Byaij Haeuj Gih Yinzminz Gvangjboq Dendaiz !
Ngoenz lwenz , Gou caeuxcaeux couh hwnj mbonq , Dawz song bonj ngamq hoiz yaenq ndei [ Yenfaz ] Sawcuengh banj cuengq haeuj daeh , cig dap ci bae Namzningz , bae ra doengh gyoengq guh hong Sawcuengh haemq suggvenq haenx ,hawj gyoengq de bang yawj yawj , hoiz ndaej ngamj mbouj ngamj .
Boux lawz doeg Sawcuengh yawj Sawcuengh yungh Sawcuengh ndaej ceiq sug gvenq ?
Dang yienz dwg Gvangjsih Densi daiz Boux Vahcuengh boqyaem lo !
Yiengh haenx , Bae daengz Namzningz ,gou couh daj dik cig bae Gvangjsih Densidaiz ,bae ra Dendai boux Vahcuengh boqyaem Vangz Haijveih caeuq Vangz Lenzcingh . Songboux de youq song aen danhveiq guh hong , youq Gih yinzminz Gvangjbo dendaiz guh Boqyaem ,hix youq Gih Densi daiz guh Vahcuengh bogangj .
Bae daengz Gvangjsih densiq daiz bak dou hung , mbat cam boux souj daeu , gyoengq de mbouj youq giz haenx ,aenvih , Densiq daiz mbouj miz aen danh veiq guh boq vahcuengh ,gwnz Densiq boux boq Vahcuengh dwg ciq Gih Yinzminz Gvangjboq den daiz boux boq yaem , gyoengq de youq dendaiz youq !
Gou cienq gvaq bae Daengz bakdou Gih yinzminz Gvangjboq dendaiz , dendaiz caeuq densi daiz dwg gek leiz , ngamq gek geij cib yamq roen !
Gou byaij haeuj aen fungh ranz ciephek , cam boux saeuj dou : Gou yaek bae ra Vahcuengh dendaiz boux boqyaem Vangz Haijveih ,gou dwg daj Vujmingz daeuj !
Boux soujdaeu han : Gih dendaiz mbouj miz Vahcuengh cien yungh dendaiz , Vangz haijveih dwg boux daj cab ,mwngz dwg mbouj dwg ra boux daj cab haenx ?
Gou caen doek saet , Guh daj cab ? Boux guh vahcuengh boq yaem dwg boux daj cab?
Henz de miz geij boux vunz hoz venj gisej cwngq haenx caemh gaen riu hwnj daeuj ,miz dah sau nienz geij ngeih cib lingz bi naj sop ndeu riu gekgek ,doq riu doq aeu byauhcunj vah Baekging naeuz : Gyoengq de bienq boux daj cab la ?
Henz de miz daeg hauxseng ndeu aeu Vahbeg Namzningz cab vah gangj :
Mbouj dwg daj cab dwg gij maz ? Mbouj miz Vahcuengh dendaiz bienci ,sien anbaiz haeuj gak gohsiz daj cab cij ndaej yungh gyoengq de , mbouj neh ,baenz lawz guh ?
Gou caen geiz heih , Vahcuengh Boux boqyaem dwg Vunzcuengh gih gag guenj dendaiz boux guh daj cab ?
Gou mbouj guenj , gou naeuz gou aeu bae ra gyoengq de : Boux soujdaeu mbouj laengz gou , Bak daeu goeng bing ndwn souj cazyawj gij cwnggen gou lex , couh hawj gou haeuj bae ! Gou haeuj bae seiz , Boux souj daeu naeuz ,bae seiq louz aiq ra ndaej raen gyoengq de !
Gou byaij haeuj ndaw dendaiz daih louz banhgoeng ,ndaw de mbouj suenq gvangq ,cungj dwg vunz gangj vahgun , gangj vah Bujdungh !
Gou cig hwnj daengz seiq louz ,cug fungh cug fungh bae cam bae ra ! Gyoengq de naeuz seiq louz mbouj miz Boux Vangz Haijveih ,caemh mbouj miz Vahcuengh dendai gohsiz , Vangz Haijveih youq ngeih louz Dungh lenz gohsiz daj cab . Gou caen ndat heiq boux souj daeu ,hawj gou byenz hwnj seiq louz , gou roengz daengz ngeih louz ,caemh caiq cugfungh ranz bae ra , ra ra cam cam cibh geij mbat , ra daengz gok laemz fungh ranz banh goeng ndeu , cij ra raen fungh ranz Dunghlenz goh : Daengx aen dendaiz cawz liuz bakdou ndaej yungh Sawcuengh sij le , ndaw de cungj dwg aeu Sawgun sij , gou couh rox , aen danhvei neix Vunzgun ceihlig dwg geij lai gyiengzdaih !
Haeuj dunghlenz gohsiz bae , Vangz Haijveih mbouj youq , miz dah sau boqyaem Vangz lenzcingh youq giz haenx aeu vahcuengh cam daih ,yiengh neix ,gou couh caeuq dah Sau haenx aeu vahcuengh gangj hwnj daeu !
( mbouj Caengz sat )
| 欢迎光临 僚人家园 (http://bbs.rauz.net.cn/) | Powered by Discuz! X2.5 |