[原创] Youz Diegcuengh Baksaek (6)
<P> ----------------Bae Dwz Bauj camgya Fwen Hoih ------------</P><P> Bae camgya Dwz bauj Fwenhoih dwg gou guh mbat youz diegcuengh Baksaek hangh ceiq youq gaenj hong saeh , gou bae daengz Baksaek seiz ,Lungz gou gyoengq beixnuengx hawj gou bae youz yienh Lozyez Bya laj u ( Dienhgaengh ) , gou doi naeuz mbouj bae , aeu bae Dwzbauj .</P>
<P> Co seiq ban haemh ,gou youq Denzyangz ninz ,ngoenz co ngux ban haet caet diemj ok Lijseq , dap ci Mohdoz bae Daeuzdangz roen nga caj ci bae Dwzbauj .</P>
<P> Duenh roen neix miz haj goeng leix baenz neix , ginggvaq DenzYangz naz Daqsaiq caeuq Denzyangz Bouxcuengh mbanj siujgangh guh yiengh , Bouxcuengh mbanj gohgi guh yiengh .Song giz haenx gouj cungj yaek roengz ci bae youz yawj ,hoeng , vih aeu youq ban ngoenz ganj daengz Dwz Bauj ,gou couh mbouj ndaej bae youz yawj lo ,cig bae Daeuzdangz caj ci !</P>
<P> Daeuzdangz Dwg roen Baksaek, roen Dwzbauj ,roen Denzyangz sam roen giz dieg doxca , youq giz haenx dap ci bae Dwz Bauj caen fueng bienb .Gou youq giz haenx raen ndaej dah sau gyaeugyaeu ndeu , hawj gou sim doengh youh boiq fug ,hawj gou daengz seiz neix lij mbouj lumz de , ngeix raen de, caen hawj gou dem lai hauj lai rengz rwd ,caen nanz lumz ndaej de, song da baez laep ,gij ndang ngaeuz de couh dauq ingj ok ceh da ! </P>
<P> Youq Daeuzdangz giz caj ci ,miz hauj lai dan hai mak ,dan hai yien , youq dan doed ok daeu baiz youq daih it haenx , miz dah sau ndeu ,miz cib bet cib gouj bi baenz neix ,gaemzgyaeuj cingq aeu feiz dumq gyaeqgeiq ,fan loengh gij gyaeq geiq de ,gou daj baih laeng yawj , dah haenx aiq miz mij roek lingz sang , de yienz gaemz hwet ,hoeng song ga cap youq dieg namh sohridrid ,aen rwet de lumj rwenq duzrwi ne , sienq diuz cingcuj, gumq hangx mbouj hung mbouj iq , giz gok giz fueng giz luenz faen ndaej gig cingx, baih laeng song mbaqgen ndok ndang yinzdwd ,giz doed doed ndaej ngamj , giz mbaep mbaep ndaej ndei , diuz buh bau song aen aek gij luenz yaenq gig hawj boux yawj sim diudwgdwg ,caen ngamj yawj ha ,hix mbot hix yinz ,ceh da yawj lex hauj lai nanz cungj mbouj siengj veq yawj gij wnq . Yaep ndeu ,dah haenx ngangx ndang hwnj daeuj , gij byaem bingz mbaq de mbat fat ,caen siusaj ! Yawj raen aen hoz de biegoiq biegoiq ,mbouj raez mbouj dinj . De byaij gvaq bae buen gij mak de , yamq bae lumj fwj mbwn ne , byaijdwk yinzyinz.Gou caen muengh de baenq naj gvaq daeuj ha ! Hoeng de lumj rox gou sim eiq ne ,couh dwg mbouj baenq naj hawj gou yawj , caenhcij ndwn loengh gij Makcauj heu de, dawz gij Makcauj heu cug aen cug aen baij caezcingj ,gou yum byaij gvaq bae ,daengz hen de yungh sing ex mbat ndeu , de mbat cienq aen gyaeuj , song ceh da de cingq caeuq song ceh da gou dox bungq , cingq dwg lumj cingq denq caeuq fuq denq dox bungq ,it seiz song da nod mbouj bae , geij miuj cung lex, de cij rox fat seng gij maz saeh ,song ceh da de cij nod yawj giz wnq ,baj naj de doq hoengz fwd ,hoengz daengz aij hoz ,gou lau de naj mong lai ,couh vaiq ok sing : Hai gij maz lah ? Gou dwg aeu Vahcuengh cam de , hoeng de dap vah caen hawj gou doek saet :[ Maij Goz ] ,aeu Vah Bujdungh dap gou , sing loq vunq hoeng gig byot ,lumj song diuz diet menhmneh dox dengj . Gou caiq cam :Geij lai cienz gaen ? , de caiq dap : Yih gvaij vu . Gou seiz haenx cij yawj ndaej raen cing aen naj de : Naj saemjluenz ,saek bieg ndaw daiq hoengz , meiz da youh seiq youh van ,mbouj veh gvaq ,mbouj cat faenj , naj byak loq sang ,song ceh da sawyienqyienq ,hix cingxdikdik ,lwg mboed ndaem rongh , lwg mboed henz biegsaw,aen ndaeng yinzcingq , congh bak luenz iq , haep dwk rebreb ,luj miz di maenj ,giemx hangz sot luenz , song mbiengj bak miz song aen cenj louj luenzlet ,caen gyaeuraixcaix , baj naj hingzyiengh caen lumj dah Cunghyangh denqsi daiz boux cujsiz Wenz cingh ,hoeng, song aen cenj louj haenx beij Wenzcingh lij gyaeu, hoj