这是用拼音壮文正式发表的第一部叙事长篇壮语山歌，现加上“汉字壮读”和“汉意直译”作为网友自学壮文学堂的“课文”。
该作品发表于《三月三》（壮文版）2001年第4期（广西首届壮族歌师歌手壮文培训班纪念建党80周年作品专辑）。发表时加了《编者按》，照录如下：
【编者按】1999年6月30日，中共广西壮族自治区委员会作出《关于追授王任光同志模范共产党员、优秀党支部书记荣誉称号并开展向王任光同志学习活动的决定》。王任光同志是都安瑶族自治县大兴乡骨龙村党支部书记、村民委员会主任兼民兵营教导员。1999年1月2 日在带领群众劈山修路，执行危险地段爆破任务时，不幸坠下50多米深的悬崖以身殉职，为党和人民的事业献出了宝贵的生命。
王任光同志1958年3 月出生于一个壮族农民家庭，1990年3月加入中国共产党，历任村支书、村党支部书记、村民委员会主任等职，先后被群众推选为都安瑶族自治县第八、第九、第十、第十一届人大代表，三次被大兴乡党委评为优秀共产党员。1993年8月，他主动放弃到山外经营一家工厂的机会，挑起龙骨村党支部书记的担子，并立志做一名合格的党支部书记。多年来，他努力学习邓小平理论，组织带领全村群众，认真贯彻党在农村的路线、方针、政策，为早日改变龙骨村贫穷面貌，废寝忘食，倾注了全部心血。他认真实践全心全意为人民服务的宗旨，充分发挥党员、干部的表率作用，在修建家庭水柜、劈山修路中，既当指挥员，又当战斗员，既做爆破手，又当凿岩工，哪里最困难，哪里最危险，他就出现在哪里。为了工作，他无法顾及瘫痪的母亲体弱多病的妻子。在他的带领下，全村劈山凿岩修通了5条村级公路；建起了家庭水柜329个，解决了全村428户人、畜饮水难问题；架设15公里的高、低压输电线，户户用上了电灯；为了解决村中心小学危房问题，他与学校教师一起走村串户，先后集资4.1万元，建起了两幢540平方米的教学楼。他的家庭并不富裕，但对公益事业却慷慨捐助。几年来，为了修公路、建水柜、建学校、架设输电线路和支持贫困户，王任光同志省吃俭用并向亲戚借债，共捐助15400元人民币。王 任光同志还热心帮助邻里乡亲，为他们排忧解难，群众都称赞他是“我们的好支书”。为纪念中国共产党成立80周年，本刊特邀李从式同志根据《广西日报》有关王任光同志的系列报道和广西人民出版社出版的《王任光的故事》，编写此长诗。
CINGZ MWNGZ NAEK GVAQ BYA
情儚靹卦岜 深情重于山
_______Fwen Danq Vangz Yin'gvangh
——喚叹王任光 ——歌唱王任光
[it] MWNGZ BAE MBOUJ RAEN MA
DOU RAEMXDA DAEJ CAENH
儚呸踎腀麻 此去痛无回
侸淋咑渧尽 悲泪雨纷飞
Gijmaz haij nyaenx laeg 叽嘛海荵勒 什么海这样深
Gijmaz naek baenz bya 叽嘛靹捹岜 什么重如同山
Mwngz bae mbouj raen ma 儚呸踎腀麻 你去不见回
Dou raemxda daej caenh 侸淋咑渧尽 我们眼泪哭尽了
Daej mwngz coenz daih'it 渧儚誫第一 哭你第一言
Raemxda ndik faenfaen 淋咑坔纷纷 眼泪滴纷纷
Mwngz vih dou caux roen 儚为侸造踚 你为我们修路
Mbouj raen mwngz ndaej byaij 踎腀儚礼挀 不见你得走啊
Daej mwngz coenz daihngeih 渧儚誫第二 哭你第二言
Diendeih laep caencaen 大地黸阵阵 大地黑沉沉
Mwngz cuengq bauq caux roen 儚奘炮造踚 你爆破修路
Bauq caem mwngz mbouj dauq 炮沉儚踎辺 炮声停你不返回
Daej mwngz coenz daihsam 渧儚誫第三 哭你第三言
Dahvan daej soxsox 㳠弯渧唆唆 弯河悲切切地哭
Vih dou ndaej duet hoj 为侸礼脱苦 为我们得到脱贫
Mwngz caux loh mbouj ma 儚造路踎麻 你修路不见回还
Daej mwngz coenz daihseiq 渧儚誫第四 哭你第四言
Ndaundeiq yaep linlin 脳脮曀粼粼 星星频频闪耀
Vih dou ndaej duet binz 为侸礼脱贫 为了我们得到脱贫
Mwngz caux roen vutmingh 儚造踚扤命 你因修路牺牲了
Daej mwngz coenz daihhaj 渧儚誫第吓 哭你第五言
Gangj vah mbouj baenz coenz 讲话踎捹誫 说话说不成句
Mwngz daj iq gietsim 儚打吚决心 你从小就有决心
Vih cungqvunz caux fuk 为众倱造福 为群众造福
Daej mwngz coenz daihroek 渧儚誫第坴 哭你第六言
Vunz huk bienq vunz ndei 倱嚄变倱婑 愚人变成好人
Vih hagseng lauxsae 为学生老师 为了学生和老师
Mwngz simgei yungh caenh 儚心机用尽 你呕心沥血
Daej mwngz coenz daihcaet 渧儚誫第七 哭你第七言
Dou sim ndaet youh in 侸心埿又瘖 我们的心好好悲痛
Mwngz mbaet yungh mbaet gwn 儚嘧用嘧哏 你省食俭用
Gien ok ngaenz fanh haj 捐噁银万吓 捐出钱万五
Daej mwngz coenz daihbet 渧儚誫第八 哭你第八言
Sim get lumj mid camz 心癤啉劘刬 心痛如刀割
Mwngz vih raeuz lwglan 儚为偻勒岚 你为了我们子孙万代
Ndek ranz mbouj ndaej goq 铥兰踎礼顾 丢下家庭不得照顾
Daej mwngz coenz daihgouj 渧儚誫第九 哭你第九言
Caem laeuj rwed din bya 斟溇洜蹾岜 斟酒浇山脚
Mwngz bang dou daihgya 儚帮侸大家 你帮助我们大家
Gaemz caz mbouj sij ndoet 咁茶踎舍氼 一口茶也不肯喝
Daej mwngz coenz daihcib 渧儚誫第十 哭你第十言
Ronghrib caez diemj daeng 朖咅斗点灯 萤火虫来点灯
Riep fong geij cib caengz 猟紡几十层 蚊帐缝补几十层
Mwngz gwn haemz gvaq hoj 儚哏詪卦苦 你吃苦好艰辛
Gijmaz haij nyaenx laeg 叽嘛海荵勒 什么海这样深
Gijmaz naek baenz bya 叽嘛靹捹岜 什么重如同山
Cunz doh daengx dienyah 巡趓墱天下 找遍整个天下
Nanz ra mwngz nyaenx soh 难罖儚荵愬 难找你这样忠实的人
（待续）
Mbouj ngaenz bae hai haeux 踎银呸开糇 无钱交伙食
Daiq yangz daeuj guh gwn 带咉斗抇哏 带玉米当餐
Hwnj bya bae dwk fwnz 佷岜呸徳枌 上山去砍柴
Gai aeu ngaenz gyau feiq 賅殴银交费 卖要钱交费
Bwnh lai haeux cix fag 喯赖糇茲瞂 肥多粮就丰
Gaenx hag rox cix gvai 勤学鲁茲乖 勤学即聪明
Vunz doegsaw siengj caiz 倱读书想财 人家读书求发财
Mwngz baenzcaiz dauq rungh 儚捹才辺硦 你成才返山区
Dauq rungh vih vunzmbanj 辺硦为倱板 返山区为父老乡亲
Dauq rungh banh saehndei 辺硦办事婑 返山区办好事
Mwngz simndat lumj feiz 儚心燵啉萉 你心热如火
Haeuj maez gaij dieg rungh 逅迷改坻硦 入迷改变山区
(2) Doegsaw Gaenx Gvaq Vunz 读书勤卦倱 读书比别人勤奋
Mengz da nanz bae haw 眳咑难呸圩 眼瞎难赶街
Mengz saw laepnyibnyib 眳书黸叺叺 书盲黑压压
Youq yozyau hagsib 呦学校学习 在学校学习
Mwngz cikgig gvaq vunz 儚积极卦倱 你比谁都勤奋
Ndoeng mwn faex cix coek 岽菛棐茲脨 森林茂盛木茁壮
Ndoi laeg guk cix hung 垖嘞狜茲宏 山深虎就猛
Sawmaeg dauhleix doeng 书墨道理通 知识理论精通
Mwngz roengzsim hoj doeg 儚躘心苦读 你用心苦读
Saeseng gamjcingz naek 师生感情靹 师生感情深厚
Lumj goep mbouj liz naz 啉蛐踎离那 仿佛蛙离不开田
Saeseng gamjcingz na 师生感情搻 师生感情厚重
Lumj bya mbouj liz raemx 啉鲃踎离淋 犹如鱼离不开水
(3) Gyaez Hag Youh Gyaez Yungh 好于学而勤于用
Mwngz soqlaiz gyaez saw 你从来爱书
Bae haw raen couh cawx 上街一见就买
Mboujguenj gyae rox gyawj 不管远处或者近邻
Cungj sawj vunz sim gingq 总是让人尊敬
Rom sam bak lai bonj(saw) 积存有三百多本
Lij mbouj suenq cazci 这些还不算杂志
Ningznyienh gwn hoj di 宁愿吃得苦一些
Saw ndi ndaej noix cawx 书籍不能少买
Mwngz miz bonj bitgeiq 你有一本笔记
Saeh hung saeq sij caez 事情大大小小都记下了
Ndaem ciengx yw bingh baez 种养治病疗疮
Yienghyiengh meiz(miz) liux doh 样样无所不包
Son vunz dwk vafeiz 教别人怎样施化肥
Daengz reih bae saeq gej 到田地边详细讲解
Dwk noix miuz heih geq 施放少了庄稼容易枯黄
Dwk lai nyex miuz boz 施放多了会造成疯长
Ranz lawz doihduz bingh 哪一家牲畜病了
Mwngz ndi cingj hix daengz 没人请你也会到
Fan bitgeiq ndaw fwngz 翻开手中的笔记
Yw het baeng couh singj 拿药来一敷就治好了
Ranz lawz vunz ndang ndaiq 哪一家有人发病了
Mwngz daiq bitgeiq bae 你带上笔记找上门
Dan yw hai ndaej caez 药方开得齐备
Bingh couh ndei gvaqdaeuj 病情就很快好转
Bitgeiq mwngz bonj bauj 你的笔记是一个宝
Cungj gyauq mwngz rox caez 教会你方方面面
Bitgeiq mwngz bonj ndei 你的笔记是一件好东西
Bouxboux caezsing haenh 人人都齐声赞叹
david, welcome you to visit 『Sonhag Sawraeuz 僚文教学』.
david beixnuengx, angqcoux mwngz daeuj 『Sonhag Sawraeuz 僚文教学』 doxcunz.
（4）Sim Hoengh Gaij Dieg Rungh 热心改硦场
Runghnyieg ndoi bya geiz 额硦山岭秀
Gingj ndei va hix moq 景美花也鲜
Hoisik daiq gungz hoj 可惜太穷苦
Roen lingq loh gumzgaz 路陡山道坎坷
Lij iq sij cozvwnz 小时候写作文
Gietsim gaij dieg bya 决心改造山区
Dienhdaeng dem denva 电灯加电话
Laeuz daz laeuz baenz lad 楼房排成行
Ngeih geij bi gvaqbae 二十多年过去了
Dienh seizlawz doeng daeuj 电什么时候才通到这里
Roen lij dwg roen gaeuq 路还是以前那条老路啊
Raemx beij laeuj lij bengz 水比酒还要珍贵哇
Mwngz hwnz ninz mbouj ndaek 晚上你睡不着啊
Fanfoek naemj ndaw sim 反反复复在心里思考
Dienh raemx caeuq diuz roen 电、水以及道路
Sam aen neix aeu gaij 这三件事情一定要改变
Buek cix buek ciuh neix 拼搏就拼搏这辈子了
Laeb ceiqheiq gietsim 立下雄心壮志和决心
Vih mbanjranz cungqvunz 为了家乡的父老乡亲
Aeu gaij mbwn vuenh deih 一定要改天换地
Mbouj dwg loq fangzhwnz 这不是白日做梦啊
Mbouj dwg ninz guh moengh 这不是睡在床上瞎想
Vih cauxfuk dieg rungh 为了山区硦场造福
Mwngz sim hoengh baenz feiz 你心中的热情似火好帖呢，路漫比侬，什么这么晚才接呢。
Daegvoen,seizneix mwngz youq gyawz?
Ngonz gvaq bonj fwen neix cingj mwngz lailai ceijdiemj.
