[原创] Ngoenz Neix Gou Bae Gauj Sawcuengh
<p><font color="#0909f7" size="5"> ( 1 )</font></p><p><font color="#0909f7" size="5"> Aen cuz Bouxcuengh raeuz Miz Sawcuengh faen gaep gaujsiq ,mbat neix dwg mbat daih it ,mbouj guenj baenz lawz yiengh ,rox di sawcuengh cungj aeu bae cam gya ! Gij neix dwg guh vunz aeu rox gij leix ,vih gya cuz hwngvuengh ,caemh dwg vih guek gya hwng vuengh caemh dwg hwng vuengh bonjfaenh ,guh ak guh maenh bonj faen ! </font></p><p><font color="#0909f7" size="5"> Vunz Vujmingz beixnuengx boux rox sawcuengh bet cib lai vunz sawq mwh dox comz youq it heij ,rox nyinh sim angq raix caix , boux rox naj caemh gaem fwngz ,mbouj raen naj gvaq caemh gaem fwngz ,mwngz coenz gou coenz ,sawq mwh youq bak dou yienh cwngfuj doq bienq aen haw iq ndeu ; Rouz dox caez caj youq giz haenx ,it heij naengh ci bae Namz ningz cam gya gauj Sawcuengh . Mwh haenx sim gou gag naemj : Yienh Vujmingz ,roek cib geij fanh vunz , Son hag sawcuengh caemh dwg geij cib bi lo , douz roengz geij cien fanh maenz cungj mizlo ,hoeng ,ngamq miz bet cib lai vunz bae cam gya Sawcuengh faen gaep gauj siq ? Gij youq giz law ?</font></p><p><font color="#0909f7" size="5"> Gyoengq raeuz doq gangjbumbum doq hwnj ci ,youq gwnz ci ,boux gangj riu gangj angq ,boux lij dawz bonj ma fan yawj noednoed ! it loh roen ,hwnj diuz bingzgvangq roen suijniz ,aen ci buet ndaej vaiq raix caix ! Hauj lai dah sau youq gwnz ci caenh cam caenh cam ! Hag sawcuengh miz maz yungh ? Gauj sawcuengh miz maz yungh ? Mbouj miz saek boux guh han ,mbouj miz saek boux bae han ! Gij neix miz vunz rox ,miz vunz cang mbouj rox ,miz vunz caemh caen mbouj rox ! Miz vunz ganh seiq han bak : Vih guh laeb guek vunzcuengh guh cinj beiq ! Hehe , gou doq ngauz gyaeuj doq gag riu ! Gou ndaej hoengq le aeu sij bien [ Hag sawcuengh miz maz yungh ndeu !] </font></p><p><font color="#0909f7" size="5"> Bae daengz Namzningz giz gauj ciengz ----Ngeih cib gouj cungh , gyoengq vunz gauj sawcuengh bienq baenz engq gya lai lo ,aiq miz geij bak vunz baenz neix ,gou ndonq bae ndonq dauq ,cam hauj lai vunz ,bouxboux rox gangj cuengh ,hoeng ,cungj dwg gangj mbouj bienh geij lai ,caeuq geij boux minzcuz daih hag hag seng dox comz gangj goj ,gyoengq de caemh dwg gangj mbouj bienh geij lai ,hoeng menhmenh caemh gangj ndaej dox rox ! Caen dwg , Vunzcuengh liz gyae mbouj dox rox ,Dox gangj vah cuengh nyinh beixnuengx , gangj ndaej mbouj baenz naih maz lu , Dox comz sim angq cij dwg caen !</font></p><p><font color="#0909f7" size="5"> Rengh------Haeuj gaujciengz ! Baenz gyoengq vunz doq lumj bangx vaiz haeuj riengh ,gag boux gag ndonj haeuj ndaw fungh gyausiz ! Sawqmwh roxnyinh bauyouh rad ,gip bae cam boux guh hong gam gauj :" Giz biu youh youq giz lawz ?" Gyoengq de mbouj rox dingq vahcuegh ,bik gou aeu vah bujdungh cam ,gou ngengh mbouj aeu vah bujdungh cam ! lienz bae cam geij boux gamgauj ,gyoengq de cungj naeuz mbouj rox dingq vah cuengh , sat ,mwt heiq ! bauyouh bikgou gangj vah bujdungh ! Gou mwh haenx caen sim haenq ,baenz lai vunzcuengh sawcuengh lauxsae dai youq giz lawz ? Vih maz aeu vunzgun daeuj gam gauj vunz raeuz ? Gij neix caemh dwg cungjceh yiengh minzcuz yawj ngawz cwngcwz ndeu a ! Vunz lingjdauj raeuz vih maz hawj vunz cuzwnq yawj ngawz vunzcuengh ? </font></p><p><font color="#0909f7" size="5"> </font></p><p><font color="#0909f7" size="5"> </font></p><p><font color="#0909f7" size="5"> </font></p><p><font color="#0909f7" size="5"> </font></p><p><font color="#0909f7" size="5"> </font></p><p><font color="#0909f7" size="5"> </font></p> Naeuz naek mbouj naek ,naeuz mbou mbouj mbou ! Rox nyinh daez liengh lai di ,caenh sij mbouj dingz ,ngamq sij sat ,doq daengz seiz gan ,mbouj ndaej genj caz mbouj ndaej fan foek bae ngvanh ! <p>Ced meh de lo!boux boux haujguen cix mbouj rox gangj Cuengh ha?</p><p>Cam mwngz gawq ndeu:sawqdaez naek lwi?aencingz gou bae hauj gaebgak ndaej lwi?</p>
页:
[1]