僚人家园
标题: 《侬智高》（第一部壮文长篇历史小说） [打印本页]
作者: 路漫 时间: 2003-8-28 10:43
标题: 《侬智高》（第一部壮文长篇历史小说）
《侬智高》（第一部壮文长篇历史小说）
这是作品发表两年后，编辑部给广西作家协会申报的参评意见书—— 壮文长篇历史小说《侬智高》申报参评意见
广西作家协会：
本刊自1993年第一期至1995年第三期连载了韦一凡、 路漫合著的壮文长篇历史小说《侬智高》，历时二年半，合约16.8 万字（壮文折换单位字数）。这是历史上第一部使用壮文创作的长篇历史小说。
《侬智高》这部书， 成功地塑造了以侬智高为代表的一代民族英雄的人物形象；以恢弘的历史战争场面和真实的人文环境的描写， 再现了壮族人民抗击外族入侵、保卫疆土，反抗腐败王朝统治、 寻求中华民族大团结之路的不屈不挠的奋斗精神；它的生动、准确、 形象的民族语言（壮语）通过文字（壮文）为媒介， 对壮文文学语言的规范产生了积极影响，一定程度上推进了壮文文学创作的进一步繁荣。
由于壮族以前没有统一文字的历史原因， 作为壮族民族英雄之一的侬智高，只有“传说”没有“形象”， 无论是从认识角度或是从研究角度来说，人们还是处于“模糊”阶段，《侬智高》的发表， 无疑为人们提供了对侬智高“再认识”的不可多得的文献， 从而一定程度上对激发壮族人民自尊、自信、自强的民族精神起到积极的作用。
由于历史上统治阶级对壮族的偏见， 壮族人民世世代代为民族团结、祖国统一而洒热血、 抛头颅奋斗不息的史迹为人们所认知的并不多，或者说书面记载的较为鲜见， 《侬智高》的发表， 填补了这一“空白”，这无疑也是一部民族教育、爱国教育的好教材。
壮文的历史只有数十年，壮文文学创作的历史更短。 壮文推行工作之初，曾有人断言，壮语词汇贫乏，不宜作为文学创作的语言。 因此，在用壮文进行文学创作的探索中，人们先故事，而散文，而小说，而且仅限于短篇及至中篇（二万字以下）， 《侬智高》第一次推出长篇，而且一炮打响，这对壮文的推行、壮文文学创作的发展、 壮族文化的促进和繁荣所起的作用是不言而喻的。
作品发表以后，众多读者来信表示由衷的高兴和振奋， 纷纷要求交出版社成书出版，并提前预订购书，可见其影响之深、之远。
在此，我们特向广西作家协会申报， 建议推荐《侬智高》参加全国第四届少数民族文学作品评奖，请审核。
致礼！
广西《三月三》杂志社 壮文版编辑部
1997年五月
特别说明：原作品完全是壮文，为了让不懂壮文的贝侬以及对壮文有深刻成见（一贯抱着“敬而远之”“义愤填膺”，“束之高阁”的态度）的人有个大概的印象，所以特附上“汉字壮读”，实为无奈，但绝不是为壮文“注音”，请贝侬们能谅解！
————侬智高（1024——1055），广源州（今广西靖西县）人。壮族首领。抗击交趾入侵，保卫疆土；起兵反抗腐败的宋王朝统治。
NUNGZ CIGAUH侬智高
Veiz Yizfanz韦一凡 Loh Manh路漫
Moegloeg目录
it. Bienqvaq Ndang Lungz 一、 变化儾龙 ngeih.Gya Caeuz Guek Nanh 二、家仇国难
sam. Lwg Ciep Boh 三、勒接侼 seiq.Sim Hoengh Aek Gvangq 四、心晎膉咣
haj. Duzyiuh Soengq Geiz 吓、读鹞送旗 roek. Vuengzhaeuh Najraiz 坴、皇后那唻
caet. Ram Guencaiz Okbing 七、抩棺材遌兵 bet. Bakraeh Buek Gyauhcij 八、兡鋫驳交趾
gouj. Soudauq Diegsaet 九、收辺坻失 cib. Sim Rongh Ceiqheiq Sang 十、心朗志气槡
cib'it. Hwnj Saw Yunghcouh 十一、佷书邕州 cibngeih. Gven Dou Maenhndaet 十二、毌閗鍆埿
cibsam. Gaj Gaeq Gwn Laeujlwed 十三、嘎鳮哏溇淕 cibseiq. Dwk Roengz Yunghcouh 十四、徳躘邕州
cibhaj. Humx Gung Gvangjcouh 十吓、阍攻广州 cibroek. Giuj Gaj Soengq Ciengq 十坴、巧嘎宋将
cibcaet. Gaemh lix Yangz Vwnzgvangj 十七、擀赲杨文广
cibbet. Meh Lwg Ging Yungh Bing 十八、姆勒啨用兵 cibgouj.Haenq Hoenx Gveihyinzbuj 十九、鞎掍归仁铺
ngeihcib. Vahlwnh Doeklaeng 二十、话論趃踜
作者: 季人 时间: 2003-8-28 14:11
原来路漫老师还有这样的著作啊！真希望能够拜读。
韦一凡也是咱们上林老乡，我所在中学的学长。呵呵。
作者: 勒茂21世纪 时间: 2003-8-28 21:27
向在壮语文工作岗位上做实事而不说空话、为子孙后代留下浩瀚母语知识财富的的路漫老师致敬！
作者: 郁水啸翁 时间: 2003-8-28 22:06
季人贝侬，本网站介绍的两本壮文新书你都表示感兴趣，说明你确实是个有心人。我也很想拜读《侬智高》，但不知哪里有售。我对壮族社会经济文化等各方面都感兴趣。就壮文而言，我很想知道壮族作家是怎样在不用或者少用汉语借词的情况下用壮族民族词语思考并塑造人物形象的。
建议楼主粘贴有关该书的参评结果以及销售状况。这不但可以补充说明“申报参评意见书”中没有明说的事实，同时，可以改变那些对壮文一贯抱着“敬而远之”、“义愤填膺”、“束之高阁”态度的人的偏见。
我希望，继《侬智高》之后，壮族贝侬有人用壮文创作《刘三姐》、《博庭姐夫》、《楼定卣（？）》、《歌王》、《达稳》等长篇小说，推动壮族文学的繁荣以及壮文的进一步规范。
作者: 红棉树 时间: 2003-8-28 22:20
与路漫老师的交往已经有了不少时日了，但是我也一直不知道用壮文来撰写的《侬智高》是有路漫老师参与写作的，真是惭愧。在此我也向路漫老师表达深深的敬意！郁水啸翁 先生关于该书的参评结果与销售情况，我觉得没有实在的意义和价值。很简单，号称1800万人口的壮族，母语文识字率有多少呢？往上面增加一个参评结果和销售情况，是无法改变这样的一个尴尬状况的。
另外，关于用壮文创作其他作品的意见，我很支持，唯一反对的就是《歌王》。这是一个既不是壮族本身民间传说、又没有在正史野史里出现过的人物，其情节无非是用一个虚假的历史、妄图去歌颂现代壮汉和平共建广西的现实，产生了美好愿望与历史事实的矛盾，这不只是粉饰太平的问题了，而是对历史的严重践踏了。这个问题我们已经多有评论，不再赘述。
作者: 季人 时间: 2003-8-28 23:45
我平时比较注意和壮族有关的书籍，陆续也买了一些，可惜在书店看到的并不多。
作者: 韦布曼 时间: 2003-8-29 08:50
壮族的赵姓、农姓贝侬，侬智高是你们的先祖。
作者: 勒茂21世纪 时间: 2003-8-30 00:19
下面引用由韦布曼在 2003/08/29 08:50am 发表的内容：
壮族的赵姓、农姓贝侬，侬智高是你们的先祖。
之所以这么说，那是因为侬智高起义被北宋镇压以后，侬部人为了逃避朝廷的捕杀和迫害，一部分人将“侬”姓去掉了单人旁而变成了“农”，一部分侬部贵族则向北宋投诚，或自愿或无奈地接受了北宋王朝对他们“恩赐”的国姓——赵。如今，广西中越边境一带的靖西、大新、天等、德保等地，一直连绵到云南文山州和越南北部的高平、谅山一带，农姓和赵姓的族人比比皆是，这明显是当年南天国的遗民。
作者: 郁水啸翁 时间: 2003-8-30 22:01
本着繁荣文艺创作的“双百”方针，如果有人有精力创作，《歌王》也应该放在视野里加以考虑。繁荣文艺创作，应该什么都可以创作。如果以前有人写了不符合历史事实的杜撰作品，那么，写个既符合历史事实，有符合文艺创作规律的作品，应该说是值得提倡的。
作者: 勒茂21世纪 时间: 2003-9-6 13:49
路漫老师，勒茂我已经望眼欲穿了，请您尽快将大作《侬智高》分期发表，以飨众贝侬。
作者: 那里 时间: 2003-9-7 05:06
可惜从小没有受到壮文教育，以后能有更多的壮文小说最好了。壮文不应藏之深闺中。
作者: 路漫 时间: 2003-9-9 10:17
勤茂贝侬，非常抱歉，目前我的时间很“紧”，每天上网的时间不到一小时，所以发言就很少了。至于《侬》这篇文章，我会争取时间续上的，但容我“迟钝”一些，毕竟年岁已经“行之就火”了。
作者: 勒茂21世纪 时间: 2003-9-9 11:10
给路漫老师施加了不应该的压力，十分抱歉。路漫老师年岁已高，这是我们所知道的，不过您从来不自称老人家，我对您是敬重有加。
作者: 浪人 时间: 2003-9-9 15:26
可喜可贺！
作者: 路漫 时间: 2003-9-11 23:06
it. Bienqvaq Ndang Lungz 一、变化儾龙
Nungz Cigauh dwg Soengqciuz Bouxcuengh bouxdaeuz ak he,de dai le gaenh cien bi daeuj,Bouxcuengh coengzlaiz mbouj lumz gvaq de.Seizneix,youq Coj-Yougyangh lij riuz miz haujlai gojgaeq de,ndawde miz cit he naeuz:侬智高嘚宋朝甫壮甫头噁唏，僣殆咧近千嗶斗，甫壮从来踎惏卦僣。时内 呦左右江哩蹓眉好赖故嗘僣，禸僣眉齣唏詉：
Nungz Cigauh seiziq gig gaenx,doengxngoenz hojlienh goengfou,banhaemh gungdoeg bingsaw.Ngoenz-naengz haetromh hwnqcongz,swiqnaj le de cungj haengj sien gwn boi "cazleihndang" he,aeu daeuj cangq ndang raeh uk.Dangseiz,ranz Nungz ciengx miz dah lwggyax ndeu,coh heuh Veiz Sifung,youz de cienmonz liuhleih Nungz Cigauh.Veiz Sifung ngoenzngoenz daih'it gienh saeh couh dwg hawj Nungz Cigauh cung boi caz he,cuengq youq gyaeujcongz gwnz cazgei,yienzhaeuh heuh Nungz Cigauh hwnqcongz.Caj Nungz Cigauh swiqnaj ndaej le,caz hix cimq ok feih lo,Nungz Cigauh gwn hwnjdaeuj daegbied hom. 侬智高时吚极勤，晍昀苦练功夫，班晗攻读兵书。昀能嚇腝睅床，涗那咧僣总悙先哏杯“茶利儾”唏，殴斗壮儾鋫腛。当时，兰侬养眉妲勒傢裊，倬呺韦氏凤，由僣专门料理侬智高。韦氏凤昀昀第一件事就嘚嘘侬智高冲杯茶唏，奘呦苟床埂茶几，嘕后呺侬智高睅床。蹅侬智高涗那礼咧，茶喺浸遌味啰，侬智高哏佷斗特别菡。
Nungz Cigauh rim ngeihcib bi ngoenzhaenx,baihdoeng ngamq wenj,Veiz Sifung youq aen boi nyawhhau he cung ndei caz,dawz caz byaij haeuj rug Nungz Cigauh,mbouj ngeix baez doeksaet he,cijraen muenx rug ronghsag,iengj gim migmig,mokhau mbinfed,gwnz congz miz duzlungz he ninz gutgungq dwk.Veiz Sifung simvueng rigrig,song fwngz baez soeng,cazboi baez byaed,boihnyawh boemz vaih lo.De vuengmuengz buetok rug,buet bae lwnh daxmeh Nungz Cigauh Daxnungz nyi.Daxnungz dingq le,angq dangqmaz,baiq mbwn naeuz:"Miz fuk!Miz fuk!Lwg gou yienzlaiz dwg lungz bienqbaenz ha!"Veiz Sifung hoenzbek caengz dingh,Daxnungz angqangq yangzyangz rag de haeuj rug Nungz Cigauh bae,lij raen ngeungeu mokhau mbin ok cueng bae.Nungz Cigauh ngamq roengz congz,raen daxmeh daeuj,muengz dongx:"Daxmeh,romh ha!"Daxnungz angq cam:"Haxbaenh mwngz guh yawz lu?"Nungz Cigauh cingsaenz gvaekgvaek,najhai najrongh naeuz:"Haxbaenh gou loq fangzhwnz,dieb fwj caij mok,muengh yawj lajmbwn.Raen doengh naz he loegcak reuq lo,gou youq gwnzmbwn caux fwj vanq fwn,gouq lix loegcak.Gou mbin daengz najdou couhfuj Yunghcouh,roq sam baez gyong,douhung mbouj hai,huj lo,couh heuh rumz hemq fwn,dongj hai bakdou couhfuj.Gou youh mbin daengz gwnz goengdienh Gyauhcij Vangzgoz,baez ndingq boinyawh,fwnraq doeksasa,baez boemz boinyawh,byajyap myabmyab,hunglung sing ndeu,byajbag goengdienh lak loemq,vih vunzcaen baukcouz lo!"Veiz Sifung naeuz:"Haxbaenh boinyawh boemz vaih,yienzlaiz dwg mwngz yienh ndang lungh fap ha!"Daxnungz naeuz:"Docih gwnzmbwn hawj lwg gou dakmoengh,nyienh lwg gou daengzcog baihnaj ronghsag,daih yienj lungzhuj bonjlingx,youq lajmbwn ceng ak."Youh doiq Veiz Sifung naeuz:"Sifung,mwngz raen Cigauh bienq ndang lungz,dwg vunzgviq!Hawj Cigauh baiq mwngz guh cej,gou nyinh mwngz guh lwg,dajneix mwngz riengz Cigauh doegsaw lienh goengfou,yawhhbienh bang de guh baenz daihnieb!"Veiz Sifung angqbuepbuep,sikhaek baiq Daxnungz sam baiq:"Dingq vah daxmeh!"Nungz Cigauh hix baiq Veiz Sifung sam baiq,Veiz Sifung muengz fuz de hwnjdaeuj.侬智高晽20嗶昀拫，排东啱煾，韦氏凤呦嗯杯玉皓唏冲婑茶，鍀茶挀逅麀侬智高，踎議畁揬失唏，只腀满麀朗嗦，炴金爢爢，暯皓鴖冹，埂床眉读龙唏囜尳弜徳。韦氏凤心慌嚦嚦，双摓畁松，茶杯畁怭，杯玉搫坏啰。僣慌忙蹼遌麀，蹼呸論噠姆侬智高妲侬耴。妲侬听咧盎当嘛，拜暪詉：“眉福！眉福！勒佝原来嘚龙变捹哈！”韦氏凤魂魄曾定，妲侬盎盎洋洋揦僣逅麀侬智高呸，哩腀喓喓暯皓鴖遌窗呸。侬智高啱躘床，腀噠姆斗，忙詷：“噠姆，覶哈！”噠侬盎嘇：“跲逩儚搰喩嚕？”侬智高精神唂唂，那开那朗詉：“跲逩佝艪髣脝，蹀乀踩暯，望腧拉暪。腀垌那唏六作熮啰，佝呦埂暪造乀捥汾，救赲六作。佝鴖蹬肭閗州府邕州，摞三畁冏，閗宏踎开，火啰，就呺冧噉汾，挏开兡閗州府。佝又鴖蹬埂宫殿交趾王国，畁擰杯玉，汾溂涋沙沙，畁搫杯玉，豝唊嘜嘜，轰隆声裊，豝扒宫殿鞡瀶，为倱亲报仇啰。”韦氏凤詉：“跲逩杯玉搫坏，原来嘚儚现儾弄法哈！”噠侬詉：“多谢埂暪嘘勒佝托梦，愿勒佝蹬胙排肭朗嗦，大显龙虎本领，呦拉暪争噁。”又对韦氏凤詉：“氏凤，儚腀智高变儾龙，嘚倱贵！嘘智高拜儚抇姐，佝认儚抇勒，打内儚踉智高读书练功夫，预便帮僣抇捹大业。”韦氏凤盎卟卟，即嘿拜噠侬三拜：“听话噠姆！”侬智高吔拜韦氏凤三拜，韦氏凤忙扶僣佷斗。
Dajneix,Nungz Cigauh caeuq Veiz Sifung ngoenzngoenz doxbuenx,caez doegsaw lienh goengfou.Mbwnmomj,Nungz Cigauh gwih max hoengz,Veiz Sifung gwih max hau,songde yaengx bien fad max sien heux mbanj gien he,yienzhaeuh bae dinbya diegbingz lienh max nyingz naq.Veiz Sifung dawz diuz mbok he cug youq nye faex,Nungz Cigauh daj bak yamq baihhaenx fad max buet bae,nyeux gyaeuj nyingz naq,lienz nyingz cib ci,cici baek haeuj mbok.Sou gung le,youh lienh cax,gwnz max lienh,roengz max youh lienh,suglienh dangqmaz.打内，侬智高奏韦氏凤昀昀跺伴，齐读书练功夫。暪熳，侬智高犪马红，韦氏凤犪马皓，双僣抰鞭払马先绕板圈唏，然后呸蹾岜坻平练马盁镎。韦氏凤嘚条簚唏捽呦枽棐，侬智高打百嚈排拫払马蹼呸，邎苟盁镎，连盁十支，支支苝逅簚。收弓咧，又练鉔，埂马练，躘马又练，熟练当嘛。
Miz ngoenz ndeu,Nungz Cigauh cingq youq henz daemz naj Gvangjyenz couhfuj nyingz naq,lienzlienz nyingz,lienzlienz con gvaq conghmbok."Caen lek!"Fwt miz vunz hemq ndei.Nungz Cigauh baez yawj,daxdoeng mumhhau raezrangh he coh de riunyumj.Nungz Cigauh yiengq daxgoeng yaengx fwngz naeuz:"Cingj bouxlaux son'gyauq!"Daxgoeng daj ndaw genbuh gvangqlangh de dawz ok gaiq baengzdoj he,venj hwnj gwnz goliux,naeuz:"Danghnaeuz naq mwngz ndaej nyingz mbongq gaiq baengz neix,couh suenq goengfou daengzgya lo."Nungz Cigauh naemj,gou nyingz ndaej mbongq mbokfaex,lij nyingz mbouj mbongq gaiq baengz he?De beng gung dap naq,naq he nyingz gvaqbae,baek mbouj haeuj baengz,dauq hawj baengz danz doxdauq.De lienzlienz nyingz sam naq,naqnaq baenzneix.Daxgoeng rub mumh riuhaha:"Yaek guh baenz daihnieb,lij aeu lienh dem!"Nungz Cigauh lienzmungz gvih baiq,yiengq daxgoeng gouzgyauq.Daxgoeng youh daj ndaw genbuh gvangqlangh haenx dawz ok sam ci naq hawj de,daengq de caiq guh fag gungdiet loeg cib gaen naek ndeu,ngoenzngoenz lienh,goujgouj betcib it ngoenz le,henz daemz goliux haenx nye duengq daengz gwnz deih seiz,couh dawz naq nyingz coh Bengingh,danghnaeuz nyingz deng Soengqvuengz Cau Cinh,baez vad fwngz naq couh dauq,couh ndaej gawj geiz okbing,maeuqsuenq daihnieb......gangj le,daxgoeng fwt mbouj raen ngaeuz,mbouj rox bae gyawz lo.眉昀裊，侬智高正呦冄沊肭广源州府盁镎，连连盁，连连趈卦窻簚。“真婯！”喸眉倱噉婑。侬智高畁腧，噠公鼆皓嚟哴唏倬僣膫忎。侬智高向噠公抰摓詉：“请甫佬搎教！”噠公打禸肷襥咣哴僣嘚遌块嘭土唏，挽佷埂楇柳，詉：“当詉镎儚礼盁鋩块嘭内，就算功夫蹬家啰。”侬智高戁，佝盁礼鋩簚棐，哩盁踎鋩块嘭唏？僣捠弓搭镎，镎唏盁卦呸，苝踎逅嘭，辺嘘嘭弹跺辺。僣连连盁三镎，镎镎捹内。噠公扖鼆膫哈哈：“捳抇捹大业，哩殴练忝。”侬智高连忙跪拜，向噠公求教。噠公又打禸肷襥咣哴拫嘚遌三支镎嘘僣，噔僣再抇発弓铁坴十斤靹裊，昀昀练，九九八十一昀咧，冄沊楇柳拫枽趤蹬埂地时，就嘚镎盁倬汴京，当詉盁帄宋皇赵祯，畁撶摓镎就辺，就礼举旗遌兵，谋算大业……讲咧，噠公喸副踎腀僥，踎嚕呸踷啰。
Dajneix le,Nungz Cigauh ngoenzngoenz lienh naq,hwnj rumz doek fwn cungj mbouj yiet.De goengfou ngoenz beij ngoenz ak,gvaq ndwen he,naq ndaej nyingz mbongq ganjfaex,gvaq song ndwen,naq ndaej nyingz byoengq rinranx.Henz daemz nye goliux yied duengq yied daemq,liz deih lij miz cik ndeu lo,Veiz Sifung ngoenzngoenz bae rau.Nungz Cigauh engqgya haenqsim lienh.Ngoenz ndeu banhaet,rumzliengz bae ci,nyeliux baet daengz gwnz deih,Veiz Sifung angq hemq:"Nyeliux dog daengz deih lo!"Nungz Cigauh sikhaek beng gung dwk naq,hoeng rumz dingz le,nyeliux youh liz deih lo,de cijndei sou naq hwnjdaeuj.Daengz daih betcib ngoenz,sijsaeq yawj nyeliux,miz rumz dog daengz deih,rumz dingz youh liz deih conq lai.Nungz Cigauh caj mbouj daengz ngoenz doeksat,de din swix dieb nyeliux,dawz naq nyingz coh Gingsingz.Ngoenzhaenx,Soengqciuz vuengzdaeq Cau Cinh ngamq hwnj congz,dahhoiq dawz raemxswiqnaj daeuj,"dang"sing ndeu,ci naq he nyingz fan batnaj gim.Gek yaep ndeu,vuengzdaeq cingq yaek roi gyaeuj,ci naq he youh dwk vaih gaiq gingq bae.Dahhoiq hemq sing ndeu,gip naq hawj vuengzdaeq yawj.Cau Cinh ciep naq cingq naemj,daihsam ci naq youh nyingz daeuj,caen yiemj,naq daj goekrwz mbin gvaq,cadi aeu mingh de lo.Vuengzdaeq lienzmuengz heuh Guengammbwn daeuj,cam:"Lienz nyingz daeuj sam ci naq,miz maz ciudaeuz?"Guengammbwn dawz ok baujgingq,ciuq yawj naq le,gvih naeuz:"Vuengz ha,neix dwg Namzmanz Nungz Cigauh nyingz daeuj,ndaek vunz neix caen mbouj ndaej ha,cij vih de simgip,mbouj caj nyeliux dog deih,couh nyingz naq lo,vuengz gou cix deuz gvaq cainanh.Danghnaeuz caiq caj ngoenz dem de cij nyingz naq,vuengz gou couh nanz deuz giepsoq lo."Vuengzdaeq dingq le,hwk dwk hanhheu rim ndang.打内咧，侬智高昀昀练镎，佷冧湥汾总踎歇。僣功夫昀比昀噁，卦朊唏，镎礼盁鋩杆棐，卦双朊，镎礼剻碄舑。冄沊枽楇柳越趤越伅，离地只眉尺裊啰，韦氏凤昀昀呸撓。侬智高更加狠心练。昀裊班嚇，冧凉畁吹，枽柳揊蹬埂地，韦氏凤盎噉：“枽柳掇蹬地啰！”侬智高即嘿捠弓徳镎，訌冧停咧，枽柳又离地啰，僣只婑收镎佷斗。蹬第八十昀，仔细腧楇柳，眉冧掇蹬地，冧停又离地寸赖。侬智高蹅踎蹬昀跿煞，僣蹾倠蹀枽柳，嘚镎盁倬京城。昀拫，宋朝皇帝赵祯啱佷床，妲僡锝淋涗肭斗，“噹”声裊，支镎唏盁翻叭肭金。隔曀裊，皇帝正捳蕾苟，支镎唏又徳坏块镜呸。妲僡噉声裊，扱镎嘘皇帝腧。赵祯接镎正戁，第三支镎又盁斗，真险，镎打唂聏鴖卦，差哋殴命僣啰。皇帝连忙呺官监暪斗，嘇：“连盁斗三支镎，眉嘛兆头？”官监暪锝遌宝镜，照腧镎咧，跪詉：“皇哈，内嘚南蛮侬智高盁斗，鈉倱内真踎礼哈，只为僣心急，踎蹅枽柳掇地，就盁詉啰，皇佝只逃卦灾难。当詉再蹅昀忝僣吇盁镎，皇佝就难逃劫数啰。”皇帝听咧，嚇徳汗蕘晽儾。
Nungz Cigauh nyingz caez sam ci naq,lienzlienz vad fwngz,mbouj raen naq dauq;rox daihsaeh mbouj ndei,gipmuengz caeuq gietbaiq beixnuengx Vangz Veij,Vangz Swhmi siengliengz gawjsaeh saedceij.Song boux cungj naeuz:"Fanj ba!ngoenz neix mbouj fanj,lij caj ngoenz lawz!"侬智高盁齐三支镎，连连撶摓，踎腀镎辺，嚕大事踎婑，急忙奏结拜贝侬黄玮、黄师宻商量举事日子。双甫总詉：“反吧！昀内踎反，哩蹅昀楽！”
Yienghneix,Nungz Cigauh gawj geiz daiqlingx geij fanh bingmax,gung Yunghcouh,humx Gvangjcouh,bik daengz Ginghcouh Sienghgyangh,Soengqciuz vwnzvuj bak guen simvueng mbeilek......样内，侬智高举旗带领几万兵马，攻邕州、阍广州，逼蹬荆州湘江，宋朝文武百官心慌脢囄……
Yienghneix,baenz cien bi daeuj,vunzraeuz ciuhciuh daihdaih damzlwnh Nungz Cigauh,gojgaeq Nungz Cigauh caemh ciuhciuh daihdaih riuz roengzdaeuj.Gwnzbiengz riuzgangj dingzlai cungj daiq miz saenzvah feihdauh.Lajneix gij goj haenx cix dwg goj caensaed.样内，捹千嗶斗，倱偻僦僦代代谈论侬智高，故嗘侬智高僝僦僦代代蹓躘斗。埂牓蹓讲亭赖总带眉神话味道。拉内叽故拫茲嘚故真实。
作者: 勒茂21世纪 时间: 2003-9-12 09:18
Ndei yawj! Gyombaiq Lohmanh Lauxsae!
作者: 路漫 时间: 2003-9-18 12:01
Ngeih. GYA CAEUZ GUEK NANH家仇国难
Mbanjranz Nungz Cigauh youq Gvangjyenzcouh.Gvangjyenzcouh couh dwg seizneix Guengjsae Cingsih rangh neix.Daxboh Nungz Cigauh heuh Nungz Cenzfuz,dwg Gvangjyenzcouh couguen.Couguen bien'gyaiq mbouj yungzheih dang,Gvangjyenzcouh liz Gingsingz gyae,liz Yunghcouh hix miz gaenh cien leix,gyaudoeng gig mbouj bienh,caen dwg bya sang vuengzdaeq gyae!Soengqciuz vuengzdaeq Sungyinzcungh youh ngawz youh yak,gaemh beksingq yungz vunzdig,cap daihbuek bingmax youq Gingsingz,baujhoh vuengzvih;bien'gyaiq cix noix bing noix ciengq,mbouj fuengz mbouj re,nyaemhyouz gueknden daeuj ciemq diegguek,nyoegnyamx beksingq henzguek.Baihbaek Gidanh Liuz Ginh mboujduenh ciemq Soengqciuz diegguek;baihnamz Gyauhcij bibi nyauxluenh Soengqciuz bien'gyaiq,Bouxcuengh "dieg youq bak guk",deng haih ceiq naek.板兰侬智高呦广源州。广源州嘚时内广西靖西躴内。噠侼侬智高呺侬全福，嘚广源州州官。州官边界踎容易当，广源州离京城嚌，离邕州吔眉近千里，交通极踎便，真嘚岜槡皇帝嚌！宋朝皇帝宋仁宗又懙又怴，擀百姓容倱敌，扎大駁兵马呦京城，保护皇位；边界茲脮兵脮将，踎防踎挒，任由国埝斗占坻国，肉厴百姓冄国。排北契丹、辽、金踎断占宋朝坻国，排南交趾嗶嗶扰乱宋朝边界，甫壮“坻呦兡狜”，帄害最靹。
1039 nienz seizcin,Gvangjyenzcouh Bouxcuengh cingq nyaengq dajndaem,nazgyaj heuswd,loegcak mwncum.Raeq naz hat vaiz,ndaem naz eu fwen,rwenz doh lajdoengh.Danhseih,cainanh daeujdaengz lo,daj singznamz deuz nanh daeuj baenz buek baenz buek Bouxcuengh,gyoengqde daiq daeuj siusik rwix:"Bing Gyauhcij youh hoenx daeuj lo,itloh coemh gaj ciengjgiep,yakrwix guh doh,baenzlawz banh,deuz bae gyawz?"1036年时春，广源州甫壮正攁打揇，那稼蕘莳，六莋菛萙。剓那跲怀，揇那嗂喚，鸞趓拉垌。但是，灾难斗蹬啰，打城南逃难斗捹駁捹駁甫壮，儝僣带斗消息惢：“兵交趾又掍斗啰，一路燦嘎抢劫，怴惢抇趓，捹楽办，逃呸踷？”
Gvangjyenzcouh bouxdaeuz Bouxcuengh Nungz Cenzfuz sikhaek heuh roq gyongdoengz,comz hwnj daengx singz yungjsw cangqding,hensouj dousingz.Ndaw singz lwgnyez mehmbwk laux nyieg bingh caed,baenz gyoengq baenz doih ndoj haeuj ndoenglueg,cwz yiengz heuh,lwgnyez daej,bouxlaux gyangz,bouxcaen hemq,nauh dwk guk lau nyaen saenz.广源州甫头甫壮侬全福即嚇呺摞冏铜，尀佷墱城勇士壮丁，撊守閗城。禸城勒邪姆嫫老弱病疾，捹儝捹队耎逅岽塶，犆羊呺，勒邪渧，甫佬唴，甫亲噉，闹徳狜恅狺愖。
Ndaw singz Gvangjyenz,Nungz Cenzfuz daiq haj bak yungjsw,gaem cax dawz faexmbaenq,yunghsim souj singz.Yah de Daxnungz caeuq lwg de Nungz Cigauh ngamq cib seiq bi haenx,riengz de lieb yawj singzciengz.禸城广源，侬全福带吓百勇士，咁鉔锝棐椚，用心守城。娅僣噠侬奏勒僣侬智高啱十四嗶拫，踉僣猎腧城墙。
Daxnungz daj iq gyaez yawj bingsaw,dungxcaiz gig miz gaeqmaeuz.De yawjyawj singzciengz daemqdet,daezsingj Nungz Cenzfuz naeuz:"Boh Cigauh,singzciengz daemq lai,vunz noix binghgi youh mbouj ndei,baenzneix gaengjbanj souj,mbouj yawz lingzvued souj."噠侬打吚憇腧兵书，胴才极眉计谋。僣腧腧城墙伅呧，提醒侬全福詉：“侼智高，城墙伅赖，倱脮兵器又踎婑，捹内肯版守，踎喻灵活守。”
Nungz Cenzfuz cam:"Yawz guh cij dwg lingzvued souj?"侬全福嘇：“喻抇吇嘚灵活守？”
Daxnungz naeuz:"Dawz bing faen youq gwnz ndoi rog singz seiqlengq,lai cap geiz gyaj guh singseiq,danghnaeuz bing Gyauhcij daeuj gung ndoi,daj gwnz ndoi ringx roengz faexhung rinndaek,aeu naq fung maenh hwnj ndoi doengloh.Cijaeu hen maenh dingjndoi,bing Gyauhcij couh mbouj gamj haeuj singz."噠侬詉：“锝兵分呦埂垖峈城四墚，赖插旗假抇声势，当詉兵交趾斗攻垖，打埂堆軨躘棐宏碄钠，殴镎封鍆佷垖通路。吇殴撊鍆顶垖，兵交趾就踎敢逅城。”
Nungz Cenzfuz naeuz:"Diuz gaeq neix ndei!"Yienghneix,Nungz Cenzfuz ciuq yah soj gangj,dawz bing buen ok rog singz,de hwnj ndoi doeng,Daxnungz caeuq Nungz Cigauh hwnj ndoi sae.侬全福詉：“条计内婑！”样内，侬全福照娅所讲，锝兵搬遌峈城，僣佷垖东，噠侬奏侬智高佷垖西。
Banhaemh,bing Gyauhcij guengzliklik roemx daeuj,baez raen gwnz singz mbouj vunz souj,dousingz hailangh,ndaw singz caemrwg,mbouj gamj seizbienh roemx haeuj singz.Sienfungguen Yenj Vwnzyez daiq bing doiq deuz,dajsuenq youq rog singz diegbingz anyingz capbing.Sawqmwh,seiqhenz gwnz ndoi gyonglaz caez yiengj,hemq gaj goksad,bing Gyauhcij najheu najbienq,gipmuengz doiq bae cib leix,cij baij bouxdamq bae seiqcawq damqdingq ndaw singz Gvangjyenz hawsaed.班晗，兵交趾狂唎唎踚斗，畁腀埂城踎眉倱守，閗城开閬，禸城沉叻，踎敢随便踚逅城。先锋官阮文越带兵退趒，打算呦峈城坻平安营扎兵。呞嚒，四冄埂垖冏锣齐响，噉嘎霩煞，兵交趾肭蕘肭变，急忙退呸十里，吇派甫亲噉探呸四处探听禸城广源虚实。
Haemh haenx fouz saeh.晗拫无事。
Ngoenzlaeng,daengngoenz hwnj sam saux,Gyauhcij daihdoih bingmax gwed geiz hemqhuhu faen bing veizgung rog singz gak ndoi.Sienfung Yenj Vwnzyez youq laj ndoi rongx:"Nungz Cenzfuz okdaeuj hanvah!"昀踜，灯昀佷三筲，交趾大队兵马挌旗噉呼呼分兵围攻峈城各垖。先锋阮文越呦拉垖喨：“侬全福遌斗哻话！”
Nungz Cenzfuz cingq yaek hanvah,cix dingqnyi Daxnungz youq ndoi sae ngauz geiz hat naeuz:"Gyauhcij bingcaeg!Sou vih maz okbing famh dieg,gaj dou Bouxcuengh,ciengj dou doxgaiq?"侬全福正捳哻话，茲听耴噠侬呦垖西摇旗跲詉：“交趾兵贼！傁为嘛遌兵犯坻，嘎侸甫壮，抢侸跺槩？”
Yenj Vwnzyez riuhaha naeuz:"Mwngz dwg yah Nungz Cenzfuz ba?Lwnh gvan mwngz nyi,gou baez neix daiq bing daeuj,mbouj vih gijmaz,cijaeu ranz mwngz gyau ok ndaek gim 120 liengx haenx daeuj,hawj gou daiq baema soengq hawj guekvuengz.Baezlaeng,ranz mwngz miz maz doxgaiq ndei couh gag soengq bae,gaej caj guekvuengz dou youh baij gou daiq bing daeuj aeu!"阮文越膫哈哈詉：“儚嘚娅侬全福吧？論倌儚耴，佝畁内带兵斗，踎为叽嘛，吇殴兰儚交遌鈉金120两拫斗，嘘佝带呸麻送嘘国王。畁踜，兰儚眉麻跺槩婑就各送呸，丌蹅国王侸又派佝带兵斗殴！”
Daxnungz hujdengdeng,fok naeuz:"Caeggeq!Gvangjyenzcouh dou liglaiz gvi daih Soengq,baenzlawz yiengq sou Lij Dwzcwng vuengzciuz hwnjlaex！"噠侬火烶烶，坲詉：“贼喈！广源州侸历来归大宋，捹楽向傁李德政王朝佷礼！”
Yenj Vwnzyez naeuz:"Guekvuengz dou gangj,Gvangjyenzcouh dwg gvi de,sou couh aeu hwnjlaex!Gaej gangj doxgaiq ndei,lienz mehmbwk ndei,lumj mwngz yienghneix,caemh aeu hwnjlaex!"阮文越詉：“国王侸讲，广源州嘚归僣，傁就殴佷礼！丌讲跺槩婑，连姆嫫婑，僝殴佷礼！”
Nungz Cigauh haenqsing ndaq naeuz:"Ej meh mwngz!"De haenqrengz beng gung,"bung" sing ndeu,nyingz doek mauh Yenj Vwnzyez bae.侬智高鞎声訥詉：“姶姆儚！”僣鞎哴捠弓，“嘭”声裊，盁湥帽阮文越呸。
Yenj Vwnzyez goeb gyaeuj yaengx giemq,cijveih bing Gyauhcij:"Hawj gou gung ndoi,gaemh lix daengx ranz Nungz Cenzfuz!"阮文越匼苟抰剑，指挥兵交趾：“嘘佝攻垖，擀赲墱兰侬全福！”
Bing Gyauhcij caezsing swenjrara,diuh bing humx ndaet ndoi sae,fung loh,duenh raemx duenh liengz.Yenj Vwnzyez maenj naeuz:"Byawz hawj Nungz Cenzfuz ndot deuz,couh raemj gyaeuj!"兵交趾齐声喧罖罖，调兵閽埿垖西，封路，断淋断粮。阮文越謾詉：“仈嘘侬全福逽趒，就擥苟！”
Nungz Cenzfuz ndwn youq dingj ndoi doeng,raen ndoi sae deng humx,lauheiq yah de yungyiemj,naemjnaemj baenzlawz buqdig.Caj mbwnfuemx le,de baenzneix baenzneix daengq dangznuengx Nungz Gencungh.Nungz Gencungh goengfou gig ak,rengz daih gvaq vunz,de dawz hwnj fagfouj gaenq raez,swnh bing Gyauhcij gwn caeuz seiz,gag boux ndeu cung roengz ndoi,bongh gvaq bingyingz Gyauhcij,vued hai diuz lohlwed he,hwnj ndoi sae bae lwnh Daxnungz:"Daxsauj,bouxdaeuz miz lingh,haemh neix seiq geng,doeng sae song ndoi boq gaeuvaiz guh hauh,doengzseiz hoenx roengz ndoi bae,cangguh gapgung vunzdig,hoeng mbouj yungh dam hoenx,cung ok vunzdig bauveiz,bae baihbaek Gemhgimgaeq doxhab."侬全福踲呦顶垖东，腀垖西帄閽，恅气娅僣悀险，戁戁捹楽破敌。蹅暪髴咧，僣捹内捹内噔堂侬侬健忠。侬健忠功夫极噁，哴大卦倱，僣锝佷発斧掯嚟，顺兵交趾哏嚋时，各甫裊冲躘垖，逄卦兵营交趾，剨开条路淕唏，佷垖西呸論噠侬：“噠嫂，甫头眉令，晗内四更，东西双垖卟鈎怀抇号，同时掍躘垖呸，装抇夹攻倱敌，訌踎用贪掍，冲遌倱敌包围，呸排北嵰金鸡跺合。”
Daxnungz ngaek gyaeuj naeuz:"Neix cingq hab gou naemjfap."噠侬昂苟詉：“内正合苟戁法。”
Nungz Cigauh naeuz:"Daxmeh,gou bae dajdaeuzcaenh!"侬智高詉：“噠姆，佝呸打头阵！”
Daxnungz bekbek mbaq de naeuz:"Gang youq ndaw feiz lienh,ceiz youq ndaw rek cien,ndei,mwngz riengz Gencungh caez dajdaeuzcaenh."噠侬拍拍傌僣詉：“钢呦禸萉炼，糍呦禸煭煎，婑，儚踉健忠齐打头阵。”
Nungz Cigauh youq gwnz rindat baenz cax,Veiz Sifung bang de rwed raemx,daengq de haemh ninz aeu singjsak,daezfuengz vunzdig amqsuenq.侬智高呦埂碄矺泍鉔，韦氏凤帮僣洜淋，噔僣晗囜殴醒殺，提防倱敌暗算。
Nungz Cigauh naeuz:"Cej,mwngz riengz gou caez dajdaeuzcaenh,mwngz hen gou,gou hen mwngz,mbouj lau vunzdig loenghfangz."侬智高詉：“姐，儚踉苟齐打头阵，儚撊苟，苟撊儚，踎恅倱敌弄髣。”
Veiz Sifung lienzseiz bae cam Daxnungz:"Meh,gou riengz nuengx bae dajdaeuzcaenh,hix ndei ciuqgoq de."韦氏凤连时呸嘇噠侬：“姆，苟踉侬呸打头阵，吔婑照顾僣。”
Daxnungz naeuz:"Cigauh miz mwngz guh cej,dwg de miz fukfaenh!Nanz ndaej mwngz mizsim,beij cej caen lij ndei!"噠侬詉：“智高眉儚抇姐，嘚僣眉福分！难礼儚眉心，比姐亲哩婑！”
Veiz Sifung naeuz:"Daxmeh daih gou caemh beij lwg caen lij ndei ha!Bingzseiz gou caeuq Cigauh doxceng,mwngz cij ndaq de,mbouj ndaq gou!"韦氏凤詉：“噠姆待苟僝比勒亲哩婑哈！平时苟奏志高跺争，儚只訥僣，踎訥苟！”
Daxnungz naeuz:"Byawz loek ndaq byawz,byawz deng haeuj byawz,vanj raemx ndeu yaeuj bingz ma!Mwngz bae ba,ndeindei yawj ndei Cigauh."噠侬詉：“仈趢訥仈，仈帄逅仈，碗淋裊揂平嘛！儚呸吧，婑婑腧婑志高。”
Haemh haenx seiq geng,ndoi doeng boq gaeuvaiz,ndoi sae boq gaeuvaiz.Gvangjyenzcouh yungjsw caezsing hemq,daj song baih ndoi cung roengzdaeuj.Bing Gyauhcij simvuengz fwngzluenh,deng cung sanq lo,song ndoi bingmax gap youq itheij,luenh hoenx bing Gyauhcij can he,couh doiq bae Gemhgimgaeq lo.Mbwn laep loh yiemj,Yenj Vwnzyez mbouj gamj caenh bing bae gyaep.晗拫四更，垖东卟鈎怀，垖西卟鈎怀。广源州勇士齐声噉，打双排垖冲躘斗。兵交趾心慌摓乱，帄冲散啰，双垖兵马挾呦一起，乱掍兵交趾餐唏，就退呸嵰金鸡啰。暪黸路险，阮文越踎敢遉兵呸﨤。
Mbwnrongh seiz,Daxnungz youq Gemhgimgaeq diemj vunzsoq,dogdog mbouj raen gvan de Nungz Cenzfuz!暪煷时，噠侬呦嵰金鸡点倱数，仛仛踎腀倌僣侬全福！
"Bouxdaeuz ne?Byawz raen bouxdaeuz bae gyawz la?"Daxnungz cam.“甫头呢？仈腀甫头呢头呸踷啦？”噠侬嘇。
Mbouj miz vunz han,daihgya boux yawj boux,cungj mbouj rox bouxdaeuz bae gyawz.踎眉倱哻，大家甫腧甫，总踎鲁甫头呸踷。
Laxlawz,Nungz Cenzfuz cung roengz ndoi le,ndaw sim geiq daengz ndaek gim 120 liengx haenx,Yenj Vwnzyez daiq bing daeuj famh,couh vih ndaek gim neix,Nungz Cenzfuz baenzlawz haengj ndek hawj vunzdig!Ndaek gim neix yo youq ndaw ciengz rug de,danghnaeuz bing Gyauhcij dwk haeuj singz bae,itdingh vat ciengz saeuj ranz,ndaek gim haenx couh deng dawz bae lo.De roengz ndoi le,dajsuenq swnh laep mo haeuj singz bae,dawz ndaek gim haenx daiq okdaeuj.Danhseih,boihseiz dahraix,lij caengz ndaej haeuj dousingz,couh loemq roengz aen hongx bing Gyauhcij ngamq vat haenx......喇叻，侬全福冲躘垖咧，禸心记蹬鈉金120两拫，阮文越带兵斗犯，就为鈉金内，侬全福捹叻嘘铥嘘倱敌！鈉金内哟呦禸墙麀僣，当詉兵交趾徳逅城呸，一定挖墙搜兰，鈉金拫就帄锝呸啰。僣躘垖咧，打算顺黸摸逅城呸，锝鈉金拫带遌斗。但是，背时哒唻，哩曾礼逅閗城，就瀶躘嗯纮兵交趾啱挖拫……
Bing Gyauhcij gaemh dawz Nungz Cenzfuz le,lauheiq Bouxcuengh buekmingh daeuj gouq bouxdaeuz gyoengqde,Yenj Vwnzyez gipmuengz doiqbing,cug Nungz Cenzfuz soengq bae yiengq guekvuengz de Lij Dwzcwng bauqgoeng.兵交趾擀锝侬全福咧，恅气甫壮搏命斗救甫头儝僣，阮文越急忙退兵，捽侬全福送呸向国王僣李德政报功。
Daxmeh Lij Dwzcwng yaek banh loegcib daihsouh.Lij Dwcwng siengj aeu Nungz Cenzfuz ndaek gim haenx guh souhlaex yienh hawj meh de.De youq vuengzgung ciepraen Yenj Vwnzyez,cam:"Cienghginh dwgrengz lo,ndaej gim ma lwi?"噠姆李德政捳办六十大寿。李德政想殴侬全福鈉金拫抇寿礼送嘘姆僣。僣呦王宫接腀阮文越，嘇：“将军嘚哴啰，礼金麻诔？”
Yenj Vwnzyez gvih naeuz:"Lwnh daihvuengz!Gou gaemh dawz ndaek gim bouxcawj Nungz Cenzfuz!"阮文越跪詉：“論大王！苟擀锝鈉金甫主侬全福！”
Lij Dwzcwng naeuz:"Gaemh dawz de,couh mbouj lau mbouj ndaej gim.Cunghyenz vuengzciuz haengj sien laex haeuh bing,raeuz Annanz gvenq sien bing haeuh laex,sien dawz vunz,caiq baij vunz soengq saenq bae Gvangjyenzcouh,heuh gyoengqde soengq gim daeuj vuenh vunz."李德政詉：“擀锝僣，就踎恅踎礼金。中原王朝悙先礼后兵，偻安南惯先兵后礼，先锝倱，再派倱送信呸广源州，呺儝僣送金斗换倱。”
Gvaq ndaej cib ngoenz,Gyauhcij bouxsawj daeuj daengz Gvangjyenzcouh,heuh ndaw ranz Nungz Cenzfuz dawz cien liengx gim bae rouh vunz,ndawde aeu miz ndaek gim he naek 120 liengx.卦礼十昀，交趾甫使斗蹬广源州，呺禸兰侬全福锝千两金呸腬倱，禸僣殴眉鈉金唏靹120两。
Daxnungz baij vunz lwnh caencik,seiqcawq gouz vunz ciq ngaenz,vuenh ndaej gouj bak liengx gim,lienz ndaek gim 120 liengx haenx,gungh cien liengx,heuh Nungz Gencungh lienzhaemh bae Gyauhcij rouh bouxdaeuz.噠侬派倱論亲戚，四处求倱借银，换礼九百两金，连鈉金120两拫，共千两，呺侬健忠连晗呸交趾腬甫头。
Danhseih,Lij Dwzcwng ndaej gim le,couh youq hawj daxmeh de guh loegcib daihsouh ngoenzgonq,dawz Nungz Cenzfuz gaj dai lo.Nungz Gencungh daiq cien liengx gim bae gyau hawj Gyauhcij guekvuengz,cix rouh ma seihaiz Nungz Cenzfuz. 但是，李德政礼金咧，就呦嘘噠姆僣抇六十大寿昀遦，锝侬全福嘎殆啰。侬健忠带千两金呸交嘘交趾国王，茲腬麻尸骸侬全福。
作者: 路漫 时间: 2003-9-30 17:29
sam. Lwg Ciep Boh 三、勒接侼
Rog singz,dinndoi,Nungz Cenzfuz roengzcangq lo.Bouxcuengh Gvangjyenz daenj beg caep hauq,gvih youq naj moh,hawj bouxdaeuz dwk caeq.