Raemxda ndik faenfaen 淋咑坔纷纷 眼泪滴纷纷
faenfaen 纷纷？？我们上林应该有这个词的吧，应该是：ca'ca（沙沙）的音。
(5)Yawz Biek Ndaej Mbanjranz 如何能别离家乡
Daxau daengq vah ma 叔叔把话嘱咐回来说
Dava miz hong guh 大化这里有工作做啊
Dang gvanjlij ganbu 这工作就是管理干部
Ndwen ngaenz guj song cien 月工资大概两千元
---------------
Dingjlingz youq ngoenzneix 恰恰就在今天
Yanghdangjveij roengz faenz 乡党委下了文件
Nyaemh cihsuh hawj mwngz 任命你当党支书
Ndwen ngaenz haj cib haj 月工资五十五元
----------
Bae Dava ngaenz lai 去大化的工资多呀
Youq daih gai nauhnyied 住在热闹的大街上
Dienhdaeng ronghriegrieg 电灯亮堂堂的
Raemx seuqsek gag daengz 自来水净澄澄的
------------------
Yawz lumj raeuz gungx rungh 哪里像我们这山硦角落里
Goengq dem goengq ndoi bya 山峰一座连着一座
Gwn haeuxyangz namzgva 吃的是玉米南瓜
Raemx gwn ra mbouj doiq 连吃的水也难找得到啊
----------------
Mwngz siengj bae siengj dauq 你反复地思量啊
Ndaw sim nyauj baenz nya 心里面乱成一团乱麻
Aungeih aemq raemx ma 看见二叔背水回来
Raemx guh caz cingj ndoet 就用那冷水当茶请你喝
--------------
Mwngz raen ndaeng baez soemj 你一看鼻子顿时发酸
Bang aemq raemx dauq ranz 默默地帮二叔把水背回家
Aen sim lumj mid camz 心里仿佛挨了刀刺一般
Mbanjranz aeu gaijbienq 家乡一定要改变才成啊
---------------
Duzroeg ceng gaemz gwn 鸟儿都会争一口吃的
Guh vunz ceng gaemz heiq 做人应当要争一口气
Vih gungx rungh gyaqseiq 为了这山角落能兴旺起来
Mwngz cawjeiq dawz ndei 你心中暗暗拿定了主意
-----------------
Sawq cam yah Yisenh 试试问一下妻子玉仙
Senj ndi senj Dava 要不要迁去大化
Baihrog dwg suenva 外面的世界是花园一般呀
Ndaw bya cix dieg nywj 山硦这里却是荒山草坡
---------------------
Yisenh rox sim mwngz 玉仙最懂你的心
Cuengq fwngz hawj mwngz dingh 放手给你拿定主意
Sim caeuq sim doxringh 心与心相连啊
Mingh caeuq mingh doxlienz 命和命相依
(6) Miz Feiz Cix Caez Byoq 有火共同烤
-------------------------
Ngamq gvaq ndaej song bi 刚刚过了两年
Ndaw yangh miz hong moq 乡里有了新工作
Baij mwngz daiq ranz hoj 指派你带领贫苦家庭
Loeg cib hoh buen ranz 一共六十户搬家
--------------------------
Mwngz daiq gyoengq yizminz 你带领众移民
Caezsim hwnj mbanj moq 齐心建设新村
Doeng raemx dienh bu loh 通水通电又铺路
Cungj miz doh miz caez 样样都有齐全
-----------------------------
Miz densi dienhvah 有了电视电话
Saedceij gvaq cingq hwng 日子过得正兴旺
Daegbied dwg ranz mwngz 尤其是你的家庭
Youh yaeng hwnj ranz lengj 正在商量建设漂亮的家
---------------------------------
Cingqndei youq seizneix 恰恰在这个时候
Gyoengq beixnuengx siengj mwngz 众乡亲想到了你
Senjgij cunhcujyin 选举你当村支书
Caezsim heuh mwngz dauq 同一心声呼唤你回来
--------------------------
Faex hung cix baenz bauj 树大就是财宝呀
Vunz hauj bouxboux gyaez 好人大家敬爱啊
Mwngz vunz soh sim ndei 你是正直诚实的人
Seizseiz ndaej vunz niemh 时刻得到人们记挂哇
---------------------------------
Saenqnyaemh mwngz baenzneix 这么对你信任啊
Mwngz youh heij youh you 你是既喜欢又是担忧
Ndek mbanj moq ranz laeuz 丢下新村新楼
Yah rox naeuz rox ndaq 不知道妻子有什么说道哩
-----------------------------
Gungx rungh dauqcawq dat 山硦旮旯里到处是岩石
Gaem gvak mbouj giz ding 拿起锄头找不到下锄的地方
Gizneix gvangq youh bingz 新村这里宽阔平坦
Lumj haw singz ityiengh 和城里大街一模一样
--------------------------------------------
Yah naeuz coenz saedcaih 妻子说出了实在话
Mbanjranz daiq mbouj baenz 我们老家确实太不像样了
Byaij loh lumj hwnj mbwn 走路好像登天一样啊
Bin daengz gwnz heiq cied 爬到顶上就喘不过气来
---------------------------------------------
Yungh raemx hoj youh hoj 食用的水更加艰苦呀
Saeg buh caiq swiq din 洗了衣裳再拿来洗脚
Leuxcih hawj vaiz gwn 然后还要拿来喂牛
Beij raemx gim lij gviq 真的比金水还珍贵啊
----------------------------------------------
Cam yah aeu coenz han 向妻子讨一句回话
Mbanjranz heuh gou dauq 老家叫我回去啊
Cam yah aeu coenz hauq 问妻子要一句回答
Dauq mbouj dauq cix naeuz 你说看看该不该回乡呢
------------------------------------
Miz feiz cix caez byoq 有火一起烤
Miz hoj cix caez dang 有难大家当
Gizneix van cix van 新村这里美是美呀
Dandan raeuz gag yiengj 但仅仅是我们自己享受啊
-------------------------------------
Beixnuengx nyaenx naek gou 乡亲们这样看重我
Engq aeu caez cawz hoj 我更加需要和他们共同除贫
Ndek mbanjranz mbouj goq 如果丢下家乡不管
Doiq diegcoj simvei 对祖先、家乡会欠下良心债啊
-----------------------------------------
Yah naeuz mwngz miz sim 妻子说，你有这份心愿
Namh bienq gim hix heih 把土变成金也容易了
Yah naeuz mwngz miz ceiq 妻子说，你有这份志气
Dat ndaem faex mbouj nanz 在岩石上种树也不难了啊
-------------------------------------
Mwngz caeuq yah gaem gen 你和妻子手挽手
Dauq benz ma gungx rungh 再一次爬回到山硦旮旯
Daiq mbanjranz daengx gyoengq 带领家乡众弟兄啊
Caez hoengh gaij dieg bya 一起热热闹闹改变山区面貌
[sam] MBAW HEU VA CIX MOQ YAH SOH GVAN CIX MAENZ
红花衬绿叶 妻贤夫伟绩
(1) Maenzmaenz Gien Caux Loh 每一元钱都捐出修路
Sing bauq yiengj goenjdat 开炮声轰轰地响
Hap doh rungh doh bya 山山硦硦回响不停
Coih roen goksasa 修路搞得热火朝天
Daihgya cungj vuenheij 大家都非常高兴
--------------------------------------
Mwngz laep ok laep haeuj 你天未亮就出去黑定才回家
Ngoenzngoenz douh bangx bya 天天都攀登在山崖
Saek seiz menh di ma 一时回家迟一些
Haih baz mwngz gvaqniemh 害得你妻子很是挂心
--------------------------------------------------
Heiq cag cug ndi gyaemz 担忧绳子挂得不牢靠
Fwt lot baenzlawz ndei 突然甩脱可怎么办啊
Heiq bauq yiengj ndi caez 担心万一有哑炮
Lauq saek feiz sieng mingh 漏下一火可人命关天
-------------------------------------------------
Caj daengz sing bauq caem 等到炮声都沉寂了
Mwngz yamq din haeuj hongh 你跨进自家院子里
Raen yah heuh coenz dongx 看见妻子亲切招呼
De cij cuengqsim roengz 她才把久悬的心放下
---------------------------------------------
Haetnaengz mwngz romh hwnj 每一天你都早早起床
Cacoemj cix okdou 急急忙忙就出门了
Haemhneix mwngz simfouz 今天晚上你似乎心神不定
Bak gwj naeuz gwj gangj 老找话头说个没完没了
----------------------------------------------------
Yah nda rek cawj souh 妻子摆放锅头要煮粥
Mwngz daek haeux daeuj fou 你马上舀米来淘洗
Yah hai riengh gueng mou 妻子打开猪栏要喂猪
Mwngz ganj aeu doengj mok 你连忙拿来潲桶
---------------------------------------------
Bineix haeuxyangz fag 今年玉米要丰收啰
Lwg raeuz hag baenz gvai 咱们的孩子学业越来越好
Mwngz bakdeih vah lai 你唠叨个不停
Yaek nai yah aeu vah 就是以好话逗妻子说话
--------------------------------------------------
Yah roxsoq cinglingz 你的妻子懂事伶俐
Cai simcingz mwngz ok 把你的心情猜出来了
Noix ngaenz mwngz gyaeujdot 她说，缺钱你在头疼呢
Yaek cot hong dwg mbouj 将要停工了是不是
-----------------------------------------------
Baz caeuq gvan rox sim 妻子和丈夫就是知心啊
Aeu gim nanz vuenh ndaej 就是黄金也换不来呀
Baz rox gvan simsaeh 妻子如此深知丈夫的心事
Miz maz beij nyaenx caen 还有什么比这样还亲呢
------------------------------------------------
Seiq duz mou bizbwd 四头猪肥噜噜的
Yah dwgrengz geijlai 妻子不知花了多少辛劳
Ngoenz lawz dawz bae gai 哪一天拿猪去卖了
Caj cienz mbai daeuj yungh 等着钱掰来用啊
-----------------------------------------------------
Lwg hwnj hag yungh ngaenz 孩子上学要用钱
Meh baenz bingh aeu yw 母亲的病要治疗
Ranz vaihvad yaek fwz 屋子破烂得要荒芜了
Mbouj ngaenz lw ngaenz hoengq 哪里还有一点点剩余的钱
---------------------------------------------------
Caux roen yaek dingz hong 修路就要停工了
Mwngz ninz congz mbouj ndaek 你晚上睡都睡不着呀
Gvanbaz gamjcingz naek 只因夫妻感情深厚
Yah ngaek gyaeuj gai mou 妻子终于点头卖猪了
--------------------------------------------------
Hoj cix hoj mbat ndeu 妻子说，苦就苦这一次吧
Mou gai deuz caiq ciengx 肉猪卖了还可以再养
Danh hab mwngz sim siengj 只要满足你的心愿
Roen maqmuengh caeux baenz 盼望道路能早早建成
----------------------------------------------
Ciq baz aeu ngaenz mou 借了妻子卖猪的钱
Ciqdiuz aeu hawj yah 写了借条递给妻子
Roen baenz mbanj bienqvaq 等到路修好家乡变化了
Baenzfouq gvaq caiq boiz 致富有钱了就把钱还
----------------------------------------------
Yah dawz mbaw ciqdiuz 妻子接过那张借条
Baez ndeu nu guh ndaek 一下子就揉成一团
Vutvag gyangz sing naek 丢过一旁深深叹了口气
Got ndaet mwngz cix naeuz 紧紧抱住你才把话说
------------------------------------------------
Ciqdiuz gou mbouj ngah 我不稀罕你的借条
Hix ndi hah ngaenz mou 也不把卖猪的钱留下
Cijaeu mwngz nem gou 只要你答应不离开我
Cijaeu raeuz doxyouq 只要我俩永远不分离
------------------------------------------------
Sauh gwnz song cien haj 第一批猪钱二千五元
Sauh laj seiq cien maenz 下一批猪钱有四千元
Yah ciengx mou caen baenz 妻子养猪真的很来钱呀
Maenzmaenz hawj caux loh 卖得的钱每一元都用来修路
--------------------------------------------------
Ngaenz mou mbouj gaeuq yungh 但养猪得的钱还是不够用啊
Gyang rungh bauq youh caem 山硦里的炮声又沉寂了
Da yawj roen caengz baenz 眼看着修路没法完成
Mwngz simyou fouzbeij 你无比的忧虑啊
--------------------------------------------------------
Yisenh haq daengz neix 玉仙嫁到你这里
Caengz ndaej dauq buh ndei 还没有得到一套好衣服
Ranz meh in youh gyaez 娘家爱呀疼呀
Hawj cienzrei haj bak 给了五百元的私房钱
-------------------------------------------------
Haemh ninz caez doxgangj 晚上睡觉一起聊天
Yah angq cix lwnh mwngz 妻子心里高兴就告诉你这事
Mwngz sim luenhsaengsaeng 你心中好烦乱啊
Dauq mbouj faengz mbouj ndwet 倒反没有一点高兴的样子
--------------------------------------------------
Yah raen mwngz ndi w 妻子看见你一言不发
Cam mwngz rwz nyi mbouj 问你听见我说了什么
Mwngz fonj ndang gvaqdaeuj 你翻身转了过来
Cix nyaeuq naj gej naeuz 才愁眉满面解释说
---------------------------------------------------
Nyi yah miz cienzrei 听见爱妻有了私房钱
Gou seizseiz sim’angq 我时时刻刻为你高兴
Caux roen ngaenz cingq vangq 修路的经费正紧缺哩
Siengj gangj coenz ciq aeu 想说一句借来如何
---------------------------------------------------
Ranz mehdaiq hix hoj 我娘家也艰苦呀
Vih gyoh mwngz haq gou 为了同情你才把我嫁过来
Mbaet geijlai gyuyouz 不知道节俭了多少油盐
Cij couz ndaej haj bak 才筹得这五百元钱啊
-----------------------------------------------
Mbouj cienz hawj mwngz yungh 没有钱给你用
Dauq yungx mwngz ciq ngaenz 反而紧着向你借钱
Daengz laeng vunz gangj coenz 到以后人们讲起闲话来
Yawz gamj raen mehdaiq 如何敢面对岳母啊
-------------------------------------------------------
Yah nyi mwngz nyaenx naeuz 妻子听见你这么说
Raemxda louz dikdak 眼泪滴滴答答流下来
Het diemj daeng ronghsag 立刻点灯拨走了黑暗
Ndenq haj bak cienzrei 把五百元私房钱递了过来
-----------------------------------------------------
Mbaw heu va cix moq 有绿叶才有鲜花啊
Yah soh gvan cix maenz 妻子贤慧丈夫才出色呀
Sou doxgangj baenz hwnz 你们俩聊了通宵的话
Coenzcoenz cungj dwg ndiep 每一言一语都蕴藏着深深的爱
(2) Sam Beixnuengx Doengzsim 三兄弟同心
Simhai loh cix gaed 心中舒畅路就短
Simgaek roen cix raez 心中焦急路就长
Haemhhaenx sou hong seiz 今晚收工回来时
Daengz ranz feiz gaenq hoengh 回到家灶火正旺
_________________________
Song daeg nuengx ma ranz 两个弟兄回到家
Riu gok canz yaek biengj 笑声响亮阳台将要翻
Mwngz baez raen song nuengx 你一看到两弟兄
Fwt siengj bit cienz ndeu 突然想起一笔钱
___________________________
Bihaenx vunz daeuj iu 那年有人来相邀
