:一、谚语(Vahbeij)
A
Aj bak heuh guk.
Aemj ndat nanz gwn,
Sim vunz nanz rox.
Aen muh cien diuz heuj,
Gveux ndij diuz sim ndeu.
Aenq haeux haeuj cang,
Aenq ndang caiz buh.
Aenq haeux haeuj cang
Dag ndang caiz buh.
Aeu faexrangz guh duk,
Cug faex rox goenq hoh.
Aeu hag duzrwi caez gip va,
Gaej lumj duza(duzga) gag ciengx bak.
Aeu hag duzrwi caez gip va,
Gaej hag duzmbaj gag ra gwn.
Aeu dungx dangj cehyienz.
Aeu fwnz mbouj doh rap gik nad,
Aeu baz mbouj soh vunz gik lah
Aeu maex lai guh gaz
Ak deuz fwn mbouj ndaej,
Gvai deuz leix mbouj gvaq.
Angq lai fai rox lak.
B
Baj seih caeg, liuz seih dak(lwgbyai)
Baema baema,
Roen lij nya yienghgaeuq.
Baenz raemz cix dwk hanq,
Baenz danq cix dwk feiz.
Baengzyoux mbouj lau lai,
Lau vunzvaih boux ndeu.
Bag faex raen sim faex,
Nanz naeq raen sim vunz.
Bag fwnz raen sim faex,
Ceiq nanz raen sim vunz
Bak bouxboux doxlumj,
Dungx bouxboux baenz gag.
Bak bouxlaux baenz yw,
Haex duzcwz baenz haeux.
Bak cim dingj laez cuenq,
Bak guengqdaeq daep mbaq vaiz.
Bak gawq haj cib sueng
Bak ndei sim naeuh.
Bak soh cix baenz yw,
Bak lw cix gaej dingq.
Bang vunz bang daengz daej,
Gouq vunz gouq daengz ndei.
Beij baenz maet haeuj reb,
Ngoenz maz nep ndaej raen.
Beij couh beij ndaem naz,
Gaej doxdax gvaq cieng.
Beixnuengx doxgiet genq gvaq faz,
Guenj ndei daemznaz hingz gvaq hak.
Beixnuengx sim caez sim,
Namhhenj bienq baenz gim.
Beixnuengx song boux mbouj caezsim,
Ndaw fwngz gaiq gim bienq baenz namh.
Benj mbouj bauh mbouj ngaeuz,
Faex mbouj laeu mbouj soh.
Betnyied cibloeg fwj cw ndwen,
Bi’moq miz raemx iemq.
Bi lawz byajraez caeux,
Bi de haeux ndaej lai.
Biek lwnzlawh guh dai,
Vunz lawlaiz guh meh.
Biek doxlawh guh aen,
Maenz doxlawh guh meh.
Biengzbeih guh haw,
Fwn couh ij daeuj.
Bik vaizdaeg roengz lwg.
Bing lau byonj dungx,
Gungq lau daet gimz.
Bingzseiz mbouj myinhcaen,
Laemzcaenh hanh couh yaemq.
Bit lau doemnq,
Nyungz lau oenq.
Bit mbouj ndaej ndaj fwed gaeq gaeuz.
Bit raen raemx cix maij
Gyaj raen bwnh cix ndei.
Boh guk lwg cix nyaen.
Boiq biek doek gang ndaeng
Boux bang boux cix ak,
Boux hangz boux couh nyieg.
Bongq sinx.
Boux bin faex mbouj lau doek,
Boux laj goek dauq lau dai.
Bouxgaenx mbouj lau nit,
Boux gik cix lau fwn.
Bouxboux naj cungj hau,
Rox au lawz guh caeg.
Bouxcawj ndi hai dou,
Nyaen gvaq gyawz haeb gaeq.
Bouxcoz guh doj,
Cog hoj ra baz.
Boux coengmingz miz loek couh gaij,
Boux ragraix miz loek cix muenz.
Boux dog nangzmyaep haeb cix dai,
Vunz lai caih humx nyaen gyaep guk.
Bouxgaenx byaij miz gwn,
Bouxgik ninz dai iek.
Bouxgaenx byaij miz gwn,
Boux gik gwn hoj daengx ciuh vunz.