Nungz Cigauh gvih youq naj moh,coux aeu faggiemq daxmeh ndenq hawj haenx,haeb faenz heh fwngzgyang mbat ndeu,lwed byoq okdaeuj,de aeu lwgfwngz guh bit,youq gwnz baengzhau sij roengz bet cih saw:Iencaeuz Gaj Boh,Mbouj Caeuq caemh mbwn!
Henz moh dap aen diengz he,Nungz Cigauh aeu fiengz guh moeg,vih daxboh soujhauq.
Yienznaeuz soujhauq,hoeng Nungz Cigauh mbouj lumz doeg saw lienh goengfou.Veiz Sifung dawz saw buen daeuj ndaw diengz,lij youq henz dou venj hwnj caxmbat caeuq gungnaq.Ngoenznaengz haetromh,Nungz Cigauh sien hawj daxboh siu yieng,baiq gvaq lecouh gvih youq naj moh doeg saw,cig daengz yieng coemh sat le cij hwnj ndang,cuengq saw le couh dawz hwnj caxmbat lienh goengfou.Lienh gvaq cax,youh lienh gung.Cuengq saw le youh doeg saw.De mbouj hawj cihgeij ndaej hoengq.Daxboh deng haih le,de roxsoq lai lo,lumjbaenz de mbouj cij cib seiq bi,cix gaenq maj hung baenzvunz.
Seizhaenx,Nungz Cigauh lij nomj,Bouxcuengh Gvangjyenz mbouj miz vunz hab dang bouxdaeuz,gyoengqvunz miz di simsanq lo.
Miz ngoenz ndeu,ranz Nungz geij bouxlaux daeuj caeuq Daxnungz caemciek,yaek gawj Nungz Cigauh swnj vih boh de,dang bouxdaeuz Gvangjyenz Bouxcuengh.
Daxnungz naeuz:"Cigauh nyaeq lai,rap mbouj ndaej naek ha."
Gyoengq bouxlaux cungj naeuz:Ciuhlaux caemh miz lwgnyez bonjsaeh ak,Cigauh daj iq miz mwngz songyauq,de youh gaenx hag hoj lienh,mboujlwnh vwnzvuj gaeqmaeuz,daih vunz laexmauh,Gvangjyenz miz byawz beij ndaej;caiq gangj banhsaeh naengzlig,gvaqlaeng cix lienh ndaej ok.
Daxnungz roxnyinh miz leix,ndaw sim gag angq.Yienghneix,daihgya gietdingh gvaq sam le couh gaj mou caeq coj,hoh bouxdaeuz moq hwnj nyaemh.
Soengq gyoengq bouxlaux baema le,Daxnungz heuh Cigauh daeuj,cam naeuz:"Gyoengq bouxlaux caemciek gvaq,yaek gawj mwngz dang bouxdaeuz,mwngz yawj yawzyiengh?"
Nungz Cigauh naeuz:"Gyoengq bouxlaux gawj gou,gou naeuz gawj ndaej deng,cij miz gou hab dang."
Daxnungz nyaeuqnyaeuq meizda,mbouj angq naeuz:"Bouxdaeuz Bouxcuengh mbouj miz daih swnj daih,byawz miz bonjsaeh gawj byawz,mwngz ngamq cib lai bi,mbouj ndaej gangj daihvah."
Nungz Cigauh naeuz:"Daxmeh dingq gou yaeng gangj,dang bouxdaeuz ,mbouj dwg yiengjfuk.Daxboh lij youq seiz,de nanz guh vunz mwngz caemh rox.Raeuz giznaix gvi Yunghcouh guenj,hoeng hak Yunghcouh cix mbouj baij bing daeuj bang raeuz,nyaemhyouz Gyauhcij dwk bing daeuj ciemq daeuj gaj,bungz gij saeh neix,dang bouxdaeuz caeiq causim,deng gaj hix gaj bouxdaeuz gonq,danghnaeuz daxboh mbouj dang bouxdaeuz,caemh mbouj deng haih ne.Diegvih bouxdaeuz lumj bakcax,gou mbouj lau,gou couh aeu naengh bakcax!"
Daxnungz naeuz:"Lwg gou dwg lwg ndei ranz Nungz,dang bouxsai couh mbouj lau dai,lau dai guh mbouj baenz daihsaeh!Hoeng,dang bouxdaeuz youh mbouj ndaej seizbienh couh dai,ceiq youqgaenj dwg daiq Bouxcuengh raeuz dingjhoenx Gyauhcij daeuj ciemq,hawj Nungz Veiz Couh Vangz seiq singq Bouxcuengh raeuz ndaej gvaq saedceij anningz.Mwngz miz bonjsaeh lwi?"
Nungz Cigauh naeuz:"Gou seizneix lij caengz miz,hoeng daengzcog itdingh miz!"
Daxnungz cam:"Mwngz daengzcog dajsuenq baenzlawz guh?"
Nungz Cigauh naeuz:"Gaxgonq mbwnrongh couh bae lienh goengfou,baezlaeng gaeq hen it gou couh bae."
"Dan miz goengfou couh dang ndaej bouxdaeuz ha?"
"Gou lij aeu yunghrengz doegsaw,dawz saw doeg sugsug bae,daengzcog bae Ging gauj cinsw,youh dang bouxdaeuz Bouxcuengh,youh dang hak Soengqciuz."
Daxnungz ngaekngaek gyaeuj naeuz:"Mwngz gangj ndaej ndei.Bouxdaeuz Bouxcuengh wngdang dang hak Soengqciuz.Danhseih,mwngz boux vunz dog,bonjsaeh hung gvaq mbwn bae hix bauj mbouj ndaej raeuz Bouxcuengh mbouj deng vunzrog hangz ha!"
Nungz Cigauh naeuz:"Meh!Gou dwg bouxdaeuz,miz gyoengq Bouxcuengh gaen gou,gou dwg hak Soengqciuz,ndaej heuh ciuzdingz baij bing daeuj bang gou,Bouxcuengh baengh miz daih Soengq,Gyauhcij couh mbouj gamj daeuj hangz raeuz lo."
Daxnungz cam:"Cigauh,ngoenzneix mwngz gangj gij vah neix,ndaej mbouj ndaej gawqgawq geiq maenh daengx ciuh ne?"
Nungz Cigauh naeuz"Ndaej!"
Daxnungz heuh Veiz Sifung :"Dawz biensonlwg daeuj hawj gou."
Veiz Sifung dawz fag biensonlwg daeuj,simngeiz cam:"Meh,Cigauh youh guh loek gijmaz la?"
Daxnungz riuriu,dawz fag bien euj raek,caiq ndenq hawj Veiz Sifung,daengq naeuz:"Dawz bae coemh ba,baezlaeng mbouj yungh dem.Cigauh,baezlaeng mwngz ndaw sim aeu miz fag bien he,gag fad cihgeij!"
Nungz Cigauh gvih roengzdaeuj,baiq daxmeh sam baiq,naeuz:"Gou dang bouxdaeuz le,lij muengh daxmeh ciengzseiz son'gyauq.Daxmeh euj bien raek gvaq,cingj soek diuz faexmbaenq he,danghnaeuz gou baezlaengz miz loek,nyienh daxmeh aeu faexmbaenq fad."
Daxnungz lumhlumh mbaq Nungz Cigauh naeuz:"Lwg ha,mwngz miz faenh sim neix couh ndaej lo.Gou yawj mwngz majhung,mwngz yienghyiengh cungj ndei,cix dwg beizheiq gaenj,miz di dasang,daengcog banhsaeh aeu lailai naemj,mbouj ndaej gag gangj gag hengz."
Sam ngoenz gvaq le,ndae coengceiz ranz Nungz feizlab ronghgywg,hoenzyieng noengqnwg,sam ndaek gyaeujmou cuengq youq gwnz daiz,fag giemqraez iengjmig cuengq youq gwnz baengzhoengz.Gyoengqvunz ranz Nungz comz youq caezcup,baiq gvaq cojcoeng le,bouxlaux ceiq geq haenx gingz hwnj fag giemqraez,gvih doiq cojcoeng singsang naeuz:"Cojcoeng youq gwnz,raeuz ranz Nungz ngoenzneix gawj lwglan ranz Nungz Nungz Cigauh guh bouxdaeuz,neix soengq giemqraez fag he,bouxdaeuz gaem giemq roengz lingh,gyoengqvunz itlwd fugcoengz,mbouj ndaej dingjfamh!Bouxdaeuz coux giemq!"
Nungz Cigauh gvih roengz cik ga ndeu,ciep gvaq giemqraez,miz vunz soengq hwnj duz gaeqboux rouj hoengzfwgfwg he caeuq biengx laeujdoj he.Nungz Cigauh dawz gvaq gaeqboux,yaengx giemq faeg gyaeuj,dawz lwed gaeq ndik roengz biengxlaeuj bae,yienzhaeuh raix laeuj ndenq hawj cungqvunz,bouxboux cungj ndoet gaemz ndeu......
作者: hong21131 时间: 2003-10-7 09:05
希望我能尽快读懂!!
辛苦了,敬礼!!
作者: 侬氏春秋 时间: 2003-10-8 21:51
呜呜呜……看不懂啊，后代看不懂祖先的故事，悲哀啊！
作者: hong21131 时间: 2003-10-8 23:13
我仰慕英雄！！
作者: 路漫 时间: 2003-10-15 18:20
seiq.Sim Hoengh Aek Gvangq 四、心晎膉咣
Nungz Cigauh dang bouxdaeuz mbouj nanz,Gyauhcij swnh de caengz naengh ndaej maenh,youh dwk bing daeuj gung Gvangjyenz.Gyauhcij bing lai roemx daeuj,Gvangjyenz Bouxcuengh vunz noix rengz mbang,dingj mbouj gvaq couh deng bing Gyauhcij ciemq haeuj singz Gvangjyenz lo.Bouxcuengh vunz dai doh deih,lwed lae baenz dah,lwgnyez daej,bouxgeq gyangz,mehmbwk swenj,siliengz dangqmaz.
Gyauhcij mbat neix dwk bing,yaek aeu gaemh lix Nungz Cigauh,ep de dawz Gvangjyenzcouh gvi haeuj Gyauhcij,souh Gyauhcij guenj.Hoeng gyoengqde gaemh mbouj dawz Nungz Cigauh,cij coemh ranz de bae.
Nungz Cigauh caeuq Nungz Gencungh buekmingh hoenx gaj,dingj dangj bing Gyauhcij gyaep daeuj,henhoh gyoengqvunz ranz Nungz deuz bae daengz Dangjyouzcouh.
Dangjyouzcouh dwg dieggaeuq ranz Nungz,Nungz Cigauh deuz nanh bae daengz le,gyoengqvunz doengz singq caemh coj,gig gyoh Nungz Cigauh.Yienghneix,ranzranz gien cienz gien haeux,raemj faex guh ranz,hawj Nungz Cigauh hwnj baenz dab ranz hung sang gvangqlangh ndeu.
Daxnungz cungj gienq vunzsug gaej sai cienz sai rengz baenz lai,hoeng ndaw sim saedcaih youh gamjdoengh youh simvuen,caemh muengh caeuq lwg ndaej youq ranz ndei gvaq vunz,ranz bouxdaeuz ma.
Ranz moq guh baenz,Nungz Cigauh, Daxnungz, Veiz Sifung, Nungz Gencungh caeuq gyoengq hoiq, gyoengq gyading caez deuz nanh daeuj haenx caez buen haeujbae youq,caemhcaiq angqhoh mbat ndeu.
Ngoenz he,gyading daeuj lwnh:"Gvangjcouh Vangz sienseng daeuj,"
Daxnungz, Nungz Cigauh gip muengz ok dou bae coux.Cijraen Gvangjcouh cinsw Vangz Swhmi dajcang baenz bouxseng'eiq nei,baihlaeng lij gaen song boux hujgeiq dem.Daxnungz dongx naeuz:"Vangz sienseng!Mwngz miz sam bi mbouj raen daeuj lo,ngoenzneix nanz ndaej mwngz ra daengz gizneix!"Nungz Cigauh naeuz:"Vangz sienseng,senq muengh mwngz ha!"
Vangz Swhmi naeuz:"Gou ndij dah daeuj,youh byaij youh naengh ruz,hamj gvaq geij cien leix,couh aeu daeuj raennaj bouxdaeuz moq caeuq daxsauj."
Daxnungz raemxda fwt roengz byoegbyoeg:"Boh Cigauh gaenq......"
Vangz Swhmi caemh simcieg,ngaekngaek gyaeuj naeuz:"Gou rox lo.Ndwen gonq gou bae Gvangjyenz ra sou,daengz gwnz moh Cenzfuz siu yieng,heuh de youq lajnamh cuengqsim,gou cijaeu miz gaemz heiq he,couh bang bouxdaeuz moq okrengz!"
Nungz Cigauh Cam:"Vangz Veij vih maz mbouj caez daeuj?"
Vangz Swhmi naeuz:"De riengz gou daengz Yunghcouh,couh louz roengzdaeuj yawj hangzcingz,miz bit seng'eiq he yaek guh.Bit seng'eiq neix lij aeu bouxdaeuz moq dawz cawjeiq dang lauxbanj ne."
Nungz Ciagauh cam:"Gijmaz seng'eiq?"
Vangz Swhmi naeuz:"Gvaqlaeng menh yaeng yaeng lwnh mwngz."Gangj daengz neix youh loenghriu naeuz:"Aiya,yaek byonegh ngoenz lo,sou lij mbouj cingh gou haeuj ranz,gou couh gag haeuj lubw!"
Daxnungz riu naeuz:"Sienseng caeuq Cenzfuz baiq guh beixnuengx,Cigauh couh dwg lwg mwngz,daxau haeuj ranz lwg lungzau,lij aeu cingj ha?Douhung haibyaengq,haeujbae vei!"
Gyoengqvunz riuriu gangjgangj yamq gvaq hongh,bae daengz gyangding naengh roengz.Veiz Sifung ndenq caz,daihgya doq gwn caz doq seizbienh gangjgoj.Vangz Swhmi bak raeuz haengj gangj,byaij gvaq deihfueng youh lai,caen dwg raen lai rox lai.De ndaej cinsw goengmingz,hoeng youq Gvangjcouh youqndwi,mbouj miz saeh banh,mbouj ndaej lingx yiengj,cix ndaejhoengq okdaeuj buet seng'eiq,daengz Coj-Yougyangh rangh neix famq gim bae Gvangjcouh gai,haemq laeuq ndaej cienz.Hoeng cix vih roen gyae loh fwz,ciengz deng caeg bok,miz seiz hix deng bing hak ciengj,binjlaiz gig laeuq ndaej cienz,miz seiz dauq loengh ndaej song fwngz byouqbyangq,itloh vaq gwn daengz ranz,sim mbouj gam mbouj fug,youh dauq okdaeuj soemhyiemj.Ginglig lai le,couh yawj ok ciuzdingz fouznaengz.De haengj lwnh ciuzsaeh,geq gij saehgvaiq guenciengz,baez gangj couh mbouj sat mbouj liux,naj hwngq sim byoux.
"Seizneix ciuzdingz nduknaeuh,ciengq siengq fouznaengz,vuengzdaeq hukhak,bouxhak yiengjfuk,beksingq souh hoh souh nanh."Vangz Swhmi youq gyangding doq byaij doq gangj sadsad,"siengj bihaenx,Soengqciuz haiguek vuengzdaeq Cau Gvanghyinj,cij mbouj gvaq dwg boux bing iq ndeu,doeklaeng gaem ndaej binggienz,gaemhanh ciuzsaeh,gangj rumz cix rumz,gangj fwn cix fwn.Seizhaenx vuengzdaeq ngamq caet bi,ok nyouh caengz rox fuengyiengq,rox ndaek roet lawz?Cau Gvanghyinj swngzgei daiq bing ok Ging,couh haihij saj yaemmaeuz,sien heuh nuengx de Cau Gvanghyi youq ndaw gingsingz caux vah yaeuh vunz,naeuz gijmaz 'daengngoenz oqoq,yaek ok vuengzdaeq moq'.Haemhhaenx,Cau GVanghyinj cang guh gijmaz cungj mbouj rox,ninzndaek gyaenfofo.Ngoenzlaeng haetromh,Cau Gvanghyi daiq gyoengqvunz daeuj henz congz Cau Gvanghyinj caezsing hemq:'Vuengzdaeq!Hwnq congz luma?' Cau Gvanghyinj fan ndang hwnq cong,caengz ndaej daenj buh,geu buh vuengzdaeq henjrwg veh miz lungz ndeu gaenq goeb hwnj gwnz ndang de bae.Cau Gvanghyinj lij cang huzduz,cam naeuz:'Sou neix guh gijmaz ha?' Daihgya caez gvih roengzdaeuj,hemq vuengzdaeq fanhbi!Youh dawz Cau Gvanghyinj fuz hwnj max,heuh de bae Ging naengh vuengzvih.Cau Gvanghyinj hat naeuz:'Sou heuh gou dang vuengzdaeq,couh aeu dingq gou gangj,byawz mbouj dingq,gou couh mbouj hekheiq!Dingqvah ndaej ciengj,mbouj dingqvah cix hoenx fad!'Daihgya caez gvih roengzdaeuj caez han naeuz:'Vuengzdaeq yinghmingz!bak nyawh vah gim,caenz geiq maenh ndawsim!'Cau Gvanghyinj coux yienghneix dang hwnj vuengzdaeq lo."
Daxnungz cam lwg:"Cigauh,sienseng fan vah neix,mwngz dingq le miz maz naemj lwi?"
Nungz Cigauh naeuz:"Daxmeh,Vangz sienseng fan vah neix,cijndaej sim rox,mbouj ndei gangj ok bak."
Vangz Swhmi naeuz:"Deng lai lo.Bouxdaeuz iq sim sang aek gvangq,daengzcog itdingh daihdaih mizmuengh.Vahsug ciengz naeuz,raemx byongh moenj cix yiengj,raemx rim biengx cix caem ha!"
"Gaej haenh de lo."Daxnungz senj vah cam naeuz,"Geij bi neix,seng'eiq ndei guh lwi?"
Vangz Swhmi danqheiq raezraez naeuz:"Hai!Guh gim seng'eiq,bonjlaiz ndaej canh daihcienz.Sou gizneix gimsa bienzngeiz,Gvangjcouh baihhaenx miz canghgim dawz gimsa lienh baenz gim,caiq diz baenz soij haedfwngz danegj,gyaqcienz bengz dai vunz hw.Mboujgvaq,seizneix lajmbwn mbouj bingzningz,miz gim hix dawz mbouj okbae,danghnaeuz bungz deng bing Gyauhcij,lienz gim lienz mingh cungj vut dem.Meh seiqgyaiq neix,ngoenz mbouj lumj ngoenz.Sou gizneix engq hoj,Gvangjyenz hawj Gyauhcij ciemq bae,hak Yunghcouh miz byawz dawz haeuj sim?Gingsingz miz byawz dawz hwnj rwz?Vuengzdaeq vih bauj cihgeij,dawz bing cungj comz youq Gingsingz,mbouj leix biengyaiq,hawj lwgminz bienguek souh hoh souh nanh!Daj ciuhlaux daeuj,aen ciuzdingz lawz diegguek deng ciemq cix mbouj swt mbouj w,aen ciuzdingz haenx couh suenq nduknaeuh daengz daej lo."
Nungz Ciaguh naeuz:"Seizneix ciuzdingz mbouj goq raeuz Bouxcuengh,raeuz cijndaej gag goq cihgeij lo.Gou miz gienh saeh he yaek cingj sienseng son'gyauq."
Vangz Swhmi ngaekngaek gyaeuj naeuz:"Cingj gangj ba,"
Nungz Cigauh yawjyawj daxmeh,raen daxmeh ngaek gyaeuj riu le,cix ndwn hwnjdaeuj vix baihnamz naeuz:"Gyauhcij ciengzciengz yaek daeuj ciemq dieg raeuz,raeuz haengjdingh mbouj coengz.Cunghyenz haifat caeux,heuh Lingjnanz guh namzmanz,gangj mbouj dingh beij raeuz Bouxcuengh engq manz,Gyoengqde baengh gijmaz daeuj hangz raeuz?Cin Han gvaqdaeuj,Gyauhcij caeuq raeuz Co-Yougyangh cungj gvi Cunghyenz Dienciuz guenj,daj Gyauhcij laeb guek guh vuengz le,lwgda dinghdingh cim dieg Cuengh raeuz,seiz mbouj seiz daeuj dwk,raeuz aeu laezcim doiq laezcim,caemh naenghvih guh vuengz!Gaxgonq boh gou youq neix laeb gvaq Guek Cangzgiz,gou ngoenzneix hix aeu youq Dangjyouzcouh laeb Guek Dali,naenghvih guh vuengz,caeuq Gyauhcij doxdingj,mbouj hawj Gyauhcij daeuj ciemq Coj-Yougyangh sam cib roek doengh cou.Sienseng naeuz ne?"
Vangz Swhmi bek fwngz haenh naeuz:"Ndei!Yawj ndaej gyae gangj ndaej deng,sim hoengh aek gvangq!Gyauhcij bak dam sim dam,hab aeu gaemzgienz diet saek bak de,heuh de haeb heuj raek,gaet heuj honz!"Vangz Swhmi vix baihbaek cam naeuz:"Mwngz laeb guek guh vuengz le,baenzlawz doiqdaih Cunghyenz Dienciuz?"
Nungz Cigauh naeuz:"Gou couh coh namz guh vuengz,coh baek guh caenz!"
"Cingj gangj ciengzsaeq di."
Nungz Cigauh riuriu,cam:"Sienseng mbouj dwg senq doiq gou gangj gvaq ma,seizneix youh daeuj gauj gou?"
Vangz Swhmi cingqcingq gingging naeuz:"Dangqnaj raeuz cingq yaeng Coj-Yougyangh sam cib roek doengh cou hwngmied daihsaeh,lij cingj mwngz lwnh gienh saeh neix."
Sienseng geiq ndaej lwi,sam bi gonq gou cam gvaq mwngz,raeuz dieg Cuengh baenzlawz cij fat?Mwngz naeuz:Banh hagdangz,sup aeu Cunghyenz vwnzva,hag dajndaem gisuz,hwngvuengh nungzyez,lai caeuq gyangguek doxdoeng doxgyau,ginggvaq geij daih vunz roengzrengz,bienz dieg fwz baenz dieg miz,aeu gaenxhong daeuj gaij hojndoq.Lizhai Cungguek dienciuz,Bouxcuengh couh nanz miz sengloh.Bouxcuengh dwg Dienciuz beksingq,gou dwg bouxdaeuz Bouxcuengh,wngdang coh baek guh caenz,caemh roxnyinh yienghneix guh miznaj dem!"
"Ndei!Ndei! Coh namz guh vuengz,coh baek guh canz,doxbouj doxbang!"Vangz Swhmi doiq Daxnungz haenh naeuz:"Daxsauj!Cigauh dungx gvangq aek langh,cawqcawq vih Bouxcuengh causim,gangjvah mbouj doengz vunz,cingq lumj yiuhrumz mbin bongh hwnj mbwn,baihnaj ronghsag ha!"
Daxnungz riu naeuz:"Ciagauh dauqdaej lij dwg yiuh lwg roeg lwg,fwed caengz geng,lij muengh sienseng lai rex daengz byai bae."
"Wnggai,wnggai!"Vangz Swhmi dinghdingh yawj Nungz Cigauh,"Cigauh,Veh hungzduz aeu miz damjliengh,saedyienh hungzduz cix aeu miz caen goengfou ha!"
Nungz Cigauh cix ngaek gyaeuj dwgdwg,naeuz:"Vah ciuhlaux naeuz,Loh raezraez roen gyaegyae ha,gou yaek hwnjroengz bae gouzra!Seizneix gou naeuz:Gawqyienz gou nyinh cinj byaij diuz sengloh neix,dajdingh aeu gyaeuj aeu lwed bae vuenh hix simgam!"
Daxnungz ndwn hwnjdaeuj,heuh:"Sifung!Dawz laeuj daeuj!"Veiz Sifung dawz laeuj caeuq sam aen vanj,raix rim sam vanj laeuj,Daxnungz, Nungz Cigauh, Vangz Swhmi gag dawz hwnj vanj he,Daxnungz naeuz:"Vih Cigauh haxbaenh gangj coenz vah haenx,ndoet seuq vanj laeuj neix!"De baez gingz vanj,goeggoeg song gaemz ndoet seuq lo.
Nungz Cigauh, Vangz Swhmi doengzseiz gingz vanj,caemh goeggoeggoeg ndoet seuq lo.
Sam boux doxyawj mbat ndeu,doengzseiz dawz vanj gyouq boemz gwnz namh bae,"byala"sing seksak,gyoengqde doengzseiz riuhaha hwnjdaeuj.
作者: 侬氏春秋 时间: 2003-10-19 21:03
我在努力地阅读用壮文谱写的《侬智高》，每次能够拼读出来几个词或整句话，我都是欣喜若狂。如果能够让我学会壮文，来了解整部小说所描述的我的祖先的伟大事迹，夫复何求？
作者: 路漫 时间: 2003-10-23 11:29
haj. Duzyiuh Soengq Geiz 吓、读鹞送旗
Seizcin samnyied,Nungz Cigauh caen fwngz sij geij cib fung saenq,heuh vunz soengq bae hawj gak bouxdaeuz ranz Nungz youq rangh Co-Yougyangh haenx,duenq naeuz gak fueng ranz Nungz youq ngoenz cingmingz comz daeuj Dangjyouzcouh,sauqmoh daxcoj Nungz Vaizgungh,caemh miz daihsaeh yaek yaeng.
Nungz Cigauh yaek youq naj moh cojcoeng yienj cit heiq ging dien doengh deih he.Cit heiq neix youq naj daiz cijveih dwg Vangz Swhmi,youq laeng daiz suenqveh dwg Daxnungz.
Moh Nungz Vaizgungh youq gwnz Ndoicinghlungz,goengdeihleix naeuz,moh cangq youq lungzcaw,dwg diegndei,Vangz Swhmi gig roxsim Bouxcuengh,de yaek dawz aen moh daxcoj ranz Nungz daeuj guh bien "faencieng" he,bien "faenzcieng"neix beij de bihaenx hwnj Ging gauj ndaej cinsw,sij ndaej lij aeu cinglingz dem.
Cingmingz gonq sam ngoenz,gak fueng bouxdaeuz ranz Nungz couh daiq vunz baenzgyoengq baenzgyoengq daeuj lo,ram mou yien yiengz,gwed haeux rap laeuj,comz daengz laj Ndoicinghlungz,raemj faex vuet haz,dap diengz caep cauq,nda rek cawj ngaiz.Rim lueg hoenzfeiz mbin foedfoed,gangjvah gokhuhu.Caemh singq dwg beixnuengx,raennaj bouxboux caen,baiz ban lwnh ciuh,baiq banboh,nyinh beixnuengx,gyoengqvunz singq Nungz cungj gap guh ranz ndeu lo.Biengj fa biengx,raix vanj hung,gen lamx gen ndoet laeuj,laeuj roengz dungx,vah ok bak,nauhnyied dangqmaz.Nungz Cigauh caeb daeuzgaen sangsu,gaeb buhbuengz raizguk,cug giz cug diengz byaij gvaqbae,baiqraen gak dieg bouxdaeuz;baez daengz giz he,sien ndoet song vanj laeuj,laeuj ndaej vuengh cingsaenz,naeuz:"Gak boh'au beixnuengx,raeuz caemh gwn raemx diuz dah ndeu,caemh youq dieg benq namh ndeu,doengz daxcoj singq Nungz ndeu,caemh singq caemh lwed caemh noh ha.Raeuz gizneix liz Gingsingz gyae,liz Gyauhcij gyawj,ciuzdingz mbouj goq raeuz,Gyauhcij cix ciengzseiz daeuj hangz raeuz.Doiq neix,byawz mbouj haemz,byawz nyaenx ndaej?Raeuz ranz Nungz aeu got baenz ndaek,caiq lienzhab ranz Veiz.ranz Vangz,ranz Couh daengj gak singq Bouxcuengh,doxgiet maenhndaet,caez doiqfouq Gyauhcij,bauj raeuz anningz,gak vih naeuz ndei mbouj ndei?"
Bouxdaeuz gangj ndaej gig deng!"
Gyauhcij daeuj ciemq,beij guk lij rwix,haih raeuz hung hw!"
Gak lueg gak doengh gien cienz comz haeux lienh bing,bingzseiz ndaem nazreih,Gyauhcij baez daeuj,boq hauh caez daeuj bok vunzdig!"
"Gyauhcij dwg aen guek he,raeuz Bouxcuengh vih maz mbouj gawj geiz hix laeb guek laeb vuengz ne?"
Nungz Cigauh gingz hwnj vanj laeuj daihsam,doiq daihgya yaengx mbat he,naeuz:"Gyoengq boh'au beixnuengx,Bouxcuengh mbouj lau dai,cungqvunz rongx sing he,saenq ndaej bya lak,daihgya caezsim le,gijmaz cungj guh ndaej daengz!Daeuj,ndoet seuq vanj laeuj neix!"
Gyoengqvunz gingz hwnj vanj laeuj rimrwd,bungq vanj yiengj dingdang,goedgoedgoed ndoet laeuj seuqsat lo.
Nungz Cigauh vadvad fwngz,youh byaij bae lingh giz,doq gwn laeuj doq gujdung gyoengqvunz.De gwn laeuj mbouj rox fiz,yied gwn sim yied vuengh,yied gwn gangjvah yied gok.
Nungz Cigauh byaij daengz dinndoi diegbingz,gyeongqvunz rengzrwd ranz Nungz haenx hop baenz gien ndeu,doxlwnz hwnjbae yienj goengfou.Miz cax,miz nangx,miz giemq,miz ca,miz gungnaq,gak cungj gak yiengh.Loengh goengfou caemh dwg gak yienj saenzdoeng,mwngz ak gou giengz,gung souj gak miz bonjsaeh,yawj daengz cingcaij,daengxcungq bek fwngz hemq ndei.
Nungz Cigauh ndwn youq baihlaeng yawj yaep he,song fwngz cix humznyubnyub,raen vunz loengh sat roengzdaeuj le,de couh mbat fan dingjdaeuj,daj gwnz dingjgyaeuj gyoengqvunz yat bongh gvaqbae,lumj daj gwnzmbwn doek roengzdaeuj nei ndwn youq cungqgyang gyoengqvunz,daihgya raen le bouxboux boiqfug.Nungz Cigauh yiengq gyoengqvunz hengzlaex le,sien loengh loh namzgienz he soengsoeng ndang,yienzhaeuh daj ndaw fwngz Nungz Gencungh ciep dawz fag cax gaenqdiet,loengh hwnj cax daeuj yiengj fwd yiengj fwd,bag gvaqbae rengzrwdrwd,sou cax ma maenhndaetndaet,vuet raemj vengh bag,yied loengh yied riengj,cijraen ngaeuz cax mbouj raen vunz,lij dingqnyi raqraq rumz yiengjhuhu.Daengxcungq hemq ndei,sing bek fwngz hap doh rungh.Seizneix,Nungz Gencungh yien maxnding haeujdaeuj,Nungz Cigauh baez yat hwnj max,aeu ganj cax mbat bek caekhaex duzmax,maxnding sae sing ndeu,yaengx dinnaj ndwn hwnjdaeuj,fwt bongh okbae lo.Maxnding bongh gvaq gorenh ganj hung lumj goekga he,Nungz Ciaguh yaengx cax mbat vuet,gorenh caezcupcup lak roengz namh,gyoengqvunz caez haenh mbouj dingz bak.Gorenh lak roengzdaeuj ging hwnj song duz roegfek,Nungz Cigauh bek max gyaep bae,daj baihlaeng dawz gung yot naq,beng gung hemq sing "gip roeg",naq ndeu nyingz bae,song duz roegfek cakbapbap doek roengz gwnz deig.Geij daeg hauxseng buet bae gip roeg,duz he lij lix,hoeng fwed gaenq raek lo.
Cungqvunz hemq goksat goksa,Nungz Cigauh roengz max le,daihgya doxciengj buet bae ram de hwnjdaeuj,angq buet doh baq.
Doeklaeng,daihgya humx Nungz Cigauh hwnjdaeuj,faenfaen iugouz laebguh vujsuzgvanj ranz Nungz,lienh goengfou,lienh hoenxciengq.Nungz Ciaguh naeuz:"Ndei!Gou hix baenzneix naemj.daengx couh laeb vujsuzcungjgvanj,youz Nungz Gencungh guh gvanjcangj,de vamingz heuh Nungz daihfouj,goengfou gig sug.Gak giz baij sam haj boux daeuj cungjgvanj hag goengfou.Baema le couh laeb guh fwnhgvanj,doenghcangj dang gvanjcangj.Daengz yungh bing hoenxciengq seiz,gak giz couh miz ci bing ak he,gizgiz cungj miz bing ak,gizgiz couh miz ciengq ak!"
Dangciengz couh miz haujlai vunz simgaep,sikhaek yiengq Nungz Gencungh bauqmingz,yaek daeuj cungjgvanj hag goengfou.Nungz Gencungh riuhoho naeuz:"Bouxdaeuz heuh gou dang gvanjcangj,gou nyienh dang dingh lo,hoeng,lijcaengz ra ndaej ranz guh cungjgvanj ne,baenzlawz sou lwgsae ha?"
Nungz Cigauh naeuz:"Sien sou lwgsae,caiq ra dieg.miz baenzlai vunz ndatsim daeuj hag goengfou,lij lauheiq mbouj miz ranz ma?"
Nungz Gencungh naeuz:"Hix ndei!Daihgya cug boux bauq daeuj,gou cug boux geiq roengzdaeuj,gaej hawj laeuh bae."
Sikhaek miz haujlai vunz bauqmingz lo.
Daengz ngoenz cingmingz,gak giz bouxdaeuz daiqlingx,gyiengqvunz ram gyaeujmou,haeuxnaengj,biengxlaeuj,baij rim naj moh daxcoj ranz Nungz,lij dap aen daizlungz lumj daizheiq he dem.Vangz swhmi ndwn youq henz daiz,fwngz vix Ndoicinghlungz,daih gangj fungsij lungzmeg,daih haenh mohcoj ranz Nungz cangq deng lungzcaw,itdingh naengz bauj lwglan ranz Nungz cien nienz fanh daih hwngvuengh fatdad.Lwglan ndawde miz vunz dang vuengzdaeq guh vuengzhaeuh,naengz heuh rumz hemq fwn,dwg duzlungz gaemguenj lajmbwn ndeu!Seizneix aen faenzsan neix cingq yaek vuenghfat,ranz Nungz cingq yaek guh ok daihsaeh,lwglan ranz Nungz cingq ok bouxak vunzhung!
Vangz Swhmi duenh vah gig habhoz sim vunz,gig gujvuj sim vunz.Gyoengq vunz daeuj sauq moh haenx,cij miz de mbouj singq Nungz,gij vah de engq ndaej vunz ranz Nungz saenq,hix engq gingq de.daihgya hawj de gingq caz gingq ien,haenh de yawj ndaej ok faenzsan,yawj ndaej ok lungzmeg,caen dwg saenzsien ndawbiengz.
Caeq coj seiz,cit bauqdiet cib ngeih yiengj,sing bauq saenq mbwn doengh namh.Riengzlaeng,cang yieng,baiq coj,caem laeuj,coemh ceijcienz,rwed gvaq sam vanj laeuj,couh suenq caeq sat lo.
Caeq gvaq le,gyoengqvunz soh naengh gwnz dieg rum,ronq noh caem laeuj couh gwn hwnjdaeuj goenjdat lo.Vunz naengh rim baq,sing rwenz doh lueg,bouxboux lauz wenq bak,laeuj dumz aek,gwnngoebngoeb simlangh dangqmaz.Cingq youq seizneix,daj gwnz dingj Ndoicinghlungz bongh hwnj duzyiuh he,laj nyauj vax mbaw geiz henjrwg ndeu,rum ci mbaw geiz mbinfangfang,mbin daengz dingj mbwn gyoengqvunz,song fwed baez gvax,mbaw geiz henj haenx mbinfefe menhmenh doek roengz gyang vunzlai bae.Gyoengqvunz youh ging youh anj,cuengq roengz vanj laeuj,lwgda dinghdingh yawj mbaw geiz henj haenx,caemrwgrwg mbouj guhsing.
Neix dwg duzyiuh gwnzmbwn soengq geiz daeuj ha,dwg hux roxnaeuz dwg fuk ne,byawz gamj luenh gangj luenh doengh ha!
Nungz Ciaguh ndaw sim miz daej,de cuengq roengz vanj laeuj,yamq hung byaij coh geiz henj,cang gaem yieng he,doiq lab he,gvih roengzdaeuj yiengq geizhenj baiq sam baiq,cix dawz geiz hwnjdaeuj,mbe hai daeuj yawj,cijraen gwnz geiz siuq miz song cih saw hung
AIHLIG.
Dangyienz,Nungz Cigauh rox song cih saw neix couh dwg Veiz Sifung siuq baenz,aeu duzyiuh soengq geiz cix dwg Daxnungz guh cawjeiq nda'nduengq ok geiqmaeuz.
Nungz Ciaguh yamq hwnj gwnz daiz lungz,dawz geiz mbe hawj daihgya yawj,sing sang naeuz:"Gyoengq boh'au beixnuengx!Daihgya cungj raen la,yiuhsaenz soengq geiz daeuj,heuh raeuz laeb DAIHLIGGUEK!Gwnzmbwn miz eiq,cojcoeng baujyouh,ranz Nungz itdingh hwngvuengh fatdad!"
"Daihligguek!Daihligguek!"
"Nungz Ciaguh!Nungz Cigauh!"
Nungz Cigauh ndwn youq gwnz daiz lungz,yiengq daihgya vangh mbaw geiz henj,gyoengqvunz hemhuhu,lumj rwi nei buet coh de,humx ndaet aen daiz lungz.Aen daiz lungz neix aeu cukgim dap baenz,dap ndaej maenhndwt gaenjrwd,gyiengqvunz sim'angq rengz vuengh,baez hat couh ram aen daiz lungz hwnjdaeuj,Nungz Cigauh capmax youq gwnz daiz,ging mbaw geiz henj sangsang bae,daihgya ram de youz gvaq mbanj gvaq lueg,vunzlai riengzlaeng hemq goksa:"Daihligguek!Daihligguek!"Doeklaeng youh hemq naeuz:"Guekvuengz,Nungz Cigauh!Guekvuengz,Nungz Cigauh!"
Dang daihgya ram Nungz Cigauh haeuj couhfuj seiz,gyoengqvunz riengzlaeng haenx gaenq mboujdan dwg vunz ranz Nungz lo.De ndaw fwngz mbaw geiz henj haenx ,gaenq nyoengx hwnj gij maqmuengh daengxcungq Bouxcuengh laeb guek bauj ranz haenx lo.Bouxcuengh ciuhciuh daihdaih youq benq dieg neix,vih henhah de,byawz cungj nyienh okrengz,couhcinj vutmingh caemh simgam.
作者: hyxingmy 时间: 2003-10-24 22:09
我是不会去看<歌王>的,我最反感这类场子:就是汉族人到了哪里哪里地方,做了一个名垂青史的贡献,然后那地方有人跪在地上表示感恩.整个救世祖样子,这是哪门子的普?!!
作者: 路漫 时间: 2003-11-4 22:09
roek. Vuengzhaeuh Najraiz 坴、皇后那唻
Nungz Cigauh laeb hwnj Daihligguek,dawz ranz bouxdaeuz bienqbaenz vuengzgung,laeb vwnzvuj song ban bouxcaenz,hawj gak couh gak doengh bouxdaeuz fung dieg fung guen.Youh baij Nungz Gencungh,Nungz Genhouz dawz causuh Daihligguek,cug giz bae gangj fug gyoengq bouxdaeuz ranz Veiz,ranz Couh,ranz Vangz,dawz gyoengq Bouxcuengh rangh Coj-Yougyangh neix lienzhab hwnjdaeuj,doxbang doxbaengh caez doiqfouq Gyauhcij.De simhoengz hwdhwd,dajsuenq gaemguenj daengx benq dieg Cuengh.Daxmeh de Daxnungz hawj de ok cawjeiq:Aeu giet caengya baiq beixnuengx guh soujduenh,gietgyau doenghgij bouxdaeuz miz seiqlig haenx, dem hung seiqlig cihgeij.
