Loeg Bing Cujciz:
Gya vaiq guh laeb diegcuengh ndaw singz Vahcuengh
Sawcuengh bauq anq bauq saeh ciepleix cungqsim gih gouq dwg
diegcuengh gagguenj dieggei hangh hong saeh naek reg ndeu !
Dangq naj ,youq diegcuengh ndaw singz ,gak cwngqfuj buqmaenz ciep bek singq bauq anq bauq saeh cungj dwg hag vunzgun aeu sawgun vahgun ciep leix banhleix ,aen vih vunzcuengh daj iq souh vunzgun vwnzvaq hamhcaeh baiz cawz ,hauj lai Vunzcuengh sawjyungh mbouj gvenq vahgun sawgun,yiengh neix ,diegcuengh Vunzcuengh miz daih liengh vunz lai sawj mbouj gvenq sawgun vahgun ,gyoengq de raeb daengz saeh yak ,mbouj rox yungh sawgun vah gun bae yiengq cwngqfuj miz gven gak aen bumaenz guh bauq gouz bang ,gyoengq de aeu vahcuengh bae bauq ,hix lau souh raeb vwnzvaq yawj ngawz ,aeu vahgun bauq hix gangj mbouj bienh ,gangj mbouj cingcuj ,yiengh neix vunzcuengh miz saeh mbouj gamj bae bauq , gij neix couh dwg Vunzcuengh minzcuz souh vwnzvaq cainanh it cungj saehyak ,yiengh saehyak neix couh dwg cungjceh yawjngawz( Cungjcuz gizciq ), dwg Lenzhoz goz (Yenq cangh) gveidingh it cungj coihnaek !Vunzcuengh raeuz aeu hwnj daeuj fanj deiq 'cungjceh yawj ngawz' cwngqswz ,aeu yiugouz diegcuengh gak gaep cwngq fuj youq gak singz gak Cin guh laeb Vahcuengh Sawcuengh ciepleix bauqanq bauq saeh 'Cungsimgihgouq' ,hawj Vunzcuengh raeuz souh raeb gak yiengh saehyak ndaej hawj diegcuengh cwngfuj raeuz ciepleix cijlij ndaej ndei ndaej vaiq ,baujcwng diegcuengh vunzcuengh gak hangh genzlig ndaej souh daengz hab leix henhoh !
Seizneix Cwngfuj bumaenz aeu vahgun sawgun ciepleix vunzcuengh beksingq bauqanq bauq saeh ,ciengzbouh dwg aeu sawgun geiz ,ciengz seiz geiq mbouj cingcuj,doiq vunzcuengh gangj vahcuengh bauq anq bauq saeh daiqduq gig vaih ,mbangj baez mbouj leix mbouj langh ,rox naeuz ciep leix gvaq houh doiq gij anq gij saeh mbouj leix mbouj langh ,rox naeuz yawj ngawz vunzcuengh ,dawz vunzcuengh bauq anq bauq saeh neiqyungz aeu sawgun geiq vang geiq vangh ,mbouj caencingq geiq saed geiq deng ! doiq yiengh yawj ngawz vunzcuengh aen cwngqfuj gih gouq neix ,Gih cwngfuj aeu cujciz vunz bae caz bae gauq !
Diecuengh Vunzcuengh aeu Vahcuengh Sawcuengh yiengq cwngfuj bumaenz bauqanq bauq saeh gouz bang caen dwg nanz ha !
Vunzcuengh gak hangh hong saeh couh dwg yiengh neix ngaiz vunzgun aeu Sawgun vah gun at naenx saedsaed !
Vunzcuengh youq diegcuengh souh vunzgun vah gun yawj ngawz ndaej baenz lai ,
Lenzhoz goz mbouj rox ? Daengx saeqgyaiq vunzlai mbouj rox ?
Vunzcuengh ha vunzcuengh ,haemzhoj caen lai lo !
Loeg Bing Cujciz ,mwngz guh dieggei Vunzcuengh Cujciz, bang Vunzcuengh raeuz ngvanh di ndei ,bang Vunzcuengh raeuz di mdeu ndaej lwi ?
Loeg Bing aeu bauj aen guenvih de!
Miz Vunzcuengh minzcuz ,cij miz Vunzcuengh boux cujciz ,Vunzcuengh boux Cujciz mbouj guh minzcuz hongsaeh , aen [vih ]de aeu gij maz ma bauj cungj bauj mbouj ndaej !
Mbouj miz minzcuz vwnzvaq ,aen minzcuz raeuz bienq vunzgun caez le ,daengz mwh haenx ,lij miz aen[ vih ]bouxcuengh dang Cujciz haemlwi ?
Mbouj miz minzcuz vwnzvaq ,bouxcuengh minzcuz byawz guh Cujciz cungj dwg it yiengh ,daengz mwh wnq ,diegcuengh vunzcuengh cienz bouh ngaiz dieggun vunzgungz daeuj diegcuengh faen gwn diegcuengh caizfouq liux ,vunzcuengh ngoenznaengz cijdwg haeuxcuk soengq byaekheu ,mbouj miz ngoenzfouq caeuq ngoenz ndei liux sat!
Seizneix ,dieggun vunzgun leihyungh vwnzvaq genzlig youq diegcuengh cabliux daih liengh vunzgungz daeuj diegcuengh guh ganq buq ,saed couh dwg daeuj diegcuengh ciengj vanj haeux gwn ,daengz mwh haenx ,vanj haeux Cujciz diegcuengh mwngz ndaej naeuz mbouj miz vunz ciengj gwn ?
Mbouj miz minzcuz vwnzvaq majmoeng henhoh caeuq Sawcuengh vwnzvaq majmoeng henhoh , Loegbing Cujciz aen vih de ngqgya bauj mbouj ndaej !
De mbouj siengj guenj baenzlai hix guenj mbouj ndaej baenzlai.
Mwngz gvih de hix mbouj miz yungh.
Beixnuengx doxgiet hwnjdaeuj!
| 欢迎光临 僚人家园 (http://bbs.rauz.net.cn/) | Powered by Discuz! X2.5 |