二、歇后语（Vahbiengjlaeng）
A
Aj bak caj mak loenq
—dungx iek dai.
Aj bak raen conghhoz
—mbat yawj couh rox.
Aekex haeb faiq
—dawz mbouj cuengq.
Aep haeuj nyaengq
—yoekyaeuh.
Aeu ceij saek cough nou
—mbouj miz yungh.
Aeu haeuj mbok faexcuk
—gangj mbouj ndaej.
Aeu mumh guk yaek heuj
—gwn mbwk guh iq.
Aeu meuz bae dingj ma raeuq
—mbouj naihhoz.
Aeu noh gaeuh duzma
—habhoz de.
Aeu rwz dang guh da
—caen gyaj mbouj faen.
Ap meuz gwn hing
—mbouj baenz.
B
Bae daengz gyae gwn laeuj
—gwn biz byaij byom.
Bak gangj hangz mbouj bi
—gangj ndwi mbouj guh.
Bak geng hangz unq
—guk ceij.
Bak mbouj riu ndaeng riu
—ndaw sim angq.
Bak mbouj riu ndaeng riu
—daekeiq.
Bang mehdaiq daeh bwnh
—dauhleix wngdang.
Beng max roengz daemz laeg
—vaih rengz.
Boux bin faex mbouj lau doek,
Boux laj goek dauq lau in
——bang vunz you.
Boux dafangz san swxva
—suglienh.
Bouxngoemx aeu yah
—sim angq gangj mbouj ok.
Bya diuq hwnj ruz
—ra dai.
Byaj raez mbouj doek fwn
—dan gangj mbouj guh.
Byaij haeuj rug yahmaiq
—gag ra mazfanz.
C
Caj max hwnj gaeu
—nanz.
Cax hoemz gvej daeuhfouh
—siengj baenzlawz yiengh couh baenzlwz yiengh.
Caeg gvaq cij beng gung
—ceiz lo.
Caekhaex duzlingz
—gungz ndoq.
Caek raemx doek congh cungq
—dingjlingz.
Caenh faex hwnj faex
—auqmanz.
Caeuq damengz gangj sau gyaeu
—gag haenh.
Caeuq rwznuk gangjgoj
—beg gangj.
Cag vaiz con cim
—mbouj haeujrwz.
Cam duzlingz aeu mak
—vaih bak.
Canghyw ngauz heuj
—gouq mbouj ndaej lo.
Ceiz doek roengz daeuh
—nanz bongx ndaej seuq.
Ciq haeuxsan boiz haeuxgok
—naj mbouj hai.
Cib lwg fwngz, haeb lwg lawz goj in
—gizgiz cungj dwg noh.
Ciengx ma raeuq cawjranz
—baihgya.
Cug rieng hawj max doxdik,
—haih vunz.
D
Dafangz daenj nganxciuq
—doyawz.
Dahsau siuq man
—miz naihsim.
Daet genbuh fong mbaq
—mbouj miz banhfap.
Dag dungx gwn ngaiz,dag ndang caiz buh
—rox danggya.
Daihbauq dwk nengznyaen
—buek mbouj dij.
Deuz reiz haeuj rungz gaeq
—engq ra hoj daeuj gwn.
Doz caengh doek raemx
—caem daengz daej.
Doiq cwz boq loxlez
—mbouj rox.
Duzcwz gvaq dah
—gag goq gag.
Duzdaek doj gaeq
—soengq dai.
Duzgoep aemq gungqsou
—aen loeng.
Duzgoep ndaw cingj
—mbouj rox mbwn sang.
Duzgyau laj hoz bit
—dai dingh lo.
Duzlingz daenj buh hoengz
—daekeiqvauvau.
Duzlingz gip haeuxyangz
—goz giz vut giz.
Duzlingz gwn haexgaeq
—mbwngnyaunyau
Duzmbaj gyaep duzgyau
—ra dai.
Duznyungz cimh rongz gyau
—Gag ra dai.
Duznyungz deng moeb
—vih fajbak.
Duzrwi caux dangz
—mbouj vih cihgeij.
Duh vunz aj bak bit,
Duh de cip bak gaeq
—youh dam youh ged.
Dub aek nanz deng sim
—ienqhoij mbouj gib.
Dub gu daeuj fong rek
—gub saeh huk.
Dub rek gai hang
—mbouj habsuenq.
Duet vaq guh baufug
—guh daengz daej.
Dwen guh cix ninz,dwen gwn cix hwnq
—gaenx gwn gik guh.
