nyinhcaen gvancez Huz Ginjdauh dungzci baenzroix lwnhgangj youqgaenj gvendaengz bingdoih gensez haenx，cienzmienh lozsiz gohyoz fazcanjgvanh，ngeix daengz aeu mizyauq bae hengzguh gij lizsij sawjmingh aen bingdoih sigij moq gaihdon moq，genhciz dawz swhsiengj cwngci gensez cuengq youq vih daih'it，cizgiz doicaenh gij ginhsw bengwz miz daegsaek Cungguek，saedbauj bingdoih gig onjdingh caeuq gig cizcungh dungjyiz，vih henhoh guekgya ancienz dungjyiz caeuq yendaiva gensez daezhawj gij baujcang giengiengz daeklig．Cizgiz doicaenh gij lienhbing laj diuzgienh gihgaiva，cienjbienq baenz gij lienhbing laj diuzgienh sinsizva，sawj bingdoih youq laj diuzgienh sinsizva hoenxciengq henndang ndaej yied hoenx yied ak．Gyagiengz gozfangz gohyenz caeuq vujgi canghbei gensez．Doicaenh houginz gensez caeuq gaijgwz．Genhciz ciuq fap guenjleix bingdoih、coengz yiemz guenjleix bingdoih，sawj bingdoih bienq lai cwnggveih bae．Gyagiengz cienzmienh gensez yinzminz vujcangh gingjcaz budui，guh ndei gij yinvu caephengz ginzvu、cawqceq gij saehgienh fwt fat、fanj gungjbu doucwngh caeuq henhoh onjdingh．Haeujlaeg bae guh gozfangz gyauyuz，laeb caezcienz gozfangz dung'yenz dijci．Gauj ndei gij hozdung yungjginh aiminz yungjginh youhsuz、doengzcaez gensez cingsaenz vwnzmingz，gyamaenh caeuq fazcanj ginhcwng ginhminz doxgiet．

各位代表！
Gak boux daibyauj!

