[原创] Youz Diegcuengh Baksaek (10)
<P align=center>-----------------------------Bae Cingjsih Cet Youz -------------------------------------</P><P> Gou Youq Dwzbauj Lijdangz yawj gyoengq Beixnuengx lienh baizheiq yaep ndeu ,gou dang seiz lij mbouj gamj diem gij coh muengx gou,dah sau haenx cam gou dwg bouxlawz ,gouj mbouj gamj naeuz de nyi , de raen yiengh baenq ndang couh deuz .Gou lau dwg bang mbouj baenz hong saeh lij dem luenh dem maz fanz .Gou giz saen dwg raen hauj lai beixnuengx guh dwk yungjfoedfoed .Yaek roek diemj ,gou cij daj ndaw ok daeuj . </P>
<P> Mbouj miz maz hong saeh ,gou dauq byaij gai youz ,gou naemj ,gyoengq de it dingh youq gwnz muengx diep aen hoih hongh saeh , yawj mbouj ndaej aen hoih neix mbouj miz maz hoj sik .Cingq ngamj ,miz aen ci bae Cingjsih doq hai doq ra hek ,gou couh diuq hwnj ci ,dap ci bae Cingjsih lo . Dwz Bauj couh yiengh neix caeuq mwngz dox biek lo , haemh neix gyoengq beixnuengx it dingh dwg haemh youh sim angq youh cingzhuen ndeu ! </P>
<P> Baibai ! Dwzbauj !</P>
<P> It loh bae Cingjsih, diuz roen song mbiengj caemh lumj Roen Dwzbauj it yiengh ,bya rauh aen dem aen , hoeng diuz roen lij mahuz bingz , hwnj lingq roengz lingq loq noix ! Aen ci doq bae doq hwnj roengz hek , aen lai cungdaeuz cij daengz Cingjsih ! Daengzcingj sih seiz z ,miz di fwn seiq ,ra Lijseq lex gou couh bae vangjbah daj sij . Cingjsih dwg aen singz gangj cuengh ndeu , vunz hai Lijseq caeuq vunz hai Vangjbah cungj dwg gangj cuengh .</P>
<P> Gou mbat neix cing lo , gou gwn youq byaij youz ,sien aeu vah raeuz cam gonq , deng Vunzraeuz cij caeuq de guh gyau cingz ,aen vih vunz Baksaek doiq Vunzraeuz miz cungj cingz gamj ndeu hawj raeuz rox nyinh lumj youq ranz it yiengh ! </P>
<P> Yaek cib ngeih diemj ,gou cij dauq ma Lijseq ninz !</P>
<P><FONT face="Arial Black"> </FONT></P>
页:
[1]