僚人家园

标题: [原创] Guh Ranz Moq ( 1 ) [打印本页]

作者: AAAAAyingj 时间: 2005-9-14 16:38
标题: [原创] Guh Ranz Moq ( 1 )

Geij ngoenz neix , gou cingq yaengq guh ranz moq , youq ranzgouq lingzyienz , lij miz saek song bak lai bingzfueng mij dieg gouq !

Bouh hong daih it dwg cek ranz gouq , youq dieg haenx , miz seiq gan ranz vax hung ,moix gan ngeih cib bingz fueng lai meij , haj gan ranz vax sigmenz gaiq ,moix gan cib lingz bingz fueng meij , sug vah gangj : Guh vunz ndei aeu lienh baenz seiq, Vunz guh saeh vaih yaep ndeu baenz ! Cek ranz caemh dwg yiengh neix , caep aen ranz hwnj daeuj mbangj baez yungh baenz seiq vunz ,hoeng cek aen de yaep ndeu couh mbouj raen aen de ! Sam ngoenz seiz gan ,geij gan ranz gouq doq cek bingz, gij vax gij cien gouq cungj soengq hawj vunz ndaw mbanj yaek liux , cij louz di rin bya hengz diuz gij ndaej aeu ma guh ranz moq yungh haenx !

Bouh hong daih ngeih : Veh doz guh fuenganq

Geij ngoenz daeuj , gak cungj gak yiengh guh ranz fueng anq cungj cop hob daengz ranz raeuz , gou caeuq boh gou gag boux gag miz dauq fueng anq ,daengx gya cungj dox cenglunh naeuz dauq fueng anq bonj faenh ndei , haha , gyaeuj dot lo !

作者: wenliqan 时间: 2005-9-14 20:18
miz ranzmoq youq !!ndei lai le.

作者: 黄连山 时间: 2005-9-15 17:22

读了一遍，基本上理解，只是西南官话借词不能够立即反应过来，所以我觉得有必要将借词标称不一样。

最后一句gyaeuj dot lo不明白，头什么了，dot是冷的意思吗？

作者: AAAAAyingj 时间: 2005-9-16 10:43
Dot = 疼

作者: 僚人007 时间: 2005-10-1 02:56
题目是建新房，看懂了

欢迎光临僚人家园 (http://bbs.rauz.net.cn/)