"Lwg ha!Mwngz daj iq beizsingq gyangq,gijmaz cungj siengj hingz gvaq vunz,gij neix ndei mbouj ndei ne?Hix ndei hix mbouj ndei."Daxnungz ciengzseiz baenzneix daengq Cigauh,"gangj ndei ba,bouxsai aeu guh ok gienh daihsaeh he,mbouj ceng hingz ceng giengz,couh guh mbouj baenz saeh,vunz daiq ceng ak,ndaengndiengq dasang,couh gap mbouj ndaej vunz,couh noix vunz riengz mwngz bang mwngz.Seizneix mwngz boux guekvuengz he,gaej laihnaeuz gijmaz cungj sang gvaq vunz,byawz cungj mbouj beij mwngz.Mwngz rox yienghneix naemj le,cijndaej roemx baenaj."
"Daxmeh,gou geiq maenh coenz vah mwngz lo."
"Couh lau mwngz guh saeh seiz,mwngz youh lumz bae."
"Mbouj ne."Nungz Cigauh han ndaej sangjsak.
Daxnungz riuriu,youh naeuz:"Lwg ha!Daxmeh caeuq mwngz yaeng gienh saeh youqgaenj ndeu!"
"Daxmeh cingj gangj."
Dangjyouzcouh seiqhenz gak couh doengh,mwngz naeuz byawz seiqlig ceiq hung?"
Nungz Cigauh naemjnaemj le,naeuz:"Baihbaek ranz Veiz bouxdaeuz Veiz Lauxhoengz,boux vunz neix miz bonjsaeh,vunz youh lai,seiqlig hung!"
Daxnungz riunyumj naeuz:"Veiz Lauxhoengz miz dahlwg dog he heuh Veiz Meijsenh,goengfou de gig ak bw."
Nungz Cigauh naeuz:"Goengfou de ak dwg caen,cijdwg vunz seng ndaej yakyawj,vamingz heuh Gukbeuqmeh,couh vih de najraiz."
"Lwg ha!Daxmeh siengj hawj mwngz cam aeu de."
"Hai!"Nungz Cigauh meizda nyaeuq lo,"gou dwg guekvuengz,aeu yah najraiz,mbouj hawj vunz riu heuj loenq ha!"
"Mwngz naemj ndaej daiq feuh,aeu yah cij yawj naj!Mwngz dwg guekvuengz Daihligguek,gamj aeu yah najraiz,gangj mbouj dingh lij ndaej vunz haenh ne."Daxnungz gienq Cigauh naeuz,"mwngz aeu dahlwg Veiz Lauxhoengz,Veiz Lauxhoengz couh laemxsim riengz mwngz,dawz benq dieg ranz Veiz gvi gvaqdaeuj;Veiz Meijsenh goengfou ak,daengcog lij ndaej bangrengz mwngz,vih mwngz daj gyanghsanh!Lwgmbwk lengj mbouj itdingh miz bonjsaeh,lwgmbwk mbouj ndeiyawj dauq ciengzciengz gig miz bonjsaeh!Vahsug gangj,vunz najraiz gveijmaj,Veiz Meijsenh dwg gig coengmingz ne."
Nungz Cigauh naemj,daxmeh gangj miz dauhleix,cix dwg Veiz Meijsenh najraiz rwdrwd,baenz ranz couh rox nywnx,aeu de daeuj guh yah,mbouj dwg haida gwn raemxhomq ha?
"Beizsingq gyangq mwngz youh guh gvaiq lo!"Daxnungz raen Nungz Cigauh mbouj guhsing,youh naeuz:"Doenghbaez Hanz Sin mbouj lau vunz riu,rwenz gvaq lajga vunz,doeklaeng de guh ndaej gig heongh,Hanqciuz dienyah bonjlaiz wng gvi de,cij aenvih de loek gvaq seizgei,hawj Liuz Bangh gwngungq de,dawz de haih lo.Bouxsai youq lajmbwn guh saeh naengz enj naengz goz,enj seiz bek aek bapbap,dingj dien laeb deih;goz seiz mbouj sing mbouj swt,caih vunz bae gangj.Mwngz lienz aeu yah najraiz cungj lau vunz riu,lij guh ndaej gijmaz daihsaeh?"
Nungz Cigauh baez nyaenj gaemzgienz,naeuz:"Daxmeh!Gou dingq mwngz gangj,aeu Veiz Meijsenh guh yahlaux!"
Daxnungz riu lo:"Neix couh deng lo!Mwngz dwg guekvuengz,aeu Veiz Meijsenh le,mwngz lij ndaej aeu geij yah,cib geij yah,lau mbouj miz yah lengj daeuj fugsaeh mwngz ha!"
Nungz Cigauh naeuz:"Gou aeu yahngeih seiz,hix mbouj dan yawj vunz lengj,lij aeu yawj de doiq gou guh daihsaeh miz mbouj miz yungh."
Daxnungz gig angq,naeuz:"Lwg gou!mwngz naengz baenzneix naemj,baenzneix guh,itdingh beij daxboh mwngz giengz cib boix!"
Mbouj geij ngoenz,ranz Nungz bwh ndei daihlaex,baij bouxmoiz bae ranz Veiz camcaen.Veiz Lauxhoengz daengx cungj angqbupbup bae,sikhaek han lo,lij naeuz banh hoengzsaeh seiz mbouj yungh ranz Nungz ok saek di ngaenz,cienz youz ranz Veiz ok.Yienghneix dingh roengz saedceij,bouxmoiz couh dawz batcih ma lo.
Aeubawx ngoenz haenx,daengx Dangjyouzcouh diep hoengz venj daeng,nauhyied dangqmaz.Ranz Veiz banh ndaej hix gig baizciengz,ram giuhva couh baij bet boux.Miz vunz daezsingj naeuz,cij miz couguen ndaej yungh bet vunz ram giuh bw,Veiz Lauxhoengz riuhaha naeuz:"Neix lij vi dahlwg gou ne,lwggwiz gou dwg guekvuengz,dahlwg gou couh dwg vuengzhaeuh,mbouj beij couguen hung ha?"
Seizneix,Veiz Meijsenh najhai simsangj,yajdaeuz bang de cangndang dazfaenj,dauq hix yawj ndaej haeujda,gya hwnj ga sang ndang reux,daj gyae yawj caemh haemq maez vunz.
Giuh ram daengz byongh loh,Veiz Meijsenh fwt naemj ok gujgvaiq,biengj liemz giuh hemq:"Cigauh,gou mbouj ngah naengh giuh!"
Nungz Cigauh laeg max cam:"Bawxmoq naengh giuh,neix dwg gvigawj,mwngz mbouj naengh,ndaej ha?"
Veiz Meijsenh naeuz:"guekvuengz gangjvah couh dwg gvigawj,mwngz gangj ndaej couh ndaej."
Nungz Cigauh naemjnaemj miz dauhleix,baez vad fwngz:"Hwnj max!"
Veiz Meijsenh angqfwngfwng yamq ok giuh,yat hwnj max,got dawz hwet Nungz Cigauh ndaetndaet bae.Nungz Cigauh riu naeuz:"Mwngz caeuq gou ityiengh,cungj mbouj maij gvigawj gaeuq."
Veiz Meijsenh naeuz:"Mbouj souj gvigawj gaeuq cij guh ndaej bae ne!"
Nungz Cigauh naeuz:"Bawxmoq mbouj naengh giuh,cix caeuq gwiz gwih max,neix dwg mingh dingh,mwngz dajsuenq riengz gou youq gwnz max gvaq sat ciuh neix ba?"
Veiz Meijsenh naeuz:"Gou nyienh riengz mwngz hwnj mbwn roengz haij,seng vih mwngz seng,dai vih mwngz dai!Cigauh,daengzcog mwngz caiq aeu geijlai boux yah,ou cungj mbouj haeujrwz,gou ndaej guh yahlaux mwngz,couh rimhoz lo.Gou rox ndeindei bauqdap mwngz,daengz gou dai le,mwngz couh rox gou beij mehmbwk lawz cungj ndei!"
Nungz Cigauh ndaw sim gig gikdoengh,hemq sing he "got maenh gou",yaengx bien baez fad max,max nding sae"riri",buet bae yiedyied.
Veiz Meijsenh daeuj ranz Nungz le,couh caeuq Veiz Sifung nyinh cejnuengx,Meijsenh beix Sifung bi ndeu,couh dang cej.Gvaqlaeng,Veiz Meijsenh daj ranz Veiz daiq daeuj bak dahsau,Veiz Sifung youq Dangjyouzcouh hix genj aeu bak dahsau he,haibanh mehmbwk vujsuzgvanj,cwng guh song bak mehmbwk yinghyungz.Geij bi gvaq le,Veiz Meijsenh caeuq Veiz Sifung couh daiqlingx ci bing mehmbwk neix,riengz Nungz Cigauh buet bongh hoenxciengq,goenglauz gig sang,ndaej daengz vunz lajmbwn haenh,neix dwg vahlaeng,sien mbouj gangj baenz lai.
作者: Lajmbwn 时间: 2003-11-5 13:39
路漫老师辛苦了，您的大作《侬智高》非常有趣。我有一个意见，侬智高的那个年代是不可能有新借词读音的，所以人名地名最好不要用新借词读音，而改用老借词，不知道您怎么看。
作者: 路漫 时间: 2003-11-6 10:35
谢谢！我的母语（上林壮语方言）就是全用老借词的，用新借词反被人耻笑。可是，①这是发表过的作品，在正式刊物上应该遵从壮文的规范化，否则是通不过审稿关的；②如今在这里贴出来，要改似乎失去原作的面貌，似乎不当；③另外，老借词有没有“市场”，我似乎感觉到如今绝大部分讲壮话的人已不喜欢接受老借词了（除了上林等个别地方）。您说呢？
作者: Lajmbwn 时间: 2003-11-6 13:33
谢谢路漫老师的回答。我的看法是，老借词和新借词，并不一定要成为相互抵触的东西，同样存在于壮语口语当中，何必要你死我活呢？新借词系统可以大量应用在现代壮语里，但是，老借词系统与各地壮语语音分合规律统一的优势，是新借词系统读音无法比拟的，是一个很好的词汇遗产。所以，我觉得应该提倡新老借音系统共同规范和繁荣。还有更重要的一点，正如现代汉语里也借入了很多外来词，但是历史小说里不可能出现这些外来词一样，壮文的历史小说里出现现代壮语里才出现的新借词，是很别扭的。历史小说里，就应该尊重事实，用老借词来标出汉字的人名地名。
作者: 路漫 时间: 2003-11-7 10:36
支持你的看法。但对《侬智高》这部过去时壮文小说，只能是一种艺术遗憾了。如果尚有机会再创作历史小说，一定考虑这一建议。
作者: Lajmbwn 时间: 2003-11-7 10:54
谢谢路漫老师，期待您的新作品问世。
作者: Lwgyungh 时间: 2003-11-12 11:13
路漫老师编辑壮文版《三月三》多年，且笔耕不辍，壮文作品颇丰。各位贝侬如能多翻阅以前的壮文版《三月三》和《广西民族报》，将会更多地欣赏到他老人家的各种体裁的壮文作品。
作者: 007 时间: 2003-11-13 11:32
真是高兴至极，我们现在缺少的正是这样一些能呼唤民族凝聚力再生的精神巨作。向两位老师致敬！
作者: 路漫 时间: 2003-11-21 11:07
caet. Ram Guencaiz Okbing 七、抩棺材遌兵
Nungz Cigauh youq geij bi ndawde,ca mbouj lai bibi aeuyah,baeznaengz banh heijsaeh,cungj youz Veiz Meijsenh oknaj guhcawj.Yienghneix,de aeu ndaej haj boux vuengzhaeuh caeuq vuengzfeih:Veiz Meijsenh ,yah ranz Vangz ,yah ranz Couh ,yah ranz Cinz caeuq yah ranz Mungz.Veiz Vangz Couh Cinz Mungz cungj dwg lwgmbwk Bouxcuengh bouxdaeuz,de ciqyungh giet caengya,hai gvangq deihbuenz,cungsaed caizlig,gyagiengz binglig,itseiz mingzsingriuz gyae,vifung saenqdoengh Co-Yougyangh.De youh youz byaij gag dieg,gietbaiq beixnuengx,gouzra seiqfueng betbaih daeuj bangcoh de.Gak giz yinghyungz hauzgez,faenfaen daeuj coh de.Meh de Daxnungz caemh yawj ndaej gyae yawj ndaej gvangq,daj Nungz Cenzfuz deng haih le,couh gaijhaq hawj Dwzmozdau Bouxcuengh bouxdaeuz Nungz Yagingh,youq ndwen lai le youh swnh loh coh baihsae bae,hawj Dalij guekvuengz soengq faenh laexnaek he,nyinh guh caencik doxgeiq,duenq naeuz miz nanh doengz dang,miz fuk caez yiengj,song mbiengj doxbang,caez bauj bien'gyaiq lwgminz anningz.
Nungz Gencungh aen vujsuzgvanj haenx yied banh yied hung,vunz daeuj hag goengfou yied ngoenz yied lai,cawz ranz Nungz le,ranz Veiz ranz Couh ranz Vangz ranz Cinz ranz Mungz gak Bouxcuengh daihsingq cungj baij vunz daeuj.Nungz Cigauh swnh mieng yinx raemx,youq Dangjyouzcouh laeb aen ciengz lienhbing hung ndeu.De caenndang hwnj daiz,vad geiz baiz caenh,son goengfou,gyauq hoenxciengq,gung ndaej haeuj re ndaej maenh,bing rengz ciengq ak,cwng guh byauhbaizginh.
Daihligguek cingq youq ciubing cawxmax,Nungz Cigauh gyagaenj lienh bing,sikhaek cienz daengz Gyaujcij,guekvueng Lij Dwzcwng gwn mbouj van ninz mbouj onj,gipmuengz baij lwggwiz de Swnh Cwngzgvei daiq bing bae gung Daihligguek.Bing Gyauhcij roemx haeuj bien'gyaiq,itloh coemh ranz gaj vunz ciengj doxgaiq,Bouxcuengh bienminz faenfaen deuznanh,caenx haeuj dou singz Dangjyouzcouh.
Ndaw gungdienh Daihligguek,gyoengq guenhak vwnzvuj simgaenj dangqmaz,hoeng cix mbouj raen Nungz Cigauh oknaj siengliengz doiqdig.Seizneix,Nungz Cigauh dauq gig simsoeng,cingq youq ndaw rug caeuq Veiz Meijsenh dwk geiz.Daxnungz caeuq Nungz Gencungh caemh youq henzrik yawj.Cig daengz miz vunz daeuj bauq naeuz,bing Gyauhcij gaenq daengz lajsingz,de cij hwnj ndang,daengq Veiz Meijsenh caeuq Nungz Gencungh naeuz:"Ciuq geiq bae guh,mbouj ndaej nguhsaeh."Yienzhaeuh,de gvih youq baihnaj Daxnungz,baiq naeuz:"Meh!Baezneix lwg bae,gangj mbouj dingh ndaej caiq dauq raen mwngz bouxlaux,danghnaeuz gou deng dwk guencaiz dauqma,daihsaeh couh cienz baengh mwngz lo."
Daxnungz lae raemxda naeuz:"Lwg ha!Mwngz mbeihung naengzganq,banjsaeh aeu lingzsingj di,ceng aeu vaq yak baenz ndei.Doengzbaez Cuhgoz Lieng boux dog bae Dunghvuz,bakraeh buek gyoengq hak,seizneix lij ndaej vunz haenh ne.Danghnaeuz Gyauhcij mbouj gangj dauhleix,raeuz Daihligguek couh hoenx daengz gingsingz de bae,caeuq gyoengqde buek ciengz dai lix ndeu!Ranz Nungz raeuz gaj mbouj cied,Bouxcuengh raeuz mied mbouj raeg!"
Nungz Cigauh daenh hwnj buhlungz,Veiz Meijsenh daenj hwnj buhnding,songde mbouj dawz cax mbouj dawz nangx,song fwngz byouqbyangq byaij ok gungdienh,gwih hwnj song duz maxdaemq,fad max byaij baenaj lo.Riengzlaeng songde dwg bet boux vunz cangqcwt ram fouq guencaiz he,Vangz Couh Cinz Mungz seiq meh yah Nungz Cigauh daenj buhhauq gaen youq baihlaeng.Nungz Gencungh daiq vujsuzgvanj cien lai boux vujsw,fwngz gaem gak cungj binghgi,soengq Nungz Cigauh ok singz.Gyoengqde bae daengz henz dah,youq gyaeuj giuz deq bing Gyauhcij.
Mbouj geij nanz,daihdoih bing Gyauhcij guengzliklik roemx daeuj lo,dangdaeuz couh dwg lwggwiz guekvuengz Gyauhcij Swnh Cwngzgvei.Ndaek vunz neix daemqdedded,gwih youq gwnz max sang haenx lumj lwg mauhnyinz naep youq gwnz ciengz nei.Swnh Cwngzgvei daeuj daengz gyaeuj giuz baihnamz,yawjraen gyaeuj giuz baihhaenx Nungz Cigauh song gvanbaz gwih duzmax daemqdet,riengzlaeng dwg bet vunz ram guencaiz,ndawsim youh ngeiz youh geizheih,mbouj rox Nungz Cigauh yaek gauj gijmaz mingzdangz.
Nungz Cigauh caeuq Veiz Meijsenh fad max byaij hwnj giuz bae,daengz gyang giuz cix hat naeuz:"Sou bouxlawz guh daeuz,vaiq okdaeuj gangjvah!"
Swnh Cwngzgvei aeu geij ndaek bing henhah,byaij hwnj giuz daeuj,dasang dwk aeu bienmax vix cam:"Mwngz dwg byawz?Gamj dangj fumaj byaij loh?"
Nungz Cigauh riu naeuz:"Dingq gangj Swnh fumaj nyib buh beij vunz noix yungh dingz baengz he,caen dahraix ho.Gou dwg Nungz Cigauh!mwngz daiq baenzlai bing daeuj,dwg siengj gaeb gou bae raen bohda mwngz ba?Mwngz yawj,gou song fwngz byouqbyangq,youq neix caj mwngz daiq bae ne!"
Swnh Cwngzgvei ndawsim baez anj,Gyauhcij ginhgih daihsaeh,baenzlawz hawj Nungz Cigauh rox la?Baezneix okbing,guekvuengz Lij Dwzcwng saedsaeh daengq gvaq Swnj Cwngzgvei,cijaeu gaemh dawz Nungz Cigauh,sikhaek banbing dauqma,gaemh mbouj ndaej Nungz Cigauh,hix aeu gaemh dawz Daxnungz,mboujne couh aeu ginhfaz cawqceq,aeu gyaeuj daeuj gyaucai.
Swnh Cwngzgvei siengj mbouj daengz Nungz Cigauh sien youq neix deq de.De nyeux gyaeuj cam henz ndang bouxdamq he naeuz:"Boux neix dwg mbouj dwg Nungz Cigauh?"
Bouxdamq sijsaeq yawj le naeuz:"Daihciengq!De couh dwg Nungz Cigauh."
Swnh Cwngzgvei doiq Nungz Cigauh naeuz:"Mwngz gawqyienz dwg Nungz Cigauh,raen bonj fumaj,lij mbouj vaiq di roengz max gvih raen!"
Nungz Cigauh riunyumj naeuz:"Mwngz yawz baenzneix mbouj roxlaex?Gou caeuq bohda mwngz bingz hwnj bingz naengh,cungj dwg guekvuengz,mwngz raen gou wnggai roengz max baiqraen cij dwg,baenzlawz dauqdingq gvaqdaeuj heuh gou gvih mwngz?Gou Nungz Cigauh gahoq sohswd,coengzlaiz mbouj goz!mwngz danghnaeuz mbouj fugheiq,couh langh max gvaqdaeuj,gou caeuq mwngz it doiq it youq gwnz giuz beijfoux,gou cij ok sam ciu,couh vut mwngz roengz max daeuj!"
Swnh Cwngzgvei daih huj,coh Yenj Vwnzyez baez vad fwngz:"Hawj gou gaemh dawz Nungz Cigauh!"
Yenj Vwnzyez yaengx cax fad max cung yiengq Nungz Cigauh,Nungz Cigauh hix fad maxdaemq cung gvaqdaeuj,gyaeuj maxdaemq fwt daemj haeuj najaek duzmax Yenj Vwnzyez bae,cijraen duzmax haenx ngiengx gyaeuj bag hwnj song ganaj,Yenj Vwnzyez bae nyeng ndang,yaengx cax coh Nungz Cigauh vuet bae.Nungz Cigauh baez ngaem gyaeuj,ndoj gvaq bakcax,swnh fwngz vax dawz loengzmax Yenj Vwnzyez,song ga baez ndengj,daj gwnz laeng maxdaemq yat hwnjdaeuj,mbat dik couh dawz Yenj Vwnzyez dik roengz max bae,youh swnhseiq vax dawz coengmax,fan ndang gwih hwnj duzmax Yenj Vwnzyezbae.Yenj Vwnzyez boemz youq gwnz deih,heiq cix yaek mbaet,guhsing mbouj ndaej.Nungz Cigauh hat naeuz:"Swnh Cwngzgvei!Sou miz byawz lij mbouj fugheiq,cug boux cug boux daeuj ra dai!"
Swnh Cwngzgvei youh huj youh yup,mbouj rox baenzlawz han.Gij bing ciengq lajfwngz de cix boux yawj boux,mbouj rox yawz banh.
Nungz Cigauh youh naeuz:"Song fueng hoenxciengq,soqlaiz beksingq souhhoj,dai bouxbing,leih bouxhak.Vih sawj lwgminz Bouxcuengh Daihligguek dou mienx deng bingcai,gou nyienh bae raen guekvuengz sou.Swnh fumaj,mwngz caengz sieng saek boux bing,couh daiq gou bae raen bohda mwngz,hix suenq mwngz yinhheiq ndei lo.Mwngz yaek siengj dwk bing daeuj gaemh gou,mbouj itdingh gaemh ndaej dawz.Song diuz loh youz mwngz senj ba!"
Swnh Cwngzgvei cam:"Mwngz gangj caen gangj gyaj?"
Nungz Cigauh riu naeuz:"Gou miz seiz gangj saek coenz vahgyaj,hoeng mbat neix mbouj gyaj."
Swnh Cwngzgvei youh cam:"Mwngz daiq geijlai vunz bae?"
Nungz Cigauh naeuz:"Gou caeuq vuengzhaeuh gou,lij miz bet boux ram guencaiz,gungh cib boux."
"Daiq guencaiz bae guh gijmaz?"
"Guencaiz guencaiz,swng guen fatcaiz!Gitsing sang ciuq,baihnaj ronghgywg.Guencaiz lij ndaej dang giuh yungh,gou gwih max naet le,cix aeu guencaiz guh giuh,vunz ninz youq ndawde,beij naengh giuh lij cwxcaihhw."
"Bienq hai diuz loh he,hawj Nungz Cigauh daiq guencaiz gvaqdaeuj!"Swnh Cwngzgvei coh baihlaeng vad fwngz naeuz.
Bing Gyauhcij faenfaen mbekhai,nyiengh ok diuz loh he.
Nungz Cigauh diuq roengz laeng max Yenj Vwnzyez,cienq naj coh baihbaek,sax fwngz naeuz:"Gak vih bouxlaux bouxcaen,cingj sou cuengqsim,gou baezneix bae,gangj maz guh maz,cungj aeu doiq ndaej hwnj gyoengq Bouxcuengh beixnuengx!"
Vangz Couh Cinz Mungz seiq yah vuengzhaeuh gvih roengzdaeuj lae raemxda naeuz:"Daihvuengz itloh bingzan,muengh mwngz caeux dauq!"
Daxnungz gamz raemxda muengh lwg,yaengyaeng gingz gen vad fwngz,raemxda senq rim gvaengz lo.
Nungz Gencungh gvih roengzdaeuj hemq:"Daihvuengz itloh bingzan!"
Vujsuzgvanj cien lai boux vujsw caemh gvih roengzdaeuj,caezsing hemq:"Daihvuengz itloh bingzan!"
Nungz Cigauh gig hozndaet,hoeng mbouj lae raemxda.De caeuq Veiz Meijsenh youh caiq coh baihbaek hengz baez laex he,doengzseiz gwih hwnj maxdaemq,coengzyungz coh baihnamz byaij bae.
Bet ndaek vunz cangqcwt ram guencaiz gaenjgaenj ringzlaeng......
作者: JUI 时间: 2003-11-21 17:58
我读了一个下午，基本上能够读懂。不过确实蛮吃力的。原因在于下面两个：一、壮文与布依文虽然都是表示同一种语言（僚语）的，但是表示的方言点不同，有一定的差距（贵州望谟---广西武鸣）。
二、汉语借词拼写差异很大。壮文与布依文比较统一的是传统词汇，即使音有不同也有规律可循，而汉语借词体系不同，壮文的老汉语借词比布依文多，而壮文的新汉语借词不采用独立标调的方式，造成了难以区分借词系统，难以摸清对应规律。
结论：布依文与壮文应该统一书面语拼写规则，有助于所有僚人的书面语沟通。
作者: 红棉树 时间: 2003-11-22 21:15
JUI贝侬关于壮文汉语新借词与传统词汇、老借词不采用分开标调的看法，我是理解的。这不但是布依族同胞读解壮文的一个难点，也是通过自学手段学习壮文的壮语各方言区（不包括标准语音点武鸣县双桥镇）的所有贝侬读解标准壮文的一个难点。原因在于本族语词汇、传统的汉语老借词，在所有的僚语方言里大都是调类统一的，即使有不统一的地方也有规律可以对应（如出现引变声母的情况下），但是，汉语新借词在僚语各个方言里调值虽然都差不多，但是调类却很不统一，由于壮文的声调符号是表示调类而不是表示调值的，所以会造成初学壮文的非标准语区的贝侬感到很困惑。正因为如此，布依文将汉语新借词与传统词汇分开标调的做法，是比较科学的，值得壮文借鉴。
作者: 沙南曼森 时间: 2003-11-22 22:30
看来壮语新汉借词的标调问题很有必要参考布依文的做法，即采用另一套符号标示西南官话的声调。我以前不太关注这个问题，因为我的家乡话基本上没有老借词读音和新借词读音的区别，还因为我既了解白话、平话又了解西南官话，壮文里固有词和新借词不区分调符我也没感觉有什么特别的障碍。
作者: venjiebiao 时间: 2003-11-22 22:34
就是就是，我一读到壮语的老借词就头大，太接近粤语，我熟悉粤语尚且如此，其他人就更难了，特别是贵州第二土语区，接受的都是西南官话，对粤语很隔膜，但第一土语区应该对来自粤语的老借词不会太陌生，如东南西北：dongl naamz sail bagt.第二土语区就不这样说，而是baaihmauc baaihsax baaihrux baaihxaec。布依语方位词很丰富，达四五种之多，着只是其中两种。
近来阅读《布依汉词典》发现大量的老借词，而这些借词在第二土语区是有本民族固有词的，但均未收录，可能主要收录第一土语区的词汇，让本民族的固有词汇流失，这是一大损失，一大遗憾，
作者: 路漫 时间: 2003-12-12 17:12
bet. Bakraeh Buek Gyauhcij 八、兡鋫驳交趾
Lienz byaij geij ngoenz,Nungz Cigauh gyoengqde cij bae daengz gingsingz Gyauhcij.Gyauhcij guekvuengz Lij Dwzcwng angq raixcaix,dajsiengj Swnh Cwngzgvei cien liengx gim he,sau lengj cib dah.Hoeng,Lij Dwzcwng mbouj sikhaek bae raen Nungz Cigauh.Nungz Cigauh daiq vuengzhaeuh youh ram guencaiz daeuj,sawj Lij Dwzcwng naemj bae naemj dauq mbouj rox Nungz Cigauh loengh gijmaz fangz.De heuh Swnh Cwngzgvei ndeindei "ngonz" Nungz Cigauh hwnjdaeuj,menhmenh naemj banhfap doiqfouq.
Swnh Cwngzgvei daiq gyoengq bing he,dawz Nungz Cigauh daengj cib vunz gyaeng haeuj ndaw lauz bae.Nungz Cigauh riunyumj naeuz:"Swnh fumaj!naeuz sou Gyauhcij mbouj roxleix,di he mbouj loek.Gou it mbouj dwg youq hoenxciengq gaeb dawz,ngeih youq gizneix mbouj famh coih gvaq,vih maz dawz dou gyaeng hwnjdaeuj?Mwngz couh dwg mbouj dawz gou dang boux guekvuengz he,hix wngdang dwg bouxhek he ba?Nanzdauh fungsug sou dwg dawz bouxhek dangguh bouxfamh?"
Swnh Cwngzgvei naeuz:"Mwngz gagcwng guh Daihlig guekvuengz,famh coihdai lo,lij mbouj dwg bouxfamh?"
Nungz Cigauh naeuz:"Couh suenq gou laeb Daihligguek dwg famhcoih,hix dwg youz Soengqciuz vuengzdaeq daeuj guenj,sou bingz gijmaz daeuj guenj?Sou caen gamj baenzneix guengz?"
Swnh Cwngzgvei deng vaek dwk da daengx liux,mbouj miz vah han cix ndaq naeuz:"Haep bakdou hwnjdaeuj!Heuh mwngz youq gyawz,mwngz couh youq gyawz!"
Nungz Ciaguh dingjbak naeuz:"Swnh Cwngzgvei!Mwngz dwg raen gou daiq guencaiz daeuj hw,danghnaeuz mwngz daegdaengq daeuj saetnaj gou,gou couh daemj dou lauz dai,Bouxcuengh ningznyienh dai mbouj hawj vunz hangz!"
Swnh Cwngzgvei simvueng lo,Nungz Cigauh caen dai,de baenzlawz dang ndaej hwnj,De cijndei daiq Nungz Cigauh ok lauz,senj bae youq fungh ranzgaeuq he.
Youq ndaej geij ngoenz,Lij Dwzcwng cungj caj Nungz Cigauh daeuj gouzraen,hoeng Nungz Cigauh cungj mbouj guhsing.Lij Dwzcwng mbouj naihfanz lo,youh baij Swnh Cwngzgvei bae cam:"Nungz Cigauh!Mwngz siengj mbouj siengj raen bohda gou?"
Nungz Cigauh mingz rox cix daegdaengq cam:"Gou suqlaiz caeuq mwngz fouz caen fouz cik,vih maz bae raen bohda mwngz?Caiqgangj mwngz miz baenzlai boux yah,gou raen boux bohda lawz ndei?"
Swnh Cwngzgvei miz heiq fat mbouj ok,naeuz:"Gou dwg heuh mwngz bae raen guekvuengz."
Nungz Cigauh naeuz:"Gou mbouj gouq sou,guh maz aeu gou gouzraen de?De gawqyienz heuh mwngz bae gaemh gou daeuj,itdingh dwg de miz saeh gouz gou,dwg de gouzraen gou cij deng!"
Swnh Cwngzgvei mbouj miz banhfap,yaek byaij seiz hujdengdeng naeuz:"W!Mwngz citgeiz lai,heuh bohda gou gouzraen mwngz!"
Youh gvaq geij ngoenz,Swnh Cwngzgvei daeuj naeuz:"Nungz Cigauh!guekvuengz yaek daeuj raen mwngz,mwngz aeu ndeindei dakdaih.Guekvuengz daengq naeuz,heuh mwngz guh song deb byaek cingj de,deb he dwg lajmbwn ceiq ndei gwn,deb he dwg lajmbwn ceiq yak gwn,mwngz guh ndaej lwi?"
Nungz Cigauh riunyaen naeuz:"Ndei ba,mwngz heuh de daeuj ba."
Swnh Cwngzgvei naeuz:"Guekvuengz gangj gvaq,danghnaeuz mwngz mbouj ok song deb byaek haenx,couh aeu mwngz fugcoengz de,de heuh mwngz luenz mwngz couh luenz,heuh mwngz benj couh benj!"
Nungz Cigauh naeuz:"Gou dwg rin seiqcingq,diz mbouj luenz,boemz mbouj rox benj!"
Swnh Cwngzgvei byaij le,Nungz Cigauh heuh Veiz Meijsenh daeuj siengliengz,baenzlawz doiqfouq Gyauhcij guekvueng diunanz.Veiz Meijsenh siengjsiengj le naeuz:"Daihvuengz cuengqsim,song yiengh byaek neix mbouj nanz guh,gou heuh de raen byaek le najhoengz rwzdit bae,bau de ciemq mbouj ndaej bienzngeiz."Gaenlaeng baenzneix baenzneix gangj ok cawjeiq,Nungz Cigauh dingq le lienzlienz bek fwngz naeuz:"Ndei!Ndei!Gvaiq mbouj ndaej vunz naeuz najraiz vunz gvai ne!"
Veiz Meijsenh mbwnjbak naeuz:"Mwngz ndaq vunz ha?"
Nungz Cigauh riu naeuz:"Mbouj dwg ndaq,dwg haenh!"
Veiz Meijsenh dangciengz duet haedfwngz heuh vunz bae vuenh ngaenz,caiq cawx song gaen byaek ma.
Banhaemh,Swnh Cwngzgvei daeuj lo,hat cam:"Nungz Cigauh!Guekvuengz caeuq vuengzhaeuh yaek daeuj lo,byaek guh ndei luma?"
Nungz Cigauh naeuz:"Hek daengz byaek hwnj daiz,mbouj nguhsaeh!"
Yaep he,gyoengq bing Gyauhcij he hai daeuj,dawz ranz Nungz Cigauh youq haenx humx baenz sam caengz.Riengzlaeng,Lij Dwzcwng caeuq vuengzhaeuh de vifung gvaekgvaek naengh song aen giuh cib roek vunz ram haenx daeuj daengz naj hongh.Nungz Cigauh caeuz Veiz Meijsenh ndwn youq henz daiz,hengzlaex le,Nungz Cigauh naeuz:"Ndaej guekvuengz caeuq vuengzhaeuh daeuj guh hek,miznaj lo,cingj naengh,cingj naengh!"
Lij Dwzcwng naj caemcwd,daihdaih yawj Nubgz Cigauh haujlai nanz,raen de vunz sang ndang cangq,cingsaenz gvaekgvaek,mbouj ngaem mbouj ndiengq,coengzyungz dangqmaz,roxnyinh boux vunz neix mbouj genjdanh.De vix aen daiz cam Nungz Cigauh:"Vih maz nda daiz youq gyangdien?Baenzneix cingj hek,mbouj saetlaex ha?"
Nungz Cigauh naeuz:"Gou daeuj daengz dieg neix,youq ranzgaeuq cixbah,lij deng bing homh ndaetndwt,sim youz mbouj ndaej cihgeij ha.Seizneix gou yiengh maz cungj mbouj miz,cij miz aen mbwn dwg vunz lajmbwn gungh miz,byawz hix mbouj ndaej gag ciemq,gou dangyienz hix miz faenh he,ndigah cijndaej youq gyangdien cingj hek lo."Nungz Cigauh vixvix aen daengq henz daiz baihnamz naeuz:"Cingj song vih naengh baihneix."
Ciuq laeh,daiz mienhbaek dwg bouxgvi naengh,yienghneix,Lij Dwzcwng mbouj coengz naengh,de huj lo:"Nungz Cigauh!Gou dwg guekvuengz,daengx guek ceiq gviq,mwngz heuh gou naengh mienhnamz,yawjsiuj gou ha?"
Nungz Cigauh riu naeuz:"Mwngz dingq gou menh gangj,guek Daihlig youq baihbaek,guek Gyauhcij youq baihnamz,mwngz caeuq gou cungj dwg guekvuengz,cungj aeu baihlaeng ing diegguek,doiqnaj naengh cij deng vei.Raeuz lij dwg gag naengh gag vih ba,cingj!"
Lij Dwzcwng mbouj miz vah han,cijndei caeuq vuengzhaeuh de naengh roengz mbiengjnamz.
Nungz Cigauh naengh roengz dieg bouxgviq,boih baek coh namz.
Lij Dwzcwng cam:"Sou song vih daeuj geij ngoenz lo,miz maz gamjsouh?"
Nungz Cigauh naeuz:"Haemq ndei!Vunz Gyauhcij rox gvaq saedceij,vunzhek daeuj le,bouxcawj mbouj cingj hek,dauq heuh bouxhek cingj bouxcawj.Mwngz dwg guekvuengz,dang gwn gij byaek ceiq ndei,hoeng mwngz hix aeu gwn gij byaek ceiq yak,ndaej rox dungxsaej mwngz mbouj genjdanh hw."
Lij Dwzcwng naj fwt bienq:"Nungz Cigauh,mwngz daiq cuengqlangh!"
Nungz Cigauh simdingh naeuz:"Hekgviq ha,mwngz hozbiet fatheiq ne,nanzdauh mbouj dwg gou cingj mwngz haeujdaiz?Nanzdauh mbouj dwg mwngz diemj aeu byaek ceiq ndei, ceiq yak ha?"
Lij Dwzcwng youh ngoemx lo,cijndei naeuz:"Ndei ba,yawjyawj mwngz guh gijmaz byaek!"
Nungz Cigauh heuh dawz byaek hwnj daiz,couh miz vunz dawz song deb byaek cuengq youq baihnaj Lij Dwzcwng.Lij Dwzcwng bwnda nyaeuq lo,yienzlaiz dwg song deb linxvaiz baenz gaiq.
Lij Dwzcwng cam:"Mwngz couh cingj gou gwn linxvaiz?"
Nungz Cigauh ngaekngaek gyaeuj.
"Linxvaiz dwg byaek ceiq ndei ha?"
Dangyienz dwg vei.Linxvaiz ceiq lingzgiuj,gijmaz rum foed cungj cimz gvaq,soemj diemz haemz manh,cij miz de rox.Vahsug naeuz,gwn gijmaz bouj gijmaz,gwn linxvaiz le,linx couj lingzgiuj lo,ndau gijmaz gangj ndaej ok gijmaz,ndigah linxvaiz dwg byaek ceiq ndei.Mwngz naeuz dwg lwi?"
Lij Dwzcwng naemjnaemj le,ra mbouj ndaej vah daeuj buek,youh cam:"Song deb cungj dwg linxvaiz,cungj dwg byaek ceiq ndei,byaek ceiq yak yawz mbouj raen dawz daeuj ne?"
Nungz Cigauh naeuz:"Song deb neix,deb he dwg byaek ceiq ndei,deb he dwg byaek ceiq yak."
"Yawz yienghneix gangj?"
Nungz Cigauh mbouj vueng mbouj muengz,dawz dawh hwnjdaeuj cam:"Sou cungj dwg aeu fwngzgvaz dawz doxgaiq ba?"
"Dwg youh baenzlawz yiengh?"Swnh Cwngzgvei nyaenx mbouj ndaej youq henz naeuz.
Nungz Cigauh naeuz:"Gak vih rox mbouj rox gwn lai dai vih bak aen dauhleix neix?Gwnz diuz linx ndeu ngamq hab,gwn song diuz couh bouj gvaq bouh,linx cix hwnj bop naeuh bae,ndigah linxvaiz caemh dwg yiengh byaek ceiq yak he.fwngzgvaz gaem dawh sien nip gwn deb baihgvaz,caiq nip deb baihswix,yienghneix gangj,deb baihgvaz dwg byaek ceiq ndei,deb baihswix couh dwg byaek ceiq yak lo.Mbouj saenq sou cimzcimz yawj."
Lij Dwzcwng vix deb baihgvaz de cam:"Deb neix dwg ceiq ndei lo?"
Nungz Cigauh naeuz:"Gou caeuq mwngz doiqnaj naengh,mwngz baihgvaz dwg duh gou baihswix,mwngz naeuz ceiq ndei cingq dwg duh gou ceiq yak,ndei yak doiq gou caeuq mwngz daeuj gangj ngamjngamj doxfanj."
Lij Dwzcwng huj lo:"Guenj mwngz ndei roxnaeuz yak,gou gwn liux!"
"Menh!"Nungz Cigauh gingz fwngz laengz naeuz,"boux vunz boux deb,mwngz gwn liux bae couh saetnaj bw."
"Nungz Cigauh!Siengj mbouj daengz mwngz nyaenx bakraeuz bakvad!"Lij Dwzcwng ndwn hwnjdaeuj.fatheiqdengdeng,"mwngz ciq linxvaiz aeu vah haeb gou,laih gou huk lai mbouj rox ha?"
Nungz Cigauh dumdeng ndwn hwnjdaeuj,naeuz:"Gawqyienz mwngz roxyiuj lo,couh mbouj uengjfeiq gou cingj baez hek neix lo."
Lij Dwzcwng najhaen naeuz:"Mwngz rox gou yawz cawqceq mwngz ma?"
Nungz Cigauh laezcim doiq laezcim:"Mwngz mbouj raen gou daiq guencaiz daeuj ma?"
"Mwngz gag laeb guek guh vuengz,hab gaj bae!"
Mwngz hix gag laeb guek guh vuengz,doengzyiengh hab gaj dai bae!"
Lij Dwzcwng heiq ndaej bwt yaek fan:"Mwngz youq gyang fwngz gou,aeu mwngz dai couh dai,mbouj ndaej luenh vab!"
"Cijaeu Gyaeuj gou mbouj doek,gou couh aeu gangj!"Nungz Cigauh bek aek naeuz,"Couh suenq gou dai le,Bouxcuengh hix gaj mbouj cied.Daihgya duet vaq roengz dah,mbouj lai miz saek diuz viz,mwngz guh ndaej vuengz,gou caemh guh ndaej vuengz!"
"Mwngz mwngz......"Lij Dwzcwng heiq ndaej gangj mbouj ok vah,myaiz saek gyang hoz ae gyogyo,doeklaeng naeuz:"Gyaeng de hwnjdaeuj!"
Gyoeng bing roemx hwnjbae,dawz Nungz Cigauh nyoengx haeuj rug bae.
Lij Dwzcwng heiq gaenj fofo ndonj hwnj giuh,ae gaepgaep heuh deuz vaiq di.
Lij Dwzcwng deng Nungz Cigauh heiq bingh lo,sam ngoenz mbouj ndaej hwnjciuz.Swnh Cwngzgvei deihdeih daeuj damqyawj,lienzlienz ok cawjeiq gaj Nungz Cigauh,Lij Dwzcwng cungj dwg ngauz gyaeuj"Nungz Cigauh mbouj ndei nyex,gaj de mbouj miz yungh.Caiq gaj cib boux Nungz Cigauh,Bouxcuengh hix mbouj fug.Dauq mbouj yawz gienq de douzyangz,daengzcog benq diegcuengh haenx,couh cungj dwg ranz Lij dienyah lo.
Sam ngoenz le,Lij Dwzcwng heuh Swnh Cwngzgvei senj Nungz Cigauh bae gozbinhgvanj bae youq,ciuq gozbinh daeuj ciudaih,mbouj ndaej yawjsiuj.Swnh Cwngzgvei ndawsim mbouj angq,youh mbouj ndei gangj maz,cijndei ciuqbanh.
Nungz Cigauh gyoengqde youq ndei gwn ndei geij ngoenz le,cingsaenz ciemhciemh vuengh lo.Ngoenz he,Swnh Cwngzgvei daeuj naeuz:Gyauhcij guekvuengz yaek raen Nungz Cigauh.
Nungz Cigauh caengz bae daengz seiz,Lij Dwzcwng sien youq gungdienh daengq ndei gyoengq vwnzvuj daihcaen naeuz:"Gou yaek fung Nungz Cigauh dang Gyauhcij Daibauj,neix dwg lox Nungz Cigauh haeuj raeuz,sou mbouj ndaej doeng gangj sae gangj,byawz nguhsaeh,gaj!"
Lij Dwzcwng youh naeuz:"Soengqciuz unqnyieg fouznaengz,mbouj miz bonjsaeh guenj daengz bien'gyaiq.Bihaenx Nungz Cenzfuz yaek gvi haeuj Soengqciuz,Soengqciuz lau daekcoih gou,mbouj gamj sou de,cingq hab sim gou.Diegcuengh miz gim miz bauj,dajndaem dajciengx beij dieg raeuz fatdad,gou yaek dawz gij dieg maj miz gominz haenx cungj gvihaeuj Gyauhcij raeuz,yienghneix guek raeuz couh hwngvuengh fanjdaih lo.Hoeng,Bouxcuengh mbouj lau dai,mbouj fug minzcuz wnq guenj,ndigah cijndei aeu Bouxcuengh daeuj ceih Bouxcuengh,neix dwg geiqmaeuz ceiq daekfap lo."
Gyauhcij caijsiengq naeuz:"Danghnaeuz Nungz Cigauh mbouj nyienh souh fung guen,baenzlawz banh?"
