[原创]Mbanjcuengh Gou Vujmingz
<P>1) Mbanjcuengh gou Vujmingz ,</P><P> Mingzsing riuz dien'yah ;</P>
<P> Bouxlawz daeuj cet gvaq ,</P>
<P> Mbouj ajbak haenhndei .</P>
<P>2) Bya heu raemxdah saw ,</P>
<P> Caemh dangq ndaw dozveh ;</P>
<P> Mbouj dwg raeuz gag cej ,</P>
<P> Hanz geq cungj mbouj caez .</P>
<P>3) Raemx saw bya ndoi geiz ,</P>
<P> Seiqseiz cungj haeuj veh ;</P>
<P> Mwngz naihhoz menh deq ,</P>
<P> Caj gou geq mwngz ngi .</P>
<P>4) Baihdoeng Daqmingzsanh(Byacwx) ,</P>
<P> Lumj duzlungz banh biengz ;</P>
<P> Raen gyaeuj mbouj raen rieng ,</P>
<P> Ciengzlwenx hen mbanjcuengh .</P>
<P>5) Baihsae raengz Lingzsuij ,</P>
<P> Liz singz mbouj geij gyae ;</P>
<P> Raemx saw gingj caemh ndei ,</P>
<P> Seiqseiz cungj ndaej caemx .</P>
<P>6) Baihbaek Mingzsiuqyenz ,</P>
<P> Sam henz raemxdah geuj ;</P>
<P> Sikseiq faex heuseux ,</P>
<P> Roeg heuh bya cix faengz .</P>
<P>7) Baihnamz dap Vwnzgyangh ,</P>
<P> Cap bangx Dahvujmingz ;</P>
<P> Vi caenh baenz mbiengj singz ,</P>
<P> Sang dingx mbwn daemx deih .</P>
<P>8) Lij miz gamj Yihlingj ,</P>
<P> Gij gingj de engq ndei ;</P>
<P> Bya gyaeu congh gya geiz ,</P>
<P> Seiqseiz hek mbouj duenh .</P>
<P>9) Lij miz Byavuengzdauh ,</P>
<P> Daj dauqlaux cix cienz ;</P>
<P> Gwnz bya de miz sien ,</P>
<P> Hek gouzciem cix raeuh .</P>
<P>10) Lij miz Lozbohdanz ,</P>
<P> Youq henz ranz laj mbanj ;</P>
<P> Vunz bae youz doxcanj ,</P>
<P> Caemh gangj naeuz de ndei .</P>
<P>11) Lij lw Gijfungqsanh ,</P>
<P> Yanghsanhhoz bangxbien ;</P>
<P> Gingj ndei gvaq dieg sien ,</P>
<P> Cien nienz vunz cungj haenh .</P>
<P>12) Raemx gyaeu bya cix geiz ,</P>
<P> Dieg ndei vunz akmaenh ;</P>
<P> Hanz geq cungj mbouj caenh ,</P>
<P> Mbouj saenq mwngz daeuj youz .</P>
<P>13) Goengloh doeng bet fueng ,</P>
<P> Hek ciengzseiz mbouj caenh ;</P>
<P> Huq lai bouxboux haenh ,</P>
<P> Dwg faenhgou Vujming .</P>
<P> -------- Daegdenz Ranzcung</P>
<P> </P>
页:
[1]