Huz Ginjdauh Cujsiz daeuj daengz diegcuengh caen ndang bae guh caen dwg hawj begsingq diegcuengh yawj raen le ndaw sim engq hangheiq ! ok di rengz de caen dwg lauh ndaej hauj lai Cwngci swhbenj ,byawz mbouj haengj gu ? Gou nyinh naeuz ,de dang lingjdauj ,dang naeuz de ndaej yungh lingj dauj genzlig bae caen ndang bae caeuq gouqcaih ciengya bae suenq ndei guh ndei geij diuz soq moeg laj neix couh caiq bae hawj daihgya ciep hengz guh ndei ,yiengh neix gij lingjdauj swzyinq de cij naeuz dwg fuswz ndaej gig ndei :
1 : It mienh gouq nanh it mienh diemj cing diegcuengh souhcaih danhveiq caeuq vunzsoq !Daeg bied dwg vunzcuengh laj mbanj doengh hoh gungz ndangj haenx !
2 :Caenhvaiq nanq suenq ok gouq nanh yungh gij dox gaiq cungjsoq ,diu doengh gouq nanh fuengsik caeuq cujciz hwnj gouqnanh gihgouq caeuq diu doengh yoengxdoengh gyoengq camgya gouq nanh danhveiq caeuq vunzgyoengq !
3 : Caeuq gyoengq guenjdien bumenz it heij caenhvaiq caz cing gat laemx dienqganj diensien diuz soq ,gietdingh cujciz ciengj coih gyoengqvunz caeuq danhvei , nan suenq ok coih ndei soj yungh seizgan !
4 : Guh ndei gya rengz dingx gaenj souh caih dieggei dienqganj diensien gij soq caeuq nanq suenq yungh bae geij lai dox gaiq geij lai cienz caeuq geij lai seizgan , ceng aeu bi laeng dang naeuz caiq roengz mwi roengz siet lumj bi neix seiz ndaej bauj cwngq dienqganj mbouj laemx ,diensien mbouj gat ! mox go dienqganj aeu hawj gyoengq Gunghcwngz Swh suen ok aeu gya dingx geij lai rengz ,aeu gij maz gya dingx ,baenz lawz gya dingx ,daixgaiq sawj bae geij lai hong ,yungh geij lai cienz !
5 : Guh ndei cainanh nanqsuenq caeuq guh ndei douz rengz dwg gyoengq lingjdauj aeu caen ndang bae guh hangh hong ceiq youq gaenj ndeu ! Byawz guh ndaej ndei ,byawz couh dwg ndei lingjdauj ! Daeuj diegcuengh Youzyouz langhlangh youz gai yawj gai byawz cungj haengjguh !
Hoeng gou naemj , dang lingjdauj ,miz byawz ndaej vih begsingq gvanh ndaej baenz ndei ? Dangnaeuz aen minzcuz de mbouj miz gij vwnzvaq haenx ,baenz lawz ndaej sonyinx gyoengq vunz de bae guh gij hongsaeh neix ?
Siencin vwnzvaq guh laeb dwg minzcuz mbefat caeuq hungak hong saeh hangh caeq youqgaenj ndeu !
| 欢迎光临 僚人家园 (http://bbs.rauz.net.cn/) | Powered by Discuz! X2.5 |