Youq yienhsingz Vujmingz ,miz diuz dah gyaeu ndeu con gvaq cungq gan , diuz dah neix caemh hwnz ngoenz dingh dingh riuz gvaq henz mbanj coj gou , mbanj gou vunz laux heuh dah vaengz , aen vih diuz dah neix gvaq mbanj seiz vutvut ngeux ngeux , raemx hung dawz diuz dah giekdaej gij namh cung bae seuq sat , henz dah lengh dwg rin dat , lengq lengq miz vaengz , raemx heu laeng lum ,mbangj aen vaengz miz seiq haj ciengh laeg ,aen feuh cungj miz ciengh baj raemx laeg , daj gwnz daengz laj miz cib lai aen vaengz ,yiengh neix vunz laux heuh dah vaengz , lingh vaih ,aen vih mbanj coj gou gij vih dwg youq yienh singz baih sae, vunz vaih rog daeuj couh heuh mbanj coj gou heuh mbanj saemonz , swng diuz dah vaengz heuh dah saemonz , seizneix , aen vih yienh singz bienq hung , vunz lai cungj heuh diuz dah neix heuh dah Vujmingz ! aen ranz coj gou couh youq henz dah , liz hamq dah minz ngeih cib lai meij , youq liz sij gwnz ,dingq vunz laux gangj , mbouj guenj diuz dah neix raemx baenz lawz hung , baenz lawz sang , ceiq lai ndaej dumh daengz liz bak ranz gouq gou haj meij dieg giz haenx , yiengh neix gou hwnj ranz moq mbouj lau deng dawz raemx dumh cai nanh haenx lo !haha !
Aen mbanj coj gou , dwg daengx yienh singz Vujmingz gyoengq daeuj youq ceiq coux ndeu , ciemq youq diuz dah mboengq ceiq an cienz ceiq baih gwnz , mbouj ngaiz raemx dumh , raeh naz hix gvangq , ndoi dieg hix gvangq , ok yienh singz baih sae cib goeng leix cungj dwg dieg mbanj gou . youq cingciuz seiz , aen mbanj coj gou dwg mbanj hung , henz dah dwg diuz gai , coh heuh Dangjgai , Minz Gok seiz cij ngaiz dwk sanq ,gai mbouj baenz gai ! Youq cing ciuz yaengj sat , cij miz di vunz vaih rog daeuj daengz liz mbanj gou saek bak meij giz dieg ( seiz neix giz dieg haenx heuh gaisae monz ) dap bungz youq ,guh saek di dah fouh gai rox naeuz guh max ci guh rap fou gwn ,menh menh daengz Minzgok seiz , youq yienh singz Vujmingz guh yozyauq ,laeb yienh yaxmonz le , yienh singz Vujmingz cij ciemh ciemh bienq gvangq bienq hung , hoeng ,aen mbanj coj gou gangj cuengh , guh haeux naengj guh faenj guh caez yiengh gwndaenj fueng sik mbouj caengz bienq , gyoengq de lij miz vunz aeu sawndip bien go bien heiq eu fwen ! Gyoengq de aeu vah mbanj ciengq heiq dauq cawq bae seiq lengq yienj , ciengz heiq cuengh ceiq lai ndaej baenz cien maenz !
Mbanj coj gou gaijfangq houh , dwg Sawcuengh Saujmangz aen mbanj ceiq siencinq ndeu , seiz neiz miz hauj lai vunz laux cungj nginh ndaej rox Son Mwngz Hwnj Max Gvaq Dah !
shbv.jifnd uahdmnd kz zdzu id adgd z sudb ???????
| 欢迎光临 僚人家园 (http://bbs.rauz.net.cn/) | Powered by Discuz! X2.5 |