Bouxgaenx fwn gonq sien coih ranz,
Boux gyanx hoz hawq cij ra raemx.
Bouxgaenx guh ngoenzndit,
Bouxgik guh ngoenzfwn.
Bouxgaenx gwn cix bwh ngoenznaj,
Bouxgik guh cix caj ngoenzlaeng.
Boux gaenx hong gwn noh,
Boux ak doj henx rin.
Bouxgaenx mbouj fouq hix lw gai,
Bouxgik mbouj dai dungx goj iek.
Bouxgaenx mbouj lau ndit,
Bouxgik lau raemxraiz.
Bouxgaenx muengh ngoenzndit,
Bouxgik ngah ngoenzfwn.
Bouxhoj gyaengh bouxmiz,
Daenj vaq ndi miz dungq.
Boux guh caeg baenz hoj,
Boux guh doj bienq raeg.
Boux guh doj gya vaih,
Boux gwn daih gya lak.
Bouxguen riu doengz sing,
Beksingq daej doengz bak.
Bouxgvai doiq bouxgvai,
Fangz baez ngaiz cix rox.
Bouxgvai gwn bouxvax(bouxhuk),
Bouxgiengz gai bouxnaiq.
Bouxgvai lw gyaj,
Bouxbaz lw naz.
Bouxgvai rox mbaet yungh,
Bouhuk mbouj goq laeng.
Bouxhoj gangj mbouj hom,
Gaeq don haen cix rongh.
Boux hwnq caeux fatcaiz,
Boux ninz ngaiz gungzhoj.
Boux hwnq romh fatcaiz,
Boux ninz gvaiz baenz hoj
Boux hwnq romh ciengx boux ninz ngoenz,
Boux byaij roen ciengx boux hai diemq.
Bouxhuk sien dawz ngaiz,
Bouxgvai sien dawz dawh.
Bouximq mbouj rox naj bouxiek,
Nyungzroz mbouj rox naj vaiz byom.
Bouxlaux baengh dwngx byaij,
Bouxcoz baengh saw gvai.
Bouxlawz haengj loengh feiz,
Cungj miz seiz deng coemh.
Bouxmiz hwnj bya lau guk,
Bouxhoj ndoj rug lau cai.
Bouxmiz youq ranz vad beiz lij naeuz ndat,
Bouxhoj dawz rap hwnj geng lij naeuz liengz.
Bouxgik lau doengxngoenz,
Bouxgaenx lau doengxhaemh.
Bouxsai ndi lingzleih,
Ndwenseiq cij coih ranz;
Mehmbwk ndi caixhangz,
Daihhanz cij loij rok.
Boux sim ndei ninz cix ndaek,
Boux guh caeg aek cix dot.
Bouxsoh haeuj bya miz vunz haenh,
Bouxrwix bae haw deng vunz caenh.
Buh lai ndang cix raeuj,
Haeux lai dungx cix imq.
Bouxwnq byaeu doq,
Mwngz bae roq gumz.
Bya saet youq gwnz heng,
Dungx baenq deng dwg heh.
Bya dai dungx mbed mbwn.
Bya mbouj liz vaengz,
Naeng mbouj liz noh.
Bya mbouj miz nyauh bengz.
Bya mbouj saet,
faekcax dauq dengj.
Bya ndoj ndaw laeg,
Caeg ndoj ndaw laep.
Bya saet youq gwnz heng,
Gyaeuj mbouj dek aek dek.
Byaj maenj mbouj doek fwn,
Meuz hemq mbouj gaeb nou.
Byajmig youq baihbaek,
Ninzndaek fwn daeuj daengz.
Byaj maenj doeng,
Cib aen rienghvaiz gouj aen hoengq.
Byaj byak naeuh,
Biengz gaeuq raengz(ndei).
Byaek dwk lauz cix unq,
Naz dwk bwnh haeux baenz.
Byaekgat dingj ndaej nae,
Hozraez dingj ndaej ndaq.
Byaekgat ndi lau mwi,
Duzrwi ndi liz doih.
Byaek noix gyu nanz gwn,
Naz mbouj bwnh ndwi haeux.
Byaij loh mbouj caemh yamqdin,
Siuq va mbouj cimz bouxwnq.
Byaij loh mbouj lau yaeng,
Couh lau naengh mbouj hwnq.