Naeuz miz diuz loh fouq 说有一条致富的路
Cawx ci bae yinh huq 买车来搞运输
Saedcaih ruq fatcaiz 实在很快发财啊
__________________________
Cawx ci mbouj miz ngaenz 想买车没有钱呀
Haeuj singz raen song nuengx 进城去见两个弟弟
Songde yienznaeuz gongj 他们两个虽然也很困难呀
Hix sim suengj bang mwngz 但却很爽快答应帮你
___________________________
Daegngeih ciengzseiz byaej 老二平时很节俭
Caebcomz ndaej song cien 东拼西凑得了两千
Daeghaj cix noix cienz 老五可缺少现金啊
Seiq cien maenz ciq daeuj 也借到了四千元
_____________________________
Ngaenz cawx ci dawz ma 买车的钱拿了回来
Cingq ra cienz caux loh 凑巧筹钱修路
Vut cawx ci mbouj goq 把买车的事丢过一边不顾
Mwngz soh dawz guh roen 你直接拿钱投入修路了
____________________________
Gwn caeuz gingq laeuj gvaq 吃晚饭敬过酒罢
Dawz vah lwnh nuengx nyi 就把话说给弟兄知道
Guh beix caengz cawx ci 做哥哥的没有买到车哩
Gyonj cihciz caux loh 把你们的钱都支持修路去了
____________________________
Suenq sou daeuj bang gou 就算你们来帮助我吧
Docih sou beixnuengx 感谢你们弟兄了
Daengzcog mbanj bienqyiengh 将来家乡大变化了
Beix ciuqyiengh boiz ngaenz 这钱哥哥照样还给你们的
__________________________________
Song daeg nuengx het naeuz 两个弟弟马上说话了
Gaej aeu gangj coenz neix 千万不要说这样的话呀
Guh nuengx cihciz beix 当弟弟的支持哥哥
Cingq hableix habcingz 正是合情合理的事情呀
_______________________________
Sam beixnuengx doengzsim 三兄弟同一条心
Doengzseiz caem boi laeuj 同时斟了一杯杯酒
Sam beixnuengx doengzbouh 三兄弟同走一条路呀
Caez daeuj hwnj mbanjranz 共同齐心建设自己的家乡
(3) Gou Mbouj Dwg Goengdaeuz 我不是工头
Swhgeij miz di ngaenz 自己有一点点钱
Mwngz faenfaen gien ok 你每一分都捐了出来
Dan dwg youz dwk dok 单单是开炮用的润滑油
Mwngz gyop yungh baenz cien 你一共用了上千元
----------------------------------------
Veiz lauxsae da raen 韦老师亲眼看到了
Faenfaen geiq roengz bouh 每一分都记在了登记簿
Daengz roen caux baenz haeuh 等到道路修成以后
Liemx cienz daeuj boiz mwngz 敛大家要钱来还给你
------------------------------------------
Mwngz dwgrengz mbouj suenq 你辛辛苦苦这还不算
Lij gag nyienh demh cienz 还要自愿垫出钱来
Cungqvunz saed simnden 众人看到了实在心不忍啊
Bouxboux gien cienz ok 每一个人也把钱捐出来
------------------------------------------
Veiz lauxsae comz ngaenz 韦老师负责把这些钱收集起来
Daeuj raen mwngz gejgangj 找到你解释这些钱的由来
Neix sim’eiq vunzmbanj 这些都是众人的心意啊
Mwngz cienfanh sou roengz 你千千万万要收下来啵
------------------------------------------
Mwngz miz di mbouj angq 你有点不高兴
Haenq gangj Veiz lauxsae 狠狠地批评了韦老师
Vunzcungq daih gou ndei 众人对待我这么好
Gou dei neix suenq roet 我做出这点点算个屁呀
---------------------------------------
Veiz lauxsae youh naeuz 韦老师又说
Yungh youz mbouj dwg raemx 用油可不是用水呀
Cungqvunz sim ndi nyaenx 众人心里接受不了啊
Laemxsim docih mwngz 真心实意感谢你的呀
--------------------------------------------
Sou yiengq vunz liemx ngaenz 你们向众人敛钱
Caen mbouj baenz dahraix 实实在在是不应该的
Daihgya gunnanz lai 大家困难还是很多很多呀
Mbouj wnggai nyaenx guh 实在不应该这样做啊
-------------------------------------------
Gou dwg cunhcihsuh 我是一个村支书
Mbouj dwg guh goengdaeuz 可不是当工头呀
Ok cienz cawx di youz 出一点点钱来买油
Yawz youh naeuz mbouj ngamj 怎么说不合适呢
------------------------------------------
Veiz lauxsae fouznaih 韦老师很是无奈
Cijndei daiq ngaenz deuz 只好把众人的钱带回去了
Yienz deng nungq can ndeu 虽然被批评了一顿
Hoeng heiq siu sim raeuj 但是气顺了心里更暖了
(2) Vih Lwghag Naemj Siengj 为学生着想
Mwngz bae hai hoih dauq 你去开会转回来
Mbwn laepngauq laepnyoq 天色已经漆黑漆黑的了
Hagdangz youq henz loh 学校就在路旁
Daeng cix myox feizfang 灯光暗暗的仿佛鬼火一样
---------------------------------------
Bae hai hoih gaxgonq 在去开会之前
Gaenq duenq cang dienhdaeng 已经约定好要装电灯
Laihnaeuz senq ronghsaeng 你以为灯光老早雪亮了
Yawz daengyouz lij diemj 为何还是点油灯呢
----------------------------------------
Mwngz mbouj goq bae ranz 你顾不得回家了
Muengz bae cam yaucangj 连忙去询问校长
De cix danqheiq gangj 他就叹了口气说
Vih vangq ngaenz naihhoz 因为缺钱又耐其何
----------------------------------------
Cawx dienhganj dienhsienq 购买电杆电线
Lij yiemq cien lai maenz 还欠缺一千多元
Raen lwgnyez daeng yaem 眼看孩子的灯光昏暗
Mwngz sim’in fouzbeij 你是无比的心痛啊
---------------------------------------
Yamq din baez haeuj ranz 迈步走进了家门
Couh cam baz aeu vah 就找话向妻子试探
Song duz mou hab gaj 那两只肉猪可以宰了
Lij caj daengz seizlawz 还等到什么时候呀
-------------------------------------------
Baz cimh bak han naeuz 妻子顺着你的话题说道
Song duz mou cai mok 那两只猪不肯吃潲
Ngoenzbonz gaenq gai ok 前天已经卖掉了
Ndaej ngaenz hob cien lai 刚刚得了一千多元
------------------------------------------
Dingqnyi coenz vah neix 听到了这一句话
Mwngz haengjheiq dangqmaz 你是无比的高兴啊
Caiq yawj ndangdaej baz 转过来看看妻子的身体
Bak youh gaz nanz gangj 要说的话难以说得出口呀
------------------------------------------
Yah ndang byom youh reux 妻子的身体又瘦又弱
Buhvaq seuj geij caengz 衣服补了一层又一层
Ciengx mou ndaej di ngaenz 养猪得了这点点钱
Maenzmaenz mbouj sij yungh 每一元都不舍得用啊
-----------------------------------------
Hagdangz daeng mbouj rongh 学校的灯光不好
Lumj cim mbongq dwk sim 好像针刺着心一样疼呀
Gou dangjyenz cwzyin 我肩负党员责任
Wng vih minz naemj siengj 应该为民着想啊
-----------------------------------------
Vah ndei gangj baenz daeuj 好言说了一斗斗
Vih daeuh maex haidoeng 为了请求妻子思想开通
Lwgnyez dwg vahoengz 孩子是红花呀
Vunzhung aeu goqhoh 我们大人要好好照顾
------------------------------------------
Yah cix doiq mwngz naeuz 妻子听了就对你说
Gaej aeu gangj vah heux 别绕弯弯说那么多了
Dauhleix gou roxyiuj 这些道理我都明白
Raeuz siuj yungh goj baenz 咱少用些钱也是可以的
-------------------------------------------
Yah dawz ngaenz dwk fwngz 妻子把钱递进你手里
Heuh mwngz hawj yaucangj 交代你拿去给校长
Lauxsae bouxboux angq 老师看见了个个高兴
Hagseng langh sing riu 学生看见了欢天喜地
------------------------------------------
Mbouj nanz cang ndei daeng 不久电灯安装好了
Haemhnaengz ronghsagsag 每个晚上都亮堂堂
Sing doeg saw goksat 学生的读书声洪洪亮亮
Caez hap rungh hap bya 回音回旋在山山硦硦
Guh Hwng Mbanjcuengh
Guh fwen dangq gangj goj ,
Dwg Lohmanh laux sae ;
Doengh uk vaenq sim gae ,
Sij saeh haenh vunz raeuz !
Vunz raeuz boux hauxseng ,
Aeu hag de yiengh neix ;
Dawz diegcuengh seqveiq ,
Guh vuengh heiq hwnj daeuj !
[seiq] GWN HOJ MWNGZ BYAIJ NAJ GWN HAJ MWNGZ NDOT LAENG
吃苦你当前 享乐不占先
(1) Aen Bau Mwngz Aen Bauj 你的手包是个宝
Mwngz haet nyaengq daengz haemh 你一天到晚忙不停
Seizseiz aemq aen bau 经常背着一个手包
Vunz heuh daeh bak bauj 人们称它是百宝包
Coz laux cungj haenh ndei 老老少少都赞赏它
---------------------------------------------
Daegvang yaek gietvaen 特旺需要结婚
Ra raen mwngz gaep yaenq 找到你要盖章
Mwngz dawz bau cuengq maenh 你把手包放好
Sikhaek daemj hawj de 立刻就给他盖好
--------------------------------------------
Mbat gonq faen suijniz 上一次分配水泥
Bouxlawz miz geijlai 谁谁分有多少
Mwngz dawz bau dajhai 你把手包打开
Gwnz de raiz cingcuj 上面都记着清清楚楚
--------------------------------------------
Baihgwnz vwnzgen dingh 上级文件有规定
Bouxbingh miz ciuqgoq 病人应该给照顾
Mwngz hai bau daeuj yoq 你打开手包来看看
Bitbit soq caezcienz 每一笔账目完完整整
-------------------------------------------
Aubingz baenz baezhangx 平叔患上了痔疮
Dot ndaej cangh youh cauz 疼得他滚床又呻吟
Mwngz mbon fwngz haeuj bau 你将手往手包里一掏
Aeu yw gyau de yungh 把药取出来给他治疗
-------------------------------------------
Cib sam bi gvaqdaeuj 十三年过来了
Aen bau gaeuq baenz maz 那个手包已经破烂得不像样
Mwngz doiq de cingz na 你对它一往情深
Cingz daihgya engq naek 大家对你更是情重如山
（2） Fan Riep Haj Cib Congh 一床蚊帐五十个洞
Ngoenzhaenx mwngz bae haw 那次你去赶圩
Baz dawz ngaenz daeuj coh 妻子拿钱来给你
Riep vaih mwngz hix rox 蚊帐破烂你也知道的
Cawx fan moq dauqma 买一床新的回来吧
---------------------------------------------
Daengz laep mwngz haeuj ranz 天黑了你才进家
Baz cam cawx ndaej mbouj 妻子问你买得了么
Hai bau daeuj baez gaeuj 她打开提包来一看
Leizgvanj youh cayoz 全都是雷管和炸药
----------------------------------------------
Mwngz lienzmuengz nai baz 你连忙安慰妻子
Fat gijmaz beizheiq 发什么脾气呀
Baz yawj riep yaek daej 妻子看那破蚊帐就想哭
Mwngz simsaeh cix nyau 你的心也是非常乱
---------------------------------------------
Daj gietvaen daengz neix 自从结婚到现在
Gaenq ndaej cib roek bei 已经足足十六年了
Riep hau bienz riep heiz 雪白的蚊帐已经黑乎乎的了
Vaih lumj sei gyauhak 破烂得犹如一张大蜘蛛网
--------------------------------------------
Congh vaih deihnyaennyaen 破的洞儿密密麻麻
Geq aen haj cib ngeih 数一数有五十二洞
Giz fong vaeq dap vaeq 补的补丁一块搭着一块
Beij gaujvaq nyib denz 比得上叫花子的被窝
--------------------------------------------
Mwngz guh riu cix gangj 你开着玩笑说
Riep rangq raeuz caiq fong 蚊帐褴褛咱们再补吧
Baz fatheiq cix hongz 妻子生气了就唠叨
Yawz fong mwngz gag guh 怎样补你自己来吧
-------------------------------------------
Mwngz ra cim dawz mae 你把针线找来
Cin baezbaez mbouj haeuj 一次次穿线都没有穿上
Baz ndeiriu youh aeuq 妻子看了好笑又怄气
Ciengj gvaqdaeuj gag cin 一把抢过来自己穿线
-------------------------------------------
Cim mae hong mehmbwk 针线是女人的活路
Baez dwk fwngz cix baenz 一拿上手就做成了
Din mae diuzdiuz yinz 线路条条均均匀匀
Baz sim lingz fwngz giuj 妻子好不心灵手巧
--------------------------------------------
Daj caux roen doxdaeuj 自从修路以来
Couh sienhaeuh gien cienz 先先后后都捐了钱
Gungh it fanh haj cien 一共捐了一万五千
Cix dan nyen fan riep 独独就吝啬一床蚊帐
-------------------------------------------
Cim camz deng fwngz baz 妻子被针刺伤了手
Lwed byaz youq bangx riep 鲜血溅满了蚊帐上
Fwngz get sim engq get 手疼心更疼啊
Baz dwgndiep lailai 妻子真的非常非常可爱
-------------------------------------------
Mwngz cup lwed fwngz baz 你吮着妻子手上的鲜血
Cix gag ndaq swhgeij 而在自责着你自己
Baz yaeng danq gaemz heiq 妻子缓缓地叹了口气
Byawz heuh seih dangjyenz 谁叫我们是党员啊
---------------------------------------------
Mwngz doiq baz cix naeuz 你深情地对妻子说
Daengz raeuz caux ndei loh 等到我们修好了路
Mboujdanh cawx riep moq 不仅仅要买新蚊帐
Lij cawx dohlahgih 而且还要买上拖拉机
(3) Aen Ringj Vaih Youh Heiz 碗柜破烂又发黑
Mwngz hwnzngoenz mbouj yiet 你日夜不休息
Ndang byombyet youh ndaem 身子瘦弱又晒黑
Yah cix in ndaw sim 妻子就疼在心里
Cawx gaen noh he bouj 买了一斤肉给你补补
------------------------------------------
Vanj noh cawj rangrwt 一碗肉煮的香喷喷
Lij baek laeuj caj gvan 还热酒等着丈夫
Mwngz laep mbouj dauq ranz 你天黑了不见回家
Yah dawz banz coq ringj 妻子便把盘放进碗柜
--------------------------------------------
Aen ringj vaih youh heiz 这个碗柜破烂又发黑
Nou ciengzseiz daeuj coh 老鼠经常来捣乱
Heuh mwngz guh aen moq 妻子曾叫你做个新的
Hong nyaengq goq mbouj daengz 你因为太忙就顾不上了