Lij Dwzcwng naeuz:"Gou caiq fung dieg hawj de."
Caijsiengq youh naeuz:"Danghnaeuz fung dieg de hix mbouj aeu ni?"
Lij Dwzcwng naeuz:"Mbat it mbouj aeu fung mbat ngeih,mbat ngeih mbouj aeu,gou fung mbat sam,mbouj you de mbouj aeu."
Caijsiengq lij mbouj cuengqsim:"Nungz Cigauh dwg bouxvunz mbouj dangqhenz......"
Lij Dwzcwng hat naeuz:"Mwngz rox de mbouj dangqhenz couh ndaej lo.cawjeiq gou gaenq dingh,mbouj yungh lai gangj."
Caijsiengq ngaek gyaeuj dwddwd,gyoengq daihcaenz caem dangqmaz.
Seizneix miz vunz daeuj bauq:"Swnh fumaj caeuq Nungz Cigauh youq rog dou caj."
"Heuh haeujdaeuj!"Lij Dwzcwng vad fwngz naeuz.
Yaep he,cijraen Swnh Cwngzgvei boux ndeu haeujdaeuj,cix mbouj raen Nungz Cigauh.
Lij Dwzcwng geizheih lo:"Nungz Cigauh ne?"
Swngh Cwngzgvei gvih naeuz:"Nungz Cigauh yaek daiq guencaiz haeuj dienh,gou mbouj gamj guhcawj."
Gyoengq daihcaenz dingq le nauh swgswg:
"Gungdienh dieggviq,yawz ndaej daiq guencaiz haeujdaeuj!"
"Nungz Cigauh caen dwg aeu gangraemx guh mbei lo!"
"Daihvuengz yawj loek vunz lo,lij hawj de fung guen ne!"
Lij Dwzcwng rub mumh naemj yaep ndeu,singsang naeuz:"Hawj de daiq guencaiz haeujdaeuj,gou cam de yawj de baenzlawz gangj!"
Swnh Cwngzgvei okbae daiq Nungz Cigauh caeuq Veiz Meijsenh haeujdaeuj,bet vunz ram guencaiz hix riengz gaen haeuj,Gyoengq daihcaenz boux yawj boux,mbouj miz byawz gamj oksing.
Lij Dwzcwng cam:"Nungz Cigauh!Ngoenzneix gou heuh mwngz daeuj rannaj,mbouj dwg aeu gaj mwngz,mwngz vih maz daiq guencaiz daeuj?"
Nungz Cigauh naeuz:"Geij ngoenz gonq mwngz yawj gou dangq vunzfamh,song ngoenz neix mwngz dawz gou dangq hekgviq.Mwngz ngoenzneix heuh gou daeuj,mbouj dwg raemj gyaeuj,couh dwg soengq gou laexnaek,mboujguenj baenzlawz,daiq guencaiz daeuj cungj miz yungh,roxnaeuz cang seihaiz,roxnaeuz coux caizbauj.Gou daiq guencaiz daeuj,gyoengq daihcaenz mwngz raen le bouxboux najhaemhwd,mwngz dwg guekvuengz,mbouj lumj gyoengqde dafeuh ba?"
Lij Dwzcwng ngaek gyaeuj naeuz:"Ndigah gou hawj mwngz daiq daeuj."
Nungz Cigauh naeuz:"Guencaiz lij miz yiengh he dem,mbouj miz daengq,gou couh naengh gwnzde caeuq mwngz gangjvah."
Lij Dwzcwng riu naeuz:"Mwngz caen rox gangj.Bouxsaeh,nda daengq hawj hekgviq naengh."
Bouxsaeh lienzseiz dawz daengq daeuj.Nungz Cigauh caeuq Veiz Meijsenh naengh ndei le,Lij Dwzcwng fwt cingqging hwnjdaeuj,naeuz:"Nungz Cigauh!Mwngz dwg bouxdaeuz Bouxcuengh ceiq miz bonjsaeh haenx,gou siengj fung mwngz dang Gyauhcij Daibauj,dungjguenj Bouxcuengh,gvi daeuj baengh gou,mwngz yawj baenzlawz yiengh?"
Nungz Cigauh naeuz:"Gou dwg bouxdaeuz Bouxcuengh,guenj Bouxcuengh,dwg gou bonjfaenh,mwngz fung ndaek guen hoengq hawj gou,couh heuh gou gvi baengh mwngz,lajmbwn yawz miz cungj roeg neix heuh?"
Lij Dwzcwng naeuz:"Mwngz seizneix gaenq miz Dangjyouzcouh,Anhdwzcouh,gou caiq dawz Gvangjyenzcouh, Swhlangcouh, Leiz, Hoj, Binz, Boz seiq aen doengh fung hawj mwngz,mwngz dang Daibauj couh mbouj dwg dang hoengq luba?"
Nungz Cigauh naemj yaep he,sim siengj Gvangjyenz, Swhlang song aen couh caeuq Leiz, Hoj, Binz, Boz seiq aen doengh cingq deng Gyauhcij ciemq dwk,senq couh siengj sou dauqma,seizneix mbouj yawz swnhloh gip maknim,ciq neix gyaep bing Gyauhcij ok song couh seiq doengh,gyoep caez deihbuenz Bouxcuengh,gvaqlaeng miz maz saeh caiq gangj.Yienghneix,de hwnj ndang naeuz:"Docih guekvuengz saenq gou,gou nyienh souh fung song couh seiq doengh."
Lij Dwzcwng angq lo,naeuz:"Mwngz souh gou fung dieg,dangyienz couh dwg daihcaenz gou lo,gvaqlaeng mwngz couh mbouj ndaej venj mbaw geiz Daihligguek dem lo,diuz neix mwngz guh ndaej daengz lwi?"
Nungz Cigauh ndawsim gag miz cawjeiq,naeuz:"Mbouj venj cix mbouj venj,deihbuenz mbouj doengz lo,lij venj geiz gaeuq guh gijmaz!"
Lij Dwzcwng lienzmuengz heuh vunz doeg causuh,fung Nungz Cigauh dang Gyauhcij Daibauj,guenj Dangjyouz, Anhdwz, Gvangjyenz, Swhlang seiq aen couh caeuq Leiz, Hoj, Binz, Boz seiq aen doengh.Nungz Cigauh coux aeu causuh seiz,mbouj roengz gvih,cix saxsax fwngz.Lij Dwzcwng rox de singqcingz gyangq,lau de fanbak,cix mbouj gvaiq de.
Nungz Cigauh miz causuh youq ndaw fwngz,couh ciq neix guh mingzdaeuz,youq ndaw ging Gyauhcij liebyawj geij ngoenz,yawj ok Gyauhcij hix mbouj miz maz ak,siengj doenqciemq daengx dieg Bouxcuengh,lij caengz miz baenz hung bonjsaeh.
Yaek liz Gyauhcij ngoenzhaenx,Swnh Cwngzgvei daeuj soengq,gangj geij coenz vah guhhek le,Nungz Cigauh vix aen guencaiz naeuz:"Ndaek neix gou geiqcuengq youq neix ba,daengzcog gou caiq daeuj,gangj mbouj dingh lij miz yungh dem.Boux vunz he,mizseiz mbouj lau dai dauqfanj mbouj dai,mizseiz lau dai dauqfanj dai lo,mwngz naeuz mehmbwn neix hoenqciengq mbouj hoenqciengq?"
Swnh Cwngzgvei da yaep myoegmyoeg mbouj rox baenzlawz han.
作者: 红棉树 时间: 2003-12-14 19:59
[这个贴子最后由红棉树在 2003/12/14 08:02pm 编辑]
第八章名为“利嘴驳交趾”，主要写的是大历国被交趾军队攻破后，侬智高被交趾军队挟持到交址都城升龙（今越南首都河内），交趾王李德政将之软禁起来，并百般刁难他，侬智高用巧计和大智大勇化解了危机。交趾王打算将侬智高纳入其旗下，给予其“太保”职位，并令其统帅南僚各州峒。
下面引用由路漫在 2003/12/12 05:12pm 发表的内容：
Lij Dwzcwng najhaen naeuz:"Mwngz rox gou yawz cawqceq mwngz ma?"
Nungz Cigauh laezcim doiq laezcim:"Mwngz mbouj raen gou daiq guencaiz daeuj ma?"
"Mwngz gag laeb guek guh vuengz,hab gaj bae!"
Mwngz hix gag laeb guek guh vuengz,doengzyiengh hab gaj dai bae!"
Lij Dwzcwng heiq ndaej bwt yaek fan:"Mwngz youq gyang fwngz gou,aeu mwngz dai couh dai,mbouj ndaej luenh vab!"
"Cijaeu Gyaeuj gou mbouj doek,gou couh aeu gangj!"Nungz Cigauh bek aek naeuz,"Couh suenq gou dai le,Bouxcuengh hix gaj mbouj cied.Daihgya duet vaq roengz dah,mbouj lai miz saek diuz viz,mwngz guh ndaej vuengz,gou caemh guh ndaej vuengz!" ...
本情节译文：
……
李德政怒形于色，说：“你知道我要如何收拾你么？”
侬智高和他针锋相对：“你没见我带棺材来了么？”
“你独自立国称王，该杀！”
“你同样独自立国称王，也该杀！”
李德政气炸了：“你在我手心里，叫你死就得死，不得胡说八道！”
“只要我脑袋还在，我就要说！”侬智高拍拍胸口，说：“就算我死了，布壮也杀不绝。大家脱裤子下河，谁也不多出一条鸡吧，你做得王，我也做得王！”
……
僚人民间对性、生殖器官等话题并没有什么禁忌，直至今日仍然如此，小说里这样带有性器寓意的对话，将僚人民间比喻法的诙谐表现了出来。
作者: 路漫 时间: 2003-12-14 22:14
谢谢红棉树！
概括得很好，翻译的那一段也非常传神！红棉树壮文自学得这样好，我佩服之至！
作者: 南岛 时间: 2003-12-15 01:01
当年靖西、高平一带僚人不会自称“布壮”（Bouxcuengh）吧？路漫老师写这一段时可能没注意到这个问题。
作者: 红棉树 时间: 2003-12-17 00:15
[这个贴子最后由红棉树在 2003/12/17 10:48am 编辑]
靖西、高平一带的僚人，在当时有没有自称 Bouxcuengh/Poujzuengh 的人不得而知。宋史把侬智高的部族称为“广源州蛮”，普遍被看成是“山獠”的一支，是古代僚人的一个显赫的支系。“獠”，应该来自僚人的自称 raeuz，汉文史书将“僚”字篾称为“獠”，视之为禽兽。不过，现代的靖西、高平一带，是有自称为“布壮” Bouxcuengh/Pujcuengh(Poujzuengh) 的人的，而且人数相当多。在中越边境西部，普遍自称 Pujcuengh的僚人支系，其实就是近年来由于抄作而闻名的那坡县“黑衣壮”，这些人也有部分人同时自称“敏”（Min），广泛分布于那坡县全境（占那坡壮族人口约1/3），靖西西北高地旱作区，德保县敬德镇、朴圩乡，云南省富宁县一带，甚至漫布于越南的北部高原山区。靖西、德保、那坡的平地壮族（布央 Poujyang、根土 Goenztoj）也将这些人称为“布壮”，发音为 Poujzuengh。在越北，自称“布壮”的人与靖西、那坡一带的黑衣壮同属一个支系，跨境而居，越南政府将之归入侬族，称为“侬爽”Nungzcuengh。
按照越南政府的民族划分标准，操普通德靖土语的僚人在越北是侬族的一大支（归侬、归顺侬），而黑衣壮（Pujcuengh）也被视为侬族的支系（侬爽/Nungzcuengh），可见，黑衣壮与侬人关系的密切。
中越边境的这些自称为“布壮”的黑衣壮，与广西中部普遍自称“布壮”Bouxcuengh的北部壮人不同的是，他们的语言属于典型的南部壮语，与南部壮语德靖土语可以顺畅交流，由于分布地理原因，也被划归德靖土语区，不过与一般的德靖土语（如德保话、靖西话、那坡央话）有着系统的语音差别。
这恐怕也是南部壮族自称“布壮”的唯一特例。请参照我归纳的《论南北僚人属于同一个民族》。
下面引用由红棉树在 2003/06/06 05:18am 发表的内容：
四、族称 ◇奇特的族称交叉现象
........
其实，僚人内部族称（包括自称与他称）存在着普遍的交叉现象，就象南北僚语的交叉现象一样，体现着民族称呼在朝着南北联盟与相互认同的方向发展。
........
⑵布壮 “布壮（仲）”或“布爽”这个自称的中心分布区在广西的柳江流域和红水河流域，以及广东省的连山一带，这些地方都是北僚人，标准语写作Bouxcuengh。这个自称目前是上升到了法定的称呼，将广西、云南、广东境内的大多数僚人都统一为“壮族”，应该与汉人对僚人最直接的接触在这些地区有关。估计自称为“布壮”的北僚人占北僚人口比例约为1/3。然而实际上，南僚语德靖土语内部，也有自称“壮”的支系的，那就是分布于那破县以及邻近的靖西某些乡镇、越南北部高平省的有名的“黑衣壮”，他们自称“壮”或“敏”，然而说的语言却属于南僚语，这也是南北僚在自称上的交叉现象的体现。有趣的是他们平时也说自己是“土”，说的话既是“讲壮”“讲敏”，也是“讲土”。
...
作者: 路漫 时间: 2004-1-10 22:22
gouj. Soudauq Diegsaet 九、收辺坻失
Nungz Cigauh gyoengqde ganj ma daengz Dangjyouzcouh,baiqraen daxmeh le,de mbouj goq naetnaiq,sikhaek heuh roq gyoneg swngdangz,comz gyoengq daihcaenz daeuj,doxyaeng soudauq Gvangjyenzcouh, Swhlangcouh, caeuq Leiz, Hoj, Binz, Boz seiq doengh.
Yaepyet,Nungz Gencungh, Nungz Civei, Veiz Laujhungz, Vangz Swhlingz, Nungz Cicungh, Nungz Cigvangh, Veiz Sifung, Nanzhaij cangsw daengj gyoengq vwnzvuj daihcaenz cungj daeuj caez lo.Nungz Cigauh naengh dingh cungqgyang,Daxnungz naengh youq henz de,baihswix baiz vujciengq,baihgvaz baiz vwnzguen, caezsing hemqgoksat:"Baiqraen daihvuengz!"
Nungz Cigauh heuh daihgya roengz naengh,yienzhaeuh naeuz:"Gou baezneix bae guek Gyauhcij,nanq naeuz mbouj ndaej dauqma lo,hoeng gwnzmbwn baujyouh,Lij Dwzcwng mboujdanh mbouj gaj gou,lij hawj gou dang guen Gyauhcij,fung gou guh daibauj,youh fung hawj Gvangjyenz, Swhlang seiq couh caeuq Leiz, Hoj, Binz, Boz seiq doengh.Lij Dwzcwng siengj ciq aeu fwngz gou,gaemguenj Coj-Yougyangh benq dieg gvangq neix.De siengj ndaej daiq van lo!Gyauhcij gaj dai boh gou,gou caeuq de miz caeuz,baenzlawz souh de guenj!Hoeng,causuh de gou dawz ma lo,gou aeu ciq de dawz bing Gyauhcij gyaep ok song couh seiq doengh,leuxcih cix dawz daeuj hawj lwgnyez uet caekhaex!"
Gangj ndaej daengxcungq riugokso.
Daxnungz gvaiq naeuz:"Cigauh!Ginhgih daihsaeh,mbouj ndaej gangjriu guhcaemz!"
Nungz Cigauh caem riu le,singsang naeuz:"Gaej cauz!Gak vih daihciengq dingq lingh!"
Daengxcungq yaepyet caemrwg,Nungz Cigauh yaengx hwnj song ci linghbaiz:"Vuj Hwzli, Hij Yenz song ciengq,sou dang cingq fouq senhfungh,daiq haj bak vunz,daj Leiz, Hoj, Binz, Boz seiq doengh dawz bing Gyauhcij gyaep gvaqSwhyenzcouh."
Vuj Hwzli, Hij Yenz hwnjbae ciep aeu linghbaiz,hemq:"Ndaej lingh!"
Nungz Cigauh youh dawz hwnj sam ci linghbaiz:"Nungz Gencungh daiq cien bingmax he,heux gvaq Swhlangcouh,fung maenh diuz loh baihnamz;Veiz Laujhungz, Vangz Swhlingz daiq gyoengq bing sou fung maenh diu loh baihdoeng,mbouj hawj ndaek bing Gyauhcij he buet deuz."
Nungz Gencungh, Veiz Laujhungz, Vangz Swhlingz cungj gak lingx aeu linghbaiz lo.
Nungz Cigauh cingj Daxnungz caenndang daiqlingx cunghginh,roemx coh Swhlangcouh.Baenzlawz gung singz,daengz seiz caiq yaeng.
Nungz Cigauh doeklaeng dawz ok causuh Gyauhcij gyau hawj Nungz Civei,heuh de daiq cib boux vunz,youq bing bae gaxgonq,ganj daengz song couh seiq doengh,doeg hawj Gyauhcij guen bing dingq,sawj gyoengqde sim nyaih.
Nungz Civei ciep ndaej minghlingh,sikhaek daiq vunz fad max hwnjdin,itloh vunz mbouj yietbaeg,max mbouj dingz din,ngoenz byaij haemh byaij,gaemz heiq ndeu ganj daengz Leizdoengh,cigsoh bae daengz diegcapbing Gyauhcij,youq bakdou hat naeuz:"Vaiq heuh bouxdaeuz sou okdaeuj.Gou hawj de doeg causuh guekvuengz sou!"
Bing Gyauhcij mbouj saenq,byaengqda cam:"Causuh guekvuengz dou,guh maz heuh sou Bouxcuengh daeuj doeg?"
Nungz Civei sim baez nyap,dawz causuh nyaenj guh ndaek ndeu,gaeuh gwnz naj boux bing haenx bae:"Mbek da mwngz daeuj yawj,yawj cing le dawz hawj bouxdaeuz mwngz yawj,mbouj yungh feiqsaenz gou doeg dem!"
Boux bing haenx gip hwnj causuh,baez yawj dahraix,gipmuengz haeujbae lwnh bouxdaeuz.Bouxdaeuz de yawj le causuh,vuengmungz heuh cingj Nungz Civei haeujdaeuj.Nungz Civei byaij haeuj cingqdangz,raen gyoengq bing Gyauhcij gvih dwk,bouxdaeuz haenx song fwngz gingz causuh youq gwnz gyaeuj,naeuz:"Cienghginh nyiuz dou fouzlaex,gou gizneix gvih coux causuh,dingqcoengz cienghginh daengqvah!"
Nungz Civei naeuz:"Guekvuengz sou fung godaih gou dang daibauj,daibauj dwg bouxvuengz laj guekvuengz,guenj mbiengj dieg neix,mwngz rox lwi?"
Bouxdaeuz haenx naeuz:"Gou rox."
Nungz Civei naeuz:"Hanh sou bing Gyauhcij sikhaek doiq ok Leizdoengh,mbouj ndaej aeu dug rum dug nyangj Bouxcuengh he,byawz famh cix gaj!"
Bouxdaeuz haenx ngaek gyaeuj dwgdwg.
Nungz Civei cingq yaek daw z causuh ganj bae Hojdoengh,fwt naemj daengz:Mbouj yawz heuh bing Gyauhcij bang gou bae buet?Yienghneix,de heuh bouxdaeuz haenx cau ndei haj faenh causuh,caiq caenfwngz sij saenq caez gyau hawj bing Gyauhcij,dang guh gaenjgip ginhcingz,faenbied soengq bae Hojdoengh, Binzdoengh, Bozdoengh caeuq Swhlang, Gvangjyenz song couh,heuh Gyauhcij sikhaek doiq bing.Bouxdaeuz haenx itit ciuqbanh,baij vunz faen haj giz fad max soengq bae lo.
Nungz Civei gyoengqde fouzsaeh lo,youzyouz byaijbyaij yawj bing Gyauhcij sousib doxgaiq nyaengqnyaen,mbouj daengz byongh ngoenz,cienzbouh couh doiq ok Leizdoengh.De angqbupbup heuh nda daiz sai laeuj,gwn ndaej bouxboux fizfwd.
Ngoenzlaeng,Nungz Cigauh riengz senhfungh daeujdaengz,de raen Nungz Civei gyoengqde fizfwd ninz gwnz congz,huj dwk rag Nungz Civei hwnjdaeuj lienzlienz fak dujrwz,ndaq naeuz:"Dairaq mwngz,nguh gou daihsaeh!Cug hwnhdaeuj,dawz bae raemj gyaeuj!"
Nungz Civei nyouh yaet lo,laeuj hix singj lo,da hoengzgyoengq yawj Nungz Cigauh hemq:"Godaih,guh maz cug gou hwnjdaeuj?"
Nungz Cigauh cam:"Gou heuh mwngz bae song couh seiq doengh doeg causuh,mwngz vih maz youq neix laeuj fiz ninz gvaiz?"
Nungz Civei naeuz:"Gou gaenq heuh bing Gyauhcij faen loh soengq bae,mbouj yungh gou cug giz bae dem,yienghneix engq vaiqdangq ne!"
Nungz Cigauh naemj
wgraq neix haemq coengmingz,laudai mbouj gamj bae hane.Naemj daengz neix youh huj lo:"Mwngz heuh gyoengqde bae,danghnaeuz gyoengqde mbouj ciuq mwngz banh ne,mbouj nguh daihsaeh?Lij aeu gaj!"
Nungz Civei vueng lo,hemqyaya naeuz:"Godaih nyiuz gou baez he,gou nyienh sikhaek bae,danghnaeuz nguh saeh,caiq gaj gou ba!"
Vuj Hwzli, Hij Yenz daeuj vih de gouzcingz:"Yawj de cofamh,hawj de bae gonq,caj soudauq diegsaet le,caiq lwnh goeng bingz fad ba."
"Yawj naj sou,nyiuz de baez neix."Nungz Cigauh lij ndatheiq fofo,"raeuz Bouxcuengh beksingq coengzlaiz mbouj lau dai,mwngz daiq bing dauq lau dai!Caemh youq neix dam boi gwn laeuj,couh di neix yix hab moeb haj cib daihbanj!Mwngz bae gonq ba,gvaqlaeng caiq caeuq mwngz suenqsoq.Haj ngoenz le mwngz bae Swhlangcouh raen gou."
Nungz Civei soeng gaemz heiq he,sikhaek baij vunz vaiq bae damq ginhcingz.De rox Nungz Cigauh beizheiq,soqlaiz nyinh leix mbouj nyinh caen,vihliux mienx deng moeb caekhaex,naemj cawjeiq aeu laebgoeng gemj coih.De daiq song boux binghenzndang,laeglemx ndonj haeuj singz Gvangjyenz,gizneix de youq gvaq,gig sug.Daengz haemh,youq henz dah laeglemx gaj dai seiq ndaek bing Gyauhcij,vuenh daenj buhbing gyoengqde,cap haeuj bing'yingz Gyauhcij bae.
ndaw bing'yingz luenhhuhu,miz vunz sousib doxgaiq,miz vunz buekmingh sai laeuj,fwt raen miz vunz daeuj cienz lingh,naeuz Yenj Vwnzyez cienghginh daengqvah,Nungz Cigauh daeuj raeuz hix mbouj deuz,de dang daibauj de,raeuz cap youq faenh raeuz.
Yienghneix,ndaw bing'yingz menhmenh caem roengzdaeuj,youh raen baij bing bae cunz singz,Nungz Civei caegcaeg riengzlaeng bingcunzsingz byaij bae,heux bae heux dauq,Nungz Civei gyoengqde youiq baihlaeng swngzgei gaemh bouxbing ceiq doeklaeng haenx,yienghneix yaep gaj boux yaep gaj boux, doeklaeng gaemhseng bouxdaiqdaeuz haenx,oet haeuj daeh bae,doz youq laeng max,lienzseiz gaiq bae raen Nungz Cigauh.
Saemj gvaq cix rox,Lij Dwzcwng gaenq baij vunz daeuj Swhlang, Gvangjyenz cienz lingh,heuh soujbing singjgaeh Nungz Cigauh hengzdoengh,danghnaeuz miz maz luenh gauj,sikhaek gung hoenx.
Nungz Cigauh ndaej daengz cungda ginhcingz,couh hawj Nungz Civei geiq daihgoeng,mienx bae moeb haj cib daihbanj.
Seizneix,Vuj Hwzli, Hij Yenz gaenq soudauq Leiz,Hoj, Binz, Boz seiq doengh,dawz bing Gyauhcij gyaep daengz Swhlang.Ndaw singz Swhlang,gyoengq bing Gyauhcij gaenq simluenh faenfaen.Baihnamz deng Nungz Gencungh fungmaenh,baihdoeng miz Veiz Laujhungz, Vangz Swhlingz bajsouj,baihbaek miz Nungz Cigauh cap youq,cij miz baihsae doeng Gvangjyenz diuz loh haenx hoengq dwk,neix dwg Nungz Cigauh cang red gaeb bya.
Gyauhcij souj singz bouxciengq Fan Ahdungh caeuxcaeux couh roengzlingh gven maenh dousingz,caemh caenndang daiq bing cunz singz,gamyawj Nungz Cigauh doenghyiengq.De raen diuz loh bae Gvangjyenz mbouj miz Nungzginh bajsouj,guj naeuz miz maizfug,hix mbouj gamj luenh roemx.
Nungz Cigauh daiq bing bae daengz lajsingz,hemq:"Fan Ahdungh dingq ndei,saenfung Gyauhcij daibauj Nungz dayinz daeuj neix cunz yawj,mwngz vih maz mbouj hai dousingz okdaeuj coux?"
Fan Ahdungh youq gwnz singz han naeuz:"Cingj lwnh Nungz dayinz,seizneix ndaw singz fat binghraq,dai vunz mbouj noix,lauheiq Nungz dayinz haeuj singz deng lah,ndigah gven dousingz mbouj hawj vunz luenh byaij.Cingj Nungz dayinz gaej gvaiq."
Nungz Cigauh naeuz:"Ndaw singz fatraq,gou mbouj haeuj hix ndaej,hoeng mwngz vih maz mbouj okdaeuj baiqraen gou?"
Fan Ahdungh naeuz:"Gou ndang miz di naiq,lau hix deng lah raq lo,yawz gamj bae raen mwngz?"
Nungz Civei ndaq naeuz:"Fan Ahdungh!Mwngz gamj doiqdingj Nungz dayinz,mwngz gaeuq mbeifag hw!Caiq mbouj hai dou,couh mbouj gvaiq dou dwk bauq gung singz bw!"
Miz vunz gienq Fan Ahdungh:"Doiqdingj daibauj miz coih bw,vanzlij dwg hai dou ba?"
Fan Ahdungh ndaq naeuz:"Mwngz rox ndaek roet,ndeindei souj."
Nungz Cigauh baij geij doih bing youq rog singz seiqhenz yungh vahdoj Gyauhcij hemq:"Fan Ahdungh doiqdingj Nungz dayinz,byawz gaen de souj singz,couh caeuq de doengzcoih;byawz mbouj nyienh riengz de,daj saemonz okdaeuj,Nungz dayinz hawj sou bae ranz!"
Bing Gyauhcij dingqnyi le,simluenh cabcab,haujlai vunz roemx coh saemonz bae,Fan Ahdungh baij bing bae laengz,sou mbiengj couh doxhoenx hwnjdaeuj.Nungz Cigauh yawj cunj seizgei,hat sing ndeu,bauq yiengj sam sing,Nungzginh doengzseiz gunghoenx doeng, namz, baek sam giz dousingz.Itseiz hemq gaj huhu,bouxboux ceng gonq,gaq laesang,benz ciengzsingz,mbouj geij nanz sam giz dousingz cungj deng dwk byoengq lo.Nungzginh nyoengx haeuj singz bae,Fan Ahdungh daiq bing lw buet ok saemonz.Nungz Cigauh daiq daihdoih bingmax gaenj gyaep mbouj cuengq.Fan Ahdungh gipgip muengzmuengz buet ndaej caet bet leix gyae,gizneix henz loh cungj dwg gya lingq,fwt ndaejnyi sing hemq,song doih bingmax daj baihnaj bongh daeuj,baizdaeuz cingq dwg Veiz Meijsenh caeuq Veiz Sifung,yaengx cax dangj loh.Fan Ahdungh raen song de dwg mehmbwk,couh fad max hwnjbae ciengj loh.Veiz Meijsenh vad hwnj song giemq daeuj hoenx,giemq nangx doxbungq,yap feiz byanbyan.Hoenx ndaej sam hoizhab,Veiz Meijsenh daegdaengq baih deuz,Fan Ahdungh fad max bae gyaep,Veiz Meijsenh yot ok feidau,fwngz baez vid,feidau baek haeuj najbyak,Fan Ahdungh mbouj ndaej hemq sing he couh doek roengz max dai lo.Veiz Sifung vad hwnj song cax,gyoengq bing mehmbwk couh roemx hwnjbae.Baihlaeng Nungz Gencungh hix daiq bing gyaep daengz,bing Gyauhcij song gyaeuj deng homh,fouz loh deuz ndaej,gaj dai baenz gyoengq,gaeb lix hix miz daihbaj.
Gung roengz Swhlangcouh le,Nungz Cigauh siengj lienzdaemh fat bing bae gung Gvangjyenz,gaemh dawz Yenz Vwnzyez.Daxnungz naeuz,mbouj yungh bae,Yenj Vwnzyez rox gag daeuj ra dai.
"O?"Nungz Cigauh dingq le baez angq,"daxmeh miz maz ndei geiqmaeuz?"Daxnungz baenzneix baenzneix gangj diuz geiq he,Nungz Cigauh angqbupbup haenh naeuz:"Daxmeh diuz geiq he,giengz gvaq cib fanh bing!"
Yienghneix,Nungz Cigauh heuh saeyez Fan Ahdungh daeuj,naeuz:"Mwngz hawj Yenj Vwnzyez sij fung saenq he,naeuz Swhlang deng Nungz Cigauh humx lo,hingzseiq gaenjgaep,heuh de sikhaek baij bing daeuj gouq,baihlaj ciem coh Fan Ahdungh."
Saeyez naeuz:"Fan cienghginh gaenq dai gvaq......"
Nungz Cigauh naeuz:"Mwngz couh dang de lij lix,heuh Yenj Vwnzyez daeuj gouq de."
Saeyez sij ndei saenq le naep hwnj bwngaeq,Nungz Cigauh couh baij vunz sikhaek ganj soengq bae.
Nungz Cigauh heuh Vuj Hwzli, Hij Yenz dawz gyoengq bing lajfwngz de cienzbouh vuenh daenj buhbing Gyauhcij,cap geiz Fan Ahdungh,youq gwnz ciengzsingz guh yiengh souj singz.Heuh Nungz Gencungh, Nungz Civei daiq bing youq ndaw singz maizfug,gizyawz bingmax youq rog cang guh humx singz,cij caj Yenz Vwnzyez daeuj haeujhongx.
Yenj Vwnzyez ciep ndaej saenq le lienz hwnz daiq bing ganj bae Swhlangcouh.Bae daengz lajsingz,gwnz singz bing "Gyauhcij" angqhemq huhu,Yenj Venzyez "gaj" hai diuz loh he cung daengz henz singz,dousingz fwt hai,Yenj Vwnzyez daiq bing haeujbae.Hoeng ngamq haeujbae dingzsiuj he dousingz youh fwt gven ndei,dingzlai bing deng gven youq rog singz.Cingq youq seizneix,fwt yiengj sing bauq he,song doih bingmax daj song mbiengj cung daeuj,Yenj Vwnzyez lij caengz roxsingj,gyaeuj gaenq deng raemj doek lo.Seizneix,ndaw singz rog sing hemq gaj huhu,bingmax Yenj Vwnzyez baenzlawz dingj ndaej,mbouj geij nanz,bing Gyauhcij dai cix dai gaeb cix gaeb,cienzbouh deng siumied lo.
Mbouj yungh sam ngoenz,Nungz Cigauh couh cienzbouh soudauq diegsaet,gyeongq Bouxcuengh beksingq angqangq yangzyangz,cit bauqrengh,venj daengloengz,yiedyied nauhnauh caez angqhoh.
Riengzlaeng,Nungz Cigauh baij bing cap ndei bien'gyaiq,cuk maenh goengsaeh,souj ndaet bien'gvan,Lij Dwzcwng dwk bing daeuj famh geij baez,baezbaez dwk baih buet deuz,Lij Dwzcwng cijndei danqheiq naeuz:"Nungz Cigauh bwnfwed geng lo,dwk mbouj roengz dem!"
作者: 侬氏春秋 时间: 2004-1-12 19:51
我看懂了大部分。多看多学这样的作品，对壮文水平的提高，有很大的帮助。
作者: 红棉树 时间: 2004-1-17 19:29
今天是这个月最后一天上班，在办公室闲着无聊，就将路漫老师的这部《侬智高1～9》给打印了出来。捧着35张印着壮文的4A纸，更体会到了路漫老师打字的辛苦。还有10～20等11章还没有输入，这个工作量还真大啊，谢谢路漫老师。
作者: aro 时间: 2004-3-10 14:07
洋洋洒洒，着实壮观，可惜我看不懂壮文。能早些统一僚文字，到时候用僚文字写出来。我们就可以欣赏用我们自己文字描述的我们自己的英雄的故事了。
作者: 路漫 时间: 2004-5-12 17:54
cib. Sim Rongh Ceiqheiq Sang 十、心煷志气槡
Gunghyenz 1045 nienz seizcin,Nungz Cigauh youq Anhdwzcouh laebbaenz Namzdienguek,guenj Coj-Yougyangh sam cib roek aen cou doengh Bouxcuengh,roengz lingh gak giz cagaenj lienhbing,roengzrengz guhhong,lai rom haeuxliengz,miz saeh boq gaeuvaiz comz daeuj,doengzcaez doiqdig.Aenvih Gyauhcij mbouj gamj daeuj famh,lwgminz angq gvaq saedceij,vuenyungz lai lo.
Ngoenz he,Nungz Cigauh fouz saeh,ndawsim mbwqmbwt.Gag naemj,yienznaeuz dang guekvuengz,hoeng Coj-Yougyangh rangh neix dieg mbouj gvangq,Bouxcuengh youq dieg gaebgeb,lumj duzgoep doek cingj nei.haujlai doenghyiengh yaek yinh okbae gai,lij aeu vuenh gak cungj doxgaiq dauq;sinsin hojhoj vat ndaej gim,yaek dawz bae Yunghcouh、Gvangjcouh cij gai ndaej ngaenz;Bouxcuengh lij aeu bae rog doegsaw,daengzcog gauj gawjsaenz,hwnj Ging gauj cinsw,bae ciuzdingz dang hakhung,bae gak yienh naengh dangz!Nungz Cigauh naemj bae naemj dauq,roxnyinh Bouxcuengh caeuq Cungguek vuengzciuz doxrengh doxnangq mbouj ndaej goenqduenh,cihgeij dang Namzdienguek guenkvuengz,mboujyawz dang Soengqciuz couguen ndei.Coj-Yougyangh rangh neix yienzbonj dwg dieg Soengqciuz,Bouxcuengh dwg beksingq Soengqciuz,Namzdienguek mboujgvaq dwg aen couh Soengqciuz he.Senq youq Dangjyouzcouh laeb Daihligguek seiz,de couh miz sim coh Soengqciuz,cix vih dangseiz Gyauhcij daeuj famh,goq ndaej neix goq mbouj ndaej haenx,seizneix hab caeuz Soengqciuz doxgyau lo.
Aeu ra boux vunz he bae Yunghcouh soengq saenq hwnj saw,bang Nungz Cigauh gangjmingz simnyienh gvihaeuj Soengqciuz.Boux vunz neix aeu sugsik guenciengz,roxyiuj ciuzdingz gvigawj.Byawz bae ndei ne?Nungz Cigauh naemj doh gyoengqvunz lajfwngz de,cungj mbouj miz vunz habsik.De ngeix hwnj Vangz Veij、Vangz Swhmi song boux vunz neix,songde cungj dwg cinsw,gig sug guenciengz,youh ciengz daeuj neix guh gim seng'eiq,raen lai rox lai,lij dang gvaq lauxsae de,gvansim Bouxcuengh haemzhoj,haengj caeuq Nungz Cigauh yaeng daihsaeh lajmbwn,caemhcaiq yawj ndaej gig gvangq.Vangz Veij simsangj,banh saeh gamj guh gamj dang;Vangz Swhmi dungxlaeg,gig miz geiqmaeuz.Ndaej song vunz neix bae Yunghcouh,de couh cuengqsim lo .
Nungz Cigauh dawz aen simsaeh neix lwnh hawj daxmeh,Daxnungz naemjnini mbouj guhsing.Nungz Cigauh lienzlienz coi de,de gyangz gaemz heiq raezraez he naeuz:"Neix bonjlaiz dwg saehndei,cix lauheiq raeuz miz sim,Soengqciuz fouzeiq,lij laihnaeuz simyak dem!"
Nungz Cigauh naeuz:"Mwngz gangj gijneix,gou hix naemj daengz lo,hoeng wnggai banh lij aeu banh,banh mbouj daengz caiq ra monzloh lube."
Daxnungz ngaek gyaeuj naeuz:"Mwngz gangj hix deng,banh saeh youq vunz,saeh baenz youq mbwn.Wnggai banh raeuz banh lo,banh mbouj baenz daihlaeng hix gvaiq mbouj ndaej raeuz lo."
Nungz Cigauh naeuz:"Gou siengj heuh Vangz Veij、Vangz Swhmi sienseng bae Yunghcouh baez he,mwngz naeuz ne?"
Daxnungz naeuz:"Ceiq ndei dwg mwngz caenndang bae,biujmingz caensim,danhseih,hak lauxyez Yunghcouh liglaiz yawj feuh raeuz Bouxcuengh,lauheiq gauj ok nyuknyak dem,gizneix hix aeu mwngz daeuj guenjsaeh.Yienghneix,heuh song boux sienseng bang mwngz bae hix ndei ba!"
Doeklaeng Nungz Cigauh deq bae muengh dauq,dan caj song vih Vangz sienseng daeujdaengz.
Ngoenz he,dauqdaej muengh ndaej songde daeuj lo.Nungz Cigauh angq ndaej yaek fatbag,lienzmuengz ok dou bae coux.De coemj gvaqbae,fwngz he yien Vangz Veij,fwngz he rag Vangz Swhmi,angqvauvau yamq haeuj gyangding,angq heuh daxmeh caez okdaeuj buenx hek.
Daxnungz naeuz:"Song vih sienseng sinhoj lo,daj Gvangjcouh daengz neix,cien gyae fanh gyae,mbouj yungzheih ha.Cigauh!Ngoenzneix cingj song vih sienseng gwn byalwgnyez,mbouj rox song vih sienseng gwn gvaq lwi?"
"Byalwgnyez?Swhmi mwngz gwn gvaq lwi?——Mbouj raen gvaq?"Vangz Veij riunyumnyum,"Gou hix caengz raen gvaq.Byalwgnyez,gvaiq mingz,yiengh lumj lwgnyez ba?Ndaej mbouj ndaej hawj haihai nganxgyaiq,mboujne roengz rek le couh yawj mbouj ok lo."
"Dawz duz byalwgnyez lix he daeuj,hawj song vih sienseng yawjyawj!"Nungz Cigauh sikhaek heuh naeuz.
Yaep he,miz vunz yaeuj batdin coux byalwgnyez daeuj lo.
Gyoengqvunz humx gvaq henz bat,cijraen duz byalwgnyez he boemz youqdaej bat,nanznanz cij bibi rieng,gyaeuj luenzbenj,lwgda iq,ndang lumj byandoek,laeng ndaem dungx mong,itdi mbouj lumj lwgnyez.
Vangz Swhmi cam Daxnungz:"Vuengzdaiqhaeuh,bya neix mbouj lumj lwgnyez,vih maz heuhguh byalwgnyez?"
Daxnungz naeuz:"Cungj bya neix youq ndaw rij geh dat,baezdaengz yaek doek fwn,de couh heuh,sing lumj lwgnyez daej nei,ndigah heuh byalwgnyez.Neix dwg cienzgangj,gou laux baenz haj cib bi lo,hix caengz dingqnyi byalwgnyez heuh gvaq.Dingq gangj ndaejnyi byalwgnyez heuh,mbouj miz daihfuk,couh deng daihnanh."
"Singjsien,singjsien!"Vangz Veij bek fwngz riu naeuz,"Coj-Yougyangh rangh neix gizgiz ok bauj,yienghyiengh sinsien,ndaej youq neix youq,caemh dwg ciuh neix daihfuk lo."
Nungz Cigauh naeuz:"Sienseng byaij doh lajmbwn,raen lai rox lai.Coj-Yougyangh cij dwg gungx mbwn he,vengq dieg he,loh gaeb roen ngut,yienznaeuz ok gim lai,dauqdaej mbouj beij Cunghyenz dieg gvangq fouqmiz.Vunz naeuz rog ndoi miz ndoi,rog mbwn miz mbwn,Coj-Yougyangh lae roengz Yunghcouh,doeng daengz Gvangjcouh;Anhdwzcouh miz maxloh doeng bae Yunghcouh、Biengingh,Bouxcuengh gizneix mbouj wnggai gag cug ga gyaeng youq ndaw ndoeng ndaw rungh.Duzyiuh ndaej mbin sang bongh gyae,beij maeuq youq ndaw haz gwn nengz gwn daek feihdauh lai hw!"
Vangz Veij riuhaha naeuz:"Daihvuengz!Mwngz duenh vah neix,yawj ok mwngz sim rongh ceiqheiq sang,nyienh dingq gangj roengzbae dem."
Daxnungz naeuz:"Cigauh cingq miz daihsaeh yiengq sou cingjgyauq ne,naengh roengzdaeuj yaengyaeng gangj ba!"yienzhaeuh heuh vunz dawz bya bae longh ngaiz.
Naengh ndei le,Vangz Veij cam:"Vuengzdaiqhaeuh naeuz daihvuengz miz daihsaeh yaek yaeng,dwg gijmaz ne？"
Nungz Cigauh naeuz:"Song vih sienseng byaij loh sinhoj,yietnaiq gonq,gwn ngaiz le caiq gangj ba."
Vangz Swhmi naeuz:"raen sou le sim'angq simhai,naetnaiq gaenq siu caez lo,daihvuengz miz vah couh gangj ba."
Vangz Veij bak sangj,riu naeuz:"Byalwgnyez lij caengz loengh ndei ne,daihvuengz ngaiznyed mbouj gangj,dauqfanj hawj dou hojsouh dem."
Daxnungz naeuz:"Gizsaed gienh daihsaeh neix,Cigauh youq laeb Daihligguek seiz couh doiq Swhmi sienseng gangj gvaq,sienseng geiq lwi?"
Vangz Swhmi roxsingj lo,naeuz:"Couh dwg youq baihnamz guh vuengz,doiq baihbaek guh caenz gienh saeh neix ba."
Nungz Cigauh bek fwngz naeuz:"Sienseng geiqsingq ndei!Couh dwg gienh saeh neix!Gou cingq siengj bae gvihaeuj Soengqciuz,sou naeuz ne?"
Vangz Veij naeuz:"Gienh saeh neix gig ndei,mbouj rox daihvuengz baenzlawz naemj,baenzlawz bae guh?"
Nungz Cigauh ndwn hwnjdaeuj,yiet lwgfwngz he naeuz:"Bouh daih'it,siengj cingj song vih bang rengz,bae Yunghcouh hwnj saw,heuh Yunghcouh couguen cienq bauq ciuzdingz,cingj vuengzdaeq aencinj."
Vangz Veij cam:"Danghnaeuz vuengzdaeq cinj le,Namzdienguek couh gvihaeuj Soengqciuz baenz aen couh ndeu,daihvuengz mwngz dang gijmaz ne?"
Nungz Cigauh naeuz:"Gou couh mbouj dang guekvuengz lo,cij dang boux Denzcouh swsij couh rimhoz lo."
Vangz Veij sangjsak naeuz:"Bae Yunghcouh hwnj saw gou bau lo."
Vangz Swhmi hix naeuz:"Gou hix nyienh riengz mwngz caez bae."
Vangz Veij baetbaet fwngz naeuz:"Fung sawsaenq he,saek di saenzcingz,yawz aeu song ndaek cinsw ram bae,gou boux ndeu ndaej lo,mwngz couh youq neix banh seng'eiq,hawj gou gag bae ba!"
"Hix ndaej!Danghnaeuz baez laeng miz saeh yaek banh,couh hawj gou bae."Vangz Swhmi naeuz,naemjnaemj le youh simyou cam:"Danghnaeuz vuengzdaeq mbouj cinj,daihvuengz baenzlawz banh ne?"
