[原创]Fwen Hai Ndwen Ngux [五月诗集]
<P> </P><P> Fwen Hai Ndwen Ngux </P>
<P>
1
Baujhoh Sawcuengh Vwnzvaq</P>
<P> </P>
<P> Sau: Gwn haeux guh saw cuengh,</P>
<P> Raeuz muengh ok ngoenz moq;</P>
<P> Ndaej ngoenz moq vunz gungz,</P>
<P> Sawcuengh bouxlawz guh? </P>
<P>
Sai: Caux ndaej ngoenmoq raeuz,</P>
<P> Sien aeu guh gwn daenj;</P>
<P> Miz gwn youh miz daenj,</P>
<P> Guh Sawcuengh mbouj haw!</P>
<P>
Cienz dwg youz vunz ngaenq,</P>
<P> Miz genz goj caux cienz;</P>
<P> Bouxcuengh caez dox giet,</P>
<P> Dued genz guh caux cienz.</P>
<P> </P>
<P> Sau: Miz vunz mbouj miz genz,</P>
<P> Cienz daj gizlawz aeu;</P>
<P> Boux gun hamhcaeh raeuz,</P>
<P> Guh Sawcuengh mbouj fouq.</P>
<P>
Bouxcuengh ngaiz dwk sanq,</P>
<P> Vunz rengz hangz caenx raeuz;</P>
<P> Gvaeg raeuz youh naenx raeuz,</P>
<P> yaek dawz raeuz bienq gun.</P>
<P> </P>
<P> Sai: Raeuz aeu dox bauj hoh,</P>
<P> Sam vunz dox bang hoh;</P>
<P> Guh gwndaenj guh loh,</P>
<P> Caez doxgiet buek dai.</P>
<P> </P>
<P> Miz vunz daeuj hangz raeuz,</P>
<P> Raeuz couh caeuq de douq;</P>
<P> Guh gung caiq ngvanh souj,</P>
<P> Bauj hoh cwngzgoj raeu.</P>
<P> 2
Fwen cam Lohmanh
Ngvanh fwen doengh ukgyaeuj,</P>
<P> Gwn louj manh dungxsaej.</P>
<P> Cam lohman laux sae,</P>
<P> Fwen sae miz ma dij?
</P>
<P> 3 </P>
<P>
Yawj Fuk Veh Gveiqlaemz Guh Fwen </P>
<P>
Lwg cuengh geiq roengz cienfanh daih,
Gveiqlaemz byaraemx dwg aen raeuz,</P>
<P> Ndaej hoengq bae daengz gveiqlaemz youz,
Aeu veh Sawcuengh guh geiq hauh.</P>
<P>
4
Haenh Fwenvuengz</P>
<P> Ngvanh fwen ngvanh ndaej akq,</P>
<P> Leux bak couh ok coenz,</P>
<P> Gaemz myaiz ndwnj caengz roengz,</P>
<P> Coenz laeng couh yaek ok </P>
<P>
5 </P>
<P> Yawj Fukveh Goeng Laux Bouxcuengh Daenjndaem Guh Fwen </P>
<P> </P>
<P>
Bouxdoj daenj ndaem vunz mbouj ndaem ,</P>
<P> Fwngz gaem lemcax muengh saemsaem ;</P>
<P> Dangnaeuz miz caeg gen baih laeng ,</P>
<P> Fan ndang couh dawz lem muet bae !
</P>
<P> 6</P>
<P> Naj Moq Rongh Saksak</P>
<P> 新面貌,亮堂堂</P>
<P> Caemh dangq sau gyaeu vuenh buh moq,</P>
<P> 好象新娘化新装,</P>
<P> Baez hai ok daeuj rongh saksak ;</P>
<P> 打开盖头一朵花;</P>
<P> Boux hai xienq raeuz sim hai langh ,</P>
<P> 进入在线心欢喜</P>
<P> Gyaez dwk haengj heiq haenh ok bak!</P>
<P> 个个爱的齐夸口,</P>
<P> Ndei ! ndei! Ndei !</P>
<P> 好! 好! 好!</P>
<P> 7 </P>
<P>
Fwen Haenh
</P>
<P> Vahcuengh Sawndip caeuq fwencoj ,</P>
<P> Daihdaih louzcienz daihdaih guh ;</P>
<P> Bouxcuengh giet sim doengzcaez gung ,</P>
<P> Mbouj lau fwnrumz byaraez dek !</P>
<P> </P>
<P> Gung roengz cekfwen Boux Roxdoh ,</P>
<P> Caiq caez guh doh saw fapleix ;</P>
<P> Lwgcuengh rox coj youh rox leix ,</P>
<P> Daih caez coengmingz Daih caez ak !</P>
<P> </P>
<P> Yawj raen dah goeng guh dwg rengz ,</P>
<P> Gaemz gyaeuj ngeng bit sij sawfwen ;</P>
<P> Lwg cuengh dangnaeuz mbouj gen rwenz ,
Coj goeng lwed hanh couh beg bae .</P>
<P> </P>
<P> Raeuz aeu geiq ndei gyoengq au neix ,</P>
<P> Lei lwed lei hanh coih fwen coj ;</P>
<P> Bouxcuengh daihdaih aeu cienz goj ,
Dawz au sinhoj rwenz lwg lan .</P>
<P> A.Cauyingj.Vangz ngvanh guh
Cingj dinghcingq
Bi 2004 \5 \28</P>
<P> </P>
<P> 8 </P>
<P> Bya Raemx Cing Gyaeu </P>
<P> Dieg cuengh byaraemx gyaeu ,</P>
<P> Hek daeuj youz ndindi ;</P>
<P> Daeg mbauq caeuq dahniq ,</P>
<P> Dox ying fwngz bae langh . </P>
<P> Caj daengz ngoenz ndaej hoengq !</P>
<P> Daz daengxgyoengq bae youz ;</P>
<P> Yawj byaraemx baenz gyaeu ,</P>
<P> Caen gyaez sim raixcai x .</P>
<P> </P>
<P> 9</P>
<P> Doeng lanz bya raemx </P>
<P> Dieg doenglanz raemx dah,</P>
<P> Miz ndoi bya miz ranz;</P>
<P> Goeng dwk bya diuq lamz,</P>
<P> Ngoenz rap bya guh yaengq.</P>
<P> Henz dah miz mak gyoij ,</P>
<P> Naz hai coij gig soh ,</P>
<P> lwg ngyez dox guh doih,</P>
<P> Henz loh ingjsiengq louz.</P>
<P> A.Cauyingj.Vangz</P>
<P> Bi2004 \6 \16</P>
<P> </P>
<P> </P>
<P> </P> 诗歌是不是应该放在书香文苑呢？
[原创]Fwen Hai Ndwen Ngux [五月诗集]
yes!
页:
[1]