Byaij miz gwn,
Ninz dai iek.
Byaij roen cix liux yaeng bungz max,
Vaij dah cix liux yaeng bungz ruz.
Byawz miz lwg mbouj gyaez,
Byawz miz maex mbouj get.
C
Ca ciengj ngaiz doek laeuj,
Ca ciengj haeux lumz yangz.
Caz saw ndei riengx bak,
Caz ndat ndei riengx hoz.
Cax mboj gaet(raeh) lumj dau,
Au mbouj gyaez lumj boh.
Cax lengz(raeh) heng genq.
Cax miz gang cij raeh,
Vunz rox leix cij gvai.
Cax miz gang cix raeh,
Vunz rox laex cix gvai.
Cax miz gang cix raeh,
Vunz rox leix cix ndei.
Cax raeh baengh roengz gang,
Caixhangz baengh lai lienh.
Cax raeh gauq roengz gang,
Caixhangz baengh lai lienh.
Cae naz cix ndaej gwn haeux,
Roengz raemx cix ndaej gwn bya.
Caezgya gwn cij van,
Caezgya ram cij hwnj.
Caemh vaiz byom,
Caemh hong gyanj.
Caencik mbouj yawz gaenh laenz.
Caen gim bouj lau feiz,
Miz leix mbouj lau buek.
Caen gim mbouj lau feiz,
Miz leix mbouj lau haep.
Caen haq caen,
Lwg gyaeuj in;
Biuj haq biuj,
lwg bak mbeuj.
Caenh aeu miz cawjeiq,
Mbouj yungh heiq ranz gungz.
Caenh miz gyaj lw,
Mbouj lau ndang deng dumz.
Caengz doek daeuj rumz laux,
Mbouj lau ndang deng dumz.
Caengz ndaej nyaen sien daj faenh,
Caengz ndaej maex sien haenh gaem gen.
Caengh mbouj liz doz,
Goeng mbouj liz boz.
Caengh mbouj liz doz,
So mbouj liz gaenz.
Caeuq namh daeuq baenz gwn,
Caeuq vunz daeuq dai iek.
Caetnyied cibseiq,
Bae laeng vunz ciq heng.
Caixhangz mbouj caih daenj buh,
Rox guh mbouj caih rox gangj.
Cam haeux mbouj ndaej,
Dauq guh daeh doek.
Cam hag mbouj naeuz couj,
Gik hag couj daengz dai.
Canghbuenz gwn buenz rwix,
Canghduix gwn duix vengq.
137.Canghbyaek gwn byaek naeuh
138.Caux feiz aeu laj gyoeng
Doeg saw aeu dungx doeng
139.Caux feiz cix muengh ndongq
Guh hong cix muengh miz
140.Caux feixz youq ndaw daeu
Caux haeux youq ndaw naz
141.Cauq myaex bungz hek
Vaq dek bungz doengz
142.Cawj ngaiz aeu coq haeux
Naeuz vunz aeu dauhleix
143.Cenj laeuj goeb najbyak
Banh saeh bak baenz ngoemx
144.Ceuj rinreq soengq laeuj
145.Cij hen ndang hau
Caij bau buh mij(heiz)
146.Cib boux doj cienz
Gouj boux gai dienz.
Cib boux doj,
Gouj boux baih.
Cib boux gwn’guk,
Gouj boux hojgungz.
Cib boux miz rengz,
Mbouj bengz boux miz geiq.
Cib boux mo dangq hauq,
Cib boux dauh dangq coenz.
Cib boux naengh daengq raez,
Gak ae miz gak yiengh.
Cib diuz manz,
Fan mbouj ndaej diuz leix.
Cib lwg fwngz roengz namh,
Mbouj canh goj gaeuq gwn.
Cib geu buhmae,
Mbouj gaeuq feiz ngoenz ndeu coemh.
Cibngux miz ronghndwen,
Dinghgoeng couh ndi rongh.
Cibnyied cae naz youh gip bwnh,
Ngeihnyied haeux hwnj mbouj yungh you.
Cib ung(boux) gojcog (caencik),
Mbouj dae(beij) ung gikranz
Cien na ngvax mbang.
Ciencien ceujceuj,
Dai mbouj vunz beuj.