Nungz Cigauh mdwn sohswd,nyaeuq meizda naemj gijmaz.
Vangz Veij naeuz:"Seizneix ciuzdingz nduknaeuh,Cau Cwnh hukhak fouznaengz,de mbouj cinj daihvuengz gvihaeuj,neix gig gojnaengz.Danghnaeuz baenzneix,daihvuengz baenzlawz dajsuenq?"
Nungz Cigauh nyaenj gaemzgienz mboengj daiz naeuz:"Gou cauhfanj!"
"Ndei!"Vangz Veij yiet ok fwngzmeh,"lienz diegguek cungj mbouj aeu,ndaek vuengzdaeq neix hab cauhfanj!"Vangz Veij rub mumh naemjnaemj le,youh naeuz:"Mboujgvaq,ciuq daihvuengz saedlig,yaek hoenx daengz Gingsingz,dwk fan Soengqciuz,lauheiq nanz banh ndaej daengz,mbouj rox daihvuengz naemj gvaq caengz,cauhfanj daengz laeng yawz yiengh?"
Nungz Cigauh yaengyaeng yamq din,doq naemj doq gangj:"Sienseng cam yienghneix,gou gaenq naemj gvaq geij bae,gou neix couh gangj,cingj sond vih son'gyauq.Cauhfanj le miz sam cungj gojnaengz:Gou heonx okbae,sien dued Yunghcouh,gung roengz Gvangjcouh,caiq ciemq Gingh Siengh,dungj guenj Lingjnanz,namz dingj Gyauhcij,baek dingj Soengqciuz,sam guek dingjlaeb,laebhwnj daih Namzdienguek,neix dwg daih'it cungj;daihngeih cungj,bing Soengqciuz roemx daeuj,danghnaeuz gou cap mbouj maenh Lingjnanz,bauj mbouj maenh Yunghcouh,gou couh doiqdauq souj ndei Coj-Yougyangh deihbuenz,hen maenh siuj Namzdienguek;daihsam cungj,danghnaeuz lienz di neix hix souj mbouj ndaej,gou nyienh raemj gyaeuj aeu lwed,boiz hawj bouxlaux mbanjranz.Vih hawj Bouxcuengh ndaej gvihaeuj Cungguek,Soengqciuz gven dou maenhmdaet mbouj hawj haeujbae,gou nyienh aeu gyaeuj nyoengx hai faq doudiet minzcuz gekhaed neix,aeu lwed vuenh daeuj diuz sengloh minzcuz gou!Guh vunz,lix aeu lix ndaej vifung gvaekgvaek,dai hix aeu dai ndaej goenjfoed gyukhu!Dwg goeng dwg coih,youz daihlaeng bae bingzgangj!"
"Daihvuengz duenh vah neix,miz ceiqheiq,doengh sim vunz!"Vangz Veij nyaenx mbouj ndaej hix ndwn hwnjdaeuj,gangj vah ndawsim naeuz,"Daj ngoenzneix le,gijmaz saeh gou cungj mbouj naemj lo,danghnaeuz daihvuengz mbouj yiemz,gou nyienh riengz mwngz yien max,caeuq daihvuengz caez maeuz daihsaeh."
Vangz Swhmi hix ciep vah naeuz:"Gou hix senq mizsim,mbouj rox daihvuengz nyienh mbouj nyienh ne?"
Nungz Cigauh fanhfaen gikdoengh,itseiz mbouj rox baenzlawz gngj ndei,de anj lo.
Daxnungz lienzmuengz naeuz:"Cigauh!Mwngz lij mbouj vaiq docih song vih daxau!"
Nungz Cigauh fwt gvih roengzbae,baiq song vih Vangz sienseng:"Cigauh fanhfaen docih song vih daxau bang rex."
Vangz Veij、Vangz Swhmi lienzmuengz fuz hwnj Nungz Cigauh.Vangz Swhmi naeuz:"Daihvuengz baenzneix,dou dang mbouj hwnj hu."
Daxnungz naeuz:"Song vih sienseng caeuq Cenzfuz gapbaiq gvaq beixnuengx,dwg banboh Cigauh,Cigauh hab dang gvihbaiq."
Vangz Veij naeuz:"Neix dwg saeh gonq lo.Seizneix gou naemj,danghnaeuz daihvuengz yawj ndaej hwnj dou,dou nyienh caeuq daihvuengz gietbaiq beixnuengx,cingzngeih naekna,caez maeuz daihsaeh.Swhmi,mwngz yawj ne?"
Vangz Swhmi cam Daxnungz:"Daiqvuengzhaeuh mwngz naeuz hab mbouj hab?"
Daxnungz riu naeuz:"Sou sien caeuq boh de gap beixnuengx,neix youh caeuq de gap beixnuengx,lau deng vunz riu,dwg lwi?Gizsaed,gvigawj dwg vunz laeb,gvigawj cungj mbouj bienq,seiqgyaiq baenzlawz bienq?Gou couh mbouj swt gij gvigawj mbouj dijcienz haenx,seizneix gou youh haq vunz lo,youz vunz baenzlawz gangj ba,gou gvaq ndaej ndei couh ndaej.Sou gietbaiq ba,Cigauh beixnuengx yied lai,gou yied miznaj."
Vangz Swhmi naeuz:"Daiqhaeuh gangj ndaej liz leix.Doenghbaez Liuz Gvanh Cangh Dauzyenz sam gietngeih,Cungguek hix okyienh sam guek dingjlaeb;ngoenzneix raeuz hix sam gietngeih,daengzcog hix sij haeuj saw bae!"
Nungz Cigauh heuh naeuz:"Diemj yieng、dawz laeuj daeuj!"
Yienghneix,Nungz Cigauh、Vangz Veij、Vangz Swhmi sam boux caez baiq diendeih,caiq baiq Daxnungz,yienzhaeuh gingz laeuj doiq mbwn mieng naeuz:"Mbouj gouz caemh ndwen caemh ngoenz seng,cij gouz doengzsim caemhsaeh dai,miz nanh doengz dang,miz fuk doengz yiengj,mbouj faen gou mwngz,cingz lumj dinfwngz."Mieng le ngaeu gen ndoet laeuj daengz daej.
Ciuq nienzgeng,Vangz Veij ceiq beix,dwg godaih;Vangz Swhmi ndaw gyang,dwg go'ngeih;Nungz Cigauh ceiq oiq,baiz daihsam.
Ngamq baiq gvaq,haeuxngaiz gaenq loengh ndei,Daxnungz angqangq yangzyangz heuh daihgya haeuj daiz,caez angqhoh ngoenzneix sam gietngeih,caez maqmuengh ngoenzlaeng Bouxcuengh hwngvuengh fatdad.
作者: 汉壮是一家 时间: 2004-5-16 20:10
怎么都是拼音？偶不懂啊，偶是汉人
作者: Duhhenj 时间: 2004-5-17 16:57
红棉树，把本帖设精华啊！
作者: 红棉树 时间: 2004-5-17 19:18
以下是引用Duhhenj在2004-5-17 16:57:42的发言：
红棉树，把本帖设精华啊！
Hehe, mwngz vihmaz mbouj gag guh? Mwngz dwg bouxcawj banj neix, mwngz goj miz aen gienzhanq（权限）neix. Mboujgvaq, mbat neix gou lij dwg bang mwngz suenq lo, baezlaeng mwngz aeu gag guh ha! 
作者: Duhhenj 时间: 2004-5-18 08:46
Mboujndeij a!?gou yungh mboujndeij giq gienzhanq（权限）gou,ndeimiz gou daj swizlawj cix guh lo!
[此贴子已经被作者于2004-5-18 8:48:39编辑过]
作者: 红棉树 时间: 2004-5-20 21:14
以下是引用Duhhenj在2004-5-18 8:46:45的发言：
Mboujndeij a!?gou yungh mboujndeij giq gienzhanq（权限）gou,ndeimiz gou daj swizlawj cix guh lo!
Mbouj dwg mbouj ndaej, dwg mwngz mij rox yungh. Hehe.
作者: Ayingj 时间: 2004-5-29 00:52
Daengz ngoenzneix gou cij yawj sat goj Nuengx Ciqgau.
Loh Manh lausae,Gou yin weiz mwngz bang Bouxcuengh vwnz va
guh liux yiengh hong naek ndeu, Cwngq fuj wnggai nginh gij
cwngzgoj mwngz, mwngz goj bae nginhlingx lizsij cozbinj cingleix
hangh ngaenz haenx , aen vih yiengh hong neix dwg hong
doih Bouxcuengh ,doiq lwglan Bouxcuengh ndaej rox bonjfaenh
coj goeng gij lizsij miz daih gyaq ciz !
Lingh vaih gou gamj daengz , gij goj haenx bien ndaej miz di haw ,
yawj miz di mbouj gouq saed, Lumj gangj Nuengx Ciqgauq
Banh haemh doeg Bingsaw couh miz di ,[ Bingsaw ]
Bouxcuengh daj gizlawz aeu? Dangseiz de rox mbouj
rox sawgun? Doeg sawndip cuenghcoj haemq lumj di ba ?
作者: Stoneman 时间: 2004-6-15 10:16
Loh Manh Lauxsae, bonj saw mwngz homq lek!!! Mwngz seizlawz caiq ok 11 - 20? Gou doeg sat 1-10 lo. Gou miz saek di cih yawj mbouj rox, gou yaek baenz cwngj baenz cwngj neix cam mwngz, mbouj rox ndaej mbouj ndaej?
作者: 路漫 时间: 2004-6-16 11:08
请问：baenz cwngj baenz cwngj 是什么意思？
Dangnaj mbouj hoengq swnj diep,ceng'aeu singgeiz laeng cau ok.Docih mwngz gvensim!当前没能抽出时间续帖，争取下星期录出。谢谢你关注！
[此贴子已经被作者于2004-6-16 11:09:35编辑过]
作者: Stoneman 时间: 2004-6-16 11:38
以下是引用路漫在2004-6-16 11:08:36的发言：
请问：baenz cwngj baenz cwngj 是什么意思？
Dangnaj mbouj hoengq swnj diep,ceng'aeu singgeiz laeng cau ok.Docih mwngz gvensim!当前没能抽出时间续帖，争取下星期录出。谢谢你关注！
Gou seizneix lij mbouj rox baenzlawz aeu Sawcuengh daeuj gangj gij eiqsei neix. "baenz cwngj baenz cwngj" ne, gou bonjeiq dwg: gou yaek cam mwngz saek di cih gou mbouj rox haenx, di cih youq 1 neix, mwngz lwnh gou rox lo, gou caiq cam mwngz di cihmoq youq 2, youq 3, ...... Baenzneix yiengh, daengz doeklaengz ne gou couh mbouj miz baenzlai cihmoq lo.
Loh Manh Lauxsae, dohci mwngz!!!
作者: 路漫 时间: 2004-6-20 23:20
cib'it. Hwnj Saw Yunghcouh 十一、佷书邕州
Vangz Veij daiq song boux vunz lizhai Anhdezcouh,haet byaij haemh doz,byaij cib ngoenz cij daengz Yunghcouh,ra hekdiemq doz roengzdaeuj.Diemqcawj roxnaj Vangz Veij,riuhaha naeuz:"Vangz sienseng guh seng'eiq fat daihcaiz luba?"
Vangz Veij riu naeuz:"Mbouj guh seng'eiq dem,daeuj ra hak."
Diemqcawj naeuz:"Yienzlaiz sienseng swngguen la,youq Yunghcouh hwnjnyaemh ba?Daegsam gou youq yaxmonz dang cai,cingj sienseng lailai ciuqgoq lo."
Vangz Veij naeuzauxbanj mwngz ngeix loek lo,gou mbouj dwg daeuj dangsaeh,baezneix daeuj dwg siengj ra couguen Cinz Gungj,lij siengj cingj Daegsam mwngz bang li."
Diemqcawj raen Vangz Veij gamj heuh coh couguen,rox de saenfaenh mbouj daemq,muengz naeuz:"Ndei gangj,ndei gangj!danghnaeuz mwngz yawj ndaej hwnj Daegsam,daengzcog baengh mwngz bang de guh ndaej bae."
Vangz Veij naeuz:"Riengz gou banhsaeh aeu mbeilaux,Daegsam miz damjliengh lwi?"
Diemqcawj saeqsing naeuz:"Gaej dwen,de gig yawj mbouj gvenq yaxmonz nduknaeuh,gamj youq gwnz gai ndaq ne,gou couh lau de nyex mazfanz."
Vangz Veij riu naeuz:"Couh lau riengz gou le,mazganz engq lai ne."
Diemqcawj hix riu l"Gaej gangj riu,gaej gangj riu."
Haemhhaenx,Daegsam daj yaxmonz maranz,Vangz Veij cawx byaek laeuj ma,cingj de daeuj gwn.Daegsam vunz coengmingz,bakraeuz,sam cenj laeuj roengz dungx,gijmaz vah cungj gangj caez.Vangz Veij dingqnyi de gangj daengz mehyah couguen gig leihhaih seiz,couh swnhbak cam:"Yah nyaenx leihhaih,couguen couh engq leihhaih luba?"
Daegsam naeuz:"Roet!Couguen gizsaed mbeisiuj lumj nou,da youh mong,yawj mbouj raen sam cik gyae,gyanghaemh dingqnyi nou heuh,couh ninz mbouj ndaek,cungj lau nou gaet aen loengx cang ngaenz haenx."
Vangz Veij riu l"Mwngz mbouj caeuq de ninz,baenzlawz rox de lau nou ninz mbouj ndaek?"
Daegsam cingqging naeuz:"Gou daj bak dahhoiq yah de dingq rox,lij miz gyaj?"
Vangz Veij naeuz:"Gou siengj bae raen couguen,mwngz miz banhfap lwi?"
Daegsam bek aek naeuz:"Bau hawj gou!Hoeng,yaek soengq song giz saenzcingz cij ndaej bw."
Vangz Veij naeuz:"Ndei gangj,yaek yungh geijlai ngaenz ne?"
Daegsam naeuz:"Giz daih'it,mwngz cawx doiq goenhngaenz he,hawj dahhoiq haenx;giz daihngeih,mwngz cawx gij soij ceiq lengj haenx,heuh dahhoiq soengq hawj yah couguen,yienghneix bau mwngz ndaej raen de lo."
Vangz Veij naeuz:"Gou lingh hawj mwngz cib liengx ngaenz,ndaej raen couguen le,caiq hawj lai dem."
Daegsam angqbupbup bae:"Mwngz caen sangj!Banj gijmaz saeh,baenzneix haengj yungh ngaenz?"
Vangz Veij naeuz:"Banh daihsaeh,ngaenz caiq lai hix dij!"
Ngoenzlaeng,Vangz Veij cawx goenh caeuq soij,couh yungh bae bak liengx ngaenz.Dawz doxgaiq gyau hawj Daegsam,Daegsam sikhaek bae lo.
Dahhoiq ndaej goenh le,couh daiq Daegsam bae raen mehyah couguen.Yah couguen raen ndaw hab coux soij ndongqgywg,riu ndaej da cungj laep bae,dingqnyi miz vunz yaek gouzraen couguen,muengz naeuz:"Heuh Vangz sienseng banhaemh daeuj ba,banhaemh lauxyez dwg youz gou guenj!"
Gwn caeuz le,mehyah doiq couguen naeuz:"Haemhneix,gou miz boux caen[cik he yaek raen mwngz,mwngz aeu dakdaijh ndei bw!"
Couguen soqlaiz lau yah,muengz riu naeuz:"Caencik mwngz,gou yawz gamj saetlaex,mbouj rox dwg byawz ne,baenzlawz heuh?"
Yah de luenh vab naeuz:"Aubiuj."
Gyanghwnz,Vangz Veij riuj aen hab he riengz dahhoiq daeuj raen mehyah couguen.Mehyah couguen hix mbouj lai gangj gijmaz couh daiq de haeuj sawfuengz bae raen couguen,naeuz:"Aubiuj daeuj lo."Gangj le cix cienq hangx okbae lo.
Couguen hekheiq cam:"Sienseng gviqsingq daihmingz?"
Vangz Veij naeuz:"Gou singq Vangz mingz veij,daegdaengq daeuj baiqraen lauxyez."Gangj le baez hai aenhab,cib ndaek gimdiuz iengjmigmig,gungh miz it bak loeg cib liengx."Ngamq raennaj,soengq lauxyez didi laex he,cingj gaej yiemz."
Couguen ndawsim angqbup,hoeng bak cix naeuz:"Aiya,caencik ma,aeu baenzlai laex guh maz."
Vangz Veij cig gangj naeuz:"Miz gienh saeh he cingj mwngz bang,banh baenz le,lij miz laex naek dem."
Couguen naeuz:"miz maz saeh guenj gangj,gaej guhhek."
Vangz Veij dawz ok sawsaenq Nungz Cigauh,song fwngz soengq hawj couguen:"Cingj lauxyez yawjyawj."
Couguen cek hai baez yawj,najhau najbienq,daengx ndang saenzfoegfoeg,mbajmbwt naeuz:"Mwngz……mwngz dwk Nungz Cigauh gijmaz vunz?"
"Gou caeuq de dwg gietbaiq beixnuengx."Vangz Veij naeuz,"mwngz yawj saenq sat le,raeuz caiq yaeng."
Couguen yawj saenq sat le,hanh gaenq rim nakbyak,simdiuq dubdub bae gven ndei dou,sing iq cam:"Saeh neix hawj byawz rox gvaq?"
Vangz Veij naeuz:"Mbouj miz vunz rox."
Couguen simnaek gywggywg,naengh nanznanz mbouj gamj guhsing.
Vangz Veij cam:"Lauxyez miz maz veiznanz ne?"
Couguen danqheiq naeuz:"Saeh neix loengh mbouj ndei,deng gaj hw!"
Vangz Veij naeuz:"Nungzvuengz nyienh gvi Daihsoengq,neix doiq ciuzdingz dwg saehndei,miz maz coih ne?"
Couguen naeuz:"Gou hawj Nungz Cigauh soengq saenq,baihgwnz mbouj laih gou doeng caeg ma?"
Vangz Veij buek naeuz:"Nungzvuengz nyienh gvi ciuzdingz,wngdang dwg goengcaenz,yawz naeuz caeg ne?"
Couguen naeuz:"Hawj gou naemj ndei gonq,mwngz hix gaej luenh gangj.Mwngz vaiq baema ba."De doq hwnjndang soengq Vangz Veij ok doulaeng bae.
Vangz Veij dauqma hekdiemq,cai rox couguen lau dai,itdingh mbouj gamj soengq saenq bae ciuzdingz.Ndaw sim mbouj net,naemj bae naemj dauq,gietdingh bae Gveicouh,caiq ra vunz bang hwnj saw.
Vangz Veij cingq yaek hwnjndang,fwt dingqnyi Gvangjnanz miz ndaek guen he heuh Siuh Gu daengz Yunghcouh,couh gaijbienq cawjeiq,bae raen Siuh Gu.Daj gyanghaet deq daengz banngaiz,dingqnyi "dangdang" sing laz yiengj,meh giuhhung he ram gvaqdaeuj lo.Vangz Veij sikhaek buet gvaqbae,lanz loh gvih roengz,song fwngz gingz hwnj sawsaenq.Bouxcai yaek gyaep de deuz,de hat naeuz:"Gou dwg baengzyoux Siuh dayinz,yaek baiqraen de!"
Bouxcai bae bauq Siuh Gu,Siuh Gu heuh de daeuj raen.
Vangz Veij byaij daengz naj giuh,Siuh Gu mbouj roxnaj,Vangz Veij muengz gej naeuz:"Gou dwg Vangz Veij,caeuq dayinz dwg caemh ban cinsw."
"O."Siuh Gu ngeix mbouj hwnjdaeuj,sim naemj ban cinsw he geij bak vunz,yawz geiq ndaej doh?Youh lau saetlaex,cix mbouj cam lo,cij naeuz:"Mwngz seizneix youq gyawz nyaemhsaeh?"
Vangz Veij ndenq saenq hawj:"Cingj Siuh daihgo yawj gonq."
Siuh Gu yawj saenq sat le,naemjnaemj,doeklaeng naeuz:"Vangz daihgo cuengqsim,gou hix miz diuz sim neix.Baema lwnh Nungzvuengz,gvaq geij ngoenz gou hwnj Ging,itdingh bang de banh gienh saeh neix."
Yienghneix,Vangz Veij couh biek Siuh Gu baema lo.
Gvaq sam ndwen le,Siuh Gu hwnj Gingsingz raen vuengzdaeq.Sungyinzcungh Cau Cwnh da mumjgyumq naengh gwnz lungzdingz,lienzlienz raurumz,mbwtmbwtmbwt cam:"Miz maz saeh couh bauq hwnjdaeuj."
Siuh Gu naeuz:"Gou ngamq bae cunz Yunghcouh ma,rox seizneix Nungz Cigauh youq Anhdwzcouh gag laeb Namzdienguek,ciu bing cawx max,gag baq rangh haenx.Gou nyinhnaeuz Cigauh dwg diuz hux ndeu."
Cau Cwnh ngaekngaek gyaeuj naeuz:"Mwngz gangj ndaej deng.Baenzlawz doiqfouq de ne?"
Siuh Gu mbouj gamj daez daengz Vangz Veij,cij naeuz:"Vuengz baij vunz bae gienq Nungz Cigauh gvihaeuj Daihsoengq,fung de dang couguen,biujmingz doiq de ndei.Neix it ndaej siu de cauxhux,ngeih ndaej heuh de henmaenh bien'gyaiq,doiqfouq Gyauhcij daeuj yauxluenh,naq ndeu ndaej song yiuh ne."
Cau Cwnh naeuz:"Gyauhcij mbouj dwg hawj Nungz Cigauh fung gvaq guen ma?Gou danghnaeuz hix fung guen hawj de,lauheiq nyex Gyauhcij ndatheiq,dauq dwk bing daeuj,mbouj engq mazfanz ma?"
Siuh Gu naeuz:"Gvangjyenz dwg dieg Cungguek,Nungz Cigauh dwg vunz Daihsoengq,Vuengz hawj lwgminz fung guen,couh suenq gueknden mbouj angq,dauhleix lij youq raeuz mbiengj neix ha!"
Cau Cwnh naeuz:"Gou hawj Nungz Cigauh fung couguen,ndaej bau de daengzcog mbouj cauhfanj ma?"
Siuh Gu naeuz:"Hai mieng yinx raemx,raemx cix ndij mieng byaij;cuk fai laengz raemx,raemx rim cix mued ha,mwngz naemj deng lwi?"
Cau Cwnh caem naj naeuz:"Mwngz gamj aeu gyaeuj daeuj bauj Nungz Cigauh ciengxlwenx mbouj cauhfanj,gamj bauj Gyauhcij mbouj vih gou fung Nungz Cigauh cix nyex ok saeh,gou couh fung de dang couguen.Mwngz gamj laeb roengz sawcih ma?"
Siuh Gu najbienq l"Gou……gou mbouj gamj……"
Cau Cwnh baez vad fwngz:"Mwngz baema ba!Baenzlawz doiqdaih Nungz Cigauh,gaej lumz lij miz Gyauhcij aen geuk neix."
Siuh Gu hanh lae rim ndang,lienzlienz ngaek gyaeuj couh byaij.
作者: Stoneman 时间: 2004-6-22 09:05
以下是引用路漫在2003-9-11 23:06:51的发言：
it. Bienqvaq Ndang Lungz 一、变化儾龙
Loh Manh Lauxsae, Duhhenj, Lwgyungh caeuq geijda gij beixnuengx rox Sawcuengh cingj haeujdaeuj. Gou miz gij cih lajneix mbouj rox, roxnaeuz mbouj cingjsuj gijlai, cingj gyoengqsou ndaej hoengq seiz lwnh naeuz gou caeuq vunzlai rox. Dohci sou lo!!! Dohci gyoengq beixnuengx!!!
ak
baet
baihhaenx
banhaemh
boihnyawh
byaed
byajbag
byoengq
caj
cij vih
cijraen
cik
cix
cueng
daengq
dahhoiq
dakmoengh
dangqmaz
dauq
deih
deng
dieb fwj
dingzlai
doeksaet
doxdauq
duengq
engqgya
fad max
fag gungdiet
ganjfaex
gien
gipmuengz
goekrwz
goliux
gouq lix
gutgungq
gvih naeuz
gwnzbiengz
gyawz
gyong
haetromh
hanhheu
haxbaenh
heux
hoenzbek
humx
hwk dwk
hwnj
hwnq
iengj gim migmig
lij
lij caj
liz
loegcak
lumz
lwggyax
mbeilek
mbinfed
mbok
mbouj caj
mbwnmomj
mokhau
myabmyab
naq
ndawde
ndingq
ngaeuz
ngeungeu
ngoenznaengz
nyawhhau
nye
nye faex
nyeliux
nyeux
nyingz
raeh
rau
reuq
riengz
rinranx
riuzgangj
roq
rug
saedceij
sijsaeq
simgip
uk
vunzgviq
yaengx bien
yamq
yienghneix (caeuq “baenzneix” mizma mbouj doengh?)
作者: 红棉树 时间: 2004-6-23 01:41
ak 厉害
baet 扫，拂
baihhaenx 那里，那一带
banhaemh 傍晚
boihnyawh ？ （怀疑为 boinyawh 之误，即‘玉杯’）
byaed 失手
byajbag 雷劈。类似汉语的“天诛地灭”
byoengq （刺）穿，贯破
caj 等待
cij vih 只因为
cijraen 只见
cik 尺；炎热；红、赤
cix 也，又，就
cueng 窗
daengq 凳子；嘱咐
dahhoiq 丫鬟
dakmoengh 托梦
dangqmaz 很，非常
dauq 回
deih 地（方）
deng 是，对
dieb fwj 踏云
dingzlai 多数，大部分
doeksaet 吃惊
doxdauq 回头，返回
duengq 吊，往下拉，下坠
engqgya 更加
fad max 快马加鞭
fag gungdiet （一）把铁弓箭
ganjfaex 树干，树枝
gien 圆圈；捐赠；范围
gipmuengz 急忙
goekrwz 耳根
goliux 木棉树
gouq lix 救活
gutgungq 蜷曲，弓身
gvih naeuz 跪着说
gwnzbiengz 世界上，社会中
gyawz 哪里
gyong 鼓
haetromh 早晨
hanhheu 直冒汗，冷汗，盗汗
haxbaenh 刚才
heux 缠绕，环绕
hoenzbek 魂魄
humx 围
hwk dwk 吓得
hwnj 起，上
hwnq 起（床），起身
iengj gim migmig 金子光亮耀眼
lij 还
lij caj 还在等
liz 离
loegcak 庄稼，禾苗
lumz 忘记
lwggyax 孤儿
mbeilek 胆战心惊
mbinfed 飞溢？
mbok 耙（田）；量米器
mbouj caj 不等
mbwnmomj 黎明，拂晓
mokhau 白雾
myabmyab ？冒
naq 箭
ndawde 这里面
ndingq 倾；倒
ngaeuz 影子
ngeungeu 缕缕（烟云）
ngoenznaengz 每天，日常，往日
nyawhhau 白玉
nye 小枝条
nye faex 树枝
nyeliux 木棉树枝
nyeux 回头，转头；瞥见
nyingz 射；射击
raeh 锋利，敏锐
rau 测量，量
reuq 枯萎，凋谢，憔悴
riengz 马上，立即；和，同，与
rinranx 磐石
riuzgangj 流传，传说，谣言
roq 敲打
rug 屋子
saedceij 日子
sijsaeq 仔细
simgip 心急
uk 脑子
vunzgviq 贵人
yaengx bien 举鞭
yamq 步
yienghneix (caeuq “baenzneix” mizma mbouj doengh?) ——意思大致相同。
作者: Duhhenj 时间: 2004-6-23 10:09
没想到Stoneman贝侬遇到这么多困难，壮文还是学得这么好，真得很佩服哦！
这些词对我来说很熟悉，在学习壮文的时候真的比其他贝农容易一些。
作者: Duhhenj 时间: 2004-6-23 10:31
goliux 木棉树？我一直以为是“柳树”，根据故事中的描述，我觉得也应该是“柳树”，木棉树长得很刚直，枝下高也很高，木棉枝怎么可能垂到地面，然后被农智高踩到？而且还长在水塘边（我不是说木棉树不能长在水边）
gyawz 是gih lawz 的连读合并成的词
riengz 我觉得翻译成“尾随”更合适一些
ndingq在我那里的意思是：容器里的液体已经差不多没了，可是不甘心，于是把容器倒过来希望还能倒出点东西来，于是就产生了ndingq这个动作。
作者: 路漫 时间: 2004-6-23 17:05
红棉树的解释很好。其中打问号的，现补充：
boihnyawh ？ （怀疑为 boinyawh 之误，即‘玉杯’）——原词写错，更正正确。
mbinfed 飞溢？——轻轻飘摇
myabmyab ？冒——形容“闪光”的形象词
goliux 木棉树——应作柳树解。木棉树——goleux
作者: 红棉树 时间: 2004-6-23 19:43
原来如此，我在翻译的时候没有看原文，所以把goliux理解成goleux了，因为我一直不知道“柳树”在壮语里怎么说。
不过我们家乡话里，“木棉树”为goreux或者maexreux，不太明白为何在标准语字典里收录的却是leux而不是reux（因为在北壮话里，木棉树大都为faexminz，这个词应该是吸收自南壮语）。
作者: Stoneman 时间: 2004-6-24 04:21
Docih Daeg Maexreux, Daeg Duhhenj, caeuq Loh Manh Lauxsae. Go youq "Ngeih. GYA CAEUZ GUEK NANH" neix lij miz di cih lajneix mbouj rox. Mazfanh Maexreux, Duhhenj, Loh Manh Lauxsae, caeuq geijda beixnuengx rox Sawcuengh haenx caiq son'gyauq gou. Docih dangqmaz (raixcaix?)!!!
Ngeih. GYA CAEUZ GUEK NANH家仇国难
baenz cax (youq gwnz rindat baenz cax):
boihseiz (boihseiz dahraix):
boq (boq gaeuvaiz guh hauh):
byawz: = boux lawz?
caemh (Daxmeh daih gou caemh beij lwg caen lij ndei):
caemrwg (ndaw singz caemrwg):
caenh (mbouj gamj caenh bing bae gyaep):
coemh (coemh gaj ciengjgiep):
comz (comz hwnj daengx singz)
cung (gag boux ndeu cung roengz ndoi):
cungh (miz mbouj miz aen cih neix?):
cungj (miz mbouj miz aen cih neix?):
cungq (miz mbouj miz aen cih neix?):
cungz (miz mbouj miz aen cih neix?):
daengx (comz hwnj daengx singz):
dahraix (boihseiz dahraix):
deng (byawz deng haeuj byawz): (youq neix lij dwg “doiq-right, yes”?)
deng (deng humx): (youq neix lij dwg “doiq-right, yes”?)
dieg youq bak guk:
doxgaiq (ciengj dou doxgaiq):
faexmbaenq:
fagfouj (de dawz hwnj fagfouj gaenq raze):
gaenq (de dawz hwnj fagfouj gaenq raze):
gaeuvaiz (boq gaeuvaiz guh hauh):
Gemhgimgaeq:
goksad (hemq gaj goksad):
gueknden:
guk (nauh dwk guk lau nyaen saenz):
gvan (mbouj raen gvan de Nungz Cenzfuz):
gyaep (mbouj gamj caenh bing bae gyaep):
gyaez (daj iq gyaez yawj bingsaw):
gyangz (bouxlaux gyangz):
haenqrengz (haenqrengz beng gung):
haenqsing (haenqsing ndaq naeuz
hongx ( loemq roengz aen hongx):
humx ndaet ( diuh bing humx ndaet ndoi sae):
lauheiq ( lauheiq yah de yungyiemj):
laxlawz:
lieb ( riengz de lieb yawj singzciengz):
lix daengx ( gaemh lix daengx ranz Nungz Cenzfuz):
loek ( byawz loek ndaq byawz):
loenghfangz ( mbouj lau vunzdig loenghfangz):
lumj ( lumj mwngz yienghneix):
maenh:
maenj ( Yenj Vwnzyez maenj naeuz):
mbwnfuemx:
mwncum (loegcak mwncum):
nauh ( nauh dwk guk lau nyaen saenz):
ndek ( baenzlawz haengj ndek hawj vunzdig)
ndot deuz ( hawj Nungz Cenzfuz ndot deuz)
ngawz ( youh ngawz youh yak):
ngoenzgonq ( guh loegcib daihsouh ngoenzgonq):
ngoenzlaeng:
nyaen saenz ( nauh dwk guk lau nyaen saenz):
nyaengq ( cingq nyaengq dajndaem):
nyoegnyamx ( nyoegnyamx beksingq henzguek):
raeq ( raeq naz hat vaiz):
re ( mbouj fuengz mbouj re):
rindat ( youq gwnz rindat baenz cax):
ringx ( daj gwnz ndoi ringx roengz):
roemx ( guengzliklik roemx daeuj):
rongx ( youq laj ndoi rongx):
rouh ( dawz cien liengx gim bae rouh vunz):
rwenz doh( rwenz doh lajdoengh
rwix:
sawqmwh:
seiqlengq ( rog singz seiqlengq):
singjsak ( daengq de haemh ninz aeu singjsak):
swenjrara ( caezsing swenjrara):
vued ( vued hai diuz lohlwed):
yaeuj ( vanj raemx ndeu yaeuj bingz):
yak ( youh ngawz youh yak):
yakrwix … doh ( yakrwix guh doh):
yungyiemj ( lauheiq yah de yungyiemj):
[此贴子已经被作者于2004-6-24 6:32:20编辑过]
作者: Duhhenj 时间: 2004-6-24 10:32
baenz cax (youq gwnz rindat baenz cax):磨刀
boihseiz (boihseiz dahraix): 倒霉
boq (boq gaeuvaiz guh hauh): 吹
byawz: = boux lawz?谁，就是 boux lawz的连读、连写
caemh (Daxmeh daih gou caemh beij lwg caen lij ndei):也
caemrwg (ndaw singz caemrwg):静悄悄
caenh (mbouj gamj caenh bing bae gyaep):？
coemh (coemh gaj ciengjgiep):
comz (comz hwnj daengx singz) 伏，停，蹲？
cung (gag boux ndeu cung roengz ndoi):冲
cungh (miz mbouj miz aen cih neix?):
cungj (miz mbouj miz aen cih neix?):有吧！比如 ：种（这种）
cungq (miz mbouj miz aen cih neix?):枪
cungz (miz mbouj miz aen cih neix?):
daengx (comz hwnj daengx singz):
dahraix (boihseiz dahraix): 很，非常
deng (byawz deng haeuj byawz): (youq neix lij dwg “doiq-right, yes”?)对，（谁对就站在谁那一边）
deng (deng humx): (youq neix lij dwg “doiq-right, yes”?)挨，被
dieg youq bak guk: 虎口之地
doxgaiq (ciengj dou doxgaiq):东西（物品）
faexmbaenq: 木棍（中等大小的木棍）
fagfouj (de dawz hwnj fagfouj gaenq raze):斧头（他拿着一把长柄斧头）
gaenq (de dawz hwnj fagfouj gaenq raze):柄
gaeuvaiz (boq gaeuvaiz guh hauh):牛角（吹牛角作（暗）号）
Gemhgimgaeq:地名，Gemh是山隘口
goksad (hemq gaj goksad):很响亮（喊杀声很响）
gueknden: ？
guk (nauh dwk guk lau nyaen saenz):虎（闹得老虎怕，野兽发抖）形容鸡犬不宁
gvan (mbouj raen gvan de Nungz Cenzfuz): 丈夫，老公
gyaep (mbouj gamj caenh bing bae gyaep):追赶
gyaez (daj iq gyaez yawj bingsaw):勤？
gyangz (bouxlaux gyangz): ？
haenqrengz (haenqrengz beng gung):使劲（用力）
haenqsing (haenqsing ndaq naeuz） 高声（高声骂道）
hongx ( loemq roengz aen hongx):陷阱
humx ndaet ( diuh bing humx ndaet ndoi sae):紧紧包围住
lauheiq ( lauheiq yah de yungyiemj):恐怕，担心，顾虑
laxlawz:没料到，岂料？
lieb ( riengz de lieb yawj singzciengz):巡逻（跟随他巡视城墙）
lix daengx ( gaemh lix daengx ranz Nungz Cenzfuz):ix，活的；daengx，整个（活捉Nungz Cenzfuz全家）
loek ( byawz loek ndaq byawz):错
loenghfangz ( mbouj lau vunzdig loenghfangz):搞鬼，闹事
lumj ( lumj mwngz yienghneix):像（像你这样的）
maenh:再；牢固
maenj ( Yenj Vwnzyez maenj naeuz):（威胁的那种）骂，威胁
mbwnfuemx: 傍晚 ，天慢慢黑下来
mwncum (loegcak mwncum): 茂盛，长势很好 ；loegcak庄稼
nauh ( nauh dwk guk lau nyaen saenz):闹，乱
ndek ( baenzlawz haengj ndek hawj vunzdig)？
ndot deuz ( hawj Nungz Cenzfuz ndot deuz)，ndot 脱deuz逃 ，逃脱
ngawz ( youh ngawz youh yak): 蠢（又蠢又恶）
ngoenzgonq ( guh loegcib daihsouh ngoenzgonq):几天前,
ngoenzlaeng: 第二天
nyaen saenz ( nauh dwk guk lau nyaen saenz):野兽发抖，形容很害怕，很不安宁
nyaengq ( cingq nyaengq dajndaem): 忙（正忙着做庄稼活）
nyoegnyamx ( nyoegnyamx beksingq henzguek):蹂躏（蹂躏边境百姓）
raeq ( raeq naz hat vaiz): 管理？
re ( mbouj fuengz mbouj re):舍？整句话的意思是：没有住房，无藏身之地
rindat ( youq gwnz rindat baenz cax):磨刀石（石热）
ringx ( daj gwnz ndoi ringx roengz):滚（从山上滚下来）
roemx ( guengzliklik roemx daeuj):闯入
rongx ( youq laj ndoi rongx):嚎叫，冲着别人高声喊骂
rouh ( dawz cien liengx gim bae rouh vunz):赎回，换回
rwenz doh( rwenz doh lajdoengh） rwenz形容声音震撼，回荡，doh满，充满
rwix:？
sawqmwh: ？
seiqlengq ( rog singz seiqlengq):四处（城外四处）
singjsak ( daengq de haemh ninz aeu singjsak):？
swenjrara ( caezsing swenjrara):闹哄哄之意，气势很大
vued ( vued hai diuz lohlwed):原意是用刀等把荆棘等砍倒的动作，这里指杀开一条路来
yaeuj ( vanj raemx ndeu yaeuj bingz):又？
yak ( youh ngawz youh yak):凶，恶毒
yakrwix … doh ( yakrwix guh doh): 坏事作尽了！形容极恶毒
yungyiemj ( lauheiq yah de yungyiemj): 凶险？
[此贴子已经被作者于2004-6-24 10:38:29编辑过]
作者: duzdinz 时间: 2004-6-24 13:24
coemh (coemh gaj ciengjgiep):烧（抢劫烧杀）
daengx (comz hwnj daengx singz):整个，全部
gueknden: 国家
gyaez (daj iq gyaez yawj bingsaw):喜欢（自小喜欢看兵书）
ndek ( baenzlawz haengj ndek hawj vunzdig)？扔（留），（如何肯扔（留）给敌人呢？）
raeq ( raeq naz hat vaiz): 犁、耕（犁田放牛）
re ( mbouj fuengz mbouj re):预防、提防（RE和FUENGZ的意思差不多，RE是民族词，而FUENGZ是汉语“防”的借词）
rwix:坏的（东西）
sawqmwh:立即
singjsak ( daengq de haemh ninz aeu singjsak):清醒、警惕（嘱咐他晚上睡觉都要保持警惕）
yaeuj ( vanj raemx ndeu yaeuj bingz):抓、持（一碗水持平）
作者: Duhhenj 时间: 2004-6-24 15:50
coemh 烧；singjsak 清醒、警惕
我居然没想起来，嘿嘿
raeq，我那里说cae，声母和声调都不一样，难怪猜不出是什么意思
re 提防，好久不用了，差点忘了
作者: 路漫 时间: 2004-6-24 16:05
baenz cax (youq gwnz rindat baenz cax): 磨刀（在岩石上磨刀）
boihseiz (boihseiz dahraix): 背时；倒霉（非常倒霉）
boq (boq gaeuvaiz guh hauh): 吹 （吹牛角为号）
byawz: = boux lawz? 谁（词意等同，Duhhenj 已有解释）
caemh (Daxmeh daih gou caemh beij lwg caen lij ndei):也；同样（母亲待我也比亲生子还好/母亲待我比亲生子同样好）
caemrwg (ndaw singz caemrwg):静悄悄（城里静悄悄的）
caenh (mbouj gamj caenh bing bae gyaep):催促；驱（不敢驱兵追逐）
coemh (coemh gaj ciengjgiep):烧（烧杀掳掠/烧杀抢劫）
comz (comz hwnj daengx singz)聚集；集中（聚集全城）
cung (gag boux ndeu cung roengz ndoi):冲（一个人冲下山）
cungh (miz mbouj miz aen cih neix?):宠爱？（请把整句写出）
cungj (miz mbouj miz aen cih neix?):种；总等等（请把整句写出）
cungq (miz mbouj miz aen cih neix?):枪？（请把整句写出）
cungz (miz mbouj miz aen cih neix?):重新；重复……（请把整句写出）
daengx (comz hwnj daengx singz):全部；整体（见上例）
dahraix (boihseiz dahraix): 很；非常（十分倒霉）
deng (byawz deng haeuj byawz): (youq neix lij dwg “doiq-right, yes”?)对；正确（谁有理就帮谁）
deng (deng humx): (youq neix lij dwg “doiq-right, yes”?)被；挨（受到围攻）
dieg youq bak guk: 地处虎口
doxgaiq (ciengj dou doxgaiq)东西、物件（抢劫我们东西）:
faexmbaenq: 木棍
fagfouj (de dawz hwnj fagfouj gaenq raze):斧头（他拿起长柄斧子）raze--raez
gaenq (de dawz hwnj fagfouj gaenq raze):柄子；把子（见上例）
gaeuvaiz (boq gaeuvaiz guh hauh):牛角（见上例）
Gemhgimgaeq:金鸡坳（地名）
goksad (hemq gaj goksad):形容喊声轰烈的形声词（喊杀震天）
gueknden:邻国
guk (nauh dwk guk lau nyaen saenz):老虎（闹得老虎害怕野兽颤抖/闹得鸡飞狗走）
gvan (mbouj raen gvan de Nungz Cenzfuz): 丈夫；老公（没看见她的丈夫侬全福）
gyaep (mbouj gamj caenh bing bae gyaep):追逐（见上例）
gyaez (daj iq gyaez yawj bingsaw):喜欢；喜爱（小姑娘喜欢看兵书）
gyangz (bouxlaux gyangz): 呻吟（老人呻吟）
haenqrengz (haenqrengz beng gung):尽力、用力（用力拉弓）
haenqsing (haenqsing ndaq naeuz 大声；狠声（大声骂道）
hongx ( loemq roengz aen hongx):圈套；陷阱（蹋跌下陷阱）
humx ndaet ( diuh bing humx ndaet ndoi sae):包围；围攻（调兵把西山紧紧包围）
lauheiq ( lauheiq yah de yungyiemj):恐怕；担忧（恐怕他的妻子有危险）
laxlawz:原来
lieb ( riengz de lieb yawj singzciengz):猎；巡（跟随着他巡看城墙）
lix daengx ( gaemh lix daengx ranz Nungz Cenzfuz):活/全（活捉侬全福全家）
loek ( byawz loek ndaq byawz):错（谁错责怪谁）
loenghfangz ( mbouj lau vunzdig loenghfangz):搞鬼、弄阴谋（不怕敌人搞鬼）
lumj ( lumj mwngz yienghneix):像；如；似（像你那样）
maenh:坚固；牢靠
maenj ( Yenj Vwnzyez maenj naeuz):吼；高声骂（阮文越大声骂道）
mbwnfuemx: 天黑
mwncum (loegcak mwncum): 茂盛（庄稼茂盛）
nauh ( nauh dwk guk lau nyaen saenz):闹（见上例）
ndek ( baenzlawz haengj ndek hawj vunzdig)丢；放弃（如何甘心丢给敌人）
ndot deuz ( hawj Nungz Cenzfuz ndot deuz)逃脱（让侬全福逃脱）
ngawz ( youh ngawz youh yak): 愚蠢（又愚蠢又恶毒）
ngoenzgonq ( guh loegcib daihsouh ngoenzgonq):前一天（做六十大寿前一天）
ngoenzlaeng: 后天
nyaen saenz ( nauh dwk guk lau nyaen saenz):（见上例）
nyaengq ( cingq nyaengq dajndaem): 忙乎（正在忙着种田）
nyoegnyamx ( nyoegnyamx beksingq henzguek):蹂躏（蹂躏邻国百姓）
raeq ( raeq naz hat vaiz): 耕;耙《特指耙水田》（耕田叱牛）
re ( mbouj fuengz mbouj re):防止；保护；提防（没有任何防备）
rindat ( youq gwnz rindat baenz cax):岩石（见上例）
ringx ( daj gwnz ndoi ringx roengz):滾动（从山上滚下）
roemx ( guengzliklik roemx daeuj):冲；撞；闯（得意洋洋地闯来）
rongx ( youq laj ndoi rongx):吼叫（在山下吼叫）
rouh ( dawz cien liengx gim bae rouh vunz):赎回（拿千两黄金去赎回人质）
rwenz doh( rwenz doh lajdoengh 热闹；喧闹/遍；全；充满（闹遍了田垌）
rwix:坏
sawqmwh: 忽然；突然
seiqlengq ( rog singz seiqlengq):四周；周围（城外到处）
singjsak ( daengq de haemh ninz aeu singjsak):清醒；警惕（交代他晚上睡觉要警惕）
swenjrara ( caezsing swenjrara):叫喊喳喳（齐声叫喊喳喳）
vued ( vued hai diuz lohlwed):砍；割（砍出一条血路）
yaeuj ( vanj raemx ndeu yaeuj bingz):提；端（一碗水端平）
yak ( youh ngawz youh yak):凶恶；恶毒（见上例）
yakrwix … doh ( yakrwix guh doh): 坏；毒……遍；全（坏事做绝）
yungyiemj ( lauheiq yah de yungyiemj): 危险（见上例）
作者: Stoneman 时间: 2004-6-25 04:07
Loh Manh Lauxsae caeuq Daeg Duhhenj sou haemq ndei. Dohci sou.
