[原创] Lienh Dai Mbouj Dai !
<P> Goj Vunz laux : LIENH DAI MBOUJ DAI </P><P> Ngoenz cog dwg ngoenz Ciet vunzlaux lu, gou sij bien goj ndeu soengq hawj vunzlaux guh ciet :</P>
<P> Youq Diegcuengh Vujmingz ,miz cik goj vunzlaux ndeu ,riengz ndaej gig gyae nanz !</P>
<P> Miz goeng vunzlaux ndeu vunz ndaw mbanj heuh de Goenbet , nienz geij caet cib geij bi lo ,seng miz daeg lwg ndeu caeuq sang dah sau, song dah sau haq bae dieg wnq lo, daeg lwg sam aeu yah le miz song ei lan , Goengbet caeuq lwg lan it heij gwn youq, saed ceij caemh gvaq ndaej bae ! Miz duenh seiz gan, aen vih lwg caeuq lwg bawx ciengx bang mou ma ngaiz ngvunh dai liux ,daengx gya souh daengz cai nanh , daengxgya gik heiq le cungj vih saeh iq dox ceng . Miz ngoenz ndeu, Lwg bawx yawj raen Goengbet gij buh vaq geij ngoenz mbouj saeg, couh naeuz de vunz mbouj gan seuq .Goenglaux dingq le, nginh naeuz lwgbawx ngaek Goengbet mbouj gan seuq haih dai doih duz mou duz ma, yied siengj yied gik heiq, vunz caemh lix gouq lu, caiq lix roengz bae miz gij ma eisei, yiengh haenx baenq ndang haeuj rug , duet dawz diuz sai boiq cug riet, dawz aen daengq raez , cuengq youq laj diuz gangqloz , couh dieb hwnj bae, dawz diuz saiboiq ban hwnj gangqloz cug ndei le, ngangx aen gyaeuj, caiq dawz diuz saiboiq venj youq aen hoz neih, songfwngz gaem ndaet diuz saiboiq, baez dik aen daengq , couh yaek diuq dai .</P>
<P> Goengbet cingq diuq dai seiz ,lwg bawx cingq umj lwg ra Goengbet hawj de bang yawj lwgnye le, de ndaej bae guh hong raeh naz ,cingq baez boenq ndang ,mbouj raen Goengbet lo !couh baenq haeuj ranz ra de .</P>
<P> Goengbet baez dik aen daengq, diuz sai boiq couh laed aen hoz Goengbet, laed dwk Goengbet gig hoj souh, caek laiq song fwngz mbouj caengz cuengq liux ,yiengh neix Goeng bet mbat saenqrengz daengx ndang ,song fwngz mbat yungh rengz duengh, aen rwenq baez sou, song ga mbat fan, couh fan ndang hwnj diuz gangqloz, naengh youq gangq loz gwnz diem heiqfwfw , doq gag damz naeuz : mbouj ndaej dai ! mbouj ndaej dai, dai caen hoj souh !</P>
<P> Meh lwg bawx umj leiq lan haeuj ranz, cingq raen goengbet naengh youq gwnz gangq loz damz mboed mboed, caen geiz heih , naeuz , iq-------Boh mwngz hwnj gwnz gangqloz bae guh gij ma ? Goeng bet mwh haenx caen sim vueng,lau lwg bawx rox de yaek diuq dai, couh naeuz, </P>
<P> Meh bawx yawj raen gij yiengh rox de dwg gaek heiq bonj faenh,yaek diuq dai, sim vueng dwk gvih roengz daeuj naeuz, boh ha gou loek lo, mwngz geij yiengh neix guh ha ! Lwgngyez couh doq gaen ndaej ! mwh haenx cingq raeb daeg lwg daj rog ma, gek leiz raen lwg ngez daej, caemh gvaq daeuj yawj, it heij bang dawz goeng bet daj gwnz gangq loz ciep roengz ma ! Gyoengq henz ranz naeuz de :Goengbet, mwngz heiq gij maz mbouj ndaej dai, diuzmingh vunz cij dwg miz diuz dog, daengz mwh dai mwngz yaek mbouj dai cungj mbouj ndaej ,vunz youq gwnz seiq, miz di sae guh couh gu, miz di saeh angq couh angq, cuengq soeng di !</P>
<P> Goeng bet caen siengj doeng lo .De mbat neix fan dauq engq lau dai lu ! De couh ngeix : Baenz lawz hawj diuz mingh lix ndaej engq ak ne ?</P>