Cienzcaiz dang lum haex,
Cingzngeih dij ndaej gim.
Cienz cawx ndaej “fuengz”,
Hoeng cawx mbouj ndaej “ranz”.
Cienz cawx ndaej “cawbauj”,
Hoeng cawx mbouj ndaej “gyaeundei”.
Cienz cawx ndaej “yw”,
Hoeng cawx mbouj ndaej ndngcangq.
Cienz cawx ndaej “bitceij”,
Hoeng cawx mbouj ndaej dungxcaiz.
Cienz cawx ndaej saw,
Hoeng cawx mbouj ndaej faenzcieng.
Cienz cawx mdaej doih,
Hoeng cawx mbouj ndaej baengzyoux.
Cienz cawx ndaej gienzseiq,
Hoeng cawx mbouj ndaej mingzmuengh.
Cienz cawx ndaej vujgi,
Hoeng cawx mbouj ndaej hozbingz.
Cienz max noix,
Cienz an lai.
Cienz mbouj ndaej yungh sat,
Vah mbouj ndaej gangj liux.
Cin daengz ceh roengz namh,
Cou daeuj cang rim haeux.
Cin mbouj ndaem,
Cou gaej muengh.
Cingnyied mbouj caux goek,
Loegnyied bae lawz aeu.
Cingh raen bitraemx cihcaih,
Mbouj rox ga de ok rengz.
Cingj duzfangz gaeuj bingh.
Coenz hauq bak dauq raemh.
Coenz vah gangj bae naj,
Mehvaiz daz mbouj dauq.
Congh iq mbouj fong,
Congh hung nanz caet(saek).
Congh saeq ndei saek,
Bingh naek nanz yw.
Coux saej vaiz mbouj lau daeh uq.
Cuengq duzfw dauq raemx.
Cuk yied ndau yied yungz,
Rengz yied yungh yied ok.
Cungh lwg baenz hoiq,
Ndoiq lwg baenz lungz.
Cwz lai diegnywj ndoq,
Lwg lai boh gungzgeuj.
D
Da bengj(liuq) mbouj sawz(beij) maegdaeuj.
Dafangz roengj makbug.
Da liuq mbouj cinj maeg,
Fwngz yaek mbouj cinj siuq.
Da raeh mbouj beij maeg,
Dungx laeg mbouj beij saw.
Da goj laep,
Hoz ndi ndaek.
Dajdiz mbouj lau feiz ndat,
San sat mbouj lau gat fwngz.
Daxboh gwn laeuj biengz,
Lwg hamj mieng ndi gvaq.
Daej cix reuq,
Riu cix coz.
Daeh ien cumx,
Fwn hung daengz.
Daeh namh bouj bo.
Daehndaij mbit mbouj hawq.
Daemz hawq ndwi bya,
Naz hawq ndwi haeux.
Daeng ndi diemj ndi rongh,
Leix ndi gangj ndi mingz.
Daengngoenz daemq gvaq duzdoengz,
Ngoenzcog fwn mbwk yaek roengz.
Daengngoenz dwk liengj bangxbo lak,
Ronghndwen dwk liengj bangxbaq roz.
Daengz begloh coufaen,
Go mbouj baenz cungj ok.
Daengx bi dwk fwnz,
Mbouj gaeuq hwnz ndeu coemh.
Daeuzmiuz ndaem feuh,
Ngeihmiuz ndaem laeg.
Daet genbuh fong mbaq,
Daet dinvaq fong dangz.
Dag dungx gwn ngaiz,
Dag ndang dawz rap.
Dai lai haeuj lai.
Daihvuengz dai ndangdumz,
Vunz cix lumz byaekgat;
Daihvuengz dai hozhat,
Haeux fat rag gwnz go.
Dangq duzroeg dangq bwn.
Dangq vai vunz dangq gangj.
Dan gaenx ndi byaej,
Miz cim mbouj mae.
Danh’aeu miz haeuxgok
Couh ok ndaej haeuxsan.
Deng baez cat,
Hag mbat gvai.
Deuz beuq raen gukndangq,
Deuz saeq haeuj ranz cou.
Deuz guk youh yangz mui.
Diz diet aeu yawj feiz,
Ndaem naz aeu yawj seiz.