F
Faexndoek raez rap ndij
—mbouj baenz yiengh.
Faexsaux camz ronghndwen
—Siengj ndwi.
Fangzhwnz ndaej gim doek
—angq ndwi.
Fwn gvaq cij soengq liengj
—gvaqseiz.
Fwngz gaem rumz mbouj laeuh
—ged.
Fwngz raez genbuh dinj
—ciuqgoq mbouj daengz.
G
Gaj vaiz gwn saej
—lwg baihgya.
Gaeqboux doxdoj
—duz mbouj fug duz.
Gaeq doek cang haeuxsan
—mingh ndei.
Gaeq gaen bit roengz raemx
—luenh daeuj.
Gaeqmeh vih bitmeh faeg gyaeq
—bang vunz okrengz.
Gaeq ok nyouh
—nanz raen.
Gaeq raen ngwz
—hoz iet raezrangh.
Gaeb dinz haeuj dangz vaq
—gag ra mazfanz
Gaem aen gyaeq sied sam faen
—damsim.
Gaem rieng duzguk heuh gouq mingh
—ra dai.
Gaem rieng vaiz gvaq dah
—ancienz.
Gaemh gaeu vaiz gwn nywj
—fouz yungh.
Gag bongx aek
—ienqhoj.
Gangj vah caet faen ngeix
—miz faenconq.
Gaujvaq yiemz haeuxgok
—gyaj cingqging.
Gofaexcuk dingj dat
—sang dam sang.
Goekga venj aenlaz
—byaij daengz gyawz
yiengj daengz gyawz.
Goeng soengq bawx
—liz gyaegyae.
Guk dai myaiz lae
—laeuh daej.
Guh roet mbouj baenz haex
—mbouj miz bonjsaeh.
Guk fangz nyangz noh naeuh
—dingjlingz.
Gungqsou dai lawh goep
—ienuengj.
Gungqsou hangz gaeqlwg
—mbouj gag liengh rengz.
Gungqsou siengj gwn daep yiuh
—banh mbouj daengz.
Gvaq cieng cij cit bauq
—mbouj deng seiz.
Gvaq giuz vut dwngx
—lumz bonj.
Gvej bakcae bae fong rwz,
Dub aen’gu daeuj fong rek
—mbouj miz caemh dingj.
Gvej bakbae fong rwz,
moeb gu bae fong rek
—mbouj habsuenq.
Gwed saeu bae ra siuq
—uk naeuh.
Gwn daeuhfouh lij seb heuj
—mingh boibseiz.
Gwih max gyaep roeglaej
—vaih goengrengz.
Gwih max ra doxgaiq
—mbouj sijsaeq.
Gwih vaiz bae gyaep ci
—daengx ciuh doeklaeng.
Gyaeuj max ok gok cwz
—nanz miz.
H
Haex gaeq sam faen ndat
—ndat mbouj nanz.
Haex gaenj cij vat cingj
—mbouj gib.
Haex ma hau dangq lwgndo
—caen gyaj mbouj faen.
Haeb hoz mbouj daengz saej
—hozndat mbouj rox gangj.
Haet gangj daeg, haemh gangj coh
—boekbienq.
Haemhlaep ciq heng
—nanz ndaej.
Haemhndaep iem gaeq
—mingh dinj.
Haeux noix youh remj rek
—hoj dem hoj.
Hai da gwn raemx daemz
—mbouj haemz hix doengq. Hamj daemz ra raemxraiz
—raen gyae mbouj raen gyawj.
Hanzhaz song gyaeuj soem
—mehmoiz canh song cienz.
Hawj duzlingz gwn meiq
—nanz.
Heuh gaeqboux faeg gyaeq
—luenh cijveih.
Hing ndaw suen mbouj manh
—fouz dwghoz.
Hozgomz sam faen laeg
—ged.
Hwnj bya sang roq laz
—mingzdaeuz riuz bae gyae.
Hwnj daizheiq dang vuengz
—mbouj gvaq haemh.
I
Iet fwngz byaet ndauneiq
—banh mbouj daengz.
L
Lau gaeu vaiz miz mou
—gaej you.
Lix mbouj baiq, dai cij caeq
—fouz yungh.
Lingz geq mbouj luenh doek dat
—lauxlienh.
Lingz gwed lwggva
—nanz cuengq(mbouj cuengq).
Loegcib bi baehaq
—Mbouj caeux lo.
Lwghaemz goz miz ceh lai
—vunz iq cawjeiq lai.
