[原创] Youz Diegcuengh Baksaek (15)
<P><FONT face=System size=5> <FONT face="Comic Sans MS">------Bae Nazboh Mbanjcuengh Cet Youz ------</FONT></FONT></P><P><FONT face="Comic Sans MS" size=5> <FONT face=System size=4>Ngoenz cieng co bet gyang haet ,cib diemj cung baenz neix ,gou youq yienhsingz baih baek diuz gai ndeu dap ci bae mbanjcuengh boux daenj ndaem ------Mbanj Dungqhan . Youq gwnz ci ,miz boux yienh NazBoh vwnzvaq gonj boux gan bu lauj Vangz caemh doengz ci bae !</FONT></FONT></P>
<P><FONT face=System size=4> Youq gwnz ci ,lauj Vangz doiq dah sau Vangz Cunhyen cungj haenh mbouj dingz gvaq ,doiq Vangz Cunhyen ndaej youq gwnz Cungh yangh densi daiz [ Cunhsez lienzhuenh vanj vei ] gwn aeu vahcuengh guh fwen rox nyinh naj rongh raixcai ! Gangj gangj lex , de couh cam gou ,hwnj ciengz heiq neix dah Cunhen ndaej geij lai cienz ne ? Gou cij rox gyoengq sau rwz nuk yienj [ Cien fwngz Gvanhyinh ] ndaej ngeih cib fanh maenz ,boux wnq gou couh mbouj rox lo , gou cai dah Cunhyen wengdang ndaej geij fanh maenz ba , lienh baenz seiq vunz lo ! Hoeng gou nyinh naeuz ndaej geij lai cienz mbouj youq gaenj , youq gaenj dwg ,daj seiz haenx hwnj ,dah Cunhyenq couh ndaej daibyauj Vunzcuengh boux daenj ndaem ok mingz daengx seiq gyaiq ,gangj daengz Vunzcuengh , vunz guek wnq couh siengj ok gij hingz siengq de ,mbouj caiq diem VeizVei lo ! Ndaem couh ndaem lo ! Ndaem caemh miz gij gyaeu ! </FONT><FONT face=System size=4>[ hehe </FONT><FONT face=System size=4>] ,Guh baenz yiengh haenx ,dah Cunhyenq couh bienq baenz aen minzcuz vwnzvaq binjbaiz ndeu ! Ndaej dauq cawq hauh gyaq cienz bae Guek ndaw Guek rog guh yienj canh cienz ! Vunz raeuz guh ndaej baenz dah Cunhyen ndeu ,raeuz couh rox guh dah daih ngeih ,dah daih sam ........daih daih it cig guh roengz bae ! Lauj Vangz caemh doengz eiq gij yawj fap gou ,ngaekngaek gyaeuj .</FONT></P>
<P><FONT face=System size=4> Caen dwg ,yaek daengz mbanj Dungqhan ,couh daj ndaw gvangjbo lahbah cienz ok gij fwen gig sug rwz haenx , aen vih gij fwen rwenz de caeuq dah Cunhyen ciengq diuz [ Cang Yangh Meij ] gij fwen rwenz de gig dox lumj .</FONT></P>
<P><FONT face=System size=4> Manj Dungqhanq :( Dungq ) gij ei dwg doengh naz ,(hanq )dwg ciq saw gun , gij ei dwg rengx ,mbouj miz raemx . Dungqhanq daengx coenz gij ei couh dwg doengh naz mbouj miz raemx .</FONT></P>
<P><FONT face=System size=4> Aen ci daengz mbanj Dunghanq lex , gou roengz ci ,couh raen hauj lai vunz caj yawj vunz eu fwen ,ciuq Lauj Vangz gangj , ngoenz neix gyoengq de miz hauj lai yiengh hozdungq ,miz dwk lamz giuz bijsai ,miz dwk Geizciengh Cungguek bij saiq ,miz dwk Binghbengh giuz bij saiq ,Nazboh miz song aen mbanj cam gya , lij miz sam aen mbanj cuengh Yinznamz Funingz cam gya ! Ngoenz neix caen nauh yied lo !</FONT></P>
<P><FONT face=System size=4> Yienz laiz mbanj Dungq hanq caeuq Yinznanz Funingz gyiem gyaiq ,dongq ndoi sang dangq naj haenx gwnz dingj couh dwg diuz sienq gyaiq , baih haenx miz sam aen mbanjcuengh .Gou vih mbanjcuengh raeuz yienz dwg song aen mbwn guenj hoeng lij ciengxlienx baedauq yiengh cingsaenz haenx gig gamj doengh ,dang naeuz Beixnuengx Yeznamz caemh ndaej lumj yiengh ,mbouj guenj mbwn baenz lawz bienq ,raeuz gij gamj cingz beixnuengx mbouj ndaej bienq wng dang dwg geij lai ndei ha !</FONT></P>
<P><FONT face=System size=4> Gou raen seizgan mbouj caengz daengz ,couh byaij haeuj ranz rwenj beixnuengx bae naengh gangj goj !YawjYawj aen ranz gyoengq de dwg baenz lawz aeu faex benj dap baenz dap baen !</FONT></P>
<P><FONT face=System size=4> </FONT></P>
<P><FONT face=System size=4> </FONT></P>
<P><FONT face=System size=4> </FONT></P>
<P><FONT face=System size=4> </FONT></P> Hehe, aen Youzgi mwngz yied doeg yied feihdauh ha. Vaiq raiz roengzbae vei! Docih beixnuengx dingx diep ,gou aeu sij sat bae !
页:
[1]