Dieg deih sang,
Dieg ranz daemq.
Dik fwn doek gyanghaij.
Dimz bak bit guh benj.
Din fwngz dwg raemxmboq,
Boh meh dwg raemxrongz.
Dingjlingz yap doek da.
Dingq lai cix gvai,
Guh lai cix rox.
Doxbae cix vaengz,
Dauq laeng cix raiq.
Doxceng lai cix naeuq.
Doxgiet caezsim,
Mbouj lau namh mbwn.
Doxgiet baenz rengz,
Doxceng ranz vaih.
Doxhoenx lumj gaemgienz.
Doxnyingz mbouj lw naq,
Doxndaq mbouj lw coenz.
Doengz gwn daengngoenz doek,
Sam cib roek ngoenz fwn;
Doengz gwn daengngoenz ok,
Ngoenzcog fwn couh roengz.
Doiq ndi naeng daem ok haeux,
Ma ndi raeuq ma haeb vunz.
Dou laeng naj faex heu,
Vunz souhgyaeu ndangcangq.
Duzgaeq yaek haen lij bongx sam baez fwed,
Bouxvunz duet coenz yaek aeu ngeix bae dauq.
Duzguk mbouj liz ndoeng,
Ngwzboengz mbouj liz raemx.
Duzgungq siengj gwn bya,
Duzma siengj gwn guk.
Duzlingz mbouj rox gij cag,
Duznag mbouj rox san muengx.
Duzma lajnamh riu baez nyaengj,
Dumeuz gwnzndangq riu baez fwt.
Duzmax mbouj miz gaeu,
Mwngz couh naeuz de oiq.
Duzmoed dai cingz dangz,
Duznengz dai cingz meiq.
Duzroeg gaeuj sam baez yaeng mbin,
Bouxvunz cim sam baez yaeng byaij.
Duroeg sam baez gaeuj yaeng mbin,
Duzvunz sam baez cim yaeng byaij.
Duzrwi nyaengq gvaq ngoenz,
Duzbid swenj gvaq hah.
Duzrwi nyaengq gvaq ndwen,
Duzbid swenj gvaq hah;
Bouxgaenx youq ndaw naz,
Bouxgik saj gvaq ndwi.
Duzvaiz ndi gwn raemx,
Hix nanz gaemh ndaej gaeu.
Duix haeux mbouj goq goq duix souh.
Duk rangz nanz san faeq,
Gaeq boux nanz faeg lwg.
Duk rangz nanz san faeq,
Gaeqnumh nanz faeg lwg.
Duk unq cug ndaej fwnz,
Vah unq fug ndaej vunz.
Dungx gwn dungx rox,
Hoz gwn hoz nyinh.
Dungx laeg ciengx ndaej va,
Dah laeg ciengx ndaej bya.
Dungx iek hoz cix hat,
Hoz hat bak cix bongz.
Dwen ngoenzcog mbouj dauq,
Dwen ngoenz laux ndang saenz.
Dwk fiengz roengz naz aeuq,
Ndei gvaq bwnh haexmou.
——————摘自[壮侗语言文化网] :
我先试译A部分，若时间允许，以后再补充。其中不懂或不对之处，但请方家指正。说明，本翻译仅是为方便初学壮文贝侬之用，尽量用与壮文相对应的汉文，所以用汉文读起来未必很顺畅，且请将就着看吧。
A
Aj bak heuh guk. 空口（ 张口）唤虎
Aemj ndat nanz gwn, 热粥难喝
Sim vunz nanz rox. 人心难辨
Aen muh cien diuz heuj, 石磨千条齿
Gveux ndij diuz sim ndeu. * *一条心
Aenq haeux haeuj cang, 度粮入仓
Aenq ndang caiz buh. 量体裁衣
Aenq haeux haeuj cang 度粮入仓
Dag ndang caiz buh. 量体裁衣
Aeu faexrangz guh duk, 以竹笋作蔑
Cug faex rox goenq hoh.