-------------------------------------------
Raen mwngz daj gyae ma 看见你从远处走回
Baz ok dou bae coux 妻子就出门去迎接
Caeuz miz noh miz laeuj 晚饭有肉又有酒啊
Hawj mwngz boujbouj ndang 我给你补补身子哩
------------------------------------------
Baz nyaenx in bouxsai 妻子这样会疼男人
Mwngz simhai sim’angq 你心情非常开心舒畅
Cix doq riu doq gangj 于是一边笑着一边交谈
Caemhdin gvangh haeuj ranz 一起同步冲进家里
------------------------------------------
Daengz henz ringj aeu byaek 妻子去到碗柜边取菜
Cix doeksaet yaek dai 突然惊叫不知所措
Duznou dwgcaengz lai 太可憎啊这些老鼠
Noh gaenq sai bae liux 肉菜已经被糟蹋完了
------------------------------------------
Baz youh huj youh ndaq 妻子气愤得叫骂不停
Nou raq yawz mbouj dai 这些瘟老鼠怎么不死绝
Mwngz boizlaex cix nai 你在一旁赔礼便安慰说
Wnggai guh ringj moq 早应该做个新碗柜了
------------------------------------------
Aen ringj iq cix iq 碗柜是个小小东西
Baz vih de simfanz 妻子为它烦心多多
Gou uengjfeiq guh gvan 我枉费做个丈夫啊
Ndek hong ranz mbouj goq 把家务事情丢下顾不上
------------------------------------------
Haetlaeng mwngz dawz fouj 第二天早上你拿起斧子
Ra benj daeuj couh rau 找来木板马上丈量
Nyaengq gawq youh nyaengq bauz 又是锯又是刨忙个不停
Doq baenz ngau ringj moq 立刻做好了一个新碗柜
---------------------------------------------
Dwk caet youh gvaq youz 上了漆又挂了油
Aen ringj ngaeuz youh lengj 碗柜又油亮又漂亮
Bouxboux haenh baenzyiengh 人人都称赞说好精致啊
Lumj bouxciengh cingmingz 就像能匠一样精明能干
----------------------------------------------
Baz raen baz hix angq 妻子看到了也高兴
Mwngz youh gangj vah coenz 你再一次把话说了
Caj daengz mbanj doeng roen 等到家乡把路修好了
Raeuz ngoenzlaeng engq hoengh 咱们将来更加兴旺发达了壮汉对照，很好的自学标准壮文的阅读材料，希望贝侬们不要让路漫老师白辛苦啊。
(4) Daeng Buenx Mwngz Ngauz Hwnz 灯光伴你熬深夜
Ronghndwen ronghcangcang 月光亮堂堂
Go’nganx youq bakdou 龙眼树在门口
Doengxngoenz hong ngamq sou 白天刚刚收工回来
Mwngz youh aeu gyahbanh 你又要加班
------------------------------------------
Yamq haeuj bangunghsiz 跨进办公室
Laepsi youh laepsaeng 黑嘛嘛看不见光亮
Iet fwngz bae lumh daeng 伸手去摸索要灯
Baengnyaeng daeng gaenq vaih 料想不到啊灯已经破碎了
-------------------------------------------
Mwngz cix danq gaemz heiq 你不由叹了一口气
Aen daeng neix nanz lumz 这盏灯让人难忘啊
Yienz aeu bingz guh baenz 虽然是用瓶子做的
Buenx mwngz hwnz youh haemh 可伴你了一夜又一夜
------------------------------------------
Buenx mwngz suenq caizliuh 伴你结算材料
Buenx mwngz siuh veibau 伴你修改汇报
Vih mbanj rungh caulauz 为了山村操劳啊
Buenx mwngz ngauz ranzrongh 伴你熬夜到天光
-----------------------------------------
Haenq guh gvaq geij bi 努力干了好些年
Mbangj giz gaenq doeng dienh 一些地方已经通电了
Dienhdaeng rongh youh bienh 亮起电灯明亮又方便
Mwngz lij diemj youzhaeu 可你还是点着煤油灯
-----------------------------------------------
Muengh gvaq aenaen rungh 望过一个个山硦
Miz giz rongh giz ndaem 有的亮亮有的黑黑
Yaek miz daenj miz gwn 想要都能丰衣足食
Diuz roen lij raez raeuh 要走的这条路还长着呢
--------------------------------------------
Aen daeng mbouj geij ngaenz 一盏灯不用多少钱
Baenzbaenz lij yungh ndaej 反正还是可以用啊
Mbaet gaem rom baenz daeh 省一把积累成一袋
Mbaet saeq rom baenz hung 积少成多就是这个理
-------------------------------------------
Gwn hoj mwngz byaij naj 吃苦你走在前面
Gwn haj mwngz ndot laeng 享福你就溜到后面
Vih mbanj rungh caeux hwng 为了山村早日兴旺
Diemj daeng mwngz caemh mbaet 点灯你也要省啊
（5） Diuz Cag Goenq Youh Swnj 一条绳子断了又接续
Seizhaenx ngamq hai loh 那时刚刚开始修路
Diuz cag moq ndaij laenz 一条青麻编的绳子
Sam cib mij raez yinz 三十米长均均匀匀
Mwngz ngoenzngoenz aeu yungh 你每一天都要用到
---------------------------------------
Diuq ndang douh bangx dat 吊起身子扒在岩石上
Dakdak siuq mbouj dingz 嘀嘀哒哒凿个不停
Mwngz lumjbaenz duzlingz 你仿佛猴子一般
Ndang ing dat onjdup 身子倚着岩石稳稳当当
------------------------------------------
Congh bauq deihnyaennyaen 炮眼开的密密麻麻
Youh raen mwngz cit bauq 又看见你在点燃炮药
Bouxlaux rox daegmbauq 不论老人还是后生
Muengh mwngz dauq vaiq di 都期盼你快点回来
-----------------------------------------
Mwngz dwg raeuz bouxdaeuz 你是我们的领头人啊
Cungqvunz gouz mwngz yiet 众人都求你好好休息
Mwngz daidu giengiet 可是你态度很坚决
Baez yet youh hwnjbae 一跃一跳你又上去了
-------------------------------------------
Cag ndaij nyangq youh co 麻绳坚韧又粗大
Nanz muz gvaq rindat 但难以磨损岩石
Yung’yiemj mbat youh mbat 出现险情一次又一次
Ngad goenq youh swnj raez 绳子磨断了又接长
------------------------------------------
Diuz cag sam cib maex 一条绳子三十米长
Yungh ndaej geijlai bi 使用了好多年了
Baez goenq baez swnj di 断了一次又一点点续上
Lw miz cib sam mij 最后只剩下十三米
---------------------------------------------
Daj cag raen daengz mwngz 从绳子看到你的为人
Daj roen raen daengz yiengh 从修路看到你这个榜样
Miz fwn naemj daengz liengj 下雨了思念到雨伞
Raen roen siengj daengz mwngz 看见路就想念到你啊
[haj] GYAUYUZ DWG SAEHHUNG
MWNGZ CAENSIM YAWJNAEK
根本是教育 常身先士卒
(1) Cunhveij Nyiengh Dieg Ranz 村委让地盘
Hagdangz ranz gaenq vaih 学校的校舍已经破烂
Fwn raix gizgiz dumz 大雨淋来处处淹水
Cueng roh mbouj baex rumz 窗口破漏挡不了风
Dou ndi gyaemz youh nduk 门板关不紧而且已经朽了
--------------------------------------------
Mwngz hong gaenq gaeuq nyaengq 你的工作已经够繁忙了
Youh aeu naemj hagdangz 又要思考到学校了
Itdingh aeu hwnj ranz 一定要建筑新校舍了
Guh louzfangz ronghsag 建起楼房亮亮堂堂
-------------------------------------------
Hagdangz aen dieg gaeuq 学校那个旧地址
Gaebgeb youh mbouj bingz 不仅狭窄而且崎岖不平
Cunhveij ranz lingzding 村委的办公房独处一地
Dieg bingz youh haemq gvangq 地势平坦而且比较宽广
-------------------------------------------
Hagdangz senj daeuj neix 学校就迁到这里
Cunhveij buen lingh giz 村委搬到另一个地方
Miz vunz cix naeuz ndi 但有人想说不行
Gwnvi dwg ganqbouh 吃亏的是我们干部啊
------------------------------------------
Mwngz cix gangj dauhleix 你于是就摆出道理
Banhsaeh aeu yawj gyae 办事情可要看远一些呀
Hwnj laeuz geij bak bei 建设楼房可是几百年的事
Aeu genj ndei diegyouq 一定要选好地址啊
----------------------------------------
Gyauyuz dwg saehhung 教育事业是大事情
Aeu cungsi cij ndaej 一定要重视才好
Vi cix vi swhgeij 吃亏就吃亏自己吧
Mbouj ndaej vi lwgnyez 可不能给孩子吃亏呀
----------------------------------------
Mwngz gangj dauhleix naek 你说出了深刻的道理
Ganbu yaek daiqdaeuz 我们当干部的一定要带头啊
Lwgnyez minghgaen raeuz 孩子是我们的命根呀
Bouxboux naeuz nyiengh dieg 于是人人都说就让地盘吧
--------------------------------------
Laeuz sonhag hwnj baenz 教学楼终于建成了
Ranz dieg ninz lij noix 可学生的宿舍还是欠缺呀
Hai ngaiz aeu baizdoih 而且开饭的时候还要排队
Vunz baenz roix ndaet lai 一行行的人实在太挤了
--------------------------------------
Mwngz raen youh simgaek 你看见这些现象就很心焦
Sikhaek yaeng ra ranz 立刻就商量找房子解决
Cunhveij miz sam gan 村委会有三间房子
Doenq song gan okdaeuj 腾出两间出来吧
---------------------------------------
Gan he guh sizdangz 一间拿来做食堂
Gan he dang diegyouq 一间拿来当宿舍
Lwgnyez cix angq raeuh 孩子们知道了兴高采烈
Ganqbouh naj cix riu 干部们也笑逐颜开
（2） Mwngz Aeu Ndang Guh Yiengh 你以身作则
Hwnj laeuz aeu yungh ngaenz 建教学楼要用钱
Baihgwnz bued ndaej mbangj 上级拨来一部分
Bae rog cingj bouxcangh 到外面请工匠
Nanz gangjgyaq ndaej baenz 在价格上难以成交
---------------------------------------
Haujlai vunz bonjdueg 本地有很多人
Ok rog bae dajgoeng 去到外面打工
Hag rox hwnj ranz hung 学会了建筑大楼
Miz goengrengz daihbaj 这里有大潜力呀
----------------------------------------
Comz gyoengqde dauq mbanj 组织他们回到家乡
Yaek gangj hwnj ranz laeuz 说明要建筑教学楼
Ngaenz noix hong mbouj mbaeu 但钱少工程不小
Cix naeuz mbouj haengj guh 于是都说不肯接受
-----------------------------------------
Mwngz cix baij dauhleix 你于是就摆道理
Ngaenz noix seih saedcingz 钱少是个实际问题
Lwgnyez dwg va’nding 可是孩子是红花呀
Mbouj wng mbouj ranz youq 不应该没有房子住啊
----------------------------------------
Ranz lawz mbouj lwgnyez 哪一家没有小孩
Nyez lawz dez mbouj ndiep 哪个孩子当爹的不心疼呀
Vih neix sied cix sied 为了这事吃亏就吃亏吧
Hozbiet ndoenq baenzlai 何必计算得这样多呢
-----------------------------------------
Bwnh cix dwk naz raeuz 肥料应该施放在自己的田地
Ngaenz dwg raeuz lwedhanh 金钱是我们的血汗呀
Cingj vunz rog daeuj banh 请外面的人来建造
Langhdangh hawj vunz riu 白白地给别人笑话呀
----------------------------------------
Dauhleix doengh sim vunz 道理说得动了人心
Gangj ndaej coenzcoenz cingq 说的每一句话都很真切
Daihgya cungj haengj dingq 大家都很喜欢听呀
Gietdingh caez swngzbau 终于决定一起来承包
------------------------------------------
Gunghcwngzdui hai hong 工程队开工的时候
Roq gyong cit bauqrengh 敲锣打鼓又燃放鞭炮
Mwngz aeu ndang guh yiengh 你自己却以身作则
Saehsaeh ciengj sien daengz 每一件事都冲在前头
-----------------------------------------
Dwk rin mwngz daih’it 打石头你第一个抢先
Gud gik youh hoed naez 挖草皮接着搅拌泥浆
Caep ciengz maenh youh ndei 你砌的墙牢固而且美观
Seizseiz guh hong naek 每时每刻都干着重活
----------------------------------------
Naeuz mwngz dwg duicangj 都说你是队长
Dwg bouxcangh goengdaeuz 是师傅是领导
Cix faen ngaen mbouj aeu 但你却一分钱都不取
Dan daiqdaeuz guh yiengh 仅仅是带头干活作的榜样
----------------------------------------
Miz yiengh cix hag yiengh 有了榜样就学榜样
Bouxboux ciengj guhhong 人人都像你一样抢着干活
Ngaenz noix mbouj vunz hongz 工钱少也没有人发牢骚了
Laeuzfuengz riengjret daengj 教学楼很快就竖立起来
（3） Yienghyiengh Causim Caenh 样样操心尽
Hagseng bak lai boux 学生一百多个
Vangz Van gaeuq diubiz 黄焕足够调皮
Hangz doengzhag boux iq 欺负小同学
Gizgiz ngah cauxsaeh 处处喜欢惹事
--------------------------------------------
Doengzhag raen de lau 同学看见他就害怕
Yozyau naeuz de gik 学校说他懒惰
Hagsib de simcit 学习上他消极
Dwkcik de cix maez 玩打尺子他就入迷
------------------------------------------
Miz vunz lwnh lauxsae 有人告到老师那里
Vangz Van bae guhdoj 黄焕去参赌
Seiziq mbouj guenj goq 小时候不加管束
Daengzcog goj baenz ya 将来可要变坏啊
----------------------------------------------
Lauxsae ra de gangj 老师找到他说道理
De cix ngangj gvaq gwnz 他就拗过一边去
Vah unq rwz gvaq rumz 说好话像耳边风
Dauhleix lumz seuqsat 说的道理忘得一干二净
---------------------------------------------
Lauxsae saed fouznaih 老师实在是无奈
Mbouj daih leix de dem 不怎么去理睬他了
Mwngz dingjlingz gvaq henz 你恰巧走过旁边听见
Cix simsenz fouzbeij 就无比的痛心
-------------------------------------------
Doekgonq cix baenz baengz 走在前面是块布
Doeklaeng cix baenz vaj 落在后面就成了烂布
Aeu Vangz Van bienqvaq 需要黄焕发生变化
Mwngz dajsuenq raen de 你打算见见他
--------------------------------------------
Hagseng son mbouj ndei 学生教得不好
Dwg lauxsae ceknyaemh 是老师的责任
Hoeng mwngz cix gag nyinh 但你却自己认为
Hix miz faenh duh mwngz 这责任也有你的一份
----------------------------------------------
