Vih maz aeu guh ngoenz ciet raeuz ? Guh ngoenz ciet raeuz couh dwg ndaej hawj vunz raeuz ndaej miz seiz gan couq seiz hoengq dox ngyinh beixnuengx baengzyoux ; beixnuengx baengzyoux ndaej dox comz gangj goj ; ndaej it haej bae guh gij hong saeh caez gya aeu dox doengz guh haenx , Lumj : it haej dox comz bae dwk moh yawj dax goeng dax geq dah buz dah laux ,it haej doengz saez guh haeuxnaengj guh faenj guh faengx gwn , it haej dox comz guh fwen ciengq haeq , it haej dox comz bae yienhsingz ciemq gai ciemq hongh daj guh sengeiq ,daj cawx dox gaiq .seiz neix vunz raeuz ndaej haeuj yienh singz ciemq gvangjcangz ciemq dijyuz cangz guh yienj fwen yienj haeqcuengh ,couh dwg ndaej hawj daengx saeqgyaiq vunz naeuz ,giz dieg neix dwg dieg gyoengq vunzcuengh ,giz neix cungj dwg vunzcuengh caehlig gvangxlaengx ,youq giz dieg haenx ,vunz aen cuz wnq mbouj ndaej yawj ngawz caeuq haephe baiz cawz Vunzcuengh ,mbouj ndaej hawj vunzcuengh raeuz it haej ndat heiq ! Vunz raeuz ndaej dox comz youq giz haenx guh yienj guh ciengq senhconz gij vwnzvaq raeuz ,mbouj wng dang souh aen cuz wnq gij vwnzvaq ap bik caeuq cijveih ! Dang naeuz miz yiengh haenx saeh ok daeuj ,Vunzraeuz aeu doengz caez hemq : Dingq mbouj rox ! Dingq mbouj rox ! Aeu Vah raeuz gangj ,aeu vah raeuz ciengq ! aeu vah raeuz yienj ! Aeu vah raeuz yienj !Yiengh neix ,boux gangj vah raeuz cij ndaej hwnj daiz cujciz ciet moeg ,boux gangj vah raeuz cij ndaej dang lingj dauj !
Seiz neix , Vunz raeuz fwen sae vwnz vaq gaenq ciq ngoenz ciet ndaej haeuj singz haeuj gai bae yienj bae eu bae senhcoz , vunz raeuz caemh ndaej haeuj singz yawz bienh daj gai daj cawx ,vunz raeuz boux ganq buq caemh ndaej miz ngoenz ok heiq naj rongh ,hoeng ,gvaq le ,vunzgun ,sawgun ,vah gun vwnzvaq ciuq yiengh youq ndaw yienh singz baj dawz gaenj ndwt , vunzcuengh vahcuengh , fwen cuengh heiqcuengh bingz ciengz cungj dwg ngaiz baiz cawz hamhcaeh , daeg bied dwg youq gveiqliuj dieggei gak aen yienh singz ! Lingh vaih Vunzcuengh vah cuengh fwencuengh vwnz vaq ndaej ciq ngoenzciet youq ndaw yienh singz guh yienj gu senhconz ,hoeng Sawcuengh vwnzvaq mbouj ndaej gaen nem Vunzcuengh vahcuengh fwencuengh it heij bae senhconz ,gij haenx couh dwg Vunzcuengh raeuz guh hong saeh bouh mbouj yienz muenx ndeu , Sawcuengh vwnzvaq ndaej mbouj daengz Vunzcuengh ciepsou ,Saw gun vwnzvaq couh ndaej dingj Sawcuengh vwnzvaq youq diegcuengh mbefat hai langh ,Vun gun couh ndaej gaen nem Sawgun vwnzvaq youq diegcuengh gaem gen ciep vih ,dauq cawq venjbaiz ok diep !Dauqcawq youq diegcuengh vehfwngz vehdin !Yiengh haenx caemh dwg Vunzcuengh raeuz yiengh hong saeh guh mbouj cuk deu ! Vih maz Sawcuengh mbouj ndaej gaen nem Vunzcuengh vahcuengh vwnzvaq ,fwencuengh vwnzvaq it heij mbe fat it heij guh senh conz guh ok gai guh baiz venj guh diep ne ? Nanz dauh cungj an baiz mbouj ok boux guh Sawcuengh bae guh yiengh hong neix ? Rox naeuz Vunzcuengh raeuz ciengx cih saw vwnz vaq ciengx mbouj hwnj ?
| 欢迎光临 僚人家园 (http://bbs.rauz.net.cn/) | Powered by Discuz! X2.5 |