Dou hix dwg seng daeuj couh gangj Cuengh, danhseih miz haoqlai cihcuengh youq lajmbanj gou haenx mbouj caiq miz vunz rox gangj lo. Gou ngoenznaengz dax dienvah ma ranz hawj bohmeh, beixnuengx, caeuq doenghag, gou cix dingqok gij coenz (vah) gyoengqde yungh haemqlai Coenzhek (Vahgun). Caen dwg nanhgvaq ha!!!
It's very kind of Teacher Loh Manh and Duhhenj. Thank you.
I am a native Zhuang speaker. However, there are so many Zhuang words that no one knows any more in my village. I call my parents, brothers and sisters, and classmates at home nowadays and find out that they use too many Chinese words in their talks. I feel so sad!!!
[此贴子已经被作者于2004-6-25 4:14:40编辑过]
作者: 路漫 时间: 2004-7-9 10:45
cibngeih. Gven Dou Maenhndaet 十二、毌閗鍆埿
Vangz Veij hwnjsaw dauqma le,Nungz Cigauh ngoenz muengh haemh muengh,maqmuengh ciuzdingz miz yaemsaenq daeuj,gvaq bi he le,cix lumj rin doek raemx.Doeklaeng,dingqnyi Siuh Gu youh daeuj Yunghcouh,Nungz Cigauh youh hawj de sij fung saenq he,caemhcaiq dwg rin doek raemx,caemrwg fouz siusik.Nungz Cigauh gig nyapnyuk,hoeng hix mbouj miz fap.
Ngoenz he,Nungz Cigauh cingq youq mbwqmbwt,bouxdamq fwt daeuj bauq naeuz,Siuh Gu baij Yunghcouh cijveihsij Giz Yinh daiq sam cien bing hai bae Denzcouh,guj aeu sam ngoenz cix daengz.Nungz Cigauh rox daengz "ma haeuj ranz mbouj sienh",sikhaek heuh Vangz Veij ,Vangz Swhmi daeuj yaeng.
Vangz Veij naeuz:"Ndaek Siuh Gu neix guh maz baij bing bae Denzcouh ne?Baezhaenx gou laengz giuh hwnjsaw,yawj yiengh de lumj maqhuz ndei gangj ha,gou lij laihnaeuz de haengj bang raeuz banhsaeh ne.Seizneix de fwt baij bing daeuj,aiq hengz simyak,mbouj ndaej mbouj fuengz."
Nungz Cigauh naeuz:"Deng.Hoeng,ndaek Giz Yinh neix mbouj rox goengfou baenzlawz yiengh?"
Vangz Swhmi naeuz:"Yunghcouh Soengqciuz soujciengq,danghnaeuz dawz daeuj baizdoih,Giz Yinh youq ndaw gyang,mbouj ak cix mbouj yaez."
Nungz Cigauh naeuz:"Yawj yiengh ndaek neix haemq miz bonjsaeh,cix mbouj rox Siuh Gu baij de bae Denzcouh guh maz ne?Gou siengj baij ci bing he bae caeuq de doiqdingj,sou naeuz baij byawz bae ndei?"
Vangz Veij naeuz:"Vuj Hwzli ,Hij Yenz bae ceiq ngamj."
Vangz Swhmi naeuz:"Dan Vuj Hwzli couh hingz Giz Yinh lo,dem hwnj Hij Yenz,onj baenz rinranx lo."
Nungz Cigauh sikhaek heuh Vuj ,Hij song ciengq daeuj,fat lingh naeuz:"Sou gag daiq cien bing he,bae Denzcouh laenzgaenh cap youq,caeuq gij bingmax Giz Yinh doxdoiq,hoeng mbouj ndaej sien bae dwk de."
Vuj Hwzli camaihvuengz,danghnaeuz de sien dwk raeuz ne?"
Nungz Cigauh naeuz:"Gaemh lix daeuj raen gou,mbouj ndaej sieng de."
Vuj, Hij song vunz lienz haemh hwnj bing,gip byaij sam ngoenz,bae daengz liz Denzcouh baihnamz cib leix gyae aen ndoi he.Vuj, Hij faen bing gak cap song gyaeuj ndoi,sikhaek baij vunz bae damq cingzgvang.
Giz Yinh beij Vuj, Hij Nungzginh ceiz ngoenz he daengz Denzcouh.Ndaek vunz neix goengfou mbouj daih ak,cix gig siengj laeb goeng swng guen.Yienznaeuz Siuh Gu baij de bae Denzcouh,cijdwg heuh de siujsim hensouj,haeujsim Nungz Cigauh miz maz hengzdoengh,hoeng de cix siengj dwk bingz Nungzginh baema bauqgoeng.Yienghneix,de baez daengz Denzcouh,couh nda'nduengq gunghoenx.
Haemh he mbwn laepngaungau,Giz Yinh dawz sam cien bingmax faen guh song loh,laeglemx mo bae daengz Nungzginh bing'yingz,mbat hat sing ndeu,gyoengq bing de roemx haeuj douyingz.Byawz rox,ndaw bing'yingz caemrwgrwg mbouj miz saek vunz,Giz Yinh rox deng geiq lo,lienzmuengz doiq bing.Gangj seiz menh,seizhaenx vaiq,sing bauq he fwt yiengj,gwnz ndoi fouzsoq feizbog fub dawz,ci bingmax he cung roengz ndoi daeuj,guh daeuz cingq dwg Vuj Hwzli.Cijraen de fad max dawz nangx,laengz loh maenhndwt.Giz Yinh raen mbouj doenggvan,vuengzmuengz dued loh deuz mingh.Byaij mbouj geij nanz,seiq daez max fwt dieb hoengq,Giz Yinh lienz vunz daiq max loemq roengz gumz bae lo.Hij Yenz daiq bing gyaep daengz,heuh vunz gaeb de hwnjdaeuj,yienzhaeuh roq gyong sou binghawj gyoengq bing Giz Yinh gag buet deuz baema.
Vuj Hwzli louz cap Denzcouh,Hij Yenz cix gyaiq Giz Yinh bae Anhdwzcouh raen Nungz Cigauh.Nungz Cigauh youq dingdangz ciepraen Giz Yinh,caen fwngz hawj de gej cag,cingh de naengh eij,gaisau Vangz Veij caeuq Vangz Swhmi hawj de roxnaj,yienzhaeuh naeuz:"Giz cienghginh sinhoj lo,bing lajfwngz gou mbouj daih roxleix,cingj mwngz gaej gvaiq."
Giz Yinh najmong naeuz:"Gou daekcoih lo,ngoenzneix deng gaeb,caih sou cawqceq ba!"
Nungz Cigauh naeuz:"Gou ngoenzneix ndaej roxnaj cienghginh,suenq ciuh neix mizfuk,gou lij miz saeh cingj cienghginh sonyinx ne!Dawz laeuj daeuj,hawj cienghginh soengsoeng heiq!"
Song boux bing ram biengx laeuj he hwnjdaeuj,Nungz Cigauh caen fwngz raix vanj laeuj he ndenq hawj Giz Yinh:"Daeuj,hai dungx gwn fiz bae!"Youh heuh Vangz Veij, Vangz Swhmi caez dawz vanj,seiq boux doengzcaez gingz vanj,ndoet laeuj seuqsat.
Giz Yinh docih naeuz:"Bouxdaeuz simndei dungxgvangq,yawj bouxcoih dang hekgviq,gou daengx ciuh mbouj lumz."
Vangz Veij naeuz:"Mwngz louz youq neix dang cienghginh,mbouj beij baema Yunghcouh dang cijveihsij ndei ma?"
Giz Yinh naeuz:"Mbouj ndaej!Gou gwn haeuxliengz ciuzdingz,lwg yah lij youq Yunghcouh,saedsaeh nanz guh ha."
Nungz Cigauh naeuz:"Gak vunz gak cawjeiq,mbouj auqmanz de.Seizneix ciuzdingz nduknaeuh,mbouj goq bien'gyaiq,Gyauhcij youh doiq gizneix lumj ma'ngah yawj noh nei.Dou Bouxcuengh gab youq cungqgyang,yawz banh ndei?"
Giz Yinh naeuz:"Bouxdaeuz cingj gangj,gou swiq rwz dingq."
Nungz Cigauh naeuz:"Gou siengj buekmingh gungciemq Yunghcouh,dwk daengz Hwngz, Siengh,Dungjguenj Lingjnanz,yienzhaeuh caiq guh saehhung.Gou couh youq Gyauhcij caeuq Soengqciuz cungqgyang laeb aen guek he,Giz cienghginh,mwngz yawj ndaej mbouj ndaej?"
Giz Yinh lienzmuengz gienq naeuz:"Bouxdaeuz mbouj ngaej baenzneix!Coj-Yougyangh dieg gaeb dieg gungz,caizlig vunzlig cungj mbouj cuk,danghnaeuz ciuzdingz hoenx daeuj baenzlawz dangj ndaej?Vah bouxlaux naeuz:Swnh mbwn cix seng,dingj mbwn cix mied.Bouxdaeuz lij dwg vaq doxhoenx guh doxhuz,gvi haeuj Daihsoengq,hab ndaej fung guen fung haeuz."
Nungz Cigauh langh sing riuhaha,Vangz Veij caemh riu hwnjdaeuj.
Giz Yinh cingqging naeuz:"Sou vih maz riu,gou dwg gangj caen bw!"
Nungz Cigauh riu naeuz:"Gou senq baenzneix naemj,gaenq hawj ciuzdingz hwnjsaw song baez,cix mbouj miz siusik,mwngz hawj bang rengz ba."
Giz Yinh naeuz:"Nyienh hawj bouxdaeuz okrengz."
Nungz Cigauh bek aek naeuz:"Gienh saeh neix gven daengz Soengqciuz dieg guek nduen caez,gven daengz Bouxcuengh cien bi fanh daih sengloh,vih gienh saeh neix,aeu gou dai,gou angq bae dai,yaek mied gou goujcug,gou hix mbouj ienq!"
Giz Yinh najbienq lo,saenzdigdig naeuz:"Bouxdaeuz vah naek lo,gaej naemj baenz rwix.Sou baij vunz riengz gou bae Yunghcouh ba."
Nungz Cigauh naeuz:"Mbat neix gou caenndang bae,yawz yiengh?"
Vangz Swhmi naeuz:"Mbouj ndaej!Mwngz dwg vuengz,gaej luenh bae.Baezgonq dwg Vangz Veij daihgo bae,baezneix hab lwnz daengz gou bae lo."
Gvaq le geij ngoenz,Vangz Swhmi daiq geij cib vunz yien duzciengh, ram gimngaenz, baengz daengj gak cungj doxgaiq,soengq Giz Yinh baema.
Gyoengqde bae daengz Yunghcouh,ra diemq doz ndei le,Giz Yinh couh bae raen Siuh Gu.Baez raennaj,Siuh Gu couh ndaq naeuz:"Gou heuh mwngz bae cap Denzcouh,mwngz yawz bae dwh Nungzginh ne!Mwngz deng gaeb,vunz cungj rox caez lo,youh daiq gij vunz Nungzginh daeuj,mbouj ndei banh ha!"
Giz Yinh naeuz:"Gou bing baih deng gaeb,hab buenq miz coih,gou cungj fug.Mboujgvaq,gou daiq bouxsawj Nungz Cigauh daeuj,dwg yinx de gvi haeuj ciuzdingz,neix dwg saehndei bw,muengh dayinz naemjnaemj."
Siuh Gu danqheiq naeuz:"Hai!Gou baenzlawz mbouj rox dwg saehndei!Gienh saeh neix gou gaenq bauqlwnh gvaq vuengzdaeq,dauq nyex de fatheiq dem,seizneix gou lij simyou yupyup,Lauheiq vuengzdaeq gvaiqcoih gou ne."
Giz Yinh simgip naeuz:"Gyoengqde cingq youq ndaw diemq,cajaevunz caensim caen'eiq ha,guh mbouj deng raeuz deng famh loek hw!"
Siuh Gu naemj haemq nanz,hix dawz mbouj ok cawjeiq,cijndei naeuz:"Gienh saeh neix muenz mbouj ndaej lo,cijndaej caiq bauqlwnh ciuzdingz,yawjyawj vuengzdaeq baenzlawz gangj lo,mwngz naeuz yawz yiengh?"
Giz Yinh mbouj naihhoz naeuz:"Cixbah,dingq mbwn youz mingh lo."
Siuh Gu ganjvaiq sij faenz,heuh vunz ganj soengq bae Ging.Giz Yinh bae lwnh Vangz Swhmi,heuh de caj siusik.
Vangz Swhmi fouzsaeh,daiq geij boux vunz bae youz,ndawsingz rogsingz dauqcawq cet,daengz haemh ma ndaw diemq,haep dou hwnjdaeuj veh doz Yunghcouh,veh ndei le nyieb haeuj ndaw buh,louz daengzcog miz yungh.
Mbouj geij ngoenz,vuengzdaeq couh miz sausuh daeuj,sij naeuz:"......caz Giz Yinh luenh haeuj diegmanz,nyex saeh deng gaeb,hawj caeg leihyungh;yawj de lij caensim coh ciuzdingz,gyangq guh Cenzcouh cijveihsij.Nungz Cigauh dwg Gvangjyenzcouh daeuzmanz,Gvangjyenzcouh yienzbonj gvi haeuj Gyauhcij,danghnaeuz Nungz Cigauh caeuq Gyauhcij caez daeuj soengqlaex,cijndaej ciepsouh......"
Giz Yinh rox le lienzlienz danqheiq,gamj daengz cihgeij fouznaengz,doiq mbouj hwnj Nungz Cigauh,cijndei baij vunz laeglemx bae lwnh Vangz Swhmi,cix gag gienj baufug bae Cenzcouh lo.
Vangz Swhmi rox le,yienznaeuz huj dwk heiq yaek mbaet bae,hoeng yaep he hix ngeix doeng lo.Vuengzdaeq hukhak,dangyienz couh guh saehhuk.Yienghneix,de sikhaek heuh vunz dawz gij doxgaiq daiq daeuj haenx gai ndaej cix gai,gai mbouj ndaej daiq deuz,gipmuengz baema Anhdwzcouh.
Vangz Swhmi dawz saehcingz daj goek daengz byai lwnh hawj Nungz Cigauh,Nungz Cigauh dingq le heiq dwk bwt yaek fan,mboengj daiz ndaq naeuz:"Cau Cinh ha Cau Cinh!Mwngz yawj gou guh daeuzmanz,yawj gou dang caeg,gou cungj nyaenx lo.Mwngz seizneix gawqyienz dawz gou mbouj dang vunz Cungguek,heuh gou riengz Gyauhcij bae soengqlaex,voenqciengq lai hw!Mwngz dawz Bouxcuengh gaex deuz,dawz diegguek nyiengh hawj guekwnq,mbouj fanj ndaek vuengzdaeq naeuh neix,gou gvej viz bae!"
Nungz Cigauh heiq lij caengz roengz,rog dou miz vunz roq gyong gouzraen.Bouxcai daeuj bauq:"Miz bang vunz seng'eiq he daeuj gouzraen!"
Yaep he,gyoengq vunz he yoengx haeujdaeuj,Nungz Cigauh cam:"Gyoengq bouxlaux beixnuengx,sou miz maz saeh,cijguenj gangj."
Baiz daeuz bouxlaux he gvih naeuz:"Daihvuengz!Dou bae Yunghcouh ganjhaw,deng binghak laengz mbouj cinj bouxmanz bae Yunghcouh gak dieg guh seng'eiq,youq gwnz haw fanz raen daenj buh Cuengh cungj deng gyaep deuz.Daihvuengz!Hawj dou guhcawj ha!"
Nungz Cigauh heiqgoenj gaetgaet,caen siengj hemq sing he:"Sou riengz gou cauhfanj ba!"Hoeng,de haenqrengz nyaenx roengz lo,yaep he,de cij yiemzsuk naeuz:"Gyoengq bouxlaux,sou miz nanh gou rox lo,gou itdingh siengj banhfap.Seizneix gou lwnh sou,vih raeuz Bouxcuengh ciengxlwenx miz baengh,fanhdaih hwngvuengh,gou gaenq sam baez yiengq vuengzdaeq cingjgouz gvihaeuj Soengqciuz,raeuz gizneix bonjlaiz dieg dwg dieg Cungguek,vunz dwg vunz Cungguek,hoeng Soengqciuz vuengzdaeq mbouj coengz,lij dawz raeuz dang vunz Gyauhcij,caen dwg mbouj aeu dauhleix!Saehcingz couh dwg yienghneix,sou baema lwnh gyoengq beixnuengx rox.Soengqciuz gven dou maenhndwt lo,raeuz Bouxcuengh baenzlawz banh?Daihgya cungj daeuj naemjnaemj gienh daihsaeh neix ba!"Nungz Cigauh gangj sat,heuh vunz hawj gyoengq vunz neix fat hawj boux cib liengx ngaenz,dangguh camhseiz ciengx gya yungh.
作者: Stoneman 时间: 2004-8-5 06:41
Cingj Lohmanh Lauxsae son'gyauq gou gij cih lajneix dwg naeuz gijmaz:
Sam. Lwg Ciep Boh 三、勒接侼
byoq (lwed byoq okdaeuj):
caxmbat (venj hwnj caxmbat caeuq gungnaq):
fiengz (Nungz Cigauh aeu fiengz guh moeg):
hangz (mbouj deng vunzrog hangz):
hengz (mbouj ndaej gag gangj gag hengz):
hoenzyieng noengqnwg:
Iencaeuz (Iencaeuz Gaj Boh, Mbouj Caeuq caemh mbwn!):
lumhlumh (Daxnungz lumhlumh mbaq Nungz Cigauh):
ndae coengceiz ranz Nungz feizlab ronghgywg:
ndenq (aeu faggiemq daxmeh ndenq hawj haenx):
ndenq (caiq ndenq hawj Veiz Sifung):
nyaeq (Cigauh nyaeq lai, rap mbouj ndaej naek):
raix (yienzhaeuh raix laeuj ndenq hawj cungqvunz):
simngeiz:
soek (cingj soek diuz faexmbaenq):
yaeng (Daxmeh dingq gou yaeng gangj):
作者: 路漫 时间: 2004-8-5 10:37
Cingj Lohmanh Lauxsae son'gyauq gou gij cih lajneix dwg naeuz gijmaz:
Sam. Lwg Ciep Boh 三、勒接侼 三、子承父（志）——儿子继承父亲
byoq (lwed byoq okdaeuj): 喷（血喷射出来）
caxmbat (venj hwnj caxmbat caeuq gungnaq): 大扳刀（挂起扳刀与弓箭）
fiengz (Nungz Cigauh aeu fiengz guh moeg): 禾秆草、稻草（侬智高要稻草作被窝）
hangz (mbouj deng vunzrog hangz): 欺负（不被外人欺负）
hengz (mbouj ndaej gag gangj gag hengz): 行动（不得自己说自己行——不得自行其是）
hoenzyieng noengqnwg: 香火缭绕
Iencaeuz (Iencaeuz Gaj Boh, Mbouj Caeuq caemh mbwn!): 冤仇（杀父之仇，不共戴天）
lumhlumh (Daxnungz lumhlumh mbaq Nungz Cigauh): 抚摸（侬母抚摸侬智高的肩膀）
ndae coengceiz ranz Nungz feizlab ronghgywg: ndae(错，应是ndaw)侬氏宗祠里面蜡烛熊熊
ndenq (aeu faggiemq daxmeh ndenq hawj haenx): 递给（拿母亲递给的那把剑）
ndenq (caiq ndenq hawj Veiz Sifung): 递给（再递给韦氏凤）
nyaeq (Cigauh nyaeq lai, rap mbouj ndaej naek): 小、幼（志高太幼小，挑不得重担）
raix (yienzhaeuh raix laeuj ndenq hawj cungqvunz): 倒、斟（然后倒酒递给众人）
simngeiz: 疑心
soek (cingj soek diuz faexmbaenq):削（请削一条木棒）
yaeng (Daxmeh dingq gou yaeng gangj):慢（母亲听我慢慢说）
作者: Stoneman 时间: 2004-8-6 03:57
Docih Lohmanh Lauxsae. Cingj mwngz caiq son'gyauq gou gij cih lajneix:
Seiq. Sim Hoengh Aek Gvangq 四、心晎膉咣
byouqbyangq (miz seiz dauq loengh ndaej song fwngz byouqbyangq):
byoux (naj hwngq sim byoux):
caem (raemx rim biengx cix caem ha!):
caiq diz baenz soij haedfwngz danegj:
coengz (raeuz haengjdingh mbouj coengz):
diegguek deng ciemq cix mbouj swt mbouj w:
gaemhanh (gaemhanh ciuzsaeh):
gyaenfofo (ninzndaek gyaenfofo):
gyoh (gig gyoh Nungz Cigauh):
haenh (Gaej haenh de lo):
haenh (Vangz Swhmi doiq Daxnungz haenh naeuz):
hamj (hamj gvaq geij cien leix):
heuh de haeb heuj raek, gaet heuj honz:
hojndoq (aeu gaenxhong daeuj gaij hojndoq):
hukhak (vuengzdaeq hukhak):
hwngmied (sam cib roek doengh cou hwngmied daihsaeh)
laezcim (raeuz aeu laezcim doiq laezcim):
loenghriu (Gangj daengz neix youh loenghriu naeuz):
moenj (raemx byongh moenj cix yiengj):
nei (dajcang baenz bouxseng'eiq nei):
rex (lij muengh sienseng lai rex daengz byai bae):
roet (rox ndaek roet lawz?):
senj (Daxnungz senj vah cam naeuz):
siliengz (siliengz dangqmaz):
simcieg (Vangz Swhmi caemh simcieg):
soemhyiemj (youh dauq okdaeuj soemhyiemj):
作者: 路漫 时间: 2004-8-6 10:32
Docih Lohmanh Lauxsae. Cingj mwngz caiq son'gyauq gou gij cih lajneix:
Seiq. Sim Hoengh Aek Gvangq 四、心晎膉咣
byouqbyangq (miz seiz dauq loengh ndaej song fwngz byouqbyangq): 空无一物（有时候反而弄得双手空空）
byoux (naj hwngq sim byoux): 沸腾（面红心跳不止）
caem (raemx rim biengx cix caem ha!): 静止（水满缸就平静啊）
caiq diz baenz soij haedfwngz danegj: 再锻成耳环、戒子等
coengz (raeuz haengjdingh mbouj coengz): 答应、应承（我们肯定不答应）
diegguek deng ciemq cix mbouj swt mbouj w: 国土被占领却不闻不问
gaemhanh (gaemhanh ciuzsaeh): 掌握、掌管（掌管朝廷事务）
gyaenfofo (ninzndaek gyaenfofo): 打呼噜（睡着觉打呼噜）
gyoh (gig gyoh Nungz Cigauh): 同情、可怜（非常同情侬智高）
haenh (Gaej haenh de lo): 赞扬、表扬（别赞扬他了）
haenh (Vangz Swhmi doiq Daxnungz haenh naeuz): 同上（王师宻对侬母称赞说）
hamj (hamj gvaq geij cien leix): 跨过（跨过几千里）
heuh de haeb heuj raek, gaet heuj honz: 叫他咬断牙。啃松牙
hojndoq (aeu gaenxhong daeuj gaij hojndoq): 穷苦（要勤劳来改变穷苦）
hukhak (vuengzdaeq hukhak): 愚蠢（皇帝愚蠢）
hwngmied (sam cib roek doengh cou hwngmied daihsaeh) 兴亡（三十六垌州兴亡大事）
laezcim (raeuz aeu laezcim doiq laezcim): 针尖（我们要针尖对针尖）
loenghriu (Gangj daengz neix youh loenghriu naeuz): 玩笑（说到这里又开玩笑说）
moenj (raemx byongh moenj cix yiengj): 坛子（装半坛水的坛子才会发出声响）
nei (dajcang baenz bouxseng'eiq nei): 一样、一般（装扮成生意人一样）
rex (lij muengh sienseng lai rex daengz byai bae): 扶助（还盼先生多多扶助干到底）
roet (rox ndaek roet lawz?): 屁（懂得什么屁？）
senj (Daxnungz senj vah cam naeuz): 转移（侬母转移话题问道）
siliengz (siliengz dangqmaz): 凄凉（非常凄凉）
simcieg (Vangz Swhmi caemh simcieg): 心痛（王师宻也心痛）
soemhyiemj (youh dauq okdaeuj soemhyiemj): 冒险（又再出来冒险）
作者: bbc 时间: 2004-8-6 12:51
本土创作的贝侬 可以 找到一些素材了。
作者: Stoneman 时间: 2004-8-10 01:38
Cingj Lohmanh Lauxsae caiq son'gyauq gou gij cih lajneix:
Haj. Duzyiuh Soengq Geiz 吓、读鹞送旗
anj (Gyoengqvunz youh ging youh anj):
baq (angq buet doh baq):
biengj … gen lamx (biengj fa biengx, raix vanj hung, gen lamx gen ndoet laeuj):
cakbapbap (song duz roegfek cakbapbap doek roengz gwnz deig):
couhcinj (couhcinj vutmingh caemh simgam):
cukgim (Aen daiz lungz neix aeu cukgim dap baenz):
doxgiet maenhndaet:
dumz (laeuj dumz aek):
gaeb buhbuengz raizguk:
goekga (Maxnding bongh gvaq gorenh ganj hung lumj goekga):
goenjdat (ronq noh caem laeuj couh gwn hwnjdaeuj goenjdat lo):
gok (yied gwn gangjvah yied gok):
gujdung (doq gwn laeuj doq gujdung gyoengqvunz):
gvax (song fwed baez gvax):
nangx (Miz cax,miz nangx,miz giemq,miz ca,miz gungnaq):
nda (nda rek cawj ngaiz):
nda'nduengq (Daxnungz guh cawjeiq nda'nduengq ok geiqmaeuz):
nyoengx … maqmuengh (gaenq nyoengx hwnj gij maqmuengh daengxcungq Bouxcuengh laeb guek bauj ranz haenx lo):
riengj (yied loengh yied riengj):
rungh (sing bek fwngz hap doh rungh):
wenq (bouxboux lauz wenq bak):
yaeng (caemh miz daihsaeh yaek yaeng): (“yaeng” youq “Daxmeh dingq gou yaeng gangj” dwg “慢”, "yaeng" youq neix dwg naeuz gij maz?):
yot (daj baihlaeng dawz gung yot naq):
作者: 路漫 时间: 2004-8-10 23:10
anj (Gyoengqvunz youh ging youh anj):愣（人们又惊又愣）
baq (angq buet doh baq):坝（高兴地奔向坪坝）
biengj … gen lamx (biengj fa biengx, raix vanj hung, gen lamx gen ndoet laeuj):揭开……手挽（揭开坛盖，斟满大碗，手挽手喝酒）
cakbapbap (song duz roegfek cakbapbap doek roengz gwnz deig):叭叭地挣扎（两只斑鸠叭叭地挣扎着跌落地上）
couhcinj (couhcinj vutmingh caemh simgam):即使（即使牺牲也心甘）
cukgim (Aen daiz lungz neix aeu cukgim dap baenz):金竹——一种竹子名，金黄色（这龙台用金竹搭成）
doxgiet maenhndaet:紧紧地团结一起
dumz (laeuj dumz aek):湿（酒弄湿了胸膛）
gaeb buhbuengz raizguk:披着虎斑长袍
goekga (Maxnding bongh gvaq gorenh ganj hung lumj goekga):大腿（红马跃过树干如大腿般大的苦楝树）
goenjdat (ronq noh caem laeuj couh gwn hwnjdaeuj goenjdat lo):热闹、喧闹（切肉斟酒就热热闹闹地吃喝起来了）
gok (yied gwn gangjvah yied gok):洪亮（越吃说话声越洪亮）
gujdung (doq gwn laeuj doq gujdung gyoengqvunz):鼓动（一边喝酒一边鼓动众人）
gvax (song fwed baez gvax):盘旋（两翅一盘旋）
nangx (Miz cax,miz nangx,miz giemq,miz ca,miz gungnaq):长矛（有刀、有矛、有剑、有叉、有弓箭）
nda (nda rek cawj ngaiz):摆布、安排（安锅煮饭）
nda'nduengq (Daxnungz guh cawjeiq nda'nduengq ok geiqmaeuz):筹划、布置（侬母作主筹划出计谋）
nyoengx … maqmuengh (gaenq nyoengx hwnj gij maqmuengh daengxcungq Bouxcuengh laeb guek bauj ranz haenx lo):掀起、鼓起……希望（已经鼓起壮族民众立国保家的希望了）
riengj (yied loengh yied riengj):快捷（越弄越快捷）
rungh (sing bek fwngz hap doh rungh):山弄（鼓掌声回响声传遍山弄）
wenq (bouxboux lauz wenq bak):亮、光滑（个个猪油抹亮了嘴）
yaeng (caemh miz daihsaeh yaek yaeng): (“yaeng” youq “Daxmeh dingq gou yaeng gangj” dwg “慢”, "yaeng" youq neix dwg naeuz gij maz?):商量（还有大事要商量）
yot (daj baihlaeng dawz gung yot naq):抽（从身后摘弓抽箭）
作者: Stoneman 时间: 2004-8-12 04:07
Docih Lohmanh Lauxsae. Cingj mwngz caiq lwnh gou gij cih lajneix dwg naeuz gijmaz:
Roek. Vuengzhaeuh Najraiz 坴、皇后那唻
baez caeuq mbat: song aen cih neix miz maz doxdoengz caeuq mboujdoengz? Baenzlawz youq ne?
goz (Bouxsai youq lajmbwn guh saeh naengz enj naengz goz):
gwngungq (hawj Liuz Bangh gwngungq de):
gyangq (Mwngz daj iq beizsingq gyangq):
laemxsim (Veiz Lauxhoengz couh laemxsim riengz mwngz):
ndaengndiengq (vunz daiq ceng ak, ndaengndiengq dasang):
nyaenj (Nungz Cigauh baez nyaenj gaemzgienz):
nyaeuq (Nungz Cigauh meizda nyaeuq lo):
nywnx (baenz ranz couh rox nywnx):
raemxhomq (mbouj dwg haida gwn raemxhomq ha?):
rwenz (rwenz gvaq lajga vunz): (“rwenz” youq “rwenz doh lajdoengh” dwg “热闹；喧闹”, “rwenz” youq neix dwg naeuz gij maz?)
sangj (Veiz Meijsenh najhai simsangj):
Caet. Ram Guencaiz Okbing 七、抩棺材遌兵
caenx (caenx haeuj dou singz Dangjyouzcouh):
daemj (daemj haeuj najaek duzmax Yenj Vwnzyez bae):
deq (youq gyaeuj giuz deq bing Gyauhcij):
gahoq (Gou Nungz Cigauh gahoq sohswd):
henzrik (Daxnungz caeuq Nungz Gencungh caemh youq henzrik yawj):
langh (couh langh max gvaqdaeuj):
mbei (Mwngz mbeihung naengzganq):
ndengj (song ga baez ndengj):
raemxda senq rim gvaengz l
simgaenj (gyoengq guenhak vwnzvuj simgaenj dangqmaz):
simsoeng (Nungz Cigauh dauq gig simsoeng):
yawz (Mwngz yawz baenzneix mbouj roxlaex?):
[此贴子已经被作者于2004-8-12 4:43:39编辑过]
作者: 路漫 时间: 2004-8-12 17:12
baez caeuq mbat: song aen cih neix miz maz doxdoengz caeuq mboujdoengz? Baenzlawz youq ne?
同义词，有什么异同，一时也想不起来
goz (Bouxsai youq lajmbwn guh saeh naengz enj naengz goz):弯、曲（男子在世上做事能挺起能弯下）
gwngungq (hawj Liuz Bangh gwngungq de):吃空子（给刘邦吃他的空子）
gyangq (Mwngz daj iq beizsingq gyangq):犟（你从小脾气就犟）
laemxsim (Veiz Lauxhoengz couh laemxsim riengz mwngz):死心塌地（韦老红就死心塌地跟着你）
ndaengndiengq (vunz daiq ceng ak, ndaengndiengq dasang):傲慢、自傲（人的个性太好胜逞能，傲慢看不起别人）
nyaenj (Nungz Cigauh baez nyaenj gaemzgienz):捏、握紧（侬智高一握紧拳头）
nyaeuq (Nungz Cigauh meizda nyaeuq lo):绉（侬智高眉头绉了）
nywnx (baenz ranz couh rox nywnx):腻、烦（成家就会腻烦）
raemxhomq (mbouj dwg haida gwn raemxhomq ha?):污水、死坑里的水（不是睁着眼睛吃污水吗？）
rwenz (rwenz gvaq lajga vunz): (“rwenz” youq “rwenz doh lajdoengh” dwg “热闹；喧闹”, “rwenz” youq neix dwg naeuz gij maz?)爬行（爬过人家的胯下）
sangj (Veiz Meijsenh najhai simsangj):爽（韦美仙心情舒畅）
Caet. Ram Guencaiz Okbing 七、抩棺材遌兵
caenx (caenx haeuj dou singz Dangjyouzcouh):挤、拥（拥进党犹州城门）
daemj (daemj haeuj najaek duzmax Yenj Vwnzyez bae):撞（撞入阮文越坐骑的前胸）
deq (youq gyaeuj giuz deq bing Gyauhcij):等候（在桥头等候交趾的兵队）
gahoq (Gou Nungz Cigauh gahoq sohswd):膝盖（我侬智高双腿耿直）
henzrik (Daxnungz caeuq Nungz Gencungh caemh youq henzrik yawj):旁边（侬母和侬建忠也在旁边看）
langh (couh langh max gvaqdaeuj):放（就放马过来）
mbei (Mwngz mbeihung naengzganq):胆子（你勇敢能干）
ndengj (song ga baez ndengj):挣、用力一蹦（双腿一挣）
raemxda senq rim gvaengz l泪水早已满眼眶
simgaenj (gyoengq guenhak vwnzvuj simgaenj dangqmaz):心情紧张、慌张（文武官员们十分慌张）
simsoeng (Nungz Cigauh dauq gig simsoeng):轻松、从容（侬智高倒是十分从容）
yawz (Mwngz yawz baenzneix mbouj roxlaex?):怎样、如何（你如何这样不懂礼貌？）
作者: Stoneman 时间: 2004-8-13 03:11
Caiq heijdongj (docih) Lohmanh Lauxsae. Lohmanh Lauxsae lwnh gou rox gij cih baihgwnz haenx dwg gij maz eiqsei lo, gou couh naemj hwnj miz saek di cih youq mbanj gou dwg baenzlawz naeuz:
Sawcuengh Cuengh Mbanj Gou Sawgun
gyangq gyengq 犟
gahoq gyaeujhoq 膝盖
nyaenj (gaemzgienz) nienj (gaemzgienz) 握紧(拳头）
(meizda) nyaeuq (meizda) yaeuq (眉头) 绉
nywnx ywnx 腻、烦
rwenz ruenz 爬行
sangj suengj 爽
Bonj saw Lohmanh Lauxsae sij neix gou geibonj yawj ndaej rox, yiengznaeuz haujlai cih cungj dwg mbat daih’it yawjraen. Yienzaen ne gou naemj couh dwg aenvih gou dwg boux rox gangj Cuengh haenx. Danghnaeuz mwngz rox gangj Cuengh, youh haengj haeujsim bae hag bae geiq, Sawcuengh mbouj suenq nanz hag. Gou muengh gyoengq beixnuengx Bouxcuengh doeg gvaq saw haenx bouxboux cungj bae hag daeuj yungh Sawcuengh gonq. Baenzneix guh ne, raeuz couh daiq ndaej hwnj lai lai vunz cungj daeuj hag bae yungh Sawcuengh. Miz ngoenz ndeu Sawcuengh couh itdingh baenz saw daengx dieg Cuengh. Daengz seizhaenx Bouxcuengh raeuz gak dieg mbouj yungh Sawgun lij ityiengh aeu Sawcuengh daeuj doxgyaulouz ndaej. Gou maqmuengh ngoenz haenx daeujdaengz vaiq di. Gyoengq beixnuengx, raeuz lwglan aeu hag daxgoeng raeuz Nungz Cigauh, raeuz aeu bae roengzrengz cijndaej ha!!!
[此贴子已经被作者于2004-8-13 8:22:27编辑过]
作者: Stoneman 时间: 2004-8-14 05:03
Cingj Lohmanh Lauxsae caiq son'gyauq gou gij cih baihlaj dwg naeuz gijmz. Mwngz dwgrengz lo. Singgiz laeng caiq raen.
Bet. Bakraeh Buek Gyauhcij 八、兡鋫驳交趾
boemz (diz mbouj luenz, boemz mbouj rox benj!):
bop (linx cix hwnj bop naeuh bae):
citgeiz (Mwngz citgeiz lai):
cuengqlangh (mwngz daiq cuengqlangh!):
dafeuh (mbouj lumj gyoengqde dafeuh ba?):
dakdaih (mwngz aeu ndeindei dakdaih):
dumdeng (Nungz Cigauh dumdeng ndwn hwnjdaeuj):
foed (gijmaz rum foed cungj cimz gvaq):
gaiq (yienzlaiz dwg song deb linxvaiz baenz gaiq):
najhaemhwd (bouxboux najhaemhwd):
ndau (ndau gijmaz gangj ndaej ok gijmaz):
ndiengq (mbouj ngaem mbouj ndiengq):
ngonz (ndeindei "ngonz" Nungz Cigauh hwnjdaeuj)
riunyaen (Nungz Cigauh riunyaen naeuz):
sawj (sawj Lij Dwzcwng naemj bae naemj dauq):
vaek (Swnh Cwngzgvei deng vaek dwk da daengx liux):
作者: Duhhenj 时间: 2004-8-14 12:26
hehe,gou caemh heuh 膝盖 guh "gyaeujhoq" !
heuh 脚踝 guh "duqbaeu"
作者: 路漫 时间: 2004-8-17 17:56
boemz (diz mbouj luenz, boemz mbouj rox benj!): 摔（捶不圆，摔不扁）
bop (linx cix hwnj bop naeuh bae): 泡（舌头就起泡烂掉）
citgeiz (Mwngz citgeiz lai): 出奇、稀罕（你有多稀罕）
cuengqlangh (mwngz daiq cuengqlangh!): 放荡（你太放荡）
dafeuh (mbouj lumj gyoengqde dafeuh ba?): 目光短浅（不像他们目光短浅吧？）
dakdaih (mwngz aeu ndeindei dakdaih): 招待（你要好好招待）
dumdeng (Nungz Cigauh dumdeng ndwn hwnjdaeuj): 突然（侬智高突然站起来）
foed (gijmaz rum foed cungj cimz gvaq): 树枝、树叶（什么杂草树叶都尝过）
gaiq (yienzlaiz dwg song deb linxvaiz baenz gaiq): 块（原来是两碟整块的牛舌）
najhaemhwd (bouxboux najhaemhwd): 怒容、严肃状（人人脸上显出怒容）
ndau (ndau gijmaz gangj ndaej ok gijmaz): 唠叨、倾谈（唠叨什么说出什么）
ndiengq (mbouj ngaem mbouj ndiengq): 仰（不俯不仰——不亢不鄙）
ngonz (ndeindei "ngonz" Nungz Cigauh hwnjdaeuj) 看守（好好把侬智高看管起来）
riunyaen (Nungz Cigauh riunyaen naeuz): 冷笑（侬智高冷笑道）
sawj (sawj Lij Dwzcwng naemj bae naemj dauq): 使（使李德政左思右想）
vaek (Swnh Cwngzgvei deng vaek dwk da daengx liux):质问（孙承贵被质问得发呆了）
作者: Stoneman 时间: 2004-8-18 10:01
以下是引用Duhhenj在2004-8-14 12:26:29的发言：
hehe,gou caemh heuh 膝盖 guh "gyaeujhoq" !
heuh 脚踝 guh "duqbaeu"
"脚踝" youq dieg gou heuh guh "dabaeu".
作者: Stoneman 时间: 2004-8-18 10:04
Docih Lohmanh Lauxsae. Cingj mwngz ndaej hoengq caiq son gou gij cih baihlaj:
Gouj. Soudauq Diegsaet 九、收辺坻失
cungda (ndaej daengz cungda ginhcingz):
laeglemx (laeglemx ndonj haeuj singz Gvangjyenz):
leuxcih (leuxcih cix dawz daeuj hawj lwgnyez uet caekhaex!):
najbyak (feidau baek haeuj najbyak):
nanq (nanq naeuz mbouj ndaej dauqma lo):
nyaengqnyaen (sousib doxgaiq nyaengqnyaen):
nyaih (sawj gyoengqde sim nyaih):
singjgaeh (heuh soujbing singjgaeh Nungz Cigauh hengzdoengh):
作者: 红棉树 时间: 2004-8-18 11:32
Gou daeuj bang Loh Manh Lauxsae hoiz 86 laeuz ba.
Gouj. Soudauq Diegsaet 九、收辺坻失
cungda (ndaej daengz cungda ginhcingz): 重大（得到重大军情）
laeglemx (laeglemx ndonj haeuj singz Gvangjyenz): 悄悄地、偷偷地（悄悄地窜进了广源城）
leuxcih (leuxcih cix dawz daeuj hawj lwgnyez uet caekhaex!): 然后（然后就拿来给小孩子擦屁眼）
najbyak (feidau baek haeuj najbyak): 额头（飞刀扎入额头）
nanq (nanq naeuz mbouj ndaej dauqma lo): 估计（估计说回不来了）
nyaengqnyaen (sousib doxgaiq nyaengqnyaen): 匆忙、忙碌（匆忙收拾东西）
nyaih (sawj gyoengqde sim nyaih): 瓦解、松散（令他们军心松懈）
singjgaeh (heuh soujbing singjgaeh Nungz Cigauh hengzdoengh):警惕（叫守兵警惕侬智高行动）
作者: 路漫 时间: 2004-8-26 10:48
cibsam. Gaj Gaeq Gwn Laeujlwed 十三、嘎鳮哏溇淕
Bakdou gaenq gven maenhndwt,Nungz Cigauh gietsim gawj geiz fanj Soengq,aeu lwed daeuj gouz ndaej Bouxcuengh caencingq baenz aen minzcuz Cungguek minzcuz daih gyadingz he,mbouj hawj Soengqciuz Cau Cinh dawz dieg Cuengh ndek hawj guekwnq!