我们将继续坚定不移地贯彻“一国两制”、“港人治港”、“澳人治澳”、高度自治的方针，严格按照特别行政区基本法办事，全力支持香港、澳门两个特别行政区行政长官和政府依法施政，发展经济，改善民生，促进和谐。加强内地与港澳在经贸、科教、文化、卫生、体育等领域的交流与合作。让我们与港澳各界人士一道，为维护香港、澳门长期繁荣稳定而努力奋斗。
Dou yaek laebdaeb giendingh mbouj bienq bae gvancez gij fuengcim “aen guekgya ndeu song cungj cidu”、“vunz Yanghgangj gag guenj Yanghgangj”、“vunz Aumwnz gag guenj Aumwnz”、gauhdu swci haenx，yiemz ciuq aen fapgoek daegbied hingzcwnggih banh saeh，caenhrengz cihciz gij bouxdaeuz caeuq cwngfuj Yanghgangj、Aumwnz song aen daegbied hingzcwnggih ciuq fap gaem gienz guenj saeh，fazcanj ginghci，gaijndei gij swnghhoz gyoengq beksingq，coicaenh huzciz．Hawj Neidi caeuq Yanghgangj Aumwnz youq ginghmou、gohgyau、vwnzva、veiswngh、dijyuz daengj lingjyiz gyagiengz gyaulouz caeuq doxgap．Cingj raeuz caeuq Gangj Au gak gyaiq vunzak itheij，vih henhoh Yanghgangj、Aumwnz ciengzgeiz mwnhoengh onjdingh bae haenqrengz guh．
我们坚持“和平统一、一国两制”的基本方针，坚持新形势下发展两岸关系、推动祖国和平统一进程的各项政策。团结广大台湾同胞，坚决反对“台湾法理独立”等任何形式的分裂活动。牢牢把握两岸关系和平发展主题，积极扩大两岸交流与合作，促进直接“三通”，以最大的诚意、尽最大的努力为两岸同胞谋和平、谋发展、谋福祉。我们将继续在一个中国原则基础上，加强同主张发展两岸关系的台湾各党派的对话和交流，争取早日恢复两岸对话与谈判，努力推动两岸关系朝着和平稳定方向发展。我们坚信，在包括台湾同胞在内的全体中华儿女的共同努力下，中国的完全统一一定能够实现！
Dou genhciz diuz gihbwnj fuengcim “hozbingz dungjyiz、aen guekgya ndeu song cungj cidu”，genhciz doenghgij owngcwz youq laj hingzsi moq bae fazcanj song hamq gvanhaeh、doidoengh guekcoj hozbingz dungjyiz cincwngz haenx．Donzgez daengx gyoengq beixnuengx Daizvanh，genhgez fanjdui “Daizvanh fapleix doglaeb”daengj gij hozdung faenmbek sojmiz hingzsik．Dawz song hamq gvanhaeh hozbingz fazcanj aen cawjdaez neix gaem ndaetndaet bae,cizgiz gyadaih song hamq gyaulouz caeuq doxgap，coicaenh cigciep “sam doeng”，yungh ceiq daih caensim、caenh ceiq daih roengzrengz，bae vih gyoengq beixnuengx song hamq maeuz hozbingz、maeuz fazcanj、maeuz vuenyungz．Dou yaek laebdaeb youq gwnz giek diuz yenzcwz aen Cungguek dog，gyagiengz caeuq Daizvanh doengh aen dangjbai cawjcieng fazcanj song hamq gvanhaeh haenx guh doiqvah caeuq gyaulouz，ceng'aeu caeux di hoizfuk,song hamq doiqvah caeuq damzbuenq，roengzrengz doidoengh song hamq gvanhaeh coh aen fueng'yiengq hozbingz onjdingh haenx bae fazcanj．Dou gig siengsaenq，miz daengxcungq lwglan Cunghvaz hamz gyoengq beixnuengx Daizvanh youq ndawde bae doengzcaez roengzrengz，Cungguek vanzcienz dungjyiz couh itdingh ndaej saedyienh!

各位代表！
Gak boux daibyauj!

