[原创寓言故事]猫和狗的故事Goj Duzmeuz Caeuq Duzma
<p><font size="4"> Duzma caeuq duzmeuz doxdoih youq ranz ndeu,hoeng song duz neix aemj doxdoiq nauq,duzma cungj siengj haeb duzmeuz,duzmeuz cij ndaej ndoj youq gwnzranz. <br/></font></p><p><font size="4"> Miz ngoenz ndeu,duzmeuz laihnaeuz duzma bae lauh gvaq ,de cix roengz gwnzranz daeuj gwn ngaiz,hoeng de gwn haeux daengz donh,lwgfwt,duzma ok baihlaeng buet gvaq daeuj,ak bak lauxdengzdengz---haeb coq! Duzmeuz ga raek lo. <br/></font></p><p><font size="4"> Daj seizde hwnj,duzmeuz byaij roen cix ndiengqgadgad lo. <br/></font></p><p><font size="4"> Bouxcawj rox liux cix guh gaiq dwngx ndeu hawj duzmeuz,hauhneix duzmeuz byaij roen cix lai ngaih di lo. <br/></font></p><p><font size="4"> Duzma hix deng bouxcawj ndaq ,bouxcawj naeuz duzma:langh mwngz haeb duzmeuz dem,mwngz cix deng gaj bae,rox le?! <br/></font></p><p><font size="4"> Hauhneix,duzma cix aemj gamj haeb duzmeuz lo. <br/></font></p><p><font size="4"> Gvaq ndaej gaxlai nanz liux,duzma lumz bae dwg de haeb duzmeuz baenz hauhde lo,de raen duzmeuz ngoenzngoenz gaemh gaiq dwngx ndeu baebae daeujdaeuj,dungx gig aemj soeng,ngeix naeuz:Vihmaz duzmeuz miz gaiq dwngx ndeu dawz,gou dauq aemj miz ne?De bingh gijmaz miz aen gienhleih neix?Fapdwd doenghduz naeuz:duzduz miz daeuj cix bingzdaengj,vihmaz de miz gienhleih gag?Gijneix aemj bingzdaengj!Aemj bingzdaengj! <br/></font></p><p><font size="4"> Hauhneix,de ngoenz ngoenz nauhmbutmbut,damzbyoedbyoed,ngeix naeuz swhgeij vi lai,bouxcawj aemj gyaez de,cij maij duzmeuz.De dazsing rauq ha rauq,bouxcawj fug lo,hix guh gaiq dwngx ndeu hawj duzma. <br/></font></p><p><font size="4"> Duzma riuhehe,angqrotrot,damz naeuz:hauhneix het goengbingz ma !</font><br/> <br/></p><p></p><p><img src="attachments/dvbbs/2008-9/200891917321421097.jpg" border="0" onclick="zoom(this)" onload="if(this.width>document.body.clientWidth*0.5) {this.resized=true;this.width=document.body.clientWidth*0.5;this.style.cursor='pointer';} else {this.onclick=null}" alt="" /><br/></p>[此贴子已经被作者于2008-9-27 10:24:06编辑过]
页:
[1]