sik dwg gij byaem dangq naj de loq raez ,yaek gaemq byongh aen naj ,hawj vunz it seiz yawj mbouj raen liux baj naj de, hoeng ,de mbouj geij miuj cung couh aeu song fwngz faen hai gij byaem dangj naj de, faen it mbat ,baj naj gyaeu couh loh caez it mbat ,gou couh ndaej yawj gyaeu it mbat . Gou mbouj rox giz neix miz dah sau baenz neix gyaeu ,caemh mbouj gamj caiq cingq da yawj song ceh da de, lau de fat heiq le veq naj bae mbouj hawj gou yawj ! Gou song ceh da cij yawj bingz aen ndaeng de ,doq bik cam de :Mwngz mbouj dwg vunz bonj dieg ? De mbouj han gou ,fanj cam gou : Nix yez veiq jiangz cangj va? Gou vaiq dap ,Gou dwg vunz Vujmingz ,dang yienz rox gangj Vahcuengh ! Gou caiq cam de mwngz mbouj haeuj singz daj goengz canh cienz hung youq giz neix hai ndaej geij lai dox gaiq ? De naemj yaep ndeu han gou : Gou rox nginh youq bak mbanj guh hai sim onj ,ndaej geij lai suenq geij lai ! Gou naeuz :Lumj mwngz vunz yiengh neix ,haeuj singz hung bae guh sengeiq fat caiz gig vaiq youh heih ! De rox gij vah ndaw gou yaek naeuz gij maz , aen vih gaeu hamz miz haeuj singz guh siujcej seng ei gij eisei ! De han engq ganseuq : Gou mbouj haengj guh cungj vunz haenx ! Gou mbouj caeuq mwngz gangj ! Gou raen de yaek fatq heiq ,vaiq laeng de cawx ngeib aen gyaeq , cij lw song aen hawj de guh cungj . De cam gou ,gag mwngz gwn ndaej baenz lai ? Gou naeuz : Faen doih it heij gwn ! De rox gou mbouj miz doih ,couh gig ndei sim aeu Vahcuengh Denzyangz doiq gou naeuz : Docih mwngz , gou cij hai hawj mwngz song aen ! Gou cij ndaej gaij bak cawx haj aen ! Yiengh haenx de yaeb liux haj aen gyaeq ,aeu daeh caeux ndei hawj gou . Gou raen de miz hauj lai Makcauj heu ,gij mak miz di boenq ,gou yaek cawx ,hoeng ,gou raen mak miz di daemboenq ,cawx le mbouj ndaej haeuj bak gwn ,couh mbouj siengj aeu lo , de raen yiengh ,cam gou : Vih maz mbouj aeu di ,gij haenx ndei gwn ,diemz hix miz raemx lai !Gou naeuz :Cawx le mbouj ndaej doq gwn ,mwngz wng dang dawz raemx swiqcengh gij mak ,mbouj duenh saj di raemx ,lij aeu di raemx daeuj hawj vunz swiq gwn ! [ Ox ,dwg yiengh neix ,gou gvaiq mbouj ndaej hai mbouj bae ,mwngz mbouj naeuz gou caen mbouj rox ! ] De naeuz sat baenq ndang couh byaij bae ranz aeu raemx .</P>
<P> Seiz haenx cingq ngamj miz ci Dwzbauj daj Baksaek fuengyiengq gvaq daeuj ,gou mbouj ndaej mbouj hwnj ci ,aen ci hai bae loq gyae ,gou dauq cienq gyaeuj yawj raen mbouj raen de ,caen cingq raen de daez aen doengj ndeu daj ndaw byaij ok daeuj ,gou it cig muengh yawj de ,yawj daengz mbouj raen ......It loh roen ,gij ngaeuz gyaeu de cungj louz youq song da gou mbouj deuz ,caen yaek lumz de cungj mbouj ndaej ,daeg bied cungj singsaenz cenghndang gag ndei gag guh de, hawj gou sim fug youh hoz gyaez ,gou ngeix ,dang naeuz dauq ma ,gou it dingh caiq caeuq de gangj vah, cawx sat gij doxgaiq de cungj guh !</P>
<P> Aen ci mbat gungxgyangx , hawj gaeu mbat doek saet. Gou yawj rog cueng ci, song mbiengj bya dat hawj gou rox ,aen ci couh byaij haeuj dieg fueng bya lueg lo !</P>
<P> </P> <P>Dahsau baenzneix gyaeu, Ayingj mbouj aeu hwnj ci baenz vaiq ma! Ayingj aeu daengx bien saw neix daeuj gangj yienghlawz caeuq bouxsau haenx doxbungz, doxging, doxbiek, raeuz yawj sat couh rox ndawsim Ayingj caen dwg coux rim dahsau haenx lo. Ayingj, gaej lumz mwngz aeu sij Fwen Hoih bw. </P> <P>其实南北壮语区别不是如此之大，慢慢看基本上能看懂，Dwz bauj Fwenhoih 为 Hoih Fwen Dwzbauj是不是更符合壮语中心词前置的习惯？ </P> <P> Bien gwnz haenx gou youq yienh singz NazBoh vangjbah sij , mbouj ei sei ,gwnz de miz hauj lai loek :</P><P> jiangz cangj va ----gyangz </P><P> ngeib aen gyaeq ----ngeih cib aen gyaeq </P><P> geij miuj cung -----geij faen cung </P> <FONT style="BACKGROUND-COLOR: #eeeeee"><P>其实南北壮语区别不是如此之大，慢慢看基本上能看懂，Dwz bauj Fwenhoih 为 Hoih Fwen Dwzbauj是不是更符合壮语中心词前置的习惯？ </P><P><FONT style="BACKGROUND-COLOR: #d5912b"> Beixnuengx gangj ndaej deng ! </FONT></P></FONT>
页:
[1]