[原创] Youz Diegcuengh Baksaek (18)( Cungjgez )
<P> <FONT face=System> Ndwen cieng bae bak saek youz sij ndaej geij bien ,aen vih seiz gan gaenjgib ,sij ndaej mbouj gouq ndei ,hix miz loek , sij fap gwnz mbouj gouq laux lienh ,gou muengh boux yawj gvaq Beixnuengx bang gou daez ok ndei genqyi ! Gou caiq dawz gij genqyi haenx ,sij baenz bien , gou lij yaek bae diegcuengh Gvei Linz , Hozciz , Liujcouh doengh giz dieg miz vunzcuengh youq haenx youz yawj ,dawz dieg cuengh Vunzcuengh raeuz gij ndei ,gij gyaeu sij ok daeuj , youq geij bi neix dawz gij gou bien baenz banjsaw ,gou muengh Beixnuengx ndaej miz vunz bang gou ! Miz cawj eiq ok cawjei ,miz genqyi daez genq yi !</FONT></P><P><FONT face=System> Gou saenq ,gou sij gij youzgeiq neix doiq Vunzcuengh raeuz daih laeng daengzcog liujgaij diegcuengh Vahcuengh gij saed ,it dingh miz ndei bangcoh !</FONT></P>
<P><FONT face=System> Byaij doh diegcuengh mbat ndeu dwg mbouj nanz ,gij nanz dwg caiq bae liujgaij gak dieg vahcuengh couq vah Vujmingz ndaej mbouj ndaej dox gyaulouz ,ceng ca geij lai ! Doengz seiz aeu liuj gaij gak diegcuengh Vahcuengh souh vunzgun vahgun vwnzvaq at naenx gij saeh ,dawz gij saed caz rox youq gwnz fwngz ! Fueng bienh Vunzcuengh raeuz ndaej rox ! </FONT></P>
<P><FONT face=System> Beixnuengx ha ,yaek bauj ndaej Vunzcuengh gij vwnzvaq raeuz , couh aeu guh daih diuqcaz ! Daih rox cing ! Gij haenx bonj laiz dwg Cwngqfuj bae guh ,hoeng , Vunzcuengh Cwngqfuj youq giz law ? Cwngqfuj doengh Bouxcuengh raeuz gaenq ngaiz gungjci liux ,miz boux lawz ndawj bang vunzcuengh raeuz gangj vah ?</FONT></P>
页:
[1]