Guenj ranz youh guenj roen 操心校舍又要操心修路
Guenj gwn youh guenj daenj 操心群众的吃饭又要操心衣着
Yienghyiengh causim caenh 样样都操心到了
Byawz mbouj haenh mwngz ndei 有谁不赞扬你啊(1) Dahniq Ndaej Hwnj Hag 小女孩上学了
Ngoenz he mwngz gvaq loh 有一天你路过
Raen lajroq henz dou 看见巷子里的门口边
Dahniq he ing saeu 一个小女孩倚靠在柱子上
Cingq gueng mou gueng gaeq 正在喂猪喂鸡
---------------------------------------
Seizneix gaenq haihag 现在已经开学了
De yawz gag youq ranz 她怎么一个人在家呢
Mwngz cix gvaqbae cam 你就走过去问
Dah ndi han yaek daej 她不回答却要哭了
--------------------------------------
Boh dah okdaeuj raen 她的父亲出来看见
Naj haem naeuz ranz hoj 沉着脸说家里穷啊
Lwgmbwk mbouj roxsoq 女孩子不怎么懂事
Aeu rox saw guh maz 要识书有什么用
--------------------------------------
Dingq coenz mbouj baenz vah 听到这句很不像话
Mwngz najlaep cix naeuz 你绷着脸就说
Sai mbwk cungj lwg raeuz 男女都是咱的孩子
Yawz mbaeu neix naek haenx 怎么能轻此重彼
------------------------------------------
Mengz saw cix baenz huk 文盲使人愚蠢
Faex nduk mbouj baenz caiz 腐朽的木头不成材
Lumj mwngz hoj daengz dai 似你这样穷苦一辈子
Vih mbouj lai rox cih 就是因为没有多识字
---------------------------------------
Boh ngaek gyaeuj naeuz dwg 她的父亲点头说是
Goj muengh lwg gou gvai 我也希望自己的女儿乖
Cix vih ranz hoj lai 就是因为家庭太苦了
Nanz hai ngaenz haeuj hag 难以出钱给她进学校
-------------------------------------
Ngaenz bae rox caiq daeuj 钱财用去还会再来
Bi’ndaen mbouj dauqma 岁月去了不再回头
Lwgnyez dwg dujva 儿童是祖国的花朵
Seizcin gvaq cix sih 春天过去了花朵就谢了
----------------------------------------
Mwngz gangj daengz myaiz hawq 你说得口水都干了
Gawqgawq dauhleix caen 每一句都是真道理
Boh ngaek gyaeuj naeuz baenz 她父亲点头说行
Mwngz cuengqsim cij byaij 你才放心离开
---------------------------------------
Caj daengz bi he gvaq 等到过了一年
Siengj hwnj dahniq de 又想起那个小女孩
Mwngz bae ranz cam yez 你到她家问她父亲
Lwgnyez lij vangqhag 看见那女孩还是失学着
--------------------------------------
Mwngz cix heiq cix huj 你非常的气愤
Ndaq boh de huk ngvanz 责备她父亲死蠢顽固
Boh danqheiq cix han 她父亲叹口气才回答
Hoj lai nanz bae hag 太穷了难得送小孩上学啊
---------------------------------------
Raen ranz de nyaenx ndoq 看见他家实在那么贫穷
Cij rox de hix nanz 才体会他也是真的困难呀
Mwngz cix mbouj caiq cam 你就不再说什么
Bae ranz ra yaucangj 到校长家去找校长
---------------------------------------
Yozyau hawj mienxfeiq 结果学校给了免费
Dahniq ndaej hwnj hag 小女孩终于可以上学了
Daengx ranz cungj vuenlag 全家人都很高兴
Sim ndat raemxda roengz 心头一热纷纷落泪
(1) Vangzsiengh Ndaej Baenzcaiz 王相得以成才
Nuengx seiq mwngz Vangzsiengh 你的四弟王相
Mbouj siengj bae hagdangz 不想去学校
Ngoenz sim mbouj youq ndang 整天都心不在焉
Hagdangz heuh doiqhag 学校叫他退学
-----------------------------------
Mwngz rox cix ndatheiq 你知道了很生气
Uengjfeiq de guh vunz 枉费他做人呀
Hoenx ndang de mbouj baenz 打他肌肤是没有作用的
Fug sim de cij ngamj 让他心服才是最好的办法
------------------------------------
Seizhaenx reih haeuxyangz 当时的玉米地里
Cingq nyangz binghdai ro 正在闹枯萎病
Gangj daengz yw doenghgo 说到治理植物的虫病
Suenq mwngz coz ceiq ak 算年壮力强的你最厉害了
--------------------------------------
Mwngz mbouj muengz roengz yw 你不忙去洒药
Sien ndek fwz ndaw reih 把地丢开一边不管
Heuh Vangzsiengh daeuj neix 招呼王相来到这里
Dauhleix daeuj sawq de 用道理来试试他
--------------------------------------
Daegseiq ha Daegseiq 老四呀老四
Gaiq reih neix duh mwngz 这块地就是你的啦
Haeuxyangz bingh saengsaeng 玉米虫病好厉害啊
Yawj mwngz baenzlawz banh 看你怎么办呢
-------------------------------------
Vangzsiengh naj saepsat 王相愁眉苦脸
Naj ndat mbouj rox han 脸上发烧不知如何回答
Mbouj rox saw vunz bamz 不读书的人会愚蠢的
Seizneix gan diuqgah 现在想用就白白为难
---------------------------------------
Mwngz dawz bingz yw daeuj 你把药瓶拿过来
Hawj de gaeuj cix caz 给他看了就问
Ndaw bingz dwg yw maz 瓶里是什么药呀
Yw bingh maz rox mbouj 治什么病你知道吗
----------------------------------------
Vangzsiengh cix gaeu gyaeuj 王相就把头勾得低低的
De najcouj yaek dai 他丢脸得要死
Mwngz dawz bingz daeuj hai 你把药瓶打开
Faet gwnz byai haeuxdaeq 撒在玉米的枝叶上
-------------------------------------
Caj gvaq ndaej geij ngoenz 等到过了几天
Mwngz gaem fwngz Vangzsiengh 你牵上王相的手
Daengz henz reih bae muengh 来到地边上查看
Gaenq yienghyiengh heunau 所有的都已经绿绿油油
------------------------------------
Boux vunz mbouj rox saw 一个人如果不读书
Uk ngawz maz mbouj rox 脑袋愚蠢什么都不懂
Ndaem haeuxyangz dai doh 种玉米遍地都会死掉
Ndaem duhnoh dai caez 种豆角也会死个干净
--------------------------------------
Vangzsiengj mbouj fug saw 王相还是不服输
Gou mbouj dawz hong reih 他说我不干地里的活
Vangzsiengh mbouj fugheiq 王相还是不服气
Gou muengh ndaej dangbing 他说希望能够去当兵
--------------------------------------
Bouz vunz mbouj faenzvaq 一个人没有文化
Vunz mbouj ngah dangbing 人家也不会给当兵的
Mbouj rox yawj dihingz 不会察看地形
Lienz nyingz cungq hix lot 就是打枪也会脱靶
---------------------------------------
Mbouj gangj bae dangbing 不要说去当兵
Haeuj singz hix baenz huk 进城去也会成个傻子
Dajgoeng deng vunz yoeg 打工挨人家欺骗
Naengh ci loek loeng roen 坐车都会走错路
-----------------------------------------
Dozcaengh mbouj suenq naek 秤砣不算重呀
Cix dwk hwnj cien gaen 但可称起上千斤
Aeu faexgyaengh geuh rin 用木棒撬起石头
Caemh yo rim dauhleix 这些都隐藏着科学道理
-----------------------------------------
Coenzcoenz lumj feiz daeng 每一句话仿佛点点火星
Rongh daengz sim Vangzsiengh 把王相的心照亮了
Gou gonq mbouj baenz yiengh 我当初不学好样
Neix caen siengj doegsaw 现在我真的好想读书
-----------------------------------------
Mwngz nyi sim cix hingq 你听见了心里非常高兴
Mwngz dingq naj cix hai 你听见了笑容大开
Vangzsiengh laeng baenzcaiz 王相后来读书成了才
Hwnj gyangjdaiz sonhag 上了讲台做教学工作
[roek] NAEK VUNZ GVAQ CIHGEIJ BYAWZ BEIJ NDAEJ MWNGZ CAEN
你忘我舍身 谁胜似亲人
(1) Baenzbaenz Dwg Faenh Ndiep 真真是一份爱
Hai roen guh ndaej hoengh 修路干的正火红
Daengxgyoengq nyaengq faenfaen 众人忙的不可开交
Ganj hong ganj daengz hwnz 赶工赶到深夜
Lumz gwn mbouj rox iek 忘了吃饭也不知道饿
--------------------------------------
Mbat he mwngz coih gih 又一次你在修机器
Gyoengq vunz cix humx henz 众人都围在一边看
Mwngz simsaeq fazyen 你细心地发现
Goeng Hanq ien mbouj cit 汉公公没有抽烟
-------------------------------------
Goeng Hanq boux yinx ien 汉公公是个烟瘾子
Gaemzgaemz lienzdaemh cit 一口一口地连续抽
Seizneix bak cix mwt 现在却闲着嘴巴
Mwngz fwt cam vih maz 你就问他为何不抽烟呀
------------------------------------
Goeng Hanz gangj gazgwd 汉公公说话磕磕巴巴
Naeuz dwk rin nyaengq lai 说打石头活路太忙了
Ndi ndaej hoengq bae gai 没有时间上街啊
Hixnaengz cai cixbah 干脆戒烟算了
-----------------------------------
Vih ganj hong cauh roen 为了赶工修路
Gyoengq vunz lumz cihgeij 众人都忘了自己
Mwngz gamjdoengh fouzbeij 你非常地感动
Gyoengq beixnuengx ndei lai 这些乡亲们太好了
-----------------------------------
Dawz neix yo ndaw dungx 你把这些放在心上
Dawz haenx rungx ndaw sim 你把那些藏在肚子里
Okrog banh saehcingz 除外面办理事情
Bang gyoengqvunz dajcawx 就帮大家做采购
------------------------------------
Mwngz cawx gaem ien ma 你买了一把烟回来
Dawz bae ra goeng Hanq 拿起来去找到汉公公
Sou mbouj hoengq ok mbanj 你们没有空出去
Ien neix camh gaijhoz 这些烟叶给暂时解解瘾吧
------------------------------------
Gaem ien mbouj geij ngaenz 一把烟叶不值多少钱
Baenzbaenz dwg faenh ndiep 真真的是一份爱呀
Mwngz gyaez vunz yiekyiek 你爱别人亲亲切切
Vunz get mwngz ngaemzngaemz 别人疼你深深沉沉
(1) Duet Hoj Mwngz Sim’angq 脱贫你喜欢
Ronghndwen ronghdiengjdiengj 月亮明晃晃
Dienhdaeng lienghcancan 电灯亮光光
Mbangj vunz saedceij van 一部分人日子甜蜜了
Simfanz mbangj caengz fouq 烦恼的是一部分人还不富
___________________________
Ranz Daegboh gungzhoj 特坡家里很穷苦
Hongloh mbouj rox ra 活路他不会寻求
Mwngz hwnj dou bae caz 你上门去调查
Caeuq de nda monzloh 和他一起设想门路
____________________________
Okrog bae ra hong 到外面去找工做
Guh song ngoenz cix sat 做了一二天就没得做了
Raeuz youq rungh baengh dat 咱们在山硦要依靠山崖
Hab gag gauq bonjndang 应该自己依靠自己本身
____________________________
Lumjbaenz ciengx mou yiengz 比如养猪养羊
Runghciengz nywj daihbaj 硦场有大把的鲜草
Ranz mwngz vunz mbouj bax 你家里人并不傻呀
Sam haj cien goj baenz 三五千块钱的收入也不难的
____________________________
Daegboh dingq haeuj maez 特坡听了就入迷了
Lienzseiz naeuz doengzeiq 立刻点头同意你的意见
Mwngz cibfaen haengjheiq 你就非常高兴
Sikhaek daeq de muengz 马上帮他忙乎起来
____________________________
Muengz bae ra cungj yiengz 忙着去寻找羊种
Muengz dap diengz doq ruq 忙着搭起茅棚做好食槽
Yiengzhyiengh mwngz naemj doh 件件事情你都想到了
Gyauq de guh caezcienz 又教他如何干想得很周全
____________________________
Ndaej bi he gvaqbae 一年很快过去了
Mwngz bae raen Daegboh 你就去看看特坡
De cix riuhohhoh 他见了你呵呵地笑
Duet hoj lwnh mwngz nyi 把脱贫的事一一告诉你
____________________________
Sam duz mou ngamq gai 三只猪刚刚卖出去
Cien lai maenz haeuj daeh 一千多快钱已经放进口袋
Daengz bineix nienzdaej 等到今年年底
Buek daihngeih youh hung 第二批猪又长大啦
____________________________
Ciengx yiengz buek daih’it 养了第一批羊儿
Duzduz lek youh biz 只只长得又壮又肥
Sanj lwg deihriri 频频地生产着羊仔
Daengz bilaeng daih canh 到后年就有大赚头了
____________________________
Mwngz naeuz aeu bae yoj 你说你要去看看
Daegboh muengz daiq roen 特坡连忙带路
Bak gangj nanz suenq caen 嘴巴说难得算是真的呀
Da raen mwngz cij saenq 眼见了你才会相信
____________________________
Duzduz mou bizbwd 只只猪肥噜噜的
Lwglwg yiengz ndeigyaez 只只羊都十分可爱
Daegboh saedceij ndei 特坡生活好起色了
Mwngz goj caez sim’angq 你同他一样十分高兴
(1) Miz Daeng Raeuz Caez Diemj 有灯咱同点
Haemh he roengz fwnmwt 那天晚上下着绵绵细雨
Mbwn laepcup roen raeuz 黑沉沉的天泥滑的路
Mwngz lumh laep bongx dou 你摸黑去敲门
Bak naeuz ra Auveih 说声我找辉叔
----------------------------------------
Auveih ninz gwnz mbonq 辉叔睡在床铺上
Dingq sing duenq dwg mwngz 听声音判断是你来了
Muengz roengz congz iet fwngz 连忙下床伸出双手
Rex mwngz haeuj ranz naengh 扶着你到屋里请坐
----------------------------------------
Naeuz naengh cix caez naengh 说坐就一起坐吧
Caemh gonj daengq gangj coenz 同一张板凳聊起来
Baenz caeux au couh ninz 这么早叔叔就睡啦
Daeng hoenz hix mbouj diemj 灯火也不舍得点呀
---------------------------------------
Ninz caeux mbaet youz daeng 睡早可以节省灯油
Laepsaeng nyungz hix noix 黑乎乎的蚊虫也少一些
Vunz laux gaenq rwzboih 人老了耳朵不好使了
Nanz buenx doih ngauz hwnz 难以陪众人熬夜
----------------------------------------
Banngoenz gou raen sou 白天我看见你们
Nyaengq goenjou gyaq dienh 忙乎乎的在架电线
Seizlawz dienh ndaej diemj 什么时候电可以亮呀
Daz sienq yaek daengz gyawz 拉线到哪里了呢
------------------------------------------
Cingq daeuj lwnh au rox 正是来告诉你知道
