[原创] Dwegcuengh Guh Hen
<p><font size="5"> ( 小小说 ) Goj Dinj Goj Mbanjyiuh Hen Dweg </font></p><p><font size="5"></font></p><p><font size="5"> Gangj daengz Mbanjyiuh vunzlaux lwg nyez comz youq bakmbanj laj go leiz ,mbangj dawz faexgyaengh ,mbangj dawz gvak ,couh yaek hemq hat dox caez bae caeuq gyoengq vunz vaih rog daeuj caeg vat gvangq haenx buek leix , mwh haenx ,gekleiz mbanj miz boux caencik ndeu ,singq vangz ,youq ndaw yienhsingz daj gai ,de dingq nyi naeuz ngoenzlwenz Gyoengq Mbanj Yiu bae caeuq vunz vaih rog dox ceng ,yiengh neix ,ban haet couh ganj daeuj daengz mbanj yiuh ,dawz de youq yienh singz dingq rox ndaej gij saeh lwnh naeuz gyoengq de nyi : Gyoengq vunz daeuj vat gvangq haenx ,laux banj dwg vunz aen Sengj Fuk Genq , Gyoengq de bae laengh ndaw yienh cawx genz vat gvangq , gaenq banh ndei gak yiengh cwngqgen ,hai liux geij bak fanh maenz ,hai cienz at gim bak fanh hawj Cwng Fuj ,yienz haeuh cij daeuj hai gij dweg sou , Cwngfuj nyinh naeuz giz dweg haenx dwg Guekgya ,yiengh neix couh hawj gyoengq de bae hai lo . Mbanjyiuh vunz singq max ,Goenglaux Maxfangz dingq sat couh hemq : Dwg Ha ,Dweg dwg Cunggek ,raeuz caemh dwg Vunz Cunggek , Vunzraeuz daj coj goeng youq neix ,giz dweg Ndoeng Yiuh it cig dwg raeuz aeu ma cuengq vaiz ,raeuz gwn gij raemx caemh dwg daj Ndoengyiuh lae gvaq ma , mwngz naeuz giz dweg haenx mbouj dwg giz raeuz ,boux lawz fug ? Cwngfuj mbouj miz genz han bak hawj vunz vaih rog daeuj giz haenx hai gvangq ,gyoengq raeuz caemh mbouj dap wngq ! Vunz lai dingq daengz yiengh neix ,couh caez hemq : Bae ,caeuq gyoengq de buek leix ,hawj gyoengq de dingz hong ! </font></p><p><font size="5"> Yiengh neix ,mbanj yiuh gyoengq haux seng caeuq vunz goeng ngeih cib geij vunz couh it haej hemqyaya bae Ndoengyiuh . Gyoengq de ganj roen lueg ,fan gvaq sam ngauh ndoeng cij ganj dangz laj ndoengyiuh , Gyoengq de cingq yaek haeuj aen Gvangq ciengz bae , ngamq daengz aen lingq iq ndoeng faex congz ,sawq mwh couh miz gyoengq vunz ndeu , sam cib lingz vunz ,gyoengq de hemq : Mbouj ndaej bae gvangqciengz ! Gyoengq Mbanj yiuh mbouj dingq gyoengq de ,ciuh bae ,gyoengq vunz laengz roen haenx couh dawz faex gyaengh hoenx gyoengq mbanj yiuh ,gyoengq mbanjyiu caemh hai hoenx , gyoengq vunz laengz roen haenx daeg daeg dwg haux seng rengzak ,dwn fwngz seuq rox gek rox hoenx ,ngamq yaep ndeu ,couh dawz gyoengq mbanj yiuh cienz bouh dwk laemx ,mbangj gyaeuj sieng ,mbangj fwngz ga in ,mbangj dungxin ndang in ,hoenx sat ,gyoengq laengz roenx haenx hat : Gyoengq sou caiq daeuj ,raeuz couh hoenx daengz dai ! </font></p><p><font size="5"> Gyoengq mbanj yiuh miz song sam boux lau dai ,ngamq hai hoenx couh doq buet gvaq oen cah bae ma gonq ,lw roengz ma gyoengq vunz couh dox umj dox ram dox rag menh menh bae ma Mbanj yiuh ,boux Gyaeuj sieng ok lwed aeu go diemjbit daem yungz le ap hwnj bae ,boux noh in ndok in aeu louj yw cat hwnj bae ! Dang haemh ,caez gya daiq in couh caiq youq laj go leiz dox comz lwnh saeh , mbangj lwnh naeuz : Gyoengq de vih maz rox gyoengq raeuz bae ra gyoengq de buek leix ne ? Mbangj lwnh : Bae Gunghanh Giz bauq anq , mangj naeuz bae laeng CwngFuj bauq saeh ! Mangj Naeuz : Bae miz maz yungh ,Cwngfuj caeuq gyoengq de dwg dox gap ,Gungh anh Giz dwg hen gij leih ik Cwngqfuj ,bae bauq mbouj miz yungh ! </font></p><p><font size="5"> Baenz lawz guh ? </font></p><p><font size="5"> Cingq caih gyoengq de mbouj rox yaek baenz lawz guh seiz , Goeng Vangz mbanj gek leiz couh gvaq daeuj , raen gyoengq Mbanj Yiuh dox comz lwnh saeh ,caemh bang gyoengq de ok cawj eiq : Geij yungh bae nauh saeh lo ,caiq bae aiq ok vunz mingh vw ! Goeng Maxfangz han de : Mbouj ndaej a laux go ,giz dweg haenx dwg dweg coj louz roengz ma hawj raeuz ,raeuz miz swzyin bae guh hen ,dai geij lai vunz raeuz cungj aeu bae hen !</font></p><p><font size="5"> Goeng vangz raen gyoengq de gig maenh sim ,couh ok cawj eiq : Gyoengq sou vunz noix rengz yieg ,ban ngoenz bae caeuq gyoengq de buek ,cimh dai ! </font></p><p><font size="5"> 'Ban haemh bae ra boux lawz ?' Daeg Maxiq vunz iq ,hoeng vunz seuq bak seuq ,hai bak cam .</font></p><p><font size="5"> " Ban haemh bae guh saeh ceiq ndei guh ,bae caemh gij ci gyoengq de ,bae caemh gij ranz gyoengq de ,gyoengq de mbouj deuz ha ? </font></p><p><font size="5"> Goengx Maxfangz naeux : Mbouj ndaej yiengh guh bw ,yiengh neix guh famh fap bw !</font></p><p><font size="5"> Goeng Vangz naeuz : Mbouj yiengh neix guh ,baenz lawz guh cij ndaej boenq gyoengq de deuz ? </font></p><p><font size="5"> Lwnh daengz hwnz ,caez gya cungj mbouj miz gij maz ban fap ,couh bae ma niz , Hoeng miz geij daeg haux seng lij mbouj ninz ,gyoengq de dod bae laj go maknganx naengh cit yien ,yaek dox caeuq bae guh daix saeh !</font></p><p><font size="5"> Daeg Max iq ,Daeg Maxraiz ,DaegMaxdoeg Sam boux dox yuk ,yaek bae guh caemh gij ci gyoengq vunz vaih dieg ! </font></p><p><font size="5"> ( Ngoenz laeng ciep gangj ) </font></p><p> </p><p> </p><p> </p><p> </p> 这种生活多好。令人向往。
页:
[1]