<P> ... miz daiz byaek ndeu gou gag loengh : Cib deb byaek ,vanj dang ndeu .</P>
<P> Byaek miz : 1) diuz geiq raemxsaw dumq ndeu, 2)diuz bit youz cauq ndeu, 3)diuz bya leix youz cauq ndeu , 4), deb byaseng ndeu .5) deb noh mou cing youz cauq ndeu,6) deb dungx mou youzcauq ndeu, 7) deb nohma mwnq ndeu, 8) deb nohmou ndokbaiz cauh lex reh liuh saemj diemz ndeu ,9) noh vaiz cauj byaek saemj ndeu ,10) deb duh ceuj ndeu </P>
<P> Vanj dang miz : Noh neng youzcauq, raet rang, fenjseiq ,byaek angjgwx ndeu .</P>
<P> Vunz cuengh gyagya aeu moix ndwen cungj miz daiz byaek lumj haenx gwn, youq gij gwn fueng mienh couh suenq ndei gvaq lu !</P></DIV>
<P>Ayingj, mwngz dwg baenzlawz loengh 2) diuz (duz) bit youz cauq ndeu caeuq 4) deb byaseng ndeu?
<P>Gij Sawcuengh mwngz sij roengz neix haenx gou cungj yawj ndaej rox caez. Raeuz couh aeu lai di Sawcuengh daeuj gyaulouz ba.</P> <P> Bit youzcauq guhfap </P><P> Byaekliuh : Diuz bit cengh ( gaj ndei , miqfwn ,cawz dungx ) .</P><P> Boiqliuh : Youz song gaen .Dangz meg song liengx </P><P> Guh fap : Dawz diuzbit cengh aeu raemx goenj rih gvaq dangq ndeu ,yienz haeuh aeu dangz meg ( mwzyaz dangz ) heuz raemx goenj rih gvaq sam dangq ,rih doh le ,dawz duz bit rak song aen cung daeuz , rak daengz neng bit hawqsak . Ndaej le , couh dwk youz roengz rek ndat, youz ndat 180 doh baenz neix ( youz goenj hai va dingz saek di ),couh dawz duz bit dwk roengz bae cauq , cauq daengz hawj duz bit neng hoengz set, cug daengz ndaw couh ndaej hwnj rek lo ! roenq baenz gaiq cang deb couh ndaej hwnj daiz !</P><P> Haengj heiq aeu makgiz guh di diemz saemj liuh rih hwnj bae ,engq ndeigwn !</P><P> </P><P> Bya seng guh fap </P><P> Byaseng , dwg yiengh byaek Vunzcuengh haengjhaengj gwn ndeu , youq daengx seiq gyaiq, aen minzcuz gwn bya seng gig noix .</P><P> Dieg cuengh raeuz gak dieg miz gak dieg guh fap . Danh saeh , mbouj guenj yiengh guh fap lawz , cax ,heng aeu guh seuq ,ceiq ndei dwg aeu raemx goenj swiq gva ! ceij vuet bya aeu gij ceiq cengh haenx .</P><P> </P><P> Byaekliuh : Diuz byavanx songgaen naek baenz neix </P><P> Boiq liuh : gieng,louj ,begdangz ,gyu dwg gihbaenj liuh , youzduhdok , ningz mungq songaen, mak saemjmeiz roek aen (gij cimq gvaq ),ciengq makmoed byongh bingz ,raemx saemj ciengq youz aeu ngamj ,byaek sijsu, byaek gyaemq byaek rang aeu ngamj , youz lwgraz .</P><P> Loengh fap :</P><P> Dawz duz byavanx vetgyaep cawzdungxsaej cawz saih swiqcengh,yienzhaeuh aeu cax sekheh gij noh bya ok daeuj ,aeu ceijcengh vuetseuq , swk hawq . Swiq cengh hengcax haeuh dawz nohbya roenq baenz gaiq mbangmbet cuengq roengz deb , roenq gyieng sei bu youq gwnz noh, caiq dwkvanq di beg dangz, didi gyu guh diemz, yienz haeuh raix youzduh dok roengz bae ,couh ndaej deb noh byaseng lo !</P><P> Miz bya seng lij aeu guh gij boiq liuh caemj gwn cij ndei gwn ,gou gaiq cauq yiengh guh fap ndeu :</P><P> Ningzmungq, mak saemjmeiz roenq yungz,byaek rang,byaek sijsu ,byaekgyaemq swiqcengh roenq seiq, cuengq roengz vanj, gya raemxsaemj, ciengqmakmoed ,dangz, ciengqyouz, youz lwgraz, boiq ndei diemz saemj, roengzrek baez goenj ,aeu douqfaenj diuz ndei cukgwd ,daek hwnj rek rih di youz lwgraz ,gij liuh caemj noh byaseng couh guh baenz lo ! Miz mbangj boux gij ningzmungq mak saemj meiz byaek rang mbouj yungh dwk roengzcawj gvaq ,danh saeh aeu swiq cengh ! </P><P> Miz loek cingj dingcingq </P>
页:
1
[2]