僚人家园

标题: [灌水]壮文短信山歌 [打印本页]

作者: 特田栏钟 时间: 2007-9-6 20:38
标题: [灌水]壮文短信山歌

这是我跟一个朋友用壮文互发的一些短信山歌，转贴到这里就权当是灌水吧，希望贝侬们多砸砖头，哈哈！（注：不同的颜色代表不同时段的内容。）

Seiqlengq fwjmok hoenz,

Raeuz senj roen sawcuengh;

Caih miz mbouj miz muengh,

Beixnuengx mbouj bienq sim.

Sawcuengh dangq yah gou,

Byawz naeuz sij ndaej cuengq;

Caih miz mbouj miz muengh,

Beixnuengx mbouj bienq sim.

Bouxcuengh raeuz vunz lai,

Boux ukgvai cix noix;

Beixnuengx fwen baenz roix,

Wnggai hoij gwnz saw.

Mwngz mbouj rox sawcuengh,

Fwencuengh baenzlawz raiz;

Bouxcuengh raeuz vunz lai,

Boux ukgvai cix noix.

Fwencuengh lai yienz lai,

Mbouj rox raiz seih gyaj;

Sawcih mbouj doengz vah,

Bae’naj cix lumz laeng.

Beixnuengx mwngz caen gvai,

Hab lai sij sawcuengh;

Gaem gonjbit mbouj cuengq,

Cog siengjmuengh rox baenz.

Beix mwngz cij caen gvai,

Bak baenzlai rox gangj;

Nuengx dungxsawz dungxnyangj,

Mwngz dauq gangj naeuz gvai.

Sawcuengh gou mbouj gvai,

Dungxcaiz caemh miz hanh,

Gaem gonjbit caenh ngvanh,

An rox sij maz baenz.

Mwnqmwnq mok gyuemluemz,

Beixnuengx ruenz gwnz loh;

Guh sawcuengh sin’hoj,

Bouxlawz rox daengz raeuz.

Sin’hoj cungj mbouj gongz,

Vihliux hong sawcuengh;

Gou naeuz mwngz beixnuengx,

Gaej saetmuengh baenzlai.

Gou seizneix hwnjban,

Mwngz youq ranz lawz yiengh;

Laemxsim guh sawcuengh,

Raeuz beixnuengx diuz sim.

Gou neix ndaemq haeuj ndoeng,

Ngoenzngoenz nyaengq daengz laep;

Haemh siengj sij saek yaep,

Da caenh haep baiqninz.

Mwngz gangj gawq yienghneix,

Saedsaeh lo lauxcoeng;

Deq saek ngoenz hong soeng,

Menh dauqcungz raizsij.

Vunz ndaem byaek cix mbaij,

Beix caengz maij humx suen;

Vunz miz lwg rox ruenz,

Beix caengz dwen aeu yah.

Caih vunz aeu cix aeu,

Gven daeggou maz saeh;

Dangh mwngz sim lij meih,

Cix dauq heij humx suen. （哈哈）

Lau daegmwngz miz sim,

Cix aiq mbouj miz damj;

Daxsauj ngamq baez swenj,

Mwngz vaiq ndonj laj congz. （哈哈哈）

。。。。。。

作者: 特田栏钟 时间: 2007-9-6 20:43
想半天搞不清到底应该是“短信山歌”还是“山歌短信”？

作者: 南盘之女 时间: 2007-9-6 21:25
Cangh fwen raixcaix！

作者: 岭南教主 时间: 2007-9-6 22:28

有机会你能发给我吗楼主？看见我们僚文我就爽！我的机号是：13737971530

作者: Liuyuexue 时间: 2007-9-6 23:14
Cungjyiengh <duan xin> vahdoj raeuz baenz lo.Hauhnaeuz raeuz caiq ndaej dawz gij <duan xin> vahgun bienqbaenz gij vahdoj raeuz,gou nanqnaeuz gaengjdingh miz haujlai hauhsengvunz habhaenj. 

作者: 特田栏钟 时间: 2007-9-7 12:41

Bouxcuengh daegraeuz vunz yienz lai,

Rox raiz sawcuengh de cix noix;

Hojsik fwencuengh roix dem roix,

Caenh hoij lajmbanj gag dairoz.

欢迎光临僚人家园 (http://bbs.rauz.net.cn/)