Sienq yaek doq daengz ranz 电线就要拉到家了
Hoeng dienh lumj vaiz manz 但是这电如一头不听话的牛
Dungx iek ranz mbouj haeuj 肚子饿牠不肯进家哩
------------------------------------------
Vaiz imq coengz haeuj riengh 牛肚子饱就肯回栏
Yungh dienh yaek sai ngaenz 用电可要花钱啊
Hoh sou bak haj maenz 每一户要收一百五十元
Duicangj gaenq gangj gvaq 队长已经通知过了
-------------------------------------------
Mwngz yawj ndaw ranz au 你看看叔叔我这家里
Ceij hau mbouj lai mbenq 白纸也不多出一片
Gou lumh laep gaenq gvenq 我摸黑已经习惯了
Mbouj dienh ninz dauq caem 没有电睡觉反而清静
-----------------------------------------
Au coenz vah neix loeng 叔叔你这话儿错了
Dienh neix goenglauz daih 这电功夫可大哩
Yendaiva aeu byaij 现代化这条路一定要走
Miz dienh vaiq baenzmiz 有了电就可以快点致富啊
---------------------------------------
Mbouj cienz raeuz caez yaeng 没有钱咱一起商量
Noix ngaenz daeng nanz rongh 少了钱电灯难得亮起来
Ngaenz au gou demh gonq 叔叔的钱我可以先垫上
Mbouj ndaej duenh goengcingz 可不能给工程停顿下来哟
---------------------------------------
Mbouj ngaenz raeuz caez ra 没有钱咱一起来挣
Lumjbaenz daz dienhsienq 比如这拉电线的活儿
Au bae henz daezdiemj 叔叔你到一旁指点指点
Ciuqyiengh hawj cienzhong 我们照样给你开工钱的
--------------------------------------
Auveih gig gamjdoengh 辉叔听了极其感动
Mbouj yungh mwngz demh ngaenz 说不用你垫钱的
Ranz mwngz hix haemq binz 你家里也是很苦呀
Meh youh baenz bingh naek 你母亲还重病在身啊
-----------------------------------------
Mwngz cix mbouj lai gangj 你就不再说什么
Vah sangj daengq au naeuz 很爽快地交代辉叔说
Ngoenzcog bae riengz gou 明天你就去跟我吧
Caez caeuq dou daz dienh 同我们共同架设电线
-------------------------------------------
Miz daeng raeuz caez diemj 有灯我们共同点亮
Miz dienh raeuz caez doeng 有电我们共同架通
Boux bang boux cix soeng 人帮人就觉得轻松愉快
Doengz bang doengz cix rongh 老同帮老同就看到光明无限
(1) Mwngz Mbouj Goq Cihgeij 你顾不了自己
Ngoenz haenx cingq banngaiz 那天正是中午时候
Dingzlai vunz gaenq yiet 多数人已经休息了
Gyaeuj mbanj hemq sing sek 村头叫喊声很紧急
Swenj hozrep gouqvunz 喊哑了快快救人
---------------------------------------
Gyoengq vunz buet bae raen 众人跑出去看见
Gyaenx miz aen congh lak 那里有一个洞口倒塌了
Bak congh dimz rindat 洞口压着大石块
Ndawde gab miz vunz 里面压着人哪
------------------------------------------
Gou nyaengqnyat geuh rin 我忙着撬开石块
De nyaengqnyin vat namh 他忙着挖开泥土
Muengz mbouj goq uet hanh 忙得顾不了擦汗
Bak congh ngamq bag hai 洞口刚刚被劈开
------------------------------------------
Boux he lwed yaengyaeng 一个人满身血淋淋的
Naj ndaeng yawj mbouj ok 面目也认不出了
Muengz ram ok congh rog 连忙把他抬出洞外
Baez ngod raen dwg mwngz 翻过来原来是你
-----------------------------------------
Gyaeuj mwngz cix lwedyaeng 你的头血流满面
Naj mwngz cix lwedlad 你的脸血迹斑斑
Hwet hix deng dimz gyad 你的腰受了重伤
Mwnh bae bak mbouj han 昏迷过去叫也叫不应
--------------------------------------
Ram bae veiswnghyen 立刻把你抬到卫生院
Raeuz simsenz fouzbeij 大家无比的心痛
Cam bouxhaenx bouxneix 问了这个问那个
Dauqdaej seih vih maz 到底发生了什么事情
-----------------------------------------
Laxlawz youq banhaet 原来是在今天早上
Gyoengqvunz caep hagdangz 众人正在建筑校舍
Mwngz cix caez bae bang 你也一起到来帮忙
Aeu namh ranz vat congh 挖了个洞口取泥
---------------------------------------
Daihgya hong daengz gvaiz 大家工作到了中午
Yiet gwn ngaiz dauq mbanj 休息回村里吃午饭
Mwngz daengz ranz gaem vanj 你回到家里端起饭碗
Fwt ngvanh naeuz mbouj ndei 突然想起什么叫声不好
---------------------------------------
Cingq cuengqhag seizneix 现在正是放学时间
Gyoengq nyez ndaej haisim 孩子们是开心的时候
Langh haeuj congh bae caemz 如果他们进洞里玩耍
Loemq doem cix yungyiemj 洞口倒塌那就太危险了
-----------------------------------------
Mwngz gipmuengz cuengq vanj 你急忙把碗放下
Sikhaek gvangh bae ngonz 立即跑出去看看
Gyoengq nyez cingq doxcomz 孩子们正聚集在一起
Nauh gokrwenz ndaw congh 在洞里闹得翻天
----------------------------------------
Ndaw congh miz yungyiemj 洞里存在着险情啊
Mwngz cix hemq sing ndeu 你就大声叫了一声
Gyoengq nyez fwt caemnyeu 孩子们突然沉寂下来
Dauq ndonj deuz congh laeg 反而跑进深洞里藏起来
-----------------------------------------
Mwngz simyou simgaek 你又担心又着急
Sikhaek ndonj haeujbae 立刻就钻进洞里
Nyez raen mwngz cix ngaez 孩子们见到你完全愣了
Doengzcaez got doxyouq 一起抱成了一团
------------------------------------------
Mwngz hat de ok congh 你吆喝着他们快出洞去
Laih mwngz rongx guhcaemz 他们以为你吼着开玩笑
Yawj coh mwngz riunyaen 对你看着默默地笑
Mwngz naj ndaem baenz maeg 你吓得脸色都变了
-----------------------------------------
Mwngz youh gaex youh hat 你又推又喊着
Cug boux rag okbae 一个个把他们拉出去
Gyoengq nyez okdaeuj caez 孩子们都出去完了
Lienzseiz congh couh lak 当时洞口就倒塌了
----------------------------------------
Gyoengq lwgnyez ndaej gouq 孩子们得救了
Dan mwngz mbouj ndaej deuz 就独独你没有逃脱
Namh dimz mwngz boux ndeu 泥土压着你一个
Vuenh diuzdiuz sengmingh 换回了一条条生命
--------------------------------------------
Bohranz doengzcaez daeuj 家长们一起来到了
Goemz gyaeuj docih mwngz 勾着头对你说谢谢
Lwgnyez hix caez daengz 孩子们也一起来到
Gaem fwngz couh roengz gvih 握着你的手就跪下来
----------------------------------------
Mwngz mbouj goq bonjndang 你是奋不顾身
Goenglauz sang fouzbeij 论功劳是无比高尚
Mwngz mbouj goq cihgeij 你把自己置之度外
Vuenh ndaej cungqvunz gyaez 换来了众人的爱戴(5) Naek vunz gvaq cihgeij 深爱别人胜过自己
bihaenx cieng co’ngeih 那年正月初二
Angq goengheij baiqnienz 庆贺恭喜拜年
Mwngz daengx ranz caezcienz 你们全家聚一起
Doxriengz bae laeng daiq 相随着去外婆家
-----------------------------------------
Sawqmwh miz vunz hemq 突然听到有人呼叫
Feizhaenq remj ranz Buen 潘家挨大火烧了
Mwngz buet okbae ngonz 你跑出去看望
Gyoengqvunz comz daeuj ndaep 人们聚来灭火
------------------------------------------
Lungz Buen daejnganga 潘伯大声在哭喊
Yiengh maz dawz mbouj ok 一样东西都拿不出来啊
Engq sawj vunz simdot 更加让人痛心的是
Mehlaux dog youq ndaw 老母一个人还在里面呢
-----------------------------------------
Mwngz nyi cix caemq din 你听见了就跳起来
Heuh sing riengz gou daeuj 叫一声都跟我来
Sikhaek couh ngaem gyaeuj 连忙勾下头来
Soh cung haeuj ndaw feiz 直冲进大火里去
----------------------------------------
Feizmbaw coemhhuhu 火焰呼呼地燃烧着
Hoenz laepmu laeplaq 浓烟黑压压的一片
Feiz coemh buh coemh vaq 火烧着衣服裤子
Mwngz cung gvaq ranzding 你冲进了厅堂
----------------------------------------
Dik deng maz unqnam 踢到了什么软绵绵的
Mwngz muengz ram hwnjdaeuj 你急忙抬了起来
Gwed okrog baez gaeuj 扛出外面一看
Cix dwg ngouq mou dai 却是一只死猪
-----------------------------------------
Mwngz mbouj gib diemheiq 你来不及吸一口气
Cienq ndang laeh haeuj feiz 转身又奔火里去
Lumh dauq youh lumj bae 摸索着这里那里
Miz ndaek raez gwnz mbonq 感觉有一个长东西在床铺上
-------------------------------------------
Mboujguenj mbaeu rox naek 不管它有多少轻重
Umj ndaek saez couh ok 抱起这长东西就跑出来
Dawz daeuj daengz baihrog 拿出屋子外面
Laxlawz fod denzmienz 却原来是一床棉被
-------------------------------------------
Cung haeuj feiz baez sam 你第三次冲进火里
Mwngz sing sang hemq vah 高呼着喊叫着
Youq gyawz le mehbaj 伯母你在哪里呀
Youq gyawz ha meh Buen 潘妈妈你在何处
-----------------------------------------------
Bakcauq youq laeng ranz 厨房在屋子的背后
Miz sing han gyangznaek 有呻吟的声音在回应
Gyaenx fwnz haz rim ndaet 那里柴火茅草堆得满满的
Feiz baez cit couh dai 火一烧就完蛋了
----------------------------------------------
Mwngz gipmuengz yat bae 你急忙跳跃过去
Seizneix feiz cingq haenq 这时候火势正很猛烈
Dingj ranz fwt deng daenh 屋顶突然震动一下
Vengzdiuz loenq roengzma 衍条跟着纷纷塌下来
----------------------------------------------
Mwngz deng laengz youq ndaw 你被阻拦在屋子里
Vaz dawz daengq bae dongj 你抓起一张板凳就撞去
Moeb cueng vaih aen congh 打烂窗户开出一个洞口
Cijndaej bongh gvaqbae 终于冲闯了出来
-----------------------------------------------
Hemq singsing mehbaj 一声声呼喊着伯母
Mbouj nyi vah daeuj han 可听不到回应的声音
Hoenz oenq feiz youh gyamz 浓烟熏着火焰舔着
De gaenq yan muenhluenh 她已经惊慌得昏迷过去
--------------------------------------------
Mwngz aemq hwnj mehbaj 你背起伯母
Gvangh gvaq hoenz gvaq feiz 在浓烟里火焰里奔跑
Ngamq cung ok ranz seiz 刚刚冲出屋子的时候
Bakcauq feiz fwt lag 厨房突然燃起了大火
-------------------------------------------
Yiemj lai ho mehbaj 多么危险呀伯母
Ca di gvaq baenz fangz 差一点点就成了鬼
Mwngz unqrieg daengx ndang 你浑身都软绵绵了
Cix dangciengz laemx hoemj 当场就跌倒在地
-------------------------------------------
Bwnda coemh ndoqndat 眉毛被烧得光秃秃的
Ndang hwnj bop yaengyaeng 满身是水泡密密麻麻
Buh rengq lumj fan saeng 衣裤被烧得像鱼网一般
Mwngz da ndaeng mij liux 你满面被熏得黑不溜秋
------------------------------------------
Yah lwg mwngz simyou 你的老婆孩子心忧忡忡
Mwngz riu naeuz mbouj ngaih 你笑着说不碍事的
Raeuz couh bae laeng daiq 我们这就去外婆家
Aeu baiqnienz hawj da 外公等着我们拜年哩
------------------------------------------
Yah mwngz riu mbouj ndaej 你的老婆想笑笑不成
Lwg mwngz daej mbouj baenz 你的儿子想哭哭不出
Yiengh mwngz lumj mauhnyinz 你这个样子像个茅草鬼似的
Yawz bae raen da daiq 怎么能去面见外公外婆
------------------------------------------
Ranz Buen coemh seuqset 潘家已经被烧得干干净净
Daejiekiek daengx ranz 全家人哭得凄凄惨惨
Mbouj haeux gwn guh can 没有一粒米来填肚子呀
Saed nanz gvaq saedceij 这日子是在难过啊
------------------------------------------
Mwngz sikhaek daeuj nai 你立刻走过来安慰
Gaej fanz lai ha beix 不要这么烦恼啊兄弟
Cingj sou gaejbah daej 请你们千万别哭呀
Daihgya ndaej doxbang 我们大家都会来帮助的
------------------------------------------
Mwngz daiqdaeuz gien ngaenz 你头一个带头捐款
Bouxboux gaen daeuj coengh 一个个都来捐助
Haeux buh caeuq ngaenz yungh 粮食衣服还有要用的钱
Yienghyiengh cungj gien miz 每一件东西都捐有
------------------------------------------
Gwndaenj cengqndengj gvaq 生活勉强能度过了
Caiqlix caj guh ranz 再有就是等着建房
Noix ngaenz yienghyiengh nanz 缺少资金做什么都难
Simfanz mbouj diegyouq 没有地方住下让人心烦
------------------------------------------
Ranz Buen mbouj ranz youq 潘家没有房子住
Mwngz aeuqheiq yaenyaen 你一直闷闷不乐
Dawz song cien haj maenz 你拿出二千五百元
Soengq daengz fwngz bae hawj 把钱递到潘伯的手里
------------------------------------------
Ranz mwngz mbouj soengyungz 你的家境也不宽松呀
Neix lungz Buen cungj rox 这些潘伯都了解的
Maenzmaenz gien guh loh 家里每一块钱都捐出修路了
Gyawz daeuj fox lai ngaenz 怎么有这多的钱呢
-------------------------------------------
Mwngz cix hai bak naeuz 你就开口说出
Sien ciq aeu caencik 先向亲戚借来用吧
Camh dawz daeuj gaij gip 暂时拿来救救急
Seizlawz rup caiq boiz 哪个时候有钱了再还吧
-------------------------------------------
Lungz Buen mbouj hawj coux 潘伯不愿接过钱
Mwngz cix saeux de bamz 你就批评他怎样这么蠢