<P> Diuz mingh yaek dai couh aen vih diuz mingh yieg , mbouj hawj diuz mingh dai haeh laux haeh ,couh hawj diuz mingh miz rengz rwd !baenz lawz ndaej hawj diuz mingh ndaej rengrwd ne ? De dauq ngeix youq cug hoz dai seiz ,baenz lawz ndaej miz rengz fan hwnj gwnz gangq loz nej ? Couh dwg de dang seiz mbouj siengj dai ! Mbat saenq ndang couh miz rengz lo ! </P>
<P> Caiq ngvanh ,goeng aueih de mwh dai seiz ,song ga mbat yiet, diuz mingh couh sat lu, yiengh neix ,de gamj souh daengz diuz mingh yaek hawj de mbouj yieg couh aeu lienh saenq rwd .</P>
<P> Mbat haenx de couh youq ban haet hwnj congz couq ban haemh yaek ninz seiz, couh dawz aen ndang baez saenqrwd baezsaenq rwd, gij yiengh lumj yaek mingh gat ne, saenq seiz song ga baez yiet, cienz ndang saenz rwd , caen dwg diuz mingh lienh dai !</P>
<P> Lienh duenh seiz gan le, aen ndang Goengbet caen dwg rengzrwd hwnj daeuj lo ,</P>
<P> Diuz mingh de cukcuk lai lix ndaej ngeih cib bi ! </P>
<P> dwg Goeng bet guh gangj, vah Goengbet youq ndaw mbanj riuz de riuz ndaej gig gyae nanz !</P>
<P> Goeng Loh manh ,Mwngz geij gik heiq gou, gou miz gij maz mbouj deng cingj mwngz yanzliengh ! </P> Gij Sawcuengh mwngz caen dwg luenhlablab ha! Yawj mbouj roengz bae, da naiq! Vah gou dwg vah vuj mingz ,Sawcuengh yawj mbouj gvenq mbouj gag mwngz ! gou caemh it yiengh , memhmemh nginh yawj luh , miz loek naeuz gou ngyi ,noj ! <P>AAAAyingj,mwngz ndei!</P><P>Bonjlaiz gou gig boiqfug mwngz baenzneix ndatsim Sawcuengh,lai baez aeu Sawcuengh daeuj sij diep,sawj gou gig gamjdoengh.Danhseih,mwngz doiq Bouxgun gangj gij vah haenx saedsaeh gvaqmauh di,sojyij couh daezsingj mwngz gaej gangj vah gik vunz lai,hixnaengz gou gangjvah sieng sim mwngz lo,doiq mbouj hwnj!Gvaqlaeng lij cingj songraeuz lailai doxnyiengh,caezsim vih Bouxcuengh raeuz guh ndei di saeh he,vih doiqgvangq Sawcuengh guh lai di saeh he.Mwngz naeuz ne?</P> <P>AAAAyingj, mwngz yawjyawj Lohmanh Lauxsae doiq mwngz baenzneix ndei, baezlaeng mwngz gaej caiq gangj vah gik heiq de lo, geiq ndaej bw!!! Gou caengz yawj sat gij vah de, gou raemxda couh roengz lo. Mwngz naemj naemj ha, gou dwg boux sai yaek gaeuq seiq cib lo cix roengz raemxda, hauj gamjdoengh ha!!!</P><P>AAAAying, baezlaeng mwngz, cix miz gou, cungj aeu ciengxlwenx geiq ndaej Lohmanh Lauxsae gij vah daezsingj mwngz haenx, gangjvah aeu naemj sam naemj seiq caiq gangj ok bak, mbouj ndaej gangj vah gik vunzlai. Raeuz aeu leix fug vunz. Raeuz cungj dwg Bouxcuengh, raeuz aeu doxgiet doxbang. Mwngz naeuz baenzlawz ha? Couh lumj Lohmanh Lauxsae gangj nei, Bouxcuengh raeuz aeu caezsim roengzrengz "vih Bouxcuengh raeuz guh ndei di saeh he,vih doiqgvangq Sawcuengh guh lai di saeh he".</P> <P> Gou mbouj rox baenz lawz gangj ! Do ci !