Aeu hag duzrwi caez gip va, 但学蜜蜂共采花
Gaej lumj duza(duzga) gag ciengx bak. 莫象乌鸦自糊口
Aeu hag duzrwi caez gip va, 但学蜜蜂共采花
Gaej hag duzmbaj gag ra gwn. 莫学蝴蝶独觅食
Aeu dungx dangj cehyienz. 肚皮挡子弹
Aeu fwnz mbouj doh rap gik nad, 打柴不勤***
Aeu baz mbouj soh vunz gik lah 娶妻不善***
Aeu maex lai guh gaz 妻多碍事
Ak deuz fwn mbouj ndaej, 再强也躲不过雨
Gvai deuz leix mbouj gvaq. 聪明辨不过道理
Angq lai fai rox lak. 高兴过头（如同）坝会崩
B
Baj seih caeg, liuz seih dak(lwgbyai) ？
Baema baema, 去去回回
Roen lij nya yienghgaeuq. 道路杂草依旧
Baenz raemz cix dwk hanq, 成康则喂鹅
Baenz danq cix dwk feiz. 成炭则烧火
Baengzyoux mbouj lau lai, 朋友不怕多
Lau vunzvaih boux ndeu. 怕坏人一个
Bag faex raen sim faex, 劈树见树心
Nanz naeq raen sim vunz. 日久见人心 ？
Bag fwnz raen sim faex, 劈柴见树心
Ceiq nanz raen sim vunz 处久见人心
Bak bouxboux doxlumj, 个个口相似
Dungx bouxboux baenz gag. 人人心（肚）各自
Bak bouxlaux baenz yw, 老人嘴是药 （比喻老人的话很有用）
Haex duzcwz baenz haeux. 黄牛屎成谷 （黄牛屎用来给稻谷施肥）
Bak cim dingj laez cuenq, 针尖顶锥刺
Bak guengqdaeq daep mbaq vaiz. ** 套牛肩
Bak gawq haj cib sueng 百句五十双
Bak ndei sim naeuh. 口是心非
Bak soh cix baenz yw, 良言是药
Bak lw cix gaej dingq. 话多莫听
Bang vunz bang daengz daej, 帮人帮到底
Gouq vunz gouq daengz ndei. 救人救到好
Beij baenz maet haeuj reb, 比如蚤入谷壳（堆）
Ngoenz maz nep ndaej raen. 何时能夹得到
Beij couh beij ndaem naz, 比就比种田
Gaej doxdax gvaq cieng. 别磨蹭过年
Beixnuengx doxgiet genq gvaq faz, 兄弟团结硬如铁
Guenj ndei daemznaz hingz gvaq hak. 管好田地胜过皇（当皇帝）
Beixnuengx sim caez sim, 兄弟齐心
Namhhenj bienq baenz gim. 黄泥变金
Beixnuengx song boux mbouj caezsim, 兄弟两人不齐心
Ndaw fwngz gaiq gim bienq baenz namh. 手中黄金变成泥
Benj mbouj bauh mbouj ngaeuz, 板不刨不光
Faex mbouj laeu mbouj soh. 树不削不直
Betnyied cibloeg fwj cw ndwen, 八月十六云遮月
Bi’moq miz raemx iemq. 来年有水淹
Bi lawz byajraez caeux, 哪年闪雷早
Bi de haeux ndaej lai. 当年收成好
Biek lwnzlawh guh dai, 芋头更替做外婆
Vunz lawlaiz guh meh. 人们* *做母亲 ？
Biek doxlawh guh aen, 芋头更替长成个
Maenz doxlawh guh meh. 红薯更替做母亲
Biengzbeih guh haw, 蜻蜓汇聚
Fwn couh ij daeuj. 大雨将来
Bik vaizdaeg roengz lwg. 逼公牛下仔
Bing lau byonj dungx, 蚂蟥怕翻肚
Gungq lau daet gimz. 虾公怕剪钳
Bingzseiz mbouj myinhcaen, 平时不认真
Laemzcaenh hanh couh yaemq. 临时汗就浸 ？
Bit lau doemnq, 鸭子怕* doemnq (?)
