僚人家园

标题: （Fwenyoux）Miz Sim Caez Miz Sim [打印本页]

作者: 特田栏钟 时间: 2007-8-22 13:52
标题: （Fwenyoux）Miz Sim Caez Miz Sim

Haeuxgok daem cix hau,

Sim sau nanz raen daej;

Bak gangj riu coh beix,

Sim rox ngeix daeg lawz.

Lau beix miz lai sim,

Lau gim miz lai eiq;

Ciuq baenz nuengx simsaeh,

Caenh gyaez beix boux ndeu.

Beix dangq go dancoek,

Daj goek soh daengz byai;

Dauq heiq nuengx gofaiz,

Daengz byai youh gungjseux.

Beix siengj nuengx caemh siengj,

Dangq boux mbiengj simdaeuz;

Faenhmwngz caemh dangq gou,

Gaejngah naeuz lo beix.

Miz sim caez miz sim,

Dok ding haeuj faexnganx;

Raemx cimq rin baenz namh,

Menh siksanq songraeuz.

Mbouj sij caez mbouj sij,

Dailix cungj songraeuz;

Rinreq bangxdah fouz,

Nywj bienq gaeu menh duenh.

Gwnz mbwn mbouj miz fwj,

Byacwx mbouj did haz;

Vunz mbouj guh reihnaz,

Roenva raeuz menh duenh.

Gaem boux mbiengj doengzcienz,

Ok gyang dien bae sax;

Beix aeu yah dai yah,

Nuengx bae haq dai gvan.

Coenzcoenz gangj dwg liux,

Haeuj miuh bae ndaep daeng;

Byawz bienqsim daeujdaengz,

Seiqlaeng cied gouj daih.

作者: 特田栏钟 时间: 2007-8-22 14:04

Ngoenz guh hot baj fwen,

Ndwen cix sam cib geij;

Guh fwen dangq lwnh leix,

Ndaej vuen'heij gvaq ciuh.

作者: yiersan 时间: 2007-8-22 14:23

怎么样才能发贴啊

作者: 特田栏钟 时间: 2007-8-22 20:30

Ngoenzneix beix daeuj youz,

Raeuz dakdaih mbouj gaeuq;

Cix mbouj ien mbouj laeuj,

Eu fwenyoux guhcaemz.

Cix mbouj bwenz mbouj ciet,

Cungj nauhyied baenzlai;

Eu fwen guh caeuz ngaiz,

Baengh saugvai vuen'heij.

作者: 性格决定命运 时间: 2007-8-22 23:16

QUOTE:

以下是引用yiersan在2007-8-22 14:23:00的发言：

怎么样才能发贴啊

左上角，“发表话题”。

作者: Stoneman 时间: 2007-8-23 03:19
Ndaej Daegdienz Ranzcung (特田栏钟) youh daeuj eu lai geij hot fwen, aen banj "Sonhag Sawraeuz" youh yaek nauhyied hwnjdaeuj lwbu.

作者: 特田栏钟 时间: 2007-8-23 11:12

Ndaw suen hai va dog,

Mbouj suenq rongh geijlai;

Daengx suen va cungj hai,

Geijlai cij nauhyied!!!

作者: daegdoi 时间: 2007-8-23 16:22

Bouxcuengh raeuz guh beij(fwen)

Lij miz geijlai vunz

Mbanj laj daengz mbanj gwnz

Daengx hwnz caemnyemnyem

作者: 特田栏钟 时间: 2007-8-23 19:06

Bouxcuengh raeuz guh beij(fwen),

Caen mij(mbouj miz) geijlai vunz;

Daeggou caeuq daegmwngz,

Ndaej suenq song boux lwi?

作者: dahgyaez 时间: 2007-8-25 23:11

Gij fwen bouxcuangh raeuz cin ndaej,siengj hag mbouj boux sonj.

作者: 特田栏钟 时间: 2007-8-26 18:50

QUOTE:

以下是引用dahgyaez在2007-8-25 23:11:00的发言：

Gij fwen bouxcuangh raeuz cin ndaej,siengj hag mbouj boux sonj.

Gij fwen bouxcuangh raeuz cin ndaej,siengj hag mbouj boux sonj. => Gij fwen Bouxcuengh raeuz caen ndei, siengj hag mbouj boux son.

作者: 特田栏钟 时间: 2007-8-26 18:53

Siengj gwn bya soengq laeuj,

Vax muengx couh roengz daemz;

Siengj eu fwen guhcaemz,

Gaen hangx laeng beix daeuj!

欢迎光临僚人家园 (http://bbs.rauz.net.cn/)