僚人家园

标题: Hagyungh Sawcuengh,Daj Gou Guh Hwnj 学用壮文，从我做起 [打印本页]

作者: Lwgyungh 时间: 2003-11-23 20:04
标题: Hagyungh Sawcuengh,Daj Gou Guh Hwnj 学用壮文，从我做起
Gyoengq beixnuengx youq ndaw Ranz Bouxraeuz miz haujlai vunz cungj lwnh Sawcuengh raeuz,neix gangjmingz caezgya gig gyaez Sawcuebgh raeuz.Gou nyinhnaeuz,raeuz gaej doxceng baenzlai lo,seizneix ceiq youqgaenj dwg ganjvaiq hag rox Sawcuengh,lai yungh Sawcuengh,sawj Sawcuengh vaiqdi sanj doh gwnzbiengz.
Hagyungh Sawcuengh,daj gou guh hwnj.Gyoengq beixnuengx roxnyinh baenzlawz yiengh?
贝侬们在僚人家园的讨论，有很多都涉及到壮文，这说明大家都非常热爱我们的壮文。我觉得，我们不要再争论那么多了，当务之急是赶快学会壮文，多多使用壮文，使壮文早日在社会上生根开花。
学用壮文，从我做起。不知贝侬们有何感想？

作者: Lajmbwn 时间: 2003-11-24 09:21
Aen cawjeiq neix ndei a. Gou lij miz gij aen yawjfap.

Ndeu. Gyoengq beixnuengx youq ndaw Ranz Bouxraeuz bouxlawz roxnaj Sawcuengh, cingj lai daeuj neix aeu Sawcuengh gangjgoj.

Song. Coux gwnzbiengz gyoengqvunz roxnaj Sawcuengh senhcenz Ranz Bouxraeuz, heuh gyoengqde lai daeuj neix lwnh Sawcuengh raeuz. Gyoengqvunz roxnaj Sawcuengh siengdoiq daeuj naeuz hoeng noix, danhseih soqvunz cungj miz baenz cien hwnj fanh.

Sam. Gyoengq beixnuengx gangj vah deihfueng raiz vah deihfueng goj ndaej, mboujgvaq cingj youq laeblaeng raiz ok eiqsei daeuj, hawj bouxwnq yawj rox. Lumj: Fax(mbwn, gangj Vahcuengh baihnamz). Vunz wnq caiq mbouj rox eiqsei, cingj lai cam boux raiz, boux raiz raen gangjmingz hoj lai yungh Sawgun daeuj gangjmingz goj ndaej.

Seiq. Gienciz raiz Sawcuengh, mbouj hawj gangjgoj raekduenq.

作者: Lwgyungh 时间: 2003-11-24 15:11
Beixnuengx Lajmbwn daezok seiq diuz genyi neix caen saedcaih,diuz daih'it caeuq diuz daihseiq gou couh mbouj gangj baenzlai lo,youq neix gou caenh siengj lwnh diuz daihngeih caeuq diuz daihsam.
gizsaed,seizneix gwnzbiengz miz haujlai vunz rox Sawcuengh,lumj doenghboux daj Gvangjsih Sawcuengh Yozyau、Gvangjsih Minzcuz Yozyen、Cunghyangh Minzcuz Dayoz bizyez haenx,gyoengqde dinzlai cungj miz diuzgen hwnjmuengx(上网),lauheiq mbouj miz geijlai vunz rox Bouxcuengh Youqsienq caeuq Ranz Bouxraeuz,muengh caezgya lai guh senhcenz,heuh engqlai vunz daeuj Ranz Bouxraeuz yungh Sawcuengh,hoenghvuengh Sawcuengh.
Diuz diahsam doiq Sawcuengh fazcanj gig mizleih,yienghneix guh ndaej sawj Sawcuengh byauhcunjyij swzloih engqgya fungfouq laiyiengh.

作者: byaraiz 时间: 2003-11-24 15:43
Docih yigen song boux beixnuengx baihgwnz. Hoeng gou ngoenzngoenz mbaj hwnjban, danhseih it miz seizgan cix daeuj neix caeuq gyoengq beixnuengx yungh vahmeh gangjgoj.

作者: Lajmbwn 时间: 2003-11-24 16:10
Byaraiz beixnuengx, mwngz miz boux doxrox rox raiz Sawcuengh lwi? Heuh gyoengqde daeuj neix gangjgoj vei.