Lwgnyez cit bauq
—youh gyaez youh lau.
Lwgnyez sam haet
—cam gijmaz cungj mbouj rox.
Lwgnyez sam haet
—mbouj rox soq.
Lwgraz hai va
—hoh beij hoh sang.
M
Ma dai mbouj rox raemx goenj
—mbouj rox leihhaih.
Ma gyaep duzmbaj
—saetsaet diuqdiuq.
Ma haeb duzcenh
—roengz heuj mbouj ndaej.
Ma lai haex noix
—doxciengj.
Malwg baengh meh raeuq
—couq yiednauh.
Malwg mbouj rox naj guk
—yungyiemj.
Ma mbouj gwn duzmeuz,
Meuz mbouj gwn daeuhfouh
—saedcaih.
Ma ndaem caeg gwn,
Ma hau deng dawz
—ienuengj.
Ma raeuq ga vaiz
—Mbouj dingjyungh.
Ma vangh raeuq ronghndwen
—uengjfeiq simgei
Mauxdan baek haex vaiz
—mbouj boiq ndaej.
Mbawcoeng ring feiz
—unq.
Mbouj miz ma aeu meuz daeuj aep
—Cang yiengh.
Mbungjmbwt raurumz
—aj bajbak haeu.
Meuz bae caeuq nou guhdoih
—bokluenh.
Meuz geq doek ringj
—nanz raen.
Meuz nyi cien bya rang
—dai ngah.
Meuz raen bya mbouj gwn
—gyaj.
Miz cix gwn’guk,
Mbouj miz cix cup gyaeuj dawh
—mbouj rox mbaet.
Miz cix gwnguk
—mbouj rox danggya.
Moed raih ndaw heuj muh
—seiqcawq miz loh.
Moumeh haeuj suen
—famh le youh famh.
Moumeh haeuj suenbyaek
—gwn gvenq lo.
Moumeh lw byaeksa
—gwn angq.
Moumeh naeuz duzmax naj raez
—ityiengh.
Muz bakcae guh ciem
—naihsim.
Mwngz miz caengh, gou miz doz
—boiq ndaej hwnj.
N
Najbyak baenz baez
—muenz mbouj ndaej.
Naeng vaiz cimq raemx
—nyangq.
Naenghndwen gwn noh moumeh
—goq bak mbouj goq ndang.
Nap gaeqboux ok gyaeq
—beg vaih rengz.
Ndaundeiq doek conghmuh
—ngamj.
Ndaundeiq doek conghmuh
—siuj raen.
Ndoj gyaeuj caekhaex ok
—laeuh daej.
Ndwenlab byaj raez
—siuj raen.
Ndwenlab ciengx mou
—ganj mbouj gig lo.
Nengz haeb din vaiz
—mbouj in.
Ngoemx caeuq ngoemx doxhoenx
—deng loek faen mbouj ok.
Ngoemx caeuq ngoemx doengz ninz
—mbouj miz vah gangj.
Ngveih maknganx uet haex
—gan deng fwngz uq.
Noh haeuj bak duzguk
—ciengj mbouj ndaej.
Nou haeb nyauj meuz
—ra dai.
Nou gaet rwz rek
—mbouj doengh.
Nyauh dai cengq guh henj
—ceng fouq.
Nyaen dai dieg gaeuq
—noix
O
Ok haex dwk rum doiq
—ragraix.
Ok haex mbouj daeuj ienq namh geng
—luenh ienq vunz.
Ok haex mbouj ra fueng
—gipmuengz.
Ok nyouh ciuq ngaeuz
—gag rox.
Ok roet deng bak ma
—ngamqseiq.
R
Raed baengz bae guh vaj
—baih caiz.
Raeu douh gwnz gyaeuj ndoq
—mingz baij.
Ram saeu bae coh siuq
—guh dauqbyonj.
Ranzrongh nyouh dwk mbonq
—mbouj souh ndaej fuk.
Rangz cuk guh faexhanz
—yungh mbouj ndaej.
Rangj saez mbouj saek hangz
—beg guh.
Rap raemx bae coh dah
—guh saeh huk.
Rap raemx bae coh dah
—mbouj saeh ra saeh.
Rap raemx bae coh mboq
—beg baeg.
Rieng vaiz fad vaiz
—Mbouj in.
Roeglaej gwn raemx daemz
—mbouj ndaej mboek.
Roeglaej ha gaeqboux
—yawz ndaej.
Ronggya ha rum doiq
—ha mbouj ndaej.
