[原创] CET YOUZ DIEGCUENGH (6)
Cet youz diegcuengh --Boengzciengz ---Youjyiz Gvanh ---BujsaiqRaeuz naengh ci dik daj Youjyiz Gvanh roengz ma ,cib lingz faen cung couh daengz Bujsaiq lo . Aen ci dik cig hai daengz Bujsaiq Cungh --Yez Mauyi Gih ndaw de .Raeuz roengz ci le ,couh lumj Vaiz vangh haeuj singz ne , byaijngoenghngoengh doeng youz sae byaij youz yawj . Youq gyaeuj gai dieg sang yawj aen Mauyi Gih nei, song mbiengj dwg bya ndat , cungq gan dwg anj dieg bingz ndeu ,miz cib aen Cuzgiuz cangz baenz neix gvangqlangh , baih swix baih gvaz miz song diuz roen suijniz bu baenz gvangqgvangq (aiqmiz samcib mij baenz gvangq ) , cungq gan dwg roek baiz gai bouq ,song diuz roen song mbiengj caemh dwg gai bouq .Miz Bouq co ninz ,Bouq gwn haeux ,Bouq gwn laeuj ,Bouq gai dox gaiq; Bouq gai Yeznamz dox gaiq gig lai , Bouq Guekraeuz dox gaiq beifat caemh lai ; Cwngfuj gak aen gih gouq cungj laeb miz caez cienz ; Ngaenz hangqz caemh caezcienz . Hangz noh ,hangz byaek hangz mak , Sanghcangz , daix Loujlouz cungj miz haujlai aen ! Raeuz swnh roen daj gvaz daengz swix byaij youz , doq byaij doq yawj , yungh liux ca mbouj geij lai seiq -haj cib faen cung cij youz gvaq doh ndeu , yienz naeuz vunz mbouj suenq lai ,hoeng ,raen miz hauj lai vunz Yeznamz guh gak hangz gak yiengh gai cawx ,guh dwk sug lienh dangq maz , hauj lai dox gaiq Yeznamz caemh baij muenx ndaw bouq , daeg bied byaij daengz Bak ok gvan ,hawj song raeuz ndwn youq yawj hauj lai nanz ..... ( caengz liux )
页:
[1]