[原创] CET YOUZ DIEGCUENGH
CET YOUZ Boengzciengz -Youjyiz Gvanh - Bujsaiq( 1 )
2005.1. 28 , Miz baengzyoux naeuz yaek bae Boengzciengz gwn laeuj hongz , yiu gou guh doih ,yiengh haenx gou couh bae lo, gou siengj caemh caiq bae youz yawj YoujYizgvanh caeuq Bujsaiq .
Cawx moix boux vunz sam cib maenz mbaw fei Ci Dietloh le, hwnj ci naengh 5 aen cungdiemj , gyang ngoenz 12 diemj couh daengz Boengzciengz lo ,
Singz Boengzciengz Vunzcuengh raeuz dox comz youq giz dieg haenx gig lai , ndaw singz Baengzciengz dauq cawq dwg Vunzcuengh gangj cuengh daj guh gak hong saeh ,daj guh gai cawx ,gyoengq de bungq boux gangj vah Beg ,couh aeu beg vah gangj ,yangz boux gangj vah Baekging couh aeu vah Bujdungh caeuq de gangj . Youq gwnz gai ,gou aeu vah Vujmingz daj cam cawx : ' Gij neix dwg gij maz ? ' ' Gau Sa ! ' ' Baenz lawz hai ? ' ' Gaiq Song maenz haj ' ' Gou cawx song gaiq ! ' Yiengh haenx raeuz song vunz it mienh gaetj gwn Gausa it mienh youz yawj singz Boengzciengz . Caen miz angq heiq , Youz diuz gai baek seiz ,youq bakdou aen Sinhvaz Suhdenq gwnz baj ciu baiz ,miz song hangz aeu Sawcuengh sij dwk hunghung ndeindei ,gwnz de song mbiengj sij : , Cungq gyang dwg seiq cih sawgun .Raeuz angq vietvuet haeuj bae yawj ndaw de gai gij maz saw ,ndaw de miz hauj lai saw vaih guek ,daeg bied saw Yitbwnj baij miz hauj lai , hoeng, gou mbouj raen miz saek bonj Sawcuengh ! ( Mouj caengz liux )
<P> Doq sij doq fat ,miz loek couh yinx ,miz mbouj rox couh daez !</P> Beixnuengx, mwngz sij liux menh fat mboujndaej ha? <P> Mbouj miz baenz lai seiz gan ha !</P> <DIV class=quote><B>以下是引用<I>AAAAAyingj</I>在2005-1-31 12:34:28的发言：</B>
... Youq gwnz gai ,gou aeu vah Vujmingz daj cam cawx : ' Gij neix dwg gij maz ? ' ' Gau Sa ! ' ' Baenz lawz hai ? ' ' Gaiq Song maenz haj ' ' Gou cawx song gaiq ! ' ...
</DIV>Aying beixnuengx, mwngz caendwg aeu Vahcuengh Vujmingz daeuj cam boux dajcawx haenx ha? Song boux sou cungj dingq ndaej rox gij vah boux doiqnaj ha? Gou roxnyinh Vahcuengh baihbaek caeuq baihnamz miz haujlai mbouj doxdoengz bw. Bi 1990 gou hix bae gvaq baez Boengzciengz, gou cij dingq ndaej rox saek di Vahcuengh gizhaenx, lumjbaenz "gwn", "byaij", gij soq-nung, song, sam, see, haj, hoeg, ... <P> Vah Vujmingz mbouj danh ndaej caeuq vah Boengzciengz dox doiq gangj ,lij caemh ndaej caeuq Yeznamz Bouxraeuz beixnuengx dox damz vah ,bae daengz Bujsaiq mwngz couh rox lo !</P> <P>Ayingj, gou rox lo. </P><P>Ayingj, mwngz gangj mwngz aeu gangj cet youz bw, Youz daih'it caengz gangj sat, gou caj mwngz swnj roengzbae bw. Ndaej hoengq couh vaiq sij okdaeuj hawj vunzlai raeuz yawj bw.</P> Ayingj, mwngz naeuz "2005.1. 28 , Miz baengzyoux naeuz yaek bae Boengzciengz gwn laeuj hongz", "laeuj hongz" dwg laeuj maz ha? Youhcaiq, "Bujsaiq" dwg dieg lawz, dwg dieg Yeznamz cixnaeuz dieg Cungguek? Miz lai Bouxcuengh youq Bujsaiq youq lui? <P> Laeuj hongz ---Louj hongz : Couh dwg Vunzsai Vunzbaz doxgap baenzgya cingj Song mbiengj beixnuengx boengyoux gwn louj angq hoh ! </P><P> Buj saiq dwg aen mbanj cuengh iq ndeu ,seiz neix youq mbanj Bujsaiq giz Cungguek caeuq Yeznamz bien gyaiq dox dem haenx hai aen doxgaiq dox gaicawx aen haw iq ndeu , fueng bienh Cungguek caeuq Yeznamz begsingq dox gyaulouz dox gai cawx ! Cungguek hauj lai dox gaiq couh dwg daj giz haenx dawz ok Dunghnamz yah ! caemh dwg Cungguek aen Bakgvan ndeu !</P> Laeujhoengz=喜酒。
页:
[1]