Ronghndwen gyaep daengngoeng
—ciengxlwenx gaen mbouj hwnj.
Ronghndwen gyaep daengngoenz
—ciengxlwenx mbouj bungq.
Ronghndwen ndaw raemx
—Aeu mbouj ndaej.
Ronghndwen ndaw raemx
—yawj ndaej aeu mbouj ndaej.
S
Saejgaeq humz mbouj ndaej gaeu
—mbouj miz banhfap.
Saej humz mbouj ndaej gaeu
—nanz guh.
Saej vaiz nem reb
—swiq mbouj ok.
Saivaq doxrangh
—boux mbouj liz boux.
Sam bi lwg langh caet bi vaiz
—raen lai lo.
Sam bi lwgnyez siengj damz aiq
—ca ndaej gyae.
Seizdoeng gwn raemxgyoet
—diemjdiemj rox gyaeujsim.
Seiq din vaiz roengz sok,
Hix nanz yut dauq laeng
—nanz ndaej doxdauq.
Sim gyoij guh gabcae
—yungh mbouj ndaej.
Sipndangj raen ngwz
—ndup dauq.
Soengq noh coh bak ma
—miz bae mbouj miz dauq.
Swxbyaek daek raemx
—mbouj miz yungh.
V
Vaizdaeg doxhoenx
—haenqrengz bongh.
Vaiz dai gaeu mbouj nduk
—sim mbouj dai.
Vaiz geq gaeu mbouj reuq
—cingsaenz ndei.
Vaiz laux gvaq doeng
—ngoenz mbouj beij ngoenz.
Vaiz laux hoenx guk
—sim mbouj fug.
Vaiz roengz raemx nyouh conh
—bik okdaeuj.
Vangzlenz cimq mbei
—haemz lai haemz daih.
Veh cung youq laeng fwngz
—ndei yawj mbouj miz yungh.
Vunz daemq gwih max sang
—hwnj roengz cungj nanz.
Y
Yahvaiz ra byanouq
—ndaej duz doek duz.
Youq byai ndaeng muz mid
—yungyiemj.
Youq gwnz ciengz ndaem coeng
—nanz ok rag.
Youq gwnz gyaeuj duzguk gaeb naenz
—sim ndei deng haih.
Yienq ma gaej gwn haex
—nanz gyauq.
——————摘自[壮侗语言文化网]
A
Aj bak caj mak loenq张嘴等果落
—dungx iek dai.肚饥死
(记得我刚上初中说普通话的时候，肚子饿了我也是"肚子饿死了"，呵呵。)
Aj bak raen conghhoz张嘴见喉咙
—mbat yawj couh rox.一看就知道
Aekex haeb faiq蛤蚧咬棉花
—dawz mbouj cuengq.拿着不放
Aep haeuj nyaengq
—yoekyaeuh.
Aeu ceij saek congh nou拿纸塞鼠洞
—mbouj miz yungh.没有用
Aeu haeuj mbok faexcuk
—gangj mbouj ndaej.讲不得
Aeu mumh guk yaek heuj拿虎须剔牙
—gwn mbwk guh iq.吃大做小？
Aeu meuz bae dingj ma raeuq拿去顶替狗叫
—mbouj naihhoz.不奈何
Aeu noh gaeuh duzma肉包子打狗
—habhoz de.正合他意
Aeu rwz dang guh da拿耳当眼
—caen gyaj mbouj faen.真假不分
Ap meuz gwn hing压猫吃姜
—mbouj baenz.不成
压 不是 at 吗？
B
Bae daengz gyae gwn laeuj去远处吃酒
—gwn biz byaij byom.吃肥走瘦
什么意思？
Bak gangj hangz mbouj bi嘴说下巴不动
—gangj ndwi mbouj guh.只说不做
Bak geng hangz unq嘴硬下巴软
—guk ceij.纸老虎
这个Paper tiger是毛主席的那个吗？
Bak mbouj riu ndaeng riu嘴笑鼻子不笑
—ndaw sim angq.心里笑
Bak mbouj riu ndaeng riu
—daekeiq.得意
Bang mehdaiq daeh bwnh帮岳母运粪
—dauhleix wngdang.理应当
Ap meuz gwn hing压猫吃姜
—mbouj baenz.不成
压 不是 at 吗？
这里的ap应该是逼迫的意思（押），也可以写作“ep”，是民族词。
| 欢迎光临 僚人家园 (http://bbs.rauz.net.cn/) | Powered by Discuz! X2.5 |