一年来，我们统筹国际、国内两个大局，积极倡导建设和谐世界，推动对外关系全面发展，为维护世界和平、促进共同发展做出了新贡献。
Bi ndeu daeuj，dou itheij suenqveh gwnz seiqgyaiq caeuq ndaw guek song buenz geiz hung，cizgiz iudaeuz daezok gensez aen seiqgyaiq huzciz，doidoengh doiq rog gvanhaeh cienzmienh fazcanj，vih henhoh seiqgyaiq hozbingz、coicaenh doengzcaez fazcanj，guh ok le goengqyienh moq．
我们提出推动建设和谐世界，符合当今世界发展潮流和各国人民的共同利益与愿望，体现了中国政府和人民致力于世界和平与进步的坚定信念。建设和谐世界，就是要在政治上平等民主，经济上互利合作，文化上交流共进，通过国与国之间的友好合作，共同应对全球性的传统和非传统安全挑战，实现世界的持久和平与共同繁荣。面对复杂多变的国际形势，我们要高举和平、发展、合作的旗帜，坚定不移地走和平发展道路，坚定不移地奉行独立自主的和平外交政策，坚定不移地在和平共处五项原则基础上同世界各国和睦相处，捍卫国家的主权、安全和利益，维护我国发展的重要战略机遇期，为全面建设小康社会、加快推进社会主义现代化营造良好的外部环境。
Dou daezok doidoengh gensez aen seiqgyaiq huzciz，hab gij seiqgyaiq fazcanj ciuzlouz seizneix，hix hab gij leih'ik caeuq nyienhmuengh caezcaemh gak guek yinzminz，daejyienh le Cungguek cwngfuj caeuq yinzminz，miz gij giendingh saenqniemh roengzrengz bae hawj seiqgyaiq hozbingz caeuq cinbu．Gensez aen seiqgyaiq huzciz，couhdwg aeu youq cwngci fuengmienh bingzdaengj minzcuj，youq ginghci fuengmienh doxik doxgap，youq vwnzva fuengmienh dox gyaulouz caez fazcanj，doenggvaq guek caeuq guek gyangde doxndei doxgap，doengzcaez wngqdoiq gij conzdungj caeuq feih conzdungj diuhcan daengx biengz，sawj seiqgyaiq ndaej ciengxlwenx hozbingz caeuq doengzcaez mwnhoengh．Mienhdoiq gij gozci hingzsi fukcab ak bienq baenzneix，dou aeu yaengx sang fan geiz hozbingz、fazcanj、doxgap，giendingh mbouj bienq bae byaij diuz roen hozbingz fazcanj，giendingh mbouj bienq bae hengz gij hozbingz vaigyauh cwngcwz doglaeb gag guhcawj，giendingh mbouj bienq bae youq gwnz aen giek hozbingz caemhyouq haj hangh yenzcwz，doengz seiqgyaiq gak guek huzciz caemhyouq，henhoh gij cawjgenz、ancienz caeuq leih'ik guekgya，henhoh aen canloz seizgei youqgaenj hawj guek raeuz ndaej fazcanj haenx，vih cienzmienh gensez aen sevei siujgangh、gyavaiq seveicujyi yendaiva，cauh ok aen vanzging ndei baihrog．
我们要大力开展经贸、科技、文化、教育、体育等领域的对外交往与合作，增进同世界各国人民的了解和友谊，树立中国和平、民主、文明、进步的形象，维护我国公民和法人在海外的合法权益，尊重和依法保护其他国家公民在中国的合法权益。
Dou aeu youq ginghmou、gohgi、vwnzva、gyauyuz、dijyuz daengj lingjyiz，haenqrengz bae guh doiq rog baedauq caeuq doxgap，caeuq seiqgyaiq gak guek yinzminz gyalai doxrox caeuq cingzngeih，laeb hwnj aen yienghsiengq hozbingz、minzcuj、vwnzmingz、cinbu Cungguek，henhoh guek raeuz gunghminz caeuq fazyinz gij gienzik habfap youq rog guekgingj haenx，aeueiq caeuq ciuq fap baujhoh gizyawz guekgya gunghminz gij gienzik habfap youq ndaw Cungguek haenx．
我们愿与各国人民一道，为推动建设一个持久和平、共同繁荣的和谐世界而不懈努力！
Dou nyienh caeuq gak guek yinzminz itheij，vih doidoengh gensez aen seiqgyaiq huzciz、ciengxlwenx hozbingz、doengzcaez mwnhoengh ndeu bae mboujduenh roengzrengz!

各位代表！
Gak boux daibyauj!

展望未来，伟大祖国前程似锦。我们的使命崇高而神圣，我们的责任重大而光荣。让我们紧密团结在以胡锦涛同志为总书记的党中央周围，高举邓小平理论和“三个代表”重要思想伟大旗帜，全面落实科学发展观，加快构建社会主义和谐社会，万众一心，开拓进取，奋力把改革开放和社会主义现代化事业推向前进！

Ngongqyawj daengzcog，aen guekcoj hungmbwk raeuz diuz roen baihnaj de ronghsagsag．Gij sawjmingh raeuz cungzgauh youh sinzswng，gij cwzyin raeuz hungnaek youh ronghnaj．Cingj raeuz gaenjmaed doxgiet youq seiqhenz aen dangj cunghyangh aeu Huz Ginjdauh dungzci guh cungjsuhgi haenx，yaengx sang fan geiz hungmbwk Dwng siujbingz Lijlun caeuq “Sam Aen Daibyauj” Cung'yau Swhsiengj，cienzmienh lozsiz gohyoz fazcanjgvanh，gyavaiq cauhlaeb aen sevei huzciz seveicuiyi，fanhcungq itsim，cauh roen baenaj，haenqrengz dawz gaijgwz hailangh caeuq seveicujyi yendaiva saehnieb mboujduenh nyoengx baenaj!

