Sawcuengh hong saeh :
1 : A ; Sawcuengh guhcaux . B ; Sawcuengh guh laeb . C ; Sawcuengh hawj daengx aen minzcuz bouxboux Vunzcuengh rox yawj rox doeg rox yungh . D ; Sawcuengh guh baenz daengx aen minzcuz vunzcuengh raeuz moix boux vunz daj iq daengz hung daj hag Sawjyungh cih Saw !
2 : A ; Sawcuengh vwnzvaq guh caux . B ; Sawcuengh vwnz vaq guh laeb . C ; Sawcuengh vwnz vaq gak dijyiq guh baenz caezcienz . D ; Sawcuengh vwnzvaq daezswng guh daengz daengx seiqgyaiq dauq ceiq siencinq vwnzvaq dijyiq ndeu !
3 : Leih yungh dauq seiqgyaiq ceiq siencin Sawcuengh vwnzva cihsiz dijyi neix ma yinxlingx daengx aen minzcuz Vunzcuengh raeuz byaij hwnj gag laeb gag guenj gag mbefatradrad ,gag fouq akq aen gyiengzdaih Vunzcuengh minzcuz ndeu !
Seiz neix , gij hongsaeh Sawcuengh raeuz guh ndaej daengz bouh lawz ne ?
Sawcuengh guh caux guhlaeb guh baenz lo ,hoeng youq guh bouh daih sam daih seiq seiz , Sawcuengh guh mbouj daengz hawj daengx aen minzcuz vunzcuengh bouxboux rox yawj rox doeg rox yungh ! Guh mbouj daengz ndaej hawj daengx aen Vunzcuengh minzcuz bouxboux daj iq daengz hung bae hag bae doeg bae yungh cih sawcuengh bonj faenh !
Vih gij maz ne ?
Vih gij maz Sawcuengh guh daengz bouh neix byongh gyang couh gat caw ne ?
Dwg mbouj dwg ndaw de miz Vunzvaih guh vaih ?
Dwg mbouj dwg Vunzcuengh raeuz bae dam Sawgun ndei hag ndei yungh ne ?
Dwg mbouj dwg Vunzcuengh dam Sawgun siencinq bae hag ndaej an baiz hongsaeh lingx cienzngaenz ne ?
Vunzcuengh hag sawgun yungh sawgun vut Sawcuengh daiq daeuj gij haih couh dwg : Vunzcuengh aen minzcuz ngaiz vunzgun ndwnj roengz dungx memhmemh siuva ! Mbouj geij lai nanz ,Vunzcuengh youq gwnz seiqgyaiq couh lumj Cungguek daih laux hauj lai aen minzcuz it yiengh bienq baenz gyoengq vunzgun bang vunz mwnh ndeu ! Daengz mwh haenx ,Vunzcuengh bouxboux gwn daengz haemz hoj le couh cij rox yienq : Vih maz vunzcuengh bienq baenz yiengh haenx ne ? Aen minzcuz wnq ndaej gag laeb guek gag fouq akq , ndaej Camgya Daengx seiqgyaiq gak aen guek guh hwng vunz saeh gak hangh daih Saeh , Vunzcuengh minzcuz aen vih lij dwg aen minzcuz wnq gyoengq cizminz mwnh ndeu ,cij miz bae guh hong ciengx cawj diuz mingh ! lumj ciuh laux damz coenz fwen neix ne :
Guh hong caemh ndaej gwn ,
Ciengx cawj gwih bonj faen ;
Dwk ndaej song duz yaen ,
Boux cawj daen diuz buenq !
Seiz neix , gou caen lij yienq coj goeng raeuz vih gij maz mbouj gag laeb guek ne ? Dang naeuz gwnz Digiuz miz guekcuengh ,ngoenz cog gou couh ai ndaej cam gya Baekging [Auyin veiq ] mbouj goj dingh ! Ngoenz neix Vungun daiq hawj aen minzcuz raeuz hauj lai mbouj bingzdwngj gak cik saehyak ,couh dwg daih laux raeuz mbouj roengz reng buekmingh bae cauxguek miz gvan hae !
Vunzcuengh yapyuk !
| 欢迎光临 僚人家园 (http://bbs.rauz.net.cn/) | Powered by Discuz! X2.5 |