作者: 侬氏春秋 时间: 2003-11-25 00:02
真有趣，虽然我还不能够写好壮文，但是却能够拼读得懂。母语的文字真是亲切。

Gou du siengj hag lox Sawcuengh!

作者: Lwgyungh 时间: 2003-11-25 08:53
   Caen ha,gyoengqraeuz cungj dwg boux hwnjban,seizgan gaenj.Danhseih cijaeu miz di seizgan,daeuj neix yungh Sawcuengh sij saeksong coenz hix baenz.

作者: 路漫 时间: 2003-11-25 10:02
dan damzlwnh Sawcuengh,lau cix vahdaez noix di bw.Aeu Sawcuengh daeuj damzlwnh gak cungj vahdaez,ndaej mbouj ndaej ne?Yienghneix le vah couh lai lo,couh mbouj lauheiq gangjgoj raekduenq lo.

作者: Lwgyungh 时间: 2003-11-25 15:51
    Cijaeu dwg yungh Sawcuengh daeuj sij,gou nyinhnaeuz damzlwnh gijmaz vahdaez cungj ndaej.

作者: 路漫 时间: 2003-11-26 10:08
Gou ok aen duenz he,mwngz duenz ndaej ok lwi?
Duz lawz mbouj miz bwn,youq gwnzmbwn hoij rok?
Duz lawz mbouj miz ndok,youq baksok haeb vunz?

作者: Lajmbwn 时间: 2003-11-27 09:12
Aen duenz neix hoj raixcaix. Gou buenz hwnj buenz roengz cungj buenz mbouj ok.

作者: Lajmbwn 时间: 2003-11-28 10:28
Mbouj miz beixnuengx roxnaj aen duenz neix lwi?
Dwg ronghndwen? Dwg duz nyungz?

作者: 路漫 时间: 2003-11-28 11:03
Duz lawz mbouj miz bwn,youq gwnzmbwn hoij rok? ———duz vumzvauz蝙蝠
Duz lawz mbouj miz ndok,youq baksok haeb vunz? ———duzbing蚂蟥

作者: Lajmbwn 时间: 2003-11-29 09:39
Haha, gou cungj naemj mbouj hwnj, docih Lohmanh lauxsae naeuz hawj rox.

作者: Lwgyungh 时间: 2003-11-29 11:54
   Muengh gyoengq beixnuengx yungh Sawcuengh youq neix lai ok daez.

作者: 路漫 时间: 2003-11-29 23:19
Vahcuengh raeuz haengj guh dajbeij,hawj bouxdingq roxnyinh sengdoengh, mizyinx,lumjbaenz:sang daemx mbwn,ndaem beij maeg,hoengz gvaq lwed,gyaez daengz dinmbwn,haeu baenz haex,rang ndaeng dek bae,daengjdaengj.
Beixnuengx,cingj mwngz hix gawjgawj gij vahcuengh mizyinx haenx okdaeuj,hawj daihgya doengzcaez daeuj cimzcimz gij feihdauh mizyinx haenx.Ndei lwi?

作者: Lajmbwn 时间: 2003-12-1 14:01
Ndei a. Gou naeuz coenzhauq ndeu, hawj beixnuengx daeuj hoiz.

Ciengx bit ndaej gwn gyaeq, ciengx gaeq ndaej dingq haen, ciengx langz leh laem ngaenz bohmeh.

作者: Lwgyungh 时间: 2003-12-4 08:54
   "Langz lah"dwg gijmaz eiqseiq?Cingj beixnuengx lajmbwn lwnh gou nyi,yienghneix cij hoiz ndaej okdaeuj.

作者: Lajmbwn 时间: 2003-12-4 09:07
langz --- cingzeiq, gvang, [郎]：郎君、情人
leh --- 语气助词，表达转折、顺接等意思。

作者: duhand 时间: 2003-12-4 10:38
面对壮文，我只能连拼带猜的弄清只言片语，我哭......

作者: Lwgyungh 时间: 2003-12-5 08:29
Mbouj yungh daej,ganjvaiq hag Sawcuengh ba!
不用哭，赶快学壮文吧！

欢迎光临僚人家园 (http://bbs.rauz.net.cn/)