SINGMBWN BOUXCUENGH Yienh Ok Yinhfeih Yienghnduj[僚人家园]——壮族、布依族、岱侬族共同论坛『Sonhag Sawraeuz 僚文平台』

勒丁布壮 发表于 2008-10-20 22:56:00

SINGMBWN BOUXCUENGH Yienh Ok Yinhfeih Yienghnduj

SINGMBWN BOUXCUENGH Yienh Ok Yinhfeih YienghndujFwen Sei Namzningz Ciengq Ok Huzndei  Singzloeg Namzningz, dwg aen dieg fwen sei lajmbwn cungj maezlienh ndeu, hoeng gij fwen sei Namzningz dauqdaej miz geijlai yiengh cungjloih caeuq hingzsik biujyienh ne? Yawj gvaq Singmbwn Bouxcuengh aen bonjcomz yinhyoz neix le, gijmaz vwndiz cungj mbouj nanz gej lo. Vihliux angqhoh Ngoenzciet Fwen Sei Yisuz Guekcaeq Namzningz banh ndaej 10 hopbi、Dieggaggaem Bouxcuengh Guengjsae laebbaenz 50 hopbi, mboengqneix youz Veijyenzvei Saehhong Minzcuz Si Namzningz caeuq Ranzokbanj Yaemsiengq Denyingj Guengjsae doxgap ok le aen bonjcomz yinhyoz ndeu Cinggenj Fwen Sei Vahcuengh Namzningz—Singmbwn Bouxcuengh.Namzningz dwg aen dieg Bouxcuengh guh cawjdaej, lai aen minzcuz beixnuengx wnq doxcomz ndeu, Bouxcuengh daj ciuhgeq hwnj cix maij eu fwen guh sei, yungh fwen sei dangq vah, gyauyoux caeuq aeu yah aeu gvan. Eu fwen sei, maij fwen sei baenz le cungj gingjsiengq yienghnduj lai saek lai yiengh Bouxcuengh daeg miz haenx. Boux canghhag yinhyoz, boux fuveicangj Hoihhag Yinhyoz Minzcuz Vunznoix Cungguek Fan Sihmuj sienseng naeuz, fwen sei Namzningz cungjloih gig lai, yinhlwd daegbied. Daj gezgou daeuj faen, miz fwen liuzloz, fwenbaiz, fwenlaeggiek, fwen seiq roek lienz, fwen haj coenz; daj ciengqfap daeuj faen, miz bouhdansing, bouhsongsing, bouhsamsing daengj, daegsaek bonj minzcuz gig yienhda.Boux guvwn yisuz fwen sei Singmbwn Bouxcuengh Fan Sihmuj siensing, daegeiq yungh dingz diuhroegraeu bien le diuz giz Gyaeu Huzndei. De gaisau naeuz: “Gij fwen sei yienghnduj Bouxcuengh, dwg gij bouhfaenh youqgaenj gyoebbaenz gaiqce faenzvaq bakcienz caeuq feihvuzciz haenx, gij neihanz faenzvaq de gig fungfouq mojmwt. Doengzseiz, aenvih de gaxgonq yungh bak rwz daeuj swnjcienz ndwi, ndigah baujhoh caeuq mbefat de haemq nanz. Yienghneix, raeuz ciengjgouq dingz faenzvaq neix gaenq feiz remj bwnda lo.”Si Namzningz bingjdawz cungj cunghcij vatvit caeuq henhoh fwen sei yienghnduj Namzningz neix, cinggenj le fwen bouhsamsing Majsanh, fwen liuzloz Yunghningz, fwen seiq roeg lienz Sanglinz, fwen haj coenz Binhyangz, fwen baihsae Vujmingz, fwen Anhbingz Lungzanh daengj fwen cienzdoengj yienhda haenx, loegguh baenz aen bonjcomz Cinggenj Fwen Sei Vahcuengh Si Namzningz—Singmbwn Bouxcuengh, bonjcomz youz canghfwen okmingz bonjdieg ciengq, gij fwen yienghnduj caeuq gij gingj gyaeundei Namzningz doxgyau doxgap, lumjbaenz “sing’angq gwnz mbwn”.    (B. 08 Nd. 10 Ng. 20 daj Nanzgoz Ginhbau genj daeuj, Lwgnding Bouxcuengh hoiz)  Fwen sei---山歌Singzloeg---绿城Maezlienh—迷恋、眷恋Cungjloih---种类Hingzsik—形式Bonjcomz—专集，专辑，合辑Gej---解释Ngoenzciet Fwen Sei Yisuz Guekcaeq Namzningz---南宁民歌艺术节Mboengqneix---最近Veijyenzvei Saehhong Minzcuz Si Namzningz---南宁市民族事务委员会Saehhong—事务（hongsaeh—事业）Ranzokbanj Yaemsiengq Danyingj Guengjsae---广西电影音像出版社Doxgap—配合，联合Cinggenj—精选Cawjdaej---主体Doxcomz (comzyouq)—集合，聚居Dangq—相当、当作Gyauyoux—交友
（guhyoux,gangjmaij---恋爱）Aeu yah aeu gvan---谈情说爱Gingjsiengq---景象Daeg miz—特有Canghhag yinhyoz---音乐专家，音乐家
Lai saek lai yiengh---丰富多彩，多姿多彩Hoihhag---学会Hoihhag Yinhyoz Minzcuz Vunznoix Cungguek---中国少数民族音乐学会Yinhlwd—韵律Gezgou—结构Ciengqfap—唱法Fwen liuzloz---嘹罗山歌Fwenbaiz---排歌Fwenlaeggiek---勒脚山歌Fwen seiq roek lienz---四六联山歌Fwen haj coenz---五言山歌Bouhdansing---单声部Bouhsongsing---双声部Bouhsamsing—三声部   singmbwn---天籁之声 yinhfeih---韵味 yienghnduj---原生态、原始状态，最初样子 huzndei---和谐，和睦
[此贴子已经被作者于2008-10-20 23:20:37编辑过]

页: [1]

僚人家园's Archiver

SINGMBWN BOUXCUENGH Yienh Ok Yinhfeih Yienghnduj