[原创] Youz Diegcuengh Baksaek (14)
<P> <FONT face="Comic Sans MS" size=4>------<FONT size=5>Bae NazBoh Mbanjcuengh Cet Youz ------</FONT></FONT></P><P><FONT face="Comic Sans MS" size=4> <FONT face=System>Youq yienh singz Nazboh cican roengz ci , gou sien bae giz gai biuq cam yawj gij ci dauq bae ma Namzningz Vujmingz , yaek fueng bienh an baiz seizgan youz gieg Nazboh . Ndaw cican vunz gig lai ,baenz buek baenz buek vunz sai vunz mbwk dawz daeh beq daeh dox homz gangj goj ,dox ciek cawx biuq bae Gvangjdoeng , gyoengq vunz haenx cungj dwg gangj cuengh ,gou ndwn youq henz dingq ,gij vah haenx gou cungj dingq ndaej rox , vah NazBoh beij Vah DwzBauj cingjsih dingq hwnj daeuj swnh rwz ndaej lai lo , gij vahcuengh singdiuh caeuq Vahcuengh Vujmingz dox lumj .Caiq gya aen camq haenx aen gvangj boq aeu vah Gveiliuj boq gangj ,hawj gou caen rox nyinh lumj dwg ndwn youq aen ci can Vujmingz it yiengh ! Gou haeuj henz cueng dajcam bae aeu Vahcuengh cam , dah sau haenx gaenq aeu vahcuengh Nazboh dap gou , hoeng de caemh rox nyinh gij vah gou caeuq vah Nazboh miz ca biet . Gou mbouj guenj ,ciuq aeu vah gou cam dap ! Giz saed Vunzcuengh Vujmingz caeuq vunzcuengh giz neix gangj vah cuengh gij ca ceng mbouj gyae ,gij ceng couh dwg gaiq niemh moq doeg fap mbouj doengz .</FONT></FONT></P>
<P><FONT face=System size=4> Gou ok cican bae byaij gai ,gwnz gai miz hauj lai lwg mbwk dah sau lij daenj buh Bangjgunz ( lumj buh Dangzcuangh,hai gij gaet youq henzfwngz baih gvaz ,fueng bienh fwngz swix hai gaet duet buh ) , miz boux daenj saek ndaem miz boux daenj saek heu ,miz boux daenj saek O , miz Meh laux daenj buh saek ndaem haenx ,yawj henj daeuj caen dwg luj daxbuz laux ranz gou , aen vih youq roek caet cib nienz daih ,vunz ndaw mbanj gou gyoengq vunz laux couh dwg daenj cungj buh gag daemj haenx .[ Gaet boiq sai boiq , gyaeuj gyuj baj boiq ,Vaq ndaem buh ndaem, gyaeuj gyuj boiq ndaem ] coenz vah swnh haenx gou seiz neix lij ndaej geiq .</FONT></P>
<P><FONT face=System size=4> Aen yienh singz NaxBoh cij miz seiq haj diuz gai ,lij mbouj suenq raez ,cungq gan dwg diuz raemx rij ,seiq henz dwg ndoi sang , aen ceiq sangq aiq miz song bak lai mij ,aen ceiq daemq cungj miz bak lingz mij . Hoeng ,roeg leij yienz iq ,daepdungx caez cienz ,yienh singz yiengh yiengh cungj miz ,gak aen gihgou caez cienz .Gij ceng ca dwg louz sang daemq caeuq roen gvangq gaeb ,vunz lai caeuq vunz noix ,ci ndei caeuq ci rwix .</FONT></P>
<P><FONT face=System size=4> Youzbyaij ngeih cib lai faen cung, yienh singz couh gvax gvaq doh lo ,gou yiengq vunz daj dingq baenz lawz cij ndaej bae youz mbanjcuengh boux daenj buh ndaem ? Miz vunz naeuz gou nyi , ngoenz co bet dwg mbanj bouz buh ndaem guh ciet fwen ,lij miz hauj lai lumj dwk Lamzgiuz bijsaiq yiengh hong saeh hongh haenx ,youq yienh singz miz ci cienmonz dap vunz youz bae yawj . Yawj yiengh , caen daeuj ndaej ngamj lo , ngoenz cog ndaej youz mbanjcuengh boux daenj buh ndaem ,lij ndaej yawj gyoengq de guh fwen ,dwk giuz bij saiq !</FONT></P>
<P><FONT face=System size=4> Gou daegbiet sienj giz Lijseq funghranz yietnaiq ndei ndeu ,giz haenx muengh yawj ndaej raen daengx aen singz NazBoh caeuq doengh aen ndoi gingjcae gyaeu haenx , yienz haeuh haeuj Vangjbah sij diep . Ngoenz haenx gou gwn haeux gig roxnyinh feih , aen vih gij noh byaek daiq miz ndaw bya gij heiqciengh ,gaeq doj ,noh mou ndaw lueg ,noh yiengz ndoi ciengx ,gwn hwnj daeuj caen singj ndang raix caix , cet youz gij dwgrengz doq siusat mbouj raen !</FONT></P>
<P><FONT face=System size=4> </FONT></P>
<P><FONT face=System size=4> </FONT></P>
<P><FONT face=System size=4> </FONT></P>
<P><FONT face=System size=4> </FONT></P> gieg ---dieg
页:
[1]