Nungz Cigauh sien dawz aen simsaeh neix lwnh hawj Daxnungz.Daxnungz yawj ndaej gyae ngonz ndaej gvangq,gig cihciz lwg de fanj Soengq,lij baij dauhleix hawj Nungz Cigauh guh mbei:"Gaxgonq Cinzsijvangz dungjit Cungguek,dieg guek gvangq daengz Lingjnanz,goenglauz mbwk ne.Hoeng,doeklaeng de nyoegnyamx beksingq,lwgminz souh hoh souh nanh,Cwnz Swng、Vuz Gvangj youh hwnj bing fanj de.Vuengzdaeq rwix couh hab fanj!Seizneix Soengqciuz ranz Cauz mbouj rox guh vuengzdaeq,mbouj aeu lwgminz,mbouj goz diegguek,beksingq souh hoj,mbouj fanj de couh gangj mbouj bae lo.Mwngz aeu geiq maenh,raeuz cauhfanj,mboujdan dwg vih Bouxcuengh,caemh vih gak minzcuz daengx dienyah,cienfanh gaej gag goq gag guh ha."
Nungz Cigauh goenggingq naeuz:"Gou rox lo,aeu heuh hwnj beksingq lajmbwn,caez fanj Soengqvuengz.Couhcinj gou dwk mbouj ndaej daengz Gingsingz,hix aeu hwk de ok ndang hanhheu he,hawj beksingq ndaej gvaq ndei di!"
Daxnungz angq naeuz:"Ndei!Mwngz dwg lwg ndei gou.vih saehnieb Bouxcuengh,gou ciuhneix sien soengq ok daxboh mwngz,couh dwg caiq ok mwngz,soengq ok daengx ranz vunz,soengq ok diuz mingh gou,gou hix mbouj ienq!Raeuz Bouxcuengh mbouj lau dai,guk dai raiz lij youq hw!"
Riengzlaeng,Nungz Cigauh couh caeuq Vangz Veij、Vangz Swhmi doengzcaez yaeng baenzlawz hwnjbing.Vangz Swhmi dawz ok deihdoz Yunghcouh,naeuz:"Mbathaenx veh ndaej mbaw doz he,seizneix miz yungh lo."
Nungz Cigauh naeuz:"Ndei ha!sou beij gou ngeix ndaej caeux ho!"
Vangz Veij naeuz:"Gienh saeh neix,mbouj ndaej gangj guh couh guh.Aeu sien guh ndei gak fuengmienh cunjbei.It aeu lienh ndei bing,naengz gung naengz souj,yienghyiengh sug hoenx;ngeih aeu bwh ndei cienz haeux cax nangx daengj doxgaiq,lij aeu an ndei beksingq;sam aeu siujsim,gaej hawj Soengqciuz guenhak simngeiz raeuz."
Yienghneix,Nungz Cigauh heuh Vangz Swhmi guenj cienz haeux cax nangx,Vangz Veij bang laeb bingdoih.Nungz Cigauh roengzlingh heuh gak giz bouxdaeuz daiq bouxcoz daeuj comz Anhdwzcouh lienh bing.Gyoengq bing comz haeuj ndaw ndoeng,Nungz Gencungh dang cungjgyaudouz,son'gyauq gak cungj goengfou.Nungz Cigauh caenndang daeuj nda caenh baizlienh,de heuh sam vunz guh cuj,vunz he dawz cax,song vunz dawz nangx,boiqhab gaj dig;geij cib cuj guh doih he,caez yamq gung baenaj,lumj faj ciengzdiet he senj bae sadsad,rengz ak fouzbeij,naengz comz naengz sanq,lingzvued dangqmaz,cungj caenhfap neix,ciuhlaux caengz raen gvaq.
Vangz Swhmi baij vunz seiqcawq bae cawx baengz ma nyumx hoengz,Veiz Meijsenh、Veiz Sifung daiq gyoengq bing lwgmbwk ganj nyib buhbing.Vuj Hwzli、Hij Yenz daiq cangdiet diz cax diz nangx.Vangz Soujlingz、Veiz lauxhoengz bwh haeux bwh max.Gak yiengh hong guh ndaej ndei youh maed.
Gvaq ndaej buenq bi he,yienghyiengh cungj guh ndei lo,Nungz Cigauh baij Vangz Veij daiq doih bing he cang baenz gaujvaq,itloh vaq gwn daengz Yunghcouh,bae daengz bakdou yaxmonz cingjgouz gouqcaeq,naeuz Bouxcuengh deng cainaek,mbouj miz haeux roengz rek,okdaeuj deuznanh.Couguen laihnaeuz dwg caen,riuhaha naeuz:"Ndei ha!Diegcuengh nauh cainanh,Nungz Cigauh mbouj dwg hix gag mied lo,mbwn bang gou ha!"
Vangz Veij daiq gyoengq "gaujvaq" haenx doeklaeng cix maizfug youq ndaw singz,deqcaj seizgei.
Vangz Veij youq Yunghcouh cazyawj ndwen he,cai hak cungj mbouj dawz gyoengqde haeuj rwz.Mboujliuh miz ngoenz he,Yunghcouh canhginh Gungj Cunghdan daeuj gwnz gai cazcam gaujvaq,raen de yupyup yiengyieng,Vangz Veij simngeiz lo.Daengz haemh,Vangz Veij bae ra Daegsam,hawj de cib liengx ngaenz,heuh de damqcaz Gungj Cunghdan yaek loengh maz fangz.Daegsam youq henz ndang couguen dangcai,ngoenzlaeng ndaejnyi Gungj Cunghdan daeuj ra couguen,de sikhaek caegcaeg bae lajcueng dingq songde gangjvah.
Cij dingqnyi Gungj Cunghdan naeuz:"Dayinz!Ndwen neix daeuj,gwnz gai miz geij bak gaujvaq Bouxcuengh,gou roxnyinh miz di geizgvaiq.Gou raen gyoengqde noh hoengz naj rongh,mbouj lumj doengh boux vaq gwn ne."
Couguen cam:"Mwngz ngeiz dwg Nungz Cigauh baij bouxcaegdamq daeuj?"
"Gou dwg yienghneix naemj,Nungz Cigauh soqlaiz gveijmaj,raeuz mbouj ndaej mbouj fuengz."
"Ndaw gaujvaq miz mbouj miz vunz naj henj ndang byom ne?"
"Miz,hoeng mbouj lai."
"Gou gangj ne,guh gaujvaq yinhheiq ndei cix dungx raeng,boihseiz cix dungx beb;boux gvai imq,boux huk cix iek.Gaujvaq miz ndang cangq ndang nyieg,neix mbouj geizgvaiq,mwngz simngeiz lai lo."
Gungj Cunghdan youh naeuz:"Ndwen neix daeuj,gou ciengz yawj mbwn,raen saenamz miz ndaundeiq caeg,youh raen ndaw coufuj mauh'ok mokhau,neix mbouj gitleih,lauheiq Nungz Cigauh yaek cauhfanj hw."
Couguen huj lo,naeuz:"Mwngz naeuz coufuj ok mokhau?Nanzdauh Nungz Cigauh yo youq ndaw yaxmonz! Roxnaeuz gou yaek deng cai?"
Gungj Cunghdan naeuz:"Mbouj dwg,mwngz gaej leunh cai."
Couguen naeuz:"Haemh neix mwngz couh youq neix,danghnaeuz raen miz mokhau,gou couh saenq mwngz,danghnaeuz mbouj miz,mwngz baenzlawz gangj dem?"
Gangj miz mokhau dwg Gungj Cunghdan vih gangjfug couguen luenh vap okdaeuj,seizneix raen couguen huj lo,cix naeuz:"Yawj gijneix mbouj dwg bouxboux ndaej raen,gou dwg caensim doiq ciuzdingz,cij lwnh mwngz ne."
Couguen engq huj l"Yo,mwngz dwg daihlaeng Gungjswj,rox yawj mbwn dwg lwi?Gou dwg vunzbiengz,mwngz gae gou damong dafangz ha?"
Gungj Cunghdan raen couguen nyap lo,mbouj gamj lai gangj,geb rieng deuz lo.
Daegsam dawz gij saeh neix lwnh hawj Vangz Veij,Vangz Veij angqdangqmaz,youh dajsiengj Daegsam haj liengx ngaenz.
Vangz Veij guj hwnjbing saedceij yaek daengz,couh daengq gyoengq "gaujvaq" siujsim deqcaj,Nungzginh hoenx daengz Yunghcouh,cij ndaej hengzdoengh.Saehcingz daengq ndei le,de couh lienzhaemh ganj baema Andwzcouh.
Vangz Veij ma daengz Anhdwzcouh,cingq bungz song yiengh heijsaehaxnungz haq Veiz Sifung hawj Nungz Gencungh,Nungz Cigauh dahlwgdaeuz hawj Vuj Hwzli.ndaw ranz rog ranz venj hoengz venj daengz,nauhnyied dangqmaz.Vangz Veij bauqlwnh Yunghcouh cingzgvang le,Nungz Cigauh gig angq,naeuz:"Mwngz sinhoj lo,seizneix yienghyiengh bwh ndei,cij caj ngoenzndei lo."
Haemh haenx banh laeuj cingj hek,bouxhek sanq le,Nungz Cigauh youh heuh lingh nda sam daiz laeuj,cingj Daxnungz、Vangz Veij、Vangz Swhmi naengh baihgwnz,de caeuq roek meh yah naengh cungqgyang,Nungz Gencungh、Vuj Hwzli caeuq bawxmoq naengh baihlaj.Gwn gvaq sam vanj laeuj le,Nungz Cigauh hemq naeuz:"Dawz gaeq daeuj!"
Lwgdaeuz de Nungz Gifungh ndenq duz gaeqboux he hawj de,de vax dawz fwed gaeq,yot giemq okdaeuj,youq gyaeujdaiq raemj goenq gyaeuj gaeq,dawz lwed gaeq ndik roengz huzlaeuj bae,lwed ndik liux le,dawz gaeq vid gvaq diencingj,hemq naeuz:"Gwn laeuj doengzsim,boux vanj!"
Nungz Cigauh caem laeuj,daj Daxnungz hwnj,cug daiz cug boux caem caez,daengx ranz caemrwgrwg,naengh sohswd caez muengh Nungz Cigauh.
Nungz Cigauh baez vad fwngz,Veiz Meijsenh youq gwnz daiz hoengq he bu ndei gouj cik baengzhau,Nungz Cigauh byaij gvaqbae,dawz bit yub maeg,lungz mbin fungh foux sij roengz bet cih saw:"Dai lix caezsim,doengz guh daihnieb!"Sij sat vut bit roengz deih,caeuq Veiz Meijsenh venj baengz hwnj ciengz bae.Leuxle gingz vanjlaeuj naeuz:"Raeuz ranz Nungz goetyiet ceiq caen,caez dawz hwnj laeuj doengzsim,coh mbwn guh mieng!"
Nungz Cigauh gvih youq naj baengz,Daxnungz riengzlaeng,gak boux ciuq baizban cug boux baiz youq baihlaeng.
Nungz Cigauh lingxdaeuz mieng:"Dai lix caezsim,doengz guh daihnieb!"
Nungz Cigauh gingz vanj,naeuz:"Gwn laeuj lwed!"De daiqdaeuz ndoet daengz daej.Daihgya hix faenfaen ndoet seuqsat.
"Bya!"Sing ndeu,Nungz Cigauh boemz vanj naeuz:"Ningz aeu nyawh soiq,mbouj guh vax cienz!"
Daxnungz hix boemz vanj naeuz:"Bouxcuengh mbouj lau dai,lau dai mbouj dwg Bouxcuengh!"
Vangz Veij boemz vanj hemq:"Seng vih Bouxcuengh seng,dai vih Bouxcuengh dai!"
Vangz Swhmi boemz vanj swenj naeuz:"Gou caeuq daihgya caemhsim!"
Nungz Gencungh caeuq Vuj Hwzli doengzcaez boemz vanj,caez gvih youq baihnaj Nungz Cigauh mieng:"Riengz Nungzvuengz daj dienyah daengz dai!"
Yah lwg Nungz Cigauh cungj boemz vanj caez,lienz dahlwg iq ngamq rox gangjvah haenx hix boemz lo.
作者: Stoneman 时间: 2004-8-28 07:22
Cingj Loh Manh Lauxsae ndaej hoengq caiq son'gyauq gou gij cih lajneix:
cib. Sim Rongh Ceiqheiq Sang 十、心煷志气槡
byandoek (ndang lumj byandoek):
coemj (De coemj gvaqbae):
doxrengh doxnangq mbouj ndaej goenqduenh:
fatbag (Nungz Cigauh angq ndaej yaek fatbag):
gekhaed (yoengx hai faq doudiet minzcuz gekhaed neix):
goenjfoed gyukhu (ai hix aeu dai ndaej goenjfoed gyukhu!):
luenzbenj (gyaeuj luenzbenj):
maeuq … nengz (beij maeuq youq ndaw haz gwn nengz gwn daek feihdauh lai hw):
mboengj (mboengj daiz naeuz):
mbwqmbwt (ndawsim mbwqmbwt):
mieng (yienzhaeuh gingz laeuj doiq mbwn mieng naeuz):
mong (laeng ndaem dungx mong):
nanznanz (nanznanz cij bibi rieng):
ngaiznyed (daihvuengz ngaiznyed mbouj gangj):
nyuknyak (lauheiq gauj ok nyuknyak dem):
rij, geh (Cungj bya neix youq ndaw rij geh dat):
rom (lai rom haeuxliengz):
roxyiuj (roxyiuj ciuzdingz gvigawj):
vengq … ngut (vengq dieg he,loh gaeb roen ngut):
yaeuj (yaeuj batdin coux byalwgnyez daeuj lo):
作者: 路漫 时间: 2004-8-28 21:46
byandoek (ndang lumj byandoek): 塘角鱼（应是bya'ndoek，该处少了个隔音符号）（身体形如塘角鱼状）
coemj (De coemj gvaqbae): 捕、扑（他扑过去）
doxrengh doxnangq mbouj ndaej goenqduenh:承接、相继（互相承接不要断折）
fatbag (Nungz Cigauh angq ndaej yaek fatbag): 发疯（侬智高高兴得快要发疯了）
gekhaed (yoengx hai faq doudiet minzcuz gekhaed neix): 隔阂（推开这一民族隔阂的铁门）
goenjfoed gyukhu (ai hix aeu dai ndaej goenjfoed gyukhu!): 轰轰烈烈（死也要死得轰轰烈烈）
luenzbenj (gyaeuj luenzbenj): 椭圆（椭圆形的头）
maeuq … nengz (beij maeuq youq ndaw haz gwn nengz gwn daek feihdauh lai hw): 蹲……虫（比蹲在茅草里吃虫子、蚂蚱味道好多啰）
mboengj (mboengj daiz naeuz): 拍打（拍桌子说）
mbwqmbwt (ndawsim mbwqmbwt): 烦闷、忧郁（心里烦闷）
mieng (yienzhaeuh gingz laeuj doiq mbwn mieng naeuz): 咒、发誓（然后举酒对天发誓道）
mong (laeng ndaem dungx mong): 灰色（身背黑色肚皮灰色）
nanznanz (nanznanz cij bibi rieng): 久久（久久才摇摇尾巴）
ngaiznyed (daihvuengz ngaiznyed mbouj gangj): 拖延、不爽快（大王拖延不语）
nyuknyak (lauheiq gauj ok nyuknyak dem): 乱子（恐怕搞出乱子来呢）
rij, geh (Cungj bya neix youq ndaw rij geh dat): 溪，缝（这种鱼住在溪水的岩缝里）
rom (lai rom haeuxliengz): 贮存、积累（多贮存粮食）
roxyiuj (roxyiuj ciuzdingz gvigawj): 通晓（通晓朝廷规矩）
vengq … ngut (vengq dieg he,loh gaeb roen ngut): 片……曲（一小片地，路窄道弯）
yaeuj (yaeuj batdin coux byalwgnyez daeuj lo):提（提着脚盆盛着娃娃鱼来了）
作者: Stoneman 时间: 2004-9-4 07:13
Docih Loh Manh Lauxsae. Cingj mwngz ndaej hoengq caiq son'gyauq gou gij cih lajneix:
cib'it. Hwnj Saw Yunghcouh 十一、佷书邕州
cauxhux (Neix it ndaej siu de cauxhux):
ciengxlwenx (bauj Nungz Cigauh ciengxlwenx mbouj cauhfanj):
cunz (Gou ngamq bae cunz Yunghcouh ma):
dij (ngaenz caiq lai hix dij):
doz (haet byaij haemh doz):
gej (Vangz Veij muengz gej naeuz):
goenh (Vangz Veij cawx goenh caeuq soij):
hangx (Gangj le cix cienq hangx okbae lo):
hux (Gou nyinhnaeuz Cigauh dwg diuz hux ndeu):
mbajmbwt naeuz:
mued (raemx rim cix mued):
mumjgyumq (da mumjgyumq naengh gwnz lungzdingz):
ndongqgywg (ndaw hab coux soij ndongqgywg):
net (Ndaw sim mbouj net):
raurumz (lienzlienz raurumz):
riuj (Vangz Veij riuj aen hab):
作者: 路漫 时间: 2004-9-4 10:56
cauxhux (Neix it ndaej siu de cauxhux): 造祸、酿成灾祸（这样一方面可以防止他造祸）
ciengxlwenx (bauj Nungz Cigauh ciengxlwenx mbouj cauhfanj): 永远（保证侬智高永远不造反）
cunz (Gou ngamq bae cunz Yunghcouh ma): 巡走（我刚刚走一趟邕州回来）
dij (ngaenz caiq lai hix dij): 抵、值（钱再多也值得）
doz (haet byaij haemh doz): 住宿（早行晚宿）
gej (Vangz Veij muengz gej naeuz): 解释（黄伟连忙解释道）
goenh (Vangz Veij cawx goenh caeuq soij): 手镯（黄伟买了手镯和耳环）
hangx (Gangj le cix cienq hangx okbae lo): 屁股（说罢就转身出去了）
hux (Gou nyinhnaeuz Cigauh dwg diuz hux ndeu): 祸（我认为智高是个祸根）
mbajmbwt naeuz: 结巴（结结巴巴说）
mued (raemx rim cix mued): 淹没（水满就溢）
mumjgyumq (da mumjgyumq naengh gwnz lungzdingz): 模糊、隐约（眼睛模模糊糊坐在龙庭上）
ndongqgywg (ndaw hab coux soij ndongqgywg): 闪亮、鲜亮（盒子里盛着闪亮的耳环）
net (Ndaw sim mbouj net): 紧实、踏实（心中不踏实）
raurumz (lienzlienz raurumz): 呵欠（连连打呵欠）
riuj (Vangz Veij riuj aen hab):提、携（黄伟提着个盒子）
作者: 路漫 时间: 2004-9-4 23:33
cibseiq. Dwk Roengz Yunghcouh 十四、徳躘邕州
1052nienz seiqnyied coloeg,dwg Nungz Cigauh ciuhneix ngoenz ceiq ronghnaj ndeu!
Gaeq ngamq haen,Nungz Gencungh、Vuj Hwzli couh youq naj ranz gungdienh laeb hwnj diuz saux he,dingj saux venj hwnj mbaw baengz Nungz Cigauh sij miz “Dai Lix Caezsim,Doengz Guh Daihnieb”bet cih saw haenx,henz baengz aeu baengzhoengz nyib bien,mbinfwgfwg gig angjda.
Gyoengqvunz nyaengqnyat diemj doxgaiq,Nungz Cigauh daengq daengx ranz vunz,daj ngoenzneix hwnj,daengx ranz caez okbing.Soj miz daengx ranz caizcanj,diemj hawj bingdoih yungh.Nungz Cigauh roek meh yah,boux hawj duz maxdaemq he caeuq aen giuh he,maxdaemq doz doxgaiq,giuh naengh vunz.Veiz Meijsenh dwg bouxdaeuz bingdoih mehmbwk,gag naengh max sang.Daxnungz daiq yahhoiq he,yungh gyaq maxci he doz aen doengjraemx hung ndeu,ndaw doengj coux miz sam cib lai duz byalwgnyez,dajsuenq gung roengz aen singz he couh gaj duz byalwgnyez ndeu.
Daengngoenz ngamq hwnj,roq gyong humhum,ci hauh goenjdat,Nungz Gencungh、Vuj Hwzli、Hij Yenz gwih max hwnj ciengz,haj cien boux bing daenj buhhoengz caez hemq “Gaenriengz Nungzvuengz”riengzlaeng.Bingdoih bouxsai baihlaeng dwg bingdoih mehmbwk,haj bak bouxbing mehmbwk bouxboux rengzrwd cangqcwt,beij ndaej hwnj bouxsai bae.
Gum!Gum!Gum!……gouj sing bauq lienz yiengj,Nungz Cigauh daenj mauhhang buhhoengz,hwet naep baujgiemq,fwngz gaem caxmbat,byaij ok gungdienh,ginhswh Vangz Veij,fuginhswh Vangz Swhmi gaenj riengz song mbiengj.Nungz Cigauh yat hwnj maxhoengzgeq,cib boux bing ram mou duz hung he cuengq youq laj mbaw baengz “Dai Lix Caezsim,Doengz Guh Daihnieb”haenx,Nungz Cigauh fad max hwnjbae,Mbat cax raemj goenq gyaeuj mou,lwed mou byoq muenx deih.Nungz Cigauh mbat vix gungdienh naeuz:“Coemh!”
Geij cib boux bing gwed bogfeiz,buet haeuj gungdienh,yaep he,cijraen hoenz hwnj faenfaen,feiz dawz huhu,iengj ndaej mbwn hoengzoqoq,gungdienh bienqbaenz feizhaij,lienz daengngoenz cungj myox bae.
Nungz Cigauh gwih youq gwnz max,doiq gyoengq guen bing naeuz：“Ngoenzneix gou coemh ranz fanj Soengq,cungj dwg Cau Cinh ndaek vuengzdaeq naeuh neix bik okdaeuj!Gyoengq beixnuengx,byawz miz mbei couh riengz gou dwk bae Gingsingz,naengh dienh vuengzdaeq gwn laeuj!”
Gyoengq bing hemq sadsad:"Riengz Nungzvuengz cauhfanj!"
Nungz Cigauh vad giemq baez vix:"Hwnjdin!"
Vuj Hwzli、Hij Yenz guh senhfungh daiq bing gwed geizhung byaij baihnaj,Nungz Cigauh daiq daihdoih byaij cungqgyang,bingdoih mehmbwk riengz baihlaeng.Ceiq doeklaeng dwg haeuxliengz caeuq lwgyah ranz Nungz.
Bingdoih lumj duzlungz rengzrwd ndeu mbin bongh baenaj,itloh ndaej daengz beksingq angqcoux,soengq caz soengq gijwn.Haujlai bouxcoz ndek gvak ndek cae dawz cax dawz nangx gag nyienh caezfaenh hwnjbing.Bae daengz Hwngzsanhcai,bingdoih gaenq demgya daengz caet cien lai vunz.
Nungzginh rub daeuj,Hwngzsanhcai bouxdaeuz Cangh Yizsinh hwk dwk cacoemj baij vunz bae heuh Yunghcouh duhsunzgenj Vuz Yangh daeuj taeng doiq dig, Caj song ndaek neix vuengzmuengz ganj daengz seiz,Nungzginh senhfungh Vuj Hwzli gaenq hoenx daengz.Sam ndaek hak neix ganj mbouj gib doxyaeng couh hwnj max daeuj dingj.Gyoengq binghak bingzseiz lanzsanj gvenq lo,baenzlawz ging ndaej hoenx,Nungzginh mbat cung,couh baij lumj ciengz yaij.Sam ndaek hak haenx raen mbouj doenggvan,cijgoq deuz mingh.Hoeng Vuj Hwzli caeuq Hij Yenz gaenq gyaep daengz,cij dingqnyi Vuj Hwzli hat sing ndeu,Cangh Yizsinh gaenq doek roengz max,Hij Yenz faexgyaengh mbat vengh,Gauh Sw'anh gaenq deng mbak bae mbiengj gyaeuj he.Seizneix Vuz Yangh swngzgei ndot deuz,ngamq buet mbouj gyae,cingq bungz bingdoih mehmbwk ganj daengz,Vuz Yangh fad max doxdauq,cingq yaek buet,mboujliuh Veiz Meijsenh baez yaengx fwngz,feidau vidvid biu ok,dingjlingz baek deng hozlaemz Vuz Yangh,Vuz Yangh doek max daindiengq.
Nungzginh daih hingz,vifung daih vuengh.Nungz Cigauh roengz lingh,mbouj ndaej nyaux beksingq,youh heuh hai canghaeux gouq caiminz,daengxcungq beksingq cungj angqbupbup bae.Youh miz haujlai bouxcoz sai mbwk camgya hwnjbing,bingdoih dem daengz gaenh fanh vunz.
Haemhhaenx,Daxnungz hemq loengh duz byalwgnyez he daeuj angqhoh.Bya loengh ndei le,gyoengq vunz miz goeng haenx comz daeuj,itmienh gwn bya ndoet laeuj,itmienh yaeng baenzlawz bae gung Yunghcouh.
Daxnungz naeuz:"Yunghcouh mbouj lumj Hwngzsanhcai,couguen yienznaeuz bou,hoeng hix rox di goengfou,caemhcaiq lajfwngz miz geij boux ak,bing hix lai.Yaek gung Yunghcouh,hab yungh ndaw rog boiqhab,cij ndaej gemj noix raeuz sieng dai."
Nungz Cigauh naeuz:"Meh gangj ndaej deng.Gou senq baij vunz cang gaujvaq haeuj singz bae lo,raeuz cingq naemj doxhab."
Vangz Veij naeuz:"Haemhneix gou lij genj aeu bak boux bing he,daenj hwnj buhbing Soengqciuz,cang baenz Hwngzsanhcai baih roengzdaeuj,cab haeuj ndaw cingz bae,sou guenj cuengqsim."
Gyanghwnz caemrwg,bak boux bing haenx vuenh buh daenj le,lienz haemh ganj bae Yunghcouh.
Nungzginh youq Hwngzsanhcai yiet geij ngoenz bing,ganj caux buek ruz he,yienzhaeuh faen sam loh hwnjdin,ndij Yunghgyangh swnh dah doxroengz,byaij gonq ndij baihswix henz dah byaij,cungqgyang ndij baihgvaz henz dah byaij,riengzlaeng cauh ruz byaij loh raemx,baenaj foedfoed,byawz hix mbouj gamj laengz.Nungz Cigauh daiq bing byaij cungqgyang,gig vaiq couh daengz Yungjningz(neix heuh Yunghningz,liz Yunghcouh ngeih cib leix),Yungjningz Vuz daisouj bohlwg sam boux vueng'vud daeuj dingj Nungzginh,deng Nungzginh homh hoenx,cienzbouh deng mied.Nungz Cigauh max mbouj dingz din,itcig gung daengz Yunghcouh (neix heuh Namzningz).Doengzseiz,lingh song loh Nungzginh hix caez gung daengz Yunghcouh,sam loh gyoeb homh.dawz Yunghcouh humx dwk ndaetndwtndwt,maet cungj nanz biq deuz.
Nungz Cigauh cap yingz le,roengzlingh:Cij hawj vunz haeuj singz,mbouj hawj vunz ok singz,bing Soengqciuz okdaeuj,caenhliengh gaemh lix.
Caiq gangj Yunghcouh couguen Cinz Gungj bonjlaiz hix miz di bonjsaeh,seizneix raen Nungzginh daenj buhhoengz humx ndaet rog singz,lumj feizhaij lag haz,sim gaenq yup raixcaix.De ganjmuengz itmienh baij bing lajfwngz de bae hen ndei dousingz,itmienh heuh vunz sij saenq soengq okbae ban gouqbing,hoeng sojmiz soengq saenq okbae haenx cungj deng Nungzginh gaeb dawz.
Dangseiz Guengjsae duhgen Cangh Liz cap youq Binhcouh,dingqnyi Yunghcouh deng humx,sikhaek daiq bing daeuj gouq.Miz bouxdamq daeuj lwnh aen siusik neix,Nungz Cigauh gig angq bek ga naeuz:"Cangh Liz daeuj ndaej ngamj,langh de haeuj singz!"Yienzhaeuh,de heuh Vuj Hwzli daiq sam bak boux bing,cienzbouh vuenh daenj buhbing Soengqciuz,swnh Cangh Liz daiq bing haeuj singz seiz,swngzgei gyaux haeuj singz bae,caeuq Vangz Veij ciepdaeuz,gawj geiz guh hauh,caez guh ndaw wngq.
Cangh Liz Daiq bing daengz le,Hij Yenz daiq bing cung bae,cingq youq hemq gaj luenhcabcab seiz,Vuj Hwzli gaenq daiq bing gyaux haeuj bing Soengqciuz bae,gwnz singz raen dwg geizhauh Cangh Liz,lienzmuengz hai dousing,Cangh Liz fouzsim caiq hoenx,sikhaek daiq bing nyoengx haeuj singz lo.
Ndaw singz luenh dangq ndaij nyungq,gwnz gai vunz goenjyauyau,lwgnyez swenj mwhmbwk daej,miz vunz buen doxgaiq,miz vunz fung bakdou,lij miz gyoengq bing swngzgeiz bueklungh,nauh dwk biengz yaek fan.Vuj Hwzli daiq sam bal boux bing ndonj haeuj singz haenx,hai haeuj sam aen hongh hung bae,dawz bouxcawj daengx ranz hung iq gven hwnjdaeuj,mbouj hawj laeuh siusik.Yienzhaeuh de daiq seiq boux lajfwngz bae ra Vangz Veij,doxyaeng baenzlawz hengzdoengh.
Vangz Veij naeuz:"Mwngz daeuj ndaej ngamj!Caj Daegsam damq siusik dauq,raeuz sikhaek hengzdoengh. Mwngz gung Ciuzdienmonz,gou gung Laizyienxmonz,yienghyiengh cungj bwh ndei lo.Ndaw singz beksingq sim cungj coh raeuz,mbouj noix vunz gaenq bwh ndei cax mid,camgya raeuz gung hoenx."
Vuj Hwzli naeuz:"Ndei!Gou dingq mwngz cijveih!"
Mbwn laep le,Daegsam dauqma lwnh aen siusik youqgaenj ndeu:Cinz Gungj haemhneix baij laeuj dajsiengj Cangh Liz gyoengq gouqbing haenx,gyoengq hak hung cungj daeuj hoh,daizlaeuj couh nda youq gwnz singslaeuz Ciuzdienmonz.Vangz Veij dingq le bek fwngz riu naeuz:"Mbwn bang raeuz ha!"De doq rwz Vuj Hwzli gangj aen geiqmaeuz he,Vuj Hwzli ngaek gyaeuj digdig.Vangz Veij youh doiq Daegsam naeuz:"Mwngz hawj Vuj cienghginh daiq loh,hwnj singzlaeuz Ciuzdienmonz bae,ciuq vah Vuj cienghginh bae guh,saeh baenz le,daihdaih dajsiengj!"
Daegsam naeuz:"Gou seizneix couh camgya Nungzginh,vuenh buhcai lo!"
Vangz Veij naeuz:"Gou sou mwngz dang Nungzginh,hoeng seizneix mwngz mbouj ndaej duet buhcai,caj gung roengz Yunghcouh caiq duet ba."
Vuj Hwzli caeuq Daegsam baema daiqlingx sam bak boux bing cang baenz bing Soengqciuz haenx,sikhaek bae Ciuzdienmonz.Bae daengz laj singzlaeuz,gwnz singz miz vunz raen le hat cam:"Sou daeuj gijmaz?"
Daegsam han:"Daeuj vuenh ban!Sou sinhoj lo,Cinz Dayinz cingj laeuj sou lij caengz ndaej gwn,vaiq bae sai laeuj ba."
Gyoengq bing gwnz singz cingq vih cigban mbouj ndaej sai laeuj naj nyaeuq ne,ndaejnyi nyaenx gangj,angq ndaej riu dwk bak mbeuj bae;caiqgangj gyoengqde cungj roxnaj Daegsam,couh saenq dahraix.gyau ban le doxcanj okbae ra laeuj sai lo.
Vuj Hwzli daiq sam bak bing haenx laeglemx couh hwnj gwnz singz,dawz singzlaeuz humx hwnjdaeuj.Ndaw singzlaeuz daiz laeuj he nyoemnyainyai,Cinz Gungj、Cangh Liz daengj gyoengq hakhung naengh youq seiqhenz,cingq gingz boilaeuj angqhoh goenjdat,di he mbouj rox cih dai yaek daengz najbyak lo.Cinz Gungj gingz boi naeuz:"Muengh daihgya caezsim caemhrengz,dwk hingz vunzdig,bauqdap ciuzdingz……"
Vah caengz gangj sat,fwt roemx haeujdaeuj gyoengq bing he,ndaekndaek hakhung lij gingz boi dwk,cax gaenq ngad daengz hozlaemz lo.
Vuj Hwzli hat naeuz:"Gyonj cug hwnjdaeuj!"
Caet ndaek hakhung cungj deng cug hwnjdaeuj,yaek doengh mbouj ndaej,lij mbouj rox dwg maz saeh.Cinz Gungj yawjyawj cungj dwg bing Soengqciuz,ndatheiq ndaq naeuz:"Meh sou!Sou yaek cauhfanj ha?"
Vuj Hwzli mbat fak Cinz Gungj,riunyaen naeuz:"Dou senq cauhfanj lo,mwngz cengq da yawj gou dwg byawz?"De duet roengz buhbing Soengqciuz,loh ok buhbing Nungzginh hoengzfwgfwg daeuj.
Daegsam naeuz:"Cinz lauxyez,neix dwg Nungzginh Vuj cienghginh!"
Cinz Gungj fatheiq naeuz:"Daegsam!Gou doiq mwngz baenz ndei,mwngz yawz daiq caeg daeuj haih gou?Duz naraq mwngz!"
Daegsam naeuz:"Mwngz lwnhngoenz heuh gou daek haeux raix caz,lij sawj gou bae hawj yah mwngz dauj nyouh,dawz gou dang hoiq sawj,lij naeuz doiq gou ndeine!Mwngz caj ba,beksingq cingq deq caeuq mwngz suenqsoq hw!"
Vuj Hwzli dawz gyoengq hak haenx gyaeng hwnjdaeuj,couh diemj feiz coemh singzlaeuz,caemh hailangh dousingz.Rog singz Nungz Cigauh raen feiz hwnj le,sikhaek boq hauh,gyoengq Nungzginh baenz cuj baenz cuj doxcanj cung haeuj dousingz,ndaw singz lienzseiz hemq gaj goksad,Nungzginh daenj buh hoengzfwgfwg,lanh hoenx dangqmaz,gyoengq bing Soengqciuz mbouj miz vunz cijveih,lumj raemx dongj fai lak,deuz mingh mbouj gib,yawz gamj dingj dem.
Byonghhwnz sam geng.Vangz Veij cijveih gyoengq bing "gauhvaq" haenx gung roengz lingh song aen dousingz,yienzhaeuh caeuq Nungzginh daihdoih gyoeb youq itheij,gig vaiq couh gung roengz couhfuj.
Haemhhaenx,Nungzginh gaj dai Soengqginh cien lai vunz,gaemh lix geij cien vunz.Haetlaeng,1052 nienz lauxlig nguxnyied coit,banngaiz,Nungz Cigauh dawz Couhfuj gaij guh Namzdienguek gungdienh,gag fung guh Yinzvei vuengzdaeq,gaij nienzhauh guh Heijlig,fung Daxnungz guh vuengzdaiqhaeuh,lwgdaeuz Nungz Gifungh guh daiswj,fung Vangz Veij、Vangz Swhmi guh canhcwng(vih lumj caijsiengq),baihlaj gag boux daiq bing haenx cungj fung guh daihcienghginh,Daegsam cix ndaej fung guh ginginh duhvei.Nungz Cigauh heuh Vangz Swhmi ok buengj an minz,hai cang fat haeux,heuh beksingq hwnjdaeuj cawz hak ngawz,fanj Soengqciuz,dingj Gyaujcij bauj bingzningz.Buengj baez ok,beksingq hemq wngq,faenfaen daeuj camgya Nungzginh,geij ngoenz seizgan,Nungzginh couh dem daengz gaenh song fanh vunz,singseiq daih vuengh,gak giz Soengqginh simyup mbeidek,gangj daengz Nungzginh couh najheu najbienq.
Ngoenz he,diemjcaz ndaw couhfuj doxgaiq,fatyienh bi haenx hwnjsaw heuh couguen soengq hawj ciuzdingz doengh gij saenq caeuq gimdiuz haenx lij youq,Nungz Cigauh gig ndatheiq,mboengj daiq hemq:"Dawz couguen Cinz Gungj daeuj saemj!"Cinz Gungj gyaiq daeuj dingdangz,Nungz Cigauh hat cam:"Hak naeuh!Bi haenx gou baij vunz dawz sawsaenq caeuq gimdiuz daeuj,heuh mwngz bauq soengq ciuzdingz,mwngz vih maz gaeu roengzdaeuj?"
Cinz Gungj ndang saenz foegfoeg,gvih naeuz:"Nyiuz coih!Sawsaenq mwngz dwg saw gin maeg bauj,gou siengj louz roengzdaeuj dang baujboiq……"
Nungz Cigauh bek daiz naeuz:"Luenh raeuq!Doenq gimdiuz gou,lij miz naj daeuj huloengh gou dem!"
Cinz Gungj boemz gyaeuj naeuz:"Gou baenzlawz gamj huzloengh mwngz!Mwngz heuh gou banh gienh saeh haenx,gou gaenq lingh sij saw bauqlwnh ciuzdingz lo,hoeng deng baihgwnz gaeu roengzdaeuj,gou hix fouzfap ha."
Nungz Cigauh cam:"Mwngz dangcaen lingh sij gvaq?"
Cinz Dungj auqmanz naeuz:"Caen sij lo."
Nungz Cigauh naeuz:"Soqlaiz hawj vuengzdaeq hwnjsaw cungj aeu louz miz daej,mwngz rox diuz gvigawj neix lwi?"
Cinz Dungj ngaek gyaeuj naeu:"Rox."
Nungz Cigauh hemq:"Daiq de bae ra sawdaej daeuj hawj gou!"
Miz vunz daiq de roengzbae,yaek he youh daiq de hwnjdaeuj.Cinz Gungj youq gyang ding rub gvih roengzdaeuj,mbouj gamj guhsing.
Nungz Cigauh cam:"Sawdaej ne?"
Cinz Gungj boemz gyaeuj babbab naeuz:"Gou hab dai!Gou saedsaeh caengz sij gvaq,gou yaeuh vuengzdaeq,muengh vuengzdaeq haiaen,louz diuz mingh he hawj gou,gou nyienh dub uk heh sim daeuj bauqdap!"
Nungz Cigauh naeuz:"Mwngz ndaek vunz neix ciengz gangj vahbyangz,haet gangj sam haemh gangj seiq,louz mwngz miz maz yungh?Dawz bae gaj!"
Bouxgajfamh rag Cinz Gungj okbae,Cinz Gungj gaenq hwk dwk maez bae.
Nungz Cigauh cam henzndang naeuz:"Gaemh ndaej gyoengq hak haenx,miz byawz mbeilaux di,gamj ndaq gou lwi?"
Miz vunz han naeuz:"Miz song ndaek ndaq raeuz dwg caeg."
Nungz Cigauh yinxdaeuz lo,cam:"Byawz gamj ndaq gou dwg caeg?"
Boux he han naeuz:"Cangh Liz caeuq Gungj Cunghdan."
Nungz Cigauh baez vad fwngz:"Hawj gou cingj songde daeuj."
Yaep he,song ndaek haenx gyaiq daengz gyangding,bouxboux ngiengx gyaeuj ndwn sohswd.Bouxbing heuh songde roengz gvih,songde mbouj leix.Bouxbing yaek doengh fwngz,Nungz Cigauh baetbaet fwngz,heuh bouxbing deuz.
Nungz Cigauh cam:"Song vih daeuj daengz baihnajvuengzdaeq,vih maz mbouj gvih,daiq mbouj rox gvigawj luba?"
Cangh Liz najhaen naeuz:"Mwngz gag fung guh vuengzdaeq,saedsaeh dwg caeg,yawz hawj mwngz roengz gvih?"
Gungj Cunghdan hix naeuz:"Gou cij nyinh Soengq Yinzcungh vuengzdaeq,mbouj nyinh mwngz gijmaz Yinzvei vuengzdaeq!"
Nungz Cigauh mbouj huj,dauq riu naeuz:"Raen sou baenxneix miz goetheiq,gou cingj sou naengh."
Bouxbing dawz song aen eij daeuj,hawj songde gej cag bae,Cangh liz, Gungj Cunghdan cix daihmuz daihyiengh naengh roengzdaeuj.
Nungz Cigauh sien cam Cangh Liz:"Cangh Cienghginh!Mwngz naeuz gou gag fung guh vuengzdaeq,cingj cam,ciuz lawz vuengzdaeq mbouj dwg gag fung?Cinzsijvangz dwg gag fung,Dangzciuz Lij Yenh, Lij Siminz hix dwg gag fung.Soengqciuz Cau Gvanghyinj youq Cinzgyauzyiz hwnjbing,haemh he couh gaij daenj buh vuengzdaeq,nanzdauh mbouj dwg gag fung?Yawj daeuj Cangh cienghginh gig sug lizsij,cingj mwngz son gou,mwngz baenzlawz daeuj yawj song cih 'gag fung' neix?"
Cangh Liz ngoemx lo,mbouj rox baenzlawz han.
Nungz Cigauh youh naeuz:"Mwngz naeuz gou dwg caeg,hix mbouj geizgvaiq,gwn ngaiz ranz lawz bang ranz lawz gangjvah.Mwngz daihgaiq caemh rox,gou sam baez hwnjsaw cingjgouz gvihaeuj Soengqciuz,danhseih vuengzdaeq Soengqciuz hukhak haenx couh seih mbouj cinj.De dawz Bouxcuengh sengloh fung cied lo!Lij siengj ndek diegcuengh hawj Gyauhcij,ndaek vuengzdaeq Yinzcungh sou hoenqciengq mbouj hoenqciengq?mbouj fanj ndaek vuengzdaeq naeuh neix lij ndaej ma?Cangh cienghginh,cingj mwngz ndwn hwnjdaeuj!"
Cangh Liz ndang mbouj youz geij ndwn hwnjdaeuj.
Nungz Cigauh hix ndwn hwnjdaeuj,naeuz:"Gou cam mwngz,danghnaeuz mwngz dwg gou,mwngz fanj mbouj fanj ndaek vuengzdaeq naeuh neix?"
Cangh Liz naeuz:"Gou gwn haeuxliengz ciuzdingz,fouzfap doxbeij."
Nungz Cigauh naeuz:"Yienzlaiz mwngz hix mbouj dwg bouxvunz cingqcig he,mbouj gamj gangj vahcaen,mwngz naengh ba."
Cangh Liz ngoemxngwd naengh roengz,naj miz di mong.
Nungz Cigauh hix naengh roengz,cienq naj doiq Gungj Cunghdan naeuz:"Dingq gangj mwngz rox yawj mbwn,raen ndaw couhfuj miz mokhau,liuh daengz gou yaek cauhfanj,mwngz caen ndaej rox gonq gvaq vunz ho!Danghnaeuz Cinz Gungj saenq mwngz gangj,lauheiq seizneix gou lij caengz ndaej youq neix ne!"
Gungj Cunghdan danq gaemz heiq he naeuz:"Vah gou mbouj miz vunz saenq,bienzngeiz mwngz lo.gou vih ciuzdingz guh hak,dai hix mbouj ienq!"
Nungz Cigauh naeuz:"Mwngz caen lauxsaed daengz huk bae,daiq hojsik.Seizneix Soengqciuz nduknaeuh daengz bouh neix,haujlai saehcingz banh ndaej sawj vunz lajmbwn dwgcaengz,caen mbouj rox Cau Cinh baenzlawz lij miz naj dang vuengzdaeq!Soengqciuz cungj miz saek ngoenz deng mied!Mwngz mboujyawz riengz gou cauhfanj,cawz raeg gij nduknaeuh lajmbwn,louz mingz cien daih fanh ciuh!"
Gungj Cunghdan naeuz:"Boux cungsim mbouj vih song vuengz,mwngz gaej siengj heuh gou fug mwngz!"
Nungz Cigauh naemjnaemj le,youh naeuz:"Mwngz mbouj fug gou hix ndaej,gou langh mwngz caeuq Cangh cienghginh baema,cingj sou bang gou bae Ging hwnjsaw,cijaeu cinj gou gvihaeuj Soengqciuz,gou sikhaek doiq ok Yunghcouh,baenzlawz yiengh?"
Gungj Cunghdan fatheiq naeuz:"Gou deng mwngz gaemh lix,gaenq famh coihdai,mwngz lij heuh gou bae Ging dang bouxbaklai,mbouj dwg gya coih sawj gou deng mied goujcug ma?Mwngz gaej siengj ciq cax haih gou,yaek gaj couh gaj gou boux ndeu ndaej lo,gaej haih vunz ndaw ranz gou dem!"
