僚人家园

标题: 壮文诗歌（三）《婶婶笑得脸上开了花》 [打印本页]

作者: 特田栏钟 时间: 2007-9-6 13:36
标题: 壮文诗歌（三）《婶婶笑得脸上开了花》

这是一组发表于上个世纪八十年代的壮文诗歌，基于恢复推行壮文伊始，壮文无用论甚嚣尘上，说什么壮文词汇贫乏、表达能力差等等，广西民族报社编辑部出了一版壮文诗歌专版予以反击。以下就是本人根据当年的剪报筛选出来的一些作品，以飨热爱壮文、支持壮文的众贝侬。

Mehsimj Riu Dwk Da Laep Naj Cix Nyaeuq

Mehsimj vihmaz mbouj rox you,

Riu dwk da laep naj cix nyaeuq;

Vih dah saudog aeu gwiz haeuj,

Lwggwiz maenh’ak vunz caiq gyaeu.

Lwggwiz guhhong dwg naengzsouj,

Hongreih hongnaz gaenxgouxgoux;

Dajndaem dajciengx yungh gohyoz,

Ngamq daeuj song bi ranz bienq fouq.

Bi’gvaq canhgyah lauzmozveiq,

Bauqceij daengh youq banh daihdaeuz;

Duzfungh mbin haeuj ndaw rungh daeuj,

Mehsimj riu dwk da laep naj cix nyaeuq.

Lwggwiz hauqswnh gaenx swqhaeuh,

Gaiqgaiq rox laex mbouj hoj naeuz;

Soenjgaeq soenjbit gingq bouxlaux,

Haethaemh ndenq caz caiq daek haeux.

Cam nit cam hwngq swnhnemqnemq,

Ndaejhoengq caiq daiq ok rog youz;

Lwggwiz ndei gvaq lwg caen seng,

Mehsimj riu dwk da laep naj cix nyaeuq.

Lwggwiz lwgsau huzsubsub,

Gamjcingz ndei dangq noh caeuq laeuj;

Mbwn boiq gvanbaz miz fuk caeux,

Seng daeg mbauqlan gvailaeuqlaeuq.

Saedceij gvaq ndaej vansizsiz,

Mbouj lau seiqvunz mbouj naihsouh;

Gwn ndei youq ndei sim soengsat,

Mehsimj riu dwk da laep naj cix nyaeuq.

Mbouj seng lwgsai gaejyungh you,

Seizneix dizcangq aeu gwiz haeuj;

Angjfwngz laengfwngz cungj noh raeuz,

Mehsimj riu dwk da laep naj cix nyaeu.

------ Cinz sauvan

作者: AAAAAAAyingj 时间: 2007-9-6 14:22
    Caen hoksik daeg lwggwiz neix lo ,guh hong baenz gaenz ndwen wng gai lingx cien baj cij deng ,hoeng aen vih diegcuengh vunzcuengh mbouj miz genz mbouj miz caeh ,seqveiq dijcienz gvuanhnenq doeklaeng vaihguek ndaej daiq lai ,yiengh neix ,rouz guh gij maz hong mbouj gangj cienz mbouj gangj gyaq  ,vunzrouz guh gij maz cungj mbouj dijcienz ! Guh hoengq bouxboux haenh ,gangjcienz bouxboux haenq yiengh neix guh ngvanh dwg mbouj deng di !Dwg mbouj hab seizdaih di !

作者: 南盘之女 时间: 2007-9-6 21:39

Beixnuengx gwnzlouz de raiz naeuz gijmaz,yawj mbouj rox geijlai.

作者: 特田栏钟 时间: 2007-9-7 12:31
Gou caemh naeuz baenzde lo!(我也这样子认为了！）

作者: Liuyuexue 时间: 2007-9-24 22:20

QUOTE:

以下是引用AAAAAAAyingj在2007-9-6 14:22:00的发言：
Caen真 hoksik可惜 daeg个 lwggwiz女婿 neix这 lo了 ,guh做 hong工 baenz如此 gaenz勤快（，）ndwen每月 wng gai应该 lingx领 cien千 baj把（元）cij才 deng对 ,hoeng但 aen vih因为 diegcuengh壮区 vunzcuengh壮人 mbouj miz没有 genz（权） mbouj miz没有 caeh（势） ,seqveiq社会 dijcienz价值 gvuanhnenq观念 doeklaeng落后 vaihguek外国 ndaej得 daiq太 lai多 ,yiengh neix这样 ,rouz（ raeuz）我们 guh做 gij maz什么 hong工作 mbouj不 gangj讲 cienz钱 mbouj不 gangj讲 gyaq价 ,vunzrouz （vunzraeuz）我们的人 guh做 gij maz什么 cungj都 mbouj不 dijcienz值钱 ! Guh hoengq白做 bouxboux人人 haenh夸 ,gangjcienz讲钱 bouxboux个个 haenq恨（。）yiengh neix这样 guh做， ngvanh想必 dwg是 mbouj不 deng对 di 的 !Dwg是 mbouj不 hab合 seizdaih时代 di 的 !

[此贴子已经被作者于2007-11-20 21:31:29编辑过]

欢迎光临僚人家园 (http://bbs.rauz.net.cn/)