Dangjyenz bang gej nanz 我们党员帮你解决困难
Dwg wngdang dou guh 这是我们应该做到的
--------------------------------------------
Vunz nanh mwngz cix you 别人受难你就担忧
Vunz simyou mwngz heiq 别人心烦你就忧愁
Naek vunz gvaq cihgeij 深爱别人胜过你自己
Byawz beij ndaej mwngz caen 有谁比得上你这么亲切
--------------------------------------------
Dwg vunzcungq vunzcaen 你是人们的亲人
Dwg aenvunz beksingq 你是百姓的恩人
Bouxlawz boux mbouj gingq 有哪个人不敬重你呀
Caencingq ndaej vunz gyaez 你真真正正受人深爱
[caet]Cawz Yiemj Mwngz Caen Rox Yienghyiengh Goq Ndaej Daengz
排险现真功 全局在心中
(1) Hai Roen Vunz Simsangj 修路人们兴高采烈
Caiq gangj daengz caux roen 再说到修路的事
Goj mwngz caen lai raeuh 你的故事真是很多很多
Geq hix geq mbouj gaeuq 数也数不完不了
Gangj hwnjdaeuj mbouj yienz 说起来没法说完
-----------------------------------------------
Bihaenx ngamq hai hong 那年刚刚开工
Vunz cuengz ra saedceij 人们商量找日子
Caux roen dwg daihsaeh 修路是一件大事
Yaek ndaej ra ngoenzndei 是应该要选吉日
-----------------------------------------------
Mwngz dingqnyi cix naeuz 你听见了就说
Gaej bae you gijneix 不要去操心这些
Roen doeng ndaej bienhleih 路修通了得到便利
Seih gitleih duh raeuz 就是我们的吉利
-----------------------------------------------
Gonq ciengz ra ngoenzndei 以前常常选吉日
Dauq seizseiz souh hoj 反而常常受苦
Aenvih mbouj caux loh 因为没有修路
Ngoenzngoenz goj gwn haemz 天天老是吃苦头
-----------------------------------------------
Raeuz aeu saenq gohyoz 我们要相信科学
Bouxcoz engq byaij gonq 青年人更要带头
Vah gangj cix aeu suenq 说了话就要算数
Vah duenq cix guh daengz 约定的话就要做到
-----------------------------------------------
Gangjvah aeu bak ndongj 说话就要说硬话
Lumj haem dongh haem saeu 犹如埋下木桩柱头
Vih lwgminz couzmouz 为人民谋利益
Gangj le aeu saedyienh 说了就要实现
-----------------------------------------------
Bauq yiengj singsing rem 烧起鞭炮声声响亮
Beij gvaq cieng lij angq 仿佛过春节那样高兴
Hai roen vunz simsangj 修路人们兴高采烈
Ciz gangj ngoenzneix ndei 就说今天就是吉日
(2) Mwngz Geijlai Aek Gvangq 你的胸怀多么宽大
Daengx cunh haj diuz roen 整个村子五条路
Sien guh roen Runghmeij 首先修的是硦美的
Gyok mwngz ndi haengjheiq 你的那个屯不高兴了
Ndaq mwngz gyaeq doek fwz 责骂你是跌落在野地的鸡蛋
-------------------------------------------
Mwngz deng ndaq mbouj huj 你挨骂并不生气
Caengz guh cix naemj daengz 路还没修事先就考虑过了
Gyangfwngz goj dwg naeng 掌心也是皮呀
Laeng fwngz caemh dwg noh 掌背同样是肉啊
--------------------------------------------
Runghmeij roen ndei hai 硦美的路很容易修
Guh baenz lai yungzheih 很快就可以修好的
Vaiq baenz vaiq miz leih 修的快获利也就快
Engq sou ndaej cingzyau 更加容易收到成效
--------------------------------------------
Runghmeij roen guh baenz 硦美的路修好了
Ci hai daengz bak riengh 车可以开到畜栏的门口
Yinh ndaej lai youh riengj 运输装得多又快当
Gizgiz ciengj caux roen 处处于是抢着修路
--------------------------------------------
Hai diuz roen daih’ngeih 修筑到第二条路
Youh seih baiz lingh giz 又是安排到别处
Gyoengq vunz ndaq mwngz nyi 人们的责骂声你听到了
Mwngz ndi dwg gyok neix 说你不是这屯里的人
--------------------------------------------
Diuz ngeih baiz Bya’gyap 第二条安排到岜甲
Dieg yak gvaq gak giz 地形都比各地都差
Baihgwnz in gyoengqde 上级同情到他们
Cix bued miz conhgvanj 特定拨了专款
--------------------------------------------
Miz conhgvanj ndi yungh 有了专款不用
Ndek hoengq cix gvaq ndwi 丢下不用就落空了
Rungh lawz rungh mbouj ndoi 那座硦没有山呀
Ndoi lawz ndoi nyienh ndoq 那座山又愿意光秃秃呢
--------------------------------------------
Roen Bya’gyap guh ndaej 硦甲的路修好了
Gyok mwngz leix caemyam 你们的屯还是静悄悄的
Mwngz deng ndaq baez sam 你第三次又挨骂了
Naeuz mwngz bamz dahraix 说你真的愚蠢到家了
--------------------------------------------
Hai daengz roen Runghhangz 修筑到硦行的路
Neix bya sang dieg lingq 这里是高山峻岭
Guh baenz aeu buekmingh 要修好路一定要搏命
Hawj lingh giz guh mbei 这样能给别处做胆量
---------------------------------------------
Yien vaiz sien yien ndaeng 牵牛就是要牵牛鼻
San saeng sien san nduq 织网就是要先织网芯
Hong lawz hoj sien guh 哪件工作艰苦先做那件
Ndaej gujvuj daengx buenz 这样能够鼓舞全局
---------------------------------------------
Seiq diuz roen baenz gvaq 四条路全都修好了
Diuz daihhaj cij hai 第五条才计划修起来
Gyok mwngz ceiq doek byai 你那个屯安排到最最后
Mwngz geijlai aek gvangq 你的胸怀是多么宽大呀(3) Ngoenz Gvangh Cien Seiq Leix 日奔一千四百里
Caux roen guh cingq hoengh 修路正搞得轰轰烈烈
Hai mbouj doengh gihgi 可机器开不动了
Nguh ngoenz cix nguh bi 误一天就是误一年呀
Ciengeiz ndi ndaej yiet 千万不能停下来啊
--------------------------------------
Haet haenx mbwn caengz rongh 那天早上天还没有亮
Mwngz cix bongh okdou 你就飞奔出门
Lumh laep byaij roennou 摸黑走上羊肠小道
Ganj bae aeu lingzgienh 赶急出去要零件
-------------------------------------
Ganj daengz Ginhcwngzgyangh 赶到金城江
Dungx iekyangq iek lai 已经是饥肠辘辘了
Mwngz cix youq dang gai 你就地在大街上
Gwn ngaiz yangz guh donq 吃着玉米饭当餐了
--------------------------------------
Ngaiz yangz ndongj youh han 玉米饭又硬又干
Mwngz gwj gyan roengz dungx 你艰难地吞下肚子
Lingzgienh caj gip yungh 零件等着要急用啊
Mbouj hoengq yiet yaep seiz 没容得休息哪怕一个眨眼
--------------------------------------
Bam gvaq diemq youh diemq 问过一店又一店
Youh cienq gai dem gai 又转过一条街又一条街
Lingzgienh mbouj miz gai 零件没有卖呀
Mwngz gip lai gip raeuh 你心急得无法形容
--------------------------------------
Vunz naeuz Liujcouh miz 有人说柳州有卖的
Mwngz dap ci youh ganj 你马上搭车又赶去
Bae daengz Liujcouh camh 去到了柳州站
Dangngoenz hamj roengz bya 太阳已经要下山了
---------------------------------------
Cawx ndaej lingzgienh ma 终于买到了零件
Mbwn laeplaq laepcumh 天色已经黑得五指不见
Mwngz mbouj sij doz haemh 你舍不得住一晚旅社
Youh lumh bae dap ci 又摸黑出去搭车
----------------------------------------
Caux roen caj lingzgienh 修路等着要用零件
Mwngz mbouj nyienh nguh hong 你实在不愿为此而误工
Aeu daengq naengh guh congz 坐在座位上就当床铺吧
Caiq song ngoenz deng iek 连连两天挨饿受饥
----------------------------------------
Mwngz ganj ma daengz ranz 你到底赶回到家了
Gaeq haen sam haen seiq 公鸡已经叫过三遍四遍
Aen dungx gaenq ciengqheiq 肚子已经在唱戏了
Saiq geij gaemz ngaiz lw 急忙扒了几口剩饭
----------------------------------------
Mbouj goq ninz saek seiz 顾不得睡上一下子
Youh bae coih congih 就出去修理钻机
Yah raen cix youhiq 你妻子见了就很担心
Mbouj siengj lix rox yawz 说你不想活了还是怎样的
----------------------------------------
Mwngz cix riu gej naeuz 你笑着解释说
Cingq caj aeu gih yungh 正在等着用机器哩
Vih mbouj nguh daengxcungq 为了不耽误全局
Ganj caeux loengh gih ndei 赶着早点修好机器呀
--------------------------------------
Ngoenz he dap song haemh 一天加上两个晚上
Mwngz boenq cien seiq leix 你奔波了一千四百里
Vih cungqvunz banh saeh 为众人办好事情
Vut cihgeij bonjndang 牺牲了自身的利益
(4) Rox Gohyoz Simdingh 懂得科学心神定
Cuengq bauq mwngz daih’it 炸山你在先
Bauq ngoemx lwt ceiq lai 排除哑炮算你最多
Miz yiemj cungj mwngz baiz 有危险总是你来排
Vut cih dai gvaq mbiengj 把死字丢过一旁
---------------------------------
Baez he mbwn yaek laep 又一次天将黑
Yiengj caet bauq cix caem 响了七炮就沉闷了
Saeq geq lix lw aen 细算还是剩一个
Deq nanz caen mbouj yiengj 等久了真的不响
---------------------------------
Da yawj mbwn yaek ndaem 眼看天要黑了
Lij caemrwg mbouj bumh 还是沉闷不“嘭”
Haengjdingh dwg bauq ngoemx 肯定是哑炮了
Daegdingz caemh bae cawz 特庭也一起去排除
----------------------------------
Bae yaek daengz henz bauq 去将到炮口旁边
Diuz yinz dauq dawz feiz 引子反而燃起来了
Mwngz da raeh singjgae 你眼睛利有警惕性
Lienzseiz hemq vaiq ndoj 连忙叫喊快避开
-----------------------------------
Ngamq ndoj gvaq laj dat 刚刚躲过岩石下
Bauq cix fat yiengj “gung” 炮就突然响“轰”
Meh rin lumj daiz hung 一块大石头如桌子一样
“Byala” cung roengzdaeuj “叭啦”就冲下来
------------------------------------
Yungyiemj lai ho mingh 危险多呀命
Rin gingh gvaq gwnz ndang 石头滚过身上
Langh mbouj ndoj ndaej ngam 如果不躲避得合适
Cix raen fangz bae liux 就见鬼去了
-----------------------------------
Daegdingz iet linx naeuz 特庭吐着舌头说
Raeuz fuk hung mingh daih 我们福大命大
Mwngz naeuz mbouj ndaej yaij 你说不是的呀
Gaej laih mingh cauxbaenz 别以为命所造成
---------------------------------
Mbat saeh neix gvaqlaeng 这次事情过后
Mwngz nyinhcaen caz giemj 你认真检查
Rin honz cug cawq diemj 石头松动逐处点验
Mbouj louz yiemj saek giz 不给留有哪怕一次险情
-------------------------------
Ndaek rin he lumj daiz 一块石头像一张桌子
Dimz youq byai dingj dat 压在岩石顶上
Yaek lak cix mbouj lak 要说塌又不见塌
Mbak cix mbak mbouj ning 撬也撬不动
--------------------------------
Daegdingz naeuz yaek haemh 特庭说将要天黑了
Fanjcingq daemh mbouj lon 反正搞不松
Haetcog caiq daeuj ngonz 明天早上再来看吧
Honz di mbouj ngaih saeh 松动一点点不碍事的
--------------------------------
Moeb ngwz aeu moeb dai 打蛇要打死
Mbouj ndei ngaiz gvaq haemh 不好挨过夜
Langh ndi geuh rin laemx 如果不把石头撬倒
Sim ndaemq nanz baenz ninz 心中有事难睡得好
-------------------------------
Mwngz dawz fag gangciem 你拿着一杆钢钎
Baenq gien lwnzfan geuh 绕着那块石头不停地撬
Sawqmwh rin baez diuq 突然石头一跳
Faenx cix geuj daemx mbwn 灰尘一下子冲上天
----------------------------------
Daegdingz ndwn bangx rik 特庭站在一边
Hwk dwk conh hanhheu 吓得出了一身冷汗
Gangciem deng dimz neuz 钢钎被压变形了
Cix euj baenz cikgak 当场弯成角尺一样
---------------------------------
Mwngz damzdingz cix naeuz 你安定地说
Guh maz aeu cingsingj 做什么都要清醒
Yungh gohyoz ndaej cingq 用科学用得正当
Sim cix dingh mbouj vueng 心就定不会发慌
--------------------------------
Dieg bauq youq bangx bya 炮口就在山旁上
Dauqcawq gyaz oen ndaet 到处刺蓬密密麻麻
Baihnaj dwg rij laeg 前面是深谷
Baihlaeng daeb dat sang 后面挡着高高的崖
-------------------------------
Youq gizneix cit bauq 在这里开炮眼
Roen doxdauq mbouj miz 回头的路都没有
Dieb din nanz ra giz 脚踩的地方也难寻呀
Congh bauq liz youh gaenh 炮口离得又近
--------------------------------
Mwngz ra giz dieg gumz 你找到一处凹处
Baihgwnz gyaq faexcuk 上面架着竹子
Vuet nya cw nanwt 割来杂草遮得厚厚一层
Guh gutgungq ndoj ndang 当着躬着身体躲险
--------------------------------
Bauq yiengj rin lumj fwn 炮一响碎石像雨一般
Doek youq gwnz “byabya” 落在上面“霹雳叭啦”
Ndoj laj onj dangqmaz 躲在下面非常安全
Lienz faenx sa mbouj loenq 连灰尘砂子都不见
--------------------------------
Mwngz lwnh Daegdingz dingq 你告诉特庭知道
Neix danzsingq laizyouz 这就是弹性的理由
Ndaw vuzlij miz naeuz 物理里面有说
Cingj sou lai hag yungh 请你们多多学用
--------------------------------
Seizneix yaek duet hoj 如今将要脱贫
Aeu lai rox cihsiz 要多学知识
Hag rox di yungh di 学一点用一点
Couh vaiqvi baenzfouq 就能快点致富
(5) Ndaej Mwngz Nyaenx Naengzganq 得你这么能干
Baihgwnz daeuj niemhsou 上级来验收