(中央民族语文翻译局壮文室译)

SAM NYIED SAM-Saujsu Minzcuz Yijvwnz bi 2007 geiz daihsam

作者: Honghlaj 时间: 2008-3-7 13:21
楼主，发帖之前麻烦先查一查，不要把本版原发的帖子又［转帖］到本版来！

作者: 08Ayingj 时间: 2008-3-7 14:51

Yawj ndaej buenq byongh ,sien ra aen daengq geg naengh , ndaej hoengq dau ma yawj !

1：mwnhoengh 2：demmaj 3 couhnieb 4 ceiboiq

5： bingzyaenz 6： doicaenh． 7;saemjbae 8 ；dohdaengz．

作者: 08Ayingj 时间: 2008-3-8 08:06

[ 楼主，发帖之前麻烦先查一查，不要把本版原发的帖子又［转帖］到本版来！]

Vunz raeuz aeu rox : Fanhoiz hangh hong neix caemh gig dwg rengz ,boux hoiz faenh faenzcieng neix caen dwg lwenz hwnz ganj hong cij guh ndaej ok ,caen docih boux hoiz cij deng leix !

作者: 08Ayingj 时间: 2008-3-11 15:45

Bingzlwnh (1):

我们取得的成就，是以胡锦涛同志为总书记的党中央统揽全局、正确领导的结果，是全国广大干部群众齐心协力、顽强拼搏的结果。
Gij cingzcik dou soj ndaej，dwg baengh aen dangj cunghyangh aeu Huz Ginjdauh dungzci guh cungjsuhgi haenx doengjlamx daengxbuenz、lingjdauj gig deng cij ndaej，dwg baengh daengx guek guengjdaih ganbu ginzcung caezsim haenqrengz、giengzmengx buek guh cij ndaej．
我们也清醒地看到，我国经济社会发展中仍然存在不少矛盾和问题，政府工作还有一些缺点和不足。

Dou hix singjsak yawj raen，guek raeuz ginghci sevei fazcanj ndawde ciuqyiengh lij miz mbouj noix mauzdun caeuq vwndiz，gij hong aen cwngfuj lij miz mbangj di guh ndaej mbouj gaeuq dohdaengz．
一是经济结构矛盾突出。
It dwg ginghci gezgou mauzdun duzcuz．
二是经济增长方式粗放。
Ngeih dwg ginghci demmaj fuengsik nyauq lai．
三是一些涉及群众利益的突出问题解决得不够好。
Sam dwg mbangj di duzcuz vwndiz nangq daengz gij leih'ik beksingq haenx，lij gaijgez ndaej mbouj gaeuq ndei．
四是政府自身建设存在一些问题。

Seiq dwg cwngfuj bonjndang gensez lij miz di vwndiz ndeu．

Cwngfuj ok cingzcik ,dwg Huz Ginjdauh goenglauz ,Cwngqfuj ok vwndiz ,caemh dwg doi dawz Huz Ginjdauh , Cwngfuj bumwnz bonjndang mbouj miz swzyin ?

Coenz vah laj neix gig youq gaenj :

[ 四是政府自身建设存在一些问题]

Seiq dwg cwngfuj bonjndang gensez lij miz di vwndiz ndeu．

Seveicujyi guekgya Cwngfuj cidu ciengz seiz bonjndang ok vwndiz , yiengh neix it dingh dwg Seveicujyi gensez lijlun ok vwndiz ! Cungguek Seveicujyi Guekgya gij yingzsiengq it dingh youq daengx caehgaih gwnz youh souh daengz caehgaih vunz lunhgangj , Seveicujyi cidu mbouj gohyoz yingzsiengq youq daengx saegyai souh vunz simngaez !

欢迎光临僚人家园 (http://bbs.rauz.net.cn/)