[原创] Dah Uek Reuq Dai Vunzcuengh Mbouj miz vunz guh guenj ?
<p><font face="Times New Roman" color="#0000ff" size="5"> Dah uek reuq dai vunzcuengh ,Gouz gouq dwegcuengh cwngfuj ! </font></p><p><font face="Times New Roman" color="#0000ff" size="5"> Dweg cuengh Saehcingz lij dwg youz vunzcuengh raeuz bae guh cij ndaej ,yiengh neix cij ndaej mbouj hawj vunzgun yawj vunz raeuz daiq ngawz ! </font></p><p><font face="Times New Roman" color="#0000ff" size="5"> Raemx dwg gwnz digiuz doih duz mingh mbouj ndaej noix yiengh gig youq gaenj gij gwn ndeu ,vunz mbouj miz raemx gwn dingx mbouj ndaej caet ngoenz couh dai mingh ,gya mbouj miz raemx yungh daengx gya couh mbouj miz ban fap youq giz haenx gvaq ngoenz gvaq saedcaej ! dwegcuengh dah meg ,mboqmeg ,raemx goek cungj dwg ndaej ciengx hung vunz raeuz daih youh dam daih ,doengh diuz dah meg ,mboq meg neix caemh dangq diuz mingh raeuz it yiengh !dangnaeuz ngaiz vunz vaih guh uek ,vunz mingh raeuz couh souh daengz dai rengx haephangz ,hingzsik couh dwg dangq vunz dig gaem cax daengjhoz yaek gaj raeuz it yiengh ! </font></p><p><font face="Times New Roman" color="#0000ff" size="5"> Vunz diuz mingh dingz buenq youz raemx gyaeb baenz ! Hen hoh dwegcuengh raemx goek ,dah meg ,raemx mboq cenghseuq an cienz couh aeu lumj hen hoh diuz mingh raeuz it yiengh yawj naek ! </font></p><p><font face="Times New Roman" color="#0000ff" size="5"> Seiz neix ,dwegcuengh Dwzbauj beixnuengx songdiuz dah meg ngaiz Gunghcangj guh uek ,cizcez haep hangz gyoengq beixnuengx raeuz geijcib fanh diuzmingh gwn youq ancienz ,dwegcuengh gih lingj dauj aeu majsangq hengz doengh hwnj daeuj ,cujciz miz gven buqmenz bae guh geij yiengh hongsaeh laj neix cij doiq ndaej hwnj geij cib fanh Dwzbauj beixnuengx :</font></p><p><font face="Times New Roman" color="#0000ff" size="5"> it : Cujciz Gunghanh ,Genjcaz ,Fazyenq ,Cwngfuj wanzgingj bu dox gap Bae Vazngaenz lijcangj caz cing dwg byawz roengz cawj eiq hai bak baiz uek roengz dah ,dang naeuz dwg lingj dauj ,aeu maj sangq gaeb dawz hwnj daeuj !dang naeuz dwg raemx uek saetlouh ,aeu ra gaeb daengz boux swzyin ! Dang naeuz dwg guh cangj sezgiq baiz uek roengz dah ,couh aeu bae gaeb dawz gyoengq guh sezgiq gyoengq vunz caeuq gyoengq lingjdauj de !</font></p><p><font face="Times New Roman" color="#0000ff" size="5"> ngeih : Cujciz lingh aen conhgyah cuj bae bingzguh song diuz dah ngaiz guh uek sawj dwegcuengh vunz raeuz saet bae geij lai ,it dingh dawz diuz soq guh suenq ok daeuj ! it dingh aeu suenq ndei diuz dah song henz miz geij lai vunz sawj yungh diuz dah gij raemx ,miz geij lai doih duz sawjyungh diuz dah gij raemx ,miz geij lai reihnaz sawjyungh diuz dah gij raemx ! ndaw dah miz geij lai bya ngaiz dai mingh !miz geij lai boux baengh diuz dah dwkbya gwn gyoengq vunz ngaiz mbouj miz gwn guh ! Saet bae geij lai aeu suenq daengz geij lai maenz !</font></p><p><font face="Times New Roman" color="#0000ff" size="5"> Sam : it mienh diuq caz it mienh doq yiengq daengx gih vunzlai guh boq gangj !yiengh neix cij fug ndaej vunz lai !</font></p><p><font color="#0000ff"></font><font face="Times New Roman" size="5"> </font></p><p><font face="Times New Roman" color="#0000ff" size="5"> Dang naeuz dwegcuengh cwngfuj mbouj bae guh yiengh hong neix ,yiengh neix dwegcuengh vunzgyoengq cwngfuj guh laeb couh saet bae iqyiq lo ! Couh dwg naeuz Dwegcuengh vunzraeuz gaenq mbouj miz Cwngfuj lo ,dwegcuengh vunz cuengh aeu gag cujciz bonj faenh dangjbai caeuq cwngfuj cij ndaej caen cwngq bae vih Vunz raeuz guh cawj lo !</font></p><p><font face="Times New Roman" color="#0000ff" size="5"> </font></p>
页:
[1]