Couh yaek aeu niemh sat 就将要验完
Sam ngoenz nyaengqnyatnyat 三天忙得不可开交
Mwngz ciengz gag daeuj ceiz 你经常自己迟到
-------------------------------------
Beiz gohcangj rox nyi 裴科长看在眼里
Cix miz di ndatheiq 就有一些生气
Cam mwngz vih maz saeh 问你为什么事
Mwngz han seih nyaengq lai 你回答说太忙
------------------------------------
Daeuj daengz ngoenz daihseiq 来到第四天
Mwngz gojleix daeuj ceiz 你还是迟到
Dawz caizliuh gyau caez 把材料交齐
Mwngz youh daez cingjgyaj 你又提请假
------------------------------------
Gohcangj yawj caizliuh 科长看着材料
Mbawmbaw biuj denz caez 张张表填齐
Beiz gohcangj gig geiz 裴科长十分惊奇
Cix sim ngeiz ndaw dungx 心中窝着一个谜团
-----------------------------------
Doengxngoenz bae cuengq bauq 白天去放炮
Banhaemh dauq youh hwnz 晚上深夜才回来
Bae lawz miz seizsaenz 他哪里有时间
Daeuj guh baenz caizliuh 来完成这份材料
-------------------------------------
Laxlawz mwngz dauq ranz 原来你回家
Gyaban sij caizliuh 加班写材料
Cig guh daengz gaeq heuh 直做到鸡叫
Ninz saek ciuq youh hwnq 睡一会儿就起床
----------------------------------
Beix gohcangj rox neix 裴科长知道这些
Raemxda maeq rim gvaengz 泪水就盈眶
Nanz ndaej mwngz nyaenx naengz 难得你这么能干
Diemj daeng nanz ra ndaej 点灯难找到
-----------------------------------
Mwngz naeuz gou haeuj dangj 你说我入党
Cix mbouj gangj gyaqcienz 就不讲价钱
Mwngz naeuz dang dangjyenz 你说当党员
Cienz sim vih beksingq 全心为了百姓
[bet] MWNGZ LIX YOUQ SIM VUNZ 永驻人心中
MWNGZ CUENGQSIM NDEI BYAIJ 放心身后事
Haethaenx mbwn caengz rongh 那天早上天还没有亮
Bakcauq bongh hoenz feiz 灶房烟火冲上天
Yah cawj ngaizromh ndei 妻子煮好了早餐
Mwngz gwn bae cuengq bauq 你吃了出去放炮
---------------------------------
Hai ndaej roek aen congh 开了六个炮眼
Dawz yinz cuengq cingjcaez 把引线安放整齐
Yienghyiengh cungj bwh ndei 每一样都准备好了
Caj diemj feiz coux yiengj 再点火就会爆炸
-------------------------------
Niemh gvaq aenaen bauq 检验过一个个炮眼
Daengq bouxlaux sien deuz 交代老人先撤退
Sou din fwngz haemq niu 你们动作比较缓慢
Mwngz boux ndeu daeuj cit 我一个人来点火就成了
---------------------------------
Youh daengq gyoengq hauxseng 又交代众后生
Sou gaej ceng cit bauq 你们不要争着来点火
Hong ndaek sou lai gauj 重活你们多干一些
Vaiq di dauqbae ranz 快点回家去吧
----------------------------------
Seizneix ngamq cuengqhag 这时正好是放学时间
Yah cawj byaek gaenq ndei 妻子煮饭菜已经好了
Lwgda muengh gizgyae 眼睛望着远处
Yawj mwngz bae cit bauq 看着你去点火
----------------------------------
Bauq yinx ngamq cit sat 炮的引线刚刚点着
Laj din dat baez soeng 脚下的岩石突然松动
Bauq fwt yiengj “bunglung” 炮忽然爆炸“轰隆”响
Mwngz doek roengz laj dat 你跌落下岩石去
-----------------------------------
Rin bya laebdaeb doek 山石继续地跌落
Dawz mwngz mboek dinbya 把你埋在山脚下
Lwg raen daejnganga 你的儿子见了哭啼啼
Baz nyi mbei cix lek 你的妻子听见了肝胆尽裂
------------------------------------
Daegdingz sien buet daengz 特停首先跑到
Dawz mwngz gud okdaeuj 急忙把你挖出来
Lwed dumz ndang dumz gyaeuj 全身都是血淋淋的
Heuh gaenq mbouj rox han 呼叫你已经不知回应
--------------------------------------
Gyoengzvunz sim luenh loek 众人的心全都乱了
Raemxda doek yaiyai 眼泪纷纷地落下
Langh ndaej lawh mwngz dai 如果能够替代你去死
Haujlai vunz cungj nyienh 很多人都有这种心愿
------------------------------------
Mbouj gamj saenq mwngz dai 不敢相信你会死
Cungj lai muengh mwngz dauq 都盼望你能够回来
Mboujlwnh coz rox laux 不管年轻人或是老年人
Sauhsauh bae ra yw 一批批地出去找药材
------------------------------------
Gwnz ndoi miz vunz hemq 山上有人呼叫
Laj gemh miz vunz han 山坳下有人应
Bak heuh singsing sang 呼叫声一阵阵地高涨
Muengh canghyw vaiq daeuj 希望医生快点来到
-----------------------------------
Canghyw ganj daeuj yawj 医生赶着来看
Cawqcawq giemjcaz caez 每一处都检查清楚
De fwt daej maezgae 他突然哭着昏迷过去
Mwngz yawz bae nyaenx vaiq 你怎么走得这么快
----------------------------------
Yah mwngz daejnganga 你的妻子哭啼啼
Sing hap bya hap rungh 声音在山里面不断回应
Bouxboux dungx yaek byongq 每一个人肝胆欲裂
Daengxgyoengq daejfaenfaen 大家都跟着纷纷地哭
----------------------------------
Daej mwngz mbwn yaek loemq 哭你天将要塌下
Daej mwngz goenq saihoz 哭你喉咙都要断了
Mboujlwnh laux rox coz 不论老年人或是年轻人
Raemxda lu baenz dah 眼泪流得成一条河
----------------------------------
Haemhneix laepnyibnyib 今晚上黑乎乎的
Ronghrib yaeplinlin 萤火虫一闪一闪的
Haj cib sam gyok vunz 五十三个村屯的人
Comz daeuj raen mbat sat 都聚来见你最后一面
---------------------------------
Miz song boux goeng geq 有两个老大爷
Saemxsex daengz lingzdangz 蹒跚着来到灵堂前
Raemxda rwed dumz ndang 眼泪淋湿了全身
Geq gangj geijlai goj 诉说了很多很多故事
------------------------------------
Lungz Faenz fwngz swix caed 文伯左手残疾
Ndaw ranz saed hoj nanz 家里实在是困难
Mwngz hawj ngaenz daengz ranz 你把钱送到家里
Caez anbaiz swnghcanj 共同安排好生产
-----------------------------------
Neix lungz Faenz duet hoj 现在文伯脱贫了
Lohloh cungj bienq ndei 每一样都变好了
Siengj bauqdap mwngz baez 想报答你一回
Mwngz cix bae nyaenx vaiq 你怎样走得这样快
------------------------------------
Ngoenzhaenx lwg Auvwnz 那天闻叔的儿子
Raemj fwnz deng ga raek 砍柴火被砍脚断了
Mbouj cienz yw najsaep 没钱医治正愁眉苦脸
Daengx ranz gip dangqmaz 全家人都急火火的
-----------------------------------
Mwngz rox cix simgaek 你知道了就心急心焦
Sikhaek bang ciq cienz 立刻帮忙去筹借钱
Lwgnyez ndei ok yen 现在孩子治好了已经出院
Mwngz cix sien bae gvaq 你却先走了一步
-----------------------------------
Comz daeuj bak lai vunz 汇聚来一百多人
Caez doxlwnz daeuj baiq 轮流共同来祭拜
Goj mwngz geq mbouj saix 你的故事数也数不完
Raemxda raix faenfaen 眼泪纷纷流下
-----------------------------------
Bouxboux gangj doengz coenz 个个讲的共同一句话
Bouxboux sim dox caemh 人人的心都是相同
Lai buenx mwngz it haemh 多陪你一个晚上啊
Lai doxcaemh gangj coenz 多共同讲一个故事
-----------------------------------
Daenggingh ronghmyabmyab 灯光闪闪的亮
Yienglab hoenzngeungeu 香蜡烟火袅袅
Lai buenx mwngz haemh ndeu 多陪你一个晚上啊
Muengh mwngz ndiu doxdauq 盼望你能够醒回来
----------------------------------
Yah ndiep mwngz simndei 妻子爱你的善良
Yah gyaez mwngz simsoh 妻子爱你的忠实
Cihciz mwngz caux loh 支持你修路
Caiq hoj hix simgam 再苦也心甘
-----------------------------------
Gouh haiz daenj geij bi 一双鞋子穿上几年
Vaih ndaej ndi baenz yiengh 破坏得不像样子
Ngoenzneix mwngz bae mbiengj 今日你到另一个世界
Yied siengj yied sim’in 越想心里越痛
----------------------------------
Lwg mwngz hung daengz neix 你的儿子长了这么大
Caengz ndaej geij faen ngaenz 从来没有得到几分钱
Vih caux roenz caeux baenz 为了早一点把路修成
Mwngz gien ngaenz fanh haj 你自己捐款一万五啊
----------------------------------
Mwngz gaenq dapwngq gvaq 你曾经应允过
Daengj caj roen caux ndei 等到把路修好了
Mwngz cix daiq meh bae 你就把老妈带去
Yawj saek bae ndang bingh 看一次身体的病
----------------------------------
Gangj byaij mwngz couh byaij 说走你就走
Ndek gou daiq siliengz 丢下我太凄凉
Raemxda doeklienlein 眼泪涟涟地落下
Yah youq biengz fouz baengh 妻子在人间无依无靠
-----------------------------------
Mwngz gaenq daengq gvaq gou 你曾经嘱咐过我
Caj loh raeuz guh sat 等到把路修完了
Mwngz cix yiet saek mbat 你就休息一次
Ndei ma gag buenx gou 好好地回来陪我
-----------------------------------
Gangj bae mwngz couh bae 讲走你就走
Mbouj miz coenz daeuj hauq 没有一句交代的话
Ndek lwg nyaeq meh laux 丢下年小的儿子年老的妈
Heuh yah gauq bouxlawz 叫妻子依靠哪一个
-----------------------------------
Bi sam bak haj ngoenz 一年三百五十天
Mwngz baenzbaenz mbouj hoengq 你就是没有空
Raen mwngz byom baenz gungq 看见你像虾子一样瘦
Daengxgyoengq cungj sim’in 众人都很心痛
------------------------------------
Boux neix gaj gaeq caj 这个杀鸡等着你
Boux de daj laeuj caem 那个打酒等你斟
Siengj cingj mwngz daeuj caemz 想请你来玩一次
Caez gwn gaemz laeuj ndat 一起来吃一口热酒
------------------------------------
Mwngz doi naeuz hong byungq 你推托说工作太忙
Ndaej hoengq caiq daeuj caem 有了空闲再来斟
Lienz caz mbouj gwn gaemz 连茶也不喝一口
Cix bae yaem caemrwg 就静静地走进阴间
-------------------------------------
Ngoenzneix ndaej duet hoj 如今得到脱贫
Gwn noh mbouj rox van 吃上肉也不觉味
Mwngz biek biengz vih mbanj 你离世为了我们村
Mwngz biek ranz vih cungq 你离家为了众人
-------------------------------------
Haet neix mbwn ngamq rongh 今天早上天刚刚放亮
Honghhongh langh bakdou 每一条巷子大开门口
Lwgnyez caenh dingq naeuz 孩子都很听话
Bouxhung couz okcaeq 大人筹备着出殡
--------------------------------------
Gonq miz vunz dai sieng 以前如果有人死在伤
Seiq ndwen yieng mbouj lab 四个月不烧香蜡
Ranzranz dawz dou sap 家家都把大门闩上
Naeuz baex yak baex cai 说是避邪避灾
-------------------------------------
Mwngz yienznaeuz dai sieng 你虽然也是死在伤
Hoenz yieng daemx dingjranz 香的烟火冲到屋顶
Mwngz vih minz vutndang 你为了人民牺牲
Baenz fangz raeuz engq gingq 成了鬼更得到我们尊敬
------------------------------------
Hai dou daeuj soengq mwngz 开门来送你
Diemj daeng daeuj rongh loh 点亮灯来照路
Raemxda lumj raemxmboq 眼泪涌如泉水
Raix laeuj doh mwngz bae 斟酒把你度去
-----------------------------------
Yah lwg gvih henz faex 妻子儿子跪在棺边
Rox daej mwngz geijlai 不知道哭你几多
Beixnuengx cix caez nai 兄弟们一起来安慰
Vunz dai nanz ndaej dauq 人死了难得回来
-----------------------------------
Yawj yieng honzngeungeu 看着香火袅袅
Yah heuh mwngz ndei bae 妻子哭喊着你好走
Beixnuengx baenzneix ndei 兄弟们如此好
Ndaw ranz meiz gou goq 家里有我来照顾
-----------------------------------
Soengq mwngz gvaq dinbya 送你走过山脚下
Mbouj cap va mbouj hauh 没有插花没有鸣号
Sing daej rwenz gvaq bauq 哭声响亮过鞭炮
Caez daiq hauq hawj mwngz 共同为你来带孝
-----------------------------------
Soengq mwngz gvaq henz reih 送你走过畲地边
Sing daej hap gyaegyae 哭声回响得老远老远
Vunz soengq faex raezraez 送丧的人们排得长长的队
Miz gizgyae gizgyawj 有远处来的也有近处的
-----------------------------------
Soengq mwngz gvaq henz dat 送你走过岩石边
Din naeknak naekran 双脚都沉沉重重
Heuh mwngz mbouj raen han 呼叫你不听见应
Nam mwngz mbouj raen singj 呢喃你不看见醒
-----------------------------------
Mwngz lix guh lailai 你活着的时候做得太多太多
Mwngz dai fwngz byouqbyangq 你死后双手空荡荡的
Mwngz doiq ndaej hwnj dangj 你对得起了党
Mwngz mangx ndaej vunz gyaez 你的事迹得到人民的敬重
----------------------------------
Mwngz caiq yawj dou baez 你再看我们一次吧
Mwngz caiq naeq dou mbat 你再见我们一次吧
Dienhdaeng ronghsaksak 电灯亮晶晶的
Roen gvangqgvak gvangqgum 马路宽宽阔阔的
-----------------------------------
Gijneix cungj mwngz caux 这些都是你修造的
Gijneix gauq mwngz baenz 这些都靠你才做得成
Mwngz lix youq sim vunz 你活在人们心里
Mwngz cuengqsim ndei byaij 你放心好走
（sat） （完）
| 欢迎光临 僚人家园 (http://bbs.rauz.net.cn/) | Powered by Discuz! X2.5 |