Nungz Cigauh gig yawjnaek Gungj Cunghdan cungj goetheiq neix,doeklaeng,de hawj daeglwg ngeih de gaij mingz guh Nungz Cunghdan.
Gyoengq hak deng gaemh haenx cungj deng gaj lo,Nungz Cigauh daengq naeuz,hawj Gungj Cunghdan fouq guencaiz ceiq ndei he ndeindei roengz cangq,cix dawz seihaiz Cinz Gungj vut roengz dah bae viq bya.
Gung roengz Yunghcouh le,Daxnungz gig angq,ngoenzngoenz gaj duz byalwgnyez ndeu,cingj boux miz goeng he daeuj caeuq de caez nyaemq,byawz ndaej daeuj couh dwg ceiq sang dajsiengj lo.
作者: 路漫 时间: 2004-9-17 17:20
cibhaj. Humx Gung Gvangjcouh 十吓、阍攻广州
Nungzginh gung roengz Yunghcouh le,swnh tiet geij ngoenz,bwh ndaej bak lai aen ruz,ciuq yienzbonj dingh ndei haenx,ndij dah Yunghgyangh hai coh baihdoeng.Song fanh Nungzginh byaij bae foedfoed,geiz mbinfagfag,gyong yiengjhumhum,daengz gyawz gung gyawz,gung gyawz hingz gyawz,bing Soengqciuz buet mbouj ndaej deuz cix deng siumied.
Nguxnyied cogouj,Nungzginh bae daengz Hwngzcouh,guenbing buet dai deuz mingh,Nungzginh mbouj yungh doengh fwngz couh ciemq ndaej Hwngzcouh,hai cang faen liengz,beksingq angqyangz.Nguxnyied cibngeih,Nungzginh bae daengz Gveicouh(neix heuh Gveigangj),caemh mbouj yungh rengz couh haeuj singz lo.Couh yienghneix swnhswnh leihleih ciemq ndaej Sunzcouh(neix heuh Gveibingz)、Yungzcouh(neix heuh Yungzyen)、Gunghcouh(neix Bingznanz)、Dwnghcouh(neix Dwngzyen)、Vuzcouh daengj,daj cogouj daengz cibcaet,ngamq aeu gouj ngoenz couh ciemq ndaej roek aen singz,byaij doh it cien lai leix.
Daengz Vuzcouh seiz,Daxnungz youq gwnz ruz muengh dauqlaeng,naj saepsangq doiq Nungz Cigauh naeuz:"Lwg ha,raeuz ndij dah doxroengz,yienznaeuz dwk roengz roek aen singz,hoeng neix lumj maxlaeuz gip haeuxyangz nei,gip aen vut aen,yienghneix guh mbouj ndaej bw!"
Nungz Cigauh naeuz:"Daxmeh gangj miz dauhleix.Danhseih,danghnaeuz raeuz dwk ndaej aen singz couh louz vunz souj youq aen singz,bingmax couh faensanq lo,mboujyawz comz bing dwk doxbae,caeuq daihdoih bingmax Soengqciuz hoenx ciengz he,mied de geij fanh bing,beij faen bing souj singz lij lai giengz bw."
Daxnungz roxnyinh neix hix miz dauhleix,hoeng lij mbouj cuengqsim,youh daezsingj naeuz:"Baenzneix byaij gyae gung singz,vunz baeg bing naiq,raeuz aeu siujsim naemj ndei,byaij yamq he ngeix daengz sam yamq,cij byaij ndaej onjdangq nw."
Nungz Cigauh naeuz:"Daxmeh daj iq son gou doeg bingsaw,gou baenzlawz mbouj rox.Soengqciuz dawz bing comz youq Gingsingz,Lingjnanz baihneix mbouj miz geijlai bing,raeuz sien lieb dwk Gvangjnanz mbiengj neix gvaengx he,caiq hat bing dwk baihbaek,Soengqciuz itdingh baij daihdoih bingmax daeuj,raeuz couh ndei caeuq gyoengqde hoenx ciengz he lo.Danghnaeuz hoenx ndaej hingz,couh dwk doxbae,danghnaeuz dwk mbouj gvaq,couh doiq dauq Yunghcouh,yaeuh Soengqciuz gyaep daeuj,youq ndaw bya ndaw rungh siumied gyoengqde.Meh,diuz gaeq neix baenzlawz yiengh?"
Daxnungz naj loq hai di,naeuz:"Mwngz gaenq naemj ndeindwt lo,couh yienghneix guh ba."
Yienghneix,Nungzginh laebdaeb roemx bae,dwk daengz Funghcouh.Funghcouh couguen Cauz Ginj ngamq comz ndaej bak lai boux bingcai,caemh daeuj caeuq Nungzginh song fanh lai bing doiqdingj,Nungz Cigauh raen ndaek vunz neix miz mbei,couh daengq lajfwngz gaej sieng de,cij aeu gaemh lix.Veiz Sifung naeuz:"Hawj gou sawq daeuj hongx de!"De bek max bae coh Cauz Ginj,Cauz Ginj raen dwg mehmbwk,cix mbouj dawz haeujrwz. Lij caengz ndaej doxhoenx,Veiz Sifung fad max couh deuz,ndaq naeuz:"Ndaek ma mwngz!Mbouj lau dai couh daeuj vei!"Cauz Ginj daih huj,fad max gyaep bae.Veiz Sifung hat sing ndeu:"Daeuj ba!"Swnh fwngz baeuj ok caghongx,duzmax Cauz Ginj baez ging,ndiengq hwnj ganaj,caghongx hongx mbouj deng Cauz Ginj,cix hongx dawz daezmax ganaj.Veiz Sifung baez rag,duzmax rub laemx,Cauz Ginj deng boek roengzdaeuj,seiq guengq coh mbwn.Geij boux Nungzginh cung hwnjbae,dawz Cauz Ginj cug ndaetndwt,gyaiq hwnj ruz bae.
Nungz Cigauh daeuj yawj Cauz Ginj,heuh vunz hawj de soeng cag,aeu laeuj noh daih de,de mbouj gwn.Nungz Cigauh naeuz:"Cauz Cienghginh,gou raen mwngz haemq miz damjliengh,mwngz riengz gou bae dwk Soengqciuz,gou hawj mwngz daiq ci bing he,guh mbouj guh?"
Cauz Ginj naeuz:"Gou dwg bouxguen ciuzdingz,yawz ndaej gaen mwngz cauhfanj?Seizneix gou deng mwngz gaemh lo,mbouj miz maj raen vunz dem,mwngz vaiq gaj dai gou ba!"
Nungz Cigauh naeuz:"Baenzlawz couh gangj dai ne?dienyah dwg daihgya dienyah,yawz ndaej dandan gvi Soengqciuz singq Cau ?Soengqciuz nduknaeuh,mbouj yungh gou gangj,mwngz beij gou engq rox.Mwngz hozbiet vih gyoengqde dai ne?"
Cauz Ginj mbouj guhsing.Nungz Cigauh hix mbouj bik de,louz de youq ndaw ruz song ngoenz,de mbouj gwn mbouj ndoet,cij nyienh ra dai.Nungz Cigauh danqheiq naeuz:"Gaej sieng de,youz de gag dai ba!"
Bouxbing daeuj hawj Cauz Ginj vuenh daenj buh ndei,heuh de diuq dah gag dai,yienzhaeuh lauz sei hwnjdaeuj cangq youq bangxdah.
Nguxnyied cibbet,Nungzgibh gung daengz Ganghcouh(neix Gvangjdungh Dwzging Yen),damq rox couguen Cau Swhdan ngamq hwnjnyaemh ngoenz he,Nungz Cigauh couh baij vunz bae gienq de douzyangz.Cau Swhdan cwzlwg mbouj rox naj guk,dawz bouxsawj haenx gaj bae.Nungz Cigauh huj dangqmaz,sikhaek hat sing gung singz.Cau Swhdan ngamq miz sam bak boux bing,caen dwg aeu mbawmungz dangj cax,baez hoenx couh deng raemj gyaeuj doek.
Nungzginh gung roengz Ganghcouh le,mbouj yiet cix ganj bae Donhcouh(neix Gauhyau Yen).Ruz hai daengz aen gemh he,song mbiengj ndoi bya daengjlaeb,faex mwncupcup,raenxdah goksoso,yungyiemj dangqmaz.Danghnaeuz youq neix maizfug bingmax,ruz daeuj deng hoenx,bae mbouj ndaej,doiq mbouj dauq,baenzlawz mbouj yiemj?Nungz Cigauh dingz ruz roengzdaeuj,heuh vunz bae damq.Bouxdamq dauqma naeuz mbouj raen miz maizfug.Nungz Cigauh langhsing riu naeuz:"Soengqginh mbouj miz vunz rox bingfap,baenz ndei deihhingz mbouj rox yungh,Soengqciuz uengjfeiq ciengx gyoengqde lo!"
Yienghneix,Nungzginh couh gag vaiq ciemq daengz Donhcouh.
Daj Donhcouh daengz Gvangjcouh cij bak lai leix gyae.Gvangjcouh couguen Cung Genj rox Nungzginh ciemq Donhcouh le,gipmuengz ciu lajfwngz Vangz Gaih 、Vangz Siningz daeuj,minghlingh songde daiq bing bae soudauq Donhcouh.Vangz Gaih damq rox Nungzginh gag ak,bae daengz byonghloh couh dingz roengzdaeuj,sij saenq hawj Cung Genj,iugouz dauqma caez souj singz.Cung Genj ndaq de mbeisiuj,naeuz mbouj dingq minghlingh couh raemj gyaeuj.Vangz Gaih mbouj leixlangh,ciuqyiengh ban bing dauq Gvangjcouh,caemh ep Vangz Siningz daiq doih haeuj singz.Vangz Siningz mbouj coengz,dauq ndaq de lau dai deuz mingh.Vangz Gaih gig nyapnyuk,naeuz Vangz Siningz mbouj dingq minghlingh,dangciengz gaj bae.
Nguxnyied ngeihcib'it,Nungzginh bae daengz Sanhsuij,bungz deng fwnraq rumzhwx,cij ndaej yiet caj sam ngoenz.Ruzhwx dingz le,caiq hai ruz hwnjdin.Nguxnyied ngeihcibroek,Nungzginh hai daengz Gvangjcouh,anyingz capsaih,dawz singz humx ndaetndwt.Nungz Cigauh gwih hwnj maxhoengz,daiq Vangz Swhmi daengj geij boux ciengq,heux rog singz yawj deihhingz.Vangz Swhmi dwg vunz Gvangjcouh,sug dieg sug loh,sijsaeq hawj Nungz Cigauh gejgangj.Gvangjcouh ciengzsingz sang youh na,din singz vat miz miengdah henhoh,ndaw singz miz bing lai ciengq rengz souj youq,yaek dwk roengz gig mbouj yungzheih.Nungz Cigauh naemj gvaq le,gietdingh comz bingmax hwnjdaeuj,gung hoenx saemonz.De dauqma le couh swngciengq fatlingh:heuh Nungz Gencungh cob vunz ganj caux moegci 、laefaex caeuq bauqfeiz,nda'nduengq gung singz;heuh Hij Yenz daiq cien bingmax he,lieb yawj seiqcawq,siumied daj gag dieg daeuj gij gouqbing haenx;heuh Vuj hwzli daiq cien bing he,dienz maenh gij raemxloh doeng haeuj singz bae haenx,gakduenh ndaw singz yungh raemx;Heuh Veiz Laujhungz daengj hen ndei haeuxliengz,daezfuengz bing Soengqciuz daeuj guk……
Caiq gangj Cung Genj,ndaek couguen neix simdoeg youh hukhak.De hwnj singz bae baez muengh,cijraen Nungzginh cap yingz caezcingj,geiz mbinfagfag,bingmax cingsaenz gvaekgvaek,ndaw sim gig yup.Seizhaenx miz vunz daeuj caegbauq,naeuz Nungz Cigauh ginhswh Vangz Swhmi dwg vunz Gvangjcouh,bohmeh de lij youq ndaw singz.Cung Genj yakdoeg naeuz:"Lwglan guh caeg,bohmeh miz coih."De cam bouxcaegbauq Vangz Laujvuj naeuz:"Mwngz rox bohmeh de youq gyawz lwi?"
Vangz Laujvuj naeuz:"Rox vei,songde couh youq ranz caencik de,caeuq ranz gou dwg gekliz."
Cung Genj sikhaek heuh lajfwngz de:"Sou hawj gou bae gaeb bohmeh Vangz Swhmi,dangciengz raemj gyaeuj,dawz gyaeuj ma venj hwnj gwnz singz bae,hawj nungz Cigauh、Vangz Swhmi gyoengq caeg haenx yawjyawj!"
Vangz Laujvuj daiq bingcai bae mbouj geij nanz,couh dawz song ndaek gyaeujvunz lwedsaensaeng ma.Cung Genj baez vad fwngz:"Venj hwnj singz bae,lwnh Nungz Cigauh gyoengqde,neix dwg gyaeuj bohmeh Vangz Swhmi!"
Gyaeujvunz venj okbae le,Vangz Laujvuj gvih cam Cung Genj:"Lauxyez,gou miz goeng,mbouj dajsiengj ha?"
Cung Genj geizheih ndaek vunz neix naj baenz na,gamj gag cam aeu dajsiengj,cix Cam:"Mwngz roxnaj Vangz Swhmi lwi?"
"Roxbaj vei."Vangz Laujvuj naeuz.
Gou guj gyaeujvunz venj okbae le,Vangz Swhmi itdingh daeuj yawj,mwngz danghnaeuz gienq ndaej de daeuj douyangz gou,gou hawj mwngz dang guen,"Cung Genj naeuz.
Vangz Laujvuj fatngunh lo,gaj bohmeh vunz,youh gienq vunz daeuj douzyangz,cungj saeh neix yawz banh ndaej daengz ne?Hoeng de dingqnaeuz ndaej dang guen,couh lienzsing han naeuz:"Ndei!Gou gienqgienq de,gangj mbouj dingh gienq ndaej."
Seizhaenx,bingcai roq laz coh rog singz hemq:"Gyoengq caeg dingq lo,neix dwg gyaeuj bohmeh Vangz Swhmi,byawz gamj cauhfanj,gaj goujdaih!"
Nungzginh ganjvaiq bae bauqlwnh Nungz Cigauh caeuq Vangz Swhmi.Nungz Cigauh sikhaek buenx Vangz Swhmi daeuj daengz laj singz,aeu vunz henhoh,saeq yawj dauqdaej dwg mbouj dwg.Vangz Swhmi mumjgyumq yawj ok fajnaj bohmeh,laetseiz rongx sing daej hwnjdaeuj,rub gvih gwnz deih,baiq gvaq gouj mbat,mieng naeuz:"Bohmeh hoenzlingz youq gwnz,lwg mbouj hauq lienzlih sou lo!Sou ienuengj,lwg daeuj bauq!Gou riengz Nungzvuengz cauhfanj daengz daej,caeuq guenhak buekmingh daengz dai!"
Nungz Cigauh heuh vunz nda'nduengq samseng,daj gyae baij youq gwnz deih,coh gyaeujvunz gwnz singz caeq baiq.Nungz Cigauh caeuq Vangz Swhmi doengzcaez diemj yieng,rwed laeuj.Nungz Cigauh gvih roengzdaeuj,raemxda ndik rim buh,euj raek ci naq he mieng naeuz:"Bohlungz mehbaj!Sou dai da mbouj laep,gou itdingh vih sou bauqcaeuz!"
Gyoengq bing doengzcaez gvih roengzdaeuj,siu yieng caez baiq.
Seizhaenx,Vangz Laujvuj daj gwnz singz loh naj okdaeuj,hemq naeuz:"Vangz Swhmi!Mwngz roxnaj gou lwi?"
Vangz Swhmi roxnaj de,cix cam:"Mwngz yaek guh gijmaz?"
Vangz Laujvuj hemq naeuz:"Mwngz dwg boux vunz rox saw rox leix he,vih maz bae gaen caeg cauhfanj?Ngoenzneix lienzlih bohmeh,mwngz wnggai roxsingj cij ndaej,mboujne,gou lij aeu daiq vunz bae gaeb ranz mwngz goujdaih,cug boux gaj raeg bae!"
Vangz Swhmi haeb heuj haeb faenz,ndaq naeuz:"Duz fangzraq mwngz!Caj Nungzginh gung roengz Gvangjcouh,gou caen fwngz gaj mwngz,hawj bohmeh bauqcaeuz gej haemz!"
Nungz Cigauh beng gung dwk naq,da riengj fwngz riengj,ci naq mbin bae,cingq nyingz deng faj bak Vangz Laujvuj aj yaek gangj gijmaz haenx.Vangz Laujvuj gamz naq laemx roengz,caiq mbouj siengj ndaej dajsiengj lo.
Bing Soengqciuz daj gwnz singz nyingz naq roengzdaeuj,gyoengq bing sikhaek baujhoh Nungz Cigauh caeuq Vangz Swhmi doiq roengzdaeuj.
Cung Genj laihnaeuz gaj bohmeh Vangz Swhmi le,ndaej gaj gaeq hawj duzlingz yawj,yup Nungzginh baez he,byawz rox ngamjngamj doxfanj.Seizneix Nungzginh bouxboux gikheiq,vunzvunz haeb heuj haeb faenz,ndaq Cung Genj yaek gwn daep de bae,haemz mbouj ndaej sikhaek hoenx haeuj singz bae raemj gyaeuj de.
Nungz Cigauh guj Cung Genj "gaj gaeq" hwk mbouj doengh "duzlingz" le,itdingh baij bing ok singz.Yienghneix,de heuh Nungz Gencungh daiq sam cien bingmax cap youq saemonz,doiqfouq vunzdig okdaeuj;youh heuh Nungz Civei daiq sam bak bouxbing mbeihung haenx,aeu mijrek daz naj,boemz youq henz dah ndaw ruz,it ndaej hen haeuxliengz,ngeih ndaej guk vunzdig.
Nungz Cigauh liuh deng lo,Cung Genj caen hai saemonz dahraix,de caenndang daiq haj cien bingmax hoenx okdaeuj.Nungzginh nda caenh doxdoiq,sam vunz baenz cuj,doxboiq doxhab,baenz baiz baenz rad,caezcingj gaenjrwd.Cung Genj caengz raen cungj caenh neix gvaq,ndaw sim gag yup,dingz max giomuengz heuh nda caenh.Gyoengq bing de luenhyauyau,haemq nanz cij baij ok aen caenh he daeuj.Cung Genj youq gwnz max hemq:"Daihsoengq dienbing dienciengq daeuj neix,gyoengq sou bouxcaeg bouxmanz gamj daeuj famh Gvangjcouh,ngoenz neix sou yaek ra dai!"
Nungz Cigauh naengh gwnz maxhoengz,yaengx giemq vix Cung Genj hat naeuz:"Cung Genj!Mwngz beij guk langz lij yakdoeg cib boix,luenh gaj lwgminz,lwedcaiq aeu yungh lwed daeuj boiz.Byawz hawj gou gaemh duzma neix!"
"Cung Genj!Yawj fouj raemj gyaeujma mwngz!"Nungz Gencungh hat sing ndeu,yaengx hwnj fouj gaenqraez,fad max cung gvaqbae.Cung Genj fad max foux cax daeuj hoenx,"dang" sing ndeu,fagfouj Nungz Gencungh bag deng fagcax Cung Genj,saenq dwk Cung Genj gen fwngz mazmwnh bae,fagcax rub sinz ok fwngz.Nungz Gencungh vengh fouj youh bag daeuj,Cung Genj raen mbouj doenggvan,vuengzmuengz got gyaeuj couh buet.Nungz Gencungh gaenjgaenj gyaep bae,seixhaenx Soengqginh miz song boux ciengq yaengx nangx daeuj dingj,Cung Genj cij ndaej duet yiemj.Song ndaek Soengq ciengq haenx boux he heuh Vuj Yizsenh,boux he heuh Veiz Cwngzyen,cungj haemq miz goengfou.Nungz Gencungh boux he hoenx song boux,yied hoex yied rengz,fagfouj haenx vengh bae vuet dauq,hoenx gvaq cib geij fouj,daih hat sing ndeu,mbat fouj dawz Vuj Yizsenh bag roengz max daeuj.Veiz Cwngzyen simyup lo,cingq yaek buet deuz,byawz rox duzmax Nungz Gencungh gig riengj,bongh gvaqbae laengz naj,Veiz Cwngzyen cijndaej nyengh dingj,iet nangx bae nyoeg Nungz Gencungh,Nungz Gencungh baez veq ndang,Veiz Cwngzyen bae doekhoengq,ndang boemjgoep bae naj,Nungz Gencungh baez hat,swnhfwngz bag roengz laeng hwet de bae,hwet raek ndok soiq,Veiz Cwngzyen doek max dai bae raen nyaemzvuengz lo.
Nungz Gencungh lienz gaj song ciengq,Nungzginh saenzheiq daih vuengh.Nungz Cigauh dawz linghgeiz baez vad,daengxcungq gyonglaz rwenz goksad,Nungzginh caez yamq cung baebaj rwdrwd.Soengqginh raen le,fwngz saenz najbienq,luenh baenz moed boek rongz,Soengq ciengq yaengx bien luenh fad,gyoengq bing cijndaej haen naenggyaeuj daeuj dingj.Nungzginh cingsaenz gvaekgvaek,cung gvaqbae gaj vunz lumj vuet haz,Soengqginh seihaiz muenx deih,lwed lae baenz dah.
Nungz Cigauh yawj cinj seizgei,caiq vad linghgeiz,cij dingqnyi sing bauq he "hum" yiengj,daj henz dah gwnz ruz fwt yat ok sam bak naj mijrek haenx daeuj,yaengx cax raemj haeuj ndaw yingz Soengqginh.Soengqginh raen le,laihnaeuz dwg gveijgvaq fangzyak,hwk dwk mbei dek hoenz doek,bouxboux buet dai deuzmingh,baih lumj fai lak.Cung Genj daiq di canz bing baih ciengq,ndoj haeuj ndaw singz,gven dou maenhndwt,caiq mbouj gamj ok singz.
Nungzginh daih hingz,heiqseiq daih vuengh,daengxcungq angqyangz guh ndei gung singz cinjbei.Mbouj daengz cib ngoenz,Nungzginh guh baenz bak gyaq lae ndeu,geij bak aen cifaex,geij cib aen bauqrin,lij guh baenz aen ci dap lae geij caengz laeuz sang he.Aen cilae neix hung youh giuj,lajdaej doq miz bak aen loekci,cug caengz cug caengz daeb hwnjdaeuj,caengz beij caengz lai iq di,lumj aen dapsoem sang ndeu,baihnaj aeu cib boux vunz rag,baihlaeng aeu geij cib boux vunz gaex,loekci baenqlulu,cilaeuz couh baenaj roemroem,vifung dangqmaz,naengh youq gwnz dingj muengh bae,daengx Gvanghcouh cungj raen yienhsag.
Ngoenzneix,Vuj Hwzli daeuj lwnh Nungz Cigauh:Raemx haeuj singz gaenq gat duenh,ndaw singz mbouj miz raemx yungh lo.Nungz Cigauh dingq le angq naeuz:"Cilaeuz ngoenzneix ndaej yungh lo."
Nungz Cigauh ,Vangz Swhmi ,Nungz Gencungh ,Vuj Hwzli benz hwnj gwnz cilaeuz,ndwn hwnj dingj bae,gyoengq bing he baihnaj rag baihlaeng gaex,ndij dahhaenzsingz heux singz byaij bae.Nungz Cigauh muengh haeuj ndaw singz,cijraen ndaw singz nyaengqnywtnywt,diuzdiuz gai cungj miz vunz vat cingjraemx,Soengqginh luenhcabcab buet bae buet dauq,miz di caeuq beksingq ciengj raemx,miz di haeuj diemq bae ciengj doxgaiq,muenx gai goenjhuhu lumjbaen z rwi doek rongz.Bingsoujsingz youq gwnz singz yawjraen cilaeuz,bouxboux da byaengq da daengx.Miz vunz nyingz naq daeuj,naq venj youq gwnz hazraep,ci he mbouj ngaihsaeh.Heux singz buenq gien he,Nungz Cigauh gaenq roengz gietsim:Sikhaek gung singz!
Nungz Cigauh ndwn youq gwnz dingj ci,linghgeiz baez vad,cijraen:
Nungzginh bouxboux gingz aendangjnaq,soemh gij naq daj gwnz singz nyingz roengzdaeuj lumj fwnraq haenx cung hwnjbae,hwnz ngoenz mbouj dingz aeu ci rag namh,dien bingz gij gij mieng gij dah haenz singz.Dah mieng dienz bingz le,youh rag namh bae cuk dinsingz,ginggvaq haujlai baez fanfoek cung hoenx,laj dinsingz couh cuk baenz aenaen ndoinamh.
Yienzbonj singzciengz sangsu haenx bienq daemq lo.
Nungzginh nda ndei geij cib aen daihbauq,dwk ndei siu caeuq rin,baez cit yinx,humhum yiengj goksat,rinbauq bongh hwnj singz bae,baez caq rinsoiq sinzbyanz,ciengz vauq vunz laemx,bingsoujsingz dai sieng fouzsoq.Baez nyi bauq yiengj,Soengqginh bouxboux gaeb gyaeuj boemz deih,cijmiz caj dai.
Bauq yiengj gvaq le,Nungzginh baenz doih baenz doih cung hwnjbae,aeu ci rag hazsauj daeb hwnj gwnz ndoinamh,baenz ci baenz ci daeb hwnjbae,ndoinamh youh bienqbaenz ndoihaz lo,ndoihaz yied daeb yied sang,yaek caeuq singzciengz doxbingz le,couh rwed hwnj youzgyaeuq,feiz baez cit,feizmbaw dawzhuhu,hoenz geuj rim mbwn,lag hwnj gwnz singzlaeuz,saeu lak vax loenq.Soengqginh goemq gyaeuj buet dai deuz mingh.Nungzginh swngzgei gwed lae baenz doih baenz doih cung hwnjbae,dap lae benz hwnj ciengz.Vuj Hwzli daiq haj bak boux sien cung daengz,danhseih meh mbwn guh yak,fwt ci hwnj rumznamz,feizmbaw lag doxdauq,Nungzginh fouzfap hwnj singz,fanj deng feiz loemh.Rumzhung gvaq le youh doek fwnraq,feiz deng rwed mon lo,Soengqginh caiq dauq hen singz,Vuj Hwzli fouzfap,cijndaej daiq bing doiq dauq.
Nungzginh doengxngoenz gung singz mbouj roengz,youh gaij youq doengxhaemh gung.Baez he,Hij Yenz daiq sam bak boux gwed lae caegcaeg hwnjbae,laeglemx benz hwnj singz,cingq yaek hamj gvaqbae,fwt deng Soengqginh yawjraen,yaepyet sing laz rwenz hwnjdaeuj,naq nyingz daeuj lumj fwnraq,Hij yenz cijndei doiq roengzdaeuj.
Soengqginh deng humx deng gung,hwnzngoenz mbouj anningz,seizseiz ruj sim ruj mbei,bouxboux doeknaiq dangqmaz.Miz mbangj Soengqginh caegcaeg aeu cag duengq ok rog singz,daeuz haeuj Nungzginh.Cung Genj rox le,roengzlingh naeuz:"Byawz bae haeuj caeg,gaj bohmeh lwgyah!"Gyoengq bing gig saenz,mbouj gamj doenghdanh,hoj gvaq saedceij,
Nungzginh gung singz haj cib ngoenz,yienznaeuz gaj dai haujlai Soengqginh,hoeng lij gung singz mbouj roengz.
Baenz nanz gung singz mbouj roengz,Daxnungz simgip dangq feiz coemh.Ngoenz he banhaemh,de heuh Nungz Cigauh buenx de hwnj cilaeuz,cazyawj ndaw singz yawz yiengh,cij raen ndaw singz ranzranz hoenz hwnj yeuyeu,gwnz gai cingjraemx haujlai vunz bae rap raemx,vunz bae vunz dauq,mbouj miz saek di vuengluenh.Daxnungz naeuz:"Seizneix ndaw singz haeux mbouj gat,raemx mbouj noix,baenzneix nanznanz gung mbouj roengz,mbouj ndei banh ha.Yawj hwnjdaeuj,Soengqginh ciemq dienseiz deihlaih,raeuz cij ndaej vunz huz,gizneix mbouj ndei dingz nanz hw."
Nungz Cigauh naeuz:"Caiq humx singz duenh seizgan he,caj ndaw singz haeux gat,Gvangjcouh mbouj gung hix gag baih lo."
Daxnungz nyaeuq meizda naeuz:"Mbouj ndaej caj lu,daengz Soengqginh miz gouqbing daeuj,raeuz couh deuz mbouj gib lo."
Nungz Cigauh sij mbouj ndaej guh saeh daengz byongh couh vut,couh euq naeuz:"Miz gouqbing daeuj,gou hix mbouj lau,gou cingq siengj caeuq gyoengqde hoenx ciengz gvaqyinx he ne.Ndaek Cung Genj neix ndoj youq ndaw singz,mbouj gamj loh naj,yaek hoenx mbouj ndaej hoenx,simnyap hw!"
Daxnungz sing sang naeuz:"Cigauh!Mwngz dwg bouxdaeuz,mbouj ndaej baengh beizheiq guh saeh!Mwngz youh famh beizheiq lwgnyez lo!"
Nungz Cigauh gipmuengz ngaem gyaeuj naeuz:"Daxmeh gaej ndatheiq,gou cij roxnyinh,hoenx daengz seizneix mbouj saw mbouj hingz,saedsaeh nanz souh."
Daxnungz naeuz:"Yawj saeh mbouj ndaej gujbanj lai.Raeuz daj Yunghcouh hoenx daengz Gvangjcouh,neix suenq ndaej hingz lo.Youq Gvangjcouh hoenx haj cib geij ngoenz,raeuz hix haemq vifung,Soengqginh sim diuq mbei yup,raeuz cix mbouj sieng saek di,dauqfanj demlai geij cien vunz,neix hix dwg hingz ha;danghnaeuz mwngz ndaej ancienz daiq daengx ginh Gvangjcouh,mbouj hawj Soengqginh louz miz saek di rizlaeuh,caemh dwg hingz gyoengqde lo.Hingz mbouj hingz mbouj caih gung roengz aen singz he."
Nungz Cigauh sim fug lo,naeuz:"Daxmeh gangj gig deng,gou ciuq banh."
Gvaq geij ngoenz le,gak dieg faenfaen daeuj bauqoeng sae namz baek cungj miz geij cien geij cien Soengqginh gouqbing hai daeuj……
Soengqginh gouqbing labdaeb daeuj daengz,lij caengz cap maenh,Nungz Cigauh senq roengz lingh,cek yingz hwnjdin,hai bae foedfoed,yiengq Yinghcouh byaij bae……
作者: Stoneman 时间: 2004-9-18 01:33
Cingj Loh Manh Lauxsae caiq son gou gij cih lajneix:
cibngeih. Gven Dou Maenhndaet 十二、毌閗鍆埿
auqmanz (Gak vunz gak cawjeiq, mbouj auqmanz de):
cet (ndawsingz rogsingz dauqcawq cet):
fub (gwnz ndoi fouzsoq feizbog fub dawz):
gaex (Mwngz dawz Bouxcuengh gaex deuz):
goek (daj goek daengz byai):
gyaiq (Hij Yenz cix gyaiq Giz Yinh bae Anhdwzcouh raen Nungz Cigauh):
heiqgoenj gaetgaet (Nungz Cigauh heiqgoenj gaetgaet):
mbaet (yienznaeuz huj dwk heiq yaek mbaet bae):
nyapnyuk (Nungz Cigauh gig nyapnyuk):
sienh (ma haeuj ranz mbouj sienh):
sonyinx (gou lij miz saeh cingj cienghginh sonyinx ne):
voenqciengq:
cibsam. Gaj Gaeq Gwn Laeujlwed 十三、嘎鳮哏溇淕
beb (boihseiz cix dungx beb):
gae (mwngz gae gou damong dafangz ha?):
ngonz (Daxnungz yawj ndaej gyae ngonz ndaej gvangq): youq neix “ngonz” = yawj?
raeng (guh gaujvaq yinhheiq ndei cix dungx raeng):
cibseiq. Dwk Roengz Yunghcouh 十四、徳躘邕州
biq (maet cungj nanz biq deuz):
bou (couguen yienznaeuz bou):
cacoemj (Cangh Yizsinh hwk dwk cacoemj baij vunz bae):
daindiengq (Vuz Yangh doek max daindiengq):
doxcanj (gyau ban le doxcanj okbae ra laeuj sai lo):
dwgcaengz (haujlai saehcingz banh ndaej sawj vunz lajmbwn dwgcaengz):
faexgyaengh (Hij Yenz faexgyaengh mbat vengh):
goenjdat (cingq gingz boilaeuj angqhoh goenjdat):
gyaiq (Cinz Gungj gyaiq daeuj dingdangz):
gyonj (Gyonj cug hwnjdaeuj!"):
heh (gou nyienh dub uk heh sim daeuj bauqdap!):
hozlaemz (dingjlingz baek deng hozlaemz Vuz Yangh):
lag (lumj feizhaij lag haz):
mauhhang (Nungz Cigauh daenj mauhhang buhhoengz):
mid (mbouj noix vunz gaenq bwh ndei cax mid):
myox (lienz daengngoenz cungj myox bae):
naraq (Duz naraq mwngz!):
ndaij, nyungq (Ndaw singz luenh dangq ndaij nyungq):
ngad (cax gaenq ngad daengz hozlaemz lo):
nyoem, nyoemnyainyai (Ndaw singzlaeuz daiz laeuj he nyoemnyainyai):
raeg (cawz raeg gij nduknaeuh lajmbwn):
rub (Nungzginh rub daeuj):
vahbyangz (Mwngz ndaek vunz neix ciengz gangj vahbyangz):
wngq (beksingq hemq wngq):
yinxdaeuz (Nungz Cigauh yinxdaeuz lo):
yup (sim gaenq yup raixcaix):
作者: 卜丁 时间: 2004-9-18 14:19
auqmanz (Gak vunz gak cawjeiq, mbouj auqmanz de): 强迫别人接受某种意见（或者强迫别人做某事）
cet (ndawsingz rogsingz dauqcawq cet): 散步、到处走走
fub (gwnz ndoi fouzsoq feizbog fub dawz):（形容）忽然的、猛的
gaex (Mwngz dawz Bouxcuengh gaex deuz): 撵
goek (daj goek daengz byai): 根（从头到尾）
gyaiq (Hij Yenz cix gyaiq Giz Yinh bae Anhdwzcouh raen Nungz Cigauh): 押解
heiqgoenj gaetgaet (Nungz Cigauh heiqgoenj gaetgaet): 气愤填膺
mbaet (yienznaeuz huj dwk heiq yaek mbaet bae): 断（息）
nyapnyuk (Nungz Cigauh gig nyapnyuk): 烦恼、烦乱
sienh (ma haeuj ranz mbouj sienh):
sonyinx (gou lij miz saeh cingj cienghginh sonyinx ne)指引、指教
voenqciengq: 打仗
cibsam. Gaj Gaeq Gwn Laeujlwed 十三、嘎鳮哏溇淕
beb (boihseiz cix dungx beb): 瘪
gae (mwngz gae gou damong dafangz ha?): 欺负
ngonz (Daxnungz yawj ndaej gyae ngonz ndaej gvangq): youq neix “ngonz” = yawj?远望的意思
raeng (guh gaujvaq yinhheiq ndei cix dungx raeng):胀（肚子胀，指吃的饱）
cibseiq. Dwk Roengz Yunghcouh 十四、徳躘邕州
biq (maet cungj nanz biq deuz): 逃
bou (couguen yienznaeuz bou):
cacoemj (Cangh Yizsinh hwk dwk cacoemj baij vunz bae):
daindiengq (Vuz Yangh doek max daindiengq): 死翘翘
doxcanj (gyau ban le doxcanj okbae ra laeuj sai lo):互相扶着
dwgcaengz (haujlai saehcingz banh ndaej sawj vunz lajmbwn dwgcaengz): 看不起、起怨
faexgyaengh (Hij Yenz faexgyaengh mbat vengh):粗木棒
goenjdat (cingq gingz boilaeuj angqhoh goenjdat):
gyaiq (Cinz Gungj gyaiq daeuj dingdangz):
gyonj (Gyonj cug hwnjdaeuj!"): 集中、一起、都（都绑起来）
heh (gou nyienh dub uk heh sim daeuj bauqdap!): 割
hozlaemz (dingjlingz baek deng hozlaemz Vuz Yangh): 脖子
lag (lumj feizhaij lag haz):
mauhhang (Nungz Cigauh daenj mauhhang buhhoengz): 头盔
mid (mbouj noix vunz gaenq bwh ndei cax mid): 匕首
myox (lienz daengngoenz cungj myox bae):
naraq (Duz naraq mwngz!):是否应为 maraq 疯狗
ndaij, nyungq (Ndaw singz luenh dangq ndaij nyungq): ndaij绳 nyungq乱ndaij nyungq乱绳一团
ngad (cax gaenq ngad daengz hozlaemz lo): 擦边碰到
nyoem, nyoemnyainyai (Ndaw singzlaeuz daiz laeuj he nyoemnyainyai):
raeg (cawz raeg gij nduknaeuh lajmbwn): 尽
rub (Nungzginh rub daeuj): 围扑
vahbyangz (Mwngz ndaek vunz neix ciengz gangj vahbyangz):吹牛的话、大话？
wngq (beksingq hemq wngq): 回应
yinxdaeuz (Nungz Cigauh yinxdaeuz lo): 起兴、来兴趣了
yup (sim gaenq yup raixcaix):烦恼 见nyapyup
gwnzneix gejgangj,mbouj itdingh doiq,cingj Lohmanh lauxsae boujcingq!
作者: 路漫 时间: 2004-9-22 09:13
原注：卜丁 我认可的就不再注解了，破折号后面是我的补充：
auqmanz (Gak vunz gak cawjeiq, mbouj auqmanz de): 强迫别人接受某种意见（或者强迫别人做某事）——勉强（各人有各人的主意，不要勉强他）
cet (ndawsingz rogsingz dauqcawq cet): 散步、到处走走——（城外城内到处走走）
fub (gwnz ndoi fouzsoq feizbog fub dawz):（形容）忽然的、猛的 ——（山上无数的火把突然燃起）
gaex (Mwngz dawz Bouxcuengh gaex deuz): 撵——推、搡（你把壮族推开不要）
goek (daj goek daengz byai): 根（从头到尾）
gyaiq (Hij Yenz cix gyaiq Giz Yinh bae Anhdwzcouh raen Nungz Cigauh): 押解——（许然押解亓[Yinh 上“斌”下“贝”结构的字，我电脑字库中找不到]去到安德州见侬智高）
heiqgoenj gaetgaet (Nungz Cigauh heiqgoenj gaetgaet): 气愤填膺——（侬智高气愤填膺）
mbaet (yienznaeuz huj dwk heiq yaek mbaet bae): 断（息）——窒息（虽然火得呼吸都要窒息）
nyapnyuk (Nungz Cigauh gig nyapnyuk): 烦恼、烦乱——恼火（侬智高非常恼火）
sienh (ma haeuj ranz mbouj sienh): ——善良（狗进家没有善意）
sonyinx (gou lij miz saeh cingj cienghginh sonyinx ne)指引、指教——（我还有事情请将军指教呢）
voenqciengq: 打仗——混账
cibsam. Gaj Gaeq Gwn Laeujlwed 十三、嘎鳮哏溇淕
beb (boihseiz cix dungx beb): 瘪——（背时就挨饿）
gae (mwngz gae gou damong dafangz ha?): 欺负——讽刺、讥笑（你讽刺我双目不明呀？）
ngonz (Daxnungz yawj ndaej gyae ngonz ndaej gvangq): youq neix “ngonz” = yawj?远望的意思 ——（妲侬看得远视得宽）
raeng (guh gaujvaq yinhheiq ndei cix dungx raeng):胀（肚子胀，指吃的饱） ——（做叫花运气好才吃得饱）
cibseiq. Dwk Roengz Yunghcouh 十四、徳躘邕州
biq (maet cungj nanz biq deuz): 逃——逃脱（跳蚤都难得逃脱）
bou (couguen yienznaeuz bou): ——无能、无用（州官虽然无能）
cacoemj (Cangh Yizsinh hwk dwk cacoemj baij vunz bae): ——赶紧、急忙（张日新吓得急忙派人去）
daindiengq (Vuz Yangh doek max daindiengq): 死翘翘——（吴香落马死亡）
doxcanj (gyau ban le doxcanj okbae ra laeuj sai lo):互相扶着 ——竞相（交班后竞相出去找酒喝了）
dwgcaengz (haujlai saehcingz banh ndaej sawj vunz lajmbwn dwgcaengz): 看不起、起怨——可恶、可恨（好多事情办得让天下人怨恨）
faexgyaengh (Hij Yenz faexgyaengh mbat vengh):粗木棒 ——（许然木棍一扫）
goenjdat (cingq gingz boilaeuj angqhoh goenjdat): ——热闹（正举起酒杯热烈祝贺）
gyaiq (Cinz Gungj gyaiq daeuj dingdangz): ——押解（陈珙押解到正堂）
gyonj (Gyonj cug hwnjdaeuj!"): 集中、一起、都（都绑起来）
heh (gou nyienh dub uk heh sim daeuj bauqdap!): 割——（我愿意打破头剖开心来报答）
hozlaemz (dingjlingz baek deng hozlaemz Vuz Yangh): 脖子——后颈窝（恰巧插中吴香的后颈窝）
lag (lumj feizhaij lag haz): ——燎（仿佛火海燎茅草）
mauhhang (Nungz Cigauh daenj mauhhang buhhoengz): 头盔——（侬智高戴头盔穿着红衣）
mid (mbouj noix vunz gaenq bwh ndei cax mid): 匕首——（不少人已经备好刀子、匕首）
myox (lienz daengngoenz cungj myox bae): ——灰暗色（连太阳也变灰暗了）
naraq (Duz naraq mwngz!):是否应为 maraq 疯狗——瘟狗（你这只瘟狗！）
ndaij, nyungq (Ndaw singz luenh dangq ndaij nyungq): ndaij绳 nyungq乱ndaij nyungq乱绳一团——（城中乱得有似一团乱麻）
ngad (cax gaenq ngad daengz hozlaemz lo): 擦边碰到——（刀已经触到后颈窝了）
nyoem, nyoemnyainyai (Ndaw singzlaeuz daiz laeuj he nyoemnyainyai): ——丰盛，十分丰盛（多指餐桌上的菜肴）（城楼内一桌丰盛的菜肴）
raeg (cawz raeg gij nduknaeuh lajmbwn): 尽——（除尽天下腐败）
rub (Nungzginh rub daeuj): 围扑——突然（侬智高突然来到）
vahbyangz (Mwngz ndaek vunz neix ciengz gangj vahbyangz):吹牛的话、大话？ ——谎话（你这人经常说谎）
wngq (beksingq hemq wngq): 回应——（百姓呼应）
yinxdaeuz (Nungz Cigauh yinxdaeuz lo): 起兴、来兴趣了——（侬智高来兴趣了）
yup (sim gaenq yup raixcaix):烦恼 见nyapyup——胆怯（心中已经十分怯怕）
gwnzneix gejgangj,mbouj itdingh doiq,cingj Lohmanh lauxsae boujcingq!——docih 卜丁gejgangj,gej ndaej gig ndei!
作者: Stoneman 时间: 2004-9-23 03:46
Docih 卜丁 Beixnuengx caeuq Lohmanh Lauxsae. Daj sou youh hag ndaej haujlai cih Cuengh, cijdwg miz saek di cih youh mbanj gou gaenq mij miz vunz yungh lo.
[此贴子已经被作者于2004-9-23 3:48:46编辑过]
作者: Stoneman 时间: 2004-11-3 07:12
Lohmanh Lauxsae, seizlawz caiq daeuj gangj cit goj neix hawj dou dingq ha? Gou siengj rox Daxgoeng Nungz Cigauh yiengq Yinghcouh byaij bae lo de doeklaeng youh hoenx bae daengz gizlawz, youh baenzlawz hoenx saw lo, deuz ok dieg Cuengh ......
作者: 路漫 时间: 2004-11-3 10:24
duenh seizgan neix nyaengq,gvaq geij ngoenz dem ceng'aeu caiq cau diep okdaeuj.docih mwngz causim daengz.
| 欢迎光临 僚人家园 (http://bbs.rauz.net.cn/) |
Powered by Discuz! X2.5 |