Nyungz lau oenq. 蚊子怕熏
Bit mbouj ndaej ndaj fwed gaeq gaeuz. ？
Bit raen raemx cix maij 鸭子见水则欢
Gyaj raen bwnh cix ndei. 秧苗施肥就长
Boh guk lwg cix nyaen. 父虎儿狐狸
Boiq biek doek gang ndaeng ？
Boux bang boux cix ak, 互助则强
Boux hangz boux couh nyieg. 相争则若
Bongq sinx. ？
Boux bin faex mbouj lau doek, 攀树的人不怕坠落
Boux laj goek dauq lau dai. 树根下的人倒怕死
Bouxgaenx mbouj lau nit, 勤者不怕冷
Boux gik cix lau fwn. 懒汉却怕雨
Bouxboux naj cungj hau, 个个都白脸
Rox au lawz guh caeg. 窃贼知是谁
Bouxcawj ndi hai dou, 主人还没开门
Nyaen gvaq gyawz haeb gaeq. 狐狸从哪咬鸡
Bouxcoz guh doj, ?
Cog hoj ra baz. ？
Boux coengmingz miz loek couh gaij, 智者有错就改
Boux ragraix miz loek cix muenz. 愚者有错则瞒
Boux dog nangzmyaep haeb cix dai, 一人* *咬就死 nangzmyaep 可能是一种昆虫
Vunz lai caih humx nyaen gyaep guk. 众人随便围狐捕虎
Bouxgaenx byaij miz gwn, 勤者劳作有吃
Bouxgik ninz dai iek. 懒汉躺着饿死
Bouxgaenx byaij miz gwn, 同上
Boux gik gwn hoj daengx ciuh vunz. 懒汉穷困一辈子
Bouxgaenx fwn gonq sien coih ranz, 勤者未雨先修房
Boux gyanx hoz hawq cij ra raemx. 懒人口渴才找水
Bouxgaenx guh ngoenzndit, 勤者冷天干活
Bouxgik guh ngoenzfwn. 懒人雨天才做
Bouxgaenx gwn cix bwh ngoenznaj, 勤者有吃还备着日后
Bouxgik guh cix caj ngoenzlaeng. 懒人做事就推到以后
Boux gaenx hong gwn noh, 勤快者吃肉
Boux ak doj henx rin. 好赌者啃石头
Bouxgaenx mbouj fouq hix lw gai, 勤者不富尚有余可卖
Bouxgik mbouj dai dungx goj iek. 懒人不死肚子也挨饿
Bouxgaenx mbouj lau ndit, 勤者不怕冷
Bouxgik lau raemxraiz. 懒人怕露水
Bouxgaenx muengh ngoenzndit, 勤者盼冷天
Bouxgik ngah ngoenzfwn. 懒人爱雨天
Bouxhoj gyaengh bouxmiz,
Daenj vaq ndi miz dungq.
Boux guh caeg baenz hoj, 做贼变贫穷
Boux guh doj bienq raeg. 赌博变衰败
Boux guh doj gya vaih, 赌博者加坏
Boux gwn daih gya lak. ？
Bouxguen riu doengz sing, 官人同声笑
Beksingq daej doengz bak. 百姓齐口哭
Bouxgvai doiq bouxgvai, 狡猾对狡猾
Fangz baez ngaiz cix rox. ？
Bouxgvai gwn bouxvax(bouxhuk), 智吃愚
Bouxgiengz gai bouxnaiq. 强卖弱
B
Baj seih caeg, liuz seih dak(lwgbyai) ？
应该是“Baj seih caeg, liuz seih hak”——嫂是贼，娣是官。bajliuz妯娌
Bingzseiz mbouj myinhcaen, 平时不认真
Laemzcaenh hanh couh yaemq. 临时汗就浸 ？
myinhcaen-应是nyinhcaen，Laemzcaenh-临阵，yaemq-渗
Bit lau doemnq, 鸭子怕* doenq-炖
Bit mbouj ndaej ndaj fwed gaeq gaeuz. ？
ndaj应为ndaq，鸭子不要骂鸡翅弯。
Bouxcoz guh doj, ?年轻人好赌，
Cog hoj ra baz. ？将来难娶媳妇。
Bouxgaenx mbouj lau ndit, 勤者不怕阳光烈——ndit是阳光
Bouxgaenx muengh ngoenzndit, 勤者盼晴天——ngoenzndit晴天
Boux guh doj gya vaih, 赌博败家。gya应为家
Boux gwn daih gya lak. ？坐吃山空。gwn daih大吃大喝，gya家，lak崩。
| 欢迎光临 僚人家园 (http://bbs.rauz.net.cn/) | Powered by Discuz! X2.5 |