</P><P> engq daih hong saeh dwg vih Sawcuengh ndaej youq dieg cuengh yung ndaej gvangqlangh ,sawj moix aen danh vei gij gveihcangh cidu ndaej aeu Sawcuengh ma dingh,dieg cuengh gag guenj gij fapleix ndaej aeu Sawcuengh ma sij , hawj Vunzcuengh ndaej ciuq aen gaiqniemh Sawcuengh guh, daengz ngoenz haenx , Lohmanh lauxsae gij mingz riuz ndaej engq gyae nanz , caemh dangq vih bonj faenh dem mingh , vunzdai mingh mbouj dai ,gij haenx couh dwg raeuz seiz neix aeu guh gij hongsaeh naek ndeu ! Dang naeuz raeuz laux lo ,guh mbouj ndaej ,aeu guh ndei ra ndei boux ciep dam guh, gij haenx caemh dwg hong saeh naek ha !Cij aeu gij hong saeh Sawcuengh mbouj gat, vunz raeuz dwg mbouj lumz boux guh gon di, dang naeuz hong Sawcuengh guh gat lo, yiengh haenx, hauj lai boux guh gonq gij hong haenx caemh gaen riengz roengz namh, gij haenx mbouj hoj sik ? </P><P> </P> Ayingj，三月三自然有自己的定位，在壮文工作上三月三杂志也不可能脱离目前壮文工作在各界都是属于坚守境地这样一个大背景，擅自给三月三制定这么多不现实甚至不可能实现的莫名其妙的高要求，无论是从逻辑上还是情理上都是说不通的。 <P> Gou naeuz mwngz guh Banjcawj mbouj yungh caeuq raeuz guh lwnh ,yaep lwnh saw le caiq mbaet gij hauh vunz , bouxlawz gamj caeuq mwngz lwnh dauh leix ? </P><P> Gou dwg mbouj doengz eiq gij gangj fap gwnz louz ! Aen vih :</P><P> ngoenz lawz ndaej saedyienh ? Hoengz ngoenz ngoenz cungj miz bang Gungcanj dangj vunz bae hemq ! </P><P> Gveihcangh cidu aen aen danh vei cungj miz , lau dwg Vunzcuengh raeuz mbouj bae guh lo ! Lau dwg Vunzcuengh saenz vunz gun lo !</P><P> </P> Baez laeng senj cungjbenh seiz raeuz sam nyied sam daengxcungq vunz angqcoux mwngz daeuj gingqcwngh guh cungjbenh,ndei lwi?
[原创] Lienh Dai Mbouj Dai !
<P>Hehe, gou hix doengz'eiq!</P> Mbefat Sawcuengh Vwnzva Dwg Hangh Hong Diuzmingh bouxboux Vunzcuengh ! -----Dapfuk Gueknding Bouxraeuz ! <P> Do cih Sou yawj ndaej hwnj gou , vih Vunzcuengh Sawcuengh guh saeh , mbouj dang guen guh hak gou it yiengh ndaej guh ! , cij mbouj gva guh ndaej saeh hung saeh iq ! </P><P> Dang guen guenj saeh guenj vunz caemh dwg it cungj nengz lig , guh ndaej ndei, Saehnieb Sawcuengh couh ndaej guh bae fafa , guh ndaej mbouj ndei , caemh dangq dingj raemx lae vaij huz , bae mbouj rengz couh ngaiz raemx dongj doiq ! </P><P> aeu miz bouxgyaeuj cujciz nengz lig ak , doengz seiz boux haenx aeu doiq Sawcuengh mbe fat miz saenq sim hix miz sim gei hix miz gak cungj soujduenq ban fap hai ok daeuj yoedyoed mbouj dingz , boux haenx couh dwg ndei bouxgyaeuj ! Gou cij mbouj gvaq dwg it boux Vunzcuengh bek singq , doiq Vunzcuengh raeuz gij vwnzvaq ngaiz aen minzcuz wnq at naenx yawj mbouj gvaq da lex, haengj aeu Vahcuengh ma gangj vah gvaiq , muengh Vunzcuengh raeuz gij vwnzvaq gaen ndaej hwnj aen minzcuz wnq , hawj Boucuengh raeuz guh Vunzcuengh mbouj satnaj ,ndaej angq yangx , gij haenx cij dwg gij muzbiuh fueng yiengq gou . Dang yienz , bouxvunz dog gij rengz dwg gig ngoiz , cujciz Vunzlai hab rengz guh saeh cij guh ndaej saeh hung saeh naek ! </P><P> dwg guh saeh hung saeh naek aen Sawcuengh vwnzvaq gihgouq , gou lij mbouj caengz miz nengz lig bae guh yiengh hong haenx ! </P><P> Vunzcuengh boux miz nengz lig gig lai ,hoeng couh lau de mbouj haengj vih Sawcuengh gij saehnieb mbe fat guh saeh , dang naeuz de miz sim bae guh , ban fap cungj dwg wng dang miz ,Saehnieb cungj dwg guh ndaej bae !</P><P> Guh ndaej bae caeuq guh ndaej bae fafa , gij haenx couh dwg boux cingxgyaeuj gij nengzlig fat ok gij yiengh , nengzlig ak , dangyienz couh daiq daengxgyoengq guh ndaej bae fafa ! </P><P> Vunzcuengh raeuz aeu roengz rengz ha ! Daeg bied boux ndwn youq aen vih naekgaenj haenx ! </P>
页:
[1]