[原创] CET YOUZ DIEGCUENGH (5)
Cet youz diegcuengh-- Boengzciengz--Youjyizgvanh--BujsaiqRaeuz daj aen louzgvan baih gvaz byaij hwnj gwnz louz bae ,youq henz roen,miz baj rin beih ndeu ,deu dik miz saw fueng,dwg naeuz vunz nyi doengh Louzgvan neix gij lizsij ,bei gwnz sij hauj lai dox gaiq .Gou yawj naek boux dik sij,youq neix mbouj cau sij naeuz sou nyi,hawj vunz raeuz ndaej hoengq gag daeuj yawj .Raeuz yawj gvaq doh ndeu ,couh byenz max daeuz hwnh Louzgvan bae .Gwnz Louz gvan caemh baij di dox gaiq gouq hawj vunzyouz yawj . Raeuz doq yawj doq byenz daengz louz dingj .Daj gwnz louz dingj yawj baih guek raeuz ,ndaej raen diuz roen vutvut ngeuxngeu,yawj raen mbanj cuengh ,raen naz cuengh ,raen ndoi bya. Yawj baih Yeznamz ,gingj ceiq caeuq baih raeuz ceng mbouj geij lai ! Dangh naeuz mbouj miz diuz bien gyaiq , giz dieg haenx it dingh couh dwg diegcuengh raeuz gag gaem guenj !Vunz raeuz dox bae dauq couh gig fueng bienh !
Raeuz ndij diuz roen rin gaep byenz hwnj dongq bya baih swix ,aen bya neix haemq daemq , gwnz de miz Bauqdaiz . Diem song gaemz heiq ,raeuz couhfwt daengz gwnz dingj lo ,daix gaiq miz bak sam cib rin gaepbaenz neix .Youq gwnz dingj bya haenx ,vat caep miz Hauzgou ,Amqbauj ,Congh ndojbauq ,Ciengzdaemq ,lij louz miz Cingciuz daixbauj seiq monz . Daj gwnz dingj bya faen roengz bae ,baih bya namz haenx couh dwg dieg Yeznamz lo ,baih laj ndoi baij muenx Dilaez ,dauq cawq venj baiz hauh : Laez Gih . Raeuz raen yiengh ,byaij roen song ga cungj aeu siujsim, cij byaij giz dieg vunz byaij gvaq haenx ,dieg ywj cungj mbouj gamj yamq gvaq bae .Raeuz ndwn youq giz dieg ceiq sang yawj gvaq baih Yeznamz bae ,caemh raen aen Ganghlouz ,aen Bingyingz aen Mbanj vunz ,diuz roen ,gaiq raeh naz gyoengq Yeznamz ,lij raen gyoengq bing Yeznamz byaij yukyuk youq ndaw yingz de . Gou sup rim heiq ,hai caenh rengz mbat hemq : Huhuhu .......Huhuhu......Huhuhu..................,gij sing rienz gvaq bya gvaq lueg ,lienz yiengj baenz geij cib miuj cung .Saeh geiz heih ok lo ,youq baih Yeznamz aen ndoi doiq mienh, caemh miz sing hemq :Hu.....Hu......Hu.......,dwg bing Yeznamz gaen hemq gvaq daeuj ,yiengh haenx raeuz couh caiq hemq geij mbat ,goeng bing haenx caemh gaen hemq geij mbat ,doih gou duk gou naeuz , laj gvan bing guek raeuz caemh ok fuengz yawj raeuz , gou couh dingz mbouj hemq lo ,vaiq di byaij roengz bya .Giz dieg haenx caen lingz singj ,yaepndeu umx donq bauq ndeu gvaq daeuj ,raeuz couh yungzyed !Mbouj ndaej gwn laeujhoengz lo !
Raeuz fan dauq gvaq bae byenz dongq bya youq aen Louzgvan baih gvaz haenx , byenz daengz gwnz dingj ,yawj raen dieg fueng engq gvangq engq gyae lo , Dieg Cungguek caeuq dieg Yez namz caenh youq laj da liux ,gou ngeix : Giz dieg haenx cungj dwg diegcuengh raeuz ha ,mbouj rox diuz bien gyaiq song mbiengj Beix nuengx raeuz baenz lawz siengj ?
Seiq seiq yawj aen Gvan neix ,caen dwg giz dieg yungyiemj leih souj nanz gung ndeu , boux lawz ciemq ndaej de ,couh ndaej gungj ciq dieg fueng gaenh gyae geij cib goengleix ,mbouj guenj dwg seizneix rox naeuz daengz cog ,cungj dwg giz dieg gvan gig naek gaenj ndeu !
Miz coenz fwen eu de :
Gvan naek diegcuengh raeuz ,
Rumz fi louz fanh bi ,
Miz geij lai mingh si ,
Dai vih gungsouj de .
Raeuz roengz gvan le ,couh youq bak gvan dap ci dauq ma ,bakgvan haenx miz hauj lai ci dik ci Mohdoz caj hek ! Raeuz caiq heuh aen ci dik ,cig bae Bujsaiq ! bei---